སེམས་ཞེས་བགྱིའོ། །ཞེས་དང་། ལྷ་རྗེས་སུ་དྲན་པའི་དྲན་པ་ཉེ་བར་བཞག་པ་གང་ཞེ་ན། འདི་ལ་བྱང་ཆུབ་སེམས་དཔའ་ནི་གང་རྣམ་པར་དག་པའི་ལྷ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་དེ་དག་རྗེས་སུ་དྲན་ནོ། །འདི་ལྟར་དེ་དག་རྗེས་སུ་དྲན་ཏེ་སྒྲུབ་པ་དང་། ཡོན་ཏན་དང་། སྐྱེ་བ་དང་། ལོངས་སྤྱོད་དང…

མ་དེ་ཉིད་དཔང་པོར་བྱས་ཏེ་སྤྱིར་སྒོ་གསུམ་གྱི་མི་དགེ་བའི་བྱ་བ་ཐམས་ཅད་དང་། ཁྱད་པར་སྡོམ་པ་གསུམ་གྱི་བཅས་མཚམས་དང་འགལ་བའི་ཉེས་ལྟུང་ཕྲ་མོས་ཀྱང་མ་གོས་པ་ལ་ནན་ཏན་དུ་འབད་ཅིང་། བརྒྱ་ལ་རང་དབང་མེད་པར་གོས་ནའང་དེ་མ་ཐག་བཤགས་བསྡམ་སོགས་ཀྱིས་དག་པར་བྱས་ཏེ། དངོས་གྲུབ་ཀུན་གྱི་རྩ་བ་དམ་ཚིག་དང་སྡོམ་པ་ཚུལ་བཞིན་དུ་སྲུང་བའི་ཐབས་ལ…

གསུངས། དེས་ན་བསྙེན་སྒྲུབ་བཟླས་བརྗོད་སོགས་བྱས་ཏེ་བྱིན་རླབས་ཞུགས་པའི་མཚན་མའང། ཡི་དམ་ལྷའི་ཞལ་གཟིགས་སོགས་གཙོ་བོར་མི་བྱེད་ཀྱི། བློ་སྣ་གོང་དུ་འགྱུར་ཏེ་བྱམས་སྙིང་རྗེ་བྱང་ཆུབ་ཀྱི་སེམས་ཡང་དག་པའི་ལྟ་བ་སོགས་ཀྱི་རྟོག་པ་ཁྱད་པར་ཅན་སྐྱེ་བ་གཙོ་ཆེ་བའི་ཕྱིར། བསྙེན་ཡིག་དངོས་གྲུབ་རྒྱ་མཚོ་ལས། བླ་མ་དང་ཡི་དམ་ལ་དད་པ་དང་ཡིད…

ངན་རྒྱུ་མེད་སྙམ་པའི་མངོན་རློམ་འཆང་སྟེ། ཡོན་ཏན་ཅུང་ཟད་རེ་སྐྱེས་པ་ན་རང་ཕོ་སྐྱེས་པ་ཡིན་སྙམ་པ་ལས། བླ་མའི་བཀའ་དྲིན་ཡིན་སྙམ་པ་མི་འབྱུང་བ་ནི་དངོས་གྲུབ་ཀྱི་གེགས་ཆེ་ཤོས་ཡིན་པས་ཤིན་ཏུ་བག་ཟོན་བྱ་དགོས་སོ། །གསུམ་པ་བླ་མའི་རྣལ་འབྱོར་གྱི་སྟེང་ནས་གསང་སྔགས་ཟབ་མོའི་ཉམས་ལེན་མཐའ་དག་སྐྱོང་ཚུལ་ནི། མདོར་ན་ཡབ་རྗེ་དམ་བའི་བཀའ…

རབ་དྲི་མ་མེད་པ་མཐའ་དག་གི་སྙིང་པོའི་དོན་མ་ཚང་བ་མེད་པར་འདུ་བས། ཐར་པ་འདོད་པའི་སྐྱེ་བོ་སྐལ་བཟང་རྣམ་དཔྱོད་ཅན་རྣམས་ཀྱི་འཇུག་ངོགས་ཁོ་ན་ཡིན་ལ། དེའི་ནང་ནས་ཀྱང་སྙིང་པོའི་དོན་མཐར་ཐུག་པ་ཟབ་ལམ་བླ་མའི་རྣལ་འབྱོར་སྔགས་ཀྱི་ཐེག་པ་དང་འབྲེལ་བས། སྣོད་མིན་ལ་གསང་བར་འོས་ཤིང། སྔགས་ཀྱི་ནང་ནས་ཀྱང་རྡོ་རྗེའི་ཚིག་གིས་ཤིན་ཏུ་སྦས་…

