དགེ་བཤེས་རིན་ཅེན་བརྩོན་འགྲུས་ཀྱི་བརྒྱུད་པ། དཔོན་ཆེན་དབེན་ཤྲཱི་རྒྱལ་བ་བཟང་པོ་དང་། ཧུ་ཤྲཱི་རྒོད་པོ་རིན་ཅེན་སོགས་རིམ་པར་བརྒྱུད་པའི་ཕ་ཚན་ཤིན་ཏུ་ཉེ་བ་ཞིག་ཡིན་པས། ཁོང་ཚོ་དར་རྒུད་དང་བདེ་དོག་གང་འདྲ་ཞིག་ཡོད་དམ་སྙམ་དགོས་མེད་འཇིག་རྟེན་གྱི་རྨོངས་ཞེན་ཞིག་སྐྱེས། ཞུ་རག་གི་བསམ་པ་མེད་ཀྱང་བྱ་བྲལ་གྱི་གནས་སྐབས་སེམས་ལ་ག…

ཡོད་པ་ཡིན་ཡོང་། ང་ལ་ཤཱཀྱ་ཐུབ་པའི་བཀའ་དྲིན་གྱིས་ཕྱོགས་གང་ལ་ཕྱིན་ཀྱང་བསྙེན་བཀུར་བྱེད་མཁན་ནི་ཐོགས་མེད་འོང་གི་འདུག །འདི་སྐོར་གྱི་ཞེན་ཐག་དེ་ཆོད་པས་བློ་བདེ། ལར་བཙུན་པ་གཉེན་སྲེད་ཆེས་པ་ལ་དེ་འདྲ་མང་པོ་འབྱོན། ཁྱོད་སྙིང་ཚིམ་ཚིམ་སྙམ་པ་བྱས། ནམ་ཟི་ལ་ལངས་ཕྱིན། ངེད་ཚོའི་རྗེས་ལ་ཆས་ཀ་ཕྲན་བུ་དང་བཅས་ལམ་སྣ་བ་ཡིན་ཟེར་བ་ཞ…

མཁྱེན་པའི་ཆོས་ཁྲིའི་མདུན་དེར་ལྕོག་གྲ་བྱས་བསྡད། ནཱ་ལནྡའི་བཅོ་བརྒྱད་པའི་འཚོ་བྱེད་ཅིག་ཡོད་པ་དེས་གཞིས་ལེན་བསྙེན་བཀུར་ཟུར་ཆས་སོགས་ཞབས་ཏོག་ཡང་དག་བྱས། སང་དེ་རི་ཕུག་བླ་བྲང་ན་བཞུགས་པའི་བུ་སྟོན་རིན་པོ་ཆེའི་སྐུ་འདྲ་ཕྱག་ནས་མས་གཙོ་བྱས་པའི་རྟེན་གསུམ་ཤར་ཆེན་གྱི་རྟེན་སོགས་ཞིབ་པར་མཇལ། མཁྱེན་རབ་རིན་པོ་ཆེའི་ཞལ་སློབ་བག…

འཛིན་པ་ལ། ཁོང་འགྲན་ཟླ་བྲལ་བའི་ཞ་ལུ་པ། །བོད་ཆོས་སྡེ་ཚོའི་སྲོག་ཤིང་དམ་པ་ལགས། །ཞེས་གསུང་བ་བསྟན་པ་ཕྱི་དར་གྱི་ལོ་ཙཱ་བ་བརྒྱ་ཕྲག་ཏུ་ལོངས་པ་བྱུང་ནའང་རྒྱ་མཚོ་མཐའི་སྐད་ཤེས་པ་ཁོ་བོ་ལས་མ་བྱུང་ཞེས་བསྙེམས་པའི་ཚུལ་འཛིན་པ་འཇིག་རྟེན་གྱི་མིག་གཅིག་པུ་གཉན་ལོ་ཙཱ་བ་དར་མ་གྲགས་ཀྱི་རྒྱ་གར་ནས་གདན་དྲངས་པའི་རྗེ་བཙུན་སྒྲོལ་མ་འག…

