ཀུན་མཁྱེན་བུ་སྟོན་ཆོས་རྗེའི་འཁྲུངས་རབས་གསོལ་འདེབས་སོགས་བཞུགས་སོ། །ནེམིཏྟབྷདྲཱཔརམཱརྠཤུདྡྷདྷཱཏུརྣཀྵཡཱཨཽནྡྲཡུདྷཱབིཙིཏྲཙ། །མཱུརྡྷཏྲིབྷཱུབྻཱུཾཧཨཧོསམུདྲཙེཔདྷྱཱཡམཱཡདྲུམཔཱུཛ ཛིནྱརི། །དག་པ་དོན་དམ་ཟད་པ་མེད་པའི་དབྱིངས། །མཚན་བཟང་དབང་པོའི་གཞུ་རིས་རྣམ་བཀྲ་བ། །ངོ་མཚར་བཀོད་པ་རྒྱ་མཚོའི་སྒྱུ་འཕྲུལ་མཁན། །ས་གསུམ་འགྲོ་བ…

བྱས། །ཨིནྡྲ་ནཱི་ལ་ལྟར་མཐིང་གཙུག་ཏོར་རྩེར། །འཕོ་མེད་ཀུན་དའི་མདུད་པ་ཡོངས་གྲོལ་བའི། །སྟོང་ཆེན་དག་པ་རབ་འབྱམས་དབྱིངས་ཀྱི་གཟུགས། །རྣམ་ཀུན་མཆོག་ལྡན་བདེ་བའི་འཇའ་རིས་བཀྲ། །གཟོད་མ་ཉིད་ནས་ཨེ་ཝཾ་ཟུང་འཇུག་པའི། །རིགས་དང་དཀྱིལ་འཁོར་ཀུན་གྱི་གཙོར་གྲུབ་ཀྱང་། །གཞན་ངོར་ཐུན་འཚམས་གསར་བའི་བློ་གྲོས་ཀྱིས། །ཐུབ་པའི་བསྟན་ལ་ཀུ…

མཁྱེན་རྣམ་དཔྱོད་མཁའ་ལྟར་ཡངས། །འགྲོ་ལ་རྗེས་ཆགས་ཆགས་བྲལ་ངུར་སྨྲིག་འཆང་། །གནས་ལྔ་ཡོངས་རིག་རིག་གནས་རྒྱ་མཚོར་མཁས། །ལྷག་བསམ་རབ་དཀར་དཀར་བའི་ཟླ་བ་བཞིན། །ཡང་ཡང་སྐྱེ་བར་གོམས་པའི་ཤེས་པ་དང་། །ངལ་ངལ་ཚེ་འདིར་སྦྱངས་པའི་བརྩོན་འགྲུས་ཀྱིས། །མཁས་མཁས་ཀུན་གྱི་ཡང་རྩེར་ལེགས་སོན་པའི། །སྙན་སྙན་གྲགས་པ་དྲི་ཟའི་རྒྱུད་མང་འཇེབས།…

དགའ་བ་བརྒྱ་པའི་ཚེམས་ཀྱི་མངལ་ཁུར་ལས། །ངག་གི་འདོད་པ་འཇོ་བའི་རི་དྭགས་མིག །དབང་ཕྱུག་ཡོན་ཏན་བརྒྱད་ཀྱི་མཆོག་སྦྱིན་མ། །མགྲིན་པའི་པད་མཚོར་རོལ་ལ་གསོལ་བ་འདེབས། །རྨོོངས་རྟུལ་སྦྱིན་སྐྱེས་བཅོམ་པའི་བློ་གྲོས་ཀྱི། །སྙིང་གར་རྣམ་དཔྱོད་དཔལ་གྱི་བེའུའི་གཟུགས། །སྐལ་བཟང་མིག་གི་གཟིགས་མོར་ངོ་མཚར་བའི། །བཤེས་གཉེན་འཆི་མེད་གཙོ་…

བཀྲ་ཤིས་རྟགས་ཀྱིས་ལེགས་མཚན་པར། །བསྐལ་པའི་བར་དུ་མི་འགྱུར་བརྟན་པར་ཤོག །སྒོ་གསུམ་འབད་པའི་དགེ་ཚོགས་ཆུ་འཛིན་ལས། །བསོད་ནམས་ཟད་པ་མེད་པའི་ཆར་རྒྱུན་གྱིས། །གསེར་ལྡན་ལྟོ་བ་ཡོངས་སུ་དུབ་པའི་འབྲས། །དོན་གཉིས་མྱུ་གུ་སྨིན་པའི་དགའ་སྟོན་སྩོལ། །སླུ་མེད་དཀོན་མཆོག་མཆོག་གི་ཐུགས་རྗེའི་དཔལ། །དཔལ་མགྲིན་ཚངས་དབང་དབང་པོ་མཁར་བའི…

