ནས་བཙུན་མོ་རྗེའུ་རིགས་མ་ཞིག་ལ་རྒྱལ་པོ་འཁོར་དུ་མ་འདོད་པས། དེས་རང་གི་བྲན་མོ་ཞིག་རྒྱལ་པོ་དབང་དུ་བྱེད་པའི་རིག་པ་ཚོལ་བའི་ཕྱིར་མངགས་པས། བྲན་མོ་དེ་ཉིད་སྐུད་པ་འཚོང་བའི་ཚོང་དུས་སུ་ཕྱིན་པ་ན། དེར་བུད་མེད་དམར་སྨུག་རས་གོས་དམར་པོ་གྱོན་པ་མཛེས་ཤིང་བརྗིད་ཆགས་པ་ཞིག་མཐོང་ནས་བྲིས་པས་གདམས་པ་ཡོད་པར་ཡིད་ཆེས་ཤིང་གསོལ་བ་བཏབ…

དེས་ན་གདམས་པ་འདི་ཉིད་ཉམས་སུ་ལེན་པར་བྱེད་པ་ལ། ཐོག་མར་རྒྱུད་སྣོད་རུང་དུ་སྒྲུབ་པ་སྨིན་བྱེད་དབང་གི་དོད་ཐུབ་རྗེས་སུ་གནང་བ་ལེགས་པར་ཐོབ་པ་གལ་ཆེ་སྟེ། ལེགས་གྲུབ་ལས། གཞན་གྱིས་རྗེས་སུ་མ་གནང་བར། །གསང་སྔགས་གཟུང་བར་མི་བྱ་སྟེ། །ཞེས་གསུངས་པ་བཞིན། རང་གི་ལུས་ངག་ཡིད་གསུམ་ལྷའི་སྐུ་གསུང་ཐུགས་གསུམ་གྱི་རྗེས་སུ་སྦྱོར་བར་བྱ…

མཁར་སྤྱན་དྲངས། ཨོཾ་བཛྲ་ས་མ་ཛཿ དེ་ནས་ཐལ་མོ་སྦྱོར་དུ་བཅུག་ལ། ན་མོ་གུ་རུ་བྷྱཿ ན་མཿ ཀུ་རུ་ཀུལླེ་བྷྱཿ ཞེས་པ་ལན་གསུམ་གྱི་རྗེས་ཟློས་བྱ། དེ་ནས་སློབ་དཔོན་རང་ཉིད་ཀྱིས་ཕྱག་རྒྱ་དང་བཅས་ཏེ། ཨོཾ་ཀུ་རུ་ཀུལླེ་བཛྲ་པུཥྤེ་ཨཱཿ ཧཱུཾ། ནས་ཤཔྟའི་བར་གྱིས་མཆོད། དེ་ནས་དཀོན་མཆོག་གསུམ་ལ་སྐྱབས་སུ་འགྲོ་ཞིང་ཐོག་མེད་ནས་བསགས་པའི་སྡིག…

ཅད་ལ་ཕོག་པས། སྣོད་ཐམས་ཅད་གཞལ་ཡས་ཁང་དང་བཅུད་ཐམས་ཅད་རྗེ་བཙུན་མའི་རྣམ་པར་གྱུར་ཏེ་ཚུར་འདུས་ནས་ཁྱེད་རང་རྣམས་ལ་ཐིམ། ཡང་འོད་ཟེར་འཕྲོས་པ་ལྷོ་ཕྱོགས་རིག་བྱེད་ཀྱི་ཕུག་ན་བཞུགས་པའི་རྗེ་བཙུན་མའི་སྐུ་ལ་ཕོག་པས། དེ་ལས་རང་འདྲའི་སྐུ་ཆེ་ཆུང་དཔག་ཏུ་མེད་པ་སྤྱན་དྲངས་ཏེ་ཁྱེད་རང་རྣམས་ཀྱི་ལུས་ལ་སིབ་ཀྱིས་ཐིམ་པས་རྗེ་བཙུན་མའི་ས…

གཉིས་པ་དེ་ལ་ཡེ་ཤེས་པའི་ཚུལ་དུ་བསྟིམ། གསུམ་པས་བརྟན་པར་བྱས་པའི་མོས་པ་དང་བཅས་བླ་མ་ལ་དྲིན་ལན་གྱི་ཚུལ་དུ་མེ་ཏོག་འཐོར་བཞིན་འདིའི་རྗེས་ཟློས་མཛོད། བཅོམ་ལྡན་བདག་གིས་གཟུང་ལགས་ཀྱི། །བདག་ལ་འགོ་བར་མཛད་དུ་གསོལ། །ཞེས་ལན་གསུམ་བྱ། དེ་ནས་ཁྱེད་རང་རྣམས་ཀྱིས་ཕུལ་བའི་མེ་ཏོག་གི་འཕྲེང་བ་སྔགས་སུ་བྱིན་གྱིས་བརླབས་ཏེ་སྤྱི་བོར་…

