གཟུངས་ལས། ལྷའམ་མི་གང་ལ་ལ་ཞིག་ཐུགས་རྗེ་ཆེན་པོའི་ཚིག་འདོན་ཞིང་འཛིན་པར་བགྱིད་ན་འཆི་བའི་དུས་ཀྱི་ཚེ། ཕྱོགས་བཅུའི་དེ་བཞིན་གཤེགས་པ་རྣམས་དེར་གཤེགས་ནས་ཕྱག་སློང་བར་འགྱུར་བས་སངས་རྒྱས་ཀྱི་ཞིང་གང་དང་གང་དུ་སྐྱེ་བར་འཚལ་བར་ཇི་ལྟར་སྨོན་པ་བཞིན་དུ་དེ་དག་ཏུ་སྐྱེ་བར་འགྱུར་ལགས་སོ། །ཞེས་དང༌། དོན་ཞགས་ཀྱི་རྒྱུད་ལས། འགུམ་པའི…

པའང་བསལ་བའི་ཕྱིར། །རང་གི་མཚན་ཡང་བྱིན་གྱིས་བརླབས། །ཞེས་གསུངས་ཏེ། སྙིང་ནས་གསོལ་བ་འདེབས་ནུས་ན་ཉིན་ཞག་གཅིག་ལ་སྨྱུང་གནས་བསྲུང་ཞིང་ཡིག་དྲུག་བགྲང་བས་ཀྱང༌། ས་ཆེན་པོའི་རྡུལ་གྲངས་དང་མཉམ་པའི་ལོ་ལ་དམྱལ་བའི་མེ་ནང་དུ་བར་མཚམས་མེད་པར་བསྲེག་ངེས་པའི་ལས་ངན་ཚན་པོ་ཆེའང་བྱང་ཞིང་དག་པར་རྒྱུད་སྡེ་ལས་གསུངས་པས། རང་ཅག་ཐོག་མེད་…

ཚེ་གཞན་དེས་རྫུན་སྨྲས་པར་འདུག་ཅེས་བཤད་པ་དང་ཁྱད་མེད་དོ། །འདི་ལ་དགོངས་ཏེ་འཇམ་དཔལ་རྩ་རྒྱུད་ལས། ཚུལ་ཁྲིམས་འཆལ་ལ་ཐུབ་དབང་གིས། །སྔགས་འགྲུབ་པར་ནི་མ་གསུངས་ཏེ། །ཞེས་དང༌། རྡོ་རྗེ་རྩེ་མོ་ལས། གང་ཟག་བཞིས་ནི་འཇིག་རྟེན་དུ། །བསྒྲུབས་ཀྱང་འགྲུབ་པ་ཉིད་མི་འགྱུར། །བྱང་ཆུབ་སེམས་ནི་མ་སྐྱེས་དང༌། །ཐེ་ཚོམ་ལྡན་པ་ཉིད་དང་ནི། །བཀ…

ཀྱང་མང་པོ་ཞིག་གསུང་བས་འདིར་ལག་ལེན་ཉེར་མཁོ་གལ་ཆེ་བ་འགའ་ཙམ་སྨོས་ན། ལེགས་གྲུབ་ཀྱི་རྒྱུད་ལས། དངོས་གྲུབ་མྱུར་དུ་ཐོབ་འགྱུར་བའི། །གསང་སྔགས་ཟློས་པའི་འདུལ་བ་བཤད། །མཁས་པས་གསང་སྔགས་ཆོ་ག་དང༌། །གསང་སྔགས་རང་བཟོ་མི་བྱ་ཞིང༌། །བླ་མ་དཀྱིལ་འཁོར་སྟོན་པ་ནི། །སྤྱོད་པ་ངན་པར་གྱུར་ན་ཡང༌། །ངག་གམ་ཡང་ན་ཡིད་ཀྱིས་སུ། །ནམ་ཡང་སྨད་…