ཕྲ་ཞིབ་བསམ་པའི་ཟླ་ཟེར་གྱིས་ཕྱེ་བས། །ཕུལ་བྱུང་ལེགས་བཤད་འདབ་མ་འཛུམ་གྱིས་སུ། །བརྗོད་བྲལ་སྟོང་ཆེན་དག་པའི་མཁའ་དབྱིངས་ངོས། །བདེ་ཆེན་རྣམ་པར་བཀྲ་བའི་འཇའ་ཚོན་མདངས། །རླུང་སེམས་གོམས་པའི་པིར་གྱིས་བྲིས་པའི་གར། །ཟུང་འཇུག་འཛིན་མའི་ངོས་སུ་སྒྱུར་ལ་བྲེལ། །འཇམ་དབྱངས་དབྱངས་ཅན་མགྲིན་པར་ཆགས་པའི་གཏམ། །སྙན་ཚིག་ཚིག་དོན་འཁྲོ…

རྟེན་གྱི་ཡིད་བཞིན་དབང་གི་རྒྱལ། །ཐོས་བསམ་སྒོམ་པའི་རྒྱལ་མཚན་རྩེར་མཆོད་པས། །དོན་གཉིས་འདོད་འཇོའི་དཔལ་ལ་གསོལ་བ་འདེབས། །རོ་ནུས་སྟོབས་ལྡན་བདུད་རྩིའི་བུམ་བཟང་གིས། །འཆི་མེད་ཚེ་ཡི་དགའ་སྟོན་སྩོལ་མཛད་པའི། །རྣམ་འདྲེན་སྨན་གྱི་བླ་ཡི་རིང་ལུགས་པ། །དྲང་སྲོང་གྲུབ་པའི་དབང་པོར་གསོལ་བ་འདེབས། །ཐེག་པ་གོང་འོག་ཕྱི་ནང་གྲུབ་མཐ…

ཧོར་གྱི་བནྡེས་ར་ས་འཕྲུལ་སྣང་དུ་སྦྱར་བའི་ཡི་གེ་པ་ནི་འཇམ་དཔལ་ལོ། །དཔལ་ལྡན་ཕུན་ཚོགས་ཚོགས་གཉིས་རྒྱ་མཚོ་ལས། །ལེགས་འཁྲུངས་རྒྱལ་དབང་དབང་ཕྱུག་བརྒྱད་ལྡན་པ། །འཇམ་དཔལ་དབྱངས་དངོས་དངོས་གྲུབ་ཀུན་གྱི་གཏེར། །བློ་བཟང་སྙན་གྲགས་གྲགས་པའི་བ་དན་རྒྱལ། །རྒྱལ་བ་ཀུན་ཡུམ་ཀུན་དགའི་དཔལ་སྟེར་མ། །ཡིད་འཕྲོག་ལྷ་མོ་ལྷར་བཅས་འགྲོ་བའི་…

གཉེན་དམ་པའི་གྲིབ་མ་གཉིས་པའི་གྲོགས། །མི་འབྲལ་རྟེན་འབྲེལ་སླུ་བ་མེད་པར་ཤོག །སྐྱེ་བར་ལེགས་བྱས་གོམས་པའི་དཔྱིད་ཀྱི་མངལ། །བླ་མེད་མཆོག་གི་ས་བོན་སྨིན་པ་ལས། །སྐུ་གསུམ་ཕང་ཕུང་ལོ་འདབ་གཡོ་བའི་རྩེར། །མཚན་དཔེའི་འབྲས་བཟང་དུད་པའི་དཔལ་གྱུར་ཅིག །ཅེས་གསོལ་འདེབས་སྨོན་ལམ་དང་བཅས་པ་ཞིག་དགོས་ཞེས་ཨ་ཡུ་ཥེས་བསྐུལ་བའི་ངོར། ཤླཽ་…

གསོལ་བ་འདེབས། །ལྷང་ལྷང་སྙན་པའི་ངག་གིས་གསོལ་འདེབས་ཤིང་། །དུང་དུང་སྙིང་ནས་མི་ཕྱེད་དད་པའི་མཐུས། །ཡང་ཡང་བསམས་པས་འདི་ཕྱིའི་མདུན་མ་ཀུན། །ལྷོད་ལྷོད་འབད་པ་མེད་པར་གྲུབ་པར་ཤོག །ཅེས་པ་འདི་ཡང་ཇའི་སང་ཁོ་ཤོའི་ཆིས་བསྐུལ་བའི་ངོར་ཟ་ཧོར་གྱི་བནྡེས་སྦྱར། སྐྱེ་བ་ཀུན་ལ་ཡང་དག་ལེགས་པའི་ལམ། །ཚུལ་བཞིན་སྟོན་མཛད་སྟོབས་བཅུ་མངའ་…

