རྣམས་ནི་ཆོས་ཀྱི་སྐུ། །ཞི་བ་འདུ་མ་བྱས་པས་རབ་ཏུ་ཕྱེ། །འོན་ཀྱང་སྟོབས་སོགས་བསྟན་དུ་རུང་བ་ཡི། །རྣམ་པར་འཕྲུལ་འདི་བསོད་ནམས་འཇུག་ངོགས་ཡིན། །སྒོ་གསུམ་ལེགས་བྱས་སྲོལ་དུ་བཙུད་པའི་རྒྱུན། །རྟག་གུས་སྦྱོར་བའི་བརྟན་པ་མ་སྙིགས་པས། །བསོད་ནམས་ཕུང་པོ་རྣམ་འགྱུར་དང་བཅས་བཞིན། །གྲུབ་འདི་བྱེད་པོའི་རི་མོ་ཡོངས་སུ་སྨིན། །སྔོན་རབ…

རྒྱལ་བའི་བཀའ་བཞིན་དུ། །བསོད་ནམས་མི་ཟད་གཏེར་དུ་བསྒྲུབས་པ་ཡིས། །རང་གཞིན་གཉིས་ཀར་སྨན་ཡོན་བགྱིས་སོ་སྙམ། །སེན་མོའི་དཀར་དམར་ཤས་ཀྱི་དད་ཟས་འདི། །གཉེན་འཁོར་དགའ་འདུའི་ཚོགས་ནས་ལོངས་སྤྱོད་པ། །འཕྲལ་སྣང་སྐྱིད་ཀྱང་ཕྱི་མའི་གཡང་ས་ཆེར། །མཛོ་སྦྲེལ་བཞིན་དུ་ལྷུང་བ་ཡ་རེ་ང༌། །དེ་སླད་དངོས་འཛིན་ལྕགས་ཀྱི་དྲ་བའི་སྦུབས། །དུམ་བ…

ག་བུར་དུ། །འཛག་པའི་ཟླ་བ་གསར་བ་འོངས་སོ་ཀྱེ། །དད་བརྩོན་འདབ་མ་གྲོལ་བའི་ཀུ་མུ་ད། །ཕྱག་མཆོག་གེ་སར་ལྡེམ་པའི་གར་བྱོས་ཤིག །ཅེས་བྱ་བ་ནི་གླེང་བསླང་བའི་སྐབས་ཏེ། དེ་ནས་གཉིས་པ་རྟེན་བཞེངས་པའི་ལོ་རྒྱུས། གསུམ་པ་རྟེན་ཇི་ལྟར་བཞུགས་པའི་མཚན་བྱང༌། བཞི་པ་རྟེན་བཞེངས་པའི་ཕན་ཡོན། ལྔ་པ་རྟེན་ལ་ཕྱག་མཆོད་བྱས་པའི་ཕན་ཡོན། དྲུག་པ་…

ཐུགས་རྟེན་དུ་མ་རྒྱལ་པོ་ཀྲི་ཀྲི་སོགས་ཀྱིས་བཞེངས་ཤིང་རབ་ཏུ་གནས་པའི་ལོ་རྒྱུས་ཤིན་ཏུ་མང་ངོ༌། །འདིར་སྐབས་སུ་བབས་པ་མཆོད་རྟེན་ནི། ཆོས་ལོངས་སྤྲུལ་གསུམ་གྱི་རྟེན་དུ་ཕྱེ་བས་ཆོས་སྐུའི་རྟེན་དང༌། སྐུ་གསུང་ཐུགས་གསུམ་དུ་ཕྱེ་བས་ཐུགས་རྟེན་ཡིན་ཏེ། ནག་པོ་སྤྱོད་པས། ཆོས་ཀྱི་སྐུ་ཡི་བདག་ཉིད་ཅན། །མཆོག་གི་ཡོན་ཏན་གཟུགས་ཅན་གྱི…

