མཆོག་སེང་གེ་སྒྲ། །གཡས་གཡོན་རྩེ་གསུམ་པདྨའི་སྣོད་ཀྱིས་མཚན། །དཀའ་ཐུབ་རྣམ་པ་རྒྱལ་པོ་རོལ་སྟབས་ཅན། །སྐྱབས་གནས་མ་ལུས་འདུས་པའི་ངོ་བོ་ལ། །གསོལ་བ་འདེབས་སོ་ཐུགས་རྗེས་བྱིན་གྱིས་རློབས། །ཨོཾ་ཨཱཿ ཧྲཱིཿ སིདྷ་ནཱ་ད་ཧཱུཾ་ཕཊ། ཅེས་མང་དུ་བཟླས་ལ། བླ་མ་སེང་གེའི་སྒྲ་ཡི་སྐུའི་ཆ་ལས། །བདུད་རྩིའི་རྒྱུན་བབས་རང་གི་ལུས་ཀུན་གང། །སྡ…

ཡང་དག་ལམ་གྱི་བགྲོད་པ་མཐར་ཕྱིན་ཤོག །ཅེས་སོགས་བསྔོ་བས་མཚམས་སྦྱར་བར་བྱའོ། །ཞེས་པ་འདི་ནི་ཨུ་ཅུ་མུ་ཆིན་ཤོག་ནས་དད་བརྩོན་བློ་དང་ལྡན་པ་རབ་འབྱམས་པ་དཔལ་ལྡན་བཀྲ་ཤིས་ཀྱིས་བླ་མའི་རྣལ་འབྱོར་དང་འབྲེལ་བའི་སེང་གེ་སྒྲའི་སྒྲུབ་ཐབས་མདོར་བསྡུས་ཤིག་དགོས་ཞེས་བསྐུལ་བ་ལྟར་༸ བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །༈ ང…

གསོལ། །རྒྱུ་མེད་པར་ཡང་འགྲོ་ལ་མཉེས་གཤིན་པ། །བྱམས་མགོན་ཉེ་སྲས་དང་བཅས་ཁྱེད་རྣམས་ཀྱིས། །རྟག་ཏུ་བདག་ཅག་ཁོ་ནའི་དོན་མཛད་པའི། །བཀའ་དྲིན་སྙིང་ནས་དྲན་ཞིང་རྗེས་ཡི་རང། །ཟབ་རྒྱས་ཆོས་ཀྱི་བདུད་རྩིའི་ཆར་ཕབ་སྟེ། །སྒྲིབ་གཉིས་དྲི་མ་དྲུངས་ནས་འབྱིན་པ་དང། །འགྲོ་ཀུན་སྲིད་ཞིའི་མཐའ་ལས་སྒྲོལ་གྱི་བར། །ནམ་ཡང་མི་འདའ་རྟག་པར་བཞུག…

འདི་ནི་བཟང་པོའི་བག་ཆགས་ཀྱི་མཐུ་བརྟས་པ་ཞབས་དྲུང་དཀོན་མཆོག་ཆོས་འབྱོར་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །མདུན་གྱི་ནམ་མཁར་ཀུན་བཟང་མཆོད་སྤྲིན་དབུས། །ནོར་བུའི་འོད་ཆགས་སེང་ཁྲི་པད་ཟླའི་སྟེང། །བཀའ་དྲིན་མཉམ་མེད་རྩ་བའི་བླ་མ་དང། །ངོ་བོ་དབྱེར་མེད་རྒྱལ་ཚབ་བྱམས་པ་མགོན། །གསེར་གྱི་ལྷུན་པོ…

ལྷག་མེད་བྱང་ཞིང་དག་པར་བྱིན་གྱིས་རློབས། །འདྲེན་པ་ཁྱོད་མིན་སྐྱབས་གཞན་མ་མཆིས་པས། །རྟག་ཏུ་འབྲལ་མེད་བདག་གི་མགོན་མཛད་དེ། །ཟབ་རྒྱས་གདམས་པའི་གྲུ་ཆར་འཇོ་བ་ཡིས། །དགེ་བའི་ལོ་ཏོག་གོང་དུ་སྤེལ་བར་མཛོད། །མ་འོངས་སྐྱེ་བའི་འཕྲེང་བ་ཀུན་ཏུ་ཡང། །དག་པའི་ཞིང་ངམ་དལ་འབྱོར་ཚང་བའི་རྟེན། །རིམ་བརྒྱུད་བཤེས་གཉེན་དམ་པ་མཉེས་བྱས་ནས།…

