གེགས་ཆེ་བས་ཡང་ཡང་གྲ་མི་འགྲིག་པ་ཞིག་བྱུང་འདུག་ཀྱང༌། ཀུན་མཁྱེན་གོང་མ་དེས་རང་གི་ཞབས་འབྲིང་བ། ཨུས་ཇིང་དཔོན་པོ་དང༌། གཟིམས་འགག་རྒྱལ་མཚན་དར་རྒྱས་སོགས་ལ། བླ་མའི་སྤྲུལ་སྐུ་འདི་ཆུང་ངུ་ནས་མངོན་ན་མི་དགའ། ནར་སོན་ནས་གདན་སར་བཀོད་ན་ཚུགས་ཟིན་པོ་ཞིག་འོང་ཞེས་ཡང་ཡང་གསུངས་པ་དང༌། སྟོང་སྐོར་རིན་པོ་ཆེའི་མནལ་ལམ་དུ་རྒྱལ་མཚན་…

ལོ་དེར་ཕེབས་དགོས་ཞེས་ཞུ་བ་ནན་ཏན་ཕུལ་ཡང་རྟེན་འབྲེལ་ལེགས་ཉེས་སོགས་ཀྱི་དགོས་དབང་འགའ་ཞིག་དང༌། ཞབས་ཅུང་ཟད་བསྙུན་པ་བཅས་ལོ་དེ་ནང་དུ་མི་འབྱོན་པར་ཐག་བཅད། དགུང་ལོ་བཅུ་དྲུག་བཞེས་པ་ཆུ་མོ་ཕག་གི་ལོའི་དཔྱིད་ཀ་ཡང་བསྐྱར་གྱིས་བླ་བྲང་དཔོན་ཚང་གཉིས་ནས་མི་སྣ་མངགས་ཏེ། དཔོན་མོ་ཨལ་དར་ཨ་བུའི་ཞལ་ཆེམས་སོགས་རྒྱུ་མཚན་ཐམས་ཅད་ཡང་ཡ…

ནས་ཕྱག་བཏེགས། དེའི་ཚེ་སྟོང་སྐོར་རིན་པོ་ཆེ་ནས་ཀྱང་ཞབས་ཐང་དུ་གཟིམས་ཆུང་གི་རྭ་བའི་ཕྱི་སྒོ་བར་དུ་བྱོན་ཏེ། ཡབ་སྲས་གཉིས་འབྲལ་མི་ཕོད་པ་ལྟར་མཛད། དེ་ནས་རིམ་པར་ཆིབས་ཀྱི་ཁ་ལོ་བསྒྱུར་ཏེ་རྨ་ཆུ་ཁར་བྱོན་པ་ན་བླ་བྲང་དཔོན་ཚང་གཉིས་ཀའི་བསུ་བ་དང་པོ་དེར་འབྱོར་ཞིང༌། དེ་ནས་གདན་སར་ཕེབས་ཀྱི་བར་དུ་ཚ་འབོག །ཞག་བབ། འུལ་མི། ཁལ་རྟ…

རྒྱུ་ཚུན་ཆོད་གང་ཅིའི་བཀོད་ཁྱབ་མཐའ་དག་སྡེ་པ་ཚང་ནས་གནང༌། བདུན་པའི་ཚེས་བཅུ་གཅིག་ལ་བསང་གི་གྱེ་མོ་གོང་བ་ཞེས་བྱ་བ་རྭ་སྒྲེང་གི་བཀའ་གདམས་བསྟན་པའི་ཆུ་རྒྱུན་ཕྱོགས་མཐར་རྒྱས་པའི་རྟེན་འབྲེལ་དུ་བསྔགས་པའི་ས་གནད་དང་ཤིན་ཏུ་ཆ་མཚུངས་པ་ཞིག་ཡོད་པ་དེར། དེ་སྐབས་ཀྱི་དགོན་པའི་ཁྲི་ལས་ཐོག་པ་གྲུབ་པའི་དབང་ཕྱུག་བློ་བཟང་དོན་གྲུབ་…

