པ་ནི་སྐྱིལ་ཀྲུང་བཤིག་མ་ཐག་འཕར་སྟངས་ཀྱིས་ཙོག་པུའི་ཐོག་ལག་གཉིས་ཁུ་ཚུར་བསྣོལ་འགྲོལ་བཅས་པུས་སྟེང་། བརླ་སྟེང་། བརླ་རྩ། པུས་མོའི་བར། དཔྲལ་བ་བཅས་ལ་བཞག་མཐར། མཆན་བརྡབ་ཀྱིས་བར་འབེབས་གསུམ་དང་འབེབས་ཆེན་གསུམ། གསུམ་པ་ནི། སྐྱིལ་ཀྲུང་ཐོག་ཁུ་ཚུར་བསྐོར་བརྒྱང་ལན་གཅིག་ནས་ཐལ་མོ་ཐག་སྒྲ་བཅས་སོར་མོ་རྣམས་བསྣོལ་བཞིན་པར་བྲང་ལ…

ཐལ་མོ་བརླ་གཡས་གཡོན་སོ་སོར་བརྡབ་པ་དང་ལྷན་དུ་རྒྱབ་འགྲོས་གསུམ་གྱི་རྗེས་ལ་རྐང་ལག་གཉིས་མདུན་ཕྱོགས་སུ་བརྐྱངས་པའི་བརྐྱང་འབེབས་གསུམ་བྱའོ། །གཉིས་པ་དངོས་གཞི་འདྲེན་གྱི་འཁྲུལ་འཁོར་ལའང་ལྔ་ལས། དང་པོ་ནི། སྐྱིལ་ཀྲུང་ཐོག་ལག་གཉིས་ཁུ་ཚུར་བསྐོར་བརྒྱང་གིས་པུས་སྟེང་དུ་འཇོག་ཅིང་། ལུས་ཅུང་ཟད་རྒུ་ཞིང་དགྱེ་ཉམས་ཀྱིས་ངག་ནས་ཧཱུ…

གསུམ། དེ་བཞིན་གཡས་གཡོན་གོ་བརྗེས་ཏེ་རྐང་གཡོན་གྱི་མཐིལ་བརྡབ་པ་ལན་གསུམ། ཡང་སྔར་བཞིན་གཡས་པས་བརྡབ་པ་ལན་གསུམ་མཐར་འབེབས་ཆེན་གསུམ། བཞི་པ་ནི། ཁུ་ཚུར་བསྐོར་བརྒྱང་མཐར་ལག་གཉིས་སྙིང་གར་བསྣོལ་ལ་ཕྱིར་བཀྲོལ་བ་པུས་སྟེང་དུ་འཇོག །ལུས་ཅུང་ཟད་དགྱེ་ཉམས་ཀྱིས་ངག་ནས་ཧཱུྃ་ཞེས་པའི་གདངས་ཀྱིས་སྟོང་འདྲེན་ལན་གསུམ་མཐར་སྐྱིལ་ཀྲུང་བ…

འབེབས་གསུམ། འབེབས་ཆེན་གསུམ། རྡོ་རྗེ་ཐོག་འབེབས་གསུམ། གཉིས་པ་ནི། ཡར་ལངས་ཏེ་ཙོག་པུར་ལག་གཉིས་ལག་ངར་བསྣོལ་བ་པུས་མོ་གཡས་གཡོན་ལ་བཀབ་ཅིང་། སླར་གན་རྐྱལ་དུ་ཉལ་ནས་རྐང་ལག་གཡས་པ་གཉིས་ནམ་མཁར་བསྒྲེང་ལ་སྤྲུགས། ཡར་ལངས་ལ་ལག་གཉིས་སྔར་བཞིན་དང་། གཡོན་པའི་རྐང་ལག་གཉིས་པོའང་གོང་བཞིན་སྤྲུགས། ཡང་ཡར་ལངས་ལ་ལག་གཉིས་སྔར་བཞིན་དང་…

དེ་རྗེས་འབེབས་ཆུང་རེ་བཅས་ཕཊ་ཉེར་གཅིག་དང་། མཐར་བཀྲ་ཤིས་བསྐོར་འབེབས་བཅས་བྱའོ། །ཞེས་པའང་པད་གླིང་ཕག་མོའི་ཟབ་ཁྲིད་ལས་ཁོལ་འདོན་ཁ་སྐོང་དུ་བསྡེབས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ།། །།