ས་བཅད་མི་འདྲ་བ་སོ་སོར་བྱེད་མི་དགོས་པར་གསུངས་ལ། དེར་འདུ་བའི་རྒྱུ་མཚན་གྱི་གནད་ཀྱང་གདན་གསུམ་ཚང་བའི་རྡོ་རྗེ་སློབ་དཔོན་ཞེས། གཤེགས་པ་དང་གཤེགས་མའི་གདན། སེམས་དཔའ་དང་སེམས་མའི་གདན། ཁྲོ་བོ་དང་ཁོ་མོའི་གདན་དང་བཅས་གང་བསྒོམ་པར་བྱ་བའི་དཀྱིལ་འཁོར་གྱི་ལྷ་ཐམས་ཅད་བླ་མའི་སྐུ་ལ་ཚང་བའི་གནད་ཀྱིས་ཡིན་པར་གསུང་། དེ་དག་ལ་གདན་ག…

མ་གཏོགས། གཞན་ནི་མན་ངག་འདིར་གསུངས་པའི་རྩ་བའི་ས་བཅད་གསུམ་དང་ཁོགས་འདྲ་བར་སྣང་ངོ་། །དེར་མ་ཟད་རྒོད་ཚང་བའི་རྣལ་འབྱོར་བཞི་བཤད་དུ། དང་པོ་ལུས་སྤྱོད་གཙོ་བོར་སྟོན། །གཉིས་པ་ངག་སྤྱོད་གཙོ་བོར་སྟོན། །གསུམ་པ་སེམས་སྤྱོད་གཙོ་བོར་སྟོན། །བཞི་པ་ལྷན་སྐྱེས་འབའ་ཞིག་གོ །ཞེས་ཕག་མོ་གྲུ་པས་གསུངས་པ་ལ་བརྟེན་ནས་བླ་མ་ཕྱག་དང་སྐུ་ཁྲ…

བའི་ལྷ། །བསྐལ་པ་འབུམ་དུ་བསྒོམ་པ་བས། །བླ་མ་དྲན་པའི་འབུམ་ཆར་མིན། །བསྙེན་སྒྲུབ་བཟླས་བརྗོད་ས་ཡ་བས། །བླ་མའི་གསོལ་ཚིག་ལན་ཅིག་དགའ། །རྫོགས་པའི་རིམ་པ་བསྐལ་པའི་བར་དུ་ནི། །འདུ་འཛི་གཡེང་བ་སྤངས་ཏེ་བསྒོམ་པ་ལས། །བླ་མ་རང་སེམས་དཀྱིལ་དུ་དར་ཅིག་ཤར་བ་ཙམ། །འབུམ་ཕྲག་ཉི་ཤུ་ཆར་ཡང་མི་ཕོད་དོ། །ཞེས་དང་།ཨཱ་ལི་ཀཱ་ལིའི་ཆུ་ཀླུང་ཆ…

པ་ཞིག་དགོས་སོ། །རབ་དགེ་ལྡན་པ་རྣམས་ནི་ཟབ་ལམ་བླ་མའི་རྣལ་འབྱོར་དང་། བླ་མ་མཆོད་པའི་ཆོ་ག་སོགས་ཀྱི་ཐ་སྙད་བྱེད་ཅིང། བླ་མའི་རྣལ་འབྱོར་བསྒོམ་ཚད་ལ་ལམ་གྱི་ཟབ་གནད་ཐམས་ཅད་ཚང་དགོས་པར་མི་བཞེད་དེ། སྒོམ་པ་པོའི་གང་ཟག་ལ་དེ་ཐམས་ཅད་ཀྱི་སྣོད་དུ་རུང་མི་རུང་ཅི་རིགས་ཡོད་པས། དམ་པ་རྣམས་ཀྱིས་ཀྱང་གདུལ་བྱའི་སྐལ་བ་ལ་གཟིགས་ཏེ། རང་…

བླུག་སྟེ་དབྱེར་མེད་དུ་སོང་བ་ལ་བསྲེ་བ་ཟེར་བ་བཞིན་འདིར་ཡིད་དབྱེར་མེད་དུ་བསྲེས་ཞེས་པ་ནི། སྐད་ཅིག་དཀྲོང་བསྐྱེད་ལྟ་བུའི་རང་ལྷར་བསྒོམ་པ་ཙམ་ལ་མི་ཟེར་བར། རང་གི་ལུས་ངག་ཡིད་གསུམ་དང་སྐྱེ་ཤི་བར་དོའི་གནས་སྐབས་གསུམ་པོ་དེ་ཉིད་ཡི་དམ་གྱི་ལྷའི་སྐུ་གསུམ་གྱི་ངོ་བོར་བྱེད་པས་ལམ་འཁྱེར་གསུམ་གྱི་གནད་ཚང་བ་ཞིག་དགོས་སོ། །ལྷའི་…