འཁོར་ལྟ་བུ་ནི་རང་དོན་ཕུན་ཚོགས་དོན་དམ་ཆོས་ཀྱི་སྐུ་ཡིན་པས་དེ་ཉིད་གཙོ་བོར་གྱུར་པ་ལ་དགོངས་ནས་མདོ་རྒྱུད་རྣམས་སུ་རྟེན་བཞེངས་པའི་ཕན་ཡོན་གསུངས་པའི་སྐབས་སུ་ཤས་ཆེར་མཆོད་རྟེན་ལ་སྦྱར་ནས་གསུངས་སོ། །དེ་ལྟ་བུའི་མཆོད་རྟེན་གྱི་དབྱེ་བ་ཡང༌། ཀུན་གཟིགས་ལྔ་པའི་གཟུངས་གཞུག་འཁྲུལ་སྤོང་ལས། རང་བཞིན་ལྷུན་གྲུབ་ཀྱི་མཆོད་རྟེན། བླ…

དང༌། བུམ་པའི་མཆོད་རྟེན་དང་དགུ་གསོལ་བའི་མཆོད་རྟེན་དང་བཅུར་གྱུར་ཏོ། །ཞེས་བརྒྱད་ཀ་འཛམ་གླིང་དུ་བཞུགས་པར་གསུངས་ལ། དང་པོ་དེ་ལྟར་ཡིན་ཀྱང་ཕྱིས་སྒྲ་སྒྲོག་པའི་སྐལ་བ་ཀླུས་ཁྱེར་ཏེ་ཆ་བདུན་འཛམ་གླིང་དུ་བཞུགས་པར་ཡང་གསུངས་སོ། །བཞི་པ་ནི། སྔོན་ཧེ་རུ་ཀས་དྲག་པོ་བཏུལ་བའི་ཚེ། ཡུལ་བརྒྱད་ཀྱི་དུར་ཁྲོད་དུ་ཀྱཻ་རྡོར་ལྷ་མོ་བརྒྱད…

པུ་ཤུ་དང༌། སྲོག་ཤིང་དང༌། གདུགས་བཅུ་གསུམ་དང་ཆར་ཁེབས་དག་གོ །རང་སངས་རྒྱས་རྣམས་ཀྱི་ནི་ཆར་ཁེབས་མེད་པའོ། །ཉན་ཐོས་རྣམས་ཀྱི་འབྲས་བུའི་ཚད་ཀྱིས་དེའི་གདུགས་གཅིག་ལྷག་པའོ། །སོ་སོ་སྐྱེ་བོ་རྣམས་ཀྱི་ནི་བྱི་བོའོ། །ཞེས་ཐེག་པ་གསུམ་གྱི་གང་ཟག་ལ་མཆོད་རྟེན་བྱ་ཚུལ་སོ་སོར་གསུངས་པས། ཉན་ཐོས་ཀྱི་མཆོད་རྟེན་ནི་སྟག་ལོས་ཆོས་གོས་བཞ…

རྒྱ་གར་ནས་བྱུང་བ་ཁང་པ་རིམ་པ་མང་པོ་བརྩེགས་པའི་རྣམ་པ་ཟུར་བཞིའམ་བརྒྱད་འདུག་པར་ཡོངས་གྲགས་གནྡོ་ལའི་བཀོད་པ་ཞེས་ཟེར་བ་དང༌། དེ་མཐུན་རྒྱ་ནག་ཕྱོགས་སུ་མཆོད་རྟེན་ཞེས་ཟེར་ཡང༌། བོད་ལ་གྲགས་ཚོད་འདི་དང་ཕྱོགས་ཙམ་ཡང་མི་མཐུན་པའི་ཁང་པ་ཐོག་མང་དུ་བརྩེགས་པ་ཞིག་ཡོད་པ་འདི་རྣམས་ཀྱང་དེ་གསུམ་གྱི་གྲངས་ཡིན་པར་སྐྱབས་མགོན་རྡོ་རྗེ་འ…