གྱི་ཆུ་འདི་དགུ་ཆུ་དང་འདྲེས། མདུན་གྱི་ཆུ་མགོ་འདི་བསང་ཆུའི་མགོ་ཡིན། ཆུ་ཆེན་འདི་གསུམ་ཡང་རྒྱུན་མི་འཆད་པར་ཇེ་ཆེ་ཇེ་ཆེར་སོང་ནས་རྒྱ་མཚོ་ཆེན་པོའི་ནང་དུ་འདྲེས་པ་ཡིན། དེ་བཞིན་དུ་སྐྱབས་མགོན་མཆོག་སྤྲུལ་རིན་པོ་ཆེའི་གདུལ་བྱ་དང་འཕྲིན་ལས་ཀྱང་ཕྱོགས་ཐམས་ཅད་དུ་ཁྱབ་པའི་རྟེན་འབྲེལ་གྱི་དཔྱད་ཤིན་ཏུ་ནས་ཀྱང་ཆེ། དེ་རིང་སྐར་མ…

མདུན་བདར་ཏེ་བུ་རམ་ཤིང་འཕེལ་དུ་གཤེགས་པ་ལྟ་བུ། མདོར་ན་མིག་དང་ཡིད་ལ་ཀུན་དགའ་གསར་པའི་བདུད་རྩིའི་མཆོད་ཡོན་ཅི་ཡང་སྦྲེང་བར་བྱེད་པའི་ངོ་མཚར་གྱི་རོལ་བ་བསམ་གྱིས་མི་ཁྱབ་པས་ཕྱོགས་རིས་མེད་ནས་དད་འདུས་ཀྱི་མཇལ་བ་སའི་དྲེག་པ་ལྟར་བགྲང་གིས་མི་ལང་བ་མཐའ་དག་གི་ཡིད་ཀྱི་བརྟན་པ་ཅིག་ཅར་འཕྲོག་སྟེ། ལ་ལ་ནི་ཐལ་སྦྱར་སྙིམ་པའི་མེ་ཏོ…

ཕྱོགས་ལས་རྣམ་པར་རྒྱལ་བའི་ཐུབ་བསྟན་ཕོ་བྲང་དུ་མི་འཇིགས་གདོང་ལྔས་བཏེག་པའི་གསེར་གྱི་ཁྲི་འཕང་མཐོན་པོར་ཞབས་ཀྱི་པདྨོ་ཉེ་བར་བཀོད་དེ་དཀར་ཕྱོགས་ལ་དགའ་བའི་ལྷ་རྣམས་ཀྱིས་དགེ་མཚན་དང་པོའི་ཡི་གེ་དགའ་ལྡན་ཆོས་ཀྱི་མདུན་སར་སྤྲིངས་སོ། །གསེར་གྱི་ཏ་ལ་ཡངས་པའི་ས་འཛིན་རྩེར། །དགེ་ལེགས་བདུད་རྩིའི་མཆོད་སྦྱིན་སྤྲོ་བ་ཡི། །རྒྱལ་སྲ…

མར་གནས་པ་དང་གློ་བུར་དུ་ལྷགས་པའི་བླ་གྲྭ་ཐམས་ཅད་ལ་ཆོས་གྲྭར་ལམ་རིམ་ཆེན་མོའི་དབུ་ནས་ཆོས་ཐུན་གཅིག་གནང་སྟེ། ཤིང་རྟ་ཆེན་པོའི་ལུགས་འདི་འཆད་པ་ལ། །བདག་གི་ཡིད་ནི་ཀུན་ནས་སྤྲོ་བར་གྱུར། །ཅེས་པའི་ཚིག་མཚམས་སུ་འཇོག་པ་གནང་བས། གྲུབ་དབང་སྡེ་ཁྲི་རིན་པོ་ཆེ་ཐུགས་ཤིན་ཏུ་མཉེས་ཏེ། འདི་འདྲའི་སྤྲུལ་སྐུ་ཁྱད་པར་དུ་འཕགས་པ་ཞིག་ཡིན…

