བཞིན། །གེ་སར་དྲི་བསུང་འཐུལ་བའི་རྫི་ངད་ལ་སྣོམས་ཤིང༌། །ངེ་རང་གཅིག་པུར་བག་ཡངས་རྒྱུ་བ་ཞིག་བྱུང་ན། །ཅེ་སྤྱང་བཞིན་དུ་ཟས་ཀྱིས་གདུངས་པ་འདི་སྤངས་ཤིང༌། །ཆེ་མཐོའི་ཆ་ལུགས་སྡེ་དཔོན་སྤྱོད་ཚུལ་འདི་དོར་ཏེ། །ཇེ་རིང་ཇེ་རིང་དབེན་པའི་བས་མཐའ་རུ་ཕྱིན་ནས། །ཉེ་དུ་མཛའ་བཤེས་འབྲེལ་ཐག་ཆད་པ་ཞིག་བྱུང་ན། །ཏེ་ལོ་ནཱ་རོའི་རྣམ་ཐར་འཁྱ…

ཡིད་སྨོན་ལྟར་གྱི་སྐལ་བ་ཞིག་ཡོད་ན། །ཨེ་མ་དེ་ལས་ལྷག་པའི་དགའ་རྒྱུ་ཞིག་ཅི་ཡོད། །ཨེ་ཀྱཻ་དགའ་བ་ཆེན་པོའི་གླུ་དབྱངས་ཤིག་བླངས་ཏེ། །ཨེ་ཝཾ་ཟུང་འཇུག་ས་ལ་བྲོ་བརྡུང་ཞིག་བྱའོ། །དབྱངས་གསལ་གྱི་མགུར་མ་འདི་ཡང་ས་སྦྲུལ་སྟོན་ཟླ་གཉིས་པའི་ཚེས་ལྔའི་ཉིན་ངེས་འབྱུང་སྤུ་སུ་ཞིག་གིས་བསྐུལ་ཏེ་སུག་བྲིས་སུ་བགྱིས་པའོ། །༈ རྗེ་བཙུན་བླ་…

སྣང་སྦྱོངས། །གསུང་རབ་ཀུན་ལ་བག་ཆགས་ཅི་ཐེབས་དང༌། །འཇུག་ལྡོག་ཀུན་ལ་རིགས་པས་ཞིབ་མོར་དཔྱོད། །ཉེས་སྤྱོད་སྒོ་མོ་འགོག་ན་དེ་ལ་དགོངས། །སྲིད་འབྱོར་ཀུན་ལ་ཞེན་ལོག་ངེས་འབྱུང་དང༌། །འགྲོ་བ་ཀུན་ལ་རྗེས་ཆགས་བྱང་ཆུབ་སེམས། །འཁོར་འདས་ཀུན་ལ་ཞེན་བྲལ་ལྟ་བ་སྟེ། །ཉམས་ལེན་སྙིང་པོར་དྲིལ་ན་དེ་ལ་དགོངས། །མདོར་ན་ཐོས་དོན་བསྒྲུབས་དེ་…

དོར་ལ་འབད་ཅིང༌། །སྲིད་ལས་ངེས་འབྱུང་རྣམ་དག་བསླབ་གསུམ་གྱིས། །སྡུག་བསྔལ་འཁོར་བའི་རྒྱུན་ལམ་བཅད་པར་བྱ། །མ་རྣམས་གཅེས་འཛིན་སྙིང་རྗེའི་སེམས་མཆོག་གིས། །རླབས་ཆེན་རྒྱལ་སྲས་སྤྱོད་པའི་གཞུང་བསྲངས་ཤིང༌། །བསྟན་པའི་སྙིང་པོ་མཐའ་བྲལ་སྟོང་པ་ཉིད། །ཀླུ་སྒྲུབ་དགོངས་པ་ཇི་བཞིན་བཙལ་བར་བྱ། །སྔོན་འགྲོ་ཐུན་མོང་ལམ་གྱིས་རྒྱུད་སྦྱ…

