དཀྱིལ་འཁོར་དམ་པ་བཤད་དུ་གསོལ། །ཞེས་རྐང་པ་དང་པོར་རྡོ་རྗེ་གསོར། གཉིས་པར་དྲིལ་གསིལ། གསུམ་པར་པད་ཀོར། བཞི་པར་ཐལ་མོ་སྦྱར་ཏེ་མགོ་དུད་པ་དང་བཅས་གསོལ་བ་གདབ། དེ་ནས་ལྷོ་ཕྱོགས་པས་མཎྜལ་ཕུལ། རང་ཉིད་སྐད་ཅིག་གིས་ལྷ་མོ་མདངས་ཅན་མ་སེར་མོ་ཞལ་གཅིག་ཕྱག་གཉིས་ཟངས་གྲི་དང་ཐོད་པ་འཛིན་པར་གྱུར་ཏེ། ནམ་མཁར་ཞེས་པ་ནས། གསོལ་བ་ནི། མཚན་…

ལས་གསུངས་པ་བཞིན་འདི་དང་བདེ་མཆོག་དུས་འཁོར་སོགས་ཕལ་ཆེར་མཐུན་ནོ། །འོན་ཀྱང་ཕྱག་རྡོར་གྱི་སྐོར་ནས་སྒོས་སུ་གསུངས་པའི་གསོལ་འདེབས་བྱ་བར་སྤྲོ་ན་སྟོང་ཉིད་ཏིང་འཛིན་རྡོ་རྗེ་དང༌། འགྲོ་བཟང་སྙིང་པོས་ཕྱག་རྡོར་གྱི་སྐོར་རྣམས་ལས་འཁོར་ཆེན་ལ་ཁ་བསྐང་བ་དུ་མ་འབྱུང་བར་འདུག་པས། འདིར་ཡང་སྟོང་ཉིད་ཏིང་འཛིན་རྡོ་རྗེས་གསུངས་པ་ལྟར་ཕ…

ཞེ་སྡང་ཆེན་པོ་ཚར་གཅོད་ཕྱིར། །རྡོ་རྗེ་རིགས་ཀྱི་ས་བཟུང་མཛོད། །རིན་ཆེན་གོས་སྔོན་རིགས་ཀྱི་གཙོ། །མཉམ་པའི་ངང་ལས་འབར་བའི་སྐུ། །ང་རྒྱལ་ཅན་རྣམས་གཞོམ་པའི་ཕྱིར། །རིན་ཆེན་རིགས་ཀྱི་ས་བཟུང་མཛོད། །པདྨའི་གོས་སྔོན་རིགས་ཀྱི་གཙོ། །མཉམ་པའི་ངང་ལས་འབར་བའི་སྐུ། །འདོད་ཆགས་ཅན་རྣམས་གདུལ་བའི་ཕྱིར། །པདྨའི་རིགས་ཀྱི་ས་བཟུང་མཛོད།…

ཞེས་དེ་བཞིན་གཤེགས་པ་རྣམས་ལ་ཕྱག་བྱ། མཉམ་པའི་རྐང་སྟབས་ནི་སྔགས་རིམ་ལས། མཉམ་པ་ནི་རྐང་པ་གཉིས་ཀྱི་སོར་མོ་ཕན་ཚུན་སྦྱར་བ་སྟེ། རྐང་པའི་མཐེ་བོང་དང་རྟིང་པ་གཉིས་གཅེར་བ་ཞེས་མཐེ་བོང་གཉིས་རྩིབས་སྦྱར། རྟིང་པ་གཉིས་རྩིབས་སྦྱར་ཏེ་གཤིབས་ནས་སྡོད་པ་ལ་གསུངས་པ་ནི་འདིའི་ཐད་ཀྱི་འཕྲེང་བར། རྐང་པ་གཉིས་ཀྱི་སོར་མོ་ཕན་ཚུན་སྦྱར་བ་ན…

ཟེར་གྱི་ཕུང་པོ་སྤྲོས་པས་བགེགས་ཐམས་ཅད་བསྲེགས་པ་དང༌། མིག་གཡོན་པ་ཊ་ལས་ཟླ་བར་བསྐྱེད་པ་ལས་བདུད་རྩི་བབ་པས་འཁོར་གྱི་ཁྲོ་བོའི་ཚོགས་རྣམས་མཆོད་ཅིང་ཚིམ་པར་བསམ་ལ། འཕགས་འོད་ཀྱི་ནག་པོའི་དཀྱིལ་ཆོག་ཏུ་མེ་འོད་ཀྱིས་བགེགས་རྣམས་བསྲེགས་པ་དང་བདུད་རྩིས་གསོ་བར་གསུངས་ཀྱང་སྐབས་གཞན་ཡིན་པས་འདི་དང་མི་འདྲའོ། །དེ་ནས་ཤར་རམ་དབང་ལྡན…

