རྡོར་གྱིས་དེར་རྟ་བབས། རྒྱལ་པོ་རྡོ་རིང་གི་རུས་སྦལ་ལ་རྐུབ་སྟེགས་བྱས་ནས་འདུག་པ་ལ་ཕྱག་བྱེད་པ་ལྟར་བཅོས་ཏེ། ཕྱག་དང་པོ་ལ་ཕུ་དུང་གི་ནང་དུ་མཐེབ་ལྟོང་སྤྲད། གཉིས་པ་ལ་མདའ་བཀང་། གསུམ་པ་ལ་འཕངས་པས། རྒྱལ་པོའི་སྨིན་མཚམས་སུ་ཕོག་སྟེ་མདེའུ་ལྟག་པར་ཕྱུང་། དེར་རྒྱལ་པོས་ང་བསད་པ་ཡང་ན་ལོ་གསུམ་གྱིས་སྔས། ཡང་ན་ལོ་གསུམ་གྱི་ཕྱིས་…

བྱང་པ་རྣམས་མདོང་མཁར་གདོང་ནས་ས་སྲོས་ཏེ་ཤོར་ཟེར་སྐད། དེར་བློན་རྣམས་གྲོས་བགྲོས་པས། འདི་རྫུ་འཕྲུལ་དང་ལྡན་པ་ཞིག་འདུག་པས་ཡེར་པའི་ལྷ་ལུང་དཔལ་རྡོར་ཡིན་ངེས་ཟེར་ནས་བལྟ་བར་བཏང་བས། ལྷ་ལུང་དཔལ་རྡོར་གྱིས་ཀྱང་ཡེར་པར་ལོག་སྟེ་སྒྲུབ་ཁང་དུ་ཕུག་རོན་གྱི་རྐང་པ་ནས་བཟུངས་ཏེ་འཕུར་སྟངས་བྱེད་དུ་བཅུག་པས་རྡུལ་ཕབ། མུག་མ་སྤར་གང་ག…

པདྨའི་ཞལ་མཇལ་ཞིང་མཁའ་འགྲོ་ཡེ་ཤེས་མཚོ་རྒྱལ་གྱིས་རྗེས་སུ་བཟུང་། གདམས་ངག་གི་བཀའ་བབས་ཏེ་ཡི་དམ་གྱི་ལྷ་དང་བླ་མས་བདུད་འདུལ་དཔའ་བོར་ལུང་བསྟན་པས་མཚན་ཡང་ལྷ་ལུང་དཔལ་གྱི་རྡོ་རྗེར་གྲགས། རྒྱལ་པོ་སྡིག་ཅན་སྒྲོལ་དུས་དགུང་ལོ་དྲུག་ཅུ་རེ་གཅིག་ངོ་མཐོང་ཙམ་དུ་ཕེབས་པ་དང་། དེ་རྗེས་ཁམས་སུ་བླ་ཆེན་དགེ་བ་རབ་གསལ་གྱི་བསྙེན་པར་རྫོ…

པོ་མ་བྱུང་བས་སྨད་སིལ་ཆད་དུ་འཆད་པ་ཞེས་གྲགས་ཏེ། རྒྱལ་པོ་གླང་དར་མ་ལ་བཙུན་མོ་གཉིས་ཡོད་པའི་ཆུན་མ་ཚེ་སྤོང་བཟའ་བཙན་མོ་འཕན་ལ་མེ་སྟག་ལོར་མངལ་དུ་སྲིད་ཆགས་ནས་མེ་ཡོས་འཆར་བ་ན་ཁྱེའུ་མཚན་དང་ལྡན་པ་ཞིག་བཙས། དེ་ཉིད་ཆེན་མས་བསད་དམ་འཕྲོག་གིས་དོགས་ནས་མཚན་མོ་མར་མེའི་འོད་དང་མ་བྲལ་བར་མེལ་ཚེ་བྱས་ནས་བསྲུངས་པས་དེ་ལ་མཚན་ཡང་གནམ་…

