བའི་ཚེ་ཐོག་མར་ཅུང་ཟད་འཚུབ་པའི་རྣམ་པ་དང་རྗེས་སུ་གཟིགས་སྣང་ལ་བར་སྣང་ནས་གོས་ཆེན་ལྕགས་ནག་གི་ཕོད་ཀ་ཆེན་པོ་གྱོན་པ་ཞིག་གིས་ཕུ་ཐུང་གི་སྦུབས་ནས་ལག་པ་ཆེན་པོ་ཡང་ཡང་སྟོན་པ་སོགས་བྱུང་བའང་ཆོས་སྐྱོང་གིས་དངོས་སུ་རྗེས་སུ་བཟུང་བའི་ཆོ་འཕྲུལ་དུ་སྣང་། གཞན་ཡང་གྲུམ་སྟོད་ཁའུར་བྲག་རྫོང་དུ་བཞུགས་པའི་དུས་ཐུགས་རྒྱུད་ལ་ཉམས་དང་ར…

གསོལ་བ་འདེབས་སོ་རྡོ་རིང་པ། །བུ་མི་མངོན་དབྱིངས་ནས་ཐུགས་རྗེས་སྐྱོངས། །ཚོགས་མཆོད་པར་འབུལ་ལོ་དྲིན་ཅན་རྗེ། །ལུས་སྣང་སྟོང་སྤྲུལ་སྐུར་བྱིན་གྱིས་རློབས། །ཞེས་སོགས་ཚིགས་དོན་ངོ་མཚར་བ་ཡོད། ཆུ་བོ་རིའི་དུར་ཁྲོད་དུ་ཚོགས་འཁོར་མཛད་ནས་བཞུགས་པའི་མཐོ་ཕྱིར་ཤབ་ཤུབ་ཀྱི་སྒྲ་དང་བཅས་སྐོར་བ་བྱེད་པའི་སྐད་ཐམས་ཅད་ཀྱིས་ཐོས་པར་བྱུ…

ཉིད་བཟང་པོ་བཟང་པོ་ཞེས་པའི་མིང་ཙམ་གྱི་སྟོང་འུར་མཁན་རྣམས་དང་མིའདྲ་བར་སླུ་མེད་གཏན་གྱི་སྐྱབས་མཆོག་ཏུ་ལུང་དང་རིགས་པས་བསྒྲུབ་ནུས་པས་དྲན་པའི་མོད་ལ་སྲིད་ཞིའི་གདུང་བ་མཐའ་དག་སེལ་བར་སྣང་། བཅོམ་ལྡན་འདས་དགྱེས་མཛད་རྡོ་རྗེ་དང་མ་ཧེའི་ཞལ་ཅན་སོགས་ཡི་དམ་གྱི་ལྷ་མང་པོ་ནང་རང་བྱུང་ལུས་ཀྱི་ཕོ་བྲང་དུ་རླུང་སེམས་དག་པའི་གར་མཁན…

པ་མཐོང་། སླར་གཟིམས་སྤྱིལ་དུ་ཕེབས། བྲག་གི་ཕུག་ནས་ལྕགས་ཀྱི་རྡོ་རྗེ་རྩེ་དགུ་པ་ཞིག་བྱུང་བ་ཐུབ་བསྟན་དགེ་འཕེལ་གྱི་མགོན་པོའི་ཐུགས་ཀར་བཞུགས། བཀའ་ལས། འཕུར་བ་ཡིན་ཟེར་ཆེད་དུ་ཐེབ་ཐེབ་རང་དགོས་དོགས་མེད་སེམས་ཅེར་བལྟས་པས་གང་དགོས་ས་རུ་སླེབས་ཡོང་བ་ཡིན་གསུངས། དེ་དུས་བདེ་སྟོང་ལྷན་ཅིག་སྐྱེས་པའི་ཡེ་ཤེས་མངོན་དུ་གྱུར་པའི་ཉ…

