དུ་ཞབས་པད་བརྟན་ཅིང་ཆོས་སྲིད་ཀྱི་འཕྲིན་ལས་ཕྱོགས་བཅུར་རྒྱས་པ་དང༌། འཇིག་རྟེན་གྱི་ཁམས་ཀུན་ཏུ་དགེ་མཚན་རྫོགས་ལྡན་བཞིན་འབྱུང་ཞིང༌། ཁྱད་པར་ཕྲན་མི་ཉག་ཧོ་ཐོག་ཐུའི་སྒོ་གསུམ་གྱི་བགྱི་བ་མཐའ་དག་རྗེའི་བསྟན་པ་འབའ་ཞིག་གི་ཞབས་འདེགས་སུ་འགྱུར་བ་སོགས་ཀྱི་སྐྱབས་འཇུག་དང་ཞུ་འབུལ་རྣམས་མདོ་རྒྱུད་ཀྱི་ལུང་གི་རྒྱབ་རྟེན་བཅས་ཞུས་…

དེང་ངེད་ཅག་ལྷན་རྒྱས་ནས་སྨོན་ལམ་ལ་འགྲོ་གསུང་བ་སོགས་ཐུགས་བརྩེ་བའི་གསུང་ལྷུག་པར་གནང༌། རྒྱལ་བའི་མདུན་དེར་རྗེ་འདི་པ་ལ་རྒྱལ་ཚབ་རིན་པོ་ཆེ་དང༌། བཀའ་བློན་རྣམས་དང༌། སྐུ་མདུན་མཁན་པོ་སོགས་མི་དྲག་ཐམས་ཅད་ནས་ཆོས་ལྡན་གྱི་ཐུགས་བཞེད་གྲུབ་པའི་རྟེན་འབྲེལ་དུ་ལྷ་རྫས་མཛོད་བཏགས་རེ་སྩལ། དེ་ནས་༸རྒྱལ་དབང་ཐམས་ཅད་མཁྱེན་པའི་ཞབས་…

རིན་པོ་ཆེའི་ཞལ་ཉིན་ལྟར་མཇལ། ལྷ་ལྡན་སྨོན་ལམ་གྱི་མཆོད་པ་དང༌། གཏོར་རྒྱག །བང་རྩལ་འགྲན་པ་སོགས་ཀྱི་ལྟད་མོ་སྣ་ཚོགས་ལའང་གཟིགས། ༸རྒྱལ་དབང་ཐམས་ཅད་མཁྱེན་པ་པོ་ཏ་ལར་ཆིབས་ཁ་བསྒྱུར་དུས་ཆིབས་སྐྱེལ་དུ་ཕེབས་རྩིས་བྱས་པར་ཁྱེད་དགུང་ལོ་བགྲེས་པས་འོ་བརྒྱལ་བར་འདུག །བསྐྱོད་མི་དགོས་ཞེས་བཀའ་ནན་ཕེབས། དེ་ནས་སེ་ར་ཐེག་ཆེན་གླིང་དུ་…

དགེ་བཤེས་ཤིག་ཞབས་ཕྱིར་སོང་བས་སྐོར་ལམ་གྱི་སངས་རྒྱས་བྱང་སེམས་མང་པོའི་སྐུ་རང་བྱོན་དང༌། ཕྱག་ཞབས་ཀྱི་རྗེས་སོགས་འདུག་པའི་རྒྱུ་མཚན་ཞུས་པ་ལྟར་གྱི་ཐོ་ཡིག་དང་ལོ་རྒྱུས་ཕྱག་བྲིས་སུ་མཛད། འདུས་ཚོགས་སུ་མང་ཇ་ཁ་ཤས་དང་སྐུ་འགྱེད་དངུལ་སྐར་ཕྱེད་བརྒྱད་རེ་ཕུལ། བྱང་རྩེ་གྲྭ་ཚང་དང་ཤར་རྩེ་གྲྭ་ཚང་སོ་སོར་ཡང་མང་ཇའི་བསྙེན་བཀུར་ཞུ…