ཀྱིས་ཀྱང་བསྐུལ་བས་ཆོས་བཤིག་པས་ལན་པར་ཁ་འཆམ་སྟེ་ས་འབྲུག་ལོ་མཇུག་ནས་ཆོས་ལ་འཚེ་བའི་འཕྲོ་ཆད། ཇོ་བོ་མཆེད་གཉིས། བྱམས་པ་ཆོས་འཁོར་རྣམས་ཁྲི་ཐོག་ཏུ་སྤྱན་དྲངས་ནས་མཆོད་པ་བྱས། རབ་བྱུང་ཡིན་ཞེས་རྟགས་རང་གིས་བླངས་ནས་ཤམ་ཐབས་གོང་པ་ཅན་གྱོན། སྐྲ་གཞན་བྲེགས་ཤིང་གཙུག་ཕུད་བཞག་སྟེ་དབྱར་ཟླ་གསུམ་ལ་དབྱར་གནས་བྱེད་ཟེར་ནས་གཙུག་ལག་ཁ…

མཆོག་གི་རྟེན་ལ་མཆོད་པ་བྱས། རྒྱལ་བུ་དེ་གཉིས་ཅུང་ཟད་ནར་སོན་ནས་བཙུན་མོ་གཉིས་སོ་སོའི་ཕྱོགས་བློན་འབངས་ཐ་དད་ཀྱིས་བཟུང་སྟེ། ཡུམ་བརྟན་གྱིས་དབུ་རུ་དང་། འོད་སྲུང་གིས་གཡོ་རུ་བཟུང་ཞིང་། ཇི་ཞིག་ནས་དབུ་གཡོར་གཉིས་པོ་འཁྲུགས་པ་ལངས་པས། དེའི་བག་ཤན་བོད་ཡུལ་ཕལ་ཆེར་ལ་ཁྱབ་སྟེ་ཡུལ་གྲུ་རེ་རེར་ཡང་ཆེ་སྲིད་དང་ཆུང་སྲིད། མང་ཚན་ད…

ལག་དཔོན་བྱས། སྟར་ཁའི་མེ་ཏོག་སྲོད་ལ་འཆར་བ་ལྟ་བར་བསྙད་ནས་འོད་འབར་ཁེངས་ལོག་ཏུ་གྲགས་པ་བྱས། དེ་ནས་ཀོང་ཡུལ་བྲེ་སྣ་འབེ་བཟའ་མོའི་གཡོ་སྒྱུས་ཕབ་བོ། །དེ་ཐམས་ཅད་ཀྱང་བློན་པོ་བྲན་ཁ་དཔལ་ཡོན་ཉེས་མེད་ཁྲིམས་ལ་སྦྱར་བའི་རྐྱེན་གྱིས་གནོད་སྦྱིན་དུ་སྐྱེས་ནས་བསྐུལ་བ་པོ་བྱས་པ་སྟེ། ཇི་སྐད་དུ། ཁེངས་ལོག་བྱེད་པའི་ཕྱྭ་མཁན་མེས་པོ་…

ཁྱུང་བཙུན་ལྷ་ཡིས་ཞུ་བ་བྱས། །འབྲང་མཁར་བྱེ་བཙན་བཙན་པོའི་མཁར་ལ་བརྟེན། །མྱང་དང་སྣང་གིས་མ་ཕྱར་བྱས་ནས་ནི། །རུ་མཚམས་གཞུ་སྙེར་རྗེ་དཔོན་ཚན་གཅིག་ཆགས། །ཐང་ལྷ་ཡར་བཞུད་ལྷ་ཡིས་ཞུ་བ་བྱས། །ཟྭ་དང་དོམ་པ་བཙན་པོའི་མཁར་ལ་བརྟེན། །སྒྲོ་དང་རྨ་ཡིས་མ་ཕྱར་བྱས་ནས་ནི། །འཕན་ཡུལ་ཟ་གང་རྗེ་དཔོན་ཆེན་གཅིག་ཆགས། །ཡར་ལྷ་ཤམ་པོ་ལྷ་ཡིས་ཞུ་…

