བྱས་པས་འདོད་ཆགས་དྲུངས་འབྱིན་པར་གསུངས་པའི་ཕྱིར་རོ། །དེ་ལྟར་རྐང་པ་དང་པོའི་དོན་སྙིང་རྗེ་ལ་ཆགས་པར་བཤད་པ་དང༌། ཆགས་པ་དངོས་གནས་པ་ལམ་དུ་བྱེད་ཚུལ་གཉིས་སུ་ཕྱེ་བ་བཞིན་རྐང་པ་གཉིས་པ་དང་གསུམ་པའི་དོན་ཡང་ཁྲོ་བ་དང་གཏི་མུག་ལྟ་བུར་བཏགས་ནས་བཤད་པ་དང༌། ཁྲོ་བ་དང་གཏི་མུག་དངོས་གནས་པ་ལམ་དུ་བྱེད་ཚུལ་གཉིས་གཉིས་ལ་སྦྱར་ན་སྤྱོད་པ…

གསལ་ངང་དུ་གཟིམས་ཞེས། འོད་གསལ་ལ་གཉིད་ཀྱི་སྒྲས་བསྟན་པ་ཡང་གཉིད་ཀྱིས་སེམས་ནང་དུ་བསྡུས་ཏེ་ཡུལ་མི་མཐོང་བར་བྱེད་པ་གཏི་མུག་དང་བྱེད་ལས་ཆ་འདྲ་བ་ཡོད་པས་དེའི་སྒོ་ནས་བཏགས་པ་ཡིན་ཏེ། མདོ་ལས། གང་མ་མཐོང་བ་ནི་མཐོང་བ་དམ་པའོ། །ཞེས་དང་། སྤྱོད་འཇུག་ལས། དོན་དམ་བློ་ཡི་སྤྱོད་ཡུལ་མིན། །ཞེས་གཉིས་སྣང་དང་བཅས་པའི་ཚུལ་གྱིས་མཐོང་བ…

ཡིན་ཏེ། གསང་བ་གྲུབ་པ་ལས། ས་རྡོའི་རང་བཞིན་མཆོད་རྟེན་དང༌། །གླེགས་བམ་ལ་སོགས་མི་བྱ་ཞིང༌། །རྨི་ལམ་དུ་ཡང་དཀྱིལ་འཁོར་སོགས། །ལག་པའི་ཕྱག་རྒྱ་ཡང་མི་བྱ། །ཐེག་པ་གསུམ་ལ་ཞུགས་རྣམས་ལ། །ཕྱག་ལ་སོགས་པ་མི་བྱ་འོ། །ཞེས་གསུངས་པ་ཡང་སྤྱིར་སྤྱོད་པ་གསུམ་གའི་ཚེ་ལུས་ངག་གི་དགེ་སྦྱོར་གཞན་ལ་ཆེད་དུ་མི་བྱེད་པར་དེ་ཁོ་ན་ཉིད་བསྒོམ་པ་ག…

ཏེ། རིམ་ལྔ་གསལ་སྒྲོན་དང༌། སྦས་དོན་ཀུན་གསལ་སོགས་དུ་མར་ཀུ་ཊི་ས་ར་ཞེས་འབྱུང་ཞིང༌། སྲྀ་འགྲོ་བ་ལའོ་ཞེས་པའི་བྱིངས་ལས་སྒྲུབ་ན་ཡང་ས་ར་ཞེས་པ་དག་པར་མངོན་ནོ། །དེ་བཞིན་དུ། འཇམ་དཔལ་མཚན་བརྗོད་ལས། མཆོད་པ་ཆེན་པོ་འདོད་ཆགས་ཆེ། །སེམས་ཅན་ཐམས་ཅད་དགའ་བར་བྱེད། །མཆོད་པ་ཆེན་པོ་ཞེ་སྡང་ཆེ། །ཉོན་མོངས་ཀུན་གྱི་དགྲ་ཆེ་བ། །མཆོད་པ་…

