མགྲོན་དུ་བསུས་པའི་བསྟན་འཛིན་སྐྱེས་བུ་རྒྱལ་དང་རྒྱལ་བའི་རྣམ་འཕྲུལ་བསྟན་འགྲོའི་དཔལ་དུ་བྱོན་པ་ཐམས་ཅད་དང། ཁྱད་པར་དགེ་ལྡན་བསྟན་པ་ཡོངས་ཀྱི་བདག་པོ་ཀུན་གཟིགས་རྒྱལ་བའི་དབང་པོ་ཡབ་སྲས་གཉིས་དང། ཡང་སྒོས་རང་ཅག་རྣམས་ཀྱི་མེ་ཏོག་ཕོག་པའི་ལྷ་སྐལ་སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོའི་མཆོག་གི་སྤྲུལ་བའི་སྐུ་རིན་པོ་…

གསུམ་གྱི་གོ་འཕང་དམ་པ་འཆི་མེད་དབང་པོའི་ནོར་བུའི་ཁྲི་འཕང་མཐོན་པོ་ལ་མྱུར་བ་ཉིད་དུ་འཁོད་པར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་སྟོན་པར་བྱེད་པ་ལ། ཐུབ་དབང་རྫུ་འཕྲུལ་བྱེ་བས་མངོན་བོས་པའ། །རབ་འབྱམས་ཞིང་གི་རྒྱལ་སྲས་ཏིལ་གང་ཚོགས། །ངེས་དོན་ཟབ་མོ་དྲུག་ཅུའི་དབྱངས་སྙན་གྱིས། །ཚིམ་མཛད་སྐལ་ལྡན་བྱ…

སྲིད་པའི་ཚང་ཚིང་ལས་འདོན་པའི་གོ་སྐབས་འཕྲོག་པའི་ཆགས་སོགས་ཉོན་མོངས་ནག་པོའི་སྦྲུལ་གདུག་ཕྱེ་མར་འཐག་པའི་སྙན་པ་འདབ་ཟུང་གཡོ་བའི་སྒྲ་སྐད་སྟོང་ཕྲག་དབྱར་གྱི་རྔ་གསང་ཅིག་ཅར་རྒོད་པའི་སྒྲ་ལ་ཅོ་འདྲིར་བགྱིད་པ་དྲན་དབང་འདུས་པ་འབུམ་སྡེའི་མདུན་སར། རང་ཅག་གཉིས་ཀྱིས་དཔྱད་གསུམ་དག་པའི་རིགས་པ་རླུང་གི་ཤིང་རྟས་རྒྱལ་བའི་དགོངས་ཟབ…

ཡིད་འཆིང་བའི་སྦུབས་རྒྱ་གྲོལ་ཏེ། བསླབ་གསུམ་གེ་སར་རྒོད་པའི་བཅུད་ཀྱིས་མཐའ་ཀླས་ལུས་ཅན་མཐའ་དག་ཚིམ་པར་འགྱུར་བ་ཡིན་པར་ཐལ། དེ་ལྟར་ཡིན་ཞེས་པའི་ཚུལ་དང་པོ་དེ་ཉིད་སྟོན་པར་བྱེད་པ་ལ། བདག་གིས་ཇི་སྙེད་བསགས་པའི་དགེ་བ་འདིས། །བསྟན་དང་འགྲོ་བ་ཀུན་ལ་གང་ཕན་དང། །ཁྱད་པར་རྗེ་བཙུན་བློ་བཟང་གྲགས་པ་ཡི། །བསྟན་པའི་སྙིང་པོ་རིང་དུ་ག…

ལེགས་ཀྱི་གོས་དཀར་ཅི་ཡང་སྦྱིན་པར་མཛད་པ་རྒོལ་ངན་ལོག་པར་སྨྲ་བ་མཐའ་དག་ལས་རྣམ་པར་རྒྱལ་བའི་གྲགས་པའི་རུ་མཚོན་སྲིད་པའི་རྩེ་མོར་བསྒྲེངས་པ་ཟླ་བྲལ་མཁས་པའི་དབང་པོ་འབུམ་ཕྲག་གདན་འཇོམ་པའི་ཆོས་ཀྱི་གདན་ས་ཆེན་པོ་འདིར། དྲང་ངེས་རྣམ་འབྱེད་ཡིན་ན། རང་ཅག་གཉིས་ཀྱིས་རྣམ་འདྲེན་སྟོབས་བཅུ་མངའ་བ་ཡོངས་ཀྱི་ཐུགས་བཅུད། ཐེག་གསུམ་འཕགས…