བསམ་པོར་སྤྲུལ་ནས་རྗེ་འབངས་འདུམས། །ཞེས་ལོ་རྒྱུས་ཆེན་མོར་སྣང་ངོ་། །ཁེངས་ལོག་ནས་ལོ་དགུ་པ་མེ་བྱ་ལ་ཤུད་བུ་སྟག་རྩེ་སོགས་བཞིས་གྲོས་བྱས་ནས་བང་སོ་རྣམས་བགོ་བཤའ་བྱས་ཏེ་བྲུས་ཚུལ་ཡང་། གཉགས་ཀྱིས་དོན་མཁར་མདའ་ཡི་བང་སོ་བྲུས། །ཚེ་སྤོང་ཞང་གིས་རྒྱལ་ཆེན་བང་སོ་བྲུས། །ཤུད་བུས་སེང་གེ་ཅན་གྱི་བང་སོ་བྲུས། །འཕྲུལ་རྒྱལ་བང་སོ་གྲ…

ཀྱི་སྐུ་རིང་ལ་བསམ་ཡས་ལ་ཞབས་ཏོག་ཆེར་མཛད་ཅིང་། དབུས་གཙང་མི་བཅུས་སོ་ཐར་གྱི་སྡོམ་རྒྱུན་ནོད་དེ་བསྟན་པ་ཕྱི་དར་དབུ་ཚུགས་པ་ལའང་བདག་རྐྱེན་མཛད་པས་བཀའ་དྲིན་ཆེ་བ་ཡིན། གཅུང་ཁྲི་པའི་སྲས་ཨ་ཙ་ར། དགེ་སློང་། བླ་མ། བོ་དྷི་རཱ་ཛ་བཞི་སྟེ། ཇོ་བོ་བསམ་ཡས་སུ་ཕེབས་སྐབས་དང་ཁོང་དུས་མཚུངས། དང་པོའི་བརྒྱུད་འཕྲེང་པོ་བ། ལྕང་རྒྱབ་པ། …

རྟེན་གྱི་སྤྱན་སྔར་སྐྱབས་འགྲོ་བླངས་ཤིང་དཀོན་མཆོག་གི་རྟེན་ལ་མཆོད་པ་རྒྱ་ཆེན་པོ་ཕུལ། ལྷ་ལུང་དཔལ་རྡོར་ཁམས་ནས་ཕེབས་པ་ལ་སྨན་བླའི་མདོ་ཆོག་གི་ལུང་གསན་ཏེ་འདི་ཁོ་ན་ལ་ཡི་དམ་གྱི་སྙིང་པོ་མཛད། བཙུན་མོ་ཅོག་རོ་བཟའ་རྒྱལ་མོ་ལ་ཡབ་ཀྱི་བཅུ་དགུ་པ་ཤིང་བྱ་ལ་མངའ་བདག་དཔལ་འཁོར་བཙན་འཁྲུངས། ཡབ་གནམ་ལྡེ་འོད་སྲུང་དགུང་གྲངས་སོ་དགུ་པ…

མངོན་ནོ། །དཔལ་འཁོར་བཙན་ལ་བཙུན་མོ་ཆེན་ཆུན་གཉིས་ལས། ཆེན་མ་སྣ་ནམ་བཟའ་ལེགས་བཙུན་གྱི་སྲས་གཅུང་སྐྱིད་ལྡེ་ཉི་མ་མགོན། ཆུན་མ་མཆིམས་བཟའ་བཙུན་ནེའི་སྲས་གཅེན་བཀྲ་ཤིས་བརྩེགས་པ་དཔལ་ལོ། །འདི་གཉིས་ཀྱི་ཆབ་སྲིད་ཕལ་ཆེར་ཡུམ་བརྟན་གྱིས་འཕྲོག་པས་སྟོད་དུ་བྱོན་ཏེ། གཙན་ཁྲི་བཀྲ་ཤིས་བརྩེགས་པ་དཔལ་གྱིས་གཙང་མྱང་སྟོད་རྒྱལ་མཁར་རྩེ་བ…

