གནས་གྲོགས་ཟས་གོས་བྱད་གདོན་སོགས་ལ་བརྟེན་པའི་གྲིབ་དང་མི་གཙང་བ་དང་དེས་བསྐྱེད་པའི་ནད་ཡམས་ཐམས་ཅད་འཕྲལ་དུ་ཞིབ་དང་སྲུང་བར་འགྱུར་རོ༔ གནས་ཆེན་རྣམས་སུ་སྐྱེས་པའི་བཟང་ཤིང་སྨན་སྤོས་ཀྱི་རིགས་ལ་གཞི་བྱས་ཏེ༔ ག་བུར༔ གུར་གུམ༔ གི་ཝཾ༔ ཤུ་དག༔ ཙནྡན་དཀར་དམར༔ ཨ་གར་དཀར་ནག༔ གུ་གུལ་དཀར་ནག༔ ཆུ་ཤེལ༔ རྒྱ་སྤོས༔ སྤང་སྤོས༔ བྲག་སྤོས༔…

མཁའ་འགྲོའི་རྒྱས་པའི་ཕྲིན་ལས་ཀྱི་སྦྱོར་བ་ཟབ་མོ་ཨྠྀི༔ དང་པོ་ནོར་སྒྲུབ་པ་ནི༔ དཔལ་ཆེན་གྱི་ཐོད་པ་བཀྲ་ཤིས་པའི་ལག་ནས་བྱུང་བ་སྨན་དང་དྲིས་བྱུག༔ རིན་ཆེན་ལྔ༔ དར་སྣ་ལྔ༔ འབྲུ་སྣ་ལྔ༔ སྙིང་པོ་ལྔ༔ བཟའ་བཏུང་ལྔ༔ [ཟན། ཁུར་བ། ཤ །ཆང་། ལ་ཕུག །]གཞན་ཡང་དཔལ་ཅན་གྱི་རྫས་ཇི་སྙེད་པ་ཁྲོལ་བུ་དང་རིལ་བུས་བཀང་༔ དར་གྱིས་ཁ་བཅད་ལ་སྟེགས…

ཧཾ་སྭཱ་ཧཱ༔ ཞེས་བཟླ༔ གཏོར་ཚོགས་སོགས་ཀྱིས་མཆོད༔ ཐུགས་དམ་བསྐུལ་བ་ནི༔ ཨོཾ༔ བཅོམ་ལྡན་རྡོ་རྗེ་བཙུན་མོ་ཡུམ༔ འདོད་རྒུའི་དངོས་གྲུབ་མཆོག་སྩོལ་མ༔ མཁའ་འགྲོ་རྒྱ་མཚོའི་འཁོར་དང་བཅས༔ རྣལ་འབྱོར་གདུང་བས་གསོལ་འདེབས་ཅན༔ ཐུགས་རྗེའི་ཡེ་ཤེས་ཕྱོགས་བརྒྱར་སྤྲོས༔ སྣོད་ཀྱི་དྭངས་མ་བཅུད་ཀྱི་གཡང་༔ འཁོར་འདས་ཀུན་གྱི་དཔལ་དང་སྟོབས༔ ཕ…

སྲིས་རྨེ༔ འབྱོར་པ་ངང་གིས་འདུ༔ མཐར་ཐུག་ནམ་མཁའ་མཛོད་ཀྱི་ཡོ་བྱད་ལ་དབང་སྒྱུར་བར་འགྱུར་རོ༔ སྒྲུབ་རྫས་དང་ཐོད་པ་སོགས་མ་རྙེད་ན་རྟེན་གཏོར་ནོར་བུ་འབར་བའི་དབྱིབས་ཅན་རིན་ཆེན་འབྲུ་སྨན་དར་ཟབ་བཟའ་བཏུང་བཟང་པོས་བསྐོར་བ་ལ་བརྟེན་ནས་བསྒྲུབ་ཀྱང་རུང་ངོ་༔ གཉིས་པ་ཤེས་རབ་སྒྲུབ་པ་ནི༔ མདུན་དུ་མཎྜལ་ཐོད་ལེ་སྐོར་གྱིས་ཆོས་འབྱུང་ཟ…