དེ་ནས་ཆོ་འཕྲུལ་ཆེན་པོའི་ཚེས་བཅོ་ལྔ་ནས་ཟླ་གཅིག་ཙམ་གྱི་བར་སྐུ་མཚམས་བཅད་དེ་དབང་དྲག་པདྨ་ཉེ་བར་བསྙེན་པའི་ཚེ་རྒྱལ་བ་ཀུན་འདུས་པདྨ་ཐོད་འཕྲེང་རྩལ་གྱིས་ཞལ་བསྟན་ཞིང་གསུང་གྱི་གནང་བ་དང་བཅས་དབུགས་དབྱུང་། འཕགས་ཡུལ་གྱི་སློབ་དཔོན་པདྨཱ་ཀ་ར་དང་བོད་ཀྱི་ལོ་ཆེན་བཻ་རོའི་ཐུགས་ཀྱི་ཉིང་ཁུ་ཡང་གསང་ཁྲོས་པ་ལྷ་དགུའི་གསུང་བསྙེན་དང…

དགེ་སློང་ཕའི་སྡོམ་པ་ཡིན་ལ། དེ་ཡང་བོད་འདིར་སྡོམ་རྒྱུན་འགའ་ཞིག་ཡོད་པའི་ནང་ནས་ཁ་ཆེའི་པཎ་ཆེན་བསོད་སྙོམས་པ་ཆེན་པོའི་སྡོམ་རྒྱུན་ཤིན་ཏུ་གཙང་བ་ཆོས་ལུང་ཚོགས་སུ་བཞུགས་པར་བརྟེན། གསུང་ལས། བདག་གིས་ཚེ་འདིའི་ངོ་སྲུང་རྒྱབ་ཏུ་བོར། །ཕྱི་མའི་དོན་ཆེན་འབའ་ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་ཆེན་བསོད་སྙོམས་པ། །ཤཱཀྱ་ཤ…

མཚན་དཔལ་བཟང་པོ་ཞེས་བསྣན་ཞིང་བག་ཡོད་པ་ཁོ་ན་མཛད་དེ་ཚུལ་ཁྲིམས་རྣམ་པར་དག་པ་ནི། ཇི་སྐད་དུ། ཁ་ན་མ་ཐོ་ཕྲ་རབ་ལའང་། །ཐུགས་ནི་ཤིན་ཏུ་འཇིགས་པར་མཛད། །དྲན་དང་ཤེས་བཞིན་ལྡན་པ་ཡིས། །ཚུལ་ཁྲིམས་མ་ཡིན་ཡིད་མི་མཛད། །བག་ཡོད་དྲན་དང་གཡོ་སྒྱུ་མེད། །ལྟུང་བའི་ཉེས་པས་ཁྱོད་མ་གོས། །ཞེས་མཉམ་མེད་ཇོ་བོ་ཆེན་པོའི་རྣམ་པར་ཐར་པ་དང་མཚུངས…

བླ་མ་འཁོར་ལོ་སྡོམ་པར་གཟིགས། །དགེ་འཕེལ་ཆོས་ཀྱི་ཁྲི་ལ་སྤྱན་འདྲེན་པའི། །གཞི་བདག་གུས་པའི་རྣམ་འཕྲུལ་ཕོ་ཉའི་ཚུལ། །ཞབས་ཀྱི་པདྨར་སོན་ལ་གསོལ་བ་འདེབས། །ངག་དབང་དབྱངས་ཅན་ལྷ་མོའི་བཟླས་བརྗོད་ཚེ། །མཁའ་ལ་མེ་ཏོག་དཀར་པོའི་ཆར་བབས་ཤིང་། །རྒྱུད་མངས་སྒྲ་སྙན་རྣ་བའི་བདུད་རྩི་མཆོག །འོད་གསལ་ངང་དུ་གསན་ལ་གསོལ་བ་འདེབས། །མནལ་ལམ་…

