དུ་འཁྱམས་པའང་འདིས་བྱེད་པ་ཡིན་ལ། འདོད་ཆགས་དང་ཆགས་པ་མི་གཅིག་གོ །ཁོང་ཁྲོ་ནི་གཞི་དགྲ་ལ་དམིགས་ཏེ་ཀུན་ནས་མནར་བར་སེམས་པ་རྩུབ་པའི་རྣམ་པ་ཅན་མེ་དང་མཚུངས་པ་ཞིག་ཡིན་ཞིང། འདི་ལ་བླ་མ་བྱམས་པའི་ཞལ་ནས། ཞེ་སྡང་འདི་མེ་རང་ཡིན། ཁོ་རྒྱས་ཙ་ན་ཐོག་མར་ལག་མཐིལ་རྔུལ་ནས་ལག་གཉིས་ཕུར་ཡོང་། དེ་ནས་རིམ་གྱིས་མཆེད་པས་མཆན་ཁུང་དྲོས། དེ་…

མཐུན་པར་བདེ་ལམ་འདིར་ཡང། ཤེས་པ་ཁོ་རང་གི་ངོས་ནས་ལུང་མ་བསྟན་ཡིན་པ་ལ། དང་པོར་བདག་དང་བདག་གི་བ་ལ་དམིགས་ནས་རང་བཞིན་གྱིས་གྲུབ་པར་འཛིན་པའི་བློ་སྐྱེ། དེ་བདག་ཏུ་བཟུང་བ་ལ་བརྟེན་ནས་རང་ཕྱོགས་ལ་ཆགས་པ་དང། ཞེས་སོགས་ཀྱིས་ཕྱིན་ཅི་ལོག་ཏུ་འཛིན་པ་རྩ་བར་གསུངས་ཤིང། འདིར་དང་པོ་ཞེས་གསུངས་པ་ཡང་ཉོན་མོངས་སྐྱེས་པའི་ཡ་མཐའ་ལ་ཟེར་བ…

སོ། །དེ་ལྟར་རྩ་བ་བདག་འཛིན་གྱིས་བདག་ཏུ་བཟུང་བ་ལ་བརྟེན་ནས་རང་གཞན་སོ་སོ་བར་རིས་སུ་བཅད་པ་ལ་བརྟེན་ནས་རྩ་བའི་ཉོན་མོངས་རྣམས་སྐྱེས་ཤིང། དེ་ལས་ཉེ་ཉོན་རྣམས་རྒྱས། དེའི་དབང་གིས་ལས་བསགས་ཏེ་རྟེན་འབྲེལ་ཡན་ལག་བཅུ་གཉིས་ཀྱི་སྒོ་ནས་སྲིད་པའི་འཁོར་ལོ་བསྐོར་ཏེ་སྡུག་བསྔལ་གྱི་ཕུང་པོ་འདི་གྲུབ་ནས་འཁོར་བར་མི་འདོད་བཞིན་དུ་སྡུག…

གཉིས་པ་འདུ་བྱེད་ཀྱི་ལས་ཀྱིས་འཁོར་བའི་རྒྱུ་གསོག་པའམ་འདུ་བྱེད་པས་ན་གཉིས་པ་འདུ་བྱེད་ཀྱི་ལས་ཡིན་ཟེར། དེ་ལ་བསོད་ནམས་དང་བསོད་ནམས་མ་ཡིན་པ་མི་གཡོ་བའི་ལས་དང་གསུམ་ཡོད་ལ། དེ་གང་ཡིན་ཀྱང་སྡུག་བསྔལ་གྱི་རང་བཞིན་གྱི་འཁོར་བ་འདི་ལས་ནི་མ་འདས་པ་ཡིན་པས། འདི་དག་གི་སྒོ་ནས་ཀྱང་ཁྱབ་པ་འདུ་བྱེད་ཀྱི་སྡུག་བསྔལ་བསྒོམ་ཚུལ་རྒྱས་སུ…

