ཤོ་མར། ཁྱུང་ལུང་རྡུལ་མཁར། ན་མར་ཞ་དོན་གྲམ་པ་ཚལ། རི་བོ་གཡའ་དམར་རྣམས་སུ་བཅས། དེ་ཡང་དང་པོར་རུ་མཚམས་ཕྱེས་ཏེ། ཤར་འོ་ཁའི་ཤུག་པ་སྤུན་བདུན། ལྷོ་རྨལ་ལ་བརྒྱུད། ནུབ་གཞུ་སྙེ་མོ། བྱང་བྲག་གི་གླང་མ་གུར་ཕུབ། དབུས་ཚད་ལྷ་སར་མོ་ཆེ་ལ་བྱས་པ་དབུ་རུ། ཤར་ཀོང་ཡུལ་བྲེ་སྣ། ལྷོ་མོན་ཤ་འུག་ལྟག་གོང་། ནུབ་ཁ་རག་གངས་རྩེ། བྱང་རྨལ་ལ་བར…

ཤོད་ཆེན་བཙན་པོ་མངའ་བདག་ཡུལ། །ཕོ་བྲང་སྣེ་ཆེ་བཙན་པོ་རྗེ་འབངས་ཡུལ། །ཡར་ཀླུངས་སོག་ཁ་ཁུ་དང་གཉགས་ཀྱི་ཡུལ། །ཡར་འབྲོག་གངས་ཁྱིམ་གུ་རིང་སྡེ་ལྔའི་ཡུལ། །འཆིང་ང་འཆིང་ཡུལ་འགོས་དང་སྣུབས་ཀྱི་ཡུལ། །བྱ་འུག་ས་ཚིགས་བྲང་རྗེ་ཕ་ལྔའི་ཡུལ། །སྲད་དང་གཞོང་པ་སྣ་ནམ་ཡུལ་དུ་བཅད། །བྲག་རུམ་སྟོད་སྨད་ཚེ་སྤོང་ཡུལ་དུ་བྱས། །གཙང་སྟོད་གཙང་…

རབ་སྟོང་བུ་ཆུང་། སྐུ་སྲུང་ཤར་ཕྱོགས་པ་དང་བཅུ་ནི་དབུ་རུའི་སྟོང་སྡེ་བཅུའོ། །ཡར་ཀླུངས་འཕྱིང་ལུང་གཉིས། ཡར་མཚམས་གཡུ་འབངས་གཉིས། དྭགས་པོ་ཉག་ཉི་གཉིས། གཉལ་དང་ལྷོ་བྲག་གཉིས། ལོ་རོ་སྟོང་བུ་ཆུང་། སྐུ་སྲུང་བྱང་ཕྱོགས་པ་རྣམས་ཏེ་གཡོ་རུའི་སྟོང་སྡེ་བཅུའོ། །སྟོང་ཆེན་ཤངས་ཆེན་གཉིས། ལང་མི་ཕོད་དཀར་གཉིས། ཉེན་དཀར་འབྲང་མཚམས་གཉ…

རྒོད་ནི་འབངས་རབ་ཚན་དམག་གི་ལས་བྱེད་པའི་མིང་སྟེ་དེ་རྣམས་ལ་སྟོང་དཔོན་ཡང་དྲུག་ཅུ་རྩ་གཅིག་གོ །དབུ་རུ་སྟོད་སྨད་ཀྱི་དམག་དཔོན་སྣ་ནམ་རྒྱལ་རྒན་དང་སྦས་སྐྱེས་བཟང་སྟག་སྣ། དེའི་དཔའ་ཟླ་གནོན་འཕན་གསུམ་དང་། ཤོད་བུ་ཁོངས་བཙན། རུ་རྟ་ཟེ་དཀར་རྟ་སྐྱ་དང་མཚལ་བུ་གཟིག་རིང་། རུ་དར་དམར་པོ་ལྕེ་ཁྲ་དང་། དཔལ་དར་དམར་པོ། དམག་གི་བཞེད་ན…