སྐྱབས་སོགས་ནས་རྟ་ལྔ་བཅུ་ལྷག་དང་བཅས་སོང༌། ཁྲི་སྟོན་གྱི་མཇུག་རྫོགས་པར་གྲུབ་མ་ཟིན་པའི་མཚམས་དེར། ཇུན་གར་རྒྱལ་པོས་གདན་ས་འདིར་མང་འགྱེད་འབུལ་བའི་མི་སྣ་གཏོས་ཆེ་བ་གཏོང་རྩིས་ཀྱིས་གོང་མར་སྙན་སྒྲོན་བཏང་བས། གོང་མ་ནས་ཀྱང་རྒྱ་དཔོན་ཞིག་ཆེད་མངགས་གནང་བ་བཅས་རྒྱ་སོག་གི་མི་དྲག་མང་དུ་འབྱོར་ཏེ། རྗེ་ཉིད་ལ་དབུ་གདུགས་ཁྱད་འཕག…

གྱི་དབང་གིས་ཆོས་དུང་དཀར་པོའི་ཁ་དོག་རྩོད་གཞིར་བཟུང་བ་ཡིན་ཚུལ་སོགས་ཀྱི་བཤད་པ་དང་འབྲེལ་བའི་ཁྱབ་མཐའ་མདོར་བསྡུས་ཤིག་བཀོད་ནས་བགྲོ་གླེང་གནང༌། མཇུག་ཏུ་མཚན་བརྗོད་ལས། ཆོས་ཀྱི་རྒྱལ་མཚན་ལེགས་པར་འཛུགས། །ཞེས་པའི་ལུང་འདི་འདྲེན་པར་མཛད་པས། སྐྱོར་དཔོན་བློ་བཟང་རིན་ཆེན་གྱིས་ཟླ་བོ་རྣམས་ལ། སྤྲུལ་སྐུ་རིན་པོ་ཆེས་བསྡུས་གྲྭ་…

གདེང་ཐོབ་པ་ཡིན་ཡང་དགྱེས་ཚོར་ཆེ་བར་མཛད། དེ་ཡང༌། གཞན་གྱིས་མནོ་བསམ་མི་ཤེས་པའི་ཚོད་ནས་སྐྱེ་བ་སྔ་ཕྱི་ཤེས་ཀྱང་ནར་སོན་པ་ན་དེའི་བག་ཆགས་ཙམ་ཡང་མེད་པ་དང༌། གཉེན་འཁོར་ལོངས་སྤྱོད་སོགས་ངོས་འཛིན་ཡང་ཆོས་ཕྱོགས་ལ་ཚུལ་བསྟན་ཁོ་ན་ལས། དངོས་གནས་ཀྱི་རེ་བ་མེད་པ་དག་ལ་ལྟོས་ན་དེ་ཙམ་ཡང་ཀུན་དང་མ་འདྲེས་པའི་ཁྱད་ཆོས་ངོ་མཚར་བ་ཞིག་ཏུ་…

གཉིས་ཀའི་ཆ་ནས་མཁས་པའི་རང་རྩལ་རྫོགས་པའི་དན་རྟགས་འདི་ཉིད་གསར་རྩོམ་མཛད་པར་དཔོན་ཚང་ནས་དགེ་འདུན་དབུ་མཛད་ཟེར་བ་སྐུ་མདུན་དུ་བཀའ་རྩོམ་སོགས་ཀྱི་ཡིག་མཁན་དུ་ཆེད་གཏད་བཞག་ཡོད་པས་ཁོང་གིས་ཡིག་མཁན་བྱས། སྐུ་བསྟོད་དེ་སྡེ་ཁྲི་རིན་པོ་ཆེ་ནས་གཟིགས་ཏེ། གཞན་མཚན་ཉིད་ལ་མ་སྦྱངས་པའི་བྱིས་པ་ཞིག་གིས། ཤེས་རབ་མེ་ལྕེས་བདེན་ཞེན་བུད་…

