གྱིས་ཕན་དུ་རེ་བའི་རིགས་མ་ཡིན་པར་དུས་དགྲའི་དབང་པོ་མ་ཧེའི་ཞལ་ཅན་གྱི་བསྐྱེད་རིམ་ལ་བརྟན་པ་ཐོབ། རྫོགས་རིམ་ཀློང་དུ་གྱུར། བསྙེན་སྒྲུབ་ཕ་མཐར་སོན་པས་འཇིགས་པ་དང་བྲལ་ནའང་གསང་སྔགས་ཕྱག་ལེན་གྱི་ཆེ་བ་མི་ནུབ་པའི་སླད་དུ་བདུན་གཉིས་ཀྱི་བར་ལྗགས་བསྙེན་ཁ་གསོ་མཛད་པའི་ཚེ་འོད་གསལ་དུ་འཆི་བདག་ཡབ་ཡུམ་ལ་གཤིན་རྗེ་ཕོ་བརྒྱད་མོ་བརྒ…

མ་དང་བསྟོད་པས་མཉེས་པར་བྱས། དམར་ཆེན་གྱི་ཨརྒྷཾ་དང་རྡོ་རྗེ་བདུད་རྩིའི་མནའ་ཆུ་བླུད། དམ་ཚིག་རྡོ་རྗེ་འབར་བས་དམ་ལ་བཞག་ཅིང་བཀའ་བསྒོས་ཏེ་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་། སྐྱེ་རྒུ་སེམས་ཅན་ཡོངས་ཀྱི་བདེ་སྐྱིད་འཕེལ་བར་བྱ་བའི་ཆེད་དང་ཁྱད་པར་ཆོས་གྲ་ཆེན་པོ་འདི་ཉིད་ཀྱིས་གཙོ་བྱས་དགེ་འདུན་ག…

ཞིང་ཞི་བ་གལ་ཆེ། མེ་ཕོ་འབྲུག་ལོ་ཧོར་ཟླ་བཅུ་གཉིས་པའི་ཚེས་བཅུ་ལ་དཔལ་ཞ་ལུ་གསེར་བཀང་གི་བླ་བྲང་ཆོས་དབྱིངས་བདེ་བ་ཆེན་པོའི་ཕོ་བྲང་ནས་བྲིས། ཞེས་ཟླ་བ་བཅུ་གཉིས་པའི་ཉེར་གསུམ་གྱི་ཉིན་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞུགས་ཁྲིའི་སྟེང་དུ་ཕེབས་པའི་མཐའ་སྐོར་གྱི་ཁྱོན་ཀུན་སྐྱ་སེར་གྱི་ཁྲོམ་ཁྲི་ཕྲག་ཏུ་བརྒལ་བས་བསྐོར། ཞ…

པོས་རྩ་བརྒྱུད་བླ་མའི་མཚན་ནས་བརྗོད་པ་སོགས་བཀའ་བསྒོ་བའི་ཚིག་རྣམས་ཁྲོམ་པ་ཀུན་གྱི་རྣ་བའི་ཡུལ་དུ་ཐོས་པ་དང་ཆབས་ཅིག་པར་གཙུག་ཏུ་རྡོ་རྗེ་དང་ལྕེ་ཐོག་ཏུ་བདུད་རྩི་བཞག་ནས་བསྟན་འགྲོའི་ཕན་བདེ་སྤེལ་ཞིང་། གཟུགས་ཅན་དགྲ་དང་གཟུགས་མེད་ཀྱི་བགེགས་དཔུང་ཐམས་ཅད་ཚར་གཅོད་པ་སོགས་འཕྲིན་ལས་རྣམ་བཞི་སྒྲུབ་པའི་དམ་བསྒྲག་མཛད་པའི་ཚེ་ཡེ…

རྐྱེན་གྱིས་དུས་ཀྱི་ཕོ་ཉའི་དབང་དུ་སོང་། རྣམ་སྲས་མཆོད་པ་སོགས་རྒྱས་པར་མཛད། མེ་འབྲུག་ལོ་ནག་པ་ཟླ་བར་ཀུན་མཁྱེན་མཁྱེན་བརྩེའི་ཞབས། ཁྱབ་བདག་བོད་མཁར་བ་ཆེན་པོ། མཁྱེན་རབ་ཆོས་རྗེའི་དབོན་པོ་སོགས་གྲ་པ་ཉིས་བརྒྱ་ལྷག་པ་ལ་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་དབང་ཆ་དགུ་ཙམ་དང་། སྤྲོས་མེད་ཀྱི་འཁྲིད་སོགས་སོ་སོའི་བློ་དང་འཚ…