མགོས་ཁྲི་གཉན་གཡང་འཕྱོས། དཔའ་ཟླ་པ་ཚག་མཚོ་ཞེར་གཙང་ལོད་དང་ལང་པ་མགོན་ནེ། རུ་རྟ་མཚལ་བུ་མེ་སྟག་དང་སྔོན་པོ་གཡུ་རྟ། རུ་དར་དར་སྣ་སྙིང་དཀར་བྱ་ཁྱུང་བྲིས་པ་དང་། དཔལ་དར་སྐྱེར་ཁ་གོང་ཁྲ། སྤང་ལ་མེ་མཆེད་པ་ལྟ་བུར་འགྲིམ་སྐད། གཡུང་གི་མི་སྡེ་འབྱེད་པ་ནི། གཡུང་ངམ་ཁེང་ཞེས་པ་འབངས་ལས་བྱེད་ཀྱི་མིང་ཡིན་ལ། ཡང་ཁེང་ཞེས་པ་ཡང་བྲན་ད…

དབྲལ་ཁ་བཞི་མན་ཆད་ན་འབྲོ། ཁྱུང་། མགར། སྣུབས། གཉེན་ཏེ་ཕུག་ཅོག་སྡེ་ལྔས་དཔོན་བྱས། གྲུ་གུ་གསེར་མིག་ཅན་གྱི་ཆུང་མ་ཧོར་མོ་བར་མདུང་ཅན་ནུ་མ་གཡས་པ་མེ་བཙས་བསྲེགས་ནས་མདའ་པར་གསུམ་མདེའུ་ཁྱི་མགོ་ཙམ་རྡོ་ལེབ་ལ་ཅུར་འབྱིན་པ་འཕེན་པ་ལ་ཁ་བལྟས་ནས། དཔའ་མཚན་དུ་སྟག་གི་སྤྱིལ་པོ་ཕུབ། འོག་རྟ་གཡུལ་དུ་བསད། གདོང་ཁྲག་གིས་བྱུགས་ཏེ་སླ…

གྱིས་དགྲ་སྟའི་ཁ་ཁྲུ་རེ་ཙམ་ཐོགས་པ་ལ་རྒོལ་བའི་ཚེ། ལྟོང་ལྟོང་གི་བུ་ཕྱུགས་མཚམས་ཀྱིས་དཔོན་བྱས། དཔའ་མཚན་དུ་རལ་གྲིའི་ཤུབས་བཅག །ཁ་ཆེམས་ཉེ་བ་ལ་ཕོག །བུ་སྨད་ཉེ་དྲུང་ལ་བཅོལ་ནས། མི་ལྡོག་པའི་རྩིས་ཀྱིས་རྒོལ་བས་རྒྱ་ཐུལ་བས་སྨད་ཀྱི་དཔའ་སྡེའོ། །གཞན་ཡང་དཔོན་དྲུག་ལ། ཡུལ་དཔོན་གྱི་ལས་སུ་ཡུལ་ཆུང་ཁྲིམས་ཀྱིས་འཚོ། དམག་དཔོན་གྱ…

འདུལ་ཞིང་འབངས་བསྐྱངས། དགེ་བ་བཅུ་སྒྲུབ་ཅིང་མི་དགེ་བ་བཅུ་སྤངས་པ་རྣམས་བཀའ་གྲོས་ཆེན་པོ་དྲུག་གོ །ཡིག་ཚང་ནི། རབ་གསེར་གཡུ་གཉིས། འབྲིང་དངུལ་དང་ཁྲ་མེན། ཐ་མ་ཟངས་ཡིག་ལྕགས་ཡིག་སྟེ་དྲུག་པོ་རེ་རེ་ལ་ཆེ་ཆུང་གཉིས་རེ་ཕྱེ་བས་བཅུ་གཉིས་སོ། །དེ་ཡང་གུང་བློན་ཆེན་པོ་ལ་གཡུ་ཡིག་ཆེན་པོ་གནང་། གུང་བློན་འབྲིང་དང་ནང་བློན་ཆེན་པོ་ལ་…

