སྡོ༷མ་པ་གསུ༷མ་གྱི་རྣམ་གཞག་སྤྱིའི༷་བཤ༷ད་གཞི༷འི་རི༷མ་པ་ལེགས་པ༷ར་ཕྱེ༷་བ༷་སྟེ༷་ལེའུ་ད༷ང་པོའི་རྣམ་པར་བཤད་པ༷འོ༷།། །།༈ ད་ནི་སྤྱིའི་ས་བཅད་གཉིས་པ་སྡོམ་གསུམ་སོ་སོའི་རང་བཞིན་དང་བསླབ་བྱ་ཞིབ་ཏུ་སྟོན་པའི་སྒོ་ནས་རྒྱས་པར་བཤད་པ་ལ་གསུམ་སྟེ། སོ་ཐར། བྱང་སེམས། གསང་སྔགས་སོ། །དང་པོ་འདུལ་བ་སོ་ཐར་གྱི་ཆོས་ཚུལ་སྟོན་པ་ལེའུ་གཉི…

བཞུགས་པ་ལས་མ་གཡོས་བཞིན་དུ་སེམས་ཅན་རྣམས་ཀྱི་དོན་དུ་དེ་བཞིན་གཤེགས་པའི་རྣམ་པར་རོལ་པ་བསམ་གྱིས་མི་ཁྱབ་པར་སྣང་བས་གདུལ་བྱ་རྣམས་སོ་སོའི་སྐལ་བ་དང་འཚམས་པར་འདུལ་བར་མཛད་པ་སྟེ། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་རྩ་བའི་རྒྱུད་ལས། ཐུགས་རྗེ་ཆེན་པོས་འབྲེལ་བ་ན། །འགྲོ་དྲུག་དུས་གནས་མ་ལུས་སྣང་། །ཞེས་དང་། དམ་ཆོས་པད་དཀར་ལས…

པའི་སངས་རྒྱས་ཤཱཀྱ་ཐུབ་པ་འདི་ཉིད། དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་དུ་ཚོགས་བསགས། མཐར་མངོན་པར་རྫོགས་པར་སངས་རྒྱས་ཏེ་ཆོས་ཀྱི་འཁོར་ལོ་མ་ལུས་པ་བསྐོར་བར་མཛད་པ་ཡིན་ཏེ། ཡོན་ཏན་ཡོངས་སུ་བཀོད་པའི་མདོ་ལས། དེས་བླ་ན་མེད་པའི་བྱང་ཆུབ་སེམས་དང་པོ་བསྐྱེད་པ་ནས་བཟུང་སྟེ། བསྐལ་པ་ཆེན་པོ་གྲངས་མ…

རྣམ་གཟིགས་མར་མེ་རིན་ཆེན་གཙུག །གྲངས་མེད་གསུམ་གྱི་ཐ་མར་བྱུང་། །དང་པོ་ཤཱཀྱ་ཐུབ་པ་ཡིན། །ཀུན་ལ་ཐམས་ཅད་སྙིང་རྗེ་ཡིས ། སྦྱིན་པར་བྱས་པས་སྦྱིན་པ་རྫོགས། །ཆགས་བཅས་ཡན་ལག་བཅད་ཀྱང་ནི། །མི་འཁྲུགས་བཟོད་དང་ཚུལ་ཁྲིམས་ཀྱི། །སྐར་རྒྱལ་བསྟོད་པས་བརྩོན་འགྲུས་ཀྱི། །དེ་མ་ཐག་ཏུ་ཏིང་འཛིན་བློ། །ཞེས་གསུངས་ཏེ། བསྐལ་པ་གྲངས་མེད་གསུ…

སངས་རྒྱས་ཀྱི་གོ་འཕང་བརྙེས་ཤིང་། དེ་ལས་མ་གཡོས་བཞིན་དུ་གཙང་མའི་སྟེང་དབང་ཕྱུག་ཆེན་པོའི་འོག་མིན་དང་། གཟུགས་ཀྱི་ཁམས་ཀྱི་འོག་མིན་དང་། དགའ་ལྡན་དང་། འཛམ་བུ་གླིང་རྣམས་སུ་སྤྲུལ་པའི་སྐུ་སྟོན་པར་མཛད་པ་ཡིན་ཏེ། རྒྱུད་བླ་མ་ལས། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པ…