སྤྱི་མཐུན་ལས་ལས་ལེགས་གྲུབ་པ། །ཉི་མ་ཞེས་བྱ་དེ་ཡི་གྲོགས་སུ་ནི། །སྤུ་རངས་ཞེས་བྱར་བོད་ཀྱི་རྒྱལ་ཁབ་བྱུང་། །སངས་རྒྱས་བསྟན་པའི་ཉི་མ་དེང་འདིར་ཤར། །ཞེས་ཀུན་གྱིས་ཐོས་པར་གྲགས་པ་དང་། གཞན་ཡང་བཀྲ་ཤིས་པའི་ལྟས་ངོ་མཚར་ཅན་མང་དུ་བྱུང་། སྟོད་དུ་རྒྱལ་ཁྲིམས་ཞྭ་ཙམ་ཆགས་ཞེས་གྲགས། གོང་གི་བློན་པོ་གཉིས་ཀྱི་བུ་མོ་རེ་བཙུན་མོར་ཕུ…

གསུམ་ག་རབ་ཏུ་བྱུང་། ཡབ་ལ་ལྷ་བླ་མ་ཡེ་ཤེས་འོད་དུ་གྲགས། སྲས་ནཱ་ག་རཱ་ཛ་ལ་བྱང་ཆུབ་འོད་དང་། དེ་ཝ་རཱ་ཛ་ལ་ཞི་བ་འོད་ཅེས་གྲགས། མཐོ་ལྡིང་དཔལ་གྱི་ལྷ་ཁང་བཞེངས། ཁྱེའུ་བློ་རྣོ་བ་ཉེར་གཅིག་རྒྱ་གར་དུ་བརྫངས་པས། དེ་རྣམས་ལས་ལོ་ཆེན་རིན་ཆེན་བཟང་པོ་དང་། ལོ་ཆུང་གྲགས་འབྱོར་ཤེས་རབ་གཉིས་ལོག་སྟེ་བསྟན་པ་ལ་ཤིན་ཏུ་ཕན་པ་བྱུང་། པཎྜི…

མཛད། གཅེན་འོད་ལྡེས་ཁ་ཆེ་པཎྜི་ཏ་ཛྙཱ་ན་ཤྲི་སོགས་སྤྱན་དྲངས། དེའི་སྲས་རྩེ་ལྡེས་པཎྜི་ཏ་ཞི་བ་བཟང་པོ་སོགས་སྤྱན་དྲངས། རྔོག་ལོ་ཙཱ་བ་བློ་ལྡན་ཤེས་རབ་རྒྱ་གར་དུ་བརྫངས་ཏེ་བསྟན་པ་ལ་ཤིན་ཏུ་ཕན་པར་མཛད། གོང་གི་ཆུ་གླང་ལ་བསྟན་པ་ཕྱི་དར་གྱི་འགོ་ཚུགས་ནས་ལོ་བདུན་བཅུ་དོན་བཞི་འདས་པ་མེ་མོ་ཡོས། སྤྱི་ལོ༡༠༢༧པར་དུས་འཁོར་རྒྱུད་འགྲེ…

འདི་དང་དུས་ཐོག་མཚུངས་པར་དཔལ་ལྡན་མར་པ་ལོ་ཙཱ་བས་རྒྱ་གར་གྱི་པཎ་གྲུབ་ཆེན་པོ་ནཱ་རོ་པའི་ཐུགས་བཅུད་བཀའ་བརྒྱུད་བསྟན་པའི་ཆུ་འགོ་བོད་དུ་དྲངས་སོ། །རྩེ་ལྡེའི་སྲས་འབར་ལྡེ། དེའི་སྲས་བཀྲ་ཤིས་ལྡེ། དེའི་སྲས་བྷ་ནེ། དེའི་སྲས་ནཱ་ག་དེ་ཝ་རྣམས་ནས་མངའ་རིས་ཀྱི་བཙན་པོ་ཕལ་ཆེར་བྱུང་། ནཱ་ག་དེ་ཝའི་སྲས་བཙན་ཕྱུག་ལྡེས་ཡ་རྩེའི་མངའ་བ…