མཆོད་པ་གང་རྒྱས། མཎྜལ་དང་བཅས་པ་ལེགས་པར་བསྟར། སྐྱབས་སེམས་རྒྱས་པར་སྔོན་དུ་བཏང་། དཀོན་མཆོག་གསུམ་གྱི་བདེན་པ་དང་། ཆོས་དབྱིངས་རྟེན་འབྲེལ་བསླུ་བ་མེད་བའི་མཐུ་སྟོབས་ཀྱིས་མཆོད་པའི་ཡོ་བྱད་ཐམས་ཅད་ཀུན་ཏུ་བཟང་པོའི་སྨོན་པའི་མཐུ་ལས་སྐྱབས་ཡུལ་རྣམས་ལ་ཟག་པ་མེད་པའི་དགྱེས་པ་སྐྱེད་པར་བྱེད་པའི་མཐུ་དང་ལྡན་པར་གྱུར། ན་མོ་རཏྣ་…

རྣམས་ལ། །བརྩེ་བའི་ཐུགས་ཀྱིས་མངོན་པར་དགོངས་པ་ཡི། །ཉམས་འགྱུར་དང་བཅས་རྣམ་པ་གསལ་བར་གྱུར། །དགའ་ལྡན་ལྷ་བརྒྱའི་མགོན་གྱི་ཐུགས་ཀ་ནས། །རབ་དཀར་ཞོ་གསར་སྤུངས་འདྲའི་ཆུ་འཛིན་རྩེར། །ཆོས་ཀྱི་རྒྱལ་པོ་ཀུན་མཁྱེན་བློ་བཟང་གྲགས། །སྲས་དང་བཅས་པ་གནས་འདིར་གཤེགས་སུ་གསོལ། །མདུན་གྱི་ནམ་མཁར་སེང་ཁྲི་པད་ཟླའི་སྟེང། །རྗེ་བཙུན་བླ་མ་དག…

གཞག་མཛད། །གཡོན་དུ་སྨྲ་བའི་ཉི་མ་དགེ་ལེགས་དཔལ། །ཆོས་འཆད་མཉམ་གཞག་དང་བཅས་འགྱིང་བའི་ཉམས། །ཡབ་སྲས་གསུམ་གྱི་འོད་ཟེར་འཕྲོ་འདུ་ཡིས། །དངོས་དང་བརྒྱུད་པའི་བླ་མ་ཐམས་ཅད་དང། །ཞི་ཁྲོ་རབ་འབྱམས་ཡི་དམ་འཁོར་ལོའི་ཚོགས། །རབ་འབྱམས་རྒྱལ་དང་རྒྱལ་སྲས་མ་ལུས་པ། །དཔའ་བོ་མཁའ་འགྲོ་ཉན་རང་ཆོས་སྲུང་ཀུན། །སྤྱན་དྲངས་བསོད་ནམས་ཞིང་དུ་བཞ…

དཔལ་ལྡན་ས་གསུམ་མ་སོགས་རྗེའི་གསོལ་འདེབས་དང་བསྟོད་པ་ཅི་རིགས་འདོན་ཞིང་། སྤྲོ་ན་ཕྱག་འཚལ་བ་དང་སྦྲགས་ཀྱང་རུང་། ཡིད་འོང་མཆོད་ཡོན་ཞེས་པའི་ཤླཽ་ཀ་གཅིག་པུའམ། རྒྱལ་བ་རྒྱ་མཚོ། མ་སོགས་ཀྱི་མཆོད་འཕྲེང་རྒྱས་པ་དང་། འདོད་ཡོན་རྣམ་ལྔ་རིན་ཆེན་སྣ་བདུན་སོགས་ཀྱང་འབུལ། ལྟུང་བཤགས་དང་སྤྱི་བཤགས་སོགས་ཀྱང་བཏོན་ཏེ། གང་ཞིག་ཐོག་མེད་…

ཞེས་པ་འདི་ཡང་དད་བརྩོན་ལྡན་པ་དགེ་སློང་འཇིགས་མེད་བདེ་ཆེན་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །༈ ན་མོ་གུ་རུ་མཉྫུ་གྷོ་ཥཱ་ཡ། ཡེ་ཤེས་སྣང་བ་མཆོག་ཏུ་འབར་བའི་གཟིས། །ནང་གི་མུན་པ་སེལ་བའི་ཉིན་མོར་བྱེད། །འཇམ་དབྱངས་ཞབས་ཀྱི་པདྨོ་ལ་བཏུད་ནས། །དེ་ལ་བརྟེན་པའི་བླ་མའི་རྣལ་འབྱོར་བྲི། །དེའང་ཡོན་…

