གནང་བའི་གསེར་ཡིག་བསྒྲགས་ཏེ། འཇམ་མགོན་བླ་མའི་བསྟན་པ་འདི་ལ་སུས་ཀྱང་ལོག་སྒྲུབ་བྱས་མི་ཆོག་ཚུལ་གྱི་ཚོགས་གཏམ་དང་གསུང་རུས་པ་ཅན་མང་དུ་གནང༌། སྨོན་ལམ་འདོན་ཆའི་སྐོར་སོགས་རྗེ་རིན་པོ་ཆེའི་ཕྱག་བཞེས་ཇི་ལྟ་བ་བཞིན་བྱེད་དགོས་ལ། རང་རེའི་དགོན་འདིར་ད་སྐབས་ཕྱོགས་གཞན་ལ་ལྟོས་ན་ཕྱག་ལེན་ངོས་གཙང་ཡང་ད་དུང་ཆ་ཚང་ངེས་ཤིག་མི་འདུག་…

ལ་འཇིགས་བྱེད་བསྐྱེད་རྫོགས་གཉིས་ཀྱི་ཁྲིད་ལུང་སྩལ། གཡེར་གཤོང་སྤྲུལ་བའི་སྐུར་ཚོགས་ཆེན་གྱི་ཁྲིའི་བཀའ་བསྒྱུར་ཀྱང་དགོངས་པ་ནན་གྱིས་ཞུས་པས་ཁྲོལ་ཆ་གནང་སྟེ། ཁྲི་ཆེན་དཔལ་ལྡན་གྲགས་པའི་སྤྲུལ་བའི་སྐུ་རིན་པོ་ཆེ་ཁྲིར་བསྐོ་བཞག་མཛད། གཉིས་པའི་ཚེས་ལ་ཆས་པ་ཆོས་རྗེ་བློ་བཟང་ཆོས་ལྡན་ཁམས་མ་བདེ་བའི་སར་གདན་འདྲེན་དུ་འོངས་ཏེ་ནན་…

སོ་ནས་གདན་དྲངས་པར་ལུགས་གཉིས་ཀྱིས་བཀའ་དྲིན་བསྐྱངས། གཞན་ཡང་དད་ལྡན་དུ་མས་རང་འབྱོར་གྱི་བསྙེན་བཀུར་གཟབ་རྒྱས་ཞུས་པ་རྣམས་ཀྱི་རེ་བ་བསྐངས་ཏེ་ཐར་པའི་ས་བོན་བསྐྲུན། རིམ་གྱིས་གདན་སར་ཕེབས་ཏེ་དོན་གཉེར་ཅན་དུ་མ་ལ་ལུང་ཁྲིད་རྗེས་གནང་སོགས་ཆོས་བཀའ་མང་དུ་སྩལ། རྒྱའི་ལུགས་སྲོལ་ལ་ཟངས་ལྕགས་སོགས་གཏོས་ཆེ་བ་ཤིང་སྒོ་ནས་འདོན་པར་བ…

ཀ་རིང་དགོན་གྱི་གྲྭ་མང་ཕྱོགས་འདུས་ཀྱི་མཇལ་བ་དུ་མར་རྗེ་ཉིད་ཀྱིས་མཛད་པའི་སྨྱུང་གནས་ཀྱི་ཆོ་ག་དང༌། སྦྱོར་བའི་ཆོས་དྲུག །པཎ་ཆེན་བློ་བཟང་ཆོས་རྒྱན་གསུང་གི་བརྒྱ་རྩ་བསྡུས་པ་སོགས་ཀླག་ལུང་འགའ་ཞིག་དང༌། དབེན་པའི་གནས་འདིར་སྒྲུབ་པ་ཉམས་ལེན་ཁོ་ན་ལྷུར་བཞེས་དགོས་ཚུལ་གྱི་བསླབ་བྱ་བློ་འཁུལ་ངེས་པ་གནང༌། གདན་སར་ཕེབས་ནས་དྭགས་པ…