ལ་རྟེན་མཇལ་མཛད། འདུས་ཚོགས་ལ་སྐུ་འགྱེད་དང་མང་ཇའི་དོད་ཕུལ། དེ་ནས་ལྷ་སར་བྱོན། ཡོངས་འཛིན་དགའ་ལྡན་ཁྲི་རིན་པོ་ཆེ་མཁས་གྲུབ་བྱེ་བའི་གཙུག་རྒྱན་དམ་པ་བསྟན་པའི་སྲོག་ཤིང་རྗེ་ངག་དབང་སྙན་གྲགས་ཞལ་སྔ་ནས་ཀྱི་དྲུང་ནས་ལམ་རིམ་མཆན་བཞི་མའི་ཁྲིད་ཉིན་ཉི་ཤུ་ལྷག་ཙམ་གྱི་རིང་ལ་གསན། ཡང་གསང་འདུས་དང་བདེ་མཆོག་སྔགས་བཏུ་གཉིས་ཀྱི་རྗེས…

པར་གཟིགས་རྟོག་མཛད། དཀྱིལ་འཁོར་བཞེངས་གྲུབ་ནས་སྒྲུབ་མཆོད་དངོས་གཞིའི་ཉིན་གཅིག་༸རྒྱལ་དབང་ཐམས་ཅད་མཁྱེན་པ་ཚོགས་དབུར་ཕེབས་སྐབས་རྗེ་འདི་པས་སྤོས་སྣ་བྱས་ཏེ་ཕེབས་པས། རྒྱལ་བའི་དབང་པོ་མཆོག་གིས་ཀྱེ་སྐུ་འབུམ་མཁན་ཟུར་ཞེས་འབོད་པ་གནང་ཞིང༌། འདི་པའི་ཕྱག་ནས་ཁྲིད་དེ་བརྩེ་བའི་གསུང་མང་དུ་བྱོན་ཞིང་མཐར། ངེད་ཅག་ལྷན་དུ་སྨོན་ལམ…

ལམ་ཚོགས་དབུ་སོགས་བྱེད་དགོས་པས་དགའ་སྟོན་མཐར་ཕྱིན་པ་ཞིག་མི་འོང་ཞིང༌། ལྷག་པར་ནག་ཟླའི་དུས་ཆེན་ལ་གཉིས་མེད་དུས་ཀྱི་འཁོར་ལོའི་སྒྲུབ་མཆོད་དང་འབྲེལ་བའི་ཐུགས་སྨོན་རླབས་ཆེན་འདི་ཚོ་མཛད་རྒྱུའི་སྟེང་དུ་མི་ཁེལ་བས། དགུན་དུས་ཚ་དྲག་གིས་མི་སྔ་མི་འཕྱི་བར་དུས་ཐོག་འདི་རང་ལ་ཕེབས་པ་དང༌། ༸རྒྱལ་དབང་མཆོག་ནས་ཀྱང་སྐྱེ་བའི་འཕྲེང…

འཛིན་ཁྲི་རིན་པོ་ཆེ། དགེ་འདུན་འདུས་པའི་ཚོགས་དང་ལྷན་ཅིག་ཏུ་ངེད་རང་གིས་ཀྱང་སྨོན་ལམ་ལེགས་པར་བཏབ། དེར་མ་ཟད་༸རྒྱལ་དབང་རིན་པོ་ཆེས་ཐུགས་མཉེས་པའི་གསུང་རྡོ་རྗེའི་ཚིག་བསམ་གྱིས་མི་ཁྱབ་པ་ལྷུག་པར་སྩལ་བས་བཀའ་དྲིན་ནི་འཁོར་མཐའ་མ་མཆིས་པ་བྱུང༌། རང་གི་འབྱོར་ཚོད་ཀྱིས་ཇོ་ཤཱཀ་རྣམ་གཉིས་སོགས་རྟེན་ཀུན་ལ་མཆོད་པ། རྒྱལ་བ་ཡབ་སྲས…

