དོན་དུ་མཐོང་བས་ཚུལ་ཁྲིམས་ལྷག་པ་སོགས་ཆོས་ཉིད་གཟིགས་ཚུལ་གྱི་དབང་གིས་བཟོད་པ་དང་བརྩོན་འགྲུས་དང་བསམ་གཏན་དང་ཤེས་རབ་དང་ཐབས་མཁས་དང་སྨོན་ལམ་དང་སྟོབས་དང་ཡེ་ཤེས་ཀྱི་ཕ་རོལ་ཏུ་ཕྱིན་པ་རྣམས་ལྷག་པར་ཐོབ་པར་གྱུར་ཅིག །ས་དང་པོར་སྐད་ཅིག་མ་གཅིག་ལ་སངས་རྒྱས་བརྒྱ་མཐོང་བ་དང་དེ་དག་གིས་བྱིན་གྱིས་རློབ་པ་དང་བསྐལ་པ་བརྒྱར་གནས་པ་དང…

ཕུང་པོ་ཡོངས་སུ་སྤྱོད་པར་གྱུར་ཅིག །མདོར་ན་འཁོར་ལོས་བསྒྱུར་བའི་ལུས་སོགས་རྣམ་སྨིན་གྱི་སྐྱེ་བ་འཛིན་པའི་ཁྱད་པར་དང་རྨི་ལྟས་ཀྱི་ཁྱད་པར་སྤང་བྱ་སྤངས་པའི་ཁྱད་པར་སོགས་རིམ་པ་བཞིན་དུ་མངོན་དུ་གྱུར་ཏེ་མ་དག་ས་བདུན་དུ་གྲངས་མེད་གཉིས་པའི་ཚོགས་དང༌། མཚན་མ་མེད་ཅིང་རྩོལ་བ་མེད་པ་དག་པའི་ས་གསུམ་དུ་གྲངས་མེད་གསུམ་པའི་ཚོགས་ཡོངས…

ཐུགས་རྗེའི་བདེན་པ་ཆེན་པོའི་མཐུས། །བདག་གཞན་དུས་གསུམ་དགེ་ཚོགས་མ་ལུས་པ། །འཇམ་དཔལ་དཔའ་བོའི་ཐུགས་བསྐྱེད་དང་འདྲེས་ཏེ། །སྙིང་རྗེའི་སྙིང་པོ་ཅན་གྱི་ལྟ་བ་ཡིས། །སྲིད་ཞིའི་འཆིང་བ་གཅོད་པའི་རྒྱུར་གྱུར་ཅིག །འཁྲུལ་བྲལ་བློ་བཟང་རྒྱལ་བའི་བསྟན་པ་ལ། །ཐོས་བསམ་སྒོམ་པ་གེགས་མེད་མཐར་ཕྱིན་ནས། །བླ་མ་ལྷ་ཡི་གོ་འཕང་མངོན་གྱུར་ཏེ། …

སྒོ། །ཡི་དམ་མཁའ་འགྲོ་ཆོས་སྐྱོང་འདུ་བའི་རྟེན། །མ་བསྒོམ་གྱུར་ཀྱང་མྱུར་དུ་འཚང་རྒྱའི་ལམ། །གསང་སྔགས་སྡོམ་པ་ཚུལ་བཞིན་སྲུང་གྱུར་ཅིག །བརྒྱ་ལ་ལྟུང་བའི་སྒོ་བཞི་ཅི་རིགས་ཀྱི། །དབང་གྱུར་ཉེས་པས་གོས་ཀྱང་བཤགས་བསྡམས་དང༌། །རང་རང་ཕྱིར་བཅོས་འབད་པས་ལྟུང་བ་དང༌། །ཞག་ཏུ་མི་འགྲོགས་འཕེལ་ཁ་ཆོད་པར་ཤོག །དེ་ལྟར་ཚུལ་ཁྲིམས་དག་པའི་…

ངོ་མཚར་དགེ་མཚན་གཡས་སུ་འཁྱིལ་བའི་བཅུད། །རིང་བསྲེལ་རྣམ་བཞི་སྐུ་གསུང་ཐུགས་ཀྱི་རྟེན། །དཔག་ཡས་ཕྱུར་བུར་གཏམས་ལ་ཕྱག་འཚལ་ལོ། །ཁྱད་པར་མདོ་སྨད་མུན་པའི་སྨག་རུམ་དུ། །མདོ་སྔགས་བཤད་སྒྲུབ་ཟུང་འཇུག་ཐུབ་པའི་བསྟན། །རྒྱས་མཛད་རྒྱལ་བས་ལུང་བསྟན་ཆོས་ཀྱི་སྡེ། །དཔོན་སློབ་སྡེ་དང་བཅས་ལ་ཕྱག་འཚལ་ལོ། །ཕྱི་མར་བསླབ་གསུམ་ལྡན་པའི་རྟ…