པས་གློ་འབུར་ཅན་གྱི་ཆོ་འཕྲུལ་མཆོད་རྟེན། ལྔ་པ་གཞན་དོན་དུ་འབྱོན་པ་མཚོན་བྱེད་ཐེམ་སྐས་ཅན་གྱི་ལྷ་བབས་མཆོད་རྟེན། དྲུག་པ་དགེ་འདུན་གྱི་དབྱེན་བཟླུམས་པའི་ཚེ་དེའི་རྒྱུ་དུག་གསུམ་ལྟ་བ་དང་བཞི་བཅད་དེ་རྣམ་ཐར་བརྒྱད་ལ་གནས་པ་མཚོན་བྱེད་བང་རིམ་གྱི་གྲུ་བཞི་བཅད་དེ་ཟུར་བརྒྱད་དུ་ཡོད་པར་དབྱེན་བཟླུམས་མཆོད་རྟེན། བདུན་པ་སྐུ་ཚེ་ཟ…

བསྟན་པ་བཞིན་ཆོས་རྒྱལ་མྱ་ངན་མེད་ཀྱིས་མཆོད་རྟེན་བྱེ་བ་བཞེངས་ཏེ་ས་སྟེང་མཛེས་པར་བྱས། མགོན་པོ་ཀླུ་སྒྲུབ་ཀྱིས་ཀྱང་རྡོ་རྗེ་གདན་དུ་མཆོད་རྟེན་དུ་མ་བཞེངས་པ་སོགས་རྒྱ་གར་ན་དར་ཤོས་ཤིན་ཏུ་ཆེ་ལ། བོད་གངས་ཅན་འདིར་ཡང་ཆོས་རྒྱལ་གྱི་དུས་བསམ་ཡས་དང་ལྷ་སར་མཆོད་རྟེན་འགའ་ཞིག་བཞེངས། ཕྱིས་སུ་ཆོས་རྒྱལ་ཀུན་བཟང་པས་རྒྱལ་རྩེར་མཆོད་…

སྒོ་མང་ཆོས་གྲྭ་ལོ་བརྒྱད་འགྲིམ་པའི་རིང་སློབ་གཉེར་ཁོ་ནའི་འདུན་པར་གཅིག་དྲིལ་གྱིས་གཞན་མའི་བྱ་བྱེད་ཐམས་ཅད་རྒྱང་བསྐྱུར་བྱས་ཏེ་ལོ་ཉེར་ལྔའི་ཐོག་སྤྲུལ་བའི་དམ་བཅའ་མ་ཡིན་པར་གྲྭ་སྐོར་ཚུལ་བཞིན་བགྱིས། དེའི་ཚེ་རྗེ་བཙུན་ཡེ་ཤེས་རྒྱལ་མཚན་དཔལ་བཟང་པོས་བོང་བ་གསེར་གཟིགས་ཀྱི་ཚུལ་དུ་སྙན་བརྒྱུད་མན་ངག་གང་དགོས་སྩོལ་བའི་ཞལ་བཞེ…

བརྟེན་བྱི་བའི་ལོ་ནས་བཟུང་དགོན་པའི་ཆོས་སྲིད་ཐམས་ཅད་ཀྱི་ཁུར་རང་དབང་མེད་པར་ཐོག་ཏུ་ལྷུང་བས། འཆད་ཉན་སྒྲིག་ལམ་གཏོང་སྒོ་སོགས་ཀྱི་སེམས་ཁུར་ལ་བརྟེན་ནས་རྟེན་བཞེངས་སོགས་ཡིད་ཀྱིས་བོར། ལྷག་པར་རང་ལོ་སོ་ལྔ་ནས་རྐྱེན་འགའ་ཞིག་ལ་བརྟེན་དགོན་ལུང་བྱམས་པ་གླིང་གི་ཁྲི་ཡང་འཛིན་དགོས་བྱུང་སྟེ་ལོ་གསུམ་གྱི་རིང་གདན་ས་གཉིས་ཀ་ཟུང་འ…

