རླངས་སོ་རླངས་སོ་ལན་གསུམ་རླངས། གསུངས་པས་རླངས་ཀྱི་གདུང་བརྒྱུད་ཅེས་མིང་དེ་ནས་ཆགས། འགའ་ཞིག་ཏུ་ག་ལ་བཏགས་སུ་སྣང་བ་ནི་ཡིག་མཁན་གྱིས་མ་དག་པའི་རྒྱུན་འབྱམས་པར་ངེས་སོ། །དེའི་ཇོ་མོ་ལྡོང་བཟའ་ཁྲི་སྒྲོན་ལ་སྲས་དཔའ་བོ། དེའི་ཇོ་མོ་ཅོག་རོ་བཟའ་ལྷ་གནམ་གྱི་སྲས་སྟོང་ཐོ། དེའི་སྲས་ཆེ་ཆེ། དེའི་སྲས་རྒོད་ལྡིང་། གཅེན་པོའི་སྟེང་ད…

ཨ་མི་བྱང་ཆུབ་འདྲེ་བཀོལ་ཏེ། དགུང་ལོ་བརྒྱད་ལ་ཨོ་རྒྱན་དུ་བྱོན་པ་དང་། སྲིན་པོ་བཏུལ་ནས་ཕྱིར་བྱོན་པའི་ཚེ་ཡི་དམ་གྱི་ཞལ་གཟིགས་པ་དང་། གེ་སར་གྱིས་གླིང་ཡུལ་དུ་ལན་གཉིས་གདན་དྲངས་པའི་ཕྱི་མའི་ཚེ། ཕ་བོང་གྲ་བ་རྟ་འདྲ་བ་ལ་ཆིབས་ནས་ཕྱོགས་བཞིར་གདོན་ཆེན་པོ་བཞི་བཏུལ་བ་སོགས་རྫུ་འཕྲུལ་མཐའ་ཡས་ཤིང་། སྔར་བྱང་ཆུབ་རྡོ་རྗེ་ཟེར་ཡང་…

དེའི་སྲས་ཨ་སེར། དེའི་སྲས་སྐྱབས་བདུན། དཔལ་དང་བརྒྱད། བཙན་དང་དགུ་ཞེས་པའི་ཆེ་བ་ཡོན་ཆེན་རྒྱལ་བ་སྐྱབས་ཡིན་ལ། དེ་ཡང་རླངས་སྟོད་ཐོ་ཡི་སྤྱི་དཔོན་མཛད། མགོ་རུམ་སེང་གེས་རྒྱ་བཅོམ། རྩེ་འཐོན་གྱིས་དྲག་པོ་སྤུན་བཞི་བཏུལ། ལྡོང་སྲས་ཀྱིས་འདན་ཡུལ་དབང་དུ་འདུས་པ་སོགས་འཇིག་རྟེན་མི་ཆོས་ནས་མངོན་པར་མཐོ་བ་ཤིན་ཏུ་མང་ཞིང་། དམ་པའི་…

པོ་ཆེ་དང་། དཔོན་ཆེན་སངས་རྒྱས་སྐྱབས། དཔོན་ཤེས་རབ་རྒྱལ་ཏེ་གསུམ་ལས། དང་པོ་སྤྱན་སྔ་རིན་པོ་ཆེ་ནི། ཡབ་མེས་ཀྱི་ཐུགས་བཞེད་བཞིན་འབྲི་གུང་དུ་བྱོན་ནས་བཀའ་བརྒྱད་ཀྱི་ཆོས་ལ་གཙོ་བོར་མཛད། གསུང་རབ་དགོངས་འགྲེལ་དང་བཅས་པ་ལ་གསན་བསམ་སྒོམ་པ་ལ་མཐར་ཕྱིན་པས་གྲུབ་མཐའ་རིས་མེད་ཀྱི་བསྟན་པའི་བདག་པོར་གྱུར། ཧོར་དོར་རྟ་ནག་པོའང་རྗེ་འ…