ཚེ་ལོ་ཉི་ཁྲི་པའི་དུས་སངས་རྒྱས་འོད་སྲུང་འཇིག་རྟེན་དུ་བྱོན་པའི་ཚེ་བྲམ་ཟེའི་ཁྱེའུ་བླ་མར་གྱུར། དེའི་སྐུ་སྐྱེ་བ་ཕྱི་མ་ལ་དགའ་ལྡན་གྱི་གནས་སུ་ལྷའི་བུ་དམ་པ་ཏོག་དཀར་པོར་སྐྱེ་བ་བཟུང་སྟེ་ལྷ་རྣམས་ཆོས་ཀྱིས་སྨིན་པར་མཛད། ཛམྦུའི་གླིང་གི་མི་རྣམས་ཚེ་ལོ་བརྒྱ་པའི་དུས་སུ་འདུལ་བའི་སྐབས་སུ་བབས་པར་མཁྱེན་ཏེ། རིགས་དང་། གླིང་ད…

གནོད་པ་མེད་པར་རྩིབ་ལོག་གཡས་པའི་གོ་བར་ནས་ན་བཟའ་དང་བཅས་ཏེ་ལེན་པ་མེད་པ་ཐང་དུ་བྱོན་ཏེ་ཕྱོགས་བཞིར་གོམ་པ་བདུན་བདུན་བོར་ནས། ང་ནི་འཇིག་རྟེན་འདི་ན་མཆོག་ཡིན་ནོ། །ཞེས་གསུངས་པ་ན། བར་སྣང་གི་ལྷས་བསྟོད་པ་སོགས་ངོ་མཚར་བའི་ལྟས་མང་པོ་དང་བཅས་ཏེ་སྐུ་བལྟམས། དེ་ཉིད་སྐྱེ་རྒུའི་བདག་མོ་ལ་སོགས་པ་མ་མ་སུམ་ཅུ་རྩ་གཉིས་ཀྱིས་བསྐྱེད…

བཅས་པ་ན། ཟས་གཙང་མའི་ཚོགས་རྣམས་གཞོན་ནུ་རབ་ཏུ་འབྱུང་གིས་དོགས་ཏེ་ཁོར་ཡུག་མེལ་ཚེས་བསྲུངས་ཀྱང་ཆིབས་བསྔགས་ལྡན་གྱི་སྟེང་ན་རྒྱལ་ཆེན་བཞིས་སྲི་ཞུ་དང་བཅས་ནམ་མཁའི་དབྱིངས་སུ་གཤེགས་ནས་མཆོད་རྟེན་རྣམ་དག་གི་དྲུང་དུ་བབས་ཤིང་ཉིད་ཀྱི་དབུ་སྐྲ་ཉིད་ཀྱིས་བོར་ཏེ་རབ་ཏུ་བྱུང་། དེ་ནས་རྟོག་གེ་བ་གདམས་ངག་ཆེ་བར་གྲགས་པ་རིང་འཕུར་དང་…

དགུང་ལོ་སོ་ལྔ་པ་ཤིང་རྟ་ས་ག་ཟླ་བའི་ཉ་ལ་རྡོ་རྗེ་གདན་བྱང་ཆུབ་ཤིང་གི་སྙིང་པོ་ཅན་དུ་རྩྭའི་འདིང་བ་ལ་སྐྱིལ་མོ་ཀྲུང་བཅས་ནས། སྟན་འདིར་བདག་གི་ལུས་འདི་སྐམ་ཡང་རུང་། །པགས་པ་རུས་པའི་ཚོགས་རྣམས་ཞིག་ཀྱང་རུང་། །བསྐལ་མང་རྙེད་དཀའི་བྱང་ཆུབ་མ་ཐོབ་པར། །སྟན་འདི་ལས་ནི་ལུས་བསྐྱོད་མི་བྱའོ། །ཞེས་དམ་བཅའ་བརྟན་པོ་མཛད། དེར་སྲོད་ཀྱ…

ཀྱིས་བསྟོད། དེའི་ཚེ་ན་འཇིག་རྟེན་ན་དགྲ་བཅོམ་པ་གཅིག་གོ ། དེ་ནས་བདུད་རྩི་ཟབ་མོ་རྟོག་གེའི་སྤྱོད་ཡུལ་མ་ཡིན་པར་སྟོན་པའི་སླད་དུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཞིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་འདུག་པས། །མི་སྨྲ་ནགས་འདབ་ཉིད་དུ་གནས་པར་བྱ། །ཞེས་གསུངས་ཏེ་ཞག་བདུན་ཕྲག་བདུན་དུ་ཆོ…

