ཡིག་ཆ་འདིའི་སྟེང་ནས་མ་གོ་བར་གཞན་ནས་ལྷག་པ་བླང་གཏོང་རྒྱུ་ཨེ་ཡོད་མི་ཤེས་ཞེས་ཡང་ཡང་གསུངས་སྟབས། རྣམ་བཤད་གསེར་ཕྲེང་སོགས་ལ་སྐབས་སྐབས་སུ་གཟིགས་པ་མ་གཏོགས་ཡིག་ཆ་ཁོ་ན་གཙོར་འདོན་གྱིས་འཛིན་སྐྱོར་ཆོས་ཐོག་ཆོས་མཚམས་ཀུན་ལ་གཤར་སྦྱང་དང་ཡིག་ཆའི་སྟེང་ནས་དཔྱད་པ་ཕུ་ཐག་ཆོད་པ་མཛད། ཁྱད་པར་གཞུང་ཚན་སོ་སོའི་རང་ལུགས་སྐབས་ཀྱི། མཚ…

ཤེས་འདོད་བཞད་གད་གནས། །ཞེས་དང༌། ཐད་ཀའི་གཞུང་ལ་ལྟ་བ་ཡལ་བོར་ནས། །དཔེ་མང་བལྟ་བ་ཤེས་རབ་འཆལ་བའི་རྒྱུ། །གསུངས་པ་ལྟར་ཡིན་པས། བློ་གསར་རྣམས་ཡེང་མ་ཡེང་གིས་ཉི་མ་འཕུལ་ཐབས་དེ་འདྲར་མ་སོང་བ་དམ་པ་འདི་དག་གི་རྣམ་ཐར་ལ་ཁ་མིག་ཡར་བལྟ་བ་ཞིག་དགོས་སོ། །རྒྱུན་པར་བགྲོ་གླེང་གནང་ཚུལ་གཞུང་གི་གོ་དོན་ཚོལ་བ་གཙོར་འདོན་བྱས་པས་པམ་མེ་བ་…

བྱེད་གསུང༌། ཕྱི་ཉིན་ཡང་ཐུགས་ཁྲོས་པའི་རྣམ་པ་དེ་གའི་ངང་ནས་རྗེས་གནང་སྩལ་ཏེ་གྲུབ་ཟིན་པ་ན་དགྱེས་ཉམས་དང་བཅས་ད་སྐྱོན་མེད་མོད། རྟ་མགྲིན་ཅི་ཐུབ་རེ་ཐོན་གསུངས་པ་དེ་ནས་བཟུང་སྟེ་སངས་དྭངས་སུ་སོང༌། དེ་རྗེས་ཐུའུ་བཀྭན་རིན་པོ་ཆེའང་ཕེབས་པས་ཐུགས་ནང་ཤིན་ཏུ་ཉེ་བ་བྱུང་འདུག་པ་ནི། རྩ་བ་སྔོན་ནས་ཐུགས་སྨོན་གྱི་འབྲེལ་བ་ཞིག་ཡིན་…

རྗེས་བཞག་ཙམ་ནས་དྲིལ་བུ་དཀྲོལ་ཚད་ཀྱི་རྩར་རྒྱུག་པའི་བློ་སྣ་མང་པོ་རྩི་སྐུད་མགོ་བྲེག་པ་ལྟ་བུ་དེར་སྔ་ཕྱི་གཉིས་པོ་གང་ཡང་མི་ཡོང་བར་གསུངས་སོ། །བརྩོན་འགྲུས་བྱེད་ལུགས་ཀྱང་ཉི་མ་ཁ་ཤས་ལྟོའང་མི་དྲན་པ་ལྟ་བུའི་ཚ་དྲག་བྱས། སྐབས་སྐབས་སུ་བརྗེད་སོང་བ་བཞིན་བསྐྱུར་ནས་འགྲོ་བའི་འཕར་ལྡང་དེས་གར་ཡང་མི་ཕྱིན་པར་གཟིགས་ནས་རྟག་སྦྱོ…