ཡིན་པས་མདོ་སྔགས་ཀྱི་གྲ་དང་སྡེ། ས་སྐྱོང་བའི་ཆེ་དགུ། རིགས་རུས་ཀྱིས་མཐོ་བའི་ཡ་རབས། རྣམ་དཔྱོད་དང་ལྡན་པའི་མཁས་པ། ཉམས་རྟོགས་དང་ལྡན་པའི་སྒོམ་ཆེན། དཔའ་མཛངས་ལོངས་སྤྱོད་དང་ལྡན་པའི་དཔོན་སྐྱ་སོགས་སྐྱེ་བོ་ཐམས་ཅད་ཀྱི་བསམ་བློའི་ཡུལ་དུ་དམ་པ་འདི་ཉིད་བདག་ཅག་གི་སྐྱབས་གནས་སུ་ཐོབ་ན་ཅི་མ་རུང་སྙམ་པའི་འདུན་པ་རྩེ་གཅིག་ཏུ་གྱ…

མཎྜལ་དྷརྨ་པཱ་ལ་ས་པ་རི་ཝཱ་རེ་བྷྱཿ ཀུན་ཁྱབ་ཀུན་གྱི་བྱེད་པོ་གཅིག་ཉིད་སྲིད་ཞིའི་གཟུགས་ཀྱིས་ཀུན་ལ་འཁྱུད། །རྒྱལ་དང་རྒྱལ་སྲས་སློབ་མར་བཅས་པའི་ཚོགས་ཀྱི་གཙོ་བོ་རྒྱལ་བ་རྗེ། །མཐའ་ཡས་མཐའ་མེད་འགྲོ་བའི་སྐྱབས་མཆོག་རྗེ་བཙུན་བླ་མ་སྲིད་མཐའ་བར། །གཙུག་རྒྱན་གཙུག་གི་ནོར་བུར་གུས་མཆོད་འབྲལ་བ་མེད་པར་གཙུག་ཏུ་བཞུགས། །ཞེས་སོགས་…

དབུས་སུ་ཟླ་བ་དྲུག་ཙམ་གྱི་རིང་བསྟན་འགྲོའི་ལེགས་ཚོགས་སྤེལ་ནས་གཙང་དུ་བྱོན། ཆོས་སྒོ་བ་བྱམས་པ་ཤེས་རབ་བཟང་པོ་ལ་སྔར་སྨོས་པའི་ཆོས་གསན་རྒྱུའི་སྔོན་དུ་རྨུ་གཤོང་ན་བཞུགས་པའི་མནལ་ལམ་དུ་མི་སྔོན་པོ་ཞིག་ན་རེ་ཕུ་ན་འཁོར་ལོ་བདེ་མཆོག་བྱོན་ཡོད་པས་ཆོས་ཞུས་ཟེར་བྱུང་བའང་རྩད་གཅོད་མི་གནང་བ་དགེ་འཕེལ་མཁན་ཆེན་བྱམས་པ་ཤེས་བཟང་བདེ…

སྲུང་མ་འདི་ནི། བར་ཆད་ལམ་སེལ་མ་ལས། བྲག་ནག་ཧ་བོའི་མགོན་ཁང་དུཿ ཤོ་བཙན་དམར་པོ་དམ་ལ་བཏགས༔ ཞེས་པ་དེ་ཡིན་ཞིང་རྗེ་འདི་ཉིད་ཀྱི་བཀའ་ལས་ཅུང་ཟད་ཙམ་ཡང་མི་འདའ་ལ། གཞན་དུ་དྲག་ཤུལ་དང་གདུག་རྩུབ་ཆེ་བས་ཐུབ་བསྟན་དགེ་འཕེལ་གྱི་འོག་ཙམ་བྱང་རིའི་ལྡེབས་ལ་རྟེན་མཁར་ཡོད་པའི་མདུན་དེར་བླ་ཆེན་སྡེ་དཔོན་སྔགས་པ་རྟོགས་ལྡན་སོགས་ལུགས་གཉི…

