ཀྱི་སྤྲོས་པ་བྱེད་ན་རང་གཞི་མེད་ཀྱི་རློམས་པར་འདུག་ལགས་ནའང་། བཀའ་དྲིན་བདག་རང་ལ་ཆེ་བ་ཞིག་ལགས་ཏེ། བདག་བླུན་པོ་ལུག་བོང་ལྟ་བུ་འདི་དུས་ད་ལྟ་དམ་པའི་ཆོས་བྱེད་འདོད་དང་ཉམས་སུ་ལེན་ཚུལ་ཆ་ཙམ་ཤེས་པ། ལྟར་སྣང་མི་ཁྱུར་ཆུད་ཙམ་འདི་རྗེའི་བཀའ་དྲིན་ཁོ་ན་མ་གཏོགས་མེད་པས་བཀའ་དྲིན་དྲན་པས་བྱུང་རྒྱལ་དུ་བརྩམས་པ་ལགས་ནའང་ལེགས་འདུག་…

ཆབ་ཤོག་ཏུ་བྱུང་བའི་བརྗོད་དོན་གྱིས་རྟོགས་པར་ནུས། དེ་ཡང་དུས་སྔ་ཕྱི་གསོལ་འདེབས་སུ་ཕྱོགས་བསྡེབས་ལས་རྣམ་ཐར་འདི་རྗེ་སྒོ་རུམ་པ་དག་ཞིང་དུ་གཤེགས་རྗེས་མཛད་པར་དངོས་སུ་བསྟན་པས་གཞན་ལའང་མཚོན་ནོ། །དགུང་ལོ་སོ་བརྒྱད་ཀྱི་བར་དུ་ཕལ་ཆེར་ཐུབ་བསྟན་དགེ་འཕེལ་དུ་སྟན་ཆགས་ཤིང་སྟོད་ཕྱོགས་ཀྱི་སའི་ཆ་ངེས་མེད་དུ་ཞབས་ཀྱིས་བཅགས་སྐྱ་ས…

མིག་གསུམ་མེ་ཡིས་ལོག་འདྲེན་འདོད་ལྷའི་ལུས། །རབ་བསྲེག་ལེགས་ལྡན་མགྲིན་སྔོན་རལ་པའི་རྩེར། །དབང་ཆུའི་བརྒྱུད་པ་ཆད་མེད་ཚེས་ཞག་ཏུ། །འཆར་བའི་ཟླ་ཟེར་ཕན་བདེའི་ཀུནྡ་བཞད། །ལུང་རྟོགས་རིན་ཅེན་མི་འཛད་འབྱུང་བའི་གཏེར། །ཟབ་རྒྱ་གཉིས་སྤངས་ཞབས་ཀྱི་རྣམ་པར་ཐར། །རྩོམ་པར་ལྷ་དང་མཁའ་འགྲོས་བརྡ་ཐབས་ཀྱིས། །བསྐུལ་བའི་སྒྱུ་འཕྲུལ་ངོ་མ…

རླབས་ཀྱི་གཟི་བྱིན་འོད་དུ་འབར་བའི་ཚིག་སྦྱོར་མ་ཉམས་པ་ལ་བར་སྐབས་སུ་གསོལ་འདེབས་དང་སྟོང་ཐུན་དགོས་ངེས་འདྲ་སྦྱར་བ་ནི་འདི་ལྟ་སྟེ། ན་མཿསརྦ་གུ་རུ་བུདྡྷ་བོ་དྷི་སཏྭེ་བྷྱཿ ཕྱི་ལྟར་ན་ཕྱོགས་མེད་ཀྱི་བནྡེ། ནང་ལྟར་ན་གསང་ཆེན་གྱི་སྔགས་འཆང་། གསང་བ་ལྟར་ན་རྗེ་བཙུན་རྡོ་རྗེ་འཆང་ཆེན་པོ་རྡོ་རིང་ཀུན་སྤངས་པ་ཞེས་ཡོངས་སུ་གྲགས་པ་ད…