དུ་བརྟེན་མཆོད་གདན་ས་མཐིལ་རང་བཟང་བར་གྲགས་པ་ཡང་འདིའི་དུས་སུ་བྱུང་བར་སྣང་། སྤྱན་སྔ་རིན་པོ་ཆེ་ཡན་ཆད་དུ་གོང་མའི་འཇའ་ས་སོགས་མེད་འདུག་ཀྱང་། འདི་ཉིད་ཀྱི་དུས་ཧུ་ལ་ཧུར་གཏོགས་པ་རྣམས་གོང་མའི་ལུང་གི་འཇའ་ས་དང་བཅས་ལྡན་མ་སྒོམ་བརྩོན་གྱིས་སྤྱི་དཔོན་བྱས་ནའང་ལུགས་དང་འབྲེལ་བར་མ་བྱུང་བས། སླར་དཔོན་རྡོ་རྗེ་དཔལ་རྐང་བཞིའི་དཔ…

ཟབ་ཅིང་ཡངས་པས་ལུང་རྟོགས་ཀྱི་ཡོན་ཏན་མཐའ་ཡས་ཤིང་། གདན་སར་ཕེབས་ནས་པུ་རང་ལོ་ཆུང་གི་ཐུགས་དམ་དགྲ་ནག་ལ་གསོལ་བ་བཏབ་པས་ལྷོ་རྒྱུད་ཀྱི་འཁྲུགས་པ་ཞི་བ་དང་། མངོན་མཁྱེན་ཐོགས་པ་མེད་པ་སོགས་རྣམ་ཐར་ཡ་མཚན་ཅན་མང་། འདི་དུས་ཁྲི་དཔོན་རྡོ་རྗེ་དཔལ་གྲོངས་ནས་ཁོང་གི་གཅུང་གཞོན་ནུ་རྒྱལ་མཚན་ཁྲི་དཔོན་གྱི་གོ་སར་བསྐོས་ཀྱང་། མགོ་ལ་སྨྱ…

ཡངས། ཁྲི་དཔོན་བྱང་གཞོན་གྱི་རྗེས་སུ། གཞོན་ནུ་ཡོན་ཏན་གྱི་ཁྲིད་དཔོན་ལོ་དྲུག་བྱས་ནའང་། ཆང་ནག་ཁོ་ན་དོན་དུ་གཉེར་བས་སྡེའི་འཛིན་ཚུགས་དེ་ཙམ་མ་བྱུང་། གཅུང་གྲགས་པ་རིན་ཆེན་ཐོས་སྒོམ་གྱི་བྱ་བ་མཐར་ཕྱིན། གདན་སར་བཞུགས་ཐོག་ཏི་ཤྲི་གྲགས་འོད་དང་། རྒྱལ་པོ་ཐེ་མུར་བོག་གཉིས་ཀྱི་འཇའ་ས་སྟག་མགོ་ཕུལ། ཁྲི་དཔོན་ཟུར་དུ་མ་བསྐོས་པར་…

ཁྲི་སྨོན་འབུམ་སྐྱིད་གཉིས་ལས། ཞང་ལྕམ་མ་ལ་སྲས་རྒྱལ་མཚན་དཔལ་བཟང་། གྲགས་པ་རྒྱལ་མཚན། གྲགས་པ་བཟང་པོ་དང་གསུམ། འབུམ་སྐྱིད་ལ་ཏཱ་སི་བྱང་ཆུབ་རྒྱལ་མཚན། གྲགས་པ་ཤེས་རབ། བསོད་ནམས་བཟང་པོ་སྟེ་ཡུམ་མི་གཅིག་པའི་སྐུ་མཆེད་དྲུག་ལས། གྲགས་པ་རྒྱལ་མཚན་ཐོས་བསམ་སྒོམ་པ་མང་དུ་མཛད། ཁྱད་པར་མགོན་པོའི་བཀའ་བབས་བྱུང་ཞིང་གདན་ས་ཡུན་རིང་ད…

