འགྲིབ་པར་མ་གྱུར་ཅིག །ཀུན་རྨོངས་གདོན་གྱིས་རྣམ་པར་བརླམས་ལས་ལྟ་ངན་དུག་གི་ཁ་རླངས་ཅན། །ཐར་པ་བདེ་བའི་སྲོག་འཕྲོག་ལ་ཆས་ཕས་རྒོལ་ལྟོ་འགྲོའི་དཔུང་ཚོགས་ཀྱི། གདུག་ཅིང་རྩུབ་པའི་བསམ་སྦྱོར་དེ་ཀུན་རྩ་བ་རུལ་བའི་ལྗོན་ཤིང་བཞིན། །ནམ་ཡང་འབྲས་འབྱིན་ནུས་པ་དང་བྲལ་ཀུན་ལ་ཞི་བདེའི་དཔལ་ཐོབ་ཤོག །མ་ལུས་ཕན་བདེའི་འབྱུང་གནས་གཅིག་གྱུ…

གྱི་གནས་འགའ་ཞིག་མཐོང་བས་རྐྱེན་བྱས་ནས། སླར་ཡང་དཔེ་རྙིང་གི་ལོ་རྒྱུས་གང་རྙེད་དང་བསྟུན་ཏེ་འཕྲི་བསྣན་གང་ལ་གང་འོས་དང་། སྐབས་སུ་བབས་པའི་ཚིག་ཕྲེང་ཇི་ལྟར་རིགས་པས་ཀྱང་གསལ་བར་བྱས་ཏེ། ད་ལྟ་ས་ཕོ་རྟའི་ལོ་ལ་རང་གི་ཤེས་ཚད་ཀྱིས་གཏན་ལ་ཕབ་ནས་གཙང་དག་ཏུ་སྤེལ་བར་རློམ་པ་ཡིན་ནོ། །བཀྲ་ཤིས་དཔལ་འབར་འཛམ་གླིང་ཀུན་ཁྱབ་ཤོག། །།

ཨོཾ་སྭསྟི། བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་ངག་བསྒྲིགས་བརྩམས་ཆོས་ཡོངས་རྫོགས་ཕྱོགས་གཅིག་ཏུ་བསྡེབས་པའི་གླེགས་བམ། ག༽ པ་འདིར། གངས་ཅན་བོད་ཆེན་པོའི་རྒྱལ་རབས་སྔ་དར་བར་དར་ཕྱི་དར་གསུམ་དུ་དབྱེ་བའི་སྒོ་ནས་འདུས་གསལ་དུ་བཀོད་པ་སྔོན་མེད་དྭངས་ཤེལ་འཕྲུལ་གྱི་མེ་ལོང་ལ་ལྡེབ་༢༨༣དང་། གླེགས་བམ་གྱི་དཀར་ཆག་ང་རང་ལྡེབ་༡བ…

༄༅། །སྡོམ་གསུམ་རྣམ་པར་ངེས་པའི་བསྟན་བཅོས་ཀྱི་འབྲུ་འགྲེལ་བློ་གྲོས་གསར་བུའི་ཡིད་ཀྱི་གདུང་སེལ་ལེགས་བཤད་བདུད་རྩིའི་ཟ་མ་ཏོག་ཅེས་བྱ་བ་བཞུགས་སོ། །

༄༅། །ཨོཾ་སྭསྟི་སིངྔྷཾ། རྣམ་འདྲེན་སྟོང་རྩའི་དབུས་ན་པད་དཀར་བཞིནརབ་བསྔགས་རྩོད་ལྡན་གདུལ་བྱའི་དཔལ་ཤར་བ་ངོ་མཚར་སྟོན་པ་མཚུངས་མེད་ཤཱཀྱའི་རྒྱལ། །ཁྱོད་ཞབས་སྤྱི་བོའི་རྒྱན་དུ་ཐོག་མར་བསྙེན། །འོད་སྣང་མཐའ་ཡས་མགོན་པོའི་ཟློས་གར་ནི། །སིནྡྷུའི་པད་མཚོར་བསྒྱུར་ལས་མཚན་སྐུའི་དཔལ། །འཆི་མེད་རིག་འཛིན་གཞོན་ནུའི་རྣམ་འགྱུར་གྱིས…

མཁན་ཆེན་ཞི་བ་འཚོ། །གངས་ལྗོངས་སྨག་རུམ་ཁྲོད་ན་རྒྱལ་བསྟན་གྱི། །སྣང་བྱེད་ཐོག་མར་འདྲེན་བཟོད་ཁྲི་སྲོང་རྗེ། །རྣམ་གསུམ་བོད་ལ་ལྷག་པར་རྗེས་བརྩེའི་སྟོབས། །ངོ་མཚར་རྣམ་ཐར་ད་ལྟའི་བར་དུ་ཡང་། །མངོན་སུམ་ཚད་གྲུབ་བཀའ་དྲིན་ཕུང་པོའི་ཚུལ། །རྗེས་སུ་མི་དྲན་བྱོལ་སོང་ལས་གཞན་སུ། །ཐ་མའི་དུས་འདིར་སླར་ཡང་ཆོས་རྒྱལ་ཉིད། །སྡོམ་བརྩོ…

