གཙོ་བོར་མཛད་ཚུལ་གྱི་དྲ་བ་སྟེ་གསུམ་པའོ།། །།དེ་ནས་བཅད་རྒྱ་གནང་སྟེ་ཉམས་བཞེས་ལ་རྩེ་གཅིག་ཏུ་གཞོལ་བར་མཛད་ཅིང༌། ཐུན་མཚམས་སུ་རྒྱ་བོད་ཀྱི་མདོ་རྒྱུད་བསྟན་བཅོས་སོགས་ལ་གཟིགས་རྟོག་རྒྱ་ཆེར་གནང༌། སྐབས་ཤིག་ཏུ་བསྟན་པའི་གསལ་བྱེད་ཏ་ལེའི་ཧུ་ཐོག་ཐུ་སྐུ་བསྙུན་ཅུང་ཟད་བཞེས་པར་རྣམ་འཇོམས་ཀྱི་རྗེས་གནང་བྱབས་ཁྲུས་བཅས་ཞུས་པ་བཞིན…

ལྷུན་གྲུབ་རྩེར་གདན་དྲངས་པ་བཞིན་ཕེབས། བསྟན་པའི་རྩ་ལག་ཨ་ཀྱཱ་རིན་པོ་ཆེའི་ཐུགས་བཞེད་བཞིན་ཁོང་གིས་དབུ་མཛད་པའི་སེར་སྐྱ་སུམ་བརྒྱ་ལྷག་ཙམ་ལ་གདུགས་དཀར་གྱི་དབང་ཆེན་དང༌། རྗེའི་གསུང་འབུམ་ནང་གི་ལེ་ཚན་འགའ་ཞིག་གི་ལུང་སོགས་སྩལ། གཞན་དད་ལྡན་རྣམས་ཀྱི་མོས་འདུན་ལྟར་ཕྱག་དབང་དང་རིག་གསུམ་མགོན་པོའི་བཟླས་ལུང༌། བཀའ་བསྒོ། ལྗགས་…

པར། རྒྱུད་གྲྭའི་ལས་སྣེ་ཐུན་མོང་ནས་དཀར་ཆག་རྒྱས་པ་ཞིག་དགོས་ཞེས་རྗེ་ཉིད་ལ་བསྐུལ་མ་ཞུས་པ་ལྟར་ལྗགས་རྩོམ་མཛད། སྐྱབས་མགོན་ཆུ་བཟང་རིན་པོ་ཆེའི་མཆོག་སྤྲུལ་སྐུ་འབུམ་དུ་ཕེབས་པར། ཉིད་ཀྱི་བླ་བྲང་དུ་གདན་དྲངས་ནས་ཆོས་འབྲེལ་ཞུས་ཏེ་ཞབས་བརྟན་ཞུ་འབུལ་གང་རྒྱས་བསྟར། མཚོ་སྔོན་ཆིང་ཝང་བསོད་ནམས་རྡོ་རྗེས་ཁོ་རང་གི་སྡེ་པའི་དྲུག་…

རླབས་ཁོ་ན་ཡིན་གསུང༌། སུ་རུ་ཐོ་ལིའི་ཕྱོགས་ཆིབས་བསྒྱུར་གནང༌། དད་ལྡན་རྣམས་ཀྱི་འདོད་མོས་ལྟར་སེར་སྐྱ་ལྔ་བརྒྱ་སྐོར་ལ་ཀུན་རིག་གི་དབང་ལུང་སྣ་ཚོགས་བཅས་སྩལ། གཞན་སྦྱིན་བདག་སོ་སོའི་འདོད་མོས་བཞིན་བཀའ་བསྒོ། ལྗགས་བསྔོ་སོགས་ཀུན་གྱི་ཡིད་ཚིམ་པ་གནང༌། ཨུལ་ཅི་ཐུ་དའི་ཆིང་རྡོ་རྗེ་ཇ་སག་གིས་གདན་དྲངས་པ་བཞིན་ཕེབས། དཔོན་པོས་ཞུ…