རྨལ་གྱིས་རྒྱལ་ས་མ་ཐོབ་གོང་དུ་ས་སྐྱར་རབ་བྱུང་མཛད། ཕྱིས་རྒྱལ་ས་བྱས་ཤིང་། དེའི་སྲས་ཀ་ལན་རྨལ། དེའི་སྲས་བར་བཏབ་རྨལ། འདི་ནས་ཡ་རྩེའི་རྒྱལ་རྒྱུད་ཆད་དེ། སྤུ་རངས་ནས་མངའ་བདག་བསོད་ནམས་ལྡེ་སྤྱན་དྲངས་ཏེ་སྲིད་བཟུང་བས་པུཎྱ་རྨལ་དུ་གྲགས། དེའི་སྲས་པྲི་ཏི་སྨལ་དང་བློན་པོ་དཔལ་ལྡན་གྲགས་པས་ས་སྐྱའི་ཆོས་ཁྲི་དང་། ལྷ་སར་བཅུ་གཅ…

པའི་སྲས་མ་ཆེད་ཟུང་གཅིག་འཚོ་གཞེས་སུ་སྣང་བ་འདིའོ། ༈ །མངའ་བདག་དཔལ་འཁོར་བཙན་གྱི་སྲས་གཅེན་ཁྲི་བཀྲ་ཤིས་བརྩེགས་པ་དཔལ་གྱིས་ཅོག་རོ་བཟའ་མགོན་ཁབ་ཏུ་བཞེས་པ་ལ་སྲས་དཔལ་ལྡེ། འོད་ལྡེ། སྐྱིད་ལྡེ་སྟེ་སྨད་ཀྱི་ལྡེ་གསུམ་དུ་གྲགས་པ་བྱུང་། གཅེན་དཔལ་ལྡེས་ཅོག་རོ་བཟའ་འབའ་རེ་ཁབ་ཏུ་བཞེས་པ་ལ་སྲས་འོད་དཔལ་ལྡེ་དང་། དྷརྨ་ཙཀྲ་གཉིས། ག…

མཐུན་པར་འགྲིགས། །ཆོས་སྐྱོང་དེ་སྲས་བཀྲ་ཤིས་ལྡེ་ཞེས་པ། །གཏེར་སྟོན་རྒོད་ལྡེམ་ཆོས་བདག་ཉིད་མཚུངས་ཡིན། །དེ་ནས་ཕུན་ཚོགས་ལྡེ་དང་བསོད་ནམས་ལྡེ། །ལྷ་དབང་རྒྱལ་མཚན་མངའ་བདག་རྣམ་རྒྱལ་ལྡེ། །བསམ་ལྡེ་ཀུན་དགའ་བློ་གྲོས་ཀུན་བཟང་གྲགས། །བསམ་ལྡེ་ཕྱི་མ་དེ་སྲས་བསོད་དབང་ལྡེ། །དེ་ལྟར་མཆེད་དང་ཁྲི་རབས་མ་བགྲངས་པར། །ཡབ་སྲས་རྐྱང་བག…

སོ། །འདི་བརྒྱ་ཚོ་བགྲང་ཚུལ་བཅུ་ཚོ་བརྒྱ་ལ་གཅིག་ཏུ་བྱས་པ་སྟོང་ཕྲག་ལ་བཞག་པ་ཡིན་འདུག་གོ །གཅུང་དྷརྨ་ཙཀྲའི་རྒྱུད་སྔོན་པོ་ཚོན་པོར་ཐུག་སྟེ། ཁབ་གུང་ཐང་པ། ཀླུ་རྒྱལ་བ། སྤྱི་པ། ལྷ་རྩེ་བ། གླང་ལུང་རྩེ་སྐོར་བ་སོགས་ཡིན། ལྡེ་གསུམ་གྱི་ཐ་ཆུང་གཅུང་སྐྱིད་ལྡེ་འཇད་རྟ་ནག་ཏུ་ཕོག །སྲས་དྲུག་ལས་ལྔ་བྱང་དུ་བྱོན་ཏེ་གཡས་རུ་དང་རུ་ལག…