གྱི་འཕེན་པས་ངག་གི་རྩ་བར་གྱུར་པ་ཤིན་ཏུ་ཕྲ་བའི་གཉུག་མའི་རླུང་ལས་རྒྱུ་རྡོ་རྗེ་འཛིན་པ་ལོངས་སྤྱོད་རྫོགས་པའི་སྐུར་བཞེངས་པར་མོས་པ་ནི་བར་དོ་ལོངས་སྐུའི་ལམ་འཁྱེར་ཞེས་བཤད་ལ། རྡོ་རྗེ་ཐེག་པའི་སྐབས་འདིར་ལོངས་སྤྱོད་རྫོགས་པའི་སྐུ་ཞེས་པའང། གཙོ་བོར་གསུང་ལ་བྱེད་པས། དེའི་སྒོ་ནས་རང་གི་ངག་དང་བླ་མ་ལྷའི་གསུང་དབྱེར་མེད་དུ་བ…

དུ་སྒྲུབ་པའི་བསྐྱེད་རིམ་བསྒོམ་པར་བཤད་ཀྱང་། དེས་བླ་མའི་སྐུ་གསུམ་དང་དབྱེར་མེད་དུ་བསྒོམ་པར་མི་འགྲུབ་སྙམ་ན། འདི་ནི་གནས་མ་ཡིན་པའི་ལོག་རྟོག་ཆེན་པོ་ཡིན་ཏེ། ནཱ་རོ་པ་ཆེན་པོས། བླ་མ་མེད་པའི་གོང་རོལ་ན། །སངས་རྒྱས་བྱ་བའི་མིང་ཡང་མེད། །ཡི་དམ་བླ་མའི་སྤྲུལ་པ་ཡིན། །གསུངས་པ་བཞིན། ཡི་དམ་ལྷ་བསྒོམ་པའི་ཚེ་ན་དེ་ཉིད་བླ་མའི་ང…

བསྒོམས་ཀྱང་དེ་བླ་མའི་བདག་ཉིད་དུ་བལྟས་ཏེ་དེའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་བྱས་ན་བསྒོམ་ཚུལ་རྣམ་དག་ཏུ་འགྱུར་ཏེ། སློབ་དཔོན་འཇམ་དཔལ་གྲགས་པའི་གསང་བ་སྤྱིའི་ཆོ་ག་སྙིང་པོ་རྒྱན་ལས། རང་གི་ལྷ་ཡི་རྣལ་འབྱོར་གྱིས། །དག་པའི་བླ་མ་བསྟེན་བྱས་ཏེ། །སྐུ་དང་གསུང་ཐུགས་རྒྱལ་བ་ཡི། །རྡོ་རྗེའི་བཟླས་པ་ཉེར…

པ་ལ་ལྟོས་པས། བསྐྱེད་རིམ་གྱི་སྔོན་འགྲོར་ཚོགས་ཀྱི་ཞིང་དུ་བླ་མ་སྤྱན་དྲངས་ཏེ་མཆོད་ཅིང་སྙིང་གའི་རྩ་འཁོར་དང་མི་ཤིགས་པའི་ཐིག་ལེ་ཤིན་ཏུ་ཕྲ་བའི་རླུང་སེམས་རྣམས་མཚོན་པའི་པད་ཉི་ཧཱུཾ་དང་བཅས་པ་ལ་བསྟིམ་པར་མངོན་བརྗོད་བླ་མ་དང་སྡོམ་འབྱུང་སོགས་ལས་གསུངས་པ་བཞིན་ཡིན་ལ། སྐུ་གསུམ་ལམ་འཁྱེར་བསྒོམས་པའི་མཇུག་ཏུའང། དེའི་བྱིན་རླ…

འཇིག་རྟེན་མེས་པོ་སོགས། །མཐུ་ཆེན་གྱིས་ཀྱང་མི་མཐོང་ན། །སྐྱེ་བོ་ཕལ་པས་མཐོང་རེ་སྐན། །དེ་ཕྱིར་དེ་ལྟའི་ཚུལ་འདི་ལ། །སྒྱུ་འཕྲུལ་དྲ་བ་ཞེས་སུ་གྲགས། །ཞེས་བྱུང་། དེའང་རྫོགས་རིམ་ལ་སློབ་ཚུལ་རྒྱུད་སོ་སོའི་ལུགས་སྲོལ་མི་འདྲ་བ་མང་ཡང་། སྒྲོན་གསལ་ལས། འདི་ནི་སྒྲུབ་པའི་ཡན་ལག་མཆོག། །རྒྱུད་ཀུན་གྱི་ནི་དོན་བསྡུས་པའོ། །ཞེས་དང…