སྦྱིན་བདག་སྤ་ར་བས་གསུང་ངག་བླ་མ་བརྒྱུད་པའི་གསེར་སྐུ་བཞེངས་པའི་རབ་གནས་ལ་ཕྱིན་ནས་ཟླ་བ་དྲུག་ཙམ་བསྡད་དེ་མགྱོགས་བསྐོར་བྱས། དེ་དག་གི་ལོ་རྒྱུས་རྣམས་བཤད་ན། དགའ་བ་ལ་བསམས་ན་ནམ་ལངས་པ་འདྲ་བ། སྐྱོ་བ་ལ་བསམས་ན་ས་རུབ་པ་འདྲ་བ། བཏང་སྙོམས་པ་བྱང་ཐང་སྐྱ་མོ་ལ་གར་བྱེད་པ་འདྲ་བ་ཇི་སྙེད་ཅིག་ཡོད་པ་ལབས་ཀྱང་སྤྲང་པོའི་གླུ་ལ་ཉན་མཁ…

ཁྱད་པར་ལམ་བར་རྣམས་སུ་ཡང་སྔར་ཆོས་འབྲེལ་ཡོད་པ་དང་། ད་ཆོས་ཞུ་འདོད་ཀྱི་བླ་མ་མཇལ་བ། གནས་བཟང་པོ་དང་རྟེན་ཁྱད་པར་ཅན་མཇལ་བ་སོགས་དགོས་དོན་ཐམས་ཅད་བློས་བཏང་ནས། བདེ་གཟར་ཆེན་པོ་འཁྲུག་ཁ་མའི་གསེར་ཡིག་པ་བཞིན་དུ་ནམ་ལངས་ས་རུབ་དྲེལ་ཁལ་གྱི་རྗེས་ལ་ལམ་གཞུང་བསྲངས་ནས་ཐལ་མར་རྒྱུག་དགོས་པ་དེ་ཡེ་ཡིད་ལ་མི་འབབ་པ་ཞིག་བྱུང་བས། བྱ་བ…

ལྡན་རྗེས་སུ་འཛིན་པའི་སླད་དུ་སྙན་བརྒྱུད་ཟབ་མོའི་བེ་བུམ་པོ་ཏི་རེ་དང་བཅས་པ་ཁུར། ཁོ་བོ་ཅག་རྐང་འགྲོས་ཀྱིས་བུལ་བས། རྟ་སྔོན་པོ་བརྟན་བརླིང་འཛོམ་པ་སྒ་སྲབ་ལ་སོགས་པ་དཀྱུས་ཐུབ་པ་ཞིག་ལ་ཞོན། ཐུབ་པས་དབྱར་གྱི་རས་ཆེན་གནང་བ་དང་མཐུན་པའི་ཆར་སྐྱོབ་ཀྱི་རས་ནམ་ཐང་ཡུག་པོ་ཆེ་མུ་མེན་གྱི་མཐའ་འཇག་བཏང་བ་ལྟ་བུ་ཞིག་གྱོན། མང་མཁར་ཐུ…

བཏུང་བ་དབྱར་གྱི་ཆུ་མཚོ་ལྟར་ཆལ་ཆིལ་དུ་ལོངས་སྤྱོད་ཅིང་གནས་པའི་ཚེ། དེའི་དགོན་པར་ཆོས་རྗེའི་དྲུང་གིས་ངེད་དཔོན་སློབ་འགའ་གདན་དྲངས་གཞིས་ལེན་ཤངས་ལེན་བཟབས་མ་མཛད། ནང་སོ་དང་སྔར་འདྲིས་ཀྱི་གྲ་པ་རྣམས་ཀྱིས་ཀྱང་ཇ་འདྲེན་སོགས་ལེགས་ཚོགས་ཀྱི་རྟེན་འབྲེལ་ཐོག་མར་འགྲིག་པ་བྱུང་། དེ་སྔ་ཡན་ཆར་དཀོན་ཙམ་ཡོད་པ་ལ། དེ་རྗེས་ངེད་དཔོན་…