བའི་དཔལ་ལ་བཀོད། དེ་ནས་མི་རིང་བར་ཁ་ཆེ་འདུས་བཟང་མཁས་མཆོག་དབྱིག་གཉེན་གྱི་ཕྱོགས་སུ་བྱོན་པ་བཞིན་ངུར་སྨྲིག་གོས་ཀྱི་ནམ་མཁའི་ཁ་དོག་འགྱུར་བ་ལྟ་བུའི་འདུས་ཚོགས་ཀྱི་སེར་སྦྲེང་འཕན་གདུགས་རྒྱལ་མཚན་རོལ་ཆ་སོགས་མཆོད་ཚོགས་བསམ་གྱིས་མི་ཁྱབ་པ་ཐོགས་པས་མདུན་བདར་ཆིབས་བསུའི་བཀོད་པ་སྔོན་དུ་འགྲོ་བས་རྒྱལ་བ་ཞེས་པ་ཤིང་ཕོ་རྟའི་ལོ་…

ཏེ་སྨན་འདམ་ལས་གྲུབ་པའི་གུར་མགོན་མི་ཚད་ཙམ། ལྷ་མོ། ལས་མགོན་ཡབ་ཡུམ། པུ་ཏྲ་མིང་སྲིང་། ཞལ་བྲམ་གཟུགས། བེག་ཙེ་ལྕམ་དྲལ་རྣམས་ཁྲུ་ཕྱེད་དོ་ཙམ། རྟག་གཏོར་འཛིན་གཏོར་སྤྱན་གཟིགས་སོགས་རྒྱས་ཤིང་ངོ་མཚར་བ་དང་། དེའི་བཟོ་ཕུད་དུ་ལམ་འབྲས་དང་ལམ་ཟབ་བརྒྱུད་པ་རྐང་གང་ཙམ་ཁྱད་པར་རྗེ་ཉིད་ཀྱི་སྐུ་འདྲ་མི་ཚད་ཆུང་ཕྱོགས་ཙམ་བྱོན་གཙང་ཞིང…

ལས་ཉོན་སྒྲིབ་པ་ཀུན་བྱང་ནས། །རྡོ་རྗེ་འཆང་དབང་མྱུར་འགྲུབ་ཤོག །ཅེས་སྨོན་ལམ་འདེབས་པ་གནང་ཞིང་ས་ཕྱོགས་གང་དུ་ཕེབས་པའམ་བཞུགས་ཀྱང་རུང་འབྱུང་པོ་མི་མ་ཡིན་མཐུ་བོ་ཆེ་མཐའ་དག་སྲོག་སྙིང་མདོང་གསོལ་དུ་ཕུལ་ནས་བཀའ་བཞིན་བསྒྲུབ། དགོན་པ་ཤར་སྦུག་ཏུ་ངག་དབང་ལྷ་མོ་དབྱངས་ཅན་མའི་ལྗགས་བསྙེན་མཛད་པའི་ཚེ་མེ་ཏོག་དཀར་པོའི་ཆར་འབབ་དང་ཉ…

འོང་ངམ་སྙམ་སྒུག་སྡོད་ཡུན་རིང་པོའི་ངང་དུ་གནས་ཀྱང་གྲུབ་པར་མ་ཐོས་པའི་མཚམས་སུ་ཡེ་ཤེས་ཀྱི་མཁའ་འགྲོ་རྣམས་ཀྱིས་ཅུང་ཟད་བསྐུལ་བའི་མཚན་ལྟས་ཀྱང་འདུག་ཅིང་གསུང་ངག་རིན་པོ་ཆེའི་བླ་མ་བརྒྱུད་པའི་རྣམ་ཐར་གྱི་ཁ་སྐོང་དང་། སྐལ་བ་དང་ལྡན་པའི་གང་ཟག་དག་གི་རྒྱུད་ལ་ཡེ་ཤེས་ཀྱི་བྱིན་རླབས་འཇུག་པའི་མཚམས་སྦྱོར་དུ་ཞེས་བྱུང་བའི་ངོ་མཚ…