༄༅། །ཨོཾ་སྭསྟི། ཟབ་ལམ་མཁའ་འགྲོའི་ཐུགས་ཐིག་གི་རིམ་གཉིས་ཀྱི་རྣལ་འབྱོར་སྟན་ཐོག་གཅིག་ཏུ་ལོ་གསུམ་ཕྱོགས་གསུམ་གྱི་ངེས་པས་ཉམས་སུ་ལེན་པ་ལ། ཐོག་མར་ཕྱི་མཚམས་བཅད་དེ་བློ་ལྡོག་རྣམ་བཞིའི་དམིགས་རིམ་སྔོན་དུ་འགྲོ་བས་ཕྱག་དང་སྐྱབས་འགྲོ་སྦྲགས་མ་འབུམ། སེམས་བསྐྱེད་འབུམ། ཡིག་བརྒྱ་འབུམ། མཎྜལ་འབུམ། བླ་མའི་རྣལ་འབྱོར་བྱེ་བ་རྣམ…

ལམ་ཟླ་ཕྱེད། འོད་གསལ་ཟླ་ཕྱེད། འཕོ་བ་ཟླ་ཕྱེད། བར་དོ་ཟླ་ཕྱེད། དེ་ནས་ཕྱག་རྒྱའི་རྣལ་འབྱོར་ལ། རང་ལུས་ཐབས་ལྡན་ཟླ་བ་གཅིག་དང་ཕྱེད་བཅས་མཚན་བཅས་རྫོགས་རིམ་སྐོར་ལ་ཁྱོན་ཟླ་བ་བརྒྱད། འདིར་གཞན་ལུས་ཕོ་ཉའི་ལམ་ལ་ནུས་ཚད་དང་སྦྱར་བ་ལས་ཡུན་ཚད་མེད་ཅིང་ཉམས་སུ་ལེན་ནུས་པའི་བརྩོན་འགྲུས་ཅན་དཀོན་པས་འདིར་ཁྲིགས་སུ་མ་བཅད་ལ། གལ་ཏེ་ཉམ…

གཅུན་ཏེ་ཐོད་རྒལ་ལ་ཟླ་བ་བདུན། མཐའ་རྒྱས་ཚེ་སྒྲུབ་དང་ཁ་སྐོང་མེ་མཆོད་བཅས་ལ་ཟླ་བ་གཅིག་སྟེ། ཚད་མེད་རྫོགས་རིམ་མཐའ་རྒྱས་བཅས་ལ་ཁྱོན་ལོ་གཅིག་དང་ཟླ་བ་དྲུག །དེས་སྤྱིར་བཏང་ལོ་གསུམ་ཕྱོགས་གསུམ་གྱི་ཉམས་ལེན་ལག་ཁྲིད་ཡོངས་སུ་ཚང་ཞིང་། གོང་གི་བསྐྱེད་རྫོགས་སོ་སོར་ལམ་རྟགས་དང་བསྟུན་པའི་སྨིན་སློབ་ལ་ནི་རང་རང་གི་དད་བརྩོན་དང་ས…

༄༅། །[མཁའ་འགྲོའི་ཟབ་ཁྲིད་ཀྱི་ཆ་ལག་ཏུ་ཕུང་པོ་གཟན་བསྐྱུར་གྱི་རིམ་པ་མདོར་བསྡུས་སུ་བྱ་བར་སྤྲོ་ན། སྐྱབས་སེམས་སྔོན་དུ་འགྲོ་བས།] ཕཊ༔ རང་སེམས་མ་བཅོས་ཁྲོས་མ་ནག༔ ཚངས་པའི་ལམ་ནས་རྒྱངས་ཀྱིས་ཐོན། འོད་གསལ་དབྱིངས་ཀྱི་ནམ་མཁའ་ལ༔ རིག་པ་རང་སྣང་ཕྱག་རྒྱར་ཤར༔ ཕྱག་གཡས་རྡོ་རྗེའི་གྲི་གུག་གིས༔ རང་ལུས་ཕུང་པོ་དུམ་བུར་གཏུབ༔ སྟོང…