ཁོང་ཁྲོ་ལྟ་བ་ངན་ལ་སོགས་པ་ཡི། །ཉེས་པས་ནམ་ཡང་གཞོམ་པར་མ་གྱུར་ཅིག །མི་བཟད་ཉེས་ལྟུང་སྒྲིབ་པ་ཀུན་བྱང་ཞིང༌། །དུས་གསུམ་རྒྱལ་བ་ཀུན་གྱིས་བསྔགས་པ་ཡི། །གནས་སྐབས་མཐར་ཐུག་འབྲས་བཟང་མ་ལུས་པ། །བདེ་བླག་ཉིད་དུ་འགྲུབ་པའི་རྒྱུར་གྱུར་ཅིག །འདི་སྣང་འགག་ཚེ་བླ་མ་ལྷག་པའི་ལྷས། །ཞལ་བསྟན་དབུགས་དབྱུང་ངན་འགྲོའི་སྒོ་བཀག་སྟེ། །དམ་ཆོ…

གྱི་མཁའ་དབྱིངས་བགྲོད་གྱུར་ཅིག །ཀུན་བྱང་བླང་དོར་མཐའ་ཀླས་འཛིན་མའི་ཁྱོན། །བློ་གྲོས་ནམ་མཁའི་ཁམས་ཀྱིས་ཀུན་ཁྱབ་ཅིང༌། །གཏིང་ཟབ་ཆོས་ཀྱི་དེ་ཉིད་འབྱེད་པ་ཡི། །གཏུགས་པ་མེད་པའི་ཤེས་རབ་ཐོབ་གྱུར་ཅིག །མ་རྟོགས་ལོག་པར་རྟོག་པའི་དྲ་བ་ཀུན། །གཅོད་པའི་ཤེས་རབ་རལ་གྲིའི་རྣོ་རྒྱུན་གྱིས། །དངོས་པོར་འཛིན་པའི་འཆིང་བ་དྲུངས་ཕྱུང་སྟ…

བསྡོམས་ཏེ་མ་ལུས་འགྲོ་བའི་ཕྱིར། །བླ་མེད་བྱང་ཆུབ་འཐོབ་པའི་རྒྱུ་རུ་བསྔོ། །སྐྱེ་ཞིང་སྐྱེ་བར་དལ་འབྱོར་རྟེན་ཐོབ་ཅིང༌། །བཤེས་གཉེན་དམ་པས་འབྲལ་མེད་རྗེས་སུ་གཟུང༌། །སྐྱེས་བུ་གསུམ་གྱི་ལམ་ལ་བློ་སྦྱངས་ཏེ། །རྒྱལ་བའི་དགོངས་པ་ཇི་བཞིན་སྒྲུབ་གྱུར་ཅིག །བསྟན་པའི་སྙིང་པོ་གསང་ཆེན་ཐེག་པའི་སྒོར། །ཞུགས་ནས་དམ་ཚིག་སྡོམ་པ་ཚུལ་བ…

མཐུན་པའི་ལོངས་སྤྱོད་དཔལ་འབྱོར་སོགས། །མཐུན་རྐྱེན་མ་ལུས་ལྷུན་གྱིས་འགྲུབ་པར་ཤོག།།འདྲེན་མཆོག་འཇིགས་མེད་རྒྱ་མཚོའི་དཔལ་ལ་སོགས། །དམ་པའི་མགོན་རྣམས་ཞབས་པད་རྟག་བརྟན་ཅིང༌། །བསྟན་དང་འགྲོ་བའི་ཕན་བདེ་སྤེལ་བ་ཡི། །འཕྲིན་ལས་ས་སྟེང་ཀུན་ལ་ཁྱབ་གྱུར་ཅིག །མདོར་ན་ཡུལ་དུ་དགེ་བཅུའི་དཔལ་འབྱོར་རྒྱས། །དགེ་འདུན་ཐུགས་མཐུན་ཐོས་བས…

ཆོས་ཚུལ་ལ། །ཐོས་བསམ་སྒོམ་པས་ཚུལ་བཞིན་བསླབ་པ་སོགས། །དུས་གསུམ་དགེ་ཚོགས་གཅིག་ཏུ་བསྡོམས་པའི་མཐུས། །སྨོན་པའི་རེ་འབྲས་ལྷུན་གྱིས་འགྲུབ་པར་ཤོག །ནམ་ཞིག་ཚེ་འདིའི་སྣང་བ་འགགས་མ་ཐག །ངོ་མཚར་རྨད་བྱུང་བཀོད་པའི་ཞིང་ཁམས་སུ། །སྐྱེས་ནས་རྒྱལ་བ་སེང་གེའི་ང་རོ་ཡི། །ཞལ་བཟང་མིག་གི་བདུད་རྩིར་འགྱུར་བར་ཤོག །ཐེག་མཆོག་རིགས་ཀྱི་ས་…