ཡིད་ནི་གཞན་དུ་མ་གྱུར་དང༌། །བསམ་པ་མང་པོ་མ་ཡིན་དང༌། །མི་གཙང་ཆགས་པའི་སེམས་མེད་པར། །ཟློས་པ་པོས་ནི་གསང་སྔགས་གདོན། །ཞེས་དང༌། དཔུང་བཟང་གིས་ཞུས་པའི་རྒྱུད་ལས། སྟངས་དང་མཆོད་པ་དང་ནི་གར་བྱེད་དང༌། །གླུ་ལེན་རྔ་བརྡུང་སྐྱེ་བོས་དཔྱས་འགྱུར་དང༌། །ལྷག་པའི་ང་རྒྱལ་འདྲིད་དང་འདོད་ཆེན་དང༌། །རྒྱན་པོ་དང་མི་འདུས་པ་བལྟ་འདོད་དང༌…

ད་ཁྲུས་གྱིས་ལ་སྒྲུབས་ཤིག་ཅེས་གསུང༌། ཁོང་གིས་ཀྱང་དེ་བཞིན་བྱས་པས་མྱུར་དུ་གྲུབ་པའི་གཏམ་རྒྱུད་ལྟ་བུ། ཕྲ་མོ་དེ་ཙམ་རེས་ཀྱང་ཕན་གནོད་ཆེན་པོ་བྱུང་བ་ཡིན། །མདོར་ན་བྱ་རྒྱུད་དོན་གསལ་ལས། འདུལ་བའི་བཅས་མཚམས་དག་པ་དང༌། བྱང་སེམས་ཀྱི་སྤྱོད་པ་ལ་སློབ་པ་གཞིར་བཟུང་ནས་སྔགས་ཀྱི་ཉམས་ལེན་བྱ་དགོས་ཚུལ་དང༌། སྐབས་འདིར་གཙང་སྦྲ་ཤིན་…

ཀུན་ལ་གནོད་པའི་ཉེས་དམིགས་མང་པོ་ཡོད་དེ། དེའི་རྒྱུ་མཚན་དང་པོའི་འབྱུང་ཁུངས་ཀྱང༌། སློབ་དཔོན་པདྨས་རཏྣའི་ལུང་བསྟན་དུ་གསུངས་པ་ལྟར་དམ་སྲི་སྤུན་དགུའི་ཐ་ཆུང་གིས་སྨོན་ལམ་ལོག་འདེབས་བྱས་པས་བདུད་རིགས་ཀྱི་བུད་མེད་ཅིག་ཏུ་སྐྱེས་སླར་ཡང་ལས་སྨོན་ལོག་པ་དེ་ལ་གསོས་བཏབ་སྟེ་ཤི་བའི་ཟླ་མཚན་གྱིས་ས་བོན་བྱས་ནས་སྐྱེས། དམ་སྲིས་སྙི…

འཐུང་བའི་མི་རྣམས་ཡི་དམ་ལྷ་བསྒྲུབས་ཀྱང༌། །ལྷ་ཞལ་མི་སྟོན་ཚུར་ལ་གདོན་ཞལ་མཐོང༌། །བསྐལ་པར་བསྒྲུབས་ཀྱང་མི་འགྲུབ་བར་ཆད་འབྱུང༌། །ཞེས་དང༌། པཎ་ཆེན་བློ་བཟང་ཆོས་རྒྱན་གྱིས། མི་གཙང་རྩོག་གིས་མནོལ་བས་སད་སེར་དང༌། །མི་འདོད་འབྲས་བུ་སྣ་ཚོགས་འགྲོ་ལ་འབྱུང༌། །རྣམ་སྨིན་རང་ཉིད་མ་ཟད་དྲི་ཕོག་པའི། །འགྲོ་རྣམས་དམྱལ་བ་ཡི་དྭགས་དུད…

