བྲིས་པའི་སྐུ་གཟུགས་དག །ཤིན་ཏུ་མཛེས་ཤིང་ལྟ་ན་སྡུག་པར་བགྱིས། །རིང་པོར་མི་ཐོགས་ཏིང་འཛིན་མཆོག་འདི་འཐོབ། །ཅེས་མྱུར་དུ་ཡང་དག་པའི་ལམ་བཟང་མངོན་དུ་འགྱུར་བ་དང༌། དོན་རྣམ་པར་ངེས་པའི་མདོར། དེ་བཞིན་གཤེགས་པའི་སྐུ་སྲེད་མེད་ཀྱི་བུ་ཆེན་པོ་ལྟ་བུར་ཀུན་ཏུ་མཛེས་པ་འདི་ནི་སྔོན་དེ་བཞིན་གཤེགས་པའི་སྐུ་གཟུགས་བྱས་པ་དང༌། མཆོད་རྟ…

མ་ཟད། གང་དག་དེ་ལ་དེ་ནི་སློབ་པའི་ཚེ། །རྩེད་མོ་དག་དང་གསར་པ་བྱེད་པ་ན། །རྩིག་ངོས་སེན་མོས་ཤིང་བུས་གཟུགས་བྲིས་པ། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །ཞེས་རྩེད་མོ་ཚུན་ཆོད་དུ་བྱས་ན་རང་བྱང་ཆུབ་ཀྱི་ས་བོན་བསྐྲུན་པ་ནི་མཐོང་ཐོས་དྲན་རེག་དོན་ལྡན་དུ་འགྱུར་བའི་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང༌། སྨོན་གན…

དང༌། དཀོན་མཆོག་ཏ་ལ་ལས། ཆོས་ཀྱི་རྣམ་གྲངས་འདི་ཡི་གེར་འདྲི་བ་དེ་ནི་མིག་ན་བར་མི་འགྱུར། ཞེས་སོགས་མཐོང་བའི་ཆོས་ལས་ནད་གདོན་སོགས་ཀྱི་ཉེར་འཚེ་ཞི་བ་དང༌། སྒོ་མཐའ་ཡས་པར་སྒྲུབ་པའི་གཟུངས་ལས། བླ་མེད་བྱང་ཆུབ་ལ་རེག་བར་དུ་ཡང༌། །དེ་ནི་ཏིང་ངེ་འཛིན་དང་མངོན་ཤེས་དང༌། །གཟུངས་རྣམས་དང་ནི་གཟུགས་དང་ལོངས་སྤྱོད་དང༌། །སངས་རྒྱས་མཐ…

བཏུལ་བས། །གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། །ཞེས་དང༌། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་བསྟན་པ་ལས། ཛམྦུའི་གླིང་གི་སེམས་ཅན་ཐམས་ཅད་འཕགས་པའི་ལམ་ཡན་ལག་བརྒྱད་པ་ལ་འཇོག་ཅིང༌། བཞག་ནས་ཀྱང་ལྷའི་ལོ་སྟོང་དུ་ཡོ་བྱད་ཐམས་ཅད་ཀྱིས་མཆོད་པ་བས། གང་གིས…

འགྱུར། །བསམ་གཏན་བསམ་པ་ཙམ་གྱིས་སམ། །ཀློག་ཅིང་ཁ་ཏོན་བྲིས་པ་ཡིས། །མཐོ་རིས་ལོངས་སྤྱོད་ཐོབ་འགྱུར་ལ། །ཡང་ན་འཁོར་ལོས་བསྒྱུར་བ་འཐོབ། །ཅེས་སོགས་གཟུངས་དང་མཚན་གྱི་ཕན་ཡོན་བསྟན་པ་ཤིན་ཏུ་མང་ངོ༌། །ཕན་ཡོན་དེ་ལྟར་གསུངས་པ་སྔོན་གྱི་དུས་བཟང་པོ་ལ་དགོངས་ཀྱི། སྙིགས་དུས་དེ་ལྟར་མི་འོང་སྙམ་ན་ཤིན་ཏུ་མི་རིགས་ཏེ། སྙིང་རྗེ་པད་དཀ…