ཐུན་རེ་ཙམ་གྱིས་མི་རྫོགས་པ་ལམ་རིམ་ཆེན་མོར་གསུངས་པ་བཞིན་ཡིན་པས་སངས་རྒྱས་དངོས་སུ་མཐོང་བའི་དད་པ་དང་རྒྱལ་བ་ཀུན་ལས་བཀའ་དྲིན་ཆེ་ཚུལ་རྗེས་སུ་དྲན་པའི་གུས་པ་ཆེན་པོས་ཡིད་གཏིང་ནས་གཡོས་ཏེ་སྒོ་གསུམ་མཐའ་དག་བླ་མའི་དབང་དུ་བཏང་ཞིང་བྱ་བ་ཐམས་ཅད་བླ་མ་མཉེས་པའི་མཆོད་པར་འགྱུར་བ་ཞིག་བྱུང་ན་མགོ་བཤེས་གཉེན་བསྟེན་ཚུལ་གྱི་སརྒ་མ་…

སེམས་བསྐྱེད་བྱ། དངོས་གཞི་ཚིགས་སུ་བཅད་པས་བརྗོད་ན་འཇུག་པ་བདེ་བས་འདི་ལྟར། རྣམ་དག་འོད་གསལ་ཆོས་དབྱིངས་ལྷ་ཡི་ལམ། །བདེ་ཆེན་ཡེ་ཤེས་འཇའ་ཚོན་རྣམ་ལྔའི་ཀློང། །མི་འཇིགས་བཞི་ལྡན་གདོང་ལྔ་འབར་བའི་ཁྲིར། །སྲིད་པའི་སྐྱོན་བྲལ་འདབ་སྟོང་རྒྱས་པའི་རྩེར། །ཐབས་ཤེས་དབྱེར་མེད་ཉི་ཟླའི་གདན་སྟེང་དུ། །རྩ་བའི་བླ་མ་མགོན་པོ་འཇམ་པའི་ད…

མེད་འོད་གསལ་ཐུགས། །ཟབ་རྒྱས་ཆོས་ཀྱི་དགའ་སྟོན་འགྱེད་པའི་གསུང། །གང་འདུལ་ཅིར་ཡང་འཆར་བ་གཟུགས་ཀྱི་སྐུ། །མི་ཟད་རྒྱན་གྱི་འཁོར་ལོ་དེར་ཕྱག་འཚལ། །གང་གི་ཞབས་སེན་འོད་ཀྱིས་རེག་པ་ཡིས། །མི་ཤེས་རྒུད་པའི་མུན་པ་ཀུན་སེལ་ཞིང། །ཕན་དང་བདེ་བའི་པད་ཚལ་རྒྱས་མཛད་པ། །བླ་མ་འཇམ་པའི་དབྱངས་ལ་ཕྱག་འཚལ་ལོ། །རབ་འབྱམས་རྒྱལ་བ་ཀུན་གྱི་ཡབ་…

གཉེན། །སྲིད་ཞིའི་འཇིགས་ལས་སྒྲོལ་བའི་དེད་དཔོན་མཆོག །མགོན་ཁྱོད་ལས་ལྷག་སྐྱབས་གཞན་མ་མཆིས་པས། །བསྐལ་པ་རྒྱ་མཚོར་བརྟན་པར་བཞུགས་སུ་གསོལ། །འདིས་མཚོན་བདག་གཞན་དགེ་ཚོགས་ཅི་མཆིས་པ། །ཉེས་ཀུན་རྩ་བ་རྨོངས་པའི་གདོན་བཅོམ་སྟེ། །ཡེ་ཤེས་ལྔ་ལྡན་འཇམ་དཔལ་དཔའ་བོ་ཡི། །གོ་འཕང་བདེ་བླག་འཐོབ་པའི་རྒྱུ་རུ་བསྔོ། །དེ་ནས་གོང་གི་ཕྱག་འཚ…

ལྕགས་ཕྲེང་བས་རྒོལ་ངན་གྱི། །དམ་བཅའི་བྲག་རི་ཕྱེ་མར་འཐག་བྱེད་པ། །རྩོད་པའི་ཤེས་རབ་ཐོབ་པར་བྱིན་གྱིས་རློབས། །རྗོད་བྱེད་སྙན་འཇེབས་རྣ་བའི་བདུད་རྩི་འགྱེད། །བརྗོད་དོན་ཟབ་ལམ་བྱང་གྲོལ་འཇུག་ངོགས་སྟོན། །ཐུབ་བསྟན་མཛེས་པའི་རྒྱན་དུ་གྱུར་པ་ཡི། །རྩོམ་པའི་ཤེས་རབ་ཐོབ་པར་བྱིན་གྱིས་རློབས། །ཚིག་གི་འཁྲུལ་བ་སེལ་བ་སྒྲ་རིག་དང།…