རྐང་སྟབས་ཞེས་པའང་མཐའ་གཅིག་ཏུ་རྡོ་རྗེ་འབྲི་དགོས་པ་མིན་པར་རྐང་མཐིལ་རྡོ་རྗེའི་མེ་དཔུང་འཕྲོ་བ་རེ་རེས་མཚན་པས་བགེགས་རྣམས་བསྲེག་ཅིང་བྱེར་བར་བསམ་སྟེ་འགྲོ་བའང་རྡོ་རྗེའི་འགྲོས་སུ་འཇོག་པ་ནག་པོ་སྤྱོད་པ་དང་འཕྲེང་བའིའང་དགོངས་པ་ཡིན་པས་སྐོར་ཐེངས་སྔ་མ་འདི་ལ་མི་འབྲི་བར་དམིགས་པ་དེ་ཉིད་དང༌། ངག་ཏུ་ཧཱུཾ་བཟླ་ཞིང་ལག་པ་པད་ཀ…

བརྗོད་བཞིན་པར་སློབ་དཔོན་གྱི་རྡོ་རྗེ་གཡོན་ཕྱོགས་ཀྱི་སློབ་མའི་དྲིལ་བུའི་ནང་དང༌། དེའི་རྡོ་རྗེ་སློབ་དཔོན་གྱི་དྲིལ་བུའི་ནང་དུ་གཞུག་པའི་ཁ་སྦྱོར་བྱ། དེ་བཞིན་དུ་མདུན་དང་གཡས་དང་རྒྱབ་ཀྱི་སློབ་མ་ལ་བྱེད་ཅིང༌། ཕྱི་མ་གསུམ་གའི་ཚེ་དབྱངས་མེད་པར་སྔགས་བསྒྲིགས་ནས་བརྗོད། དེ་བཞིན་དུ་སྒོ་གཞན་གསུམ་ལ་སླེབ་པ་ན་གཞི་བཅའ་སྔོན་ད…

དང་ལྷན་ཅིག་གཡས་བརྐྱང་སོགས་བྱ་བར་འདུལ་འཛིན་གྱིས་གསུངས་པ་སྔགས་རིམ་གྱི་སྐོར་བ་བྱེད་ཚུལ་དེ་དང་ཤིན་ཏུ་འགྲིག་པས། སྐོར་བ་དང་པོའི་ཚེ་རྐང་མཐིལ་གཉིས་སུ་ཧཱུཾ་ཧཱུཾ་ལས་བྱུང་བའི་རྡོ་རྗེ་རྩེ་གཅིག་པ་རེ་རེས་མཚན་པར་གྱུར་པར་བསམས། ངག་ཏུ་ཧཱུཾ་བརྗོད་པར་རྡོ་རྗེ་མཁའ་འགྲོ་སོགས་དུ་མ་ལས་གསུངས་ཤིང༌། ལ་ལར་ཧཱུཾ་རིང་པོའི་སྔགས་ཞེས…

ནས་བལྟ། ཚུལ་དེས་སྐོར་བ་གཅིག་འཁོར་ནས་ཤར་སྒོའི་ཐད་དུ་སླེབ་པ་ན་གཡོན་སྔོན་འགྲོའི་གཞི་བཅའ་སྔོན་དུ་བཏང་ལ། སློབ་དཔོན་གྱིས་རྐང་པ་གཡོན་པའི་བྱིན་པ་བསྐུམ་ནས་མཐོ་ལྔའི་བར་དུ་རྐང་པ་གཡས་པ་འགྱིང་བ་དང་བཅས་པར་དྲང་པོར་བརྐྱངས་པའི་གཡས་བརྐྱང་དང༌། སློབ་མ་མཛེས་ལྡན་མའི་ང་རྒྱལ་འཛིན་ཅིང་གཡོན་བརྐྱང་བྱེད། སྐོར་བ་གཉིས་པར་རྩེ་གསུ…