དབེན་ནི་ལུགས་འདིའི་ཐུན་མོང་མ་ཡིན་པའི་རླུང་སེམས་འདུལ་ཐབས་ཀྱི་གཙོ་བོ་ཡིན་ལ། དེས་རླུང་སེམས་ལས་སུ་རུང་བ་ལ་བརྟེན་ནས་བསྒྲུབ་རྒྱུའི་གཙོ་བོ་ལ། ཨེས་མཚོན་པའི་དཔེ་དོན་གྱི་འོད་གསལ་གཉིས་དང་། ཝས་མཚོན་པ་སྒྱུ་མའི་སྐུ། ཐིག་ལེས་མཚོན་པ་ཟུང་འཇུག་སྟེ་བཞི་ཡོད་པས་དེ་ལ་བསྒྲུབ་བྱ་ཞེས་སྨོས་སོ། །དེ་བཞིའི་ནང་ནས་དང་པོར་ཐོབ་པ་སེ…

དབྱིངས་དབུས་དག་ཏུ། །དྲན་ཤེས་རྒྱ་ཡིས་བཅིངས་བྱས་ན། །ཞེས་པས་རིམ་པ་དང་པོ་བསྟན། བདེ་ཆེན་འོད་གསལ་ཉིན་བྱེད་འཆར། །ཞེས་པས་རིམ་པ་གཉིས་པའི་དཔེའི་འོད་གསལ་དང་རིམ་པ་བཞི་པའི་དོན་གྱི་འོད་གསལ་གཉིས་ཀ་བསྟན། ཉིན་བྱེད་དེ་ཡི་འོད་ཟེར་གྱིས། །བཅུ་ཕྲག་བཅུ་དང་བཅུ་གཉིས་ཀྱི། །རྒྱན་གྱིས་སྤྲས་པའི་ལྷ་བུ་འབྱུང། །ཞེས་པས་རིམ་པ་གསུམ་པ…

གནད་དུ་བསྣུན་པས་ངག་དབེན་སྲོག་རྩོལ་གྱི་རིམ་པ་སྒོམ་པར་བྱེད་པའི་ཕྱིར་རོ། །དེའང་གཉིས་སྤངས་མཁའ་དབྱིངས་ཞེས་པ་ནི། ལུས་ལ་རྩ་བདུན་ཁྲི་ཉིས་སྟོང་ཡོད་ཀྱང་ཚུར་བསྡུས་ན་གནས་ཉེར་བཞིའི་གྲངས་ཀྱི་རྩ་ཉེར་བཞི་དང་། དེ་བསྡུས་ན་སྙིང་གའི་ཐུན་ཚོད་ཀྱི་རྩ་བརྒྱད་དང་། དེའང་བསྡུས་ན་དབུ་མ་རོ་རྐྱང་གསུམ་དུ་འདུ་ལ། རོ་རྐྱང་གཉིས་ནི་ཁམས…

གསལ་སྒྲོན་ལས། དྷུ་ཏཱི་ལ་རོ་རྐྱང་གིས་ལུ་གུ་རྒྱུད་དུ་འཁྱུད་པས་ལུས་ཀྱི་གནད་གང་ན་ཡོད་པའི་གནས་དེར་རོ་རྐྱང་གི་རླུང་དྷུ་ཏཱིར་འཛུད་པའི་སྒོ་རེ་ཡོད་དོ། །ཞེས་གསུངས་པའི་ཕྱིར། འདིར་གནད་དུ་བསྣུན་པའི་ཡུལ་རྩ་འཁོར་གཅིག་ཁོ་ནར་མ་ངེས་པ་ལ་དགོངས་ནས། དབུས་དག་ཅེས་སྨོས་པ་ཡིན་ཏེ། དག་ཅེས་པ་ནི་སྒྲའི་བསྟན་བཅོས་ལས་གཉིས་ཀྱི་ཚིག་ཏ…

གཤེད་སྐོར་དང་འཁོར་ལོ་ཆེན་པོ་སོགས་ལ་ཐོག་མར་ལྟེ་བ་དང་། མཚོ་སྐྱེས་ཀྱི་ཀྱེ་རྡོར་སྒྲུབ་ཐབས། མཧཱ་མ་ཡའི་རྒྱུད་སོགས་སུ་སྙིང་གར་བསྣུན་པ་དང་པོར་བྱས། དུས་འཁོར་ལས་གཟུགས་སྒྲུབ་ཀྱི་ཡན་ལག་སོར་བསམ་གཉིས་ཀྱི་དང་པོར་དྷུ་ཏཱིའི་ཡར་སྣེ་ལ་དམིགས་པ་གཏད་ནས་སྦྱོང་བ་སོགས་མི་འདྲ་བ་དུ་མ་ཡོད་ལ། དེ་དག་གང་ཡིན་ཀྱང་བླ་མའི་རྣལ་འབྱོར་ག…