བྲང་ཆེན་པོར་གསུང་ངག་རིན་པོ་ཆེ་སློབ་བཤད་ཡོངས་རྫོགས་གནང་བར་ཀུན་མཁྱེན་མཁྱེན་བརྩེས་ཁའུ་བྲག་རྫོང་པའི་བཞེད་པ་མ་ནོར་བ་གསང་ཆེན་བསྟན་པ་རྒྱས་བྱེད་ཅེས་བྱ་བ་བུམ་དབང་གི་རྨི་ལམ་ཡན་ཆད་ཀྱི་ཟིན་བྲིས་ཡིད་བཞིན་གྱི་ནོར་བུ་ལྟ་བུ་ཞིག་མཛད། ཟླ་བ་བཞི་པ་ནས་དོན་གཉེར་ཅན་དུ་མ་ལ་དཔལ་གསང་བ་འདུས་པ་མི་བསྐྱོད་རྡོ་རྗེའི་རིམ་ལྔའི་འཁྲི…

དགོངས་ནས་ཅིས་ཀྱང་མཛོད་ཅེས་གསུང་བ་ལྟར་དབང་ཆ་གསུམ་ལ་བདེ་ཆེན་རལ་གཅིག་ལྷ་ཉེར་ལྔའི་དབང་བཞི། གཞན་དོན་ནུས་པ་ཁ་ཤས་ལ་བྱིན་རླབས་གཉིས་དང་བདག་པོ་ཆེན་པོའི་དབང་ཡང་གནང་བར་བརྟེན་ཆོས་འདི་སྣུམ་ཟད་ཀྱི་མར་མེ་ལྟ་བུའི་སྲོག་མཐུད་པའང་ཚར་ཆེན་བླ་མ་ཉིད་ཀྱིས་བཀའ་དྲིན་ཁོ་ནར་སེམས་ཤིང་། རྗེས་སུ་གལ་ཆུང་ཆོས་ལ་བྱས་པའི་རྒྱུན་ནུབ་པར་ཉ…

ཐམས་ཅད་མཁྱེན་པས་ཟུར་བཞུགས་གནང་ཕྱིན་ཆོས་རྗེ་གནས་གསར་བ་ལས་འོས་པ་གཞན་མེད་དོ་ཞེས་མགྲིན་གཅིག་དབྱངས་གཅིག་ཏུ་གླེངས་ཏེ། སྡེ་སྲིད་རིན་ཅེན་སྤུངས་པ་ལ་སྙན་འབུལ་འཕུལ་བ་ལའང་ཤིན་ཏུ་ལེགས་པའི་དགོངས་བསྟད་བཟང་པོའི་བདེ་ཁྲོལ་དང་། གཙོ་བོར་རྗེ་ཉིད་ཀྱི་ཐུགས་རྗེའི་གཟིགས་པ་ལྷོད་པ་མེད་པ་སོགས་རྒྱུ་རྐྱེན་རྣམས་འཛོམ་པར་བརྟེན་ཞ་ལུ…

པ་དང་བཅས་གདན་དྲངས་རྙེད་བཀུར་གྱ་ནོམ་པ་བསྟབས། དཔལ་ཕུག་རྣམ་པར་གྲོལ་བའི་རི་ཁྲོད་དུ་ཟླ་བ་བདུན་ཙམ་གྱི་རིང་རྗེ་འདི་ཉིད་ཀྱིས་ཀུན་མཁྱེན་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་འཕེལ་སོགས་དཔོན་སློབ་བཅོ་བརྒྱད་ཙམ་ལ་གསུང་ངག་སློབ་བཤད་ཤིན་ཏུ་སྨིན་པ་གནང་། སྔར་མཁྱེན་བརྩེའི་མནལ་ལྟས་ལ་དཔལ་ཕུ…

རྫུ་བག་ཙམ་ལས་འཕགས་མས་དངོས་སུ་བྱིན་གྱིས་བརླབས་པར་གདོན་མི་ཟ། རིམ་གྱིས་ཕེབས་པའི་བཞུགས་མཚེར་རྒྱལ་ས་ཤིན་ཏུ་ཆེ་བ་ཞིག་ཏུ་གནས་མལ་མཛད་པའི་ནམ་ཕྱེད་ཙམ་ལ་འབྱུང་པོ་དེས་གླགས་ལྟ་བར་རྩོམ་པ་ན་གཏུམ་དྲག་འབར་བའི་ཏིང་ངེ་འཛིན་གྱི་མེས་མཐའི་རྒྱ་མཚོའི་ཕ་རོལ་དུ་བསྐྲད་པ་ན་ཕྱིས་མི་ཚད་དེ་ལ་འགོང་པོའི་འཚེ་བ་ཡེ་མ་བྱུང་བར་གདའ། འཕན་…