མཛད་པའི་དེའི་ཆོ་ག་བསྡུས་པ། རྣམ་སྣང་མངོན་བྱང་གི་བདག་བསྐྱེད། རྗེ་ཉིད་ཀྱིས་མཛད་པའི་གཅོད་ཀྱི་ཉམས་ལེན་མདོར་བསྡུས་སོགས་ཀྱི་ལྗགས་ལུང་སྩལ། ལྔ་པའི་ཚེས་ལ་སྔར་གོང་མ་ཆེན་པོར་གྲེའུ་ཙེ་ཕུལ་བའི་ལན་དུ་བྱམས་པ་བཞེངས་རྒྱུའི་དོན་འདི་ལ་བླང་ཆོག་ཅིང་གཞན་ལ་དེ་ལྟར་མི་ཡོང་ཞེས་ཨམ་བན་ལ་བཀའ་བབས་པའི་གནས་ཚུལ་སྐྱེལ་བར་ཐོང་ཤི་ཆེད་མ…

ལས་སྣེ་ཆེ་བགྲེས་སོགས་ཀྱིས་ཐབ་བསུ་དང༌། ཆིབས་བསུ་སྔ་ཕྱི་རིམ་པར་འབྱོར། ངུར་སྨྲིག་འཆང་བའི་འཕགས་པའི་དགེ་འདུན་རྣམས་ཀྱིས་མཆོད་པའི་ཡོ་བྱད་དུ་མ་ཐོགས་ཏེ་གསོལ་བ་འདེབས་པའི་གདངས་དབྱངས་སྙན་པོར་སྒྲོགས་པའི་སེར་སྦྲེང་གིས་མདུན་བསུས་ཏེ། ཡུལ་མདོ་སྨད་ཀྱི་དགོན་ཆེན་ཕལ་མོ་ཆེའི་མ་དགོན་ལྟ་བུར་གྱུར་པ་བཤད་སྒྲུབ་བསྟན་པའི་དགའ་ཚལ…

པའི་མེ་ཏོག་གསར་པ་སིལ་མ་བཀྲམ། །ལེགས་བཤད་འོད་ཟེར་སྟོང་གི་དྲ་བ་ཅན། །བཤེས་གཉེན་སྨྲ་བའི་ཉི་མ་ཁྱོད་ཤར་བས། །བླང་དོར་རི་མོ་སྒྲིབ་པ་རྨོངས་ཆེན་གྱི། །མུན་པའི་གཡུལ་ལས་ས་འདི་རྣམ་པར་རྒྱལ། །ཕྱོགས་རེའི་ཡོན་ཏན་འོད་འཕྲོ་རྒྱུ་སྐར་གཟུགས། །མང་ཡང་མདོ་སྔགས་རིག་གནས་ཆ་ཤས་ཀུན། །རྫོགས་པའི་ཟླ་བ་ད་གཟོད་འོངས་སོ་ཞེས། །བློ་ལྡན་ཀུན…

གཉིད་ལས་བསླངས། །དེ་བཞིན་མཁས་པའི་དབང་པོ་ཁྱོད་ཀྱིས་དེང༌། །ལེགས་འདོམས་བདུད་རྩིས་སྐལ་ལྡན་ཚིམ་མཛད་གསོལ། །ཁྱད་པར་འཕགས་བོད་མཁས་གྲུབ་མ་ལུས་པའི། །ཐུགས་ཀྱི་ཉིང་ཁུ་སྐྱེས་བུ་གསུམ་གྱི་ལམ། །ཚུལ་བཞིན་ཉམས་བསྟར་མང་ཐོས་བསམ་གཏན་པས། །དབེན་པའི་རི་སུལ་འགེངས་པའི་བཀའ་དྲིན་སྩོལ། །འདི་སྣང་རྣ་གོང་ཨུཏྤལ་ཕོན་པོ་ནི། །རྒས་པའི་བ་མ…