ཀྱི་བྱིན་རླབས་མ་ལུས་པ་ཐོབ་པའི་མོས་པ་མཛོད། ཅེས་དང༌། སྔགས་ཀྱི་མཐར་ཨ་བེ་ཤ་བཏགས་པ་མང་དུ་བརྗོད་ཅིང་དྲིལ་བུ་དཀྲོལ། ཐུགས་ཀྱི་རྗེས་གནང་ཐུན་མོང་བའི་ངོ་བོ་དེ་ཙམ་གྱིས་འགྲུབ། དེས་ཐུགས་ཀྱི་རྗེས་སུ་གནང་བ་ཐོབ། ཡིད་ཀྱི་དྲི་མ་སྦྱངས། གནས་ལུགས་སྟོང་པ་ཉིད་ཀྱི་དོན་བསྒོམ་པ་ལ་དབང་བར་བྱས། ཁྱེད་རང་རྣམས་ཀྱི་ཡིད་དང་རྗེ་བཙུན་མ…

ནམས་ཅན་རྣམས་ཀྱི་ལུང་དང་མངོན་པར་རྟོགས་པའི་ཡོན་ཏན། ཚེ་དང་བསོད་ནམས་དཔལ་དང་འབྱོར་བ་ཐམས་ཅད་འོད་ཀྱི་རྣམ་པར་བསྡུས་ཏེ་ཁྱེད་རང་རྣམས་ལ་ཐིམ་པས་ཚེ་བསོད་དཔལ་འབྱོར་ཐམས་ཅད་རྒྱས་པའི་མོས་པ་མཛོད། ཅེས་སྔགས་མང་དུ་བརྗོད། དེས་རྗེ་བཙུན་མའི་ཐུགས་ཀྱི་རྗེས་གནང་ཐོབ། ཡིད་ཀྱི་དྲི་མ་དག །སེམས་ཡེ་ཤེས་སུ་བསྒོམ་པ་ལ་དབང་བར་བྱས། རྗེ་བ…

གྱི་སེམས་ཅན་ཐམས་ཅད། ཁྱད་པར་དུ་གང་ཞིག་དབང་དུ་བྱེད་པར་འདོད་པ་རྣམས་ཀྱི་སྙིང་ལ་ཞུགས་པས། དེ་ཐམས་ཅད་བདག་ཉིད་ཀྱི་དབང་དུ་བསྡུས་ཏེ་བདེ་བ་ཆེན་པོའི་རང་བཞིན་གྱི་འོད་ཟེར་དམར་པོའི་རྣམ་པར་གྱུར་པ་ཚུར་བསྡུས་ཏེ་ཨུཏྤ་ལའི་མདེའུའི་ནང་དུ་ཞུགས། མདའི་ལྟོང་ནས་རྣ་བུག་གཡས་སུ་ཞུགས་པ་གཡོན་ནས་ཐོན། མགོ་བོ་ལ་གཡས་སུ་བསྐོར་བ་སྨིན་མཚ…

གཟུང་འཛིན་གྱི་རྟོག་པ་ཐམས་ཅད་དང་བྲལ་བའི་བདེ་བ་ཆེན་པོའི་ཡེ་ཤེས་དབྱེར་མི་ཕྱེད་པ་ནམ་མཁའ་ལྟ་བུའི་དོན་ལ་ངེས་པ་ཁྱད་པར་ཅན་སྐྱེས་ཏེ་ཚིག་གི་སྒོ་ནས་དབང་བཞི་པའི་རྟོགས་པ་རྒྱུད་ལ་འཁྲུངས་པའི་མོས་པ་མཛོད། དེ་དག་གིས་བཅོམ་ལྡན་འདས་མ་ལྷ་མོ་རིག་བྱེད་མ་ཕྱི་སྒྲུབ་ཀྱི་རྗེས་སུ་གནང་བ་ཐུན་མོང་དང་ཐུན་མོང་མ་ཡིན་པ་གཉིས་ལྷན་དུ་སྦྲ…

བསྐུར་ཚུལ་བཤད་པའང་ལུགས་གཅིག་ཡིན་ཏེ། མཉམ་མེད་ཆེན་པོ་དང༌། སྭོ་འཇིགས་མེད་གྲགས་པས་དེ་ལྟ་བུའི་དབང་བཞི་བསྐུར་ཚུལ་ཞིག་གསུངས་པ་ལ་ལས་གསང་སྒྲུབ་ལྷ་ལྔ་དང་སྦྱར་ཡང༌། ཕྱི་སྒྲུབ་དཔའ་བོ་གཅིག་པ་འདི་ཉིད་དང་སྦྱོར་དགོས་པར་མཁན་ཆེན་ངག་དབང་ཆོས་གྲགས་ཀྱིས་གསང་བ་ལྷ་ལྔའི་བྱིན་རླབས་ཀྱི་ཆོ་གར་གསུངས་པས་ཤེས་སོ། །འཕགས་མའི་བྱིན་རླབ…