བཟོ་བོ་སོགས་མི་འགྲིག་སྟབས་བསྟན་པའི་སྦྱིན་བདག་ཆེན་པོ་ཐོ་ཡོན་རབ་རྒྱས་ལ་སྐུ་བརྙན་བཞེངས་རྒྱུའི་སྦྱིན་བདག་བསྐུལ། འདི་ནས་དགེ་རྩ་མཐའ་དག་ཆུད་མི་ཟ་བའི་ཕྱིར་སྨོན་ལམ་གྱི་དུས་མཆོད་གཏོང་རྒྱུའི་གྲ་བསྒྲིགས་ཏེ། རང་ལོ་བཞི་བཅུ་པ་ལྕགས་བྱའི་ལོ་སྲང་བདུན་སྟོང་བརྒལ་བའི་ཟོང་གིས་ཆོ་འཕྲུལ་དུས་མཆོད་ཉིན་ལྟར་གྱི་ཕོགས་སོགས་ལྷ་མཆ…

གསུམ་གྱི་རིང་ཟླ་བ་བདུན་རེ་ཙམ་ལ་ལས་མི་ཉུང་སྐབས་དགུ་བཅུ་སྐོར་དང༌། མང་སྐབས་བརྒྱ་དང་བཞི་བཅུ་སྐོར་གྱིས་བར་མ་ཆད་པར་བྱས་པ་ཐམས་ཅད་ཀྱིས་གཡོ་ཟོལ་མེད་པར་ཧུར་སྐྱེད་འབད་པ་དང་བླང་གིས་ལས་འགྲོ་ཆེ་ཞིང༌། དེའི་རིང་མི་གཅིག་ལ་ཡང་ན་ཚ་སོགས་ཀྱིས་ལས་ཀ་འཆག་དགོས་པ་ཞིག་མ་བྱུང་བ་དཀོན་མཆོག་གི་ཐུགས་རྗེར་སྣང༌། དངུལ་འདི་ནས་ཁྱེར་བའི…

དང་ཉིས་བརྒྱ་སྐོར། གཞན་མ་ལྷ་བྲིས་པ། འབག་བཟོ། གསེར་མགར། ལྕགས་མགར་ལྕགས་སྐུད་སླ་མཁན། གོས་བཟོ་བ། རྡོ་རྩིག་པ། གྱང་རྡུང༌། རྡོ་འཁུར། གྱོ་བཟོ། གྲས་རྡོ་བཟོ་མི། ཤིང་བཟོ་སོགས་ཀྱི་དཔོན་གཡོག་ཐམས་ཅད་ལ་རྒྱུན་གྱི་ལྟོ་ཆས། གླ་ཕོགས་གང་གཟབ། འཛུག་སྒང་གྲོལ་གསུམ་གྱི་སྟོན་མོ། གོ་བབས་དང་བསྟུན་པའི་སྟེར་སྦྱིན་སོགས་གང་ཐད་ནས་ཁྲལ…

མཆོག་སྤྲུལ་རིན་པོ་ཆེ་བློ་བཟང་ཐུབ་བསྟན་འཇིགས་མེད་རྒྱ་མཚོའི་ཞལ་སྔ་ནས་ཀྱིས་དབུ་མཛད། ཁྲི་ཆེན་དཔལ་ལྡན་གྲགས་པའི་སྤྲུལ་བའི་སྐུ། སྡེ་ཁྲི་སྤྲུལ་བའི་སྐུ། སྒོ་མང་མཁན་ཟུར་བློ་བཟང་ཆོས་དར། སྒོ་མང་མཁན་པོ་སངས་རྒྱས་རྡོ་རྗེའི་སྤྲུལ་སྐུ་སོགས་ཆོག་གྲྭ་པ་དང་བཅས་པས་ཉིན་གཉིས་ཀྱི་རིང་བཀྲ་ཤིས་སྙེ་མའི་སྟེང་ནས་སྤྱན་དབྱེའི་ཆོ་ག…