སྐྱ་ཆུ་རིས་ཀྱི་ཡི་གེ་ནི་འབངས་ཕལ་པ་རྣམས་ལ་གནང་སྐད། ཕྱག་རྒྱ་དྲུག་ནི། བཀའ་རྟགས་ཀྱི་ཕྱག་རྒྱ་སྒྲོམ་བུ། ཁྲོམ་རྟགས་ཀྱི་ཕྱག་རྒྱ་རུ་མཚོན། ཡུལ་རྟགས་ཀྱི་ཕྱག་རྒྱ་སྐུ་མཁར། ཆོས་རྟགས་ཀྱི་ཕྱག་རྒྱ་ལྷ་ཁང་། དཔའ་རྟགས་ཀྱི་ཕྱག་རྒྱ་སྟག་སློག །མཛངས་རྟགས་ཀྱི་ཕྱག་རྒྱ་ཡིག་ཚང་དུ་བཅད་དོ། །རྐྱེན་དྲུག་ནི། དཔའ་བའི་རྐྱེན་དུ་གུང་དང་ས…

ནི། བྲེ། སྲང་། ཕུལ། ཁྱོར། ཞོ་ནམ་སེ་སྲན་སོགས་གཞལ་བའི་ཚུལ་བཀར་བཏགས་པ་རྣམས་སོ། །གསུམ་པ་རྒྱལ་ཁམས་དཔེར་བླངས་ཀྱི་ཁྲིམས་ནི། བྱ་བ་འོས་དང་མི་འོས་པ་སྟོན་ཅིང་། མི་ཆོས་གཙང་མ་བཅུ་དྲུག་དང་། མི་དགེ་བ་བཅུ་སྤོང་གི་ཁྲིམས་ཏེ། ཇི་སྐད་དུ། དགྲ་བཏུལ་རྒྱལ་ཁམས་བདེ་བར་མཛད། །ནང་གི་ཚིས་མཛད་འབངས་འཁོར་སྐྱོང་། །ཕྱི་མར་ཕན་ཕྱིར་དམ་…

ཕྱི་རོལ་དགྲ་ཡང་ཞེ་ཁ་འབྱེད། །བཟའ་གྲོགས་མནར་ན་ཕྱི་ནང་གི ། ཚིས་དང་སོ་ནམ་ཡལ་བར་འཆོར། །ཞེས་པ་སྟེ། དེ་རྣམས་ལ་མཛད་པ་གསུམ། མི་མཛད་པ་གསུམ། བསྟོད་པ་གསུམ། སྨད་པ་གསུམ། མི་མནར་བ་གསུམ་སྟེ་རྒྱལ་ཁྲིམས་བཅོ་ལྔར་གྲགས། མི་ཆོས་གཙང་མ་བཅུ་དྲུག་ནི། དཀོན་མཆོག་གསུམ་ལ་དད་གུས་སྐྱེད། །དམ་པའི་ལྷ་ཆོས་བཙལ་ཞིང་བསྒྲུབ། །ཕ་མར་བཀུར་ཞི…

བརྒྱ་འཇལ། རྒྱལ་པོའི་ནོར་ལ་བརྒྱད་ཅུ་འཇལ། འབངས་ཀྱི་ནོར་ལ་བརྒྱད་འཇལ་དུ་བཅས། ལོག་པར་མི་གཡེམ་པའི་ཁྲིམས་སྨད་འཇལ་དང་བྱི་འཇལ། རྫུན་སྤོང་བའི་ཁྲིམས་ལྷ་སྲུང་དཔང་དུ་བྱས་ནས་མནའ་སྒྲོག་པ། ཆང་ལ་ཚོད་ཟིན་པ་སྟེ། ཆོས་ཀྱི་གཏན་ཁྲིམས་ལྔ་ལ་དཔེ་བྱས་པ་ལྔའི་སྟེང་དུ། ཁེངས་མི་ལྡོག་པ་དང་། བང་སོ་མི་འབྲུ་བ་བསྣན་པས་ཁྲིམས་ཆེན་དྲུག་ག…

