ཕལ་ཆེན་ས་སྟོན་བར་སྲིད་མེད་དེ་མདོར། །བྲམ་ཟེ་ན་ཚོད་ཁྱེར་ཟིན་རྒ་བ་དང༌། །ན་བ་ཡིན་ཏེ་གཤིན་རྗེའི་དྲུང་དུ་ཕྱིན། །བར་ན་ཁྱོད་ཀྱི་གནས་ཀྱང་ཡོད་མིན་ཞིང༌། །ཁྱོད་ཀྱི་ལམ་རྒྱགས་ཀྱང་ནི་ཡོད་མ་ཡིན། །ཞེས་དང་ལུས་དེས་དམྱལ་ལྷུང་གསུངས་ཕྱིར་ཡང༌། །བར་སྲིད་མེད་ཟེར་གཟུགས་རྒྱུན་རིམ་འགྲོ་སྟེ། །འབྲུ་བཞིན་ནོ་ཆད་ནས་འབྱུང་སྟེ་གཟུགས་…

དབང་ཚོར་ཉེར་རྒྱུ་མེད་ཀྱང་མདོ་ཡི་དོན། །དེ་ཡིས་ཡིད་ཀྱི་ཉེར་རྒྱུ་སྒྲུབ་ལ་དགོངས། །གསུམ་པའི་བདེ་བའང་བརྟན་ཕྱིར་ཉེར་རྒྱུ་མིན། །སློབ་དཔོན་རང་ལུགས་ཡུལ་དེར་ཆགས་བྲལ་བས། །དེར་དམིགས་ཟག་བཅས་ཚོར་བའང་ཉེར་རྒྱུ་མིན། །ཆགས་སྡང་གཉིས་དང་མཚུངས་པར་ལྡན་མིན་ཕྱིར། །ཕྲག་དོག་སེར་སྣ་ཁྲོ་འཚིག་འགྱོད་པ་སྟེ། །ཆིག་རྐྱང་ཐུབ་པ་ལྔ་ལས་གཞ…

ཕལ་ཆེན་ཡབ་སྲས་མཇལ་སོགས་ཚུལ་མང་བས། །འདི་ལས་གཞན་པ་དུས་འཁོར་གཅིག་པུ་མིན། །རླུང་འཇམ་ལྡང་ཚེ་ཆགས་པའི་མགོ་རྩོམ་ཡང༌། །རླུང་དཀྱིལ་མིན་ཏེ་ཡས་ནས་ཆགས་པའི་ཕྱིར། །འཐབ་བྲལ་མ་ཆགས་བར་དུ་དེ་མི་ཆགས། །ཆུ་དཀྱིལ་མི་འབོ་ལས་ཀྱིས་བརྟེན་པ་སྟེ། །བཟའ་བཏུང་མ་ཞུ་ལོང་ཁར་མི་ལྟུང་བཞིན། །སྡེ་གཞན་རླུང་གི་བང་བས་བསྐོར་བར་འདོད། །རླུང་ལ་…

༈ རིག་བྱེད་ནགས་ལ་མེ་ཞུགས་བཞིན་གནས་ཕྱིར། །ངག་གི་ཚོགས་པའི་གདངས་གཅིག་དེ་ཡིན་གྱི། །མིང་ཚིག་གཅིག་ཏུ་ལུང་མ་བསྟན་ཕྱིར་རོ། །གནས་མས་མི་འཇིག་གཞན་འགྲོའི་རྫས་ཤིག་འདོད། །སྐད་ཅིག་མ་ཕྱིར་རྒྱུ་མེད་འཇིག་ཕྱིར་རོ། །སྒྱུར་ཕྱིར་ཐོ་བ་བུམ་པའི་འཇིག་རྒྱུ་ལོ། །མེས་ཀྱང་རྫ་བུམ་ངོ་བོ་སྒྱུར་བྱེད་ཕྱིར། །ཕན་གནོད་གཉི་གའི་བྱེད་པོར་ཐ…