ལ། ཁྱད་པར་དུ་མཆོད་པའི་བྱེ་བྲག་མི་འདྲ་བ་དུ་མས་བསྙེན་བཀུར་བ་ལས་ཕན་ཡོན་རྣམ་པ་ཐ་དད་པ་སོ་སོར་འབྱུང་བའི་ཚུལ། རྣམ་འདྲེན་སྟོབས་བཅུ་མངའ་བ་ཉིད་ཀྱིས་ཚངས་པའི་དབྱངས་སུ་བསྒྲགས་པ་ནི་འདི་ལྟར། རྒྱལ་པོ་གསལ་རྒྱལ་ལ་གདམས་པ་ལས། མཆོད་རྟེན་མཆོག་ལ་གདུགས་བརྩེགས་ཕུལ་བ་ཡིས། །ལྷ་དང་མི་ཡི་ནང་དུ་སྐྱེ་བ་དང༌། །སྲེད་མེད་བུ་ཡི་ལུས་འད…

པ་ཡིས། །མི་དབང་དཔལ་དང་ལྷ་དབང་དཔལ་ཐོབ་ཅིང༌། །བདེ་བའི་མཆོག་ཀྱང་ཉམས་སུ་མྱོང་གྱུར་ནས། །རྣམ་པར་གྲོལ་བའི་ཅོད་པན་ཁྱད་པར་འཐོབ། །རྒྱལ་བའི་མཆོད་རྟེན་དག་ལ་དྲི་ཕུལ་བས། །ཚིག་བཙན་གྲགས་པ་ཆེན་པོ་དག་དང་ལྡན། །ཚངས་པའི་སྒྲ་དབྱངས་ཡིད་འོང་སྐྱེ་བ་དྲན། །དེ་དག་གིས་ནི་རྒྱན་རྣམས་སྣ་ཚོགས་འཐོབ། །མཁས་པ་སུ་དག་བདེ་གཤེགས་མཆོད་རྟེན་…

ལ་དྲི་མ་མེད་པ་དང༌། །གདུང་བ་མེད་ཅིང་མདོག་འཇམ་མྱ་ངན་མེད། །སུ་ཞིག་སངས་རྒྱས་མཆོད་རྟེན་སྐུ་གཟུགས་ཁང༌། །ཚོན་རྩི་སྣ་ཚོགས་རྣམས་ཀྱིས་མཛེས་བྱེད་པ། །དེ་ནི་བདེ་གཤེགས་མངའ་བའི་ཡོན་ཏན་རྣམས། །སྣ་ཚོགས་ལྡན་པ་ཀུན་གྱིས་བརྩེགས་པར་འགྱུར། །ཞེས་དང༌། ལས་རྣམ་པར་འབྱེད་པའི་མདོར། བྲམ་ཟེའི་ཁྱེའུ་ནེ་ཙོ་ལ་བཀའ་སྩལ་པ། བྲམ་ཟེའི་ཁྱེའུ…

ལས་འདའ་བ་སྟེ། དེ་དག་ནི་དེ་བཞིན་གཤེགས་པའི་མཆོད་རྟེན་ལ་ཕྱག་འཚལ་བའི་ཕན་ཡོན་ནོ། །ཕྱག་དར་བྱས་པའི་ཕན་ཡོན་བཅུ་སྟེ། བཅུ་གང་ཞེ་ན། གཟུགས་བཟང་བ་དང༌། བལྟ་ན་སྡུག་པར་འགྱུར་བ་དང༌། མཛེས་པར་འགྱུར་བ་དང༌། སྐད་སྙན་པར་འགྱུར་བ་དང། དེའི་འདོད་ཆགས་དང་ཞེ་སྡང་དང་གཏི་མུག་སྲབ་པར་འགྱུར་བ་དང་ལམ་དུ་འགྲོ་ན་རྩྭ་དང༌། གསེག་མ་དང༌། གྱོ་…

དང་མི་དགེ་བའི་ཆོས་རྣམས་ལ་ཤེས་རབ་འབྱུང་བར་འགྱུར་བ་དང༌། མ་རིག་པ་དང་གཏི་མུག་གི་མུན་པ་སེལ་བ་དང༌། ཤེས་རབ་ཀྱི་སྣང་བ་ཐོབ་པར་འགྱུར་བ་དང༌། དེ་འཁོར་བ་ན་འཁོར་བའི་ཚེ་ནམ་དུ་ཡང་མུན་པ་ན་གནས་པར་མི་འགྱུར་བ་དང༌། ལོངས་སྤྱོད་ཆེ་བར་འགྱུར་བ་དང༌། མཐོ་རིས་སུ་སྐྱེ་བར་འགྱུར་བ་དང༌། །མྱུར་དུ་ཡོངས་སུ་མྱ་ངན་ལས་འདའ་བ་སྟེ། དེ་དག་ན…