བཞེས་གནང༌། གནས་ཚུལ་དེ་ཐོས་ནས་དཔྱོད་ལྡན་མང་པོས། ཁོང་མདོ་སྨད་དུ་ཆོས་སྲིད་རླབས་ཆེན་དེ་འདྲ་ལ་ཐུགས་ཀྱིས་རྦད་ཆོད་མཛད་དེ། རྡོ་རྗེ་གསུམ་དང་གཏད་པ་བཞི་བུད་བསྙེགས་ཐོབ་གསུམ་གྱི་རྣམ་ཐར་བཀའ་གདམས་གོང་མའི་མཛད་སྲོལ་གྱི་བཞེད་པ་དེ་འདྲ་བྱུང་བ་འཆིང་བ་ནང་ནས་གྲོལ་བའི་ཁྱད་ཆོས་སུ་འདུག་ཅེས་ཆོས་ཀྱི་རྗེས་སུ་འབྲང་བའི་བསྔགས་པའི་…

བཅས་སྲིད་ན་རྙེད་དཀའི་རྟེན་གྱི་སྐོར་ཕལ་ཆེར། རྒྱལ་བའི་ཡུམ་རྒྱས་པ་དུམ་པ་བཅུ་གཉིས། དགའ་ལྡན་བསྟན་པའི་གསལ་བྱེད་ཤ་ཅིན་ས་རིག་ཆི་ཨེར་ཏི་ནི་མཁན་པོ་ཞེས་གཟེངས་བསྟོད་ཀྱི་ཆོ་ལོ་དང་བཀའ་ཤོག་ཐམ་ག་གྲུབ་སྒོར་དང་བཅས། ཆེན་པོའི་ཉེར་སྤྱད་རྟ་དར་ཆ་སོགས་དང༌། ན་བཟའི་སྐོར་ཆ་ཚང་བཅས་བདག་རྐྱེན་སྤམ་མཐོ་བ་སྩལ། ༸རྒྱལ་དབང་རིན་པོ་ཆེས་…

མདོ་སྨད་དུ་གདན་འདྲེན་བྱེད་རྒྱུའི་ཐུགས་བཞེད་བཞིན་འཕགས་ཡུལ་གྱི་བསྟན་བཅོས་བོད་དུ་འགྱུར་རོ་ཅོག་ཆ་ཚང་བ་སྣག་ཤོག་སྤུས་ལེགས། སྐུའི་རྟེན་སྟོན་པ་ཐུགས་རྗེ་ཅན་གྱི་རྟོགས་བརྗོད་དཔག་བསམ་འཁྲི་ཤིང་གི་བྲིས་ཐང་བཅོ་ལྔ་གོས་ཆེན་ཁྱད་མཚར་གྱི་གོང་བཤམ་བཅས། ༸རྒྱལ་དབང་ཐམས་ཅད་མཁྱེན་པའི་སྐྱེས་རབས་ཞལ་ཐང་བཅུ་ལྷག་གོང་མཚུངས། རྗེ་གླི…

སྤེལ། །སྲས་བཅས་རྒྱལ་བའི་འཁོར་ལོ་བསྙེན་པ་ཡིས། །དངོས་གྲུབ་གཉིས་ཀྱི་དགའ་སྟོན་མགྲོན་དུ་ཁུགས། །ཞེས་དགེ་ལྡན་བསྟན་པའི་རྩ་ལག་མཁས་ཤིང་གྲུབ་པའི་དབང་ཕྱུག་རྗེ་བཙུན་བླ་མ་དམ་པ་ཚུལ་ཁྲིམས་བསྟན་པའི་ཉི་མ་དཔལ་བཟང་པོའི་རྣམ་པར་ཐར་པ་ནོར་བུའི་དོ་ཤལ་ལས། དབུས་འགྱུར་གྱི་ལྗོངས་སུ་བསྟན་འགྲོའི་དོན་མཛད་ཚུལ་གྱི་དྲ་བ་སྟེ་ལྔ་པའོ།། …