རིག་མིན་ཁྱད་ཆོས་གསུམ་ལས་རྒྱུ་མཐུན་གྱིས། །མ་བསྐྱེད་ཆོས་བཟོད་སྡོམ་པའོ་སྐྱེ་ཚུལ་བཞི། །འདོད་གཏོགས་རྒྱུ་མཐུན་ཟིན་པའི་འབྱུང་ལས་སྐྱེ། །ལུས་ངག་ཚོགས་ཕྱིར་སྤོང་བའི་འབྱུང་ཐ་དད། །གོང་མ་མ་ཟིན་རྒྱས་བྱུང་འབྱུང་ལས་སྐྱེ། །སེམས་དང་འདྲ་ཕྱིར་འབྱུང་བའང་ཐ་དད་མེད། །མཐོང་སྤོང་ཀུན་སློང་མིན་གསུངས་དུས་ལ་དགོངས། །རྗེས་འཇུག་མུ་ད…

གཟུགས་མེད་དགེ་བ་དཀར་ལས་འདི་མིན་ཏེ། །རྒྱུ་འབྲས་ཚང་བའི་དབང་བྱས་མིན་ཕྱིར་ལོ། །ཟག་མེད་ལས་ཀྱང་དཀར་བ་མིན་གསུངས་པ། །དེ་ལ་དཀར་བའི་རྣམ་སྨིན་མེད་ལ་དགོངས། །མཐོང་བཞི་སྒོམ་ལམ་བརྒྱད་དེ་སེམས་བཅུ་གཉིས། །ནག་པོ་ཟད་བྱེད་དོ་དགུ་པའི་འདོད་དགེ་སྟེ། །དེ་སྲིད་དེར་དམིགས་ཉོན་མོངས་མི་སྤོང་ཞིང༌། །དེ་ནི་ཆགས་བྲལ་ཚུལ་གྱིས་སྤོང་དགོ…

གཡེམ་བཅོལ་མེད་ཕྱིར་རིག་བྱེད་བྱེད་མིན་གཉིས། །དྲུག་ཀྱང་རང་གིས་བྱེད་ན་གཉིས་འབྱུང་ལ། །འཆི་སྲིད་ཕྲ་མོར་རིག་བྱེད་ཡོད་མེད་དཔྱད། །སྡོམ་པའི་དབང་བྱས་དགེ་བ་བདུན་ཀྱང་གཉིས། །སྦྱོར་མཇུག་སྡོམ་པའི་སྦྱོར་མཇུག་གིས་སྤོང་ཞིང༌། །ཡིད་ཀྱི་གསུམ་ལ་སྦྱོར་མཇུག་མེད་གསུངས་ཕྱིར། །འགགས་མ་ཐག་པའི་ཆགས་སྡང་རྩ་བར་བཤད། །དགེ་དང་མི་དགེ་བ…

ཟག་བཅས་ཟག་མེད་སྤོང་ལམ་ལ་ལྔ་བཞི། །སྤོང་མིན་ཟག་བཅས་ཟག་མེད་ལ་བཞི་གསུམ། །དགེ་འབྲས་དགེ་ལ་རྣམ་སྨིན་མ་གཏོགས་བཞི། །མི་དགེར་སྐྱེས་བདག་གཞན་ལ་རྣམ་སྨིན་བསྣན། །མི་དགེའི་འབྲས་དགེར་སྐྱེས་བདག་མི་དགེ་ལ། །རྒྱུ་མཐུན་དང་བཅས་གཞན་ལ་རྣམ་སྨིན་བསྣན། །ལུང་བསྟན་མིན་འབྲས་དགེ་ལ་སྐྱེས་བདག་གཉིས། །གཞན་པ་གཉི་གར་དེ་སྟེང་རྒྱུ་མཐུན་བས…