གནད་མཐའ་དག་སྟོན་བྱེད་ཀྱི་སྤྱི་སྡོམ་ཆེན་པོར་གྱུར་ཅིང། བདེན་པ་བཞིའི་ཚུལ་གྱིས་ཐུབ་པའི་གསུང་གི་གཅེས་མཛོད་ཆོས་ཐམས་ཅད་ཀྱི་གནས་ལུགས་མཐར་ཐུག་པ་མཐའ་བྲལ་དབུ་མའི་དེ་ཁོ་ན་ཉིད་དང་དོན་གཅིག་ཏུ་གནས་པའི་ཆོས་ཀྱི་དེ་ཉིད་ཟབ་མོ་རྟེན་འབྱུང་གི་རྣམ་གཞག་ལས་བརྩམས་ཏེ། རིགས་པའི་གློག་འཕྲེང་བརྒྱ་ལྡན་དལ་གྱིས་བཞད་པའི་ལུང་གི་འབྲུག་…

གོས་ཅན་ཡངས་པའི་ཁྱོན་འདིར་བཤད་སྒྲུབ་ཀྱི་སྡེ་ཇི་སྙེད་ཅིག་མཆིས་པའི་ནང་ན་རྒྱལ་མཚན་གྱི་རྩེ་མོར་ཏོག་བཞིན་མངོན་པར་འཕགས་པའི་ཆོས་ཀྱི་སྡེ་ཆེན་པོ་འདིས་མཚོན་ཕྱོགས་བཅུའི་དགེ་འདུན་རྣམས་ཐུགས་མཐུན་ཞིང། འཁོར་ལོ་གསུམ་གྱི་མཛད་བཟང་ནམ་ཡང་ཉམས་པ་མེད་པའི་མཐུ་ལ་བརྟེན་ནས་དགེ་ལྡན་ལུགས་བཟང་འདི་ཉིད་མཐའ་དབུས་ཀྱི་འཛིན་མའི་ཁྱོན་ཀུ…

བསླབ་པ་གསུམ་ལྡན་ངུར་སྨྲིག་འཛིན་པ་ཡི། །ནས། ཕྱོགས་བཅུར་རྒྱས། ཞེས་པའི་གཞུང་འདི་བྱུང། ཚུལ་གསུམ་པ་དེ་ཉིད་སྟོན་པར་བྱེད་པ་ལ། མདོར་ན་བཤེས་གཉེན་དམ་པ་མཉེས་བྱས་ནས། །ཐུབ་པའི་དགོངས་པ་རྙེད་པའི་མང་ཐོས་ཀྱིས། །སྒྲུབ་པའི་བྱ་བ་ལེགས་པར་མཐར་ཕྱིན་ཏེ། །རྒྱལ་བའི་བསྟན་པ་ཕྱོགས་བཅུར་རྒྱས་བྱེད། ཅེས་པའི་གཞུང་འདི་བྱུང་བ་ཡིན་པའི་…

སྙན་དངགས་ཀྱི་དཔེར་བརྗོད་རྩོམ་འཕྲོ་ཅན་བཞུགས་སོ།།

བླ་མ་འཇམ་པའི་དབྱངས་ལ་ཕྱག་འཚལ་ལོ། །གྲོལ་བ་ནི། འདབ་སྟོང་རྩེ་ན་ཟླ་བའི་མེ་ལོང་ངོས། །ཏིང་འཛིན་པིར་གྱིས་བྲིས་འདྲ་ཚངས་སྲས་མ། །སྙན་འགྱུར་རྒྱུད་མངས་སྒྲ་ལས་ངག་གི་དཔྱིད། །འདོད་དགུར་འཇོ་བ་ལྷག་པའི་ལྷ་དེར་འདུད། །ཡང་། སྙན་འགྱུར་རྒྱུད་མངས་སྒྲ་དང་སྦྱར་བ་ཡི། །ལེགས་བཤད་རོལ་མོ་རྣམ་པར་སྤྲོ་བའི་གཉེན། །ངག་ལ་ངག་གི་དཔལ་སྟེར…

མཆུ་སྒྲོས་བིམྦའི་དགའ་ཚལ་དབུས། །ཚེམས་འཕྲེང་ཟླ་བའི་མྱུ་གུ་ལས། །བསུང་ཞིམ་བསིལ་ཟེར་སྤྲོ་བ་ཡི། །དབྱངས་ལྡན་མཐོང་བས་དང་བ་འཕེལ། །མཛོད་ནི། དཀར་ཞིང་གསལ་ལ་དྲི་མ་མེད། །མཛེས་སྡུག་དཀྱིལ་འཁོར་ཡོངས་སུ་རྫོགས། །ཟུར་མིག་ག་བུར་གཟེགས་མ་ཡིས། །ཡིད་ཀྱི་གདུང་བ་སེལ་བྱེད་ཅིང། །དགའ་བའི་ཀུནྡ་ཁོང་ནས་རྒོད། །འཛུམ་དཀར་བདུད་རྩིའི་འོ…