དཔོན་ལ་བ་པའི་དུས་ཀྱི་ལ་བའི་དུམ་བུ་ཟ་མཁན་གྱི་མཁའ་འགྲོའི་གཙོ་མོ་པདྨའི་དྲ་བ་ཅན་ཡིན། གཞན་གཞོན་ནུ་ཞིག་ལ་མཛུབ་མོ་བསྟད་ནས་འདི་སེང་གེའི་དྲ་བ་ཅན་ཡིན། གཞན་འདི་རྣམས་ཕྱོགས་བཅུ་ནས་འདུས་པར་འདུག་ཟེར་དེ་རྗེས་གཉིད་སད་བསམས་པར་རྗེ་བླ་མ་ཕག་མོ་གྲུ་པའི་རྣམ་སྤྲུལ་ཡིན་པ་ནི་ངེས་པ་ཅན་དུ་འདུག་སྙམ་པ་བྱུང་། དེ་ནས་ཞག་འགའ་སོང་བ་ན…

གཞན་ཡང་དགེ་བའི་ལྟས་མང་པོ་བྱུང་། ཚར་ཁར་འདོད་ཁམས་ལྷ་མོ་ཡིན་ཟེར་བའི་བུད་མེད་བོང་བུའི་རྣ་བ་ཡོད་པ་ཞིག་གིས་གཙོ་བྱས་མང་པོ་བྱུང་ནས་འདི་ལ་བཀའ་རྒྱ་ཞིག་ཀྱང་གྱིས་བསྟན་པ་ངེད་རང་གིས་བསྲུང་ཟེར་བ་བྱུང་ངོ་། །ཞེས་དེ་ལྟར་འདོད་ཁམས་དབང་མོས་རྣམ་ཐར་གྱི་མཇུག་ཏུ་བཀའ་རྒྱས་ཐོབ་ཅེས་གསོལ་བ་ལ་བརྟེན་ནས། དེ་ཀའི་མཇུག་ཏུ། ཉི་གཞོན་འོ…

དྲུང་། །ཀུན་ཏུ་དང་བའི་རྩེ་དགའི་ཡིད་གཅུགས་ཀྱིས། །རྣམ་གྲོལ་མཆོག་གི་གོ་འཕང་མ་ཐོབ་བར། །གང་ལ་གུས་པའི་ཏིང་འཛིན་ཡར་ངོའི་དཔལ། །སྙིང་ལ་རི་མོར་བྲིས་ཏེ་འདི་སྐད་ཞུ། །དཔལ་ལྡན་བླ་མ་ཨ་ཝ་དྷཱུ་ཏཱི་པའི། །རྣམ་ཐར་ལེགས་བཤད་བྱེ་བའི་རང་བཞིན་ཅན། །མཐོང་ཚེ་མགོན་པོ་ཉིད་དང་སྲས་ཐུ་བོ། །གཉིས་མིན་ཡིད་ལ་བསམ་པའི་ལྷག་བསམ་རྙེད། །སངས་…

ཟླ་ཤེལ་བཞུ་བའི་འོད། །སྙན་ཚིག་བདུད་རྩིས་ཁེངས་པའི་ཟིལ་དངར་ཅན། །དཀར་གསལ་ཆུ་འཛིན་བུ་མོ་བཞད་ལྡན་མ། །ཞུ་འཕྲིན་དབྱར་སྐྱེས་རྫ་རྔ་འདི་སྐད་ཞུ། །ཨ་ཧོ་དྲིན་ཅན་བླ་མའི་ཐུགས་ཀྱི་སྲས། །བྱང་ཕྱོགས་འདི་ན་ནག་པོ་སྤྱོད་པ་ཞེས། །སྙན་པའི་གྲགས་དཀར་གཡོ་བའི་མཁས་གྲུབ་དབང་། །དམ་ཚིག་རྡོ་རྗེའི་མཆེད་དེའི་བཀའ་ཡིག་གི །མཚམས་སྤྲིནབློ་མ…