པ་ཡིས། །རྒྱལ་བསྟན་ཡང་སྙིང་མདོ་སྔགས་ཟུང་འཇུག་ལམ། །སྤེལ་བས་འགྲོ་ཀུན་སྲིད་ལས་སྒྲོལ་གྱུར་ཅིག །ཅེས་ངོ་མཚར་རྨད་བྱུང་བཀོད་པའི་ཞིང་དུ་སྐྱེ་བ་འཛིན་པའི་སྨོན་ལམ་འདི་ཉིད་དད་བརྩོན་ལྡན་པ་ཁ་ཀྱའི་རབ་འབྱམས་པ་ངག་དབང་བསམ་གཏན་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །༈ ཀུན་རྟོག་སྤྲོས་པའི་དྲ་བ་ཉེར་…

འཕེལ་གྱུར་ཅིག །ཆོས་རྣམས་ཀུན་གྱི་གནས་ལུགས་ཟབ་མོའི་དོན། །རྒྱ་ཆེའི་ཕུང་ཁམས་སྐྱེ་མཆེད་ཀུན་རྫོབ་ཆོས། །རིག་གནས་ལྔ་སོགས་ཤེས་བྱའི་གནས་ཀུན་ལ། །མཁས་པའི་རླབས་ཆེན་ཤེས་རབ་ཐོབ་གྱུར་ཅིག །ཟབ་བརླིང་བཀའ་དང་བསྟན་བཅོས་དཀའ་གནད་ཀུན། །མ་ནོར་མ་འདྲེས་མྱུར་དུ་འབྱེད་པ་ཡི། །ཟབ་གསལ་མྱུར་བའི་ཤེས་རབ་ལ་བརྟེན་ནས། །གཞུང་ལུགས་རྒྱ་མཚོ…

མར་བཅས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །ཐོག་མེད་ནས་བསགས་སྡིག་ལྟུང་ཐམས་ཅད་བཤགས། །དགེ་ཚོགས་མཐའ་དག་སྒྲུབ་པའི་མཆོད་པར་འབུལ། །ཁྱོད་མིན་རེ་བའི་སྐྱབས་གཞན་མ་མཆིས་པས། །ཚེ་རབས་ཀུན་ཏུ་འབྲལ་མེད་ཐུགས་རྗེས་ཟུངས། །ཕྱག་སྐོར་བཟླས་བརྗོད་སོགས་ལ་བརྩོན་པ་ཡི། །རྣམ་དཀར་འདིས་མཚོན་དུས་གསུམ་དགེ་ཚོགས་མཐུས། །བཀའ་དྲིན་…

བཞིའི་བླང་དོར་ཚུལ་བཞིན་སྒྲུབ་པ་ཡིས། །ཐར་པའི་རྒྱལ་མཚན་ཚུགས་པར་བྱིན་གྱིས་རློབས། །ཐེག་མཆོག་ལམ་བཟང་གསལ་མཛད་མགོན་ཁྱོད་ལ། །གསོལ་བ་འདེབས་སོ་སྲིད་ཞིའི་འཇིགས་ལས་སྐྱོབས། །ཐབས་ཤེས་ཟུང་འཇུག་ཕྱིན་དྲུག་ཉམས་ལེན་གྱིས། །རྒྱལ་སྲས་སྤྱོད་ལ་སློབ་པར་བྱིན་གྱིས་རློབས། །བཀའ་དྲིན་གསུམ་ལྡན་འཁོར་ལོའི་མགོན་པོ་ལ། །གསོལ་བ་འདེབས་ས…

དཔལ་འབར་ཞིང༌། །བསྐལ་བཟང་རྣམ་འདྲེན་ཀུན་གྱིས་རྗེས་གཟུང་སྟེ། །བླ་མེད་བྱང་ཆུབ་མཆོག་ལ་འགོད་གྱུར་ཅིག །ཅེས་པ་འདི་ནི་སངས་རྒྱས་སྟོང་སྐུའི་གཟུངས་གཞུག་གི་སྨོན་ཚིག་ཏུ་སྩལ་བའོ། ། ༈ བདེ་ལྡན་ཞིང་ནས་རྩ་བའི་བླ་མ་དང༌། །དབྱེར་མེད་འགྲོ་བའི་འདྲེན་མཆོག་འོད་དཔག་མེད། །སྤྱན་རས་གཟིགས་དབང་རྡོ་རྗེ་ཅན་ལ་སོགས། །མཐུ་ཆེན་རྒྱལ་སྲས་…

