སྙིགས་དུས་བདུད་དང་དམ་སྲིའི་ཆོ་འཕྲུལ་དང་། །ལྟ་ལོག་ཆོས་མིན་འབྱུང་བ་བདེན་མོད་ཀྱང་། །ཟག་མེད་མངོན་ཤེས་ཆོས་སྤྱན་ལྡན་མ་གཏོགས། །དེ་དག་ཇི་བཞིན་ཤེས་པ་ཤིན་ཏུ་དཀའ། །ངག་རྒྱུན་འགའ་ཡང་ལེགས་པར་ཁུངས་དཔྱད་ན། །ངེས་པར་མཁས་ཤིང་གྲུབ་པའི་ཕྲིན་ལས་ཀྱི། །གཟི་བརྗིད་ཕྱོགས་སུ་ལྷུང་རྣམས་བཟོད་མིན་པས། །འགྲན་ལས་རྒྱལ་ཕྱིར་རང་ཕྱོགས་ཅ…

ཅི་འདྲ་ཆོས་བརྒྱུད་འཕེལ་འབྲིས་ཤེས། །ཆོས་འཕེལ་འགྲོ་དོན་ཆེ་ན་ཚད་མའི་རྟགས། །གཏེར་རྫུན་འདས་ནས་ཆོས་རྒྱུན་ནུབ་པར་གསུངས། །ལྟར་སྣང་མཐུ་ནུས་ལ་སོགས་འབྱུང་པོའི་འཕྲུལ། །དེས་ན་བརྟོན་པ་བཞི་ལ་ཡིད་བརྟོན་ནས། །བླང་དོར་ཤེས་ན་སྐྱེས་བུ་དམ་པའི་ཚུལ། །མ་ཤེས་ཕྱོགས་ལྷུང་བྲལ་བའི་གཟུ་བོའི་བློས། །གཞན་གྱི་ཡོན་ཏན་བརྟགས་ནས་དང་དུ་ལེ…

གསུམ་ཁྱབ་གྱུར་ཅིག །ཅེས་དུས་ཞབས་སྙིགས་མའི་སྐྱེ་དགུ་མཆོག་དམན་ཡོངས་ལ་འཕྲལ་དང་ཡུན་དུ་གང་ལ་གང་འཚམས་ཀྱི་ཕན་བདེ་ནོར་བུའི་གྲུ་ཆར་མཛད་མེད་དུ་འཇོ་བ་ལ་མཚུངས་པའི་ཟླ་དང་བྲལ་བའི་གསུང་རབ་རིན་པོ་ཆེ། སངས་རྒྱས་གཉིས་པ་པདྨཱ་ཀ་རའི་ཐུགས་བསྐྱེད་དང་ཕྲིན་ལས་ལས་སྣང་བར་གྱུར་པའི་ཟབ་མོ་གཏེར་གྱི་ཆོས་ཚད་མར་གྱུར་པ་གཙོ་ཆེ་བ་རྣམས་ཕྱ…

རིན་ཆེན་གཏེར་མཛོད་ཆེན་པོའི་སྨིན་གྲོལ་དཀྱུས་གཅིག་ཏུ་འབོག་པའི་སྐབས་ཀྱི་ལག་ལེན་ཕྱོགས་མཚོན་དང་། བཅས་བཤམ་བྱ་བའི་ཚུལ་མཐོང་བས་གོ་འབྱེད་ཅེས་བྱ་བ་བཞུགས་སོ།།

ན་མོ་གུ་རུ་དེ་བ་ཌཱ་ཀི་ནཱི་ཡེ། བྱིན་རླབས་རྫོགས་ལྡན་ནོར་བུའི་སྤྲིན་ཆེན་འཁྲིགས། །དངོས་གྲུབ་བདུད་རྩིའི་ཆར་རྒྱུན་འཛད་མེད་འཇོ། །ཕྲིན་ལས་རིན་ཆེན་སྙེ་མ་འདོད་རྒུར་སྦྱིན། །རྩ་གསུམ་ཆོས་སྐྱོང་བཅས་པས་དགེ་ལེགས་སྩོལ། །རཏྣ་གྲམ་བུར་སྤུངས་པའི་གཏེར་མཛོད་ཆེའི། །སྨིན་གྲོལ་སྒོ་འཕར་གཏན་པ་མེད་དབྱེའི་ཚེ། །ལྡེའུ་མིག་འཕྲུལ་དང…