སྐལ་སྩལ། །ཚུལ་འདིར་ཤེས་བྱ་ཀུན་གཟིགས་ལོ་ཆེན་རྗེ། །དྷརྨ་ཤྲྰི་སོགས་སྔོན་བྱོན་མཁས་རྣམས་ཀྱིས། །དགོངས་འགྲེལ་ལེགས་བཤད་ཅི་དགར་སྤྲོས་ལས་འདིར། །རྒྱལ་བསྟན་མི་ཉམས་དར་མཛད་བཀའ་དྲིན་དྲན། །སླར་ཡང་རང་འདྲ་ཐོས་ཆུང་གསར་བུའི་ཕྱིར། །རྗོད་བྱེད་ཚིག་ཉུང་བརྗོད་བྱའི་དོན་མ་ནོར། །དོན་གནད་རྗེན་ཕྱུངས་རྒྱས་བཤད་སྤྲོས་པ་བསྐྱུངས། །བལ…

དབྱངས་དངོས་ཆོས་རྒྱལ་ཚངས་པའི་ལྷའི་མེ་ཏོག་གི་གསང་བ་གསུམ་གྱི་རྣམ་པར་རོལ་པ་ཡུལ་མངའ་རིས་ཀྱི་པཎྡི་ཏ་ཆེན་པོ་པདྨ་དབང་རྒྱལ་རྡོ་རྗེ་གྲགས་པ་རྒྱལ་མཚན་དཔལ་བཟང་པོ་ཞེས་མཁས་པའི་ཕུལ་དུ་ཕྱིན་ཅིང་གྲུབ་པའི་ས་མཐོར་གཤེགས་པ་དེ་ཉིད་ཀྱིས། རང་རེ་རྗེས་འཇུག་གི་གདུལ་བྱ་རྣམས་ལ་བརྩེ་བ་ཆེན་པོས་ལྷག་པར་རབ་ཏུ་དགོངས་ཏེ་སྡོམ་པ་གསུམ་གྱི…

གཏན་ལ་འབེབས་པར་བྱེད་པས་ན་ལ༷མ་ཀུ༷ན་གྱི༷་མཐར་ཐུག་པ་ནི་ཨ་ཏི་ཡོ་ག་ཡིན་ཅིང་། ཨ་ནུ་མན་ཆད་མདོ་སྔགས་ཀྱི་ཆོས་ཚུལ་ཐམས་ཅད་ཀྱང་འདི་ཉིད་རྟོགས་པར་བྱེད་པའི་ལམ་གྱི་ཆ༷་ལ༷ག་ཏུ་གྲུབ་པ་ད་། དེ་ཐམས་ཅད་ཀྱི་བརྗོད་བྱ་ཉམས་ལེན་གྱི་སྙིང་པོ་ནི་མ་པ༷་གསུ༷མ་ཡིན་ལ། དེའི་དོན་དཔྱད་པ་གསུམ་གྱི་སྒོ་ནས་སྒྲོ་སྐུར་དང་བྲལ་བར་གཏན་ལ་ཕབ་པས་ན་ར…

ངེས་པ་རྙེད་པར་འགྱུར་བ་དང་། ཐ་མས་ཀྱང་མཚན་དོན་དེ་ལྡན་གྱི་གཞུང་ཉིད་ལ་མྱུར་དུ་འཇུག་པར་སྤྲོ་ཞིང་གླེགས་བམ་ཡང་ངོ་ཤེས་པའི་དགོས་པ་ཡོད་དོ། །གཉིས་པ་མཆོད་པར་བརྗོད་པ་ལ་གཉིས། སྤྱིར་བཀའ་དྲིན་ཅན་གྱི་བླ་མ་ལ་ཕྱག་འཚལ་བ་དང་། ཁྱད་པར་སློབ་དཔོན་ཆེན་པོ་པདྨ་འབྱུང་གནས་ལ་ཕྱག་འཚལ་བའོ། །དང་པོ་སྤྱིར་བཀའ་དྲིན་ཅན་གྱི་བླ་མ་ལ་ཕྱག་འཚ…