ཉོན་མོངས་ཅན་ནི་རིགས་མིན་སྐྱེད་པ་སྟེ། །ཁ་ཅིག་སྤྱོད་ལམ་ཉམས་པའང་རིགས་མིན་ལོ། །རང་འགྲེལ་སེམས་མེད་སྙོམས་འཇུག་དག་གིས་ཀྱང༌། །རིས་མཐུན་པ་ནི་འཕེན་པར་མི་བྱེད་དེ། །ལས་དང་ལྷན་ཅིག་མི་འབྱུང་ཕྱིར་གསུངས་པས། །འཕེན་བྱེད་དེ་ཡི་ཚོགས་པའི་སྡོམ་པ་འམ། །སེམས་རྟེན་བཞི་པའི་དངོས་གཞི་གང་ཡིན་དཔྱད། །སྙོམས་འཇུག་ཐོབ་པར་བཅས་ཏེ་རྫོགས…

༈ ལས་དེའི་རྩ་བ་ཕྲ་རྒྱས་བྱེ་སྨྲས་ནི། །ཆགས་སོགས་དཔེ་སྟོན་ས་བོན་གནས་མས་ཐོབ། །ཕྲ་རྒྱས་ཉོན་མོངས་གཞི་གཅིག་ཐ་དད་སྨྲ། །འདིར་ཡང་ཐ་མའི་ཆགས་སོགས་ཕྲ་རྒྱས་མིན། །འཇུག་པའམ་བྱེད་བཅུ་མཆིམས་ཊཱིཀ་ལས། །རྩ་བ་བརྟན་བྱེད་ཐོབ་པའི་རྒྱུན། །རྒྱུད་གནས་བྱེད་པ་ཕྲ་རྒྱས་རྒྱུན། །ཞིང་ནི་རང་རྒྱུད་ཕྲ་རྒྱས་གཞིར། །རྒྱུ་མཐུན་སྒྲུབ་པ་ཉེ་ཉོ…

དུས་ཀུན་རྫས་ཡོད་རྟག་འགྱུར་ཡོད་མིན་ན། །ལྡན་པར་འགལ་ཞེས་རྩོད་ལ་བྱེ་སྨྲས་ལན། །མདོ་ལས་འདས་གཟུགས་ཡོད་པར་མ་གྱུར་ན། །ཞེས་དང་རྣམ་ཤེས་གཉིས་རྟེན་སྐྱེ་གསུངས་ཕྱིར། །རིགས་པས་འགྲུབ་སྟེ་དྲན་པའི་ཡུལ་ཡོད་ཕྱིར། །འདས་པའི་ལས་ཀྱིས་འབྲས་བུ་སྐྱེད་པའི་ཕྱིར། །ཐམས་ཅད་ཡོད་པར་སྨྲ་བས་ཡོད་སྨྲ་བ། །འབྲས་བུ་འདས་དང་མ་ཕྱིན་ད་ལྟར་ཡོད། …

དམིགས་པ་ཤེས་པས་སྤོང་བ་འདོད་པ་ཡི། །སྡུག་ཀུན་མི་མཉམ་ཀུན་འགྲོ་མིན་པ་བརྒྱད། །གོང་མའི་སྡུག་ཀུན་མཐོང་སྤང་སུམ་ཅུ་སྟེ། །མི་མཉམ་པ་ཡང་ཅིག་ཅར་སྤོང་ཕྱིར་རོ། །འགོག་ལམ་ཡུལ་ཅན་ལོག་ལྟ་ཐེ་ཚོམ་གཉིས། །ཁམས་དབྱེའི་བཅུ་གཉིས་དང་བཅས་ལྔ་བཅུ་འོ། །རང་ལ་དམིགས་པ་ཟད་པས་སྤོང་བ་ནི། །འདོད་པའི་སྐལ་བ་མི་མཉམ་ཀུན་འགྲོ་དགུ། །རང་གི་དམིགས…