སྐལ་པ་དང་མཐུན་པར་བསམ་ཡས་བརྗོད་ལས་འདས་པར་བསྒྲགས་པར་མཛད་པའི། ཟབ་དོན་གྱི་སྙིང་པོ་འགའ་ཞིག་ཕྱིས་འབྱུང་བོད་འབངས་ལ་ཐུགས་བརྩེས་དགོངས་ཏེ་མཁའ་འགྲོ་གཏད་རྒྱས་བཏབ་པ་རྣམས་སྨོན་ལམ་གྱི་མཐུ་སད་པའི་གཏེར་སྟོན་སྤྲུལ་པའི་སྐྱེས་མཆོག་རྣམས་ཀྱིས་གནས་དུས་དང་འཚམས་པར་བསྟན་འགྲོའི་དགེ་ལེགས་སྤེལ་བའི་བཙས་སུ་སྣང་བར་མཛད་པ་ཇི་སྙེད་ཅི…

དཀྱུས་གཅིག་ཏུ་འབོགས་པའི་སྐབས་ཀྱི་ཕྱག་ལེན་མདོར་བསྡུས་འགོད་པ་ལ་གསུམ། སྤྱིར་ཇི་ལྟར་བྱ་བའི་ལག་ལེན། ཉེར་མཁོའི་ཡོ་བྱད་སྟ་གོན། བྱེ་བྲག་དབང་རྣམས་ཀྱི་གཤོམ་བཀོད་བསྟན་པའོ། །དང་པོ་ནི། འདི་ཉིད་ཀྱི་སྨིན་གྲོལ་བགྱིད་པར་བརྩམ་པ་ན། སློབ་དཔོན་གྱིས་རང་གི་རྩ་བའི་ཡི་དམ་མམ་དཀྱིལ་འཁོར་སྤྱིའི་ཁྱབ་བདག་རྡོ་རྗེ་སེམས་དཔའ་ལྟ་བུའི…

སྒྲིབ་ཉམས་ཆག་སྦྱོང་བ་ཡིག་བརྒྱའི་བསྒོམ་བཟླས། དོང་སྤྲུགས་ཆོ་ག །ཕྱག་བསྐོར། སཱཙྪ་གྲངས་མང་སོགས་གནང་བ་ཞུ་ཞིང་བར་ཆད་མི་འབྱུང་བར། དོན་གཉིས་འགྲུབ་པའི་རྟེན་འབྲེལ་གྱི་དགེ་བའི་དཔུང་བསྐྱེད་དཔོན་སློབ་ཐུན་མོང་ནས་ཅི་འགྲུབ་ཏུ་བྱས་པས་གནས་སྐབས་བར་ཆད་མི་འབྱུང་བ་དང་ཕྱིན་ཆད་བཀྲ་ཤིས་པའི་རྟེན་འབྲེལ་དུ་འགྱུར་རོ། །ལག་ལེན་དངོ…

གསང་འདུས་ཟླུམ་པོ་བཞི་དབང་དང་གཏོར་དབང་བཅས་བཤམ་སྒྲུབ་བསྐུར་བ་བཅས་གྲུབ་པར་བྱ། བྱིན་རླབས་འདི་ལྟ་བུ་དང་རྗེས་གནང་སྲོག་གཏད་སོགས་དཀྱིལ་འཁོར་ཆེན་པོའི་དབང་བཞི་ཡོངས་རྫོགས་སྔོན་དུ་མ་སོང་བ་ལ་སྦྱིན་བྱར་མིན་ཀྱང་འདི་ནི་ཆོས་སྒོ་འབྱེད་པ་བྱིན་རླབས་བླ་མའི་གཏོར་དབང་ཞེས་ཆེད་དུ་བསྔགས་པ་སོགས་དམིགས་སུ་བསལ་བའི་དགོས་པ་དང་ལྡན་…

ཉིན་རེ་ཚར་རེ་འདོན་མཁན་ཟུར་དུ་ཡོད་ན་ལེགས། དངོས་རོལ་ཚང་མ་མ་གྲུབ་ན་དམ་ཅན་སྤྱི་གཏོར་ཁོངས་སུ་མངོན་རྟོགས་གང་ལྕོགས་རེ་མོས་བཙུད། སྒྲུབ་གཞི་ཡོད་པའི་གནས་དེར་གོ་ཡུལ་དོགས་ན་ཁང་པ་གཞན་དུ་མཆོད་གཏོར་རྒྱས་བསྡུས་གང་ལྕོགས་ལ་བརྟེན་ནས་འདོན་ཆོག་གོ །དགོང་མོ་ནས་བཀའ་བརྒྱད་དབང་ཆས་བཤམ་ལ། ཉིན་གསུམ་པར་ལས་བྱང་བདེ་རོལ་གྱིས་བསྒྲུབ…