ལ། ཁྱད་པར་རྗེ་བཙུན་ས་སྐྱ་པའི་གསེར་ཆོས་རིག་བྱེད་མའི་ཆོས་སྐོར་ན་ཆར་དབབ་པའི་མན་ངག་ཆེས་ཟབ་པ་དངོས་སུ་ཕྱག་ལེན་མ་མཛད་ནའང་། རྗེ་བཙུན་བཅོམ་ལྡན་འདས་མས་རྗེས་སུ་བཟུང་བའི་བྱིན་རླབས་ཀྱི་མཐུ་དང་ངེས་པའི་དོན་དུ་རླུང་སེམས་ལ་དབང་འབྱོར་བའི་གྲུབ་པའི་དབང་ཕྱུག་ཆེན་པོ་རྣམས་ཕྱི་ནང་རྡོ་རྗེའི་ལུས་ལ་གནད་དུ་བསྣུན་པས། ཇི་ལྟར་ཕྱི…

སོགས་མཇལ། རི་ཁྲོད་ལ་རྒྱང་བལྟས་བྱས་པས་བློ་འགྲོ་ཞིང་ཡིད་འཕྲོག་པ། སྔོན་གྱི་དམ་པ་རྣམས་ཀྱིས་འདི་ལྟ་བུའི་གནས་སུ་སྒྲུབ་གྲྭའི་རྒྱུན་བཙུགས། སྐྱེ་བོ་མང་པོ་ཐར་པའི་ལམ་ལ་འགོད་པར་མཛད་པ་ཆེས་ཆེར་ངོ་མཚར་ཞིང་རྨད་དུ་བྱུང་བའི་རྣམ་ཐར་དུ་འདུག །ཁོ་བོ་ཅག་ཀྱང་འདི་ལྟ་བུའི་དབེན་གནས་ཞིག་ཏུ་བྱང་ཆུབ་སྒྲུབ་པ་ཞིག་ནམ་འོང་སྙམ་པ་སྙིང…

པོ་འཁྲུལ་ཞིག་རཏྣ་བྷ་དྲ་བཞུགས་པའི་དྲུང་དུ་མཇལ། དེ་ནུབ་ཚོགས་ཀྱི་འཁོར་ལོ་དང་བཅས་པའི་སྒོ་ནས་བཅོམ་ལྡན་འདས་པདྨ་དབང་ཆེན་ཡང་གསང་ཁྲོས་པ་ཁྲག་འཐུང་ལྷ་དགུའི་དབང་། དེའི་ཚེ་དབང་། བཀའ་སྡོད་གིང་ལྔ་གཟའ་གདོང་གི་སྲོག་དབང་བཀའ་གཏད་དང་བཅས་པ་ཞུས། སང་འགྲོ་ཁར་ངེད་དཔོན་སློབ་ཐམས་ཅད་ཀྱིས་ལྷན་ཅིག་ཏུ་སློབ་དཔོན་ཆེན་པོ་ལ་པདྨ་འབྱུང…

གཞོན་ནུ་བུམ་སྐུར་རང་རིག་གདོད་མའི་ཀུན་བཟང་མངོན་སུམ་དུ་རང་ངོ་འཕྲོད་པས་ཕྱི་རོལ་ཀུན་རྫོབ་ཀྱི་རྫུན་ཕུགས་རྡིབ་ནས་གང་ཤར་ཐམས་ཅད་ལོངས་སྐུའི་ཞིང་དུ་འབྱམས་ཀླས་པས་རྗེ་འདི་ཉིད་ཀྱི་ཉམས་རྟོགས་མེ་ལོང་ལ་གཟུགས་བརྙན་བཞིན་བླ་ནས་བླར་འཕེལ་བར་སྣང་། ལམ་ཡིག་ལས། དེ་ནས་བོ་དོང་ཕུན་ཚོགས་རབ་བརྟན་གྱི་ཕོ་བྲང་ན། རྗེ་བཙུན་རྡོ་རྗེ་འཆ…