གཏེར་ཆེན་ལྷག་པའི་ལྷ་ཁྱོད་ཀྱི། །བྱིན་རླབས་བདུད་རྩིས་སྙིང་ལ་བྲན་པ་ཡིས། །ལམ་བཟང་སྙེ་མ་གཡུར་དུ་ཟ་བའི་རྩེར། །སྐུ་གསུམ་འབྲས་བུ་སྨིན་པར་བྱིན་གྱིས་རློབས། །དེ་ལྟར་གསོལ་བ་བཏབ་པས་བླ་མ་ལྷ། །སྙིང་གར་བྱོན་ནས་རང་གི་སེམས་ཉིད་དང། །དབྱེར་མེད་བརྟན་པར་བཞུགས་ནས་མཆོག་ཐུན་གྱི། །དངོས་གྲུབ་ཀུན་སྩོལ་རྗེས་སུ་འཛིན་གྱུར་ཅིག །ཚེ…

ཅིང། །ཁྱད་པར་ཐུགས་ཀའི་དྷཱི་ཡིག་འོད་ཟེར་གྱིས། །མི་འགྱུར་ཆོས་དབྱིངས་བདེ་བའི་ཕོ་བྲང་ནས། །རྒྱལ་དང་རྒྱལ་སྲས་འཇམ་དཔལ་ཞི་ཁྲོའི་ཚོགས། །ཡེ་ཤེས་ལྷ་ཡི་འཁོར་ལོ་སྤྱན་དྲངས་ཏེ། །དབྱེར་མེད་བསོད་ནམས་ཞིང་དུ་བཞུགས་པར་གྱུར། །མ་ལུས་རྒྱལ་བའི་ཡེ་ཤེས་གཅིག་བསྡུས་དངོས། །མ་ནོར་ལམ་བཟང་སྟོན་མཛད་དགེ་བའི་བཤེས། །མ་རིག་མུན་པ་སེལ་བའ…

སྒྲོན་མེ་མཆོག །བླ་མ་འཇམ་པའི་དབྱངས་ལ་གསོལ་བ་འདེབས། །ཀུན་ཏུ་རྨོངས་པའི་དྲ་བ་བཅད་དུ་གསོལ། །རྣམ་འབྱེད་ཤེས་རབ་སྣང་བ་སྩལ་དུ་གསོལ། །འཆད་རྩོད་རྩོམ་པའི་གཟི་བྱིན་སྐྱེད་དུ་གསོལ། །མྱུར་དུ་མགོན་ཁྱོད་ལྟ་བུར་བྱིན་གྱིས་རློབས། །སྙིང་རྗེ་ཆེ་དང་མཐའ་བྲལ་ལྟ་བ་ཡིས། །སྲིད་དང་ཞི་བའི་གཡང་ས་ཀུན་བཀག་སྟེ། །མི་གནས་མྱ་ངན་འདས་པའི་…

སངས་རྒྱས་ལས་ཀྱང་དཀོ༷ན་པའི་ཐེག་མཆོ༷ག་ཆོས། །མདོ་སྔགས་ཟུང་འབྲེལ་བསྟ༷ན་པ༷འི་སྒྲོ༷ན་མེ༷་ཡི། །ལུས་ཅན་རྨོངས་པའི་མུན་སེལ་བླ་མ་ལྷ། །དབྱེར་མེད་ཞབས་ཀྱི་པདྨོར་གུས་ཕྱག་འཚལ། །དག་ཅིང་དྲི་མེད་བདུད་རྩིའི་ཆུ་བཞི་དང། །ཉེར་སྤྱོད་རོལ་མོ་འདོད་པའི་ཡོན་ཏན་ལྔ། །བཀྲ་ཤིས་རྟགས་རྫས་རིན་ཆེན་མཎྜ་ལ། །དུས་གསུམ་དགེ་ཚོགས་དང་བཅས་མཆོད་…

ཡབ་གཅིག་བསྟན་པའི་སྒྲོན་མེ་ཐུགས་རྗེའི་གཏེར། །བཀའ་དྲིན་དྲན་པའི་ཡིད་ཀྱིས་གསོལ་འདེབས་ན། །རྣམ་དག་ངེས་འབྱུང་བསམ་པས་རྒྱུད་འཁུལ་ཞིང། །མི་བཟད་ཉེས་པའི་སྒོ་བཞི་ཡོངས་བཀག་སྟེ། །བསླབ་གསུམ་རྣམ་པར་དག་པའི་ཉམས་ལེན་གྱིས། །ཐར་པའི་རྒྱལ་མཚན་ཚུགས་པར་བྱིན་གྱིས་རློབས། །ཐེག་པ་མཆོག་གི་ཚུལ་ཁྲིམས་ལ་བཀོད་དེ། །སྲིད་དང་ཞི་བའི་མཐའ་…