བྱ་བ་ཡིན་ནོ། །གཉིས་པ་སྤྲོས་འབྱོར་ལོངས་ཁོམས་མེད་པ་དག་གིས་སྒྲུབ་ཆེན་དང་མི་སྦྲེལ་བར་ཅི་བདེར་བསྐུར་ན། ཐོག་མར་བཀའ་བརྒྱད་བདེ་འདུས་ཀྱི་དབང་ཆེན་དངོས་སྟ་ཕྱེས་ཏེ་ཉིན་གཉིས་ལ་རྫོགས་པ་བསྐུར། འདིའང་སྒྲུབ་ཆེན་གྱི་ཁོག་དབུབ་སྦྱར་ནས་ཞག་བདུན་ལྔ་གསུམ་གྱིས་མཐའ་རྟེན་པ་སྔོན་ཏུ་གྲུབ་ན་མཆོག་ཏུ་འགྱུར། དེ་ནས་སྨིན་ལུགས་རྡོར་སེ…

རུང་བ་ལ་དཔུང་སྐུད་ཀུ་ཤ་དངོས་སུ་སྦྱིན་པ་སོགས་ཕྱག་ལེན་རྒྱས་པའི་ཕྱོགས་གྲུབ་ན་ལེགས་ཤིང་། མི་འགྲུབ་ན་དཔུང་སྐུད་ཀུ་ཤ་རྣམས་དངོས་སུ་མི་སྦྱིན་ནས་འགྲིམས་པ་སྨིན་གླིང་སོགས་ཀྱི་ཕྱག་ལེན་ཡིན་ཞིང་དངོས་སྟ་ཞག་གིས་བར་མ་བཅད་ན་དེ་དག་དངོས་སུ་སྦྱིན་པ་ལ་དགོས་པ་ཆེར་མེད་པས་དབང་རྒྱུན་ཙམ་ལ་ཁྱད་པར་མེད་པར་གོ །སྡེ་ཚན་སོ་སོའི་དབུར…

སོགས་ཟོར་ཡངས་པའི་རིགས་རྣམས་གསུམ་བདུན་ལྔ་སོགས་དུས་གཅིག་ལ་བསྒྲུབ་བསྐུར་མཉམ་དུ་བྱེད་པ་རྙིང་མ་སྤྱིའི་ལུགས་ཡིན་ལ་དོན་དང་མི་འགལ་ཞིང་སླ་བས་དེ་ལྟར་བཤམ་སྒྲུབ་སོགས་བྱ། ཆོས་སྐྱོང་སྲོག་གཏད་རྣམས་ཤིན་ཏུ་གཉན་པས་དམ་ལྡན་གཏོར་འབུལ་སོགས་མ་ཆག་པ་བྱེད་མཁན་མ་གཏོགས་ཁྱབ་བརྡལ་དུ་སྤེལ་མི་རུང་། སྤྱིར་དྲག་སྔགས་མངོན་སྤྱོད་སྐོར་ར…

བཤད་ཤེས་མཁན་ཡིན་ཡང་དོན་རྩ་ཁྲིད་ཡིག་ནང་མ་འདུས་པ་མེད་ཅིང་རྣམ་གྲངས་མང་པོ་རྫོགས་ཐབས་མེད་པས་འདི་ཡིས་གོ་ཆོད་པར་བྱེད། སྤྱིར་ཁ་བཤད་དཔེ་ཀློག་གང་བྱེད་ཀྱང་སྒོམ་དོན་ཡིད་ལ་ངེས་ཤིང་གོ་བརྡ་འཕྲོད་པ་ཁྲིད་ཀྱི་མཚན་ཉིད། ཚིག་དོན་རེ་རེ་བཞིན་ཡིད་ལ་ཟིན་མི་དགོས་པར་སྒྲ་ཐོས་ཀྱི་ཤེས་འཇུག་བར་མ་ཆད་པ་ཙམ་ལུང་གི་མཚན་ཉིད་ཡིན་པ་ཆོས་ས…