ལྡན་འདས་ཀུན་རིག་རྣམ་པར་སྣང་མཛད་ཀྱི་ཆོ་ག་རྣམ་དག་སྔོན་དུ་འགྲོ་བའི་སྒོ་ནས་དབང་བསྐུར་ཕྱག་ལེན་བཞིན་མཛད་དེ་འཁོར་བ་སྤྱི་བྱེ་བྲག་གི་དུཿ ཁ་ལས་བསྒྲལ་ནས་མངོན་མཐོ་ངེས་ལེགས་ཀྱི་དཔལ་ལ་བཀོད། སླར་སྐུ་འབུམ་དུ་ཕེབས། ཟླ་བ་ཁ་ཤས་ཀྱི་རིང་ལ་བཅད་རྒྱ་བསྡམས་ནས་རྡོ་རྗེ་རྣལ་འབྱོར་མའི་ལྗགས་བསྙེན་མཛད་ཅིང༌། མཇུག་ཏུ་ཉིན་ཉི་ཤུ་རྩ་ག…

བརྒྱུད་དེ་སུ་ཉིད་དང་དུར་བེད་གཉིས་ཀྱི་ས་མཚམས་པཱ་ཡན་ཟེར་བའི་ས་ནས་གདན་འདྲེན་ཞུ་མི་གཙོ་བོ་སུ་ཉིད་གཡས་རུའི་ཝང་རཏྣ་སིདྡྷི་དང༌། སྐུ་མཆེད་མཁན་པོ་བླ་མ་སངས་རྒྱས་བཀྲ་ཤིས། ཏཱ་བླ་མ་བསོད་ནམས་ཉི་མ་སོགས་ཀྱིས་གཙོས་འབངས་བློན་སེར་སྐྱ་མང་པོས་ཆིབས་བསུ་ཞུས། ཧོ་ཤོས་ཀྱི་དགོན་པ་བདེ་སྐྱིད་གླིང་དུ་ཕེབས་ཏེ་རྟེན་འབྲེལ་གྱི་ཐོག་མ…

མའི་འཕོ་ཁྲིད། གདུགས་དཀར་གྱི་རྗེས་གནང༌། སྒྲོལ་དཀར་དང་སྐུ་ལྔའི་རྗེས་གནང༌། རབ་འབྱམས་པ་བློ་བཟང་ཉི་མས་ཞུས་ངོར་སྒྲོལ་དཀར་གྱི་རྗེས་གནང་ལུང་སྣ་ཚོགས། ཀིརྟི་བླ་མའི་འདོད་མོས་བཞིན་བདེ་མཆོག་དཀར་པོ་དང་སྒྲོལ་མའི་རྗེས་གནང་སོགས་གནང༌། དུར་བེད་ཐུ་ས་ལཀྖི་མེརྒེན་ཏཱ་ཆིང་ནས་གདན་དྲངས་པར་མི་འཁྲུགས་པ་ལྷ་དགུའི་དབང་སྟ་གོན་བཅས།…

རྫིང་མེ་རིན་གྱིས་མཆོད་པའི་གྲྭ་ཚང་ལ་ཕེབས། འདུས་ཚོགས་ཉིས་བརྒྱ་ཙམ་ལ་དགའ་ལྡན་ལྷ་བརྒྱ་མའི་ཁྲིད་ལུང་སྩལ། མཚོ་བདུན་དུ་ཆིབས་ཁ་བསྒྱུར་བའི་ལམ་དུའང་བླ་དཔོན་སེར་སྐྱ་དྲག་ཞན་ཉིས་སྟོང་བརྒལ་བ་ལ་ཕྱག་དབང་དང༌། སོ་སོའི་མོས་པ་ལྟར་དབང་རྗེས་གནང་ལུང་ཁྲིད་སོགས་སྩལ་ཏེ་སྐྱེ་བོ་ཀུན་གྱི་ཡིད་ཚིམ་པར་བྱས་ནས་མཚོ་བདུན་ཨ་ཀྱཱ་རིན་པོ་ཆ…