ཁྱད་པར་སློབ་དཔོན་ཆེན་པོ་པདྨ་འབྱུང་གནས་ལ་ཕྱག་འཚལ་བ་ནི། དཔལ་ལྡན་ཚོགས་གཉིས་ཆུ་གཏེར་བསྲུབས་པ་ལས། །མཁྱེན་བརྩེའི་འོད་དཀར་ངེས་གསང་གྲུ་ཆར་འབེབབས། །གངས་ཅན་མཁས་གྲུབ་ཡོངས་ཀྱི་གཙུག་རྒྱན་མཆོག །མཚོ་སྐྱེས་རྡོ་རྗེ་འགྲོ་བའི་བླ་མར་འདུད། །ཅེས་པ་སྟེ། འདི་ནི་རིག་བྱེད་པས་རྒྱ་མཚོ་བསྲུབས་པ་ལས་ཟླ་བ་ཐོན་པར་འདོད་པའི་གཏམ་དང་ཆོ…

པ་དེ་ཉིད་གདུལ་བྱ་ཁྱད་པར་བ་གང༷ས་ཅ༷ན་གྱི་ལྗོངས་འདིས་མཚོན་པའི་ས་གསུམ་ལ་གནས་པའི་མཁ༷ས་པ་དང་གྲུ༷བ་པ་ཡོ༷ངས་ཀྱི༷་གཙུ༷ག་གི་རྒྱ༷ན་མཆོ༷ག་ཏུ་བསྟེན་པར་འོས་པ་མདངས་ལྡན་དྲི་མེད་རྒྱ་མཚོ༷འི་གླིང་གི་མེ་ཏོག་པདྨའི་སྦུབས་སུ་ཕ་ཡི་རྒྱུ་དང་མ་ཡི་རྐྱེན་ལ་མ་བརྟེན་པར་རིག་པ་ཐོལ་སྐྱེས༷་ཀྱི་ཚུལ་དུ་སྐུ་འཁྲུངས་ཤིང་སྐྱེ་འཆིའི་གཞོམ་གཞ…

དགོས་པ་ཡོད་པས་སོ། །གསུམ་པ་བརྩམ་པར་དམ་བཅའ་བ་ནི། འགྲོ་བློའི་དྲི་མ་འཁྲུད་མཁས་དྲང་སྲོང་གིས། །བློ་གྲོས་བཻ་ཌྰུར་བུམ་བཟང་རབ་ཐོགས་ནས། །ལེགས་བཤད་སྡོམ་གསུམ་བདུད་རྩིའི་ཆུ་སྦྱིན་གྱི། །དོན་གཉེར་སྐྱེ་བོའི་ཚོགས་རྣམས་འདིར་འདུས་ཤིག །ཅེས་པ་སྟེ། འགྲོ༷་བ་ཐམས་ཅད་ཀྱི་བློའི༷་མི་ཤེས་རྨོངས་པའི་དྲི༷་མ༷་རྣམས་འཁྲུད༷་པ་ལ་མཁ༷ས་པ…

འདུ༷ས་ལ། ཐོས་བསམ་ལ་སོགས་པས་གཏན་ལ་ཕབ་ནས་དོན་གྱི་བཅུད་མྱོང་བར་གྱིས་ཤི༷ག་ཅེས་བསྐུལ་བའོ། །འདིས་བསྟན་བཅོས་ཀྱི་དགོས་སོགས་ཆོས་བཞི་ཡང་ལེགས་པར་བསྟན་པ་ཡིན་ཏེ། སྡོམ་པ་གསུམ་ནི་བརྗོད་བྱ། རྗོད་བྱེད་ཀྱི་ལེགས་བཤད་འདི་ལས་བརྗོད་བྱའི་དོན་ལེགས་པར་རྟོགས་ཏེ་ཐར་པའི་ལམ་ལ་བཞུགས་པ་ནི་དགོས་པ། ཞུགས་པ་མཐར་ཕྱིན་ནས་བྱང་ཆུབ་ཐོབ་པ་…

སྤྱིར་བཤད་པ། ཐེག་པ་ཐམས་ཅད་ཀྱི་ལམ་གྱི་གནད་སྡོམ་པ་གསུམ་གྱི་ཉམས་ལེན་དུ་འདུས་པའི་འབྲེལ་གྱིས་ཁོག་དབུབ་པའོ། །དང་པོ་སྦྱང་གཞི་ཁམས་དང་བྲལ་འབྲས་མཐར་ཐུག་གི་འབྲས་བུ་ངོས་བཟུང་བ་ནི། རྫོགས་པ་ཆེན་པོ་ཡེ་ཤེས་སྤྱི་ཡི་གཟུགས། །ཡོངས་སུ་དག་སྐུ་རྡོ་རྗེ་འཆང་ཆེན་པོ། །འབྲས་བུའི་མཐར་ཐུག་སངས་རྒྱས་ཉག་གཅིག་དེ། །ཞེས་པ་སྟེ། སྤྱིར་ར…