ཡང་མ་སྨྲས་པར་ལོག །ཁྱིམ་བདག་གིས་གླང་བསྐྱལ་བྱུང་བ་མཐོང་ཡང་མ་བཏགས་པར་བཞག་པས་གླང་ཕུགས་ཀྱི་སྒོ་ནས་ཐོན་ཏེ་བོར་བ། རྒྱལ་པོ་མེ་ལོང་གདོང་ལ་ཞལ་ལྕེ་ཞུས་པས། བྲམ་ཟེས་གླང་བཏང་ཡོད་དོ་ཞེས་མ་སྨྲས་པས་ལྕེ་ཆོད། ཁྱིམ་བདག་གིས་མཐོང་ཡང་མ་བཏགས་པས་ལག་པ་ཆོད་ཅིག་ཅེས་ཞལ་ལྕེ་གཅོད་པ་ལ་དཔེ་བྱས་ནས་ཆད་པ་གཉིས་མཉམ་དུ་གཅོད་པ་དབང་ཆེན་བཅད…

ཤིང་མི། ལྷོ་ནས་གློ་དང་མོན། ནུབ་ནས་ཞང་ཞུང་དང་གྲུ་གུ ། བྱང་ནས་ཧོར་དང་ཡུ་གུར་རྣམས་འབངས་སུ་འདུས། འཛམ་གླིང་གི་ཕྱེད་ལ་ཁ་ལོ་བསྒྱུར། དགེ་བཅུའི་ཁྲིམས་བཙན། བདེ་སྐྱིད་ལྷ་དང་མཉམ་པ་བྱུང་ངོ་། །དེ་ལྟར་ཡང་ཡིག་རྙིང་ལས། ཞང་ཞུང་གི་རྒྱལ་པོ་ལིག་མི་བརྒྱའི་སྲིད་བརླག་སྟེ། རྒྱལ་པོ་འདིའི་རིང་ལ། ཞང་ཞུང་ཐམས་ཅད་འབངས་སུ་བཀུག་གོ …

ཇི་དང་ཇིར་ལྡན་ཏེ། ཕྱིའི་ཆབ་སྲིད་ནི་ཕྱོགས་བཞིར་བསྐྱེད། །ནང་གི་ཁབ་སོ་ནི་མི་ཉམས་པར་ལྷུན་སྟུག །འབངས་མགོ་ནག་པོ་ཡང་། མཐོ་དམན་ནི་མཉམ། དཔྱ་སྒྱུ་ནི་བསྐྱུང་། དལ་དུ་ནི་མཆིས། སྟོན་དཔྱིད་ནི་བསྐྱལ། མཛངས་པ་ནི་བསྟོད། དཔའ་བོ་ནི་བཀུར། ཆོས་བཟང་སྲིད་མཐོ་སྟེ། མི་ཡོངས་ཀྱིས་སྐྱིད་དོ། །བོད་ལ་སྔ་ན་ཡི་གེ་མེད་པ་ལ་བཙན་པོ་འདིའི…

པའི་ཚེ། གནས་གཙང་མའི་ལྷ་རྣམས་ནམ་མཁའ་སྤྲིན་གྱི་དབུས་ནས་རྒྱལ་པོ་ལ་མཆོད་ཅིང་མགྲིན་གཅིག་ཏུ། སྤྲུལ་པའི་རྒྱལ་པོ་བྱང་ཆུབ་སེམས། །མགོ་ནག་ཡོངས་ཀྱི་རྗེ་ཁྱེད་ཀྱིས། །མོས་གུས་བསོད་ནམས་གསོག་པའི་རྟེན། །ཡི་དམ་ལྷ་ཞིག་སྤྱན་འདྲེན་ན། །རྒྱ་གར་ཡུལ་གྱི་ལྷོ་ཕྱོགས་སུ། །སིངྒ་ལ་ཡི་རྒྱ་མཚོའི་འགྲམ། །རང་བྱུང་ཁ་སརྤ་ཎིའི་རྒྱབ། །གླང་…