མཇུག་མཚུངས་པས་རིང་པོར་མ་ཐོགས་པར་བཀའ་པོཏ་ཆེན་པོ་ལྔའི་དགོངས་དོན་ཐུགས་སུ་ཆུད་དེ་མཁས་པའི་གོ་འཕང་ཐོབ་བོ། །ཚོགས་མཆོག་དགེ་འདུན་རིགས་པ་སྨྲ་བའི་གྲྭར། །ཚད་མ་སྡེ་བདུན་རིགས་ལམ་བསྡུས་གྲྭ་དང༌། །ཚུལ་གསུམ་གཏན་ཚིགས་རིགས་པར་སྦྱངས་པ་ཡིས། །ཚེགས་མེད་ལུང་དང་རིགས་པའི་དགའ་སྟོན་མྱོང༌། །ཤེས་རབ་གྲུ་གཟིངས་བརྩོན་པའི་བ་དན་ཅན། །ཤ…

ནུས་པ་ཡོད་ན་དེ་གནས་ཐབས་བྱ། །ཞེས་འགྲོ་བའི་བདེ་སྐྱིད་བསྟན་པ་དང༌། དེ་དགེ་འདུན་གྱི་སྡེ་ལ་རག་ལས་པར་གསུངས་པ་དེ་འགྱེད་ཕོགས་ཀྱི་སྐལ་བ་ལེན་མཁན་མང་བས་གོ་མི་ཆོད། འཆད་ཉན་བསྒྲིག་ལམ་རྣམ་དག་ཅིག་ཡོད་དགོས་པར་འདུག །འདི་ལ་ཕན་ཞིག་ཐོགས་ན་ཆོས་ཀྱི་བྱ་བའང་དེ་ལས་ལྷག་མི་འདུག་དགོངས་ཏེ་དྲག་ཞན་སུ་ལའང་ངོ་དགའ་ཟོལ་འཇོག་ཏུ་མ་སོང་བས…

མཉམ་པའི་ཞིབ་དཔྱོད་བསྐྱར་མ་དང༌། མཚོ་ཊཱིཀ་མཆིམས་མཛོད་སོགས་ལའང་ཞིབ་གཟིགས། སྡོམ་ཚིག་གལ་ཆེ་བའི་རིགས་བློ་འཛིན་བྱང་བར་མཛད། དགུང་ལོ་སོ་བརྒྱད་པ་ས་མོ་གླང་གི་དགུན་ཆོས་ཐོག་གྲྭ་ཚང་གི་དམ་བཅའ་དང༌། ལྕགས་སྟག་ལོའི་སྨོན་ལམ་ཐོག་ལྷ་སའི་དམ་བཅའ་བཞག་པར་གཞུང་འབབ་ཚན་ཆེའང་ཁས་ལེན་ཤོར་ཚབས་ཆེ་བ་མ་བྱུང་ལ། ལན་མྱུར་ཞིང་གསལ་ལ་དཔངས་མ…

པར་རྩེ་ཤོད་ཀྱི་སྐུ་ཚབ། འབྲས་སྤུངས་བླ་སྤྱི་སོ་སོ། མཁན་པོ་དགེ་འདུན་བདེ་ཆེན་དང༌། མགྲོན་གཉེར་མཁན་པོ་སོགས་མི་དྲག་མང་པོའི་ངོ་ཚབ། བསམ་བློ་ཁམས་ཚན། བིས་མདོ་མི་ཚན་སོགས་སྤྱི་སྒེར་ཀུན་ནས་ཁྲི་འབུལ་གྱི་བདོག་པ་གྱ་ནོམ་པ་བསྟར། སྟོད་ལུང་ལྡིང་ཁའི་དགོན་པ་འདུལ་བ་མཁན་པོ་སྔ་ཕྱིའི་འཛིན་ཐེབས་སུ་སྤྲོད་ལེན་བྱེད་དགོས་པས་དེར་ཡང…