དཔའ་བོ་གཅིག་པའི་བསྐྱེད་རིམ་སྙིང་པོའི་དོན་གསལ་ཞེས་བྱ་བ་བཞུགས་སོ། །

བླ་མ་གཤིན་རྗེའི་གཤེད་ལ་ཕྱག་འཚལ་ལོ། །དཔའ་གཅིག་གི་བསྐྱེད་རིམ་ནི། རགས་པ་བཅུ་གསུམ་མའི་དང་པོ་སྦྱོར་བ་ཡན་ཆད་དང་འདྲ་བས་ཐོ་ཙམ་ལ་སྒོས་ཆོས་རྣམས་ཀྱིས་ཅུང་ཟད་ཟུར་བརྒྱན་ཏེ་འགོད་པ་ནི། ལམ་ཐུན་མོང་བས་རྒྱུད་སྦྱངས་ཤིང་དབང་ཐོབ། དམ་ཚིག་གཙང་བའི་སྒྲུབ་པ་པོས་གནས་དང་ཡོ་བྱད་སྤྱོད་ལམ་སོགས་རྒྱུད་དང་མཐུན་པར་བྱས་ཏེ་ཀུན་སློང་བཅོ…

དུ་གཤེགས་པ་ལྔའི་ས་བོན་ལས་ཤ་ལྔ་དང༌། ཡུམ་ལྔའི་ས་བོན་ལས་བདུད་རྩི་ལྔ་རང་རང་གི་མིང་ཡིག་དང་པོས་མཚན་པ། སྟེང་དུ་ཐུགས་གསུང་སྐུ་རྡོ་རྗེའི་ངོ་བོ་ཡི་གེ་གསུམ་བརྩེགས་མར་གནས་པ་ལྷུང་སྟེ་ཞུ་བས། ཆོས་དབྱིངས་ཡེ་ཤེས་ཀྱིས་མ་དག་པའི་ཉེས་པའི་རྩ་བ་སྦྱངས། ཚེ་དཔག་མེད་གསུང་རྡོ་རྗེའི་ས་བོན་གྱིས་འཆི་མེད་བདུད་རྩིར་བྱས། གཟུགས་ཀྱི་ཕ…

སྐྱོང་གི་གཏོར་མ་ནང་མཆོད་ལྟར་བརླབས་ལ། དེ་དག་བཀུག་ནས་སོ་སོའི་ཕྱོགས་སུ་འཁོད་པ་འོད་གསལ་དུ་བཅུག་སྟེ་འཇིགས་བྱེད་ཀྱི་སྐུར་བསྒོམ། ལྗགས་བྱིན་གྱིས་བརླབས་ཤིང་རྩ་སྔགས་ཀྱིས་ལྷ་ལ་ཕུད་དབུལ། སོ་སོའི་སྔགས་ཉེ་སྙིང་དང་སྤེལ་བས་ཆོས་རྒྱལ་ཡབ་ཡུམ། ལྷ་མོ། ལས་བཞིའི་གཤིན་རྗེ་རྣམས་དང་། སྙིང་པོ་དང་བརྒྱ་བྱིན་སོགས་ཕྱོགས་སྐྱོང་གཞན…

ཚུལ་གཉིས་ཡོད། ཡེ་ཤེས་ཀྱི་ཚོགས་གསོག་པ་དང་ཆོས་སྐུའི་ལམ་འཁྱེར་དངོས་གཉིས་སྟབས་གཅིག་ཏུ་བྱ་བ་ནི་བཅུ་གསུམ་མའི་སྐབས་ཡབ་ཡུམ་གྱི་སྦྱོར་མཚམས་ནས་ཀྱང་འོད་ཟེར་སྤྲོ་བ་བྱེད་ལ། འདིར་ཐུགས་ཀའི་ཧཱུཾ་ཁོ་ན་ལས་སྤྲོས་པའི་འོད་ཀྱིས་སྣོད་བཅུད་ཐམས་ཅད་ཞུ་བ་རང་དང༌། དེའང་སྟོད་སྨད་ནས་ཐུགས་ཀའི་ཧཱུཾ་ལ་བསྡུ་ཞིང༌། མཐར་ནཱ་དའང་མི་དམིགས་…