མཐོང་རྣམས་ཀྱིས་ཆ་ཙམ་དུ་ཡང་བསྒྲུན་དུ་མེད་པ་ཞིག་གོ །དགུང་ལོ་བཅུ་བདུན་པ་ཤིང་བྱིའི་གནམ་ལོ་གསར་དུ་ཚེས་པའི་དུས་སྟོན་རྒྱས་པར་གནང༌། ཆོ་འཕྲུལ་སྨོན་ལམ་ཆེན་མོའི་གསུང་ཆོས་སུ་སྐྱེས་རབས་སོ་བཞི་པ་དང༌། རྒྱལ་སྲས་ཞི་བ་ལྷའི་སྤྱོད་འཇུག་གི་གཟབ་བཤད་ཚིག་དོན་གཉིས་ཀའི་ཆ་ནས་ལེགས་པར་བཀྲོལ་ཏེ་དེའི་སྟེང་དུ་སྒྲུབ་བྱེད་ཀྱི་རིགས་པ…

པའི་དུས་ཀྱི་ངང་ཚུལ་ཇི་ལྟ་བ་ཞིག་མངོན་དུ་གྱུར་སྣང་ངོ༌། །སྨྲས་པ། ལེགས་སྨོན་རྩིབས་སྟོང་འབར་བའི་མུ་ཁྱུད་ལ། །འཕྲིན་ལས་དཔུང་ཚོགས་བཞི་ལྡན་འཁོར་ལོས་བསྒྱུར། །དམོད་པའི་དྲང་སྲོང་དྲེགས་པའི་རལ་བཅད་ནས། །ཆོས་བཟང་མདུན་སར་ཆོས་ཀྱི་ཁྲི་ལ་འཁོད། །མི་འཇིགས་སྤོབས་པ་རྒྱས་པའི་ལྡིང་ཁང་རྩེར། །ཟབ་ཡངས་མཁྱེན་པ་ལྷ་ཡི་རྔ་བོ་ཆེ། །དྲ…

ཟླ་བའི་འཁྲི་ཤིང་བཞད་པའི་མཚར་སྡུག་ལས། །ལེགས་གསུང་ཀཏྤུ་ར་ཡི་དཔྱིད་འཇོ་བ། །རྒྱལ་ཡུམ་དབྱངས་ཅན་ངང་པའི་བུ་མོ་དཀར། །བདག་གི་སྙིང་ལ་མངོན་དགའི་གར་མཛོད་ཅིག །དེ་ནས་ཧོར་ཟླ་གཉིས་པའི་ཚེས་ལ་ཀུན་མཁྱེན་གོང་མའི་དུས་ཀྱི་མགོན་ཁང་གི་གཏོར་མ་བརྗེས་ཏེ་བསྐང་གསོ་རྒྱས་པར་བཏང་བའི་མཇུག་ཏུ། མགོན་ཆོས་ཀྱི་ཞལ་ཐང་རྣམས་ལ་རྗེ་གོང་མའི་ཕ…

དབང་རིན་པོ་ཆེས་ཀྱང༌། སུ་ལ་ཐེ་ཚོམ་ཙམ་ཡང་སྐྱེ་དོན་མེད་པའི་གནས་ཤིག་ལ་དོགས་པ་མཛད་ལུགས་ཀྱིས་ཕུགས་མཁྱེན་ཡོད་པ་གདོན་མི་ཟའོ། །ཕྱིར་ཕེབས་ནས་རེ་ཞིག་གཟིམས་ཆུང་བཀྲ་ཤིས་མཐོང་སྨོན་དུ་བཞུགས། མཚན་མོ་ལུས་སྦྱིན་ཡང་ཡང་གནང་བར། གྲུབ་དབང་རིན་པོ་ཆེ་ནས་རྒྱུ་མཚན་ཞུས་པས། འཚུབ་ཆེ་བ་ཞིག་འདུག་སྟེ་དཔོན་ཚང་ལ་མི་བཟང་བ་འདྲ་བས་དེའི་…