ཐིམ་པས་ཁ་དོག་དྲི་རོ་ནུས་མཐུ་ཕུན་སུམ་ཚོགས་པར་བསམ་ལ་ཧྲཱིཾཿའབའ་ཞིག་གིས་ཟླས་པ་ཁྲི་དང་༔ སྒྲུབ་སྔགས་ཀྱི་ཤམ་བུར་དབྱངས་གསལ་དང་༔ ཨོཾ་པི་ཙུ་པི་ཙུ་པྲཛྙཱ་ཝརྔྷ་ནི་ཛྭ་ལ་ཛྭ་ལ་མེ་ངྷ་ཝཪྡྷཱ་ནི་རི་ངྷི་རི་བུངྔྷི་ཝཪྡྷཱ་སྭཱ་ཧཱ༔ ཞེས་པའང་ཇི་ལྟར་རིགས་པ་བཟླས་པས་བྱིན་གྱིས་བརླབ༔ དེ་ནས་ལེགས་པར་བཏགས་ལ་བ་དམར་པོའི་འོ་མ་དང་༔ ར་དཀར་…

བསྡུས་ཏེ་བདག་མདུན་ལ་ཐིམ་པས་ཡེ་ཤེས་ཀྱི་གཟི་བྱིན་མཆོག་ཏུ་འབར་བར་བསམ་ལ་ཧྲཱིཾཿཁྲི་ཕྲག་གསུམ་དང་༔ སྔགས་རིང་ཡང་ཇི་ལྟར་ནུས་པ་བཟླ༔ ཐུན་མཚམས་རྣམས་སུ་གཏོར་ཚོགས་སོགས་བྱ༔ འོད་དང་སྒྲ་སོགས་རྟགས་མཐོང་བའམ་བཟླས་གྲངས་རྫོགས་པ་ན་དངོས་གྲུབ་བླང་༔ ལྷ་འོད་དུ་ཞུ་བ་སྨན་གྱི་རིལ་བུ་མཐོང་ཐོས་དྲན་རེག་ཐམས་ཅད་བློ་དང་ངག་གི་དངོས་གྲུབ…

འཆི་མེད་མཁའ་འགྲོའི་ཚེའི་ལས་ཚོགས་ཟབ་མོ་ཨྠྀི༔ འཆི་མེད་ཌཱ་ཀིའི་ལས་ཚོགས་ནི༔ བསྙེན་སྒྲུབ་ཐེམ་པའི་རྣལ་འབྱོར་པ༔ བྱང་ཆུབ་སེམས་བསྐྱེད་དམ་ལྡན་པས༔ རང་གཞན་དོན་དུ་འདི་ལྟར་བརྩམ༔ ས་མ་ཡ༔ དེ་ལ་དང་པོ་བྲིས་སྐུ་ལ་བརྟེན་ནས་ཚེ་བསྲིང་བ་ནི༔ བླ་མ་ཚེའི་གྲུབ་བརྙེས་སྐུ་ཚེ་རིང་པོར་བཞུགས་པའི་ན་བཟའ་འམ་ཕྱག་ནས་བྱུང་བའི་རས་ལ་རས་འདུལ…

ལ་མཆོད་ཚོགས་རྒྱ་ཆེན་པོ་དང་བཅས་ཏེ་རབ་ཏུ་གནས་པས༔ སྐུ་ལས་འོད་འཕྲོ་བ་དང་༔ ཉམས་དགའ་བ༔ བྱིན་ཆགས་པ་སོགས་ཡེ་ཤེས་ཕེབས་པའི་ལྟས་བྱུང་ན༔ མཐོང་ཚད་ཚེའི་བར་ཆད་ཞི༔ ཡེ་ཤེས་རྒྱས་པར་འགྱུར་རོ༔ དེ་ལྟ་བུའི་བྲིས་སྐུ་དེ་ཉིད་དམ་ཚིག་དང་ལྡན་པས་ཕྱག་མཆོད་ཀྱི་ཡུལ་དུ་བྱ༔ སྒྲུབ་པའི་ཚེ་མདུན་དུ་དགྲམ༔ དུས་བཟང་ལ་མར་མེ་གཙོ་བོར་གྱུར་པའི…