ཙམ་འབུལ་བའམ། གཞན་དག་བསོད་ནམས་བྱེད་པ་ལ་རྗེས་སུ་ཡི་རང་བ་སྟེ། དགེ་བ་འདི་དག་བྱེད་པའི་ལྷ་དང་མི་རྣམས་ཀྱིས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །ཞེས་བསྟན་པ་འདི་ལ་དེ་ལྟ་བུའི་དགེ་རྩ་བསྒྲུབས་པ་རྣམས་སྐབས་འདིར་མ་གྲོལ་ཡང༌། བྱམས་པའི་འཁོར་གྱི་ཐོག་མར་སྐྱེས་ནས་སྨིན་ཅིང་གྲོལ་བར་གསུངས་པ་དང༌། གཞན་ཡང་འཇམ…

པར་འགྱུར། །ཞེས་སོགས་མདོ་རྒྱུད་བསྟན་བཅོས་དུ་མ་ནས་གསུངས་པ་བསམ་གྱིས་མི་ཁྱབ་ལ། ཁྱད་པར་དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཆེ་ཞིང་བསྒྲུབ་སླ་ལ། སེར་སྣ་སོགས་ཀྱི་ཉེས་པ་མི་འཇུག་པས་བླ་མ་གོང་མ་རྣམས་ཀྱིས་གཙོ་བོར་མཛད། དེ་བཞིན་དུ་ཁྲུས་གསོལ་བྱེད་པ་…

ཡིན། །སྐད་ཅིག་དེ་ལ་རྩེ་གཅིག་ཏུ། །སེམས་འཛིན་བྱེད་པ་བསམ་གཏན་ཡིན། །ལེགས་པར་གཟོབ་པ་ཤེས་རབ་བོ། །ཞེས་མཎྜལ་ཕུལ་བའི་ཕན་ཡོན་བཤད་ལ། གསང་འདུས་རྩ་རྒྱུད་ལས། ཞིང་འདི་རིན་ཆེན་ཞེས་སོགས་དང༌། སྤྱོད་འཇུག་ལས། ནམ་མཁའ་རབ་འབྱམས་ཞེས་སོགས་ཀུན་གྱིས་བསྟུན་ཅིང༌། བླ་མ་ལྔ་བཅུ་པར་དུས་དྲུག་ཏུ་འབུལ་དགོས་པར་གསུངས་པ་སོགས་ཤིན་ཏུ་མང༌། …

ཡིན་ལ། གཞན་ཡང་འདུལ་བ་ལུང་ལས། དགེ་སློང་དག །དགེ་སློང་འདིས་འདི་ལྟར་སྐྲ་དང་སེན་མོའི་མཆོད་རྟེན་ལ་ཡན་ལག་ཐམས་ཅད་ཀྱིས་ཕྱག་འཚལ་ཏེ་སེམས་དང་བར་བྱེད་པ་ལ་ལྟོས། བཙུན་པ་དེ་ལྟ་ལགས་སོ། །དགེ་སློང་དག །དགེ་སློང་འདིས་ས་ཇི་ཙམ་ནོན་པའི་འོག་དཔག་ཚད་བརྒྱད་ཁྲི་བཞི་སྟོང་ན་གསེར་གྱི་འཁོར་ལོ་ལ་ཐུག་གི་བར་ན་བྱེ་མ་ཇི་སྙེད་ཡོད་པ་དེ་སྙ…

ཞིང་གི་མཐུ་ལ་བརྟེན་པའི་སྟོབས་ཀྱིས་གུས་པའི་རྣམ་འགྱུར་ཅུང་ཟད་ཙམ་ཞིག་བྱས་པ་དང༌། ངག་ནས་གཡམ་ལ་རྒྱུག་པ་ལྟ་བུས་ཕྱག་འཚལ་ལོ་ཞེས་བརྗོད་པ་ཚུན་ཆད་ཀྱིས་ཤེས་རྒྱུད་ལ་ཐར་པའི་ས་བོན་བཞག་ནས་འཁོར་བ་མཐའ་ཅན་དུ་བྱེད་པ་ཡིན་ཏེ། མདོ་སྡེ་པད་དཀར་ལས། མཆོད་རྟེན་དེ་ལ་གང་གི་ཐལ་མོ་སྦྱར། །ཡོངས་སུ་ཚང་བའམ་ཐལ་མོ་ཡ་གཅིག་གམ། །ཡང་ན་མགོ་བོ…