ཚང་ལ་མ་ནོར་རྒྱལ་བའི་བསྟན་དང་མཇལ། །ལམ་གྱི་གཙོ་བོ་གསུམ་གྱིས་རྒྱུད་སྦྱངས་ཏེ། །བྱང་ཆུབ་གཞུང་ལམ་དྲང་པོར་བགྲོད་གྱུར་ཅིག །ཁྱད་པར་ཚེ་འདིའི་སྣང་བ་འགགས་པའི་ཚེ། །གནད་གཅོད་འཁྲུལ་སྣང་སྡུག་བསྔལ་མི་འབྱུང་ཞིང། །འོད་དཔག་མེད་མགོན་སྲས་དང་བཅས་པ་ཡིས། །དབུགས་དབྱུང་དགའ་དད་ངང་ནས་འཕོ་གྱུར་ཅིག །བདེ་བ་ཅན་དུ་པདྨོ་ལས་སྐྱེས་ནས། …

བགྱིད་དོ། །དེ་ཡི་རྒྱུད་དོན་འགྲེལ་བྱེད་ཊཱིཀ་ཆུང་ཞེས། །ཉུང་གསལ་ལེགས་བཤད་ནོར་བུའི་འཕྲེང་བ་འདི། །པར་དུ་བསྐྲུན་པའི་དགེ་བས་འགྲོ་བ་ཀུན། །མི་ཁོམ་ངན་སོང་གཡང་ལས་གྲོལ་གྱུར་ཅིག །རྟག་ཏུ་དལ་འབྱོར་ཚང་བའི་རྟེན་ཐོབ་ཅིང༌། །མཚན་ལྡན་བཤེས་གཉེན་དམ་པས་རྗེས་གཟུང་སྟེ། །ཐུན་མོང་ལམ་སྦྱངས་སྔགས་ཀྱི་སྒོར་ཞུགས་ནས། །རྒྱུད་དོན་ཇི་བ…

པ་མདོ་སྡེ་བསྐལ་བཟང་ཞེས། །རྒྱལ་སྲས་བྱེ་བའི་འཇུག་ངོགས་ཟླ་མེད་འདི། །གསེར་སྦྱངས་དག་པའི་ཁམས་ལས་ལེགས་བྲིས་པའི། །རྣམ་དཀར་འདིས་མཚོན་དུས་གསུམ་དགེ་ཚོགས་མཐུས། །དེང་ནས་བཟུང་སྟེ་སྐྱེ་བའི་འཕྲེང་བ་རུ། །ཐེག་མཆོག་བཤེས་གཉེན་དམ་པས་རྗེས་གཟུང་སྟེ། །རླབས་ཆེན་ཚོགས་གཉིས་སྤྱོད་པ་མཐའ་དག་ལ། །རྒྱལ་བ་རྣམས་ཀྱི་རྗེས་སུ་སློབ་གྱུར་…

ཞལ་བཟང་མིག་གི་བདུད་རྩིར་རྟག་འགྲོགས་ཤིང༌། །འབྲལ་མེད་ཞབས་ཀྱི་པདྨོར་གུས་བཏུད་ནས། །ལེགས་གསུང་གདམས་པའི་དགའ་སྟོན་མྱོང་བར་ཤོག །ཟབ་ཅིང་རྒྱ་ཆེའི་ལམ་བཟང་མ་ལུས་པ། །ཇི་ལྟར་གདམས་བཞིན་ཉམས་སུ་བླངས་པ་ཡིས། །ས་དང་ལམ་གྱི་བགྲོད་པ་མཐར་ཕྱིན་ནས། །སྐུ་བཞིའི་གོ་འཕང་བདེ་བླག་ཐོབ་གྱུར་ཅིག །ཅེས་དགེ་རྩ་གང་བྱས་བྱམས་མགོན་གྱིས་རྗེས…

མཐའ་བྲལ་བཅོམ་ལྡན་འདས་མ་ལ། །མི་ལྡོག་དང་བའི་ཡིད་ཀྱིས་ཕྱག་བགྱིད་དོ། །གང་གི་དོན་སྟོན་ཕ་རོལ་ཕྱིན་པའི་གཞུང༌། །གསེར་ཞུན་ཁུ་བས་ལེགས་བྲིས་དགེ་འདིས་མཚོན། །སྔོན་བསགས་ལེགས་བྱས་ཆུ་ཀླུང་མ་ལུས་པ། །བྱང་ཆུབ་མཆོག་གི་རྒྱ་མཚོར་གཞོལ་གྱུར་ཅིག །དེང་ནས་བརྩམས་ཏེ་སྐྱེ་ཞིང་སྐྱེ་བ་རུ། །དམ་ཆོས་ཚུལ་བཞིན་སྒྲུབ་པའི་རྟེན་རྙེད་ཅིང༌།…