ལྡན་གསེར་སྦྱངས་གདུ་བུ་ཡིས། །མཁྲིག་མའི་ཕྱོགས་སུ་བརྒྱན་པ་འདིས། །སྲིད་ཞིའི་མཛེས་སྡུག་བདག་གིར་བྱེད། །གང་གི་ཡལ་འདབ་རྩེ་མོ་ན། །རྩེན་པ་རལ་གྲིའི་གདེངས་ཀ་ཡིས། །ཀུན་རྨོངས་མུན་པའི་དྲ་བ་དག །ཅིག་ཅར་ཉིད་ལ་གཅོད་པར་བྱེད། །ཤིས་བརྗོད་ནི། འགྲིབ་མེད་འོད་ཀྱི་རྩེ་དགའ་ཡིས། །དུས་ཀྱི་མུན་པ་མཐར་མཛད་པ། །ཡེ་ཤེས་སྣང་བ་བླ་ན་མེད།…

སྐར་མའི་ཚོགས། །ས་ལ་འཕོས་འདྲ་གྲོང་ཁྱེར་ཆེན་པོའི་དབུས། །གསེར་གྱི་རྒྱལ་མཚན་འཕྲེང་བས་མཛེས་པ་ན། །ཉི་མའི་དམག་ཚོགས་རྗེས་སུ་བབས་པ་བཞིན། ༈ །སྐྱོན་བྲལ་སྟོན་གྱི་མཁའ་ལ་རྟ་ལྗང་ཅན། །འབར་བའི་ཟེར་གྱིས་ཕྱེ་བའི་འདབ་སྟོང་འཕྲེང་། །ཚར་དངར་སྐྱེད་ཚལ་དབུས་ཀྱི་རྫིང་བུ་ན། །གཞོན་ནུ་ཁྲུས་ཀྱི་རྩེ་དགས་རྣམ་པར་རོལ། ༈ །ཆང་གིས་མྱོས་…

ཉི་མའི་མདངས་བཀྲ་མུ་ཏིག་འོད་ལྡན་མ། །མ་ལྟར་གུས་པས་བསྟེན་ནོ་དབྱངས་ལྡན་མ། །མ་གཡེལ་བརྩེ་བས་གཟིགས་པ་མ་དོར་ཞིག །འདི་ཡང། རབ་དཀར་ཀ་མ་ལ་ཡི་གདན་སྟེང་ན། །དཀར་ཞིང་མཛེས་པ་ངང་པའི་བུ་མོ་དཀར། །འཛུམ་དཀར་བསིལ་བའི་འོད་དཀར་སྤྲོ་བ་ཡིས། །བློ་ཡི་ཀུནྡ་རྒྱས་པའི་མཛེས་སྡུག་དཀར། །ལྷོ་པའི་སྦྱར་བ། ཤེས་རབ་ཆུང་ཡང་ཁེངས་ལྡན་མཁས་རློམ་…

འཕྲོག །ཤར་པའི་མཉམ་ཉིད། ཀུན་གསལ་ཡངས་པའི་དོ་ར་མཛེས་པའི་དཔྱིད། །འོད་དཀར་ག་བུར་འགྱེད་པ་ཀུནྡའི་གཉེན། །ཚ་བའི་གདུང་འཕྲོག་བསིལ་བའི་མཆོག་སྟེར་བ། །ལུས་ཅན་སྙིང་གི་དགའ་བ་གཟུགས་ཅན་བཞིན། །སྙན་པ་ལྷོ་ཕྱོགས་པའི་སྒྲའི་ཉམས། རྒྱ་ཆེ་རྒྱ་མཚོ་ལྟར་ཟབ་རྒྱལ་བའི་ཐུགས། །མཁའ་ལྟར་ཡངས་ལ་ཉ་རྒྱས་ཟླ་ལྟར་གསལ། །མ་སྨད་ཕུལ་བྱུང་སྤོབས་པ་…