རྒྱུའི་ཀུན་སློང་སྐབས་སུ་སྙིང་རྗེ་བསྐྱེད་ཀྱང་དུས་ཀྱི་ཀུན་སློང་སྐབས་སུ་བགེགས་ལ་གནོད་སེམས་བསྐྱེད་པ་སོགས་བཤད་པས་ཞེ་སྡང་དང་དེའི་ཆར་གཏོགས་འགའ་ཞིག་གནང་བ་ཡོད་ལ། ཆགས་སྡང་གང་ཡིན་ཀྱང་ཉོན་མོངས་ཅན་གྱི་གཏི་མུག་དང་མཚུངས་ལྡན་དུ་འབྱུང་བས་ཉོན་མོངས་གཞན་གནང་བའི་ཞར་བྱུང་གི་སྒོ་ནས་གནང༌། ཞེས་གསུངས་སོ། །དཔལ་མཆོག་ནི་རྣལ་འབྱ…

ཆད་བསྐུར་དགོས་པས་དེ་ཉིད་སྔགས་ལ་མ་ཞུགས་པའི་བྱང་སེམས་བཅུ་པ་བ་རྣམས་ཀྱི་ཐུགས་སུ་ཆུད་པར་མི་ནུས་པའི་ཕྱིར་དེ་ལ་རྨོངས་ཞེས་བཤད་པ་ཡིན་ནོ། །དེ་ལྟར་ཡང་བརྟག་པ་ཕྱི་མའི་ལྔ་པ་ལས། འབར་བའི་ཕྲེང་བ་འཁྲུགས་པ་ཡི། །དཀྱིལ་འཁོར་རབ་ཏུ་བཞེངས་ནས་ནི། །རྡོ་རྗེ་སྙིང་པོ་དབང་སྦྱིན་ཕྱིར། །ཐིག་ལེ་མཆོག་ནི་བཀུག་པ་ཉིད། །ཅེས་དང༌། དེའི་དོ…

དོན་གྱི་འོད་གསལ་ཡན་ཆད་ཀྱི་ལམ་ལྷག་མ་མངོན་དུ་བྱེད་ཚུལ་གདམས་ཤིང༌། དེ་དང་མཐུན་པར། སྤྱོད་བསྡུས་ལས། སེ་གོལ་གྱི་སྒྲས་བསྐུལ་བར་གྱུར་པས་མི་གཡོ་བའི་ཏིང་ངེ་འཛིན་ལས་བཞེངས་ཏེ། བྱང་ཆུབ་ཀྱི་ཤིང་དྲུང་དུ་བཞུགས་ནས་ནམ་ཕྱེད་ཀྱི་དུས་སུ་འོད་གསལ་མངོན་དུ་མཛད་དེ། ཞེས་དང༌། གྲོལ་བའི་ཐིག་ལེ་ལས། གྲངས་མེད་བར་དུ་ཚོགས་བསགས་ཀྱང༌། །…

སྔོན་དུ་སྟོང་ཉིད་ཐོས་བསམ་གྱིས་ལེགས་པར་གཏན་ལ་འབེབས་དགོས་ཤིང༌། དེ་ལ་ཡང་ངེས་དོན་གྱི་མདོ་སྡེའི་དགོངས་པ་ཤིང་རྟ་ཆེན་པོ་ཀླུ་སྒྲུབ་ཡབ་སྲས་ཀྱིས་བཀྲལ་བའི་སྲོལ་བཟང་པོ་རྙེད་དགོས་ལ། དེ་ཡང་འཇམ་མགོན་བླ་མའི་ལེགས་བཤད་དྲི་མ་མེད་པ་རྣམས་ཀྱིས་བློ་མིག་ལེགས་པར་ཕྱེད་པ་ངེས་པར་གལ་ཆེ་བས། སྤྱིར་ཐེག་པ་གསུམ་གྱི་ཐར་པ་འདོད་པའི་སྐྱ…