རྗེའི་ཚོགས་ལ་བསྔོ༔ ཟག་མེད་བདུད་རྩིའི་མཆོད་སྦྱིན་གྱིས༔ དགྱེས་ཤིང་མཉེས་ནས་རབ་ཚིམས་ཏེ༔ བསོད་ནམས་ཚོགས་ཆེན་ལྷུན་གྱིས་གྲུབ༔ ཡེ་ཤེས་འོད་གསལ་རྩོལ་མེད་ཤར༔ འཁོར་གསུམ་མཚན་མ་ལས་འདས་པའི༔ གདོད་མའི་གནས་ལུགས་མངོན་གྱུར་ཤོག༔ ཕཊ༔ ཅེས་བརྗོད་ལ་དམིགས་མེད་དུ་བཞག་གོ །ཞེས་པའང་འཁྲུལ་ཞིག་རྡོ་རྗེའི་བཞེད་པ་སྐོང་ཕྱིར། འཇིགས་བྲལ་…

༄༅། །[མཁའ་འགྲོའི་ཟབ་ཁྲིད་སྐབས་ཀྱི་ཡན་ལག་གི་ཆོས་ལྔའི་ནང་ཚན་འཕོ་བའི་ཉམས་ལེན་ངག་འདོན་དུ་བསྡེབས་པ་ནི། སྐྱབས་སེམས་སྔོན་དུ་འགྲོ་བས།] རང་ལུས་ཡེ་ཤེས་མཁའ་འགྲོའི་སྐུ། །སྟོང་གསལ་འོད་ཀྱི་གུར་ཁྱིམ་དབུས། །དབུ་མ་མདའ་སྨྱུག་འབྲིང་པོ་ཙམ། །མར་སྣ་ལྟ་འོག་ཚིག་གིས་འགག །ཡར་སྣ་སྤྱི་བོར་ཐལ་ལེར་ཧར། །དྲང་སྲབ་སྣུམ་གསལ་མཚན་ཉིད་ར…

བདག་མཐར་པའི་ལམ་སྟོན་ཆེན་པོར་བཞུགས། །ཡིད་སྙིང་ནས་གུས་པས་གསོལ་འདེབས་ན། །སེམས་ཐིག་ལེ་བྃ་དཀར་འོད་ལྔའི་མདངས། །སྟེང་ཚངས་པའི་ལམ་ནས་ནམ་མཁར་ཐོན། །རྗེ་ཁྱོད་ཀྱི་ཐུགས་རྗེའི་ཡེ་ཤེས་དང་། །དབྱིངས་འོད་གསལ་ངང་དུ་རོ་གཅིག་ཤོག །[ཅེས་དང་། ཧི་ཀ་ཅེས་རྣམ་ཤེས་བྃ་ཡིག་སྤར་ཏེ་རིགས་བདག་གི་ཐུགས་ཀའམ་ཞབས་ལ་རེག་པར་བསམ་ཞིང་སེམས་བཟུང…

༄༅། །མཁའ་འགྲོ་སེང་གདོང་མའི་ཚོགས་མཆོད་དངོས་གྲུབ་རོལ་མཚོ་བཞུགས་སོ། །༄༅། །[མཁའ་འགྲོ་སེང་གདོང་མའི་ཚོགས་མཆོད་བྱ་བ་ལ། ཚོགས་རྫས་རྣམས་རཾ་ཡཾ་ཁཾ་གིས་བསང་སྦྱང་།] ཚོགས་གཞོང་བྷནྡྷའི་སྣོད་ཡངས་སུ། །ཚོགས་རྫས་ཤ་ལྔ་བདུད་རྩི་ལྔ། །རྡོ་རྗེ་བཟའ་བའི་དམ་ཚིག་རྫས། །འདོད་ཡོན་སྤྲིན་ཕུང་འཕྲོ་བར་གྱུར། །ཨོཾ་ཨཱཿཧཱུྃ། [ལན་གསུམ་གྱིས…