ངེད་རང་བདག་ཆེན་རྡོ་རྗེ་འཆང་ཆེན་པོའི་བརྒྱུད་འཛིན་རྣམས་ཀྱི་གཙུག་གི་ནོར་བུ། ཁྱད་པར་ངེད་རང་གི་བླ་མའི་གཙོ་བོ་རྡོ་རྗེ་འཆང་དངོས་དང་ཞལ་མི་གཉིས་པ་ཞིག་ཡིན་ཐག་ཆོད་པས། སོ་སོར་སྙིང་ནས་གསོལ་བ་ཐོབ། བྱིན་རླབས་ཁྱད་པར་ཅན་འཇུག་ངེས་པའི་ཁག་ཁུར་བ་ཡིན། འཕྲལ་ཆེ་ཁྱད་ཆེ་བ་ཙམ་རྗེ་ལ་ཆོས་བརྒྱད་ཀྱི་རྟོག་པ་ཅི་མངའ། སྦྱིན་བདག་སྟོབས…

བླ་མ་གཅིག་ཏུ་མཛད། འདིའི་སྐབས་ལྷ་རིགས་འ་ཞའི་ས་སྐྱོང་བར་བྱང་གཙང་གི་ཕུགས་སུ་བདག་པོ་སྔགས་འཆང་པའི་མི་སྲུན་སྒྱུ་འཕྲུལ་གྱི་འཁོར་ལོ་མ་འཁོར་བའི་མངའ་ཐང་སྒང་ལ་རྒྱབ་པ་ནས་རྗེ་སྒོ་རུམ་པར་ཞབས་ཏོག་ཤིན་ཏུ་ཆེ་བའི་གཟི་བརྗིད་ཀྱི་ཉི་འོད་བློ་ཆུང་མེ་ཁྱེར་རྣམས་ཀྱིས་མ་བཟོད་པའི་རིགས་སུ་སྣང་། ལམ་ཡིག་ལས། དེ་ནས་རྫི་ལུང་དུ་ཞག་གཅ…

རང་གཅིག་པུར་ཞལ་རས་ལྷ་ཁང་གི་ཕྱི་སྐོར་བྱེད་ཅིང་ཡོད་ཙ་ན། སྐོར་ལམ་དེ་ན་བུད་མེད་གཞོན་ནུ་ནད་པ་ཡིན་ཟེར་བ་ཞིག་ཁྱེལ་བྱས་ནས་འདུག །སྐོར་བ་འགའ་སོང་ཙ་ན་དེ་ལ་མཆེ་བ་ཇེ་རིང་ཡོང་གི་འདུག །མིག་འཁྲུལ་བའམ། ཀྲུང་ཀྲུམ་ལྟ་བུ་ལ་བཅོས་ནས་འཇིགས་པ་སྟོན་པ་ཡིན་ནམ་སྙམ་པའི་ཚེ། མཐར་ཁ་ཐམས་ཅད་མཆེ་བ་སྐྱ་ཟང་ངེ་བ་མཐོ་རེ་ལྷག་པ་ཙམ་གྱིས་ཁེང…

རྒྱུག་གམ་སྙམ་པ་ཞིག་བྱུང་བས་འདི་བར་ཆད་དམ་དངོས་གྲུབ་གང་ཡིན་མི་ཤེས་པ་འདུག །ད་རེས་ནས་བརྡ་ཞིག་སྟོན་པ་མ་བྱུང་། །ད་མངོན་དུ་མ་གྱུར་པ་ལ་གསང་དགོས་སྙམ་ཟླའོ་རྣམས་ལ་བགྲོས་ཡེ་མ་བཏང་། དེའི་ནུབ་འོག་གི་འདུ་ཁང་ནང་གི་ལྕོག་བུར་བསྡད་པའི་ཚེ། གཏོར་བསྔོ་སོགས་སྤྲོས་བཅས་ཀྱི་དགེ་སྦྱོར་རྣམས་ཀྱང་དེ་གའི་ངང་དུ་འགྲོ་བ་ཞིག་བྱུང་། ཅ…