མེད་དེ། དེ་ལྟར་ཞེས་པ་འོག་ནས་འབྱུང་བ་བཞིན་དཔེར་བྱེད་པའམ། དེ་ལྟ་བུའི་སྐུ་གསུང་ཐུགས་སོ་སོ་བ་དང་སྒྲུབ་བྱེད་བདེན་པ་གཉིས་ཀྱི་རྫོགས་རིམ་སོ་སོ་བ་དེ་དག་ཟུང་དུ་འཇུག་པའི་ཚུལ་འདིར་སྟོན་པའི་དོན་ཡིན་གྱི། མཇུག་སྡུད་བྱས་པ་མིན་ཏེ། འདི་མཇུག་སྡུད་ཡིན་ན་དེའི་འཕྲོ་དེ་མ་ཐག་ཏུ་ཡང༌། དེ་ལྟར་བདག་གིས་བསྟོད་པའི་ཞེས་མཇུག་སྡུད་ག…

བཞི་དང་སྦྱར་བ་ནི། རྒྱུད་དོན་མན་ངག་གིས་གསལ་བར་ཕྱེ་བའི་སྲོལ་བླ་ན་མེད་པ་ཡིན་པས། རྗེ་བླ་མས་ཀྱང་བསྔགས་བརྗོད་རྒྱ་ཆེར་མཛད་པ་ཡིན་ཏེ། བླ་མ་ལྔ་བཅུ་པའི་ཊཱིཀྐ་ལས། དབང་བསྐུར་བ་ལ་སྨིན་བྱེད་རྒྱུའི་དབང༌། གྲོལ་བྱེད་ལམ་གྱི་དབང༌། གྲོལ་བ་འབྲས་བུའི་དབང་གསུམ་དུ་ཡོད་ཅིང༌། ཞེས་དང༌། སྔགས་རིམ་ལས། དབང་གསུམ་གྱི་ལམ་དུ་བསྡུས་ཏེ་…

པ་ཙམ་མིན་པས། གཟུགས་སྐུ་དེ་ལ་གཉིས་སུ་མེད་པའི་ཡེ་ཤེས་ཀྱི་སྐུ་ཞེས་ལན་དུ་མར་གསུངས། ཞེས་དང༌། དབང་དོན་དེ་ཉིད་ཡང་གསལ་ལས། སྐུ་དང་ཐུགས་ཟུང་དུ་འཇུག་ཅིང་དེ་གཉིས་ཀྱང་ངོ་བོ་དབྱེར་མེད་པས་གཉིས་སུ་མེད་པའི་ཡེ་ཤེས་ཀྱི་བདག་ཉིད་དུ་གྱུར་པའི་ཟུང་འཇུག །ཅེས་སོ། །དེར་མ་ཟད་སྦྱང་གཞི་སྦྱོང་བྱེད་སྦྱོར་བའི་ཚེ་ཡང་དབང་དང་པོ་གསུམ་ལ…

ཀྱིས་ལམ་དུས་ཀྱི་དབང་བཞི་པ་བསྒྲུབས་ཤིང༌། སློབ་པའི་ཟུང་འཇུག་གིས་མི་སློབ་པའི་སྐུ་གསུང་ཐུགས་དབྱེར་མི་ཕྱེད་པར་བསྒྲུབས་པས་དབང་བཞི་པའི་ལམ་དུ་རིམ་གཉིས་ཐམས་ཅད་འདུ་བ་ཡིན་ནོ། །ཞེས་འདོམས་པར་མཛད་དོ། །ཚུལ་འདི་གོ་ན་དབང་བཞི་བྱིན་རླབས་རྣམས་ལ་བདུད་རྩི་འབེབས་སྦྱངས་རིམ་དང་ཅིག་ཅར་བྱེད་པ་དང༌། སྐུ་གསུང་ཐུགས་སོ་སོ་བ་དང་བསྡ…