ཕྲག་དོག་སོགས་ཉོན་མོངས་པའི་རྟོག་པ་དང་དེ་ལ་བརྟེན་པའི་ལུས་སེམས་ཀྱི་སྡུག་བསྔལ་མི་ཁ་གཏམ་ངན་སོགས་མི་འདོད་པ་སྣ་ཚོགས་པ། ཡུལ་ཁམས་སུའང་སད་སེར་ལོ་ཉེས་མི་ནད་ཕྱུགས་ནད་དམག་འཁྲུག་སོགས་བཀྲ་མི་ཤིས་པ་སྣ་ཚོགས་སྒོ་དུ་མ་ནས་འོང་ངོ༌། །ཁྱད་པར་དུ་སྒྲུབ་པ་ཉམས་ལེན་བྱེད་པ་ལ་ཕྱིའི་སྒབ་འདྲེ་མནན་པ་ཞེས་དམ་སྲི་ཕར་བསྐྲད་དགོས་པ་དེ་བས…

དཀར་གཏོར་བསྔོས། སྨན་པ་ལྟ་བུ་གལ་ཅན་སླར་འོངས་དགོས་པ་ཡོད་ན་དེའི་འདུ་ཤེས་ཀྱི་རྡེའུ་བཞག་སྟེ་མཚམས་ནང་དུ་ཡོད་པའི་དམིགས་པ་བྱ། རྒྱུན་གྱི་མཚམས་གཡོག་དམ་གཙང་བག་ཡོད་བློ་དང་མཐུན་པ་གལ་ཆེ། མཚམས་ཐོ་འཕགས་སྐྱེས་པོར་བསམ་ལ་མཆོད་པ་དངོས་སུ་ཡོད་ན་ཨརྒྷཾ་སོགས་དང༌། མེད་ཚེ་མཧཱ་རཱ་ཛ་ས་པ་རི་ཝཱ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་…

རྒྱུད་ལས། རིག་སྔགས་འཆང་བ་ཁྲུས་བྱས་ནས། །གོས་གཙང་བགོས་ཏེ་སྨྱུང་བ་ལ། །ཉེ་བར་གནས་པ་ཚེས་བརྒྱད་དམ། །བཅུ་བཞི་ཚེས་ནི་བཅོ་ལྔ་སྟེ། །ཟླ་བ་ཡར་གྱི་ངོ་ལ་བསྒྲུབ། །ཅེས་གསུངས། ཁྱད་པར་དུ་ས་གའི་བཅོ་ལྔ་ནི་དུས་ཆེན་གསུམ་འཛོམ་ཡིན་པར་མ་ཟད། དགེ་སློང་མ་དཔལ་མོས་ལམ་འདིའི་སྒོ་ནས་མཆོག་གི་དངོས་གྲུབ་བརྙེས་པའི་དུས་ཡིན་ཞིང༌། བརྒྱུད་…

ཡེ་སྭཱཧཱ། ཞེས་པ་ཚར་ལྔ་བརྗོད་ན་གོ་ཆོད་པས་ནན་ཏན་དུ་བྱའོ། །འཕྲེང་བ་ནི་དེ་བཞིན་གཤེགས་པའི་རིགས་ལ་བོ་དེ་ཙེ། པདྨའི་རིགས་ལ་པདྨའི་སྙིང་པོ། རྡོ་རྗེའི་རིགས་ལ་རུ་རཀྴ་མཆོག་ཏུ་གསུངས་པས་སྐབས་འདིར་པདྨའི་སྙིང་པོ་འབྱོར་ན་རབ་དང༌། དེ་མིན་བོ་དེ་ཙེའམ། ཤེལ་འཕྲེང་གང་རིགས་བྱས་ན་ལེགས་པར་མངོན། འཕྲེང་བ་གསར་དུ་བཟུང་བའམ་མཚམས་མགོ…