རྒྱན་གོང་དུ་ལྷ་མོས་རྣམ་འགྱུར་ཟུར་ཙམ་བྱུང་བ་སོགས་ནི་དུས་ཕྱིས་ཆོས་རྗེ་ཐམས་ཅད་མཁྱེན་པའི་ཁྲིར་ཕེབས་ནས་བསྟན་པ་ཉིན་མོ་ལྟར་གསལ་བའི་རྟེན་འབྲེལ་དུ་མངོན། གསོལ་འདེབས་ལས། གུས་ལྡན་སྦྱིན་པའི་བདག་པོའི་བར་ཆད་བསལ། །ཉེ་བར་མཁོ་བའི་རྙེད་དང་བཀུར་སྟི་བསྒྲུབས། །ཐར་དགོན་སྨན་ལུང་གནས་ཀྱི་ལྷ་ཁང་མཇལ། །རིགས་བརྒྱུད་སྲུང་མ་མཆོད་ལ…

དཔོན་ཆོས་ལ་དཀར་པོ་ཞིག་ཡོད་པ་འདུག་ཟེར་ནས་སོང་། ཁོང་རྣམས་ཀྱིས་ཉི་ཕྱེད་བར་བསྒུགས་པས་ལན་ཙམ་ཡང་མ་ཁུགས། ངེད་རང་རྣམས་ཀྱི་ཚ་ཐེབས་ཀྱང་ཆག་པ་ཞིག་བྱུང་ནས་ལོག་བྱུང་། ལར་གནངས་ཆུང་ལ་བློ་རིག་རྒོད་པའི་སྡེ་དཔོན་དཔོན་སྐྱའི་རིགས་འདི། ལུག་ཐུག་གི་སྒྲོ་བས་ཝ་མོའི་ཉིན་ཐེབས་གཅོག་པ་མ་གཏོགས་དགོས་པ་མི་འདུག་པས་དེ་འདྲའི་རིགས་ལ་བྱ…

དེ་ནས་པ་རྣམ་རྫོང་གི་གཞུང་དུ་ཕྱིན། །འཁོར་རྣམས་གཏོར་ཚོགས་མེད་པའི་རྔ་གཤང་གི །སྒྲ་དབྱངས་སྙེག་པའི་བྱ་རོག་བཞིན་དུ་འགྱོད། ཁོ་བོ་ཕོ་ཚོད་ཆེ་བའི་ཁྲོམ་ཐོག་ཆོད། །ཕྱིན་ཆད་ཕྱོགས་འདིར་འོངས་པའི་རྣལ་འབྱོར་རྣམས། །འདི་འདྲའི་རིགས་ལ་རིམ་པ་ལྟར་འཛེམ་མཛོད། །ཟེར་བའི་རྒྱང་གླུ་ལེན་ཞིང་བསམ་སྡིངས་ཀྱི། །རི་ལ་འཛེགས་པས་ལུགས་གཉིས་འ…

ཏུ་སླེབས། སུ་ཡིན་རྩད་གཅོད་མི་གནང་བྱུང་བས། དཔལ་ལྡན་ས་སྐྱ་སྐོར་ནས་ཡིན་ཟེར་བའི་བརྫུས་སེ་བ་ཞུས་ཀྱང་དགོངས་ནས་ཅིས་ཀྱང་ཤོགས་གསུངས་ནས་ཕྱིན། ཞབས་ཏོག་གཞིས་ལེན་ཡང་དག་ཐུགས་དཀར་བས་ཀུན་ནས་བསླངས་པ་མཛད། སྡེ་པའི་དྲུང་དུ་པདྨ་དབང་ཆེན་ཡང་གསང་ཁྲོས་པའི་དབང་བཞི་ཡོངས་སུ་རྫོགས་པ། བཀའ་སྡོད་རྣམས་ཀྱི་སྲོག་དབང་སོགས་ཕུལ། གཞན་ཡང་…