ཆེ་ཆུང་ཇི་ལྟར་འཚམས་པར་བསྐོར་བས་ལྟེ་བ་འདྲི་བ་དང༌། ངག་ཏུ་ཧྲྀ་ད་ཡ་ཞེས་བརྗོད་ཅིང་ལག་པ་པད་ཀོར་གྱི་ཕྱག་རྒྱ་བྱེད། དེ་ནས་ལག་པ་གཉིས་དཀུར་བརྟེན་ཏེ་གཡས་སྐོར་གྱིས་རྒྱབ་ཏུ་ཕྱོགས་ལ་མཧཱ་ཀྲོ་དྷ་ཞེས་བརྗོད་ཅིང་བཞིན་བསྒྱུར་ཏེ་ཁྲོ་བོའི་ལྟ་སྟངས་ཀྱིས་བལྟ། དེ་ནས་མདུན་དུ་འཁོར་ཏེ་སཏྭ་ཧཱུཾ་ཕཊ་ཅེས་བརྗོད་ཅིང་སྔར་བཞིན་བལྟ། སྐབས…

ཞེས་དཀྱིལ་དྲང་པོར་ཅུང་ཟད་གོམ་པ་བསྲིང་བས་དབུས་རྭ། དེ་དང་གཡོན་རྭའི་བར་མཚམས་སུ་ར་ཞེས་སྟེང་རྭ་འདྲི། དེ་བཞིན་དུ་མདུན་ངོས་སུ་དྷཱ་ར་དང་བ་དང་ཛྲ་དང་པཱ་དང་ཎི་རྣམས་ཀྱིས་མདུན་གྱི་གཡས་གཡོན་འོག་དབུས་སྟེང་གི་རྭ་རྣམས་འདྲི། ལྷག་མས་ལྟེ་བ་སྐོར་ལུགས་དང་འཁོར་ཚུལ་སོགས་འདྲ། སྐོར་བ་གསུམ་པའི་མཐར་ནུབ་སྒོའི་ཐད་དུ་གཡོན་སྔོན་འག…

གཞི་བཅའ་དང་བཅས་གོང་དུ་བཤད་པ་བཞིན་གྱི་མཉམ་པའི་རྐང་སྟབས་བྱའོ། །སྟངས་སྟབས་འདི་དག་ལ་དགོས་པའི་ཁྱད་ཆོས་སྤྱིར་སྟོན་པ་ན། ཕྲེང་བའི་དཔེ་ལ་ལར། ཇི་ལྟར་རིག་པར་རྒྱ་མཚོའི་རླབས་དང༌། རི་བོ་འདེགས་པ་དང༌། རོལ་པའི་བསྐྱོད་པ་དང༌། ཁྲོ་བོའི་བསྐྱོད་པ་དང༌། གོམ་པ་བགྲོད་པ་དང༌། ཚུལ་བཞི་དང་ཞེས་འབྱུང་བ་རྣམས་ནི་ཡི་གེ་མ་དག་པར་སྣང་སྟ…

རྐང་སྟབས་བཅུ་གསུམ། བསྣུན་པའི་ཀུན་ཏུ་བསྐྱོད་པ་ལ་སོགས་པའམ། སངས་རྒྱས་སྟོབས་ཀྱི་ཀུན་བསྐྱོད་སོགས་ཀུན་ཏུ་བསྐྱོད་པ་དགུ། རྡོ་རྗེ་བསྒྲེངས་པ་ལ་སོགས་པ་དྲུག།།རལ་གྲིའི་ཚུལ་ལ་སོགས་པའི་ཚུལ་བཅུ་གསུམ་མམ་ཉེར་བརྒྱད། རྡོ་རྗེའི་གདན་ལ་སོགས་པ་གདན་བཅུ། གར་གྱི་ཉམས་དགུ། གླུ་གར་གྱི་མཆོད་པ་དུ་མ་བཅས་སྒྱུ་འཕྲུལ་དྲ་བ་དང༌། ཁྲོ་བོ་…

རྣལ་འབྱོར་ལ་གནས་པ་དང་བདེ་སྟོང་གི་ངོ་བོར་མོས་པ་ཙམ་ཞིག་མེད་མི་རུང་དུ་དགོས་ཏེ། རྒྱུད་བརྟག་གཉིས་ལས། དེ་ཚེ་རྡོ་རྗེ་རྐང་པའི་གར། །ཡོ་གིས་མཉམ་པར་བཞག་པས་བྱེད། །ཅེས་དང༌། བརྟག་པ་ཕྱི་མ་ལས། དྲན་པ་མི་འཕྲོག་རྣལ་འབྱོར་ལས། །ཧེ་རུ་ཀཿ ཡི་གཟུགས་ཀྱི་གར། །ཆགས་བྲལ་མིན་གོམས་སེམས་ཀྱིས་ནི། །འདོད་ཆགས་སེམས་ཀྱིས་བསྒོམ་པ་ཉིད། །ཅ…