རྒྱལ་བསྟན་དང༌། །མཇལ་བའི་དགོས་དོན་ལག་རྩེར་སོན་པ་ཡིས། །འགྱུར་མེད་གཏན་གྱི་རྒྱལ་ས་ཟིན་པར་ངེས། །རང་ལ་ཉམས་མྱོང་མེད་ཀྱང་དམ་པའི་གསུང༌། །ཇི་བཞིན་ཉུང་ངུའི་ཚིག་གིས་བསྙད་པའི་དགེས། །འཇམ་མགོན་ལུགས་བཟང་ཕྱོགས་མཐར་རྒྱས་པ་དང༌། །རང་གཞན་མཐའ་དག་སྨིན་ཅིང་གྲོལ་བར་ཤོག །ཅེས་མདོ་སྔགས་ཀུན་གྱི་གནད་འདྲིལ་བའི་བསླབ་བྱ་མདོར་བསྡུས་…

ལས་ཀྱི་གར་སྟབས་སྒྱུར་བྱེད་ན། །དོན་གཉིས་དགེ་བའི་གཏོས་བཟང་འཛིན་པར་ངེས། །སྒོ་གསུམ་སྤྱོད་པ་གང་ལ་འཇུག་པའི་ཚེ། །སྔོན་བྱོན་དམ་པའི་རྣམ་ཐར་རྗེས་སུ་སློབ། །རྣམ་གཡེང་བག་མེད་བྱ་བ་རིང་སྤངས་ཚེ། །བསྟན་འགྲོའི་དོན་ཆེན་སྒྲུབ་ལའང་དཀའ་བ་མེད། །ཡུལ་དུས་སྐྱེ་བོའི་བློ་དང་མཐུན་འཇུག་གིས། །ཉེ་རིང་བར་མ་ཀུན་གྱི་སེམས་གཟུང་ཞིང༌། །…

འགྱུར། །ལུགས་ཟུང་འདབ་མའི་གར་གྱིས་རོལ་པ་ཡི། །བསླབ་བྱ་མཁའ་འགྲོ་དཀར་པོའི་འཕྲེང་བ་འདིས། །ཁྱོད་ཐུགས་མ་དྲོས་ཀླུང་དུ་རྩེན་པ་ལས། །ལེགས་བྱས་རླབས་ཀྱི་ཕྲེང་བ་རྒྱས་གྱུར་ཅིག །ཅེས་པ་འདི་ནི་མཚན་སྒྲོགས་མཁན་ཆེན་སྤྲུལ་བའི་སྐུ་རིན་པོ་ཆེ་ངག་དབང་འཇམ་དཔལ་བསྟན་པ་རབ་རྒྱས་ཀྱིས་འདི་འདྲ་ཞིག་དགོས་ཚུལ་བྱུང་བར་བརྟེན་ྋབཙུན་པ་དཀོན…

འཇུག་ཁས་ལེན་ཡང༌། །རང་ཉིད་གར་འགྲོ་མེད་པ་ཡིད་རེ་མུག །བསྟན་འཛིན་གོང་མའི་གྲལ་དུ་འཚང་ན་ཡང༌། །བསྟན་པའི་སྒོ་རུ་མ་ཆུད་ཡིད་རེ་མུག །སྡོམ་གསུམ་ནོར་བུའི་གཏེར་ཁ་ཕྱེ་བ་ལས། །ཉེས་ལྟུང་རྙོག་ཆུ་རྡོལ་བ་ཡིད་རེ་མུག །གྲོལ་བ་ཐར་པ་དོན་གཉེར་ཟེར་བཞིན་དུ། །སྲེད་མཁོས་ཕྱི་ཕྱིར་འཆིང་བ་ཡིད་རེ་མུག །ཐར་འདོད་སྐྱེས་བུ་ཡིན་པ་གཞིར་བཞག་…