ཡེ་ཤེས་ཡོངས་ཤེས་ཡོངས་ཤེས་དངོས་ཡིན་ལ། །སྤངས་པ་ཡོངས་ཤེས་རྒྱུ་མིང་འབྲས་བཏགས་སོ། །འོན་ཀྱང་འདིར་བསྟན་སྤངས་པའོ་དེ་ལ་ཡང༌། །མཐོང་དྲུག་སྒོམ་སྤང་སྤངས་པའི་ཡོངས་ཤེས་གསུམ། །དྲུག་ཀྱང་ཤེས་པའི་འབྲས་བུ་ཡིན་མོད་ཀྱི། །བཟོད་ཤེས་འབྲས་བུ་གཅིག་ཕྱིར་དེར་བཤད་ལ། །ལྷག་མ་གསུམ་ནི་ཤེས་པ་ཁོ་ནའི་སྟེ། །ཐོད་རྒལ་བཅུ་དྲུག་པ་ཡི་གཉིས་ཀྱ…

༈ མཐོང་དང་སྒོམ་པས་སྤོང་ཞེས་སྔར་བཤད་པའི། །ལམ་དང་མཐོང་བྱའི་བདེན་པ་འདིར་བཤད་དོ། །མཆིམས་ཊཱིཀ་མཐོང་ལམ་ཟག་མེད་རྒྱུ་མཚན་དུ། །མཐོང་སྤང་སྐོར་དགུ་མཉམ་སྤོང་འཇིག་རྟེན་པས། །དེ་མི་ནུས་གསུངས་ཕྱིར་ན་དེས་སྤོང་ཚེ། །འཇིག་ལྟའང་སྐོར་དགུར་ཕྱེ་ནས་སྤོང་ངམ་དཔྱད། །འདི་བས་ཟག་བཅས་ཐམས་ཅད་སྡུག་ཀུན་གཉིས། །དཔེ་སྟོན་ཀུན་འབྱུང་སྲེད་…

༈ ཆོས་བཟོད་བཟོད་ཤེས་གཉིས་ཀྱི་ཤེས་པ་མིན། །ཡུལ་དེར་ཐེ་ཚོམ་སྤངས་ནས་ངེས་མིན་ཕྱིར། །ཟད་ཤེས་ཚོལ་བའི་རང་བཞིན་ཅན་མིན་ཕྱིར། །ལྟ་མིན་འཕགས་བློ་གཞན་ནི་གཉིས་ཀ་སྟེ། །ཆགས་སོགས་བློ་ཡང་ལྟ་མིན་ཀུན་རྫོབ་ཤེས། །དེ་ཕྱིར་གཞན་ཤེས་ཞེས་གསུངས་དེའི་དམིགས་བསལ། །ལྟ་བ་དྲུག་ནི་ལྟ་དང་ཀུན་རྫོབ་ཤེས། །ཆོས་ཤེས་རྗེས་ཤེས་ཀུན་རྫོབ་ཤེས་གསུ…

གཞན་ཡང་ཀུན་ཏུ་བསྡུས་དང་རྣམ་གཡེང་དང༌། །ཞུན་རབ་བཟུང་ཤེས་སོགས་ལ་རྩོད་ཚུལ་མང༌། །ཆགས་པར་ཤེས་ཀྱང་ཆགས་ཡུལ་མི་ཤེས་ཏེ། །གཟུགས་ལ་དམིགས་ན་སེམས་ཤེས་མིན་པར་འགྱུར། །སེམས་ཙམ་ལུགས་ཀྱི་སེམས་ཤེས་དཔྱད་གཞི་ཆེ། །ཟད་དང་མི་སྐྱེ་ཤེས་པ་ཚོལ་མིན་ཕྱིར། །སེམས་ཤེས་ལས་བཀོལ་བར་ཆད་མེད་ཀྱང་བཀོལ། །ལྷག་མ་ཟད་དང་མི་སྐྱེ་རྣམ་བཅུ་བཞི། །རྗ…

