གླིང་ན། སེ་བའི་ཕུང་པོ་གཅིག་སྦྱིན་སྲེག་མཛད་པའི་ཡལ་ག་བརྒྱད་ལ་ཀླུ་ཆེན་པོ་བརྒྱད་བྱས། དབུས་ན་ཕྱག་རྡོར་དཀར་པོ་ཞི་བ་འདུལ་བྱེད་དུ་བཞེངས་པ། རྒྱུད་རིས་ཉ་སྦལ་ཆུ་སྲིན་སོགས་བྲིས། དེ་དག་ལ་སྲུང་མ་ས་བདག་རྒྱུན་འདལ་གཉན་རྒུ་རང་ཆས་སུ་ཡོད་ཅིང་། དེ་ནི་ནང་ཆུ་ཤེལ་གྱིས་ཁྱབ་པ་སུས་ཀྱང་བལྟ་བར་རྔོ་མི་ཐོགས་པ་ཞིག་མཆིས། དེ་ནས་མཆོད…

བཞེངས། དེ་གནོད་སྦྱིན་ཉི་མའི་གདོང་ཅན་ལ་གཏད། དེའི་ཚེ་འདྲེ་མོ་འོད་ཅན་མས་མི་རྣམས་ཉལ་བ་མགོ་མཇུག་ལྡོག་པ་སོགས་འཚེ་བ་མང་དུ་བྱས་པས། །བྱམས་པ་གླིང་དུ་མཆོད་རྟེན་འོད་འབར་བརྩིགས་ཏེ་མནན། མཆོད་རྟེན་ལྔ་པོ་ལ་ནང་རྫོངས་མེད་ནས་བཙན་པོས་མཁན་པོ་ལ་ཞུས་པས། མཁན་པོའི་ཞལ་ནས་མ་ག་དྷར་རྒྱལ་པོའི་ཁབ་ཀྱི་སྒོ་མདུན་ན་དྷ་རུ་རྩེ་དོ་ཞེས་བ…

རྟ་དང་། གླང་པོ་ཆེའི་ཚོགས་ཅི་འདྲ་ཞིག་འོངས་ཟེར་ནས། ཕོ་བྲང་གི་སྒོའི་ཡ་ཀླད་ལ་བོད་ཀྱི་རྒྱལ་པོའི་ལྷམ་བཏགས། དེའི་འོག་ནས་ཕར་རྒྱལ་བློན་འཁོར་དང་བཅས་པ་འཛུལ་ཏེ། ངའི་རྒྱལ་ཁམས་ནི་བཙན་པོ་ཁྱོད་ཀྱི་འོག་ཏུ་འཛུལ་ཞིང་དཔྱ་དང་སྐྱེས་ལོ་རེ་བཞིན་དུ་འབུལ་ལོ་ཟེར་ཞིང་མངའ་འོག་ཏུ་འདུས་སོ། །དེ་ནས་ཆུ་བོ་གངྒཱ་བརྒལ་ནས་མ་ག་དྷར་དམག་དྲ…

གི་བར་ཆུ་འགྲོ་བ་རྩྭ་དང་བྱེ་མས་བཀག་སྟེ་ཆུ་འགོག་ན། ཆུ་ཆད་ནས་མཚོན་ཆའི་འཁོར་ལོ་རྡིག་ཅེས་འཁོར་འཕྲོ་ཆད་པ་ཡིན་ཟེར་རོ་བྱས་པས། དེས་ཇི་སྐད་ཟེར་བ་ལྟར་བྱས་པས་བདེན་པར་བྱུང་སྟེ་རིན་པོ་ཆེའི་བུམ་པ་ནས་སངས་རྒྱས་ཤཱཀྱ་ཐུབ་པའི་རིང་བསྲེལ་བྲེ་དྲུག་སྤྱན་དྲངས། ཡང་སྔར་ལྟར་རྩ་ཤིང་བསལ་ཏེ་ཆུ་བཏང་བས་མཚོན་ཆའི་འཁོར་ལོ་སྔ་མ་ལྟར་འཁོ…