ངེད་རང་གི་རྐང་ཚབ་ཀྱི་རྟ་དེ་ཡང་བབས་ཀྱི་རྣམ་པ་ཡོད་པ་ཞིག་བྱུང་བ་སོགས་ཕྱོགས་དུ་མ་ནས་མདོར་བསྟན་པས་འཕྲེད་ལ་བཅད་དེ་རོང་ཆུང་ལ་འགྲོ་བའི་གྲོས་ཐག་བཅད་དོ། །བོད་རྒྱལ་པོ་གཞོན་ནུས་གཙུག་གིས་མཆོད། །ཤར་རྒྱལ་པོའི་མཛད་པས་ཡིད་རབ་གྲོགས། །རྟ་མདོ་ཕྱུག་གི་བང་འགྲོས་དེ་རུ་ཟད། ཁོང་གྲ་པ་ཀུན་ཟ་ཐག་ཉེ་ལ་དགའ། །དཔལ་ར་ལུང་གི་རི་ཁྲོད་…

བྱུང་འདུག །ངེད་རྣམས་ཆོས་སྡེའི་སྒོར་འཛོམ་ཙ་ན་ཐམས་ཅད་ཕར་ཡུས་ཚུར་ཡུས་སུ་འདུག་པས། ངས་ཁས་མ་བླངས་པར་སྔོན་ལ་ཐལ་ལེ་ཕྱིན། ཉང་སྟོད་གུ་ལའི་ཕུ་དེ་ན་ཕོ་རོག་མདོ་སྡེ་མགོན་པོ་བྱ་བའི་གྲུབ་ཐོབ་ཅིག་གི་སྐུ་འདྲ་སྙན་གྲགས་ཅན། མགོན་ཁང་དང་བཅས་པ་འདུག་པ་མཇལ། དེ་ནུབ་དཔོན་སློབ་ཐམས་ཅད་རྣམ་སྲས་མཐོང་སྨོན་དུ་འཛོམ། སང་མཁར་ཁའི་མདུན་མ…

སྟོང་གསུམ་ཁུ་སྒྲས་འགེངས་ཤིང་ཡོད་དོ་སྙམ། །རེས་འགའ་ལིང་པ་ཁྱི་ཁྲིད་མང་པོ་ཡིས། །རི་དྭགས་འདེད་ཅིང་བཤའ་བའི་དམར་མྱོག་དང་། །གཞན་ཡང་སྟག་གཟིག་དོམ་དྲེད་བྱ་འུག་སོགས། །རྒྱུག་འབྲལ་འཕུར་ལྡིང་བན་བུན་ཟ་ཟི་ཡིས། །ནམ་ལངས་བར་དུ་ཐུབ་པའི་འཁྲུལ་སྣང་བྱུང་། །དེ་དག་ལེགས་པར་བསམས་ཚེ་ཕ་རྒོད་རྗེའི། །བསྟན་སྲུང་མཆོག་འདི་མངོན་སུམ་ཞལ…

ལའང་དག་སྣང་ཅི་ཡང་སྐྱེས། ཞེས་འབྱུང་བས་བསམ་སྡིངས་ནས་རིམ་གྱིས་འཆི་མེད་ཀྱི་གྲོང་ཁྱེར་ལ་ཅོ་འདྲི་བ་ཉང་སྟོད་ཀྱི་ཡུལ་གྲུ་རྣམས་ཞབས་ཀྱིས་བཅགས་ནས་ཤམྦྷར་དུ་ཡབ་མེས་ཀྱིས་ཆོས་སྐྱོང་དཔལ་མགོན་སྟག་ཞོན་ནག་པོའི་ཆོས་སྐོར་རྣམས་གསན་པས་བསྟན་དགྲ་ཚར་གཅོད་པའི་ལྟས་མངོན་སུམ་དུ་བསྟན་ཅིང་། རྗེ་འདི་ཉིད་ལ་བརྒྱ་ཞང་ཕྲོམ། དྲང་ང་ཀུན་གྲ…