ན་མདའ་རྩལ་སྦྱོང་བའི་ཚེ། མདའ་འཕེན་པ་དགོས་པའི་གཙོ་བོ་ཡིན་ཀྱང༌། སྔོན་དུ་མདའ་དང་གཞུ་སོ་སོའི་རྒྱུ་ཚོགས་ཚང་བའི་སྒོ་ནས་ལེགས་པར་བཅོས་ཟིན་ན། འཕེན་པའི་ཚེ་དེ་གཉིས་སྦྱར་ནས་འཕེན་ཚུལ་བརྡ་སྤྲད་དེ་སློབ་པ་མ་གཏོགས་འཕེན་པ་ལོགས་སུ་བཅོས་མི་དགོས་ལ། སྔར་མདའ་གཞུ་མ་བསྒྲུབས་པར་འཕེན་ཚུལ་ཇི་ཙམ་བཤད་ཀྱང་འཕང་དུ་མེད་པ་བཞིན་ཡིན་པའི…

ཞེས་གསུངས་སོ། །འདིའི་ངོ་བོ་ཉིད་སྐུ་ཞེས་པ་ཡང་དག་པ་གཉིས་ལྡན་གྱི་དབྱིངས་ཙམ་ལ་མི་བྱེད་ཀྱི། གོང་དུ་བཤད་པ་ལྟར་གཉིས་སུ་མེད་པའི་ཡེ་ཤེས་ཀྱི་སྐུའམ། རིམ་ལྔ་གསལ་སྒྲོན་སོགས་སུ་ཟུང་འཇུག་གི་སྐུའི་མིང་གིས་བཏགས་པ་དེ་ལ་བྱེད་དགོས་ཏེ། གྲུབ་ཆེན་དྲིལ་བུ་ཞབས་ཀྱིས། འདི་ནི་ངོ་བོ་ཉིད་སྐུ་སྟེ། །སྟོང་ཉིད་སྙིང་རྗེ་གཉིས་མེད་པ། །…

གཉིས་པོ་སྤངས་པས་ན། །གང་དུ་ངོ་བོ་གཅིག་གྱུར་པ། །ཟུང་དུ་འཇུག་ཅེས་དེ་ལ་བཤད། །ཅེས་འཁོར་འདས་སོགས་སུ་ཞེན་པའི་ཀུན་རྟོག་མཐའ་དག་བདེ་བ་ཆེན་པོའི་ཡེ་ཤེས་ཀྱིས་སྤངས་ཏེ། དེས་མི་ཕྱེད་པའི་གཉིས་མེད་དུ་སོང་བའི་སྐུ་ལ་ཟུང་འཇུག་ཏུ་བཞག་པ་སྤྱི་སྐད་ལ་སྤངས་པ་ཟུང་འཇུག་ཅེས་གྲགས་པ་དེ་ཡིན་ནོ། །དེ་ཐོབ་པས་ཟུང་འཇུག་ཐོབ་པ་ཙམ་གྱི་གྲངས…

ནམ་མངོན་དུ་བྱས་པ་དེའི་ཚེ་གཉིས་ཀ་ཚང་བས་ཟུང་འཇུག་གི་མཚན་ཉིད་ལེགས་པར་ཚང་ངོ༌། །འདི་ལ་དགོངས་ཏེ། འདུས་པ་ཕྱི་མ་ལས། ཐབས་དང་ཤེས་རབ་སྙོབས་འཇུག་པས། །དངོས་པོ་ཐམས་ཅད་མདོར་བསྡུས་པ། །ཞེས་བརྟན་གཡོ་ཐམས་ཅད་ཀྱི་རྩ་བ་རླུང་སེམས་ཙམ་དུ་ཟད་ཅིང༌། དེ་ཟུང་འཇུག་གི་སྐུ་གཅིག་ཏུ་བསྐྱེད་པས་ན། སྣོད་བཅུད་ཐམས་ཅད་མདོར་བསྡུས་ཏེ་ཟུང་འཇུ…