བཞིན་པ་ཡི་སེམས་ཀྱིས་བལྟས་ན་ཡང༌། །དེ་དག་རིམ་གྱིས་སངས་རྒྱས་བྱེ་བ་མཐོང༌། །ཞེས་དང༌། སྙིང་རྗེ་པད་དཀར་ལས། ཀུན་དགའ་བོ་གང་དག་ཐ་ན་རྨི་ལམ་དུ་དེ་བཞིན་གཤེགས་པའི་མཆོད་རྟེན་མཐོང་ནས་སེམས་དང་བར་བྱེད་ན། ཀུན་དགའ་བོ་དགེ་བའི་རྩ་བ་དེའི་འབྲས་བུ་མྱ་ངན་ལས་འདས་པ་ཡིན་ཏེ། མྱ་ངན་ལས་འདས་པ་ཀླས་ཤིང་མྱ་ངན་ལས་འདས་པའི་མཐས་གཏུགས་པར་འ…

ཀྱི་སྟེང་ནས་ཞིང་ས་ཁྱད་པར་ཅན་ལ་ས་བོན་ཅི་ཐེབས་ཀྱི་སྙིང་པོ་བླངས་པའི་ཕྱི་ཉིན་མཚན་ཀུན་ཏུ་འབད་པར་བྱའོ། །ཞེས་བྱ་བ་ནི་ལྔ་པ་ཕྱག་དང་མཆོད་པའི་ཕན་ཡོན་གྱི་སྐབས་སོ།། །།༈ དྲུག་པ་སྐོར་བ་བྱེད་ཚུལ་ཕན་ཡོན་དང་བཅས་ཏེ་བཤད་པ་ལ། ཐོག་མར་བསྐོར་བ་བྱ་བ་འདི་དགོས་ཆེད་ཅི་ཞིག་ཏུ་གཏོགས་པ་ཡིན་ཤེས་དགོས་པས། དེ་ནི་བློ་གྲོས་བསྟན་པའི་རྒྱ…

ལྡན་ཟག་པ་མེད། །ཉོན་མོངས་ཐམས་ཅད་སྤངས་པ་ཡི། །དགྲ་བཅོམ་རྫུ་འཕྲུལ་ཆེན་པོར་འགྱུར། །མཆོད་རྟེན་བསྐོར་བ་བྱས་པས་ནི། །འཇིག་རྟེན་དག་ཏུ་དེ་བཞིན་གཤེགས། །མཚན་རྣམས་ཀྱིས་ནི་བརྒྱན་པ་དང༌། །གསེར་གྱི་སྐུ་མདོག་ཐོབ་པར་འགྱུར། །ཞེས་སོགས་དང༌། སྤྱན་རས་གཟིགས་ཀྱི་མདོ་ལས། འཇིག་རྟེན་མགོན་གྱི་མཆོད་རྟེན་ལ། །སུ་ཞིག་བསྐོར་བ་བྱེད་པ་ན…

མཛོད་རྣམས་ཤིན་ཏུ་རྒྱས། །ཞེས་སོགས་གནས་སྐབས་དང་མཐར་ཐུག་གི་ཕན་ཡོན་བསམ་གྱིས་མི་ཁྱབ་པ་གསུངས་ལ། ཁྱད་པར་སྒྲིབ་སྦྱོང་གི་མཆོག་ཏུ་གྱུར་པས་ངན་འགྲོའི་སྐྱེ་སྒོ་ཁེགས་ཚུལ། མེ་ཏོག་བརྩེགས་པའི་གཟུངས་ལས། དགའ་བའི་སེམས་ཀྱིས་གོམ་པའི་གར་སྟབས་འགའ་བོར་ཏེ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །ཞེས་སྨྲ་བ་དེ་དག་ནི་བསྐལ་པའམ། བསྐ…

བསྐོར་བ་མཛད་པ་ལ། དགེ་བཤེས་སྟོན་པ་རིན་པོ་ཆེས། དགེ་སྦྱོར་བཞུགས་ནས་མི་མཛད་པར་བསྐོར་བ་ཉི་ཚེ་མཛད་པ་ཇི་ལྟར་ལགས་ཞུས་པས། ཁྱོད་ཀྱིས་མ་གོ་བ་ཡིན། འདི་ལ་ལུས་ངག་ཡིད་གསུམ་གའི་ལས་ཡོད་པ་ཡིན། བསྒོམ་པ་ལ་གཅིག་ལས་མེད། འདི་ལས་ལས་འཁོས་ཆེ་བ་མེད་གསུངས་པ་དང༌། ཡང་འདུ་བྱས་ཀྱི་དགེ་རྩ་ལ་བསྐོར་བ་ལས་བསོད་ནམས་ཆེ་བ་མེད། ལུས་ངག་ཡིད་…