དེ་དག་གི་སྐབས་ནས། མ་རིག་པ་ཞིང་འདེབས་མཁན་དང། ལས་ས་བོན། རྣམ་ཤེས་ཞིང་ས་དང། སྲེད་པ་ཆུ་དང། ལེན་པ་ལུད་དང་དཔེ་སྦྱར་ཏེ། རྒྱུ་འབྲས་ཚར་གཉིས་པོ་སྤེལ་ནས་ཞིང་དང་འདྲ་བར་གསུངས་སོ། །ཡང་སྲིད་ལེན་སྐྱེ་ཚུལ་དེ་ལྟར་ཡིན་ན་ངན་འགྲོར་སྐྱེ་བས་དེ་ལ་སྲེད་པ་ཇི་ལྟར་འབྱུང་ཞེ་ན། དེ་ནི་མདོ་སྡེ་མཛངས་བླུན་ལས། ཁ་ན་མ་ཐོ་བ་ཆེན་པོ་བྱས་ན་…

སེམས་གང་མངོན་གྱུར་པ་དེས་ཐུབ་པ་ལས་འབྲས་མི་བསླུ་བའི་ཆོས་ཉིད་ཡིན་པའི་རྒྱུ་མཚན་གྱིས་འཕེན་བྱེད་དང་འཕངས་འབྲས་མ་གཏོགས། འགྲུབ་བྱེད་གྲུབ་འབྲས་ཀྱི་བར་སྐྱེ་བ་གཞན་གྱིས་ཆོད་མི་སྲིད་ལ། དེའི་ཕྱིར་ན་བར་དུ་བསྐལ་པ་བརྒྱ་སོགས་ཀྱིས་ཆོད་ཀྱང་རྫོགས་ཚུལ་ཚེ་གཉིས་སམ། མ་མཐའ་གསུམ་ལ་རྫོགས་པ་ཡིན། དེ་ལྟར་རྟེན་འབྲེལ་ཡན་ལག་བཅུ་གཉིས་…

འཁྲུལ་བས་བལྟས་ཀྱིན་གསལ་དུ་འགྲོ་བ་ལྟ་བུ་ཡིན་པས་སྤོང་མི་ནུས་ལ་འཁྲུལ་བ་ཞིག་ཡིན་ན་སེལ་བའི་ཐབས་བྱས་པས་སེལ་ནུས་པས་དེ་སྦྱང་བ་ལ་འབད་དགོས་ཏེ། དཔེར་ན་མཁྲིས་ནད་ཅན་ལ་ས་གཞི་སེར་པོར་སྣང་བ་དང། ཡང་ཚ་བ་དང་མཁྲིས་པ་སོགས་རྒྱས་པའི་རྟགས་སུ་སྨྱོས་པ་མིན་ཡང་ཁྲག་རྒྱས་པས་མིག་རྨར་སོང་ནས་རྩ་ཕྲ་མོ་རྣམས་འཁྲབ་སྟེ་རྟ་རྒྱུག་པ་དང། ར་…

ཐར་པར་འཁྲིད་པར་མཛད་པའི་ཚེ། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཐམས་ཅད་དུ་མཆོག་ཟུང་ལྟ་བུ་མི་འབྱུང་བས། སྒོ་ཁང་དུ་འཁོར་བའི་འཁོར་ལོ་ཆ་ལྔ་པ་ཁོར་ཡུག་ཏུ་རྟེན་འབྲེལ་ཡན་ལག་བཅུ་གཉིས་ལུགས་འབྱུང་དང་ལུགས་ལྡོག་ཀྱང་བྲིས་ཤིག་གསུངས་པ་ལྟར། སྲིད་པའི་འཁོར་ལོ་ཡང་བདེན་བཞི་སྟོན་བྱེད་ཡིན་ཏེ། དམྱལ་བ་སོགས་བྲིས་པས་སྡུག་…