བསྟན་ཐོག་ཏུ་བབས་པ་སྟེ། ཏཱའི་སི་ཏུ་བྱང་ཆུབ་རྒྱལ་མཚན་ནི། དགེ་བྱེད་ཅེས་པ་ཆུ་ཕོ་སྟག །སྤྱི་ལོ་༡༣༦༢པར་སྐུ་འཁྲུངས། དགུང་ལོ་གསུམ་པ་ལ་འབྲི་ཀློག་འབད་མེད་དུ་མཁྱེན་པ་དང་། དྲུག་པ་ལ་ཆོས་སྐྱོང་ལས་མགོན་བྱ་རོག་གདོང་ཅན་གྱི་རྗེས་གནང་གསན་པས་ཤིན་ཏུ་འགོ་བ་བྱུང་། བདུན་པ་ལ་སྤྱན་སྔ་ཚེས་བཞི་པའི་དྲུང་དུ་དགེ་བསྙེན་གྱི་སྡོམ་པ་མ…

ཆེན་རིན་པོ་ཆེར་ཕག་གྲུའི་དབོན་པོ་འདི་སློབ་གཉེར་བྱུང་ན་རབ། མ་བྱུང་ན་བཞི་ཐོག་པའི་དྲུང་འཁོར་ལས་ཚན་ཞིག་ཞུས་འདུག་པ་ལྟར་དམ་གཉེར་ལ་བསྐོས། བདག་ཆེན་ཐུགས་གཏུམ་པས་གསོལ་གཟིམས་དམ་གཉེར་སོགས་ལ་བཀའ་བསྐྱོན་འཕྲལ་འཕྲལ་ཡོང་བ་ཞིག་འདུག་པས། དགོངས་པ་ཞུས་ཏེ་རང་བཞིན་ལས་ཚན་མེད་པར་བཞུགས། མེ་སྦྲུལ། སྤྱི་ལོ་༡༣༧༧པའི་དཔྱིད་ཆོས་ལ་ཆུ…

དགྱེས་པའི་བཀའ་བསྩལ། ཞབས་གོམ་འཁྱོར་བ་ཙམ་དུ་སོང་ནའང་ཐུགས་རུས་མཛད་དེ་གསོལ། བདག་ཆེན་རིན་པོ་ཆེར་མངོན་མཁྱེན་ཐོགས་པ་མེད་པ་མངའ་བས། ཏཱའི་སི་ཏུ་ལ་ཁྱོད་ཀྱིས་ཁྲི་དཔོན་ཡོང་། གཡུལ་རྒྱལ་སློབ་གསུངས་པ་སོགས་མ་འོངས་པ་མཁྱེན་པའི་གསུང་མང་དུ་མཛད། དེའི་རྒྱུ་མཚན་གྱིས་བཀའ་ཆེམས་སུ། བླ་མ་བདག་ཆེན་པའི་དྲུང་དུ་ཐུགས་ལ་དཔེ་མེད་བཏགས…

སི་ཏུ་གཉིས་ཕྱག་སྦྲེལ་ནས་མཁས་བཙུན་པས་སི་ཏུ་པའི་འགོ་གཉེར་དང་། སི་ཏུ་མཁས་བཙུན་པའི་ཞབས་ཏོག་ཏུ་འགྱུར་བ་བྱེད་དགོས་པའི་བཀའ་ནན་ཆེ་བ་བྱོན། དེ་ནས་དབུས་སུ་བྱོན་ཏེ། མི་རིང་བར་གོང་མ་རྒྱལ་པོས་སྟག་མགོ་ནོར་བུ་གསུམ་པ་དང་བཅས་ཁྲི་དཔོན་གྱི་ལས་ཀ་གནང་། ཕྱི་ལོ་ཟླ་བ་བརྒྱད་པའི་བར་རྒྱལ་མཚན་སྐྱབས་ཀྱི་ཁྲི་དཔོན་བྱས་ནའང་ལུགས་གཉི…