ཚེ་རབས་ཀུན་ཏུ་རྗེས་སུ་འཛིན་པའི་སྐྱབས་འཇུག་ཅེས་གནས་ཚུལ་རྣམས་ཞིབ་རྒྱས་གསུངས། ཉིད་ནས་ཀྱང་ལྷ་རྫས། དངུལ་མཎ། སྐུ་གསུང་ཐུགས་རྟེན་སོགས་ཕུལ་ཏེ་སྐྱབས་འཇུག་ནན་ཏན་ཞུས། དེ་ནས་རྗེ་ཐམས་ཅད་མཁྱེན་པ་ལྕང་སྐྱ་རོལ་པའི་རྡོ་རྗེའི་མཆོག་སྤྲུལ་རིན་པོ་ཆེར་མཇལ་བར་ཕེབས་པས། ལྕང་སྐྱ་རིན་པོ་ཆེས་གཟིགས་པ་ཆེ་བཞེས་ཀྱིས་བཀའ་མཆིད་མང་དུ་…

གནས་མང་པོ་བཀྲོལ་བས་ཆོས་ཀྱི་དགའ་བས་རོལ་པར་གྱུར། སྐབས་ཤིག་ཏུ་ཨོར་དུ་སུ་ཅཱུན་གར་ཏཱ་པཻ་ཟིའི་སྲས་མོ་གཉིས་ལ་གདོན་གྱིས་ཟིན་ཏེ་ཅི་བྱ་གཏོལ་མེད་དུ་གྱུར་ནས་མགོན་སྐྱབས་སུ་གདན་དྲངས་པ་བཞིན་ཕེབས། ཕྱག་དབང་བཀའ་བསྒོ། སྲུང་མདུད་སོགས་སྩལ་བས་བུ་མོ་གཉིས་དྲན་མེད་དུ་བརྒྱལ་ཞིང༌། བརྒྱལ་སངས་ནས་ཁོ་རང་གཉིས་ཀྱི་སྲོག་སྐྱོབ་དགོས་ཚུ…

བརྒྱུད་དེ་གླང་ཆེན་དལ་འགྲོས་ཀྱིས་ཕེབས་པའི་ལམ་ཞོར་དུ་ཆ་ཧར་ཀུ་ལུ་ཨོ་ལཱན་ཤོག་གི་དཔོན་པོ་བཀྲ་ཤིས་ཙུན་ཏཱ་མི་སྡེ་བཅས་ལ་སྒྲོལ་དཀར་དང་སྒྲོལ་ལྗང་སོགས་ཀྱི་རྗེས་གནང༌། སེང་གདོང་མའི་སྒྲུབ་ཐབས་ཀྱི་ལུང༌། བཟླས་ལུང་འགའ་ཞིག་བཅས་སྩལ། དེ་ནས་ཆ་ཧར་ཀུ་ལུ་ཨོ་ལཱན་ཤོག་གི་སཱོ་ཉིག་དགོན་པ་བསྟན་པ་དར་རྒྱས་གླིང་དུ་ཕེབས། དད་ལྡན་རྣམས…

གི་རྣལ་འབྱོར་སོགས་ལམ་ཐུན་མོང་དང་ཐུན་མོང་མ་ཡིན་པའི་ཉམས་བཞེས་ཆ་ཚང་བ། མཇུག་ཏུ་སྨོན་ལམ་རྣམ་ལྔ་བསྟན་འབར་མ་སོགས་གསུང་སྟེ་བསྟན་འགྲོའི་དོན་དུ་བསྔོ་བའི་སྤྱན་དམིགས་ནན་ཏན་མཛད་ཅིང་ཕྱག་མཆོད་སྐོར་བ་སོགས་གང་རྒྱས་གནང༌། དེ་ནས་དུན་ཐེའམ་ཝང་ཧེ་སྤུང་ཞེས་ཐུགས་མི་བསྐྱོད་པའི་གནས་ཤར་རིའི་རྩེར་བྱོན། རྟེན་རྣམས་ལ་མཆོད་མཇལ་གནང་…