ཉེན་གདའོ་གསུང་བ་ཡོད་ཅིང་། འདི་སྐོར་གྱི་གཏམ་མང་པོ་ཞིག་ཡོད་དེ། སྣོད་མི་འདུག་པས་ནམ་མཁའི་དབྱིངས་སུ་ཕཊ། སྤྲང་རྒྱལ་ཁམས་ཕྱོགས་མེད་རྒྱུ་བའི་ཚེ། །ཡུལ་ཡ་མཚན་གྱི་ལྟད་མོ་འདི་ལྟར་མཐོང་། །ཤབ་དགེ་སྡིངས་རྡོ་རྗེའི་ཕོ་བྲང་ན། །རྗེ་ས་སྐྱ་ལོ་ཙཱའི་སྐུ་ཡི་དབོན། །ཐུགས་གཅིག་ཏུ་འདྲེས་པ་སྲས་ཀྱི་མཆོག །ཁོང་འཇམ་དབྱངས་གཞོན་ནུ་དངོ…

བརྡ། །ཡོངས་ངོ་མཚར་གྱི་ཟློས་གར་ཅི་ཡང་རྩེ། །ཞེས་འབྱུང་བ་ཁྱབ་བདག་བླ་མ་འདི་ཉིད་འདས་མ་འོངས་པའི་གནས་ལུགས་མཐའ་དག་གསལ་བར་གཟིགས་པའི་མངོན་མཁྱེན་ཐག་ཐོགས་མི་མངའ་ནའང་ཀུན་ཏུ་རྒྱུས་འཕགས་པ་མཽངྒལ་གྱི་བུ་བཅོམས་པའི་ལོ་རྒྱུས་ལྟར་ཆོས་གོས་འོག་གི་དུག་མདར་མ་དགོངས་པའི་བསྔགས་བརྗོད་ཆེ་ནའང་རྒྱུ་མཚན་འོག་ཏུ་རིམ་གྱིས་གསལ། ཁྲོ་ཕུར…

སྤྱོད་བྱས་པས་གྲ་པ་རྣམས་བྱོན་བྱུང་ནས། །འདི་པ་ཆ་ལུགས་སོགས་རྟོགས་ལྡན་དུ་མི་འདུག །གྲ་མཐུན་ལ་སྐྱིད་མདོག་རྣམ་པ་སྒོ་ཡངས་པ་ཞིག་འདུག་པས། སྡེ་པ་ཟིལ་གནོན་པ་ལྟ་བུ་ཞིག་བརྫུས་པ་ཡིན་ནམ་ཟེར། གཅིག་ན་རེ་ང་དང་ཞལ་འདྲིས་ཡོད། སྡེ་པ་ཟིལ་གནོན་པ་ཡིན་ཐག་ཆོད་འདུག་ཟེར་བས། ཕལ་ཆེར་དེ་ལ་ཡིད་ཆེས་སོང་། སུ་ཡིན་ཟེར་བ་ལ། ང་ཅི་མེད་ཀྱི་…

པ་ལམ་ཡིག་ལས། སྟག་ལ་སྐྱ་མོ་དུང་གི་སྒོ་བརྒལ་ཏེ། རྗེ་བཙུན་ས་སྐྱ་པའི་གདུང་བརྒྱུད་རིམ་པས་བྱིན་གྱིས་བརླབས་པའི་གནས་གཙང་ཆུ་མིག་རིང་མོར་སླེབས། དེ་ནུབ་གནས་འབྲེལ་བྱས། སྔོན་ཟངས་དཀར་ལོ་ཙཱ་བས་བཞེངས་པའི་གཙུག་ལག་ཁང་། གཉན་སྒྲོལ། འཕགས་པ་རིན་པོ་ཆེའི་སྐུ་འདྲ་སོགས་བཞུགས་པའི་ལྷ་ཁང་། བདག་ཆེན་རིན་པོ་ཆེ་གྲགས་བློ་བས་བཞེངས་པའ…