འགྲོ་བ་ཡིད་རེ་མུག །མི་ཚེ་ཆོས་ལ་བསྐྱལ་བའི་མལ་ས་ནས། །དུད་འགྲོའི་བེམ་པོ་བྱུང་ན་ཡིད་རེ་མུག །ད་ལྟ་གདེང་ཡོད་ཁུལ་གྱིས་སོས་བདེར་བསྡད། །འཆི་ཁ་སྡུག་སྨྲས་ཤོར་ན་ཡིད་རེ་མུག །མདོར་ན་འཁྲུལ་བ་མེད་པ་རྒྱལ་བའི་བཀའ། །སྔོན་བྱོན་དམ་པའི་གསུང་དང་རྣམ་པར་ཐར། །འཁོར་འདས་སྐྱོན་ཡོན་གང་གི་སྒོ་ནས་ཀྱང༌། །རང་གི་སེམས་ལ་བལྟས་ན་ཡིད་རེ་…

སྐལ་ལྡན་སྐྱེས་བུ་རྣམས། །ཁ་ཙམ་མིན་པ་རུ་ཆོས་ཤིག་བྱེད་འདོད་ན། །ག་ལེར་ཕྱི་བཤོལ་གྱི་དབང་དུ་མ་བཏང་བར། །ང་ཡིས་བསྒོ་བ་བཞིན་མྱུར་བར་ཉམས་སུ་ལོང༌། །ཅ་ཅོ་ལོང་གཏམ་གྱིས་ཉིན་ཞག་ཆུད་གཟོན་ཞིང༌། །ཆ་ལུགས་གསོག་བྲུན་གྱིས་དམ་སྡོམ་ངོ་ཚ་འདྲལ། །ཇ་སོགས་ཟས་གོས་ཀྱི་སྲེད་པས་བསླུ་ཞིང་འབྲིད། །ཉ་ལྟོ་བ་བཞིན་དུ་འཁྲི་བ་བཅད་ན་ལེགས། །ཏ…

དམ་པའི་མགོན་གྱིས་བཟུང༌། །ཨ་མྲྀ་ཏ་འདྲ་ཡི་གདམས་པའི་བདུད་རྩི་མྱང༌། །ཕྱི་ནང་རྟེན་འབྲེལ་ཀུན་འཛོམ་པའི་དུས་ཚོད་འདིར། །ཐར་བའི་བཙན་ས་ཞིག་ཨེ་ཟིན་འབད་པ་གཅེས། །མདོར་ན་སྐྱིད་སྡུག་གི་འདམ་དབང་ཡོད་དུས་འདིར། །འདུན་པ་འཕྱུག་མེད་ཅིག་དགོས་སོ་གྲོགས་པོ་དག །གཏམ་འདི་བསྙད་པ་ལས་བྱུང་བའི་དགེ་བ་ཡང༌། །འགྲོ་ཀུན་བྱང་ཆུབ་ལ་གཞོལ་བའི…

ཀུན་གྱི་སྙིང་པོ་ཡིན། །དུས་ད་ལན་བག་ཆགས་ཐེབས་པ་དགོས། །མི་བསྒོམས་ཀྱང་སྨོན་ལམ་མི་འདེབས་སམ། །བློ་ཆོས་སུ་ཕར་ལ་མི་འཇུག་པར། །ཆོས་ཚུར་ལ་ཡོང་རེ་ཧམ་པ་ཆེ། །ལེགས་ཚོགས་ཀྱི་རྩ་བ་བླ་མ་ཡིན། །ཡོན་ཏན་གྱི་གཞི་མ་ཚུལ་ཁྲིམས་ཡིན། །དངོས་གྲུབ་ཀྱི་འབྱུང་གནས་དམ་ཚིག་ཡིན། །ཡིན་བྱས་པས་མི་ཆོག་ཡིན་བཞིན་སྒྲུབས། །རྐྱེན་འཛོམས་པའི་དུས་…