རྟེན་བཞེངས་འདི་ལ་ཡང་དེ་ཆ་ལྔར་བྱས་པའི་གཅིག་ཙམ་མ་མཐའ་འགྲོ་བའི་ཚོད་དུ་སྣང་མོད་ཀྱང༌། མཐོ་འཛིན་བྱས་པ་དགོས་པ་མི་འདུག་པས་གནས་སྐབས་ཐོ་ནང་དུ་གང་ཐེབས་ཕྱོགས་བསྒྲིགས་བྱས་པ་ཡིན་ནོ། །དེ་ཡང་བྱང་ཆུབ་ཀྱི་སེམས་རྣམ་པ་གཉིས་ཀྱི་རྩིས་ཟིན་པ་སོགས་བདག་ལྟ་བུ་ལ་དཀའ་མོད་ཀྱང༌། བསམ་པའི་ཁྱད་པར་སྤྱིར་ཕན་བདེའི་འབྱུང་གནས་སངས་རྒྱས་ཀྱ…

འབྱུང་སྟེ། །ཡ་རབས་མཛངས་པ་ལས་ནི་ཕྱག་རིས་འབྱུང༌། །རྒྱལ་པོ་ཁྲི་སོང་ལྡེ་བཙན་ང་རེ་དགའ། །ཞེས་སོགས་དང༌། ང་ཡི་དབུ་རྩེ་རིགས་གསུམ་འདི། །རིན་ཆེན་སྣ་ལས་གྲུབ་པ་སྟེ། །རྩིག་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ། །མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། །ཞེས་སོགས་དགའ་གླུ་བཅུ་གསུམ་དང༌། གཞན་ཡང་…

བར་དུ་གོང་མའི་གདན་སར་ཡང་འཇམ་དབྱངས་ཀྱི་སྤྲུལ་བ་རིམ་ཅན་འབྱོན་པར་གསུངས་པས་བྱིན་རླབས་ཀྱི་ཚན་ཁ་ཤིན་ཏུ་ཆེ། འཇིག་རྟེན་གྱི་ལུགས་དང་བསྟུན་ཚེ། སྟོབས་ཀྱི་འཁོར་ལོས་བསྒྱུར་བ་ཆེན་པོའི་བདག་རྐྱེན་འདི་འདྲ་གང་བྱུང་གིས་འབད་རྩོལ་ཅི་ཙམ་བྱས་ཀྱང་འོང་དཀའ་བ་ཞིག་རྩོལ་བ་ཕྲ་མོ་ཙམ་ཡང་མ་བྱས་པར་གནམ་བབས་ཀྱི་ཚུལ་དུ་བྱུང་བ་ཡ་མཚན་ཆེ་…

དང་ཕྱག་རྡོར། མགོན་ཆོས་ལྷ་མོ་རྣམ་སྲས་གནས་ཆུང་སོགས་དང༌། རྒྱལ་ཆེན་བཞི། གཡས་ཀུན་གཟིགས་ལྷ་ཁང་དུ། འཇམ་དབྱངས་ཀུན་གཟིགས་ཀྱི་སྣང་བརྙན་ཁྲི་རྒྱབ་ཡོལ་དང་བཅས་པར་ཐོག་ཚད་གཉིས་པ། གནས་ཆེན་དུ་མའི་ས་སྣ་དང་བྱིན་རྟེན་ཕོན་ཆེ་བ་སྨན་འདམ་སོགས་ཀྱི་རྒྱུ་ལས་གྲུབ་ཅིང་གསེར་ཟངས་ཀྱི་དབུ་རྒྱན་དང་རིན་པོ་ཆེ་འགངས་ཆེ་བ་དུ་མའི་ཕྲ་རྒྱན་ས…