བོད་ཀྱི་རྟ་དམག་འདི་ཙམ་ལས་མེད་གསུངས་ཏེ་གྲངས་ཀ་བགྲངས་པས། མི་གཅིག་ཀྱང་མ་ལུས། རྟ་གཅིག་ཀྱང་མ་ཆད་པར་ཚང་བས་བཙན་པོ་ཁྲི་སྲོང་ལྡེ་བཙན་གྱིས་སྤྲུལ་པ་མཛད་པར་གྲགས་སོ། །དེ་ནས་ཆོས་འཁོར་བསམ་ཡས་སུ་ཞབས་འཁོར་དེ་རིང་བསྲེལ་གྱི་སྣོད་དང་ཟ་མ་ཏོག་བཞི་སྤྲུགས་བྱེད་པའི་བར་ལ་རིང་བསྲེལ་འཕེལ་ཏེ་སྙིམས་པ་གང་མ་ཤོང་བ་མཆོད་རྟེན་གྱི་ཏོག…

ཟིན་པ་མཐོང་། ཤིང་མཁན་དང་མགར་བ་ཟུང་གིས་ཀྱང་བལྟས་པས་བཙུགས་ཟིན་པར་མཐོང་སྟེ་སྙན་དུ་གསོལ་བ་དང་། རྗེས་འབངས་ཀུན་བསགས་ཏེ་ངའི་འབངས་ཀྱི་ཁྲོད་ན་སྟོབས་ཆེ་བ་འདི་སུ་ཡིན་སྨོས་དང་བྱ་དགའ་ཆེར་སྟེར་རོ་ཞེས་གསུངས་པས། ཁས་ལེན་པ་སུ་ཡང་མ་བྱུང་། ཕྱྭ་མཁན་བལ་པོ་ན་རེ། མདང་ངའི་རྨི་ལམ་ན་མི་བཞིས་འཁོར་ལོ་ཁྱེར་ནས་འོངས་ཏེ་བཙུགས། ཁྱེད…

གཙོ་འཁོར་གསུམ། མདོ་ན་མགོན་པོ་ལྕམ་དྲལ་གཉིས། དེའི་སྒོ་དྲ་བ་བྱས། སྒོའི་ཕྱི་ན་རྟ་བབས་ཀྱི་སྟེང་དུ་ཆོས་ཀྱི་འཁོར་ལོ་གསེར་ལས་བྱས་པ་དང་། ཤ་རམྦྷ་དང་གདུགས་དང་རྒྱལ་མཚན་བཅས་བགྱིས་ཏེ། དེ་རྒྱལ་པོ་ཆེན་པོ་བཞི་ལ་གཏད། ལྕགས་རི་ཟུར་མང་རྡོ་རྗེའི་འགྲོས་ལ་མཆོད་རྟེན་སྟོང་རྩ་བརྒྱད་ཀྱིས་བསྐོར་བ། དེ་རེ་རེ་ལའང་སངས་རྒྱས་ཀྱི་རིང་…

རྒྱལ་སོགས་ནི་བདེ་གཤེགས་བྱང་སེམས་མིའི་སྲིད་པ་བཟུང་བ་ཁོ་ན་ཡིན་པས་རྫུ་འཕྲུལ་སྤྲུལ་པའི་ཟློས་གར་མུ་མཐའ་མེད་པར་སྟོན་པའི་ཚུལ་ལ་སྐྱེ་བོ་ཐ་མལ་པའི་སྤྱོད་ཚུལ་དང་སྣང་ཚུལ་དཔེར་བཟུང་བའི་གུ་དོགས་བྱ་མི་དགོས་སོ། །རྒྱལ་པོ་དེས་བཙུན་མོ་ལྔ་ཁབ་ཏུ་བཞེས་པ་ལས། མཆིམས་བཟའ་ལྷ་མོ་བཙན་དང་། མཁར་ཆེན་བཟའ་མཚོ་རྒྱལ་གཉིས་སྒྲུབ་པ་མཛད་པ…