རིགས་སུ་འདོད་དེ། མ་ཆགས་པ་དེ་ལས་ཟག་མེད་ཀྱི་ཆོས་སྐྱེ་བའི་ཕྱིར་ཞེས་འདོད། དེའི་དོན་ཡང་སྲིད་པ་ནི་ཕུང་པོ་ལྔ་དང་། སྲིད་པའི་ཡོ་བྱད་ནི་ཆོས་གོས་སོགས་ཏེ། འདུལ་བ་ལས། ཆོས་གོས་དང་། བསོད་སྙོམས་དང་། གནས་མལ་ངན་ངོན་ཙམ་གྱིས་ཆོག་ཤེས་པ་འཕགས་པའི་རིགས་དང་། སྤོང་བ་དང་སྒོམ་པ་ལ་དགའ་བ་འཕགས་པའི་རིགས་ཏེ་བཞིར་གསུངས་པའི་དེའི་དང་པ…

འདོད་པ་ཕལ་ཆེར་མཐུན་ཀྱང་ངོས་འཛིན་ཚུལ་ཅུང་ཟད་མི་འདྲ་བ་མང་མོད། འདིར་ཐེག་ཆེན་ཐུན་མོང་མ་ཡིན་པའི་ལུགས་ལྟར་ན། སེམས་ཉིད་ཡེ་ནས་རྣམ་པར་དག་པ་འདུས་མ་བྱས་པའི་ཡེ་ཤེས་སྟོང་གསལ་འཕོ་འགྱུར་མེད་པར་གནས་པ་ནི་བདེ་གཤེགས་སྙིང་པོ་སྟེ། ཏིང་འཛིན་རྒྱལ་པོ་ལས། དག་པ་དྭངས་པ་འོད་གསལ་བ། །མི་འཁྲུག་འདུས་མ་བྱས་པ་ཉིད། །བདེ་བར་གཤེགས་པའི་…

འགྱུར་ཡོན་ཏན་དབྱེར་མེད་པའི། །དོན་དམ་དབྱིངས་ཀྱི་དགོངས་དོན་ཡིན་ཞེས་བྱ། །ཞེས་རྣམ་གཞག་རྣམ་པ་བཅུས་དེའི་དོན་གཏན་ལ་ཕབ་ཅིང་། སངས་རྒྱས་པད་ངན་སྦྲང་རྩི་སྦྲང་མ་ལ། །སྦུན་ལ་སྙིང་པོ་མི་གཙང་ནང་ན་གསེར། །ས་ལ་གཏེར་དང་སྨྱུག་སོགས་འབྲས་ཆུང་དང་། །གོས་ཧྲུལ་ནང་ན་རྒྱལ་བའི་སྐུ་དང་ནི། །བུད་མེད་ངན་མའི་ལྟོ་ན་མི་བདག་དང་། །ས་ལ་རིན…

གནས་རིག་པ་ངོ་བོ་རང་བཞིན་དང་། །ཐུགས་རྗེ་གསུམ་ལྡན་རྒྱལ་བའི་སྙིང་པོ་ལ། །སྐུ་གསུམ་རང་ཆས་བཞུགས་པར་བཤད་པ་ཡིན། །ཅེས་དང་། རྡོ་རྗེ་ཕྲེང་བ་ལས། ལུས་ཅན་སྙིང་ལ་གང་གནས་པ། །རང་བྱུང་ཟག་མེད་ཡེ་ཤེས་གཟུགས། །ཞེས་དང་། བརྟག་གཉིས་ལས། ལུས་ལ་ཡེ་ཤེས་ཆེན་པོ་གནས། །ཞེས་སོགས་དང་། ཀུན་མཁྱེན་ཀློང་ཆེན་པས། རྒྱལ་བའི་འཁོར་ལོ་བར་པར་རྣམ…

ཆོས་ཉིད་བདེ་གཤེགས་སྙིང་པོ་དེ་ཉིད། སྦྱང་བྱ་གློ་བུར་གྱི་དྲི་མ་འཁོར་བའི་ཆོས་སུ་སྣང་བ་ཐམས་ཅད། སྦྱོང་བྱེད་སྡོམ་པ་གསུམ་གྱི་ལམ་གྱི་སྙིང་པོ་རིག་པ་འཛིན་པ་སྔགས་ཀྱི་ལམ་ཟབ་མོས། མེད་སྣང་གློ་བུར་བའི་དྲི་མ་སྒྲིབ་གཉིས་བག་ཆགས་དང་བཅས་པ་ཡོ༷ངས་སུ༷་སྦྱངས་ཤིང་དག༷་སྟེ། སྦྱང་འབྲས་དོན་གཉིས་ལྷུན་གྱིས་གྲུབ་པ་སྐུ༷་ལྔ་ཡེ་ཤེས་ལྔ…