གཡབས་སྟེང་དུ་བཞུགས། མཆོད་དཔོན་གྱིས་ཐུགས་དམ་གཏོར་མ་བཤམས་ཕྱག་དྲིལ་སོགས་ཕུལ་ཡང་སྤྱན་མཁའ་རེག་ཤར་གྱི་རི་རྩེ་ལ་ཟིམ་མེ་བཞུགས་པ་ལས་གཏོར་བསྔོས་མི་གནང་འདུག་པ་སྐབས་མཚམས་ཤིག་ནས་ཞབས་བསྐུལ་ཞུས་པར་བསྡུས་པ་ཞིག་མཛད། གསོལ་བ་ཞུས་པས་ཀྱང་ཅུང་ཟད་ཙམ་ལས་མི་བཞེས་པར་སྔར་ལྟར་བཞུགས། དེ་བར་ཕྱག་གཡོག་བྱིངས་ཁལ་བཀལ་ནས་སྔོན་ལ་སོང་གས…

བུ་སྟོན་བཞེད་སྲོལ་པདྨའི་སྐུད་པ་ལ། །རྡོ་རྗེའི་ཁམས་སུ་རློབས་ཞེས་གནས་གསར་བ། །གདུང་འཚོབ་དམ་པར་གསོལ་ཚེ་ཕྱོགས་བཅུའི་རྒྱལ། །སྲས་བཅས་ཡོངས་ཀྱིས་བསྔགས་པའི་མེ་ཏོག་གཏོར། ཁ་བཤད་ཆུ་བོར་སྙན་བརྒྱུད་གསེར་ལྡན་མ། །བྱིང་ལས་གྱེན་འདེགས་བསྟན་འཛིན་མིག་སྔོན་ཅན། །ཐོས་བསམ་སྒོམ་པའི་རུས་སྦལ་འཕྲུལ་གྱི་སྟོབས། །ཚངས་པའི་བློ་གྲོས་དེ…

རྒྱལ་པོ་དེ་འཁོར་རེ་འགྲོ་བ་ཞིག་གཟིགས་པ་དང་། ལྷག་པར་བདག་ཐུགས་རྗེའི་གཟིགས་པ་མི་ལྷོད་པར་གནང་གིན་ཡོད་གདའ་བས་ཟླ་བ་དེ་གའི་ནང་དུ་རྗེ་བཙུན་ཆོས་ཀྱི་རྒྱལ་པོ་བཀའ་དྲིན་མཚུངས་མེད་ཚར་པ་རྗེས་མྱུག་ནས་ཕྱག་དམ་བདུད་རྩིའི་རིལ་བུའི་ཐུམས་གསོལ་རས་དང་བཅས་ཕེབས་བྱུང་བའི་ནང་ན་ཁྱོད་ཀྱི་སྒྲུབ་ཁང་དེར་གནས་རྙིང་རྒྱལ་པོ་འདི་འཕྲལ་འཕྲ…

གསལ་བ་དང་། ཕྱག་ལེན་ལ་དོགས་གཅོད་འདྲ་ཞུ་རྒྱུ་ཡོད་པའང་ཞུས་ཤིང་ལན་གནང་བ་ཞིག་བྱུང་། ཡང་ནུབ་ཅིག་ལ་བླ་མ་བཞུགས་ཁྲི་ཐོག་རྩེར་སྙོགས་པ་ཞིག་གི་སྟེང་ན་བེར་ཐུལ་ནེ་ཙེ་ཁ་གསར་པ་ཞིག་བཞེས་ནས་བཞུགས་པའི་སྐུ་ཞབས་གཡོན་ན་བདག་འདུག་པ་ལ་ཨ་སྐྱབས་ཀྱིས་གསོལ་ཇ་ཞུས་རྗེས་གསོལ་ཁ་ཞུ་ཡི་འདུག་པས་ངའི་དེ་ཁོང་ལ་དྲོངས་གསུངས་གསོལ་ཁ་དེ་བདག་ལ…

ཅུ་པ་གནང་སྐབས་ལིངྒ་སྐད་ངན་ཙེར་རེ་རེ་བཏོན་པ་ཐོ་ཕྱི་ན་ཡོད་པ་ཀུན་གྱིས་ཚོར། དེ་བཞིན་གཤེགས་པས་ལུས་ལས་ཆད་པའི་སྒྲ་གཅན་ཟིན་དང་དགྲ་ལྟར་ལྟ་བའི་ལྷས་བྱིན་ལ་ཉེ་རིང་མེད་པའི་བདེན་ཚིག་བཀའ་སྩལ་མཐུས་ལྷས་སྦྱིན་མ་འཇུ་བའི་ནད་ལས་གྲོལ་བའི་ལོ་རྒྱུས་བཞིན་དམ་པ་འདི་ཉིད་ཀྱང་རིས་མེད་ཀྱི་འགྲོ་བ་ལ་མ་འདྲིས་པའི་མཛའ་བཤེས་ལྟ་བུར་མཛད་…