རྣམས་ལ་ཞེས་སོགས་ཀྱི་བདེན་བཞིའི་ཆོས་འཁོར་གྱི་ཆེད་དུ་བྱ་བའི་གདུལ་བྱ་བསྟན་པ་ཡིན་ཚུལ་གྱི་བགྲོ་གླེང་བཏང་བས། སྐབས་ཤིག་ཕ་རོལ་པོས་བྱེ་བྲག་སྨྲ་བར་གྱུར་པའི་བྱང་སེམས་དེ་ཉན་ཐོས་ཀྱི་རིགས་ཅན་ཡིན་ཟེར་དགོས་པ་ལྟ་བུ་ཁས་ལེན་འཛིན་རྒྱུ་མེད་པ་བྱུང་བས་ཀུན་ཡ་མཚན་དུ་གྱུར། རྒྱུན་པར་ཐུགས་དམ་གཙོར་འདོན་དང་དོན་གཉེར་ཅན་ཁ་ཤས་ལ་ཆོས…

མཆོག་གི་གྲྭར་ཕེབས་པའི། །འདུན་པ་ཤུགས་དྲག་ཐུགས་ལ་བརྣག་ན་ཡང༌། །འདུལ་བ་མཁན་པོའི་གོ་སར་བཀའ་བབས་པ། །འདའ་བར་མ་ནུས་དེ་ཡི་ཁྲི་ལ་འཁོད། །ཐུན་མོང་ཐུན་མོང་མིན་པའི་ལམ་བཟང་གི །ཐུགས་དམ་ཟབ་མོས་ཉིན་མཚན་དུས་འདའ་ཞིང༌། །ཐེག་གསུམ་དགེ་འདུན་སྡེ་ལ་བསྙེན་བཀུར་སོགས། །ཐམས་ཅད་གེགས་མེད་སྨོན་བཞིན་ལྷུན་གྱིས་གྲུབ། །ཧར་ཆིན་ཝང་རཏྣ་སི…

སྐད་གསུང་བྱ་བ་ལས་རང་བཟོ་དང་བོད་ཀྱི་སྲ་བསྲེ་གཏན་ནས་མི་བྱེད་གསུང་བའི་དཔེ་ལྟ་བུ་ཞིག་ཡོད་པས་ཕན་ཐོགས་ཤིན་ཏུ་ཆེ། དེའི་གནད་ཀྱིས་རྒྱུས་ཡོད་རྣམས་དེ་འདྲའི་རིགས་ལ་ཁོང་དགེ་རྒན་དུ་བསྟེན་འཇུག་པས་ཕྱིས་ནས་པཱ་རིན་ཝང་གི་ཐོ་ཡོན་དང༌། ཨ་ལག་ཤཱ་ཝང་གི་ཐོ་ཡོན་སོགས་མང་དུ་བྱུང༌། མེ་བྱའི་ལོ་གཉིས་པའི་ཉི་ཤུར་པཎ་ཆེན་ཐམས་ཅད་མཁྱེན་…

གསར་ནོད་ཀྱི། །ཚུལ་བཞེས་ལས་ཀྱི་ཁ་སྐོང་མཛད་པ་ཡིས། །ཚེ་རབས་འཕྲེང་བར་འབྲེལ་བའི་ལེགས་སྨོན་གྲུབ། །ཡམ་བཤད་སྦུན་པའི་ཕུང་པོ་འཕྱར་མིན་པར། །ཡང་དག་དོན་གྱི་སྙིང་པོ་སིལ་མ་ཡིས། །ཡ་རབས་ཐར་འདོད་ཞིང་པའི་རེ་སྐོང་གི །ཡོངས་འཛིན་གང་དེ་གཙུག་གིས་བསྟེན་བྱ་ཡིན། །དགུང་ལོ་ཞེ་བརྒྱད་པ་ས་ཕག་གི་ལོ་བདུན་པའི་ཚེས་ལ་རྒྱལ་དབང་ཐམས་ཅད་མཁ…