ཏུ་ཙནྡན་གྱི་ཁྲོན་པ་བྱས། སྒྲོན་མེ་རིན་པོ་ཆེ་འོད་འབར་བ་གཙོ་བོའི་སྨིན་མཚམས་སུ་ཕྲར་བཏབ་བོ། །ཚེ་སྤོང་བཟའ་མེ་ཏོག་སྒྲོན་ལ་སྲས་ཡོད་པས། དེས་ཁམས་གསུམ་ཟངས་ཁང་གླིང་ཡབ་ཀྱི་དབུ་རྩེ་ལ་དཔེ་བླངས་ནས་བཞེངས། འོག་ཁང་གི་ཀ་གདུང་རྣམས་ཟངས་ཀྱིས་བཏུམས་སོ། །ཕོ་ཡོང་བཟའ་རྒྱལ་མོ་བཙུན་ལ་སྲས་མེད་པས་ལྷ་ཁང་ཉིས་ཐོག་ཏུ་གནང་བས་བུ་ཚབ་གསེ…

འདེགས་ཤིང་། ནང་ཟུར་བཞི་ན་གསེར་གྱི་སེང་གེ་ལུག་ཐོང་ཙམ་བརྒྱད་ཡོད་པ། རྒྱ་ཕིབས་ཀྱི་ཤམ་བུ་ལ་མཆོད་པའི་ལྷ་མོ་ཉི་ཤུ་རྩ་བརྒྱད་འབུར་དུ་དོད་པ། ལྷའི་བུས་ཁྱུང་གི་སྒོ་ང་ལས་བདུད་རྩིའི་ཆུས་སྐུ་ཁྲུས་གསོལ་བ་སྟེ། ངོ་མཚར་བཅུ་གསུམ་དང་ལྡན་པ་ཞིག་བཞེངས་སོ། །འདིའི་བཟོ་ཁྱད་ཕུལ་དུ་བྱུང་བའི་རྒྱུ་མཚན་ནི། བཙན་པོ་ཉིད་རང་གི་ཡབ་ཡུམ་…

ལ་གསེར་གྱི་མཎྜལ་ཕུལ་ནས་རབ་ཏུ་གནས་པར་ཞུས་པས། བོད་འབངས་མངའ་རིས་ཐམས་ཅད་ནས་དཔྱ་ཁྲལ་བསྡུས་ལ་ཡོ་བྱད་སྟ་གོན་གྱིས་ཤིག་ཅེས་ལུང་སྩལ། མཁན་སློབ་རྣམ་གཉིས་ཀྱིས་མཚམས་བཅད་དེ། མཁན་པོ་བོ་དྷི་སཏྭས་གསང་འདུས་འཇམ་དཔལ་རྡོ་རྗེའི་སྒྲུབ་པ་ལ་ཞུགས་ནས་རབ་གནས་མངའ་གསོལ་གྱི་ཐུགས་དམ་མཛད། སློབ་དཔོན་ཆེན་པོ་པདྨས་མ་ཧཱ་ཡོ་ག་རྩ་རྒྱུད་ཞི་…

བྱས་ཏེ་ཞལ་ཤར་ཕྱོགས་སུ་གཟིགས་ནས་ཁོར་སའི་ལོགས་ན་པྲོག་ཞུ་ཟིང་ངེར་འདུག་པ་ལ་མེ་ཏོག་གཏོར། ལྷ་རྣམས་དུས་གཅིག་ལ་ནང་དུ་གཤེགས་ཏེ་སྔར་གྱི་གྲལ་རིམ་བཞིན་དུ་འཁོད། ཁྲོ་བོ་གཉིས་ཀྱི་རྒྱབ་ནས་ཡེ་ཤེས་ཀྱི་མེ་འབར་བས་ས་གཞི་ཚིག་པ་ལ་མཁན་སློབ་གཉིས་ཀྱིས་དྲི་ཆབ་ཀྱི་བསངས་གཏོར་མཛད་པས་མེ་ཤི་བའི་ཤུལ་དེ་མ་ཐག་ཏུ་སོར་ཆུད། བཙན་པོས་མཁན་…