པ་ཞིག་གནང་དགོས་ཞུས་པའི་ལན་དུ་བདག་ཆེན་ཁོང་རང་ཅི་མཛད་ཀྱང་ཁོ་བོ་ས་སྐྱ་པའི་བསྟན་པའི་སྒོར་ཞུགས་ནས་གདུང་བརྒྱུད་ལ་མཐུ་མི་བྱེད་ཁྱོད་ཀྱིས་ཡོད་ན་གྱིས་ཞེས་བཀའ་བཀྱོན་པའི་རྣམ་པའང་མཛད། བྱ་གཤོང་དུ་གཏོར་བཟློག་ལ་ཕེབས་སྐབས་གནས་ཁང་དེ་ཐོག་མ་ལས་ཡངས་ཤིང་གྲུ་བཞི་ལམ་པ་གྱང་ལོགས་ལ་རྡུལ་སོགས་མེད་པའི་སྣུམ་ཞག་ཆེ་བ་དེའི་འཁོར་ཀུན…

ཐོར། མི་རྐང་འདི་ལན་གསུམ་བུས་གསུང་བ་བཞིན་བྱས་པས་དགུན་སྟོད་ཡིན་ཡང་གློག་འབྲུག་གི་སྒྲ་དྲག་པོ་དང་བཅས་སེར་བ་ཅོག་མོའི་སྒོ་ང་ཙམ་བབས་པས་དམག་རྣམས་སྐད་ཅིག་ལ་བྱེར། སྒར་ཐོག་ཏུ་སྲིན་བྱ་དང་འུག་པ་བབས་པའི་འཕྲུལ་གྱིས་ནད་རིམས་ཀྱིས་བཏབ་ནས་སྟོང་ལོག་ཏུ་སོང་སྟེ་གཡུལ་ལས་རྣམ་པར་རྒྱལ། དེ་དུས་གཟིགས་སྣང་ལ་མདུན་གྱི་ནམ་མཁར་སྤྲིན…

དབུས་མེད་པ་ཞིག་ཡོང་ངེས་སུ་འདུག་ཀྱང་བདག་ཆེན་འདིས་བསྟན་པའི་ཁུར་བཞེས་པ་ས་སྐྱ་པའི་འཕྲིན་ལས་མཐའ་དབུས་མེད་པར་རྒྱས་པ་འདི་རང་རེ་རྣམས་བློ་བག་བྲོ་བའི་ཚད་ཡིན་གསུང་ཞེས་བགྲོས་ལ་ལར་སྣང་བ་བར་སྐབས་སུ་ལྷ་ཁང་བླ་བྲང་པའི་ཉེ་གནས་ཀྱི་བརྒྱུད་པ་དང་ཤར་པ་སོགས་གདན་ས་ནང་དུ་དབང་ཆེན་མངས་པ། འཇམ་དབྱངས་ཆོས་རྗེ་ཡབ་སྲས་དང་ས་ལོ་རྣམས་ཀ…

འཇམ་རྡོར་ཡང་སྐུ་ཚེ་རིང་པོ་མ་བྱུང་བས་བརྒྱབ་པ་འདྲ། གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའི་ལུང་བསྟན་ཆེན་མོར། ས་ཡི་ཕྱོགས་སུ་བླ་མས་སློབ་མ་བསླུཿ ཞེས་དང་། བྱང་ཆུབ་གླིང་པ་དཔལ་རྒྱན་གྱི་ཤུགས་གཏེར་འཁོར་འདས་རང་གྲོལ་གྱི་ཞུས་ལན་གསལ་བའི་སྒྲོན་མེ་ལས། མངའ་རིས་གདུག་པའི་དམག་འགོ་གཡོ༔ འཁོན་རིགས་ཀུན་ཞེས་བྱ་བས་འཁྲུག༔ ཁོལ་བ…

གྲངས་ཀྱི་མཐའ་ནི་བརྗོད་པའི་ཡུལ་ལྟ་ག་ལ་ཞིག །འོན་ཏེ་ཆེ་ལོང་རགས་རིམ་ཙམ་བརྗོད་ན། རང་བསྟན་ཁའུ་བྲག་རྫོང་པའི་ལུགས་སྲོལ་འཛིན་ངེས་ཀྱི་སྐྱེས་བུ་ནི། མཁྱེན་བརྩེ་ནུས་གསུམ་ཐམས་ཅད་ལ་འཇམ་དཔལ་རྡོ་རྗེ་མིའི་ཟློས་གར་ཅན་སྲས་ཀྱི་ཐུ་བོ་ཞ་ལུ་མཁན་ཆེན་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁས་ཤིང་གྲུབ་པའི་དབང་ཕྱུག་ཆེན་པོ་སྤྱན…