ཐུགས་རྗེའི་ཁྱད་ཆོས་དྲུག་གོ་རྩ་བར་གསལ། །ཐུགས་རྗེ་ཆེ་དང་སྙིང་རྗེའི་ཁྱད་པར་བརྒྱད། །ངོ་བོ་གཏི་མུག་མེད་དང་ཞེ་སྡང་མེད། །རྣམ་པ་སྡུག་བསྔལ་གསུམ་དང་སྡུག་བསྔལ་དངོས། །དམིགས་པ་ཁམས་གསུམ་པ་དང་འདོད་ཁམས་ཙམ། །བཞི་པ་ཉིད་དང་མི་ལྕོགས་མེད་སོགས་རྟེན། །སངས་རྒྱས་ལ་ཡོད་ཉན་རང་སོ་སྐྱེར་ཡོད། །སྲིད་ལ་ཆགས་བྲལ་འདོད་ཆགས་བྲལ་ལས་ཐོབ།…

འགྲོ་དང་སྤྲུལ་པའི་དབྱེ་བ་རྩ་བར་གསལ། །མངོན་ཤེས་ཁོ་ནས་སྤྲུལ་མིན་སྤྲུལ་སེམས་ཀྱིས། །སྤྲུལ་ཕྱིར་དེ་ཡང་དང་པོར་རང་འོག་གཉིས། །ནས་བཟུང་བཞི་པར་ལྔ་སྟེ་བཅུ་བཞི་འོ། །འདོད་པའི་སྤྲུལ་སེམས་ལོགས་སུ་མ་བཤད་དེ། །བསམ་གཏན་སོ་སོ་འབྲས་བུ་བཤད་ཡིན་ལ། །དེ་ཡང་བཞི་པོ་གང་རུང་འབྲས་ཕྱིར་རོ། །དང་པོའི་འབྲས་བུས་འདོད་པའི་སྤྲུལ་སེམས་ཀྱ…

༈ བསམ་གཏན་ས་ནི་གསུམ་པ་ཡིན་ཞེས་སོགས། །གསུམ་པར་དེར་སྐྱེས་པ་དག་རབ་ཏུ་བཤད། །འདི་ཡིས་སེམས་པར་བྱེད་ཕྱིར་བསམ་གཏན་ནོ། །བསམ་གཏན་སས་བསྡུས་ཆ་བཞག་སེམས་རྩེ་གཅིག །སྙོམས་འཇུག་དོན་ནོ་ཉེར་བསྡོགས་དངོས་གཞི་གཉིས། །འོན་ཀྱང་སེམས་རྩེ་གཅིག་པ་ཏིང་འཛིན་ཡིན། །སྐྱེས་པའི་བསམ་གཏན་སྣོད་བཅུད་སྣ་ཚོགས་ཤིང༌། །ནམ་འཚོའི་བར་དུ་གནས་པར་མཆ…

ཡུལ་ལྔ་ཕོ་མོ་སྐྱེ་རྒ་མི་རྟག་སྟེ། །མཚན་མ་བཅུ་བྲལ་ལོ་སྐྱེ་འཕགས་དབྱེ་བ་ཡིས། །ཏིང་འཛིན་གསུམ་ལ་དག་པ་ཟག་མེད་གཉིས། །དེ་ལས་དྲི་མེད་རྣམས་ནི་རྣམ་ཐར་སྒོ། །ཡིག་ཆར་རྣམ་ཐར་སྒོ་ལ་དྲི་མེད་དག །གཉིས་ཕྱི་དྲི་མེད་ཕྱི་མ་ཐར་པར་སྦྱར། །ས་ནི་ཟག་མེད་ལམ་བདེན་བཞིན་དུ་དགུ། །སྟོང་ཉིད་སྟོང་པ་ཉིད་ཀྱིས་མི་སློབ་པའི། །སྟོང་ཉིད་ཏིང་ངེ…