བཀྲ་ཤིས་དར་གྱི་པཉྩ་ལི་ཀ་ཅན། །ཁྱོད་དྲུང་ཆོས་ཀྱི་མདུན་ས་ཆེ་དེར་སོངས། །ཞེས་སྙན་ཚིག་གི་ལམ་ནས་དྲངས་པའི་ཞུ་ཤོག་ཕུལ། ནང་ཆེན་སོ་སོ་ནས་ཀྱང་ལེགས་འབུལ་བསྟར་ཞིང༌། དེར་བཞུགས་རིང་སྤྱི་སྒེར་ཀུན་ནས་གསོལ་སྟོན་བསྙེན་བཀུར་སོགས་ཀྱི་རིམ་པ་གཟབ་རྒྱས་ཞུས། གྲྭ་དཔོན་སློབ་ཐམས་ཅད་ནས་རྗེ་བླ་མའི་བསྟན་པ་དང་རང་རང་གི་འདི་ཕྱིའི་དོན་…

གྱི་ཁྲིར་གསར་དུ་བཞུགས་པ་ལ་ལེགས་སྐྱེས་ཀྱི་ཚན་གྲངས་བསྟར་ཞིང་གདན་ས་ནས་བྱ་ཁྱུང་དུ་དམ་བཅར་ཁྲིད་འོང་བའི་གྲྭ་པ་བཞི་ལ་དེར་ཡང་ཆེད་མངགས་ཀྱིས་ཁྲི་སྟོན་དང་འབྲེལ་བར་དམ་བཅའ་འཇོག་རྒྱུའི་བཀོད་ཁྱབ་གནང་སྟེ་ལུགས་གཉིས་ཀྱི་དགའ་སྟོན་སྤེལ། དེའི་ཚེ་ཆབ་ཤོག་གནང་བ་ནི་འདི་ལྟར། མཁྱེན་བརྩེའི་གདེངས་ཀ་འབུམ་དུ་དར་བའི་སྤྲིན། །མི་ཟད་…

འོང་ཟུར་ཕུད་ཀྱིས། །གུས་པས་བཏུད་པའི་མི་འཇིགས་ཆོས་ཀྱི་ཁྲིར། །ཡོངས་འཛིན་ནོར་བུའི་ཅོད་པན་གཙུག་ཐོགས་ནས། །ལུང་རྟོགས་དབྱིག་འཛིན་ཁྱོན་ལ་དབང་བསྒྱུར་བ། །མཚུངས་བྲལ་སྨྲ་བའི་རྒྱལ་པོ་ཁྱོད་འཁོད་པས། །དཀར་ཕྱོགས་སྐྱོང་རྣམས་འཛུམ་དཀར་རྒོད་པས་བྲེལ། །བདག་ཀྱང་ཚུལ་དེ་ཐོས་ཚེ་འབྲུག་གི་སྒྲ། །རྣ་བར་སོན་པའི་གཙུག་ཕུད་ཅན་བཞིན་དུ།…

པ་དབང་པོ་དང༌། །བག་ལ་ཉལ་སོགས་རྨ་བྱའི་མདོངས་བཞིན་དུ། །སོ་སོ་བཀྲ་ཕྱིར་མགུ་བར་ཆེས་དཀའ་བས། །གང་འདུལ་ཐབས་མཁས་མཛད་པས་སྐྱོང་བར་མཛོད། །མདོར་ན་ཆོས་སྡེ་ཆེན་པོའི་ལུགས་གཉིས་ཀྱི། །འཕེལ་རྒྱས་ཇི་ལྟ་ཇི་ལྟར་གནང་འོས་པ། །དེ་ལྟ་དེ་ལྟར་ཐུགས་ཁུར་ལྷུར་བཞེས་ཏེ། །དབྱར་གྱི་ཆུ་གཏེར་དཔལ་ལ་འགྲན་པར་མཛོད། །གཅམ་བུ་ཙམ་མིན་གསོང་པོའི་…