ཐུགས་རྗེ་ཆེན་པོར་གསལ་བའི་ཐུགས་ཀར་ཟླ་གདན་ལ་ཡེ་ཤེས་སེམས་དཔའ་རང་འདྲའམ་ཞལ་གཅིག་ཕྱག་གཉིས་པ། དེའི་ཐུགས་ཀར་ཏིང་ངེ་འཛིན་སེམས་དཔའ་ཧྲཱིཿ དཀར་པོ། དེ་ལ་སྔགས་ཕྲེང་དཀར་པོ་འོད་ཟེར་སྤྲོ་བཞིན་པས་གཡས་སྐོར་དུ་བསྐོར་བ། དེའི་འོད་ཟེར་གྱིས་ལུས་གང་བས་སྡིག་སྒྲིབ་ནད་གདོན་ཐམས་ཅད་སྦྱངས། ཕྱིར་སྤྲོས་པའི་སྣེ་ལས་མཆོད་ལྷ་སྤྲོས་རྒྱལ…

རེག་བྱས་ནས་ཐུན་སླར་བསྡམས་དགོས་ཀྱི། དེ་ཡན་ལ་ཐུན་དེར་བཟླས་པ་རྣམས་ཀྱིས་གྲངས་ཀྱི་གོ་མི་ཆོད་དོ། །གཞན་ཡང་འཕྲེང་བ་མ་རྫོགས་པར་འཕྲོ་བཞག་པ་དང༌། གནས་གཞན་དུ་བཟླས་པའི་འཕྲོ་བསྐང་བ་ལྟ་བུས་བསྙེན་གྲངས་ཀྱི་གོ་མི་ཆོད་ལ། མཚན་མོ་རྨི་ལམ་ངན་པ་བྱུང་ཚེ་ནངས་པར་རིགས་ཀྱི་བདག་པོའི་སྔགས་བརྒྱ་མ་བཟླས་པར་བསྙེན་པ་བྱས་ཀྱང་གྲངས་སུ་མི་…

བྱེད་ཚུལ་ཡང་གསུངས་ལ། ལེགས་གྲུབ་ཀྱི་ལུང་སྔ་མའི་འཕྲོར། མཚན་མོ་སྲོད་དང་ཐོ་རངས་ལ། །མེལ་ཚེ་ཐུན་ནི་ཕྱེད་ཕྱེད་དུ། །གང་ཞིག་མཁས་པས་བཟླས་བྱས་པ། །དེ་ནི་ལྷག་པར་མཆོད་པར་འགྱུར། །ཞེས་པ་ལྟར་ན་མཚན་ཐུན་གཉིས་ལྟ་བུར་སྣང་ཞིང༌། དེ་ནི་ཉི་མ་ཕྱེད་ནུབ་ནས་སྲོད་ཕྱེད་ཀྱི་བར་དང༌། ཐོ་རངས་ཀྱི་ཕྱེད་ནས་ཉི་མ་ཕྱེད་ཤར་བའི་བར་ཡིན་ལ། ནམ་…

ནན་ཏན་དུ་བྱ། མཚམས་ཀྱི་སྐབས་གཞན་གྱིས་རང་མཐོང་བ་ལ་རལ་བ་དང༌། རང་གིས་གཞན་མཐོང་བ་ལ་བུག་པ་ཟེར་བས་འཛེམ་དགོས་ཤིང༌། ལྷག་པར་དམ་ཚིག་ཉམས་པའི་ལག་ནས་བྱུང་བའི་ཟས་སོགས་དུག་ལྟར་སྤངས། མེ་མི་སྤུར་ཞིང་མཚོན་རྩེ་ཁར་མི་གཞུག་པ། གདན་མི་སྤྲུག་ཅིང་དྲོད་མ་ཡལ་བར་བྱེད་པ། ཕྲེང་བ་མི་འགོམ་པ། ཐུན་མཚམས་སུ་ལོང་གཏམ་སྣ་ཚོགས་མི་བྱ་བར་ཕྱག…