གཏད་ལུང་སོགས་མང་པོ་བྱས། དེའི་ཚེ་ཀརྨ་པ་མི་བསྐྱོད་རྡོ་རྗེ་གཞུ་ལུང་པར་ཕེབས། སྡེ་པ་རིན་སྤུངས་པས་གདན་འདྲེན་ཞུ་རྩིས་དང་། མངའ་ཞབས་ཀྱི་སྐྱ་སེར་ཐམས་ཅད་ལ་ཞབས་ཏོག་དང་བསུ་བ་སོགས་ཀྱི་ཁྲལ་རྒྱབ། ཐམས་ཅད་དགའ་བ་དང་སྐྱོ་བ་སྤེལ་མའི་འུར་དིང་བ་འདུག །འབྲས་ཡུལ་བ་དཔོན་སློབ་ཀྱང་དེ་གའི་གྲབས་ཡུལ་ཁུར་ཆེ་བ་སྤྲོ་སེག་གེ་བ་ཡོད་འདུག…

མང་ལ་དངོས་མ་གཙང་བ་མྱོག་པ་ཞིག་དང་། འཇིག་རྟེན་གྱི་དཔོན་ཆེན་དང་། དཔོན་ཆུང་དང་། ཡང་ཆུང་སོགས་ཆོས་བརྒྱད་གང་འཕེལ་གྱི་བྱ་བ་ལྷུར་ལེན་པ་འདྲ་བ། ཁོང་རང་གི་བརྒྱུད་པའི་བླ་མ་དང་དེ་དག་གི་གསུང་རབ་རྣམས་ལ་ཆས་ཆོས་རས་སུ་བོར་རེ་བ། དིང་སང་ཀརྨ་པ་རང་གི་བཤད་སྒྲུབ་ཀྱི་བསྟན་འཛིན་ཅུང་དྲག་པ་རྣམས་ལའང་སྨོད་ཅིང་། དེ་དག་གི་གྲ་རིགས་ད…

ཐག་ཆོད་ན་མི་བཏུབ་སྙམ། མ་དད་མ་གུས་པ་ཡེ་མ་བྱུང་བ་བྱས། དེ་ཡང་སྤྱི་ཐེག་ཆེན་གྱི་གང་ཟག་གིས་སེམས་ཅན་ཐམས་ཅད་དྲིན་ཅན་གྱི་ཕ་མར་ཤེས་ནས་དག་སྣང་སྦྱོང་བ་དང་། བྱེ་བྲག་ཏུ་གསང་སྔགས་བླ་མེད་ཀྱི་སྒོར་ཞུགས་པ་རྣམས་ཀྱི་ཅིར་སྣང་ཐམས་ཅད་ལྷ་དང་ཡེ་ཤེས་ཀྱི་རྣམ་རོལ་ཏུ་ཤེས་པར་བྱས་ནས་དེ་དག་ལ་དད་པ་དག་སྣང་ཚད་དུ་བསྐྱལ་ནས་སོ་སོའི་རང་ཞ…

དཔལ་ས་སྐྱའི་བླ་ཆེན་གདམས་པ་དེས། །རྒྱུད་ཡོངས་སུ་ཚིམ་པས་གཞན་མི་སྨོན། །དུས་ད་ལྟའི་ས་བརྫུས་ཀྱི་བནྡེ་ཚོ། །ཆོས་འདི་འདྲའི་སྐལ་བཟང་མ་ཐོས་པས། །སེམས་ཆོས་བརྒྱད་ལྟོགས་འདོད་ཀྱི་རྒྱུག་འབྲལ་གྱིས། །ཡུལ་གར་འགྲོ་དང་འདིར་འགྲོ་མེད་སྙིང་རེ་རྗེ། །རྗེ་དྲིན་ཅན་གྱི་བླ་མ་རྡོ་རིང་པ། ཁྱེད་བསམས་བཞིན་དུ་བཀའ་དྲིན་འཁོར་ཐབས་མེད། །སྤ…