བོད་འབངས་སྐྱེ་རྒུའི་ལྷ་གཅིག་སྲོང་བཙན་རྗེ། །བཤད་སྒྲུབ་བསྟན་པ་རྒྱས་མཛད་ཁྲི་སྲོང་ཞབས། །གསར་བཅད་སྐད་དུ་འབེབས་པའི་ཁྲི་རལ་པ། །ཆོས་ལྡན་རྒྱལ་པོར་གྱུར་ལ་གསོལ་བ་འདེབས། །འཕགས་ཡུལ་ཆོས་ཀྱི་རྒྱལ་པོ་དགེ་བ་དཔལ། ཁ་ཆེའི་རྣལ་འབྱོར་ཆེན་པོ་དཀོན་པ་བ། །བཀའ་གདམས་བསྟན་པའི་མེས་པོ་འབྲོམ་སྟོན་རྗེ། །འཕགས་ཆེན་དམ་པར་བསྟན་ལ་གསོལ་བ…

གར། །དཀོན་མཆོག་འབངས་དང་སྲོང་བཙན་སྒམ་པོའི་ཞབས། །ཚངས་པ་ལྷ་ཡི་མེ་ཏོག་ཁྲི་རལ་པ། །ས་སྐྱོང་རྒྱལ་པོར་གྱུར་ལ་གསོལ་བ་འདེབས། །ཆོས་རྒྱལ་དགེ་བ་དཔལ་དང་འབྲོམ་སྟོན་རྗེ། །རྩེ་ཆེན་ས་སྐྱ་པ་དང་གཡུ་བྲག་མགོན། །ཉང་རལ་དགེ་འབུམ་པདྨ་བཛྲ་སོགས། །མཁས་གྲུབ་དམ་པར་སྤྲུལ་ལ་གསོལ་བ་འདེབས། །དགེ་ཚོགས་ལ་འདུན་མཁས་གྲུབ་རྒྱ་མཚོའི་དཔལ། །བས…

གེའི་ཞབས། །མཁས་གྲུབ་དམ་པ་རིན་ཆེན་སེང་གེ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །གནས་ལྔ་རིག་པའི་པཎ་ཆེན་བུ་སྟོན་རྗེ། །རྒྱ་ཆེན་ཆོས་ཀྱི་སྤྱན་ལྡན་ཁྱུང་ལྷས་པ། །རྒྱལ་བ་ཀུན་དངོས་བློ་བཟང་གྲགས་པའི་དཔལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ལུང་དང་རིགས་པའི་དབང་ཕྱུག་དགེ་ལེགས་དཔལ། །སྙན་བརྒྱུད་གདམས་པའི…

ཡིས་རྒྱུད་བསྐུལ་བས། །འགྲོ་དྲུག་སྡུག་བསྔལ་སྡིག་སྒྲིབ་ཀུན་སྦྱངས་ནས། །འཇིག་རྟེན་དབང་ཕྱུག་སྐུ་རུ་ལྡང་བར་ཤོག །ང་དེ་ཚོགས་པའི་སྟེང་དུ་ཕར་བཏགས་ལས། །རང་བཞིན་གྲུབ་པ་མེད་པར་ལེགས་རྟོགས་ནས། །ཀུན་རྫོབ་སྤྲོས་པའི་ཆོས་ཀྱི་སྣང་བ་ཀུན། །བདེན་མེད་སྒྱུ་མ་ལྟ་བུར་འཆར་བར་ཤོག །ཚེ་འདིའི་ལུས་དང་ལོངས་སྤྱོད་གཉེན་བཤེས་ལ། །ཆགས་ཤིང…

བ་འདེབས། །ངག་དབང་བློ་གཏེར་དུས་ཀྱི་དགྲ་ཆེན་པོར། །འདབ་བཟང་ལྟོ་འགྲོར་རྔམ་འདྲའི་ཟིལ་གནོན་ལྷའི། །དྲག་རྩལ་འཕྲིན་ལས་རྒྱ་མཚོའི་རླབས་འཕྲེང་ལྟར། །ནམ་ཡང་ཡོལ་བ་མེད་ལ་གསོལ་བ་འདེབས། །འགྱུར་མེད་གཡུང་དྲུང་རྟགས་ཀྱིས་ལེགས་མཚན་པའི། །རྡོ་རྗེའི་ཁམས་ལས་གྲུབ་པའི་ཁྲི་ཆེན་པོའི། །མགོན་ཁྱོད་བསྐལ་བརྒྱར་ཞབས་ཟུངས་ལེགས་བཀོད་དེ། །…