གཟིགས་པ་ལ་མེ་ཏོག་གཏོར། ལྷ་རྣམས་དུས་གཅིག་ལ་ནང་དུ་གཤེགས་ཏེ་སྔར་གྱི་གྲལ་རིམ་བཞིན་དུ་འཁོད། རྒྱལ་པོས་མཁན་སློབ་གཉིས་ལ་གསེར་གཞོང་པ་གང་རེ་ཡོན་དུ་ཕུལ། ཞལ་བསྲོའི་དུས་ལྟད་མོ་བ་ལ་ཟས་ཀྱི་སྟོན་མོ་སྔར་བཞིན་སྩལ། དེའི་རྗེས་ལ་ལྟད་མོ་ཆེ་ཐང་རེ་བྱེད། རྡོག་ཕ་ལ་བྱ་བས་རྔ་མོང་བདུན་ལ་ཞོན་རེས་བྱེད་ཅིང་རྒྱུག །ལ་ལ་གུ་རུབ་སྟེ་རྟ…

སྡོང་པོ་སྐྱེས་པ་ཀུན་གྱིས་མཐོང་། ཨརྱ་པ་ལོའི་གླིང་དུ་མེ་ཏོག་གཏོར་བས་རྟ་མགྲིན་གྱི་སྐུ་དེས་རྟ་སྐད་ཐེང་གསུམ་གྲགས་པ་ཀུན་གྱིས་ཐོས། ཁོར་ས་ལ་སྔར་མེད་པའི་སྨྱུག་མ་སྔོ་ཤར་གྱིས་སྐྱེས། བྱམས་པ་གླིང་ལ་མེ་ཏོག་གཏོར་བས་སྤྲིན་གསེབ་ནས་ལྷ་མོ་མང་པོས་མཆོད་པ་འབུལ་དུ་འོང་། འཇམ་དཔལ་གླིང་དུ་མེ་ཏོག་གི་ཆར་པ་བབས། བདུད་འདུལ་སྔགས་པ…

ཡུན་དུ་བབས་པ་རྣམས་ཀུན་གྱི་མཐུན་སྣང་དུ་གྲུབ་པ་བྱུང་ཞིང་། སློབ་དཔོན་གྱིས་ལྷས་ཁྲ་འབྲུག་ལ་སོགས་པའི་ལྷ་ཁང་ཐམས་ཅད་དུ་སྤྲུལ་པ་རེ་བྱོན་ཏེ་རབ་གནས་བསྐྱར་ཏེ་མཛད། རྒྱལ་པོས་མཁན་སློབ་རྣམ་གཉིས་ལ་གསེར་གཞོང་པ་གང་རེ་ཡོན་དུ་ཕུལ། ཞལ་བསྲོ་ཕྱི་མའི་དུས་སུ་ལྟད་མོ་བ་ལ་ཟས་ཀྱི་སྟོན་མོ་སྔར་བཞིན་སྩལ། དེའི་རྗེས་ལ་ལྟད་མོ་ཆེ་ཐང་རེ…