བྱུང་དུ་བྱུང་བས་ཡིག་དྲུག་འཁོར་ལོ་བསྐོར་བའི་སར་གྲགས། དེ་ནས་སིངྒ་ལའི་གླིང་ཕོ་བྲང་ཀེ་ཏུ་བྱ་བར་རྒྱལ་པོ་ཨུ་མ་ཏ་ཀེ་ས་ར་ཞེས་བྱ་བ་སྔར་ཡབ་མེས་རྣམས་ནང་པའི་སྦྱིན་བདག་ཡིན་པ་ལ་དེས་ཕྱི་རོལ་པ་བྱས་ཏེ་ཆོས་བསྣུབས། གཙུག་ལག་ཁང་མང་པོ་བཤིག །མི་དགེ་བའི་ཁྲིམས་བཅས། རའི་སྐེ་བཅད་པའི་ཁྲག་གིས་དབང་ཕྱུག་ལ་མཆོད་པ་བྱེད་པ་ཞིག་འདུག་པ…

སྦྲུལ་སྙིང་འོག་མིན་ལས་གཞན་ན་མེད་ཅིང་། གོརྴི་ཥ་ནི་དུག་སྦྲུལ་གྱིས་གཏམས་པ་མ་ལ་ཡ་ལས་གཞན་ན་མེད་པས་བླངས་མི་ནུས་ཟེར། དགེ་སློང་གིས་སྦྲུལ་གྱི་སྙིང་པོ་རྒྱ་མཚོའི་འགྲམ་ན་ཡོད། གོརྴི་ཥ་པོ་ཏ་ལའི་བྱང་ཕྱོགས་ཤུག་པའི་གསེབ་ན་ཚེས་བཅོ་ལྔའི་མཚན་མོ་མེ་ཏོག་དམར་དཔུང་གིས་འཆར་བ་དེ་ཡིན། དེ་ཡང་དོན་ཆེན་པོ་འགྲུབ་པ་ལ་བསོད་ནམས་དགོས།…

པ་སླར་འདུས་ཏེ་ཐིམ་པ་དང་དལ་བུས་ཆོད་ཅིག་ཅེས་རང་སྒྲ་བྱུང་ངོ་། །དལ་བུས་བཅད་ཅིང་གཤགས་པས། ནང་ནས་ཙནྡན་དེ་ཉིད་ལས་གྲུབ་པའི་ཐུགས་རྗེ་ཆེན་པོ་ཞལ་བཅུ་གཅིག་རྩ་ཕྱག་བཅུ་པ་འོད་དང་ལྡན་པ་སྣུམ་ལྷང་ངེ་བ་ཞིག་བྱུང་། རྒྱལ་པོས་ཙནྡན་མི་ཡུལ་འདིར་བྱུང་བ་ཇི་ལྟར་ཡིན་ཞུས་པས། སྔོན་སངས་རྒྱས་འཁོར་བ་འཇིག་ཀླུའི་ཡུལ་ན་ཆོས་སྟོན་པའི་ཚེ་འ…

རྩ་བརྒྱད་དུ་སྐུ་རྣམས་བཞེངས། ཡུལ་ཁམས་དེ་ཆོས་ལ་བཀོད་ནས་དགེ་སློང་གིས་དེར་སྤྲུལ་པ་གཅིག་བཞག་སྟེ། རང་བྱུང་བཅུ་གཅིག་ཞལ་དང་། ཙནྡན་གཉིས་ཀྱི་ཚལ་པ་རེ་བསྣམས། རྒྱ་མཚོའི་གླིང་གི་བྱེ་མ་དང་འཇག་མ་ཐམས་ཅད་རིན་པོ་ཆེའི་སྦུ་གུ་ཅན་རེའི་སྟེང་ན་ལྷ་མོ་འབུམ་འབུམ་ཆོས་ལ་སྤྱོད་པ་སྤྲུལ་སྐུ་དངོས་དང་འདྲ་བར་མཁྱེན་ནས་བྱེ་མ་བྲེ་གང་དང་…