གཞན་པའི་ཙ་ར་མཛད། ས་འབྲུག །སྤྱི་ལོ་༡༣༨༨པར་ཨ་ཏུ་ལ་ཡར་ཀླུངས་སུ་བྱོན་ཏེ་ཡུན་རིང་བཞུགས། ཉིན་གཅིག་ཨ་ཏུ་ལས་སི་ཏུ་རྟ་རར་ཁྲིད་ནས་རྟ་བྲེས་ཀྱི་ཁ་ཤིང་གོག་ལ་ཁད་གཅིག་འདུག་པ་དེ་བསྟན་ནས། ཁྲི་དཔོན་བློ་ཞིབ་དགོས་པ་ཡིན། འདི་ལ་ས་ཕག་གསུམ་བཞག་ན་འགྲིག་པས། རྟ་ལ་སྣད་ཡར་མི་ཡོང་བ་ཡིན། རྟ་རབ་ལ་དངུལ་བྲེ་རེ་རི། དངུལ་བྲེ་དེ་གསེར་ས…

ཡོད་པ་དང། ས་སྐྱའི་དཔོན་ཆེན་རྣམས་ཀྱང་ཚལ་པའི་ཕྱོགས་སུ་ཡོ་བ་ལྟ་བུས་ཁ་མཆུ་ཡང་གཡའ་བཟང་པ་རྒྱལ་བ་འགའ་རེ་བྱུང་ནའང་། རྩ་བ་མ་ཆོད་པས་གཡའ་ཕག་བར་ཐང་དུ་གཡུལ་འཁྲུགས་པས་ཕག་གྲུ་ཕམ་སྟེ། སྟོན་པ་གཞོན་འོད་ཀྱིས་འགོ་བྱས་མི་གཅེས་བཅུ་གསུམ་ཙམ་བསད། སི་ཏུ་དང་མཉམ་དུ་གཞོན་ནུ་བཟང་པོས་གཙོས་མི་བཅོ་ལྔ་ཙམ་མ་གཏོགས་ཕལ་ཆེར་བྲོས། དེ་ནས་ད…

གཉིས་སུ་གཏུགས་བཤེར་བྱེད་མ་ཐུབ་ཀྱང་། མངའ་རིས་འཁོར་ནས་ཡར་ཀླུང་དུ་སེ་ཆེན་རྒྱལ་པོའི་འཇའ་ས་ལི་ཇི་བཅྭ་ཧུ་སོགས་ཡིག་རིས་རྣམས་བསྟན་པས་སི་ཏུ་དར་རྒྱལ་བ་ཧ་ལས་ཏེ། གཡའ་ཕག་གི་ཁ་མཆུའི་བཅད་མཚམས་ལེགས་པར་བྱས་ནའང་། གཡའ་བཟང་ཚུལ་འབུམ་འོད་ཀྱིས་ཨེ་གཉལ་གྱི་དམག་རྣམས་བསྐུལ་ཏེ་རྡོག་པོ་རྒྱུད་དུ་འཁྲུགས་པས་ཕག་གྲུ་རྒྱལ་ཏེ། མ་དགའ་བ…

གཡའ་ཕག་གཉིས་གཏུགས་བཤེར་བྱེད་རྒྱུའི་ཉིན། ཏཱའི་སི་ཏུ་བས་གཞོན་ནུ་བཟང་པོས་འགོ་བྱས་བློན་པོ་རྣམས་ལ། སང་ངེད་དང་གཡའ་བཟང་པ་གཉིས་དཔོན་ཆེན་གྱི་མདུན་དུ་གཏུག་བཤེར་བྱེད་རྒྱུ་ཡིན་པས། གལ་སྲིད་དཔོན་ཆེན་གྱིས་ངེད་འཛིན་བཟུང་བྱེད་བྱུང་ན། ངེད་ཀྱི་པགས་པ་དམར་བཤུས་བྱེད་ཀྱི་འདུག་ཟེར་བ་བྱུང་ཡང་སྣེའུ་གདོང་ཁོང་ལ་མ་གཏོད་སོགས་ཀྱི…