པོ་ཡོད་ཡོད་འདྲ་ཡང་དོན་ལ་མེད་པ་ལྟར་སྐྱེ་མཆེད་དྲུག་ཀྱང་ལས་ཀྱི་དབང་གིས་ཆགས་པ་ཡིན་གྱི། དེ་ལ་དབང་བསྒྱུར་བའི་བདག་མེད་དེ། འདི་ལྟ་བུ་གོ་བ་ལ་ཡང་ཤིན་ཏུ་ཕན་ནོ། །རེག་པ་འོ་བྱེད་པ། ཚོར་བ་མིག་ལ་མདའ་ཕོག །སྲེད་པ་ཆང་འཐུང་བ། ལེན་པ་སྤྲེའུ་ཤིང་ཐོག་ལེན་པ། སྲིད་པ་སྦྲུམ་མ་བཙའ་བ་ལྟ་བུ་དང་སྐྱེ་བ་རྒ་ཤི་རྣམས་བྲི། དེ་ཐམས་ཅད་མི་…

དེ་ལ་གསེར་སྲང་བྱེ་བ་རི་ཟེར་བའི་སྲོལ་ཡོད་པ་ལྟར་ཞུས་པའི་ཚེ་རྒྱལ་པོས་དེའི་དོད་མཚུངས་པའི་སྐྱེས་བསྐུར་རྒྱུ་མ་རྙེད་པ་དང། སེམས་ཁོང་དུ་ཆུད་ནས་གོས་ངན་པ་གྱོན་ཏེ་མུན་པའི་ཁང་བུར་ཞུགས་པའི་ཚེ། བྲམ་ཟེ་དབྱར་བྱེད་ཀྱིས་སྟོན་པ་ལ་ཞུས་ཤིག་ཅེས་རྒྱལ་པོ་ལ་གྲོས་བཏབ་པས་སྟོན་པར་ཞུས་པ་ན། སངས་རྒྱས་ཀྱི་སྐུ་བྲིས་ལ་སྐུར་ཅིག་གསུངས་…

ཐུགས་མ་དགྱེས་ན་དེ་ལྟར་བགྱིའོ། །ཞེས་གསོལ་ནས་སྨྲ་བ་བཞིན་བསུས་ཏེ། ཞལ་ཕྱེ་བའི་ཚེ་ཡུལ་དབུས་ཀྱི་ཚོང་པ་དག་གིས་མཐོང་ནས་ཐམས་ཅད་ཀྱིས། སངས་རྒྱས་ལ་ཕྱག་འཚལ་ལོ། །ཞེས་བསྒྲགས་པས་རྒྱལ་པོའི་བག་ཆགས་སད་ནས་ལུས་ཀྱི་བ་སྤུ་གཡོ་བའི་དད་པ་ཐོབ་ཅིང། རྟེན་འབྲེལ་གྱི་རི་མོ་དང་ཡི་གེ་རྣམས་བསྟན་པས་མཚན་མོ་དེ་ཉིད་ལ་ཡན་ལག་བཅུ་གཉིས་ལུགས་…

པོ་ཡང་གྲོངས་ཏེ་གླང་དར་མས་བསྟན་པ་བསྣུབ་པར་འདོད་དེ། ཐོག་མར་ཇོ་བོ་བྱེ་མའི་འོག་ཏུ་སྦས་ཇོ་བོ་བཞུགས་པའི་ཁང་པའི་སྒོ་ལ་ཞལ་ཞལ་བྱས་ཏེ་སྟེང་དུ་རབ་བྱུང་ཆང་གི་བུམ་པ་ཐོགས་པ་བྲིས་ཏེ་བཀྲ་མི་ཤིས་པའི་རྟེན་འབྲེལ་བསྒྲིགས་པས་ཁོ་རང་གི་འདོད་པ་ལྟར་བྱེད་ཐུབ་པ་བྱུང་ཞིང། དེར་མ་ཟད་སློབ་དཔོན་དབྱིག་གཉེན་ཚེའི་རིག་འཛིན་བརྙེས་པའི་ག…