སྔགས༔ དེའི་ཕྱི་རོལ་པད་འདབ་ཉེར་ལྔར་ཞེན་ཟློག་རང་བྱུང་ཡི་གེ་ཉེར་ལྔ༔ དེའི་ཕྱི་རོལ་དུ་དབྱངས་གསལ་རྟེན་སྙིང་འདོད་གསོལ་སོགས་དང་རྡོ་ར་མེ་རི་བྲི༔ ཚེ་རྫས་དང་བདུད་རྩིས་བྱུགས༔ རབ་གནས་ཚུལ་བཞིན་དུ་བྱ༔ དར་སྣ་ལྔས་དྲིལ་ནས་སྤྱི་བོའམ་མགུལ་ལ་སོགས་པར་འཆང་བས༔ ཚེ་བགེགས་ཞི༔ ཚེ་བསོད་ཡེ་ཤེས་རྒྱས༔ ལུས་དེ་ཉིད་ཀྱིས་གྲོལ་ཏེ་འཆི་བ…

རྩི་བཞི་སོགས་ཚེ་རྫས་དང་ཆོས་སྨན་ཁ་ཚར་སྦྱར༔ འོ་མའི་ཁཎྜ་མངར་གསུམ་བཅས་རིལ་བུ་ལུག་རིལ་ཙམ་དུ་དྲིལ༔ ཐོད་པ་བཟང་པོར་བླུགས་ལ་ལྷར་བསྐྱེད་དེ་ཚུལ་བཞིན་དུ་བསྒྲུབ༔ ཁྱད་པར་གྱི་སྔགས༔ བྃ་ཧ་རི་ནི་ས་མ་ཧཱ་པཉྩ་ཨ་མྲྀ་ཏ་ར་སཱ་ཡ་ན་ཨཱ་ཡུརྫྙཱ་ནས་སརྦ་སིངྔྷི་ཧཱུྃ་ཧྲཱིཿཋཱ༔ ཞེས་ཁྲི་འབུམ་སོགས་བཟླས༔ རྟགས་བྱུང་བ་ན་ལྷ་རིལ་བུར་བསམ་ལ་ཡར…

སྣོད་ཆུ་གཙང་གིས་དགང་བའི་ནང་དུ་བཅུག༔ ཉེ་ལོགས་སུ་འབྲུ་སྣའི་ངར་ཕྱེ་འབྲུ་སྨན་དཀར་མངར་བསྲེས་པ་ལས་བླ་གླུད་ལུང་ཏང་གི་མིག་སོགས་རྫས་དང་ལྡན་པ་མཛེས་བརྗིད་ཅན་ལ་དཀོར་ཆ་སྣ་ཚོགས་པས་བསྐོར་བ་དང་༔ བསྒྲུབ་བྱའི་དྲི་མ་དང་བསྲེས་པའི་ངར་གླུད་ཆངས་བུ་མང་དུ་འདུ་བྱ༔ ལས་གཞུང་བསྲང་ལ་ཚེ་སྔགས་གང་མང་བཟླས་པས་ནུས་ལྡན་དུ་བསྒྲུབ༔ ཡང་གླ…

ཕྲན་ཆངས་བུ་སོགས་མང་དུ་བཤམ༔ ལས་གཞུང་བསྲངས་ལ་ཚེ་བསྙེན་སྟོང་ཕྲག་ལས་མི་ཉུང་བར་བཟླ༔ དེ་ནས་གླུད་རྫས་བྱིན་གྱིས་བརླབ༔ མགྲོན་དགུག༔ སྔགས་དང་གྱེར་གྱིས་བསྔོ༔ སྐབས་སུ་བདེན་སྟོབས་བརྗོད༔ ལོ་གྲངས་སོགས་རྫོགས་པ་ན་ལམ་བསྟན༔ ཡངས་རྣམས་རྒྱང་རིང་དུ་བསྐྱལ༔ མཚམས་བཅད་སྲུང་འཁོར་བསྒོམ༔ བསྒྲུབ་བྱ་ལ་ཚེ་དབང་བསྐུར་བའམ་ཚེ་འགུགས་རྒྱས…