སྟེང་དུ་བླ་མཆོད་དང་ཁྲུས་གསོལ་སོགས་བསྣན་ཏེ་སྨོན་ལམ་རྣམས་དང་བསྟན་འབར་མ་བཅས་གསུང་ཞིང་བསྟན་པ་རྒྱས་པའི་ཐུགས་སྨོན་རྒྱ་ཆེར་མཛད། དཔོན་པོ་ཏེམ་མཆི་བླ་མ་དང་གྲྭ་རིགས་རྣམས་ཀྱི་འདོད་མོས་བཞིན་དགའ་ལྡན་ལྷ་བརྒྱ་མ་དང་རིགས་གསུམ་མགོན་པོའི་སྙིང་པོའི་ལུང་སོགས་སྩལ། ཇིང་ཧེ་ཟི་ཟེར་བའི་ལྷ་ཁང་དང༌། ཁྱུད་ས་རིའི་མཆོད་རྟེན་ཆེ་བ་དང…

དོར་ལེགས་པར་བྱས་ནས་རྗེ་འདི་པ་གདན་དྲངས་ཏེ་བཞུགས་སུ་བཅུག །དེའི་མཚན་གྱི་རིང་ཡོངས་རྫོགས་ལ་རྗེ་ཉིད་དང་ཧྭ་ཤང་གསུམ་ག་ལྷན་དུ་བཞུགས། ཞབས་གྲས་རྣམས་ཁང་བ་ལོགས་ཤིག་ཏུ་བཞག་སྟེ། རྣམ་པ་བཞི་པོས་ཆོས་ཀྱི་བགྲོ་བ་འབའ་ཞིག་གིས་དུས་འདའ་བར་མཛད། སྐབས་ལ་ལར་རྣམ་པ་བཞི་གས་རྒྱ་སྐད་ཀྱི་མ་ཎི་གསུང་གིན་འདུག་པ་འགའ་ཞིག་གིས་ཐོས་ནས་ཡ་མཚན…

བཅད་དེ་དག་ཤིན་ཏུ་བསྒྲིམ་ནས་བློར་གཟུང་སྟེ་བརྗེད་ཐོར་བྲིས། དེ་ནས་ཕེབས་ཏེ་གོམ་པ་ལྔ་བཅུ་ཙམ་སོང་དུས་གྲྭ་པ་ཞིག་གིས་ཁ་ཏོན་གྱི་དཔེ་ལུས་པ་དྲན་ནས་ཕྱིར་ལེན་རྒྱུར་སོང་ཚེ་ཧྭ་ཤང་གསུམ་ག་མི་འདུག་པར་མ་ཟད་བསྡད་ཤུལ་སོང་རྗེས་ཅི་ཡང་མེད་པར་ཁང་སྟོང་དུ་སྣང་ཞེས་ཚུར་འོང་ནས་བཤད་པས། གྲྭ་པ་ཐམས་ཅད་ཀྱིས་གཞི་བཟུང་ནས་གཏན་ཆགས་སུ་བསྡ…

ཀྱིས་བསྙེན་བཀུར་ཞུས། དེ་ནས་རྒྱབ་ཀྱི་འཇམ་དབྱངས་རང་བྱོན་གྱི་ལྷ་ཁང་འཇམ་དཔལ་སྡེ་ཆེན་ཟེར་བ་དང༌། ཕུ་ས་ཏིང་གི་མདུན་ན་ཆོས་རྒྱལ་མྱ་ངན་མེད་ཀྱིས་བཞེངས་པར་དགྲ་བཅོམ་པ་མ་ཏིང་གིས་ལུང་བསྟན་པ་གནས་ཆེན་འདིའི་ལྟེ་བ་དང་རྟེན་གཙོ་ནོར་བུ་ཆེན་པོའི་མཆོད་རྟེན་བྱ་བའི་མཆོད་རྟེན་དཀར་པོ་ཆེན་པོ་བཅས་ལ་མཇལ་ནས་སྐོར་ཕྱག་མཆོད་པ་ཞལ་འདོན…