ཕྲག་བདུན་འདས་པ་ཆུ་སྟོད་ཟླ་བའི་ཚེས་བཞི་ནས་བརྩམས་ཏེ། ཆོས་ལྷག་པ་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ་རྗོད་བྱེད་འདུལ་བ་སྡེ་སྣོད་བཀའ་དང་པོ་བདེན་པ་བཞིའི་ཆོས་ཀྱི་འཁོར་ལོ། མིའི་འཁོར་གྱི་ཐོག་མ་ཀུན་ཤེས་ཀཽཎྡི་ན་ཡ། རྟ་ཐུལ། རླངས་པ། མིང་ཆེན། བཟང་ལྡན་ཏེ་ལྔ་སྡེ་བཟང་པོ་དང་ལྷ་བརྒྱད་ཁྲི་དང་བཅས་པ་ལ་བདེན་བཞི་ལན་གསུམ་དུ་བ…

མངོན་པ་དེ་རྣམས་ཀྱི་རབ་དབྱེ་རྒྱ་ཆེར་བཤད་པ་སོགས་སྤང་གཉེན་གྱི་རིམ་པས་ཉམས་སུ་ལེན་པའི་ཐབས་རྣམས་བཀའ་དང་པོ་བདེན་པ་བཞིའི་ཆོས་ཀྱི་རྣམ་གྲངས་སོ། །འཁོར་ལོ་བར་པ་དང་ཐ་མ་གཉིས་ཀྱི་ཚུལ་ནི་འོག་ཏུ་འཆད་པར་འགྱུར་བ་བཞིན་དང་། ཁྱད་པར་སྔགས་ཀྱི་རྒྱུད་སྡེ་རྣམས་ལས་ནི། འོག་མིན་གཞན་འཕྲུལ་དབང་བྱེད་ཀྱི་གནས་དང་། རི་རབ་ཀྱི་རྩེ་མོ་དང…

ཐུབ་པའི་དབང་པོ་ཉིད་དགུང་ལོ་བརྒྱད་ཅུའི་གྲངས་སུ་ཕེབས་ཏེ་སྐུ་དངོས་ཀྱི་གདུལ་བྱ་ཕལ་ཆེ་བ་བཏུལ་ཟིན་པའི་སྐབས་ཤཱ་རིའི་བུ་དང་ལྷན་ཅིག་དགྲ་བཅོམ་པ་བརྒྱད་ཁྲི། མོའུ་གལ་གྱི་བུ་དང་ལྷན་ཅིག་དགྲ་བཅོམ་པ་བདུན་ཁྲི་བཅས་སྔོན་དུ་མྱ་ངན་ལས་འདས། དེ་ནས་སྟོན་པ་ཉིད་གྱད་ཡུལ་གྲོང་ཁྱེར་རྩྭ་ཅན་དུ་གཤེགས་ཏེ་ཤིང་སྰ་ལ་ཟུང་གི་བར་ཐ་མའི་གཟིམ…

མཆོད་རྟེན་གྱི་སྙིང་པོར་བྱས་སོ། །དེ་ནས་བཀའི་བསྡུ་བ་ཇི་ལྟར་བྱས་པའི་ཚུལ་སོགས་ནི་འོག་ནས་འབྱུང་བ་ལྟར་ལ། དེ་ལྟར་སྟོན་པ་སངས་རྒྱས་འཇིག་རྟེན་འདིར་བྱོན་ཚུལ་གྱི་རྣམ་པར་ཐར་པ་མདོ་ཙམ་སྤྱིར་ཤེས་པར་བྱས་ནས། སྐབས་དོན་གོང་གི་ནང་གསེས་ས་བཅད་དང་པོ་སྟོན་པས་དམ་ཆོས་འདུལ་བ་ཇི་ལྟར་གསུངས་པའི་ཚུལ་ནི། གླེང་གཞི་སྟོན་པས་ཝཱ་རཱ་ཎ་སཱ…

གཙོ༷་བོ༷ར་སྟོན༷་པ་རྗོད་བྱེད་འདུལ་བའི་སྡེ་སྣོད་བཀའ་དང་པོ་བདེ༷ན་པ༷་བཞི༵འི་ཆོས་ཀྱི་འཁོར་ལོ་ཉིད། འཁོར་ཕུན་སུམ་ཚོགས་པ་ལྷ་བརྒྱད་ཁྲི་དང་བཅས་ཏེ་མིའི་འཁོར་གྱི་ཐོག་མ་ལྔ༷་སྡེ༷་བཟང་པོར༷་གསུ༷ངས་པ༷འོ། །གཉིས་པ་ཆོས་འཁོར་དེ་ཉིད་བསྡུས་ནས་བཤད་སྒྲུབ་ཀྱིས་ཇི་ལྟར་བཟུང་བའི་ཚུལ་ནི། འོད་སྲུང་སོགས་ཀྱིས་བསྡུས། །བྱེ་བྲག་བཤད་མཛ…