ཡི་ལྟེ་ཁྲག་འབོ་བའི་ས་ཆ་ཡིན། །ཅ་ཅོའི་རྫུན་གཏམ་གྲགས་པ་མཆེད་པ་དང༌། །ཆ་ལེ་ཆོ་ལེ་རང་ཡང་ཁ་བླས་ཤིང༌། །ཇ་ལག་འགའ་ཞིག་ངོས་འཛིན་བྱས་པ་ཡིས། །ཉ་མོ་ལྕགས་ཀྱུས་དྲངས་བཞིན་ས་འདིར་བླུས། །ཏ་ཐཱ་ག་ཏའི་བསྟན་པའི་སྒོར་ཞུགས་ཀྱང༌། །ཐ་མལ་བག་མེད་བྱིས་པའི་སྤྱོད་པ་བསྐྱངས། །ད་ལྟ་བསམ་ན་སྤྱོད་ཚུལ་འགའ་ཞིག་ནི། །ན་ཚོད་སྨིན་པའི་དུས་ལས་ད…

སྒོ་ཐོལ་བྱུང་དུ་སྨྲས་པའོ། །༈ མགོན་དུས་གསུམ་རྒྱལ་བའི་ཞལ་སྐྱིན་དངོས། །ཕ་བླ་མ་ཡེ་ཤེས་རྒྱལ་མཚན་དང༌། །རྗེ་འཇིགས་མེད་དབང་པོའི་ཞབས་པད་ལ། །དུས་བྱང་ཆུབ་བར་དུ་སྐྱབས་སུ་མཆི། །མདང་ཐུན་གསུམ་གཉིད་ཀྱི་རྨི་ལམ་ན། །བློ་དགའ་སྡུག་གི་རི་མོ་ཅི་ཡང་སྣང༌། །དུས་དེ་རིང་ཐམས་ཅད་རྫུན་དུ་གདའ། །རྐྱེན་དེ་ཡིས་སྐྱོ་བའི་ཉམས་ཤིག་ཤར། །ལ…

གི་སྒྲ། །ལས་བསོད་ནམས་སྤྲིན་ཕུང་ཡལ་བའི་རྒྱུ། །ཅོལ་ཆུང་གི་ཤིང་ལོ་རླུང་ཁྱེར་དེ། །མཐར་སྨད་པའི་རྫབ་ཏུ་འཇུག་ཉེན་ཡོད། །ལར་ཟིན་མེད་འཁོར་བའི་བྱ་བ་ཀུན། །སྔར་མ་བསྒྲུབ་དུས་ན་མཁོ་མཁོ་འདྲ། །གྲུབ་ཟིན་ཚེ་དགོས་མེད་རྐྱང་པར་གོ །དོན་སྙིང་པོ་མེད་པའི་རང་རྟགས་ཡིན། །ས་ལྷོ་བྱང་མགྲོན་པོ་ཚོང་ཁང་དུ། །ཞག་འགའ་ལ་དགའ་དགའ་ལྟར་དུ་འག…

ལ་ཟོན་ཞིག་གྱིས། །ངག་ལྷང་ལྷང་འཚེར་བའི་གླུ་འདི་ཡང༌། །དུས་ཡུད་ཙམ་གྱི་འཆར་སྒོ་ལགས་ན་ཡང༌། །སེམས་རྟ་རྒོད་ཁ་ལོ་འཆུན་དཀའ་བས། །དོན་མེད་ཀྱི་ཐང་ལ་དཀྱུས་ནས་འགྲོ། །དོན་དེ་ཕྱིར་བླ་མ་མཆོག་གསུམ་གྱིས། །བློ་ཚུལ་བཞིན་ཆོས་ལ་འཇུག་པ་དང༌། །ཆོས་ཡང་དག་ལམ་དུ་འགྲོ་བ་དང༌། །ལམ་བར་ཆད་མེད་པར་བྱིན་གྱིས་རློབས། །ཞེས་པ་འདིའང་རྨི་ལམ་ག…