ཤིས་པའི་དོན་དུ་གསུངས་ལ། དོན་ཞགས་ཀྱི་རྒྱུད་ལས་ཐུགས་རྗེ་ཆེན་པོའི་སྔགས་ཡི་གེ་གཅིག་པར་གསུངས་པས་ཐུགས་རྗེ་སྐུལ་བྱེད་ཡིན་ནོ། །འཇིག་རྟེན་མགོན་པོ་ཞེས་པ་འགྱུར་ཕྱག་ཡིན་ནམ་སྙམ། དེ་ནས་ཁམས་གསུམ་སེམས་ཅན་ཐམས་ཅད་ལ་རང་རང་དང་འཚམ་པར་ཕན་པ་མཛད་དེ་དེ་དག་ཀུན་གྱི་གུས་པའི་ཡུལ་དུ་གྱུར་པས། འཇིག་རྟེན་བླ་མ་སྲིད་པ་གསུམ་གྱིས་བསྟོད…

བསྟན་ཏོ། །དེའང་ཟ་མ་ཏོག་བཀོད་པར་གསུངས་པ་བཞིན་བ་སྤུའི་ཁུང་བུ་རེ་རེར་ཡང་སངས་རྒྱས་ཀྱི་ཞིང་དཔག་མེད་བཞུགས་པ་དང༌། ཀླུ་སྒྲུབ་ཀྱིས་མཛད་པའི་སྒྲུབ་ཐབས་ལས་འབྱུང་བ་བཞིན་ཕྱག་སྟོང་ལས་འཁོར་སྒྱུར་སྟོང་དང༌། སྤྱན་སྟོང་ལས་བསྐལ་བཟང་སངས་རྒྱས་སྟོང་སྤྲུལ་བ་དང༌། གཞན་ཡང་སྤྱན་གཉིས་ལས་སྒྲོལ་མ་དཀར་ལྗང༌། རྟ་མགྲིན། ཛཾ་དཀར་སོགས་སྤ…

དྲི་ཞིམ་རལ་པའི་ཕྲེང་བ་དམར་སེར་འཁྱུག་པ་པོ། །སྨོན་ལམ་ཡོངས་སུ་རྫོགས་པས་དབུ་དང་འགྲམ་པ་སོགས་ལ་འབུར་དང་རྙོངས་མེད་པར་ཆ་མཉམ་དུ་གང་བས། ཞལ་རས་རྒྱས་པ་ཟླ་བ་ལྟ་བུར་མཛེས་པ་པོ། །ཆོས་ཐམས་ཅད་གཟིགས་ཤིང་འགྲོ་བ་ཀུན་ལ་བུ་གཅིག་པ་ལྟར་དགོངས་པས་དཀར་ནག་འགྱེས་ཤིང་དཀྱུས་རིང་བས། སྤྱན་གྱི་པདྨ་མཆོག་ཏུ་བཟང་ཞིང་ཡངས་པ་པོ། །སྐྱོན་གྱི…

ཐད་འདིར་འབྱུང་བ་བཞིན་སྐྱ་རེངས་ཤར་ཏེ་མཚམས་སྤྲིན་གྱི་མདངས་ཤར་བ་ལྟར་འཛུམ་ཞིང༌། མཛེས་པའི་འོད་ཟེར་སྐྱ་རེངས་དམར་པོས་བརྒྱན་པ་པོ། །གཡས་གཡོན་གྱི་ཕྱག་རྣམས་བསྒྲིགས་ཏེ་གནས་པ་ནི་ཕན་ཚུན་གྱི་འགྲམ་བརྒྱུད་དེ་མེ་ཏོག་གི་ཕྲེང་བ་ཁ་ཕྱེ་ནས་ཡོད་པའི། པདྨའི་མཚོ་ལྟར་ཕྱག་ནི་དངར་བར་བྱས་པ་པོ། །ཕྱག་དེ་དག་ཀྱང་འདྲེས་ནས་ཡོད་པ་ལྟ་བུ་…