རིན་པོ་ཆེ་འབའ་ཞིག་ལས་གྲུབ་པའི་ཁྲི་ཆེན་པོ་ཉིས་བསྒྲིགས་ལ་གོང་མ་བདག་པོ་ཆེན་པོ་དང་པཎ་ཆེན་ཐམས་ཅད་མཁྱེན་པ་བཞུགས། གཡོན་ངོས་སུ་ལྕང་སྐྱ་རྡོ་རྗེ་འཆང༌། སྨིན་གྲོལ་ནོ་མོ་ཧན། རྟ་ཚག་རྗེ་དྲུང་རིན་པོ། ནང་གི་ཇ་སག་བླ་མ་རྣམས་དང་ཝང་ཆེ་ཁག་མང་པོ། གཡས་ངོས་སུ་གསོལ་དཔོན་གངས་ཅན་མཁན་པོ་དང་བ་ཡར་མཁན་པོ་ཉིད་སོགས་བཞུགས་པའི་གཤམ་ཙམ་…

པོ་ཉིད་ནས་བརྟན་བཞུགས་ཀྱི་བཤད་པ་གནང༌། འཇམ་དཔལ་རྡོ་རྗེ་རྣོན་པོ་མི་ཡི་རྗེར། །རོལ་པའི་གནམ་གྱི་ལྷ་མཆོག་ཞབས་པདྨོར། །གླིང་བཞི་རི་རབ་ཉི་ཟླ་ལ་སོགས་པ། །སྣོད་བཅུད་དགེ་མཚན་མཐའ་དག་དབུལ་བར་བགྱི། །ཞེས་སོགས་ཚིིགས་བཅད་རེ་དང་སྦྲགས་ཏེ་རིམ་པ་བཞིན་གོང་མའི་ཕྱག་ཏུ་ཕུལ་བ་བཞེས་ཏེ་ཤིན་ཏུ་དགྱེས་པའི་རྣམ་པ་མཛད། རྟེན་ཆས་ཀྱང་ནང་མ…

བའི་བདུད་རྩི་སྤྲོ་བར་མཛད། དེ་སྐབས་འཛམ་གླིང་གི་ཆེ་དགུ་ཕྱོགས་གཅིག་ཏུ་འཛོམས་པ་བཞིན་མཆོད་ཡོན་ཉི་ཟླ་ཟུང་དུ་འབྲེལ། གསེར་གྱི་རི་བོ་ལྟ་བུའི་བླ་མ་ཆེ་ཁག །འཇིག་རྟེན་མེས་པོ་ལྟ་བུའི་བློན་ཆེན་རྣམས་དང༌། གཞན་ཡང་ལུས་ཀྱི་ཆ་ལུགས་མི་འདྲ་བ། ངག་གི་སྐད་རིགས་མི་གཅིག་པ། བསམ་པའི་འཁྱེར་སོ་མི་མཚུངས་པའི་དཔོན་རིགས་དང་བློན་པོ་ཆེ་…

འཇའ་ས་སོགས་གཟེངས་བསྟོད་ཚད་མེད་གནང་རྒྱུའི་སྒོ་དོད་པས་འཕྲིན་ལས་ཀྱི་གདུགས་དཀར་སྲིད་པའི་རྩེ་མོར་བསྒྲེངས་ཏེ་ཕེབས་པའི་དགོས་དོན་གཙོ་བོ་ལྷུན་གྱིས་གྲུབ། དགུ་པའི་ནང་ལ་ཕོ་བྲང་དུ་ཕེབས་ནས་ཤ་ར་སུ་མེར་བཞུགས། སྐུ་ཆས་རྣམས་དང་པོ་ནས་འདིར་ཕབ་ཡོད་པས་པཎ་ཆེན་རིན་པོ་ཆེར་མཎྜལ་སྐུ་གསུང་ཐུགས་རྟེན། ཕྲུག་བཅོ་ལྔ། ཐེར་དྲིལ་སུམ་ཅུ…