སྤྱོད་པ་དཔག་མེད་གོམས་པ་ཡིས། །ཡོན་ཏན་ཀུན་རྫོགས་སྐྱོབ་པ་བླ་ན་མེད། །བླ་མ་ཐུབ་པའི་དབང་པོས་དུས་ཀུན་སྐྱོངས། །དལ་བའི་རྟེན་ཐོབ་རྒྱལ་བའི་བསྟན་དང་མཇལ། །དམ་པས་རྗེས་བཟུང་མཐུན་རྐྱེན་འཛོམས་པའི་དུས། །དོན་མེད་གཡང་བས་རང་ཉིད་མ་བསླུས་པར། །ནམ་གཞག་གཏན་གྱི་འདུན་མ་སྒྲུབ་པར་རིགས། །ཡ་མཐའ་གཏུགས་པ་མེད་པའི་དུས་ཤིག་ནས། །གཏིང་ཟབ…

དྲག་གིས། །སྒོ་གསུམ་དགེ་བའི་ལས་ལ་བཀོལ་བར་གྱིས། །ཁྱད་པར་བསྟན་པའི་གཞི་མ་སོ་སོར་ཐར། །བདེ་གཤེགས་གཞུང་ལམ་བྱང་སེམས་སྡོམ་པ་དང༌། །དངོས་གྲུབ་རྩ་བ་གསང་སྔགས་དམ་ཚིག་གསུམ། །ཚུལ་བཞིན་བསྲུང་བ་ཆོས་ཀྱི་ཉིང་ཁུ་ཡིན། །སྡོམ་གསུམ་མིག་འབྲས་ལྟ་བུར་བསྲུང་བ་ལས། །ལྷག་པའི་ཉམས་ལེན་སྙིང་པོ་གཞན་མེད་པར། །རྒྱལ་ཀུན་མགྲིན་དབྱངས་གཅིག་ག…

ཅིག །ཅེས་པ་འདི་ནི་དད་བརྩོན་བློ་དང་ལྡན་པ་བྲག་ལུང་རི་ཁྲོད་པ་དཀོན་མཆོག་ཆོས་འཕེལ་གྱིས་དགེ་སྦྱོར་ལ་བསྐུལ་བའི་བསླབ་བྱ་མདོར་བསྡུས་ཤིག་དགོས་ཞེས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །༈ རྨད་བྱུང་ཐུགས་རྗེ་ཆེན་པོའི་དབང་གྱུར་ཏེ། །ཉིན་བཞིན་ཟབ་རྒྱས་ཆོས་ཀྱི་གྲུ་སྦྱར་ནས། །མཁའ་མཉམ་འགྲོ་བ་སྲིད་མཚོ…

པ་རྣམ་གཉིས་ཀྱང༌། །ཚུལ་ཁྲིམས་རྣམ་པར་དག་པའི་རྗེས་སུ་འགྲོ། །སྡིག་ལྟུང་སོ་སོས་རྣམ་སྨིན་བཟོད་དཀའ་བ། །བསྐྱེད་ཅིང་ས་ལམ་བགྲོད་ལ་གེགས་བྱེད་ཕྱིར། །སྡིག་པ་ཀུན་ལས་སྡོམ་གསུམ་དང་འགལ་བའི། །ཉེས་རྣམས་སྲོག་དང་བསྡོས་ཏེ་སྤོང་བ་གཅེས། །མངོན་པར་མཐོ་དང་ཐེག་གསུམ་ཐར་པའི་ལམ། །གསང་ཆེན་རིམ་གཉིས་རྣལ་འབྱོར་མཐའ་དག་ཀྱང༌། །རྨང་གཞི་བ…