སོ༷གས་དགྲ་བཅོམ་པ་ལྔ་བརྒྱ་འདུས་ཏེ་དབྱར་གནས་པའི་དུས་སུ། འཕགས་པ་ཀུན་དགའ་བོས་མདོ་སྡེ། ཉེ་བར་འཁོར་གྱིས་འདུལ་བ། འོད་སྲུང་ཆེན་པོས་མངོན་པའི་སྡེ་སྣོད་དེ་དགྲ་བཅོམ་པ་དེ་རྣམས་ཀྱིས༷་བསྡུ༵ས་སོ། །བསྡུ་བ་གཉིས་པ་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་བཅུ་ལོན་པ་ན་ཡངས་པ་ཅན་གྱི་དགེ་སློང་རྣམས་ཀྱིས། ཧུ་ལུ་ཧུ་ལུ་ཡི་རངས་དང་…

བརྟན་ཀླུ་དང་། ཡིད་བརྟན་རྣམས་རིམ་པར་བྱུང་བས། གཞན་ལན་གདབ་དང་མི་ཤེས་པ། །ཡིད་གཉིས་དང་ནི་ཡོངས་སུ་བརྟག །བདག་ཉིད་གསོ་བར་བྱེད་པ་སྟེ། །འདི་ནི་སྟོན་པའི་བསྟན་པ་ཡིན། །ཞེས་ཆོས་མ་ཡིན་པའི་གཞི་ལྔ་བསྒྲགས་ཏེ། རྒྱལ་པོ་དཔའ་བོ་དེའི་ཚེ་སྨད། དགའ་བོ་དང་པདྨ་ཆེན་པོའི་ཚེ་རིལ་པོ། ཀ་ནིཥྐའི་ཚེ་སྟོད་ཡན་ཏེ་རྒྱལ་པོ་བཞིའི་རིང་དགེ་འད…

ནིཥྐས་སྦྱིན་བདག་བྱས་ནས་བཀའ་བསྡུ་གསུམ་པ་མཛད། འདི་ལ་བཞེད་པ་མི་འདྲ་བ་འགའ་ཞིག་སྣང་ཡང་། ཁ་ཆེ་བ་རྣམས་ཁ་ཆེའི་ཡུལ་རྣ་རྒྱན་གྱི་གཙུག་ལག་ཁང་དུ་འཕགས་པ་རྩིབ་ལེགས་སོགས་དགྲ་བཅོམ་པ་ལྔ་བརྒྱ་དང་། བ་སུ་མི་ཏྲ་སོགས་བཙུན་པ་ཆེན་པོ་བཞི་བརྒྱ་དང་། བྱང་ཆུབ་སེམས་དཔའ་ལྔ་བརྒྱ་འདུས་ཏེ། རྒྱལ་པོ་ཀྲི་ཀྲིའི་རྨི་ལམ་ལུང་བསྟན་པའི་མདོ་ལས…

བསྟན་པ་སྐྱོང་བའི་སྐྱེས་བུ་སངས་རྒྱས་དང་འདྲ་བའི་ཉན་ཐོས་ཆེན་པོ་དང་བླ་མ་གྲགས་པ་སོགས་དགྲ་བཅོམ་པ་འཕ༷གས་པ༷འི་ཚོགས་དང་། རྒྱལ་པོ་ལེགས་རྒྱལ་དགེ་བ་སོགས་བྲམ་ཟེ་ཆེན་པོའི་སྡེ་ལ་སོགས་པ་མཁས་བཙུན་བཟང་པོའི་དཔལ་དང་ལྡན་ཅིང་རྟོགས་པའི་ཡོན་ཏན་ལ་མངའ་བརྙེས་པའི་རྣམས་ཀྱིས༷་དགོངས་འགྲེལ་གྱི་བསྟན་བཅོས་དུ་མ་བརྩ༷མས་ཤིང་། ཁྱད་པར་འོ…

བསྟན་པ་སྔ༷་འགྱུར༷་གྱི་སྐབས་སུ་བྱུང་བའི་འདུལ་བ་སོ་ཐར་གྱི་སྡོ༷མ་པའི་རྒྱུན༷་ནི། མཉམ་མེད་སྟོན་པ་ཐུབ་པའི་དབང་པོ་ནས། ཤཱ་རིའི་བུ་ལ་སོགས་པ་རིམ་པར་བརྒྱུད། གངས་ཅན་ཐོག་མའི་འདྲེན་པ་མཁན་ཆེན་ཞི༷་བ༷་འཚོ༷་ལས། རྦ་རཏྣ། དེ་ནས་གཙང་རབ་གསལ། གཡོ་དགེ་བའི་འབྱུང་གནས། སྨར་ཤཱཀྱ་མུ་ནེ་རྣམས་བསྙེན་པར་རྫོགས་ཤིང་། ཕྱིས་རྒྱལ་པོ་གླང་…