ལ་ཡང་འདབ་ལྟར་མཉེན། །ཞེ་སྡང་ཚ་གདུང་ལ་ཡང་ཤིན་ཏུ་བསིལ། །ཞེས་གསུངས་པ་བཞིན་ནོ། །འོན་ཀྱང་ཆོས་སྲུང་རྣམས་ཀྱི་མཐུས་སྐད་ཅིག་དེ་ཉིད་དུ་ནམ་མཁའ་གཡའ་དག་པ་ལ་གློ་བུར་དུ་རླུང་དམར་དྲག་པོ་འཚུབ་པ་དང་ལྷན་ཅིག་པར་སྤྲིན་ཤིན་ཏུ་མདོག་ནག་ཅིང་མི་སྡུག་པ་འཁྲིགས་ནས་མུན་སྲོས་པ་བཞིན་གྱུར། འབྲུག་སྒྲ་བཟོད་དཀའ་བ་སྒྲོགས་ཤིང་ཕྱོགས་ཀུན་ཏ…

ནི་བྱང་ཆུབ་ཀྱི་སེམས་རིན་པོ་ཆེའི་གཟི་བྱིན་ཡིན་ཏེ། བྱང་ཆུབ་ཆེན་པོའི་སྐྱེས་པའི་རབས་ལས། བསོད་ནམས་གཞི་ལས་འབར་བའི་ཡོན་ཏན་རྣམས། །ནན་ཏན་སྒྲུབ་པའི་བྱིན་གྱིས་དགའ་བར་འགྱུར། །དགྲ་ཡང་རང་གི་གྲགས་པ་བསྲུང་བའི་ཕྱིར། །ལྷག་པར་བཀུར་སྟི་བྱེད་པ་ཉིད་དུ་གྱུར། །ཅེས་གསུངས་པ་བཞིན་ནོ། །ཕ་རོལ་གྱི་གནོད་པ་བརྩམ་པའང་གྲོགས་སུ་འཁྱེར་…

གི་ཨུ་གེར་འབྱོར་ཕྱོགས་དེའི་དད་ལྡན་རྣམས་ལ་ཕྱག་དབང་དང་བྱིན་རླབས་སོགས་མོས་པ་བཞིན་སྩལ། དེ་ནས་བུ་ཧའི་ཆུ་ཁར་བྱོན་དུས་ཕྱག་མཛོད་ཆེ་ཆིང་ཆོས་རྗེ་རབ་འབྱམས་པ་ཚུལ་ཁྲིམས་ཆོས་འཛིན་ངོ་གཡོག་རྣམས་བསུ་བར་འབྱོར་ཏེ་གཞི་བྱེས་ཞལ་འཛོམས་པའི་དགའ་སྟོན་མངོན་དུ་གྱུར། དེ་ནས་ཝང་ཚེ་རིང་དོན་གྲུབ། པེ་ཟི་རཏྣ་སིདྡྷི། ཛ་སག་དའི་ཆིང་རྡོ་…

ཡོངས་ནས་བརྟན་བཞུགས་ཕུལ། ཉིད་ནས་སྐུ་འབུམ་འདུས་སྤྱིའི་རྟེན་དུ་༸རྒྱལ་དབང་ཐམས་ཅད་མཁྱེན་པར་ཞུས་ནས་གདན་དྲངས་པའི་ཐུབ་དབང་གི་སྐུ་བརྙན་འདུ་ཁང་ཆེན་མོར་བཞུགས་སུ་བཅུག །པཎ་ཆེན་རིན་པོ་ཆེར་ཞུས་ནས་འདུས་སྤྱིར་བསླབ་བྱ་གནང་བའང་དགེ་འདུན་མང་གི་སྙན་ལམ་དུ་སྒྲོགས་སུ་བཅུག །དེ་ནས་ཁྲི་ཀའི་ཕྱོགས་སུ་བྱོན་ཏེ་རྟེན་ལ་མཆོད་འབུལ་དང༌…