པ་ཤིན་ཏུ་ཟབ་སྟེ། ལྷ་འདི་སྒྲུབ་པའི་དགོས་པའི་གཙོ་བོ་ནོར་བུའི་གླིང་དུ་འཇུག་པའི་དེད་དཔོན་བཞིན་ཆོས་སྒྲུབ་པའི་བར་ཆད་བཟློག་པ་དང༌། ཡང་དེའི་རྐྱེན་སེལ་ཙམ་མ་ཡིན་པར་གདུལ་བྱ་དབང་པོ་མཆོག་རྣམས་ལས་དང་ཡེ་ཤེས་ཀྱི་ཕྱག་རྒྱ་ལ་བརྟེན་ནས་དགའ་བཞིས་འོད་གསལ་འགྲུབ་ཅིང༌། དེ་ལས་སྒྱུ་མའི་སྐུར་བཞེངས་པས་ཕ་མའི་རྒྱུད་ཀྱི་ཟབ་གནད་གཉིས་…

གཉིས་ཀྱི་རྟིང་པ་སྤྲད་པ་ལྟ་བུའི་སྦུབས་སྟོང་ནང་དུ་གནོད་མཛེས་བསྒོམས་ཏེ། སྙོམས་འཇུག་གི་སྦྱོར་བས་ཁྲོ་བཅུ་ཞལ་དུ་དྲངས་པ་ཞུ་སྟེ་ཡུམ་གྱི་པདྨར་ཕབ་པ་སོ་སོའི་མདོག་ཅན་གྱི་ཐིག་ལེ་བཅུ་དང༌། དེ་ཧཱུཾ་བཅུ། དེ་ཁྲོ་བཅུར་གྱུར་ཏེ་མངལ་ནས་སྤྲོས། རྩིབས་སོ་སོར་གདན་སུམ་བརྩེག་རེ་ཡོད་པའི་སྟེང་དུ་འཁོད་པར་བསམས་ལ་གནད་ལྔ་དང་ལྡན་པའི་…

དགུ་བའི་ཞེས་འབྱུང་བ་ནི། སྟེང་དུ་གདུང་བསྣོལ་མར་འཕང་ཚེ་རེ་མིག་དགུ་འབྱུང་བའི་དོན་ཡིན་ཀྱང་དེ་དང་ལྷ་གནས་བསྟུན་མི་དགོས་པས་བྲི་བྱ་ལའང་མི་དགོས་སོ། །གཞལ་ཡས་ཁང་བསྒོམ་པ་ནི་གང་དུ་སྐྱེ་བ་ལེན་པའི་གནས་དང་རྣམ་པ་མཚུངས་ཤིང་མ་དག་པའི་སྣོད་སྦྱོང་བ་དང༌། འབྲས་དུས་ཀྱི་དག་པའི་གཞལ་ཡས་ཁང་འགྲུབ་པའི་རྒྱུར་འགྱུར་རོ། །དེ་ནས་ལོངས་…

འབྲས་བུ་གསུམ་གའི་སྐབས་ཀྱི་བསྒྲུབ་གཞིའི་ཕྲ་བའི་རླུང་སེམས་དང༌། དེས་བསྒྲུབས་པའི་ངག །ཡིད། ལུས་ཏེ་བཞི་བཞི་མཚོན་ནོ། །སྤྲུལ་སྐུའི་ལམ་འཁྱེར་ནི། སྒྱུ་མའི་ལུས་དེ་ཙམ་གྱིས་ཀྱང་གཞན་དོན་མི་རྫོགས་པས། ཐ་མལ་གྱིས་མཐོང་ནུས་པའི་རགས་པའི་སྤྲུལ་སྐུ་གཟུང་སྙམ་པ་བྱས་ལ། འཇམ་དཔལ་གྱི་ཐུགས་ཀར་དོན་གྱི་འོད་གསལ་མཚོན་པའི་ཉི་དཀྱིལ་བས…

འཇིགས་བྱེད་ཀྱི་སྐུར་གྱུར་ཏེ། ཕར་སྤྲོས་པའི་ལྷ་རྣམས་དང་ལྷན་དུ་ཚུར་འདུས་ནས་རྡོ་རྗེ་ཧཱུཾ་དང་བཅས་པ་ལ་ཐིམ། དང་པོ་ནས་གདན་གྱི་ཚུལ་དུ་ཡོད་པའི་ཟླ་བ་དང༌། དེའི་སྟེང་གི་ཉི་མ། རྡོ་རྗེ། ས་བོན་ཐམས་ཅད་གཅིག་ཏུ་འདྲེས་པར་བསམས་པ་ནི་བྱ་གྲུབ་ཡེ་ཤེས་ལས་བྱང་ཆུབ་པའམ་སྐད་ཅིག་མ་གཅིག་ལ་མངོན་པར་བྱང་ཆུབ་པ་ཡིན་ལ། དེ་ལས་རྡོ་རྗེ་འཇི…