སྦྱོང་མཛད་པས། བྱིངས་དང་མིང་གིས་བསྡུས་པའི་རང་བཞིན། བྱེད་ལྡན་དང་དེ་ཕན་སོགས་ཀྱི་རྐྱེན། མཚམས་སྦྱོར་སོགས་ཀྱི་དབང་ལས་ཡི་གེ་དབྱི་བ་དང༌། བསྒྱུར་བའི་རྣམ་འགྱུར་ཏེ་སྒྲ་རིག་རྒྱ་མཚོའི་དགོངས་དོན་མཐའ་དག་དང༌། ཡི་གེ་ལྕི་ཡང་གི་སྦྱོར་ཚུལ། པྲསྟར་དགོད་པ་སོགས་སྡེབ་སྦྱོར་གྱི་གནད་རྣམས་ཀྱང་མ་ལུས་པར་ཐུགས་སུ་ཆུད། ཁོང་ཡང་ཆོས་ཀ…

དཔེར་བརྗོད་ཆ་ཚང་བའི་རྩོམ་རྒྱུགས་ཀྱང་ཕུལ། དེ་དུས་རྩོམ་ལ་དོན་གཉེར་ཤིན་ཏུ་ཆེ་བས་མཚན་ཐོག་ཐག་སྦྱངས་ཏེ་ནམ་ལངས་སོང་བ་མང་ཞེས་ཞལ་ནས་གསུངས། དེ་ཡང་རྗེ་ཉིད་ནི་སྔར་ནས་རྩོམ་པའི་རྣམ་དཔྱོད་ཀྱི་རྩལ་རྫོགས་ཟིན་ཀྱང་རྗེས་འཇུག་རྣམས་ལ་ཡོན་ཏན་སློབ་ན་འདི་ལྟར་དཀའ་བ་སྤྱོད་དགོས་ཞེས་འདོམས་པའི་བརྡ་ཐབས་སུ་མངོན། ཕྱིས་སུ་ཆོས་རྗེ་འད…

ཡུལ་ལ་ཡང་བླ་མར་བཟུང་སྟེ་ཚུལ་བཞིན་དུ་བསྟེན་པ་འདི་ལྟ་བུ་ནི་འབྲོམ་སྟོན་རྒྱལ་བའི་འབྱུང་གནས་ཉིད་དུ་གོར་མ་ཆག་གོ་སྙམ་དུ་དད་པས་མཆི་མ་འཁྲུག་པའི་འོས་ཡིན་ནོ། །ཆོས་སྡེ་ཆེན་པོ་བཀྲ་ཤིས་འཁྱིལ་གྱི་གནས་བསྟོད་ཨུཏྤལ་མཐིང་གའི་རྩེ་དགའ་ཞེས་བྱ་བ་སྙན་དངགས་ཀྱི་ཉམས་བླ་ན་མེད་པ་འདི་ཡང་ལྗགས་རྩོམ་མཛད། སོས་ཀ་སྐྱབས་མགོན་ཉིད་དང༌། ཆ…

དུ། རྗེ་འཇམ་དབྱངས་བཞད་པའི་རྡོ་རྗེ་དེ་ཉིད་དངོས་སུ་བྱོན་ནས་ཁོང་ལ་ཕྱག་དབང་ཞུས་པར། ང་ཁྱེད་ཀྱི་སློབ་མ་ཡིན་པས་དེ་མི་རུང་ཞེས་ཞུས་ཀྱང་མ་གསན་པར་འབུལ་དགོས་པ་ཞིག་བྱུང༌། དེ་ཅི་ཡིན་གསུངས་ཤིང་ཡོད་པ་ན། མ་འགྱངས་པར་གདན་འདྲེན་པ་འབྱོར་ཏེ་སྙན་གསན་ཕུལ་བས། ད་ལན་ངའི་བླ་མའི་བཀའ་ཡིན་པས་ཅིས་ཀྱང་འགྲོ་དགོས་གསུངས་ནས། རིངས་སྟབས་…