པ་ཐུན་མོང་གི་མན་ངག་ཡང་དག་པའོ༔ དེ་ནས་ཐུན་མོང་མ་ཡིན་པ་ཁྱད་པར་གྱི་ཚེ་སྒྲུབ་པའི་གདམས་པ་མཐར་ཐུག་པ་ནི༔ ཚེ་ལམ་གྱི་ཕྱག་རྒྱ་མ་པདྨ་ཅན་གྱི་བདེ་བའི་བཅུད་བསྡུ་བ་ལ་བརྟེན་ནས་འཆི་མེད་ཡེ་ཤེས་རྡོ་རྗེ་དྭངས་མའི་སྲོག་བསྒྲུབ་པ་སྟེ༔ གུད་དུ་སྦས་པའི་མན་ངག་མཁའ་འགྲོའི་སྲོག་གི་རྒྱ་ཅན་ལས་ཤེས་སོ༔ ས་མ་ཡ་གུ་ཧྱ༔

སྔགས་ཀྱི་སྲུང་མ་སྒྲུབ་པ་ནི༔ སྲོག་ལ་དབང་ཐོབ་རྣལ་འབྱོར་པས༔ དུར་ཁྲོད་ལ་སོགས་ལས་མཐུན་སར༔ བདུད་རྩི་ལྔས་བྱུགས་སྟེགས་བུ་ལ༔ རོ་སོལ་ཆོས་འབྱུང་པདྨ་བྲི༔ དེ་དབུས་སྲོག་རྟེན་བ་ལིཾ་ཏ༔ ཐུན་མོང་ཁྱད་པར་དམ་ཚིག་རྫས༔ གཞུང་བཞིན་ཚོགས་པར་འདུ་བྱས་ལ༔ གྲུ་གསུམ་དམར་ནག་མེ་རླུང་འཁྲུགས་པའི་དབུས༔ པདྨ་ཉི་ཟླ་བམ་རོའི་གདན་གྱི་སྟེང་༔ བ…

ཤ་ཁྲག་གཏོར་མ་བསྔོ༔ འཁོར་ལྕུགས་བཤགས་ལ་བླ་རྡོ་བཅང་༔ དམ་ཚིག་ལྡན་ན་གྲིབ་བཞིན་འགྲོགས༔ ཁྲོས་མ་གསང་བའི་ཏི་ཀ་སྟེ༔ བརྒྱུད་འཛིན་སྙིང་འདྲའི་བུ་གཅིག་ལས༔ མང་དུ་སྤེལ་ན་རང་ཉིད་བརླག༔ དེ་ཕྱིར་འདི་ལ་གཅེས་པར་ཟུངས༔ ས་མ་ཡ༔

༄༅། །ཟབ་ལམ་མཁའ་འགྲོ་སྒྲུབ་པའི་བརྒྱུད་འདེབས་བྱིན་རླབས་བཅུད་འབེབས་ཞེས་བྱ་བ་བཞུགས་སོ། །སྲིད་ཞིའི་ཁྱབ་བདག་འཆི་མེད་སྣང་མཐའ་ཡས། །སྙིང་རྗེའི་གཏེར་མངའ་པདྨ་ཀུན་ཏུ་འཆང་། །སྤྲུལ་པའི་སྐུ་མཆོག་མཚོ་སྐྱེས་རྡོ་རྗེ་ལ། །གསོལ་བ་འདེབས་སོ་བྱིན་རླབས་དངོས་གྲུབ་སྩོལ། །ཌཱ་ཀིའི་གཙོ་མོ་དབྱིངས་ཕྱུག་མཚོ་རྒྱལ་ཡུམ། །གདམས་པའི་མཛོད…