ཏཱའི་སི་ཏུ་ལ་དམ་སྦྲགས་མ་བྱས་པས་སི་ཏུ་སླར་དབུས་སུ་བྱོན་ནས་སྣེའུ་གདོང་དུ་གཞོན་ནུ་བཟང་པོས་འགོ་བྱས། བློན་པོ་རྣམས་ལ་ཁ་མཆུ་འདིའི་དབྱེ་གསལ་མ་བྱུང་བར། ངེད་རྣམས་ཆོས་བྱེད་པ་སྐད་མི་ཟེར་བའི་ཁས་ལེན་བསྐོར། དཔོན་ཆེན་དབང་བརྩོན་གྱིས་ཁྲི་དམག་རྣམས་བསྡུས་ཏེ་དོག་ལུང་པར་བྱུང་བ་དང་། ཏཱའི་སི་ཏུས་ཀྱང་རྫོང་རྣམས་ཀྱི་འཛིན་ཆ་དང…

དབུས་གཙང་གི་ཁྲི་དམག་མཐའ་དག་སྦུབ། ཕག་གྲུའི་བྱུས་རྣམ་པར་རྒྱལ་བའི་རུ་མཚོན་བསྒྲེངས་ནས། དགྲ་མགོ་རུ་དར་དང་བཅས་པ་ཕོ་བྲང་སྣེའུ་གདོང་རྩེར་ལག་རྟགས་སུ་བསྐུར་བ་འཕྱར་ཏེ་གྲགས་སྙན་ཕྱོགས་ཀུན་ཏུ་ཁྱབ། སྔར་དཔོན་ཆེན་རྒྱལ་བཟང་གིས་སི་ཏུ་བཟུང་བའི་སྐབས་ཕོ་བྲང་དུ་འཁྲ་ཕུར་ཚུགས་ཤིང་། དབང་བརྩོན་གྱིས་ཁྲི་སྐོར་བཅུ་གསུམ་གྱི་དཔུང་…

རྣམས་རྨེག་མེད་པར་བཅོམ། དེ་ནས་དཔོན་ཆེན་དབང་བརྩོན་གྱིས་དམག་བསགས་པར། བླ་མ་དམ་པས་བཀའ་ཕེབས་དང་། དེ་རྗེས་ཁ་མཆུ་སྡུམ་མཁན་མང་དུ་བྱུང་ཡང་། དཔོན་ཆེན་གཞན་གྱིས་བསྐྱོད་སྟབས་སུ་སོང་བས་མ་འགྲིག་པའི་ངང་དེར་སི་ཏུས་གོང་དཀར་བླངས། དེ་ལ་དཔོན་ཆེན་གྱིས་དཔུང་བཅུག་པར་བསད་བཟུང་དང་ཆུ་ལ་ལྕེབས་པ་སོགས་མང་དུ་བྱུང་ནས་ཏཱའི་སི་ཏུ་རྒྱ…

བརྩིགས་པ་སོགས་ཀྱི་བྱེད་པར་བརྟེན་ཕག་གྲུའི་དམག་རྣམས་གསང་མདར་ཡོང་ཐོག །གཡའ་བཟང་པ་འབུམ་ཕྲག་འོད་ཀྱིས་གཉལ་དམག་རྣམས་ཁྲིད་ནས་ལྷུན་པོ་རྩེར་སླེབས་པའི་འཕྲོས་བྱུང་བ་དང་། ཕྱིར་ལོག་སྟེ་འཁྲུགས་པས། འབུམ་ཕྲག་འོད་ཀྱིས་འགོ་བྱས་དམག་མི་དགུ་བརྒྱ་ཙམ་ལྷུན་པོ་རྩེའི་ནང་ལ་བཅུར། དེ་རྗེས་གཉལ་དམག་ཡོང་བ་རྣམས་ཀྱང་མང་དུ་བསད་ཅིང་གོ་མ…