ཡ་ཛཿ ཛཿཧཱུྃ་བཾ་ཧོཿ ཧཱུྃ་བྷྱོ། བདུད་འདུལ་སེང་ཧ་མུ་ཁ་ཡི། །ཕྲིན་ལས་ཡོངས་རྫོགས་དུས་ལ་བབ། །དགྲ་བགེགས་བྱད་མའི་ཚོགས་རྣམས་ཀྱི། །གཟུགས་ཕུང་ཐལ་བའི་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྤོར། །སརྦ་ཤ་ཏྲུཾ་མཱ་ར་ཡ་རྦད། ཙྪིནྡྷ་ཙྪིནྡྷ་བྷིནྡྷ་བྷིནྡྷ་ཧ་ཧེ་ཕཊ། བྷྱོ། དགྲ་བགེགས་བསྒྲལ་བའི་ཤ་ཁྲག་རུས། །སེང་གདོང་ལྷ་ཚོགས་ཞ…

བྱོན་བཤལ་ཆུའི་བདུད་རྩི་བཞེས། །གངས་ཅན་འགྲོ་ཀུན་བདེ་བ་དང་། །བསྟན་པ་དར་བའི་ཕྲིན་ལས་མཛོད། །མ་མ་ཧྲིང་ཧྲིང་ཨ་མྲྀ་ཏ་པཱུ་ཙ་ཧོཿ [རྟ་བྲོ་ནི།] ཧཱུྃ་བྷྱོ། བདུད་འདུལ་དྲག་མོའི་དཀྱིལ་འཁོར་དུ། །དབྱིངས་ཕྱུག་ཁྲོས་མའི་རྡོ་རྗེའི་བྲོས། །བར་ཆད་དམ་སྲི་འབྱུང་པོ་ཀུན། །སྐྱེ་མེད་ཆོས་ཀྱི་དབྱིངས་སུ་མནན། །ཨོཾ་ཨཱཿཧཱུྃ་སྟྭམྦྷ་ཡ་ལཾ…

མོ། །བདུད་འདུལ་ངྷཱ་ཀིའི་མཐུ་སྟོབས་ཀྱིས། །དེང་འདིར་རྒུད་པ་ཀུན་ཞི་ནས། །རྟག་ཏུ་དཔལ་གནས་བདེ་ལེགས་ཤོག །[ཅེས་སོགས་ཀྱིས་མཐའ་རྒྱས་པར་བྱའོ། །ཞེས་པའང་ཆོས་ཀྱི་བདག་པོ་འཁྲུལ་ཞིག་རྡོ་རྗེའི་ངོར་བདུད་འཇོམས་འགྲོ་འདུལ་གླིང་པས་སོ། །ཛ་ཡནྟུ༎ ༎]

༄༅། །[བདུད་འདུལ་དྲག་མོའི་གཏོར་དབང་བྱིན་རླབས་སྤྲིན་ཕུང་བཞུགས། །སེང་གདོང་མའི་གཏོར་དབང་བྱེད་པར་འདོད་ན། གཏོར་མ་ལྷ་བསྐྱེད་ནས་བཟླས་པ་ཅི་ནུས་བྱ། སློབ་མ་ལ་ཁྲུས་བྱ་ཞིང་བགེགས་བསལ། མཎྜལ་འབུལ།] ཧོཿ སློབ་དཔོན་འཁོར་ལོའི་གཙོ་མོ་དགོངས། །བདག་ལ་བདུད་འདུལ་ཌཱ་ཀི་མའི། །སྐུ་གསུང་ཐུགས་ཀྱི་བྱིན་རླབས་ཀྱིས། །ཡོངས་སུ་སྨིན་པར་…

ཨོཾ་བཛྲ་ངྷཱ་ཀི་སིཾ་ཧ་མུ་ཁ་ཀཱ་ཡ་ཝཱ་ཀ་ཙིཏྟ་ཛྙཱ་ན་སརྦ་སིངྔྷི་བ་ལིཾ་ཏ་ཨ་བྷི་ཥིཉྩ་ཧཱུྃ༔ [ཞེས་གནས་གསུམ་དུ་བཞག །]མཐར་གཏོར་མའི་ལྷ་འོད་དུ་ཞུ་ནས་སློབ་མ་ལ་ཐིམ་པས་དབྱེར་མེད་དུ་གྱུར་པར་[མོས་ལ། གཏོར་ཟན་དངོས་གྲུབ་ཏུ་བྱིན། བཟླས་ལུང་སྤྲོ་ན།] སློབ་དཔོན་བདུད་འདུལ་དྲག་མོའི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་འོད་ཟེར…