ཚགས་སུ་བྱ་དགོས་པ་ནི། དཀྱིལ་འཁོར་སྒོ་རྫོགས་ཡོད་པ་རྣམས་དང་པདྨ་ཆོས་འབྱུང་སོགས་མཎྜལ་རིགས་ཀྱི་རས་བྲིས། ཙཀ་ལི་ཚང་བ་བཅས་མེད་ཐབས་མེད་པས་དེ་དག་ཚོགས་པ་གཞིར་བྱས། རྒྱུད་དང་གཞུང་པོད་ཀྱི་གླེགས་བམ་སོ་སོ་ལ་མཁོ་བ་འཛོམ་ན་རབ། མ་འཛོམ་ན་རྒྱུད་གསང་སྙིང་ཙམ་དང་སོ་སོའི་སྒྲུབ་ཐབས་ཀྱི་ཡི་གེ་དར་གྱིས་དྲིལ་བ། བཏགས་གྲོལ་འཁོར་ལོ་ད…

གཏེར་ཐུགས་སྒྲུབ་ཀྱི་གཏུམ་མོའི་མེ་དབང་དང་སྐུ་གསུམ་རིགས་འདུས་ཀྱི་ཚ་རྫས་གྲང་རྫས། ཐུགས་ཆེན་རྒྱལ་པོ་ལུགས་ཀྱི་བདུད་རྩི་རིལ་བུ། དྲག་ཁྲོས་དང་ཁྱུང་གསང་བ་ཡང་ཁོལ་རྫས་རྒོད། བདུད་རྩི་བུམ་པའི་རྫས་ཐུམ་དང་རྡོ་རྗེ་ཁྲབ་རིང་འཁོར་ལོ། །གཟའ་ཡུམ་བུམ་རྫས། ཁྱུང་ལྔ་ཚད་སྦྱར། འཇམ་དབྱངས་དང་ཕག་དཀར་ཤེས་རབ་རིལ་བུ། དབྱངས་ཅན་མའི་བཞི…

ལྔ་སོ་ལྔ་ཕྱོགས་བསྡུས་བྱས་པ་སྣེ་གཉིས། ཞི་ཁྲོ་སོགས་ལ་མཁོ་བའི་སྙིང་པོ་ལྔ། སྨན་ལྔ། རིན་ཆེན་ལྔ། དྲི་ལྔ། འབྲུ་ལྔ་སོ་སོར་བྱས་པ། བྱང་སེམས་དཀར་དམར། ཤ་ལྔ། བདུད་རྩི་ལྔ་སོ་སོའི་རིལ་བུ། སིནྡྷུར། ལི་ཁྲི། ཆོས་སྨན། རྩ་བརྒྱད་སྟོང་སྦྱར་དང། རཀྟ་སོ་ལྔ། གཏོར་མའི་སྤོད་སྨན། བཟང་དྲུག་སོགས་སྨན་སྣ། ཚེ་རྫས་ཕུར་མ། བྱིན་འབེབས་ས…

གཟུངས་རྡོར། དུང་ཆོས་གཉིས་གསུམ། དབུ་རྒྱན། རྡོ་རྗེ། དྲིལ་བུ། རྡོར་དྲིལ་ལྷན་ཅིག་བཅིངས་པ། མེ་ལོང་ཁ་ཤས། ཤེལ་རྡོ་སྟེགས་ཅན་ཆེ་ཆུང་གཉིས་གསུམ། བནྡྷ་མཚན་ལྡན་ཁ་ཤས་དང་མོ་ཐོད་གཅིག་ཙམ། དར་ཁ་དོག་སྣ་ཚོགས་གང་འཛོམ། དབང་ཕྲེང་དུང་ངམ་ཤེལ། པད་རཱག །རཀྴའམ་ཐོད་ཕྲེང་། གདབ་ཕུར་ཆེ་ཆུང་། གྲི་གུག །ལྕགས་ཧོམ། བྱ་འུག་སྒྲོ་ཐོ་བ་སྒྲོ…

སྒབ་སྐོར་རལ་གྲི་བཞི་མདའ་བཞི་ཕུར་བུ་བཅུ་བཞི་སྟེགས་བཅས་རྒྱལ་ཐོ་སོགས་དང་། མི་སྦྲེལ་ཡང་དཀྱིལ་འཁོར་གྱི་རྒྱན་རྒྱལ་མཚན་བཞི་དར་འཕན་བཞི་སོགས་བཀོད་ན་ལེགས་པས་གང་འཛོམ། སྨན་རཀ་དང་ཞི་མཆོད་དྲག་མཆོད་སྣོད་སྒྲོན་ཐུར་བཅས། ཆང་ཕུད། ཡོལ་བ། ཚེ་མདའ། དབང་སྐབས་ཉེར་མཁོའི་སྨན་རག་གཏོར་གསུམ་ཆུང་ངུ་སྣོད་གཅིག་ཏུ་བཞག་པ། ཕྱི་མཆོད་རྣ…