གཉེར་ལ་མཆོད་སྒྲོན་ཐེབས་དང༌། མཆོད་པ་ཐམས་ཅད་ཤིན་ཏུ་གཙང་སྦྲ་ཐོན་ངེས་དང་མགོ་མཇུག་སྙོམས་པ་རྒྱ་གང་ཆེ་བསྟར། གནས་དེར་བཞུགས་པའི་གྲྭ་ཚང་ཆེ་ཕྲ་སོ་སོར་མང་ཇའི་དོད་དངུལ་སྲང་བཅུ་ཡན་ཆད་ཀྱིས་བསྙེན་བཀུར་ཞུས། དེ་ནས་འཇམ་དབྱངས་གོང་མའི་གསེར་གྱི་རྒྱལ་ཁབ་ཆེན་པོར་ཕེབས་ཡུང་ཧྭའ་གུང་གི་ཨ་ཀྱཱ་བླ་བྲང་དུ་བཞུགས་གནས་མཛད། ནང་རྟེན་ཙན…

བྱིན་གྱིས་རློབས་ཤིག །བདག་ནི་ཐག་རིང་ཡུལ་གྱིས་བསྐལ་ཡང༌། །སྔོན་བསགས་དགེ་བའི་རླུང་གིས་བསྐྱོད་དེ། །ཕྱི་དང་ནང་གི་ཉེར་འཚེ་མེད་པར། །ཞིང་མཆོག་འདི་རུ་བདེ་བར་འབྱོར་རོ། །ཨ་ལ་ལ་དགའ་བའི་སྐྱིད་གླུ་ལེན་ནོ། །བརྩེ་བའི་གཏེར་ཆེན་ཐུགས་རྗེ་ལས་འོངས། །ཡན་ལག་བརྒྱད་ལྡན་བདུད་རྩིའི་བཅུད་ཅན། །བཀྲ་ཤིས་དགེ་མཚན་ཆགས་པའི་གནས་སུ། །ལམ…

བརྒལ་ཏེ། །ཐར་པའི་ཐེམ་སྐས་མཆོག་ཏུ་འཛེག་གོ །ཨ་ལ་ལ་༝ ནང་གི་སེམས་དང་ཕྱི་ཡི་གནས་ཀྱི། །ཁྱད་པར་མཐུན་པ་དེ་ལྟ་ལགས་ན། །མགོན་ཁྱོད་ཐུགས་རྗེ་ཅིར་ཡང་འགྱུ་བས། །འགྲོ་རྒྱུད་སྨིན་པར་མཛད་པ་ཡིན་ནོ། །ཨ་ལ་ལ་༝ བདག་གི་སྔོན་བསགས་ལས་སྨོན་བཟང་ཞིང༌། །དེང་འདིར་མོས་གུས་ཁ་ཞེ་མེད་པ། །གནས་ཀྱི་ཁྱད་པར་ཕྱི་ནང་མཐུན་པས། །ངོ་མཚར་དགེ་སྦྱོ…

ཅིག །རིགས་དྲུག་སྡུག་བསྔལ་ཀུན་ཀྱང་སྦྱངས་སོ། །ཞེས་པ་འདི་གཅིག་པུས་ཆོག་པ་ལྟ་བུར་སྣང༌། བྱང་ཆུབ་མཆོག་ཏུ་གཞོལ་བའི་རྒྱུད་གཅིག་པུ། །ཉམས་དགུར་དྲི་ཟའི་འཕང་འགྲོ་བརྡུང་བའི་སྒྲས། །སྲིད་ཞིའི་མཐའ་ལ་བརྟེན་པའི་གྲུ་གཟིངས་ནི། །དུམ་བུར་གཞིག་པའི་ངང་ཚུལ་ཨེ་མ་རྨད། །ཅེས་ཀྱང་གཏམ་དུ་བྱའོ། །ཡང་འདི་སྐད་གསུངས་ཏེ། ཞིང་རབ་འབྱམས་རྒ…