མཆིམས་ཀྱིས་ང་ཆེ་རྒྱང་གྲགས་ལ་སོགས་པ་བླངས་སོ། །དེ་ལྟར་ལོ་སྐོར་གཅིག་གི་བར་དུ་སྐྱིད་ཀྱི་བྲོ་མོ་ཆེ་བརྡུངས། །མི་རེས་གླུ་རེ་བླངས། རྟ་རེས་བང་རེ་རྒྱུག །བྱ་རེས་སྐད་རེ་བཏོན། དུས་དེ་ཙམ་ན་བོད་བདེ་སྐྱིད་ལྷ་དང་མཉམ་པ་བྱུང་སྟེ། དེའི་ཚུལ་ཡང་དབུ་རྩེའི་སྒོ་རྒྱབ་བྱང་ངོས་ན་བྲིས་ནས་ཡོད་དོ། །དགའ་སྟོན་ཇི་ལྟར་བྱས་ཚུལ་བཀའི་ཐང…

གདུགས་དང་རྒྱལ་མཚན་བ་དན་སོགས། །གུང་ལ་ཉི་མ་སྒྲིབ་པ་ཙམ། །འདབ་ཆགས་བྱ་ལ་འཕུར་ས་མེད། །མགོ་ནག་མི་ཡིས་ས་གཞི་གང་། །གྱི་ལིང་རྟ་ལ་རྒྱུགས་ས་མེད། །སིལ་སྙན་རོལ་མོ་འབྲུག་ལྟར་ལྡིར། །ཁྱེའུ་བུ་མོ་ཐམས་ཅད་ཀྱང་། །ཆས་རྒྱན་ལག་ན་རྔ་ཟླུམ་ཐོགས། །རྔ་བརྡུང་གླུ་ལེན་གར་སྟབས་བསྒྱུར། །གཡག་སེང་དར་སེང་སྟག་སེང་དང་། །འབག་དང་སེང་ཕྲུག་ག…

འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །འཛམ་བུ་གླིང་ལ་དཔེ་བླངས་ནས། །ལྷོ་ཡི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །བ་གླང་སྤྱོད་ལ་དཔེ་བླངས་ནས། །ནུབ་ཀྱི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །སྒྲ་མི་སྙན་ལ…

ལྷ་སྲས་མུ་ནེ་བཙན་པོ་ཡིས། །སེང་གེ་འགྱིང་བ་བྱ་བ་བླངས། །བཙུན་མོ་རྣམས་ཀྱིས་གླུ་བླངས་པ། །འཇིག་རྟེན་སྒྲོན་མ་བྱ་བ་དང་། །གཡུ་མཚོ་འཁྱིལ་བ་བྱ་བ་དང་། །གཡུ་ལོ་ལྕུག་ཕྲན་བྱ་བ་བླངས། །མཆོད་གནས་རྣམས་ཀྱིས་གླུ་བླངས་པ། །མཁན་པོ་བོ་དྷི་སཏྭ་ཡིས། །སྒོམ་ཕྲེང་དཀར་པོ་ཞེས་པ་བླངས། །སློབ་དཔོན་པདྨ་འབྱུང་གནས་ཀྱིས། །ལྷ་འདྲེ་ཟིལ་གནོ…

ཆེན་བྱ་བ་བླངས། །སྦས་ཀྱི་བརྟན་བཟང་དཔལ་ལེགས་ཀྱིས། །འདོད་པ་རེ་བརྒྱད་བྱ་བ་བླངས། །མགར་གྱི་ཁྱུང་པོ་བུམ་ཚུགས་ཀྱིས། །བྱ་རྒོད་ལྡིང་བ་བྱ་བ་བླངས། །མཆིམས་ཀྱི་རྡོ་རྗེ་སྤྲེལ་ཆུང་གིས། །མཆིམས་ཀྱི་བརྗེད་གླུ་བྱ་བ་བླངས། །སྣ་ནམ་རྒྱལ་ཚ་ལྷ་སྣང་གིས། །ལྷ་ཤུག་གོང་མ་བྱ་བ་བླངས། །ཁྲི་འབྲིང་ལྷ་འོད་ཞུ་ལོད་ཀྱིས། །མདོ་ཚོང་རབ་འབྲིང…