དེའི་རྒྱ་ཆེར་འགྲེལ་སོགས་ལ་བལྟ་དགོས་ཏེ་རྗེ་རིན་པོ་ཆེས་ཡང་དེ་དག་ཐུགས་འཛིན་གནང་བ་ཡིན། དེ་མ་བྱུང་ན་གླེང་འབུམ་སོགས་བལྟ་ཞིང། དེ་ཡང་མ་བྱུང་ན་པཎ་ཆེན་བློ་བཟང་ཆོས་རྒྱན་གྱིས་མཛད་པའི་སྡོམ་ཚིག་དང། བླ་མ་རིན་པོ་ཆེ་རང་གིས་མཛད་པའི་སྡོམ་ཚིག་སོགས་ལ་བལྟ་དགོས། དེར་མ་ཟད་འདུལ་བའི་བརྗོད་བྱ་མཐའ་དག་སྡོམ་པ་མ་ཐོབ་པ་ཐོབ་པར་བྱེད…

ཤིང་། སྔོན་གྱིས་བཀས་བཅད་དུ་ཡང་རབ་བྱུང་མཐོང་ན་སྟན་ལས་ལྡང་དགོས་པ་དང། རབ་བྱུང་ཡོད་པར་ཁྱིམ་པས་དབང་བསྐུར་སོགས་ཀྱིས་ལས་བྱེད་མི་རུང་བར་བཀས་བཅད་ཅིང། དེར་མ་ཟད་མངའ་བདག་ཁྲི་རལ་པ་ཅན་གྱིས་རང་གི་རལ་པར་དར་ཡུག་བཏགས་པ་དགེ་འདུན་གྱི་ལམ་དུ་བཏིང་བ་སོགས་བཀུར་བཟོས་བསམ་གྱིས་མི་ཁྱབ་པ་མཛད་པ་ལྟ་བུ་ཡིན་ལ། ཚུལ་ཁྲིམས་རྣམ་པར་དག་པ…

བསྐྲད་གསུངས་པས་ཁུ་སྟོན་གྱི་ཞལ་དུ་བཙག་དང་རམ་བཟུང་ནས་དར་ཡུག་པ་ལ། ཁྱེད་མངོན་ཤེས་ཐོགས་མེད་དུ་འདུག་ཟེར་བ་ངས་ཐོས། ད་ཇོ་བོ་རིན་པོ་ཆེ་འདི་ལོ་ག་ཙམ་བཞུགས། སྐུ་ཚེ་འདིའི་རྗེས་མ་གང་དུ་འཁྲུངས་ཞེས་སོགས་དྲིས་པ་ལ། ད་ལོ་འདི་སྙེད་ཅིག་བཞུགས། སྐུ་ཚེ་རྗེས་མ་ལ་དགའ་ལྡན་དུ་ཕེབས་ཞེས་སོགས་དཔྱིས་ཕྱིན་པར་ཐོགས་མེད་དུ་བཤད་བྱུང་བས…

གཅེས་སྤྲས་སུ་བྱེད་དགོས་ཏེ། སྟོན་པས་ཀྱང་ངའི་ཉན་ཐོས་ཚུལ་ཁྲིམས་སྲུང་མཁན་གང་ན་ཡོད་པ་དེར་སྣང་བ་ཡོད། འོད་ཡོད། དེས་ན་ང་ལ་སེམས་ཁྲལ་མེད་གསུངས་པ་ལྟ་བུ་ཡིན་པས་བསླབ་པ་ལ་དད་པར་བྱ་དགོས། དད་པ་མེད་ན་དབང་པོ་རྣོ་ཡང་དབང་པོ་དགྲར་ལངས་པ་ལྷ་སྦྱིན་ལྟ་བུ་ཡིན་པས། སྟོན་པ་དང་བསླབ་པ་ལ་མ་གུས་པར་དགག་དགོས། དེའི་འོག་ཏུ་བག་མེད་པ་ལྟུ…