ཨཱཛྙཱདྭེཛཾནཱམཡཱཀཱིརྟིསུདྷཱིཙ། །ཤཱརཎྱརབྷཱུཏྲིཤྲཻཡཿཀུརུདཱན། ལོཀེཤྭརྱམཱཡཱནཾརྟིརྦྷོཊཱརཱཛཤྲེཡཱནིརྨ། །རྀཤྱཱསུཁྱཱཧིཏྱཱཧོབྻཧྱསྭདྦྷུཏྱཱཀརྱཱཡཙྪ། །ཤེས་བྱ་ཐམས་ཅད་མཁྱེན་པ་ཡི། །རྒྱལ་བ་གཉིས་པ་བློ་བཟང་གྲགས། །ས་གསུམ་འགྲོ་བ་རྣམས་ཀྱི་སྐྱབས། །ལེགས་པའི་ཚོགས་རྣམས་སྦྱིན་པར་མཛོད། །འཇིག་རྟེན་དབང་ཕྱུག་སྒྱུ་འཕྲུལ་དྲྭ་བའི་གར། …

བའི། །དངོས་གྲུབ་བྱེ་བའི་མཛོད་ལ་གསོལ་བ་འདེབས། །དུས་ཀྱི་དགྲ་བོར་འཇམ་དཔལ་ཁྲོས་པའི་གར། །འཁོར་འདས་ཕྱག་རྒྱ་ཟིལ་གནོན་ཚེ་ཡི་བདག །མཐུ་སྟོབས་དྲག་རྩལ་རྡོ་རྗེའི་མཚོན་གདེངས་པས། །ནག་ཕྱོགས་དཔུང་བཅས་འཇོམས་ལ་གསོལ་བ་འདེབས། །ངག་དབང་ལྷ་ཡིས་རྗེས་བཟུང་བློ་གྲོས་གཏེར། །སྐལ་བཟང་གདུལ་བྱ་རྒྱ་མཚོའི་མགོན་གྱུར་པ། །འཇིགས་མེད་སྨྲ་…

པ་འཆང་བ་དེ་སྲིད་དུ། །མགོན་ཁྱོད་འཇིགས་པ་མེད་པ་སེང་གའི་ཁྲིར། །གཡོ་མེད་རྡོ་རྗེ་ལྟ་བུར་བརྟན་གྱུར་ཅིག །ཁལ་ཁ་ཐུ་ཤེ་ཡེ་ཐུ་རྒྱལ་པོའི་སྲས་བློ་བཟང་བསྟན་པའི་རྒྱལ་མཚན་ལ་གསོལ་འདེབས་བརྟན་བཞུགས་དང་བཅས་པ་ཞིག་དགོས་ཞེས་ཙིནྟ་མ་ཎི་ནང་སོས་བསྐུལ་བའི་ངོར་ཟ་ཧོར་གྱི་བནྡེས་སྦྱར། བློ་གསལ་སྐལ་བཟང་འགྲོ་བའི་དཔུང་གཉེན་དུ། །འཕགས་ཆ…

སྟོན་དར་གྱུར་ཅིག །ཅེས་རྒྱལ་བ་འཕགས་པ་ལྷའི་མཆོག་གི་སྤྲུལ་སྐུའི་གསོལ་འདེབས་བརྟན་བཞུགས་ཀྱི་རིམ་པ་འདི་ནི་སྤྲུལ་སྐུ་ངག་གི་དབང་པོས་བསྐུལ་བ་ལྟར་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོས་སྦྱར་བའི་ཡི་གེ་པ་ནི་བློ་བཟང་ཚེ་རིང་ངོ་། །སྭསྟི་པྲ་ཛ་བྷྱཿ ཐབས་ཤེས་ཟུང་འཇུག་བླ་མེད་བདུད་རྩིའི་གཏེར། །འཆི་མེད་རྡོ་རྗེའི་ཁམས་སུ…

རྣམ་དག་བསླབ་གསུམ་རྩ་བ་རབ་ཏུ་བརྟན། །སྤང་རྟོགས་ཡོན་ཏན་ལོ་འདབ་ཁུར་གྱིས་བརྗིད། །མཁས་གྲུབ་དཔག་བསམ་ཡོངས་འདུ་ས་བརྟོལ་དབང་། །ཐུབ་བསྟན་ནོར་འཛིན་དཔྱིད་དུ་བརྟན་གྱུར་ཅིག །སྔོན་བསགས་རྣམ་དཀར་སྨོན་ལམ་ཤིང་རྟ་ཡིས། །རྗེ་བཙུན་དྭགས་པོའི་བཀའ་བརྒྱུད་སྐྱེད་ཚལ་དུ། །ཉེ་བར་དྲངས་རྣམས་ཕྱག་ཆེན་ཆོས་དྲུག་གི །མི་འཛད་འབྲས་བུའི་རོ་ལ…