ཕེབས་ཏེ་ཟི་ལིང་དུ་མཇལ་ཕྲད་གནང་ཞིང་སྐུ་འབུམ་ཆོས་སྡེར་ལྷན་དུ་ཕེབས། དེ་སྐབས་རྗེ་འདི་པའི་སྐུ་ཅུང་ཞིག་བསྙུང་ཚུལ་བསྟན་པར་བརྟེན་ཨ་ཀྱཱ་བླ་བྲང་ཉིད་དུ་རྗེ་འདི་པ་གདན་དྲངས་ནས་ཨ་ཀྱཱ་རིན་པོ་ཆེས་བླ་མཆོད་དུས་བཟང་དང་འབྲེལ་བའི་ཞབས་བརྟན་གནད་སྨིན་ཕུལ་བས་རྟེན་འབྲེལ་གྱི་ཞལ་བཞེས་བཟང་པོ་གནང༌། ཡང་བསྐྱར་ཨ་ཀྱཱ་བླ་བྲང་ནས་ཚོགས་…

པ་ཟློག་ཚུལ་མེད་པས་ལོ་ཁ་ཤས་ལ་བཞུགས་རྒྱུའི་གནས་ཚུལ་རྣམས་རང་ཉིད་ཀྱིས་ཕྱག་བྲིས་མཛད་དེ་རྒྱས་བཏབ་ནས་མགྲོན་གཉེར་རབ་འབྱམས་པ་ངག་དབང་བསྟན་འཛིན་ལ་གནང་སྟེ། རྗེ་ཨ་ཀྱཱ་རིན་པོ་ཆེའི་དྲུང་དུ་ཕུལ་བར། ཁོང་གིས་གཟིགས་ཏེ་ཕྱག་ཐལ་མོ་སྦྱར་ནས་ཕ་བླ་མ་རྡོ་རྗེ་འཆང་ཆེན་པོ་ཞབས་པད་བརྟན་པར་བཞུགས་པའི་ཞལ་བཞེས་བློ་གདེང་ཐུབ་པའི་གསུང་རྡ…

མོད། །ཡོངས་སྐྱོ་ཤས་ཁོ་ནས་འདའ་བར་མཛད། །ཚུལ་འདིས་ཀྱང་ཅུང་ཟད་ཡིད་མ་ཆེས། །དོན་དེ་སླད་སློབ་བུའི་ཐ་ཤལ་བདག །སེམས་ལས་ཀྱི་ཁུར་བོས་ནོན་ན་ཡང༌། །ཅི་བྱེད་ཀྱི་བློ་ལྷུས་མ་ཐིངས་པར། །ཞག་ཤས་ཤིག་འགྱང་ཞིང་ཐལ་བར་གྱུར། །དེ་རྗེས་སུ་དབེན་པའི་རི་སུལ་འདིར། །གཅིག་པུ་རང་མནོ་བསམ་བཏང་བའི་ཚེ། །འཛེམ་མེད་དུ་ཞུ་དགོས་སྤོབས་པ་སྐྱེས། །…

རྟེན་ཁེབ་བཅས་གུས་ཕྱག་དང་བཅས་གསོལ་བ་བཏབ་པ་ལགས། ཞེས་པའོ། །ཁྱི་ཕག་གཉིས་ཀྱི་ལོ་གསར་རྙིང་གི་མཚམས་འདིར་ལྷག་པར་ཐུགས་སྣ་བསྟུང་བའི་རྣམ་པ་མཛད་པ་ནི། རྗེས་མའི་ལོ་མགོར་ཡང་དབུས་ནས་༸རྒྱལ་དབང་ཐམས་ཅད་མཁྱེན་པ་དག་ཞིང་དུ་ཕེབས་འདུག་པས་དུས་ཚོད་དེ་འདྲ་ཞིག་ལ་རྗེ་འདིའང་ཞིང་ཁམས་གཞན་དུ་འབྱོན་རྒྱུའི་དགོངས་བཞེད་ཡིན་འདུག་ནའང༌། ས…