པའི་གསོལ་བ་བཏབ་འདུག་ནའང༌། དུས་ལ་མ་སླེབས་པ་ལྟ་བུས་ཐོག་ཏུ་མ་ཁེལ་བ་ལ། འདི་སྐབས་ཐུའུ་བཀྭན་རིན་པོ་ཆེ་ནས་ནན་ཏན་མཛད་པས་བདུན་པའི་ཚེས་གཉིས་ནས་ཉི་ཤུ་གསུམ་གྱི་བར་དུ་སྐུ་འབུམ་གྱི་མཁན་སར་བཞུགས་པ་བསྟན་པའི་རྩ་ལག་ཐུའུ་བཀྭན་སྤྲུལ་བའི་སྐུ་རིན་པོ་ཆེ་དང་མཁན་ཟུར་ཟི་ན་ཚང༌། རྒྱུད་པ་དཔོན་སློབ། སྨན་པ་དཔོན་སློབ། བཱ་ཇུས་བླ་མ།…

གཉིས་སུ་དོན་གཉེར་ཅན་མང་པོར་དབྱངས་ཅན་སྒྲ་མདོ་དང༌། ཀ་ལཱ་པ་གཉིས་ཞིབ་ཏུ་སློབ་བཅུག་པས་བློ་གསལ་དུ་མ་ལ་ཕན་པའི་གསོས་སུ་གྱུར། ཉི་ཤུ་ལྔ་ལ་ཐུའུ་བཀྭན་རིན་པོ་ཆེར་ཆོས་རྒྱལ་ཕྱི་ནང་གསང་གསུམ་གྱི་རྗེས་གནང་སྩལ། དེར་གསུང་འཕྲོས་ཤིག་གི་ཚེ་ཐུའུ་བཀྭན་རིན་པོ་ཆེ་ནས། ངེད་བྱ་ཁྱུང་གི་ཁྲིར་སྡོད་སྐབས་ངོར་པ་ཀུན་བཟང་གི་གསུང་འབུམ་པོ…

དབང་སྟ་གོན་དང་བཅས་པ་གནང༌། དུས་འཁོར་པཎྚི་ཏ་དང༌། དགེ་བཤེས་འགའ་ཞིག་སོགས་སྨད་ཕྱོགས་ཀྱི་གྲྭ་རྒྱུན་དུ་མ་དབུས་ནས་རང་ཡུལ་དུ་ཕྱིར་འགྲོ་བའི་ལམ་ཞོར་གྱིས་མཇལ་བར་འོང་བ་ལ་བཀའ་མཆིད་གནང་ཞིང་དུས་འཁོར་པཎྚི་ཏའི་སྤྲུལ་བའི་སྐུ་ནས་དངོས་འབུལ་ཀྱང་གྱ་ནོམ་པ་བཏེག །གསེར་ཏོག་ནོ་མིན་ཧན་གྱིས་གདན་དྲངས་པར་ཕེབས་ཏེ་རྗེས་གནང་འགའ་ཞིག་ས…

དང༌། བསོད་ནམས་རྡོ་རྗེ་ཝང༌། ནུ་བོ་ཚངས་པ་སྐྱབས། སྐུ་འབུམ་གྱི་སྨན་པ་བླ་མ་མི་ཉག་ཞབས་དྲུང༌། དུར་གེ་མཁན་པོ་ཀུན་དགའ་ཡེ་ཤེས་བཟང་པོ། ཏ་ལཱེ་ཆོས་རྗེ། རོང་པོ་ཞབས་དྲུང༌། མ་ཎི་པའི་ཞབས་དྲུང༌། ཅོ་ནེ་ཞབས་དྲུང༌། ཡོན་ཏན་ཞབས་དྲུང༌། ལྷ་རམས་པ་ཁ་ཤས་སོགས་གྲྭ་པ་ཕྱེད་དང་བཞི་བརྒྱ་བཅས་སེར་སྐྱ་བདུན་བརྒྱ་སྐོར་ལ་མི་ཏྲ་བརྒྱ་རྩའི་ད…