ཡེ་ཤེས་ཆོས་ཀྱི་སྐུ། དེའི་རྟེན་རླུང་སེམས་ཙམ་ལས་གྲུབ་པའི་གཟུགས་ཀྱི་སྐུ་གསུམ་ག་དབྱེར་མི་ཕྱེད་པ་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ། །དེས་ན་ཁྱད་གཞི་འཕགས་མས་མངོན་དུ་མཛད་པའི་མཐར་ཐུག་གི་གོ་འཕང་དེ་ཉིད་ལ། ཁྱད་ཆོས་སྐུ་ཐུགས་གཉིས་སམ་བདེན་གཉིས་ཟུང་དུ་འཇུག་པའི་ཆ་ནས་མི་སློབ་པའི་ཟུང་འཇུག་དང༌། སྐུ་གསུང་ཐུགས་ད…

དེའི་དོན་ཅུང་ཟད་ཕྱེ་སྟེ་བཤད་ན། རྡོ་རྗེའི་ཚིག་རྐང་ལས། བདེ་བར་གཤེགས་པའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ལ་དག་པའི་སྣང་བའོ། །ཞེས་དང༌། བཅུ་གསུམ་རྡོ་རྗེ་འཛིན་པར་རྟེན་འབྲེལ་འགྲིགས་པ་ལྟར་སྣང༌། ཞེས་སོགས་གསུངས་ལ། དེའི་དགོངས་པ་འགྲེལ་པའི་གཞུང་སྔ་ཕྱི་མང་ཡང་གཙོ་བོར་གྱུར་པ། ཨ་སེང་ཞུ་ཀློག་ཡུམ་དང་སྲས། །ཟླ་བཟང…

པའི་གཟུགས་སུ་སྟོན་པ་དང༌། རྒྱུད་ཀྱིས་མ་བསྡུས་པའི་གྲུ་དང་གཟིངས་དང་ཟམ་པ་དང༌། དཔག་བསམ་གྱི་ཤིང་དང༌། ཡིད་བཞིན་གྱི་ནོར་བུ་རིན་པོ་ཆེ་ལ་སོགས་པར་སྤྲུལ་ནས་སེམས་ཅན་གྱི་དོན་བྱེད་པའོ། །རྩ་ཡི་གེ་གནས་གྱུར་པ་ལོངས་སྤྱོད་རྫོགས་པའི་སྐུ་སྟེ། གསུང་མི་ཟད་པ་གསུང་གི་གསང་བ་བསམ་གྱིས་མི་ཁྱབ་པ་དང༌། གསུང་ཐམས་ཅད་པ་ལོངས་སྤྱོད་རྫོག…

བྱ་ཇི་ལྟ་བ་མཁྱེན་པ་ནི། དངོས་པོའི་གནས་ལུགས་ཆོས་ཐམས་ཅད་ཀྱི་དེ་བཞིན་ཉིད་མཁྱེན་པའོ། །ཞེས་པ་ཡན་ཆད་ཀྱིས་གསང་གསུམ་མི་ཟད་པའི་དོན་རྒྱས་པར་གསུངས་ཤིང༌། དེ་ནས་རྒྱན་གྱི་འཁོར་ལོའི་སྒྲ་དོན་འཆད་པ་ལ། རྒྱན་ནི་གསེར་ལ་སོགས་པའི་རྒྱན་དེ་རང་གཞན་གཉིས་ཀ་ལ་མཛེས་པ་ལྟར། སྐུ་གསུང་ཐུགས་མཛད་པ་འཕྲིན་ལས་ཐམས་ཅད་འབད་པ་མེད་པར་ལྷུན་གྲུ…