ཏམ། །སྤང་བྱ་གྲོང་པའི་ཚིག །འདོད་ལྡན་སྙིང་དུ་སྡུག་པའི་བུ་མོ་ཁྱོད། །མཐོང་བས་ཆགས་པའི་ཡིད་ནི་བཟུང་བར་དཀའ། །མལ་སྟན་བདེ་བར་འོ་དང་འཁྱུད་པ་ཡིས། །འཁྲིག་པའི་བདེ་ལ་སྤྱོད་པར་མི་བྱེད་དམ། །སྤོང་བྱེད་ཀྱི་ཉམས། མེ་ཏོག་མདའ་ཅན་སྲིད་ལས་རྒྱལ་བྱེད་པའ། །བ་དན་ལྟ་བུར་དཀར་མཛེས་ལུས་ཕྲ་ཁྱོད། །དགའ་བའི་གྲོང་ཁྱེར་ཡངས་པོར་ཡིད་སྲུབས…

བས་དགྲ་སྡེའི་སྙིང། །ལྐོག་མར་འབྲོས་བྱེད་ཁྲོ་རྒྱལ་གཤིན་རྗེའི་གཤེད། །ལྷོ་པའི་དོན་གསལ། ཁྱབ་འཇུག་ཡིད་ཀྱི་རོལ་པ་མ་རྐ་རས། །ཆུ་མཚོར་བྱིངས་པའི་ས་ཆེན་འདེགས་པ་ན། །རྨིག་པ་སྤུ་གྲིས་གདེངས་ཅན་ཚོགས་ཀྱི་ལུས། །བཅད་པའི་ཁྲག་གིས་ཆུ་གཏེར་དམར་འོད་འཛིན། །ཡང། མ་དྲོས་གདེངས་ཅན་བདག་པོའི་མཐུ་དཔལ་ལས། །འཆི་མེད་རྫིང་རིང་ངོས་ལ་སྤྲི…

མེ་ཏོག་འཁྲི་ཤིང་རྒྱས་པའི་དགའ་ཚལ་ན། །རྩེན་པའི་ན་ཆུང་ནོར་བུའི་འོག་པག་ལས། །དཔྱངས་པའི་དྲིལ་ཆུང་སིལ་སིལ་འཁྲོལ་བ་ཡིས། །དྲུག་སྐྱེས་གླུ་དབྱངས་སྙན་པའི་ཁེངས་པ་འཕྲོག །ཡང་། རྒྱལ་ཕྲན་སྟོང་གི་ཟུར་ཕུད་གདེངས་ཀ་ཡིས། །ལན་གཅིག་མིན་པར་གུས་པས་བསྟེན་བྱ་བ། །སྡེ་བཞིའི་སྒོ་འཕར་ཡངས་པོར་ཕྱེ་བ་ཡི། །ཕྱོགས་ལས་རྣམ་པར་རྒྱལ་བའི་རྒྱ…

པ་དོན་དང་ལྡན། །བསྔགས་པ་ལ་སྦྱར་བ། མུ་ཏིག་འཁྲི་ཤིང་ཡང་དག་རྒྱུ་བ་བཞིན། །འདོད་ལྡན་སྐྱེ་བོ་དགའ་བྱེད་དགའ་མ་ཡིས། །ཟུར་མིག་འོད་ཞགས་སྤྲོ་བའི་རྩེ་མོ་ན། །རྣ་ལུང་ཕོན་པོའི་བར་དུ་རྫོགས་མ་གྱུར། །ཤར་པའི་གཏམ་ལ་སྦྱར་བ། །ཀཻ་ལ་ཤ་རིའི་དཔལ་འཛིན་གཉིས་འཐུང་གི །སྟེང་འགྱིང་གྲགས་པའི་མུ་ཁྱུད་རྩེ་བརྒྱ་ཡིས། །ལྷུན་པོ་ཉུང་དཀར་གནས་…

ཉལ་འགྲོ་མ་རྣམས་ཆབ་རོམ་གུར་དུ་མནལ། །ཁོར་ཡུག་མཛེས་བྱེད་རི་བོའི་འཕྲེང་བ་ཡང། །ཁ་བའི་གུར་ཁང་ཕུགས་སུ་གཉིད་ལ་ཡུར། །ཆོས་དུ་མ་བཀོད་པ། འོད་སྟོང་ཆུ་ལྷའི་པང་བར་མནལ་བ་ན། །སྐར་མའི་དོ་ཤལ་ལེགས་བགོས་སྔོ་བསངས་མར། །དུས་བཏབ་ཟླ་བ་གཞོན་ནུས་བགྲོད་པའི་ཚེ། །སྐྱེངས་ལྡན་སྤྲིན་གྱིས་སྒྲིབ་གཡོགས་ཅི་ཡང་བྱེད། །ཡང་། ཉིན་བྱེད་ལྷོ་ཡི…