ནས་བསྙེན་བཀུར་ཞུ་མི་མང་དུ་བྱུང་བ་སོ་སོའི་རེ་བ་བསྐངས། བཅུ་གཅིག་པའི་ཟླ་མཇུག་ལ་དེ་ནས་ཕེབས་པའི་ལམ་དུ་རྗེས་ཚང་སྨྱུང་གནས་པའི་གྲྭ་པ་རྣམས་ཀྱིས་རི་སྙིང་པོར་གདན་དྲངས་ནས་ཁོང་གི་གདུང་རྟེན་ལ་རབ་གནས་ཞུས། ཚ་གན་ནོ་མོན་ཧན་གྱིས་གདན་དྲངས་ཏེ་ལ་མོ་བདེ་ཆེན་དུ་ཞག་ཁ་ཤས་བཞུགས། གྲམ་པ་ནང་དུ་རྙཱེ་ཚང་དང༌། དཔལ་ལྡན་བཀྲ་ཤིས་ཀྱི་སྐ…

དབུས་སུ་གདན་དྲངས་ཏེ་དངོས་འབུལ་བཏེག །བསྒྲུབ་བྱ་ཁ་ཤས་ལ་བསྙེན་རྫོགས་ཀྱི་སྡོམ་པ་གནང་ཞིང་འདོད་ཆོས་འགའ་ཞིག་སྩལ། མར་ངོའི་ཆ་ལ་བཅད་རྒྱ་གནང་སྟེ་ཐུགས་དམ་ཟབ་མོའི་རྣལ་འབྱོར་གྱིས་ཉིན་མཚན་ཁོར་ཡུག་ཏུ་འདའ་བར་མཛད་དོ། །ལྕགས་ཁྱི་ཟླ་བ་དང་པོའི་ཚེས་གསུམ་ལ་བཅད་རྒྱ་གྲོལ་བར་སྤྱི་བླ་བྲང་ཐམས་ཅད་ནས་ལོ་གསར་གྱི་དགའ་སྟོན་ཕུལ། ཕྱོག…

ཉིད་ནས་སྩལ་ཏེ་འཕེལ་རྒྱས་སུ་ཡོད་ཀྱང་དཔལ་ལྡན་སྲད་རྒྱུད་ཀྱི་གདམས་པའི་ཉིང་ཁུ། ཀུན་མཁྱེན་གོང་མའི་དུས་དཀའ་བ་དཔག་མེད་ཀྱིས་བཙལ་བའི་འཁྲུལ་འཁོར་དང༌། ལྕགས་མཁར་གྱི་མན་ངག་རྣམས་དང༌། གཞན་ཡང་གཏོར་སྒྲུབ་དང་གཏོར་ཆེན་གྱི་ཁྲིད། གཟུངས་གཞུག་གི་ཁྲིད། ཀླུའི་བུམ་གཏེར་གྱི་ཁྲིད། འཇམ་དབྱངས་དཀར་པོའི་ལས་ཚོགས་ཀྱི་ཁྲིད། ལས་བཞིའི་ས…

དག་འཁྲུངས་རབས་གྲས་སུ་བཞག་པ་ཙམ་མ་ཡིན་པར་ཕ་ཤུལ་བུས་ཟིན་ངེས་པའི་རྣམ་ཐར་རྨད་དུ་བྱུང་བ་དང༌། འབྲས་བུའི་རྟགས་ཀྱིས་སྒྲུབ་ཚུལ་ཡིན་པར་ཤེས་པར་གྱིས། དེར་མ་ཟད་ཁོང་ལ་སྔར་སྐུ་ན་གཞོན་པའི་དུས་ནས་བཟུང༌། འདིའི་སྐོར་གྱི་མན་ངག་ཕྲ་ཞིབ་ཐམས་ཅད་ལེགས་པར་རྩད་གཅོད་དགོས་ཀྱི་བསྐུལ་མ་ཡང་ཡང་མཛད་ཅིང༌། མཚམས་དེར་རྒྱུན་ཞིག་སྤེལ་རྒྱུར་…