བཞད་པའི་ཡིག་ཆ་འདི་གཅིག་གོ་ན་རི་མཐོན་པོའི་རྩེ་ནས་བལྟས་དུས་རི་ཆུང་ཐམས་ཅད་ཁ་འོག་ཏུ་ཆུད་ཡོད་པ་ལྟ་བུ་ཞིག་ཡིན། ངའང་ལས་དོན་གྱི་གཡེང་བ་ཆེ་སོང་བས་སློབ་གཉེར་བསམ་པ་ལྟར་ཞིག་བྱེད་རྒྱུ་མ་བྱུང་ཡང༌། ཡིག་ཆ་འདི་ལ་འཛིན་སྐྱོར་དགའ་མོ་བྱས་པའི་ཁུལ་ཡིན་པས་ད་ལྟ་པོ་ཏི་ལྔ་ལ་གོ་བ་ཞིག་ཆགས་པ་འདིའི་དྲིན་ཡིན། སྔ་མོ་ཅོ་ནེ་ནོ་མོན་ཧན…

པའི་རྗེས་མེད་པར་འགྲོ་གི་འདུག །སྔོན་གྱི་དགེ་བཤེས་འདི་ཚོས་གང་ཤེས་པ་དེ་བརྗེད་རྒྱུ་མེད་པ་རྡོ་ཐོག་ཏུ་ཕུར་པ་བཏབ་པ་འདྲ་བ་ཞིག་འདུག་པ་དེ་སྔོན་དང་དེང་སང་གི་མིའི་རང་བཞིན་བརྟན་མི་བརྟན་དང་དང་པོ་ནས་སློབ་གཉེར་རྒྱག་ལུགས་མ་འདྲ་བ་རེད་ཅེས་བསྔགས་བརྗོད་མཛད་འདུག །ཉིན་གཅིག་ལྕང་སྐྱ་རིན་པོ་ཆེའི་མདུན་དུ་ཕེབས་སྐབས། ཨ་མྱེ་ཆང་ཁ…

ཅི་ལའང་ཕན་རྒྱུ་མེད་པར་གསུང་བའི་དོན་ཁ་བཤད་ལག་ལེན་དུ་ཡོད་པ་ཆོས་དང་རྒྱུད་འདྲེས་པའི་རྣམ་ཐར་རྨད་དུ་བྱུང་བའོ། །དགུ་པའི་བཅུ་གསུམ་ལ་སོའུ་ཧེའི་རྟེན་བྱ་བ་རྒྱལ་པོ་ན་རིམ་ཁྲི་འདོན་གནང་སའི་ཕོ་བྲང༌། རྒྱུན་པར་རྒྱལ་པོའི་བཀའ་མེད་པར་ནང་དུ་སོང་ཡང་མི་ཆོག་པ་དེར་མཆོད་ཡོན་ཞལ་འཛོམ་གྱི་སྟོན་མོ་གནང་བའི་བཞུགས་གྲལ་དུའང་ཕེབས། རྒ…

རྐྱེན་ཆེན་པོ་བྱུང་བ་རེད་གསུང་སྟེ་དེ་ག་རང་ཡིན་པར་སྣང་ངོ༌། །གོང་ཞབས་མཆོད་ཡོན་གདན་འཛོམ་མདུན་ས་ཆེར། །གོང་ས་མཆོག་གི་བཀའ་འཕྲིན་སྤེལ་བ་ལ། །གོང་ན་མེད་པའི་རྣམ་དཔྱོད་གར་བསྒྱུར་ཚེ། །གོང་མ་ཆེན་པོས་དགྱེས་ཞལ་ལྷུག་པར་བསྟན། །རྒྱལ་བློན་ནམ་མཁའི་སྐར་ཚོགས་ལྟ་བུའི་དབུས། །རྒྱལ་དབང་མཆོག་གི་མཛད་པ་འཕྲིན་ལས་ཀྱི། །རྒྱལ་མཚན་སྲ…