ལྕགས་རི་དང། ཚལ་བུ་མེད་པ་མ་གཏོགས་དབྱིབས་མཐང་ཤམ་དང་འདྲ་བ་ཞིག་ཡིན་པས། ད་ལྟའི་སྨད་གཡོགས་ཟེར་བ་འདི་ནི་མཐང་ཤམ་དང་དབྱིབས་མི་མཚུངས་པ་དེ་ཡིན། དེ་ནས་གསེར་དངུལ་སོགས་རིན་པོ་ཆེ་ལ་ཡང་མི་རུང་བའི་དངོས་པོས་བྱིན་རླབས་བྱ་དགོས། དེ་ལྟར་བྱས་ན་ནོར་རྫས་སོགས་ཅི་ཙམ་ཡོད་ཀྱང་སྐྱོན་དུ་མི་འགྱུར་ཏེ། དཔེར་ན་ཕུར་བུ་ལྕོག་དང། རྗེ་དོན…

དུ་ཉེས་པ་ལ་འཛེམ་པ་ངོ་ཚ་ཤེས་པ་དང་སྟོན་པའི་ཡེ་ཤེས་ཀྱི་སྤྱན་གྱིས་གཟིགས་ཡོད་པས་ཐུགས་ཁྲེལ་ཡོང་སྙམ་ནས་ཉེས་པ་ལ་འཛེམ་པ་ལ་ཁྲེལ་ཡོད་པ་སྟེ། འདི་གཉིས་ཡོད་ན་སྡོམ་པ་ལ་ངོ་ལྐོག་མི་འབྱུང། དེ་ལྟར་མ་ཡིན་པར་སྡོམ་པ་ལ་ངོ་ལྐོག་བྱུང་ན་རང་གིས་ཡིན་མདོག་བྱས་ཀྱང་། དཀར་ཕྱོགས་ལ་དགའ་བའི་ལྷ་དང་བརྒྱ་བྱིན་སོགས་ཀྱིས་བསྟན་པའི་ཆོམ་རྐུན…

ཚུལ་ཁྲིམས་ནི་བརྒྱ་བྱིན་གྱི་རྒྱལ་མཚན་དང། ཚོང་པའི་ཚོང་དཔོན་ལྟ་བུར་གསུངས། ལྷ་རྣམས་དང་ལྷ་མ་ཡིན་འཐབ་པ་ན། ཕམ་ན་བརྒྱ་བྱིན་གྱིས་རྒྱལ་མཚན་མི་བསྒྲེང་ཞིང། རྒྱལ་ན་བསྒྲེང་བ་ལྟར་ཚུལ་ཁྲིམས་ཀྱི་རྒྱལ་མཚན་ནི། ཉོན་མོངས་པ་ལས་རྒྱལ་བའི་ཐར་པ་ཐོབ་པའི་སྔ་ལྟས་ཡིན་པས་སངས་རྒྱས་ཀྱིས་གསུངས་པ་བཞིན་དུ་བྱས་ན་མངོན་མཐོ་དང། ཐར་པ་དང། ཐ…

འདིར་ཡང་རང་རང་གིས་ཚུལ་ཁྲིམས་བསྲུང་ན་རང་རང་སོ་སོར་ཐར་ནུས་ལ། དེ་མ་བསྲུངས་པ་རྣམས་ཐར་པར་མི་ནུས་པས་སོ་སོར་ཐར་པ་ཞེས་བཤད་པ་ཡིན། གཞན་ཡང་དབང་པོའི་སྒོ་སྡོམ་པ་དང། ཟས་ཀྱི་ཚོད་རིག་པ་དགོས་ལ། དབང་པོ་སྡོམ་པ་དང། དབང་པོ་དགག་པ་གཉིས་མི་གཅིག་སྟེ། དབང་པོ་དགག་པ་ནི་མཐོང་བ་དང། ཐོས་སུ་མི་འཇུག་པ་ཡིན་ལ། དབང་པོ་སྡོམ་པ་ནི་དེ་ལ་ཡ…