རྟེན་འབྲེལ་འགྲིག་གམ་སྙམ། རྗེ་མི་བསྐྱོད་རྡོ་རྗེས་རེས་གསང་སྔགས་རྙིང་མ་ཆོས་ལོག་དང་སྐབས་འགར་གཏེར་ཁ་འོག་མའི་ཚེས་བཅུ་འཛུགས་པ། འབྲི་གུང་ཟུར་པ་རིན་པོ་ཆེ་དང་མཇལ་དུས་བསྙེན་ཕུར་སོགས་སྔགས་ཆས་རྣམས་དབུ་ཐོག་ཏུ་བཞག་ནས་ང་ཡང་འདི་འདྲ་བ་ཞིག་འདོད་ཅེས་གུས་པར་མཛད། སྣེའུ་སྡོང་གོང་མ་ཆེན་པོར་ཕུལ་བའི་ཆབ་ཤོག་ཏུ། དེང་སང་དབུ་རུ་…

གསལ་བར་ཐུགས་ཤིན་ཏུ་མཉེས་པའི་སྒོ་ནས་ཕྱག་ཐུགས་ཀར་ཐལ་མོ་སྦྱར་ཏེ་རྗེས་སུ་ཡི་རང་དང་བསྔགས་པ་རྒྱ་ཆེན་པོ་མཛད། བླ་མ་དམ་པ་འདི་ཉིད་ཀྱང་ཐུགས་དད་ཤུགས་དྲག་པོའི་རྐྱེན་གྱིས་སྤྱན་ཆབ་འཁྲུག་པ་སོགས་ཕན་ཚུན་འབྲལ་མི་ཕོད་པ་ལྟ་བུའི་ཐུགས་ཡིད་གཅིག་འདྲེས་སུ་གྱུར། དེ་ནས་མི་འགྱངས་པར་དཔལ་འདམ་བུ་བྱིན་གྱི་ཆོས་གྲ་དང་སྣ་ནམ་རྡོ་རྗེ་བད…

འཛིན་དཀར་པོའི་གུར་ཁང་ལ་གནས་པའི། །འཆི་མེད་གཞོན་ནུའི་དྲིས་ལན་དབྱངས་ཀྱི་སྐད། །རབ་དཀར་ལྷ་ཡི་བདུད་རྩི་གསར་པའི་རྒྱུན། །ལྗགས་ཀྱི་པདྨར་སིམ་ལ་གསོལ་བ་འདེབས། །གྲུབ་མཆོག་དབང་པོ་བསོད་ནམས་བསྟན་འཛིན་གྱིས། །དུད་སོལ་ལྷ་མོ་བཀའ་ཡི་བྲན་དུ་གཏད། །དཔལ་ལྡན་བླ་མའི་སྐུ་དགྲ་དངོས་སུ་བསྒྲལ། །མངོན་སྤྱོད་འཕྲིན་ལས་སྒྲུབ་ལ་གསོལ་བ་འ…

འདི་རེས་གོང་དཀར་ནས་གཞུ་རྔོག་ཚང་འོག་མ་ཐར་པ་གླིང་དུ་ཕེབས་པར་གནས་དེ་གར་ཕྱི་སྒྲུབ་ཀྱི་རྗེས་གནང་དང་སྒྲུབ་སྐོར་ཡོངས་སུ་རྫོགས་པ་གནང་བའི་རྗེས་གནང་གི་དུས་ལྟས་ཁྱད་པར་ཅན་ཞིག་ཀྱང་གཟིགས་པས་བླ་མ་དང་ལྷ་ལ་མི་ལྡོག་པའི་ཐུགས་དད་ཆེན་པོ་འཁྲུངས། ཕྱོགས་དེར་བླ་མའི་སྐུ་དགྲ་གདུག་པ་ཅན་ཞིག་འདུག་པར་འདི་ལྟ་བུའི་ཆོས་སྐྱོང་ཡོད་བཞི…