སྟོང་པའི་དབྱིངས་སུ་འཁྲིགས་པ་ལས། །གཏུམ་ཆེན་ཁྲོ་བོ་འབར་བའི་ཉམས་འགྱུར་གློག་དམར་འཁྲུག་པའི་རོལ་གར་གྱིས། །མ་རུངས་བདུད་སྡེའི་སྙིང་རྩ་འགེམས་ཤིང་བྱིན་རླབས་གྲུ་ཆར་འཇོ་བ་ཡིས། །སྐལ་བཟང་ཞིང་པའི་རེ་སྐོང་ངོ་མཚར་ཞི་ཁྲོའི་མཛད་པ་ལྷན་ཅིག་སྟོན། །གང་སྐུའི་སྣང་བ་ནོར་བུ་ཀེ་ཏ་ཀཿ །དྲི་བཅས་སེམས་ཀྱི་ཆུ་མཚོར་ཞུགས་པའི་མོད། །ཕྱི…

བསྟན་པའི་ཉི་མ་རྗེ་བཙུན་དམ་པས་མཛད་པའི་མ་ཎིའི་སྒྲུབ་ཐབས་ཟབ་མོའི་འགྲེལ་པ་ཟབ་མོ་སྣང་བ་ཞེས་བྱ་བ་བཞུགས་སོ། །

མཁྱེན་པས་སྲིད་པའི་འདམ་རྫབ་ལས་གྲོལ་འོད་གསལ་འདབ་སྟོང་རྒྱས་པའི་རྩེར། །ཐུགས་རྗེས་ཞི་ལ་དགའ་བ་རིང་སྤངས་ལོངས་སྤྱོད་རྫོགས་པའི་ཡིད་བཞིན་ནོར། །རང་བྱུང་སྐུ་དང་སྒྲིབ་བྲལ་ཡེ་ཤེས་གཉིས་སུ་མི་ཕྱེད་རྡོ་རྗེའི་བདག །ཟུང་དུ་འཇུག་པ་སྲིད་ཞིའི་དཔལ་གྱུར་དང་པོའི་མགོན་པོ་དེ་ལ་འདུད། །རབ་འབྱམས་དཀྱིལ་འཁོར་བདག་པོ་རྡོ་རྗེ་འཆང༌། །འ…

དགོངས་པ་བཞིན། །འཆད་ལ་ཡི་དམ་མཁའ་འགྲོས་གནང་བ་སྩོལ། །བླ་མ་ལྷག་པའི་ལྷ་ཡིས་བློ་གྲོས་སྐྱེད། །ཆོས་སྲུང་དམ་ཅན་རྒྱ་མཚོས་བར་ཆད་སྲུངས། །སྐལ་ལྡན་བློ་གསལ་ཚོགས་ཀྱིས་གུས་པས་ཉོན། །དེའང་རིང་མོ་ཞིག་ནས་ཚོགས་གཉིས་རླབས་པོ་ཆེའི་སྤྱོད་པ་ཡོངས་སུ་རྫོགས་ཏེ། སྤངས་པ་དང་རྟོགས་པའི་ཡོན་ཏན་མ་ལུས་པ་མངོན་པར་བྱང་ཆུབ་ཏུ་ཟིན་ཀྱང༌། ཟག་མ…

རང་བྱུང་ཡེ་ཤེས་རྡོ་རྗེ་ཞེས་གྲགས་པའི་གདུགས་དཀར་སྲིད་པ་གསུམ་གྱི་བླ་ན་འཁོར་བའི་འདྲེན་མཆོག་དམ་པ་འདི་ཉིད་ནི། སྔོན་ཐུབ་པའི་དབང་པོའི་སྤྱན་སྔར་བྱང་ཆུབ་སེམས་དཔའ་བློ་གྲོས་ཤིན་ཏུ་རྣམ་དག་དང༌། དེ་ནས་རྒྱལ་བའི་ལུང་གིས་ཟིན་པའི་ཤིང་རྟ་ཆེན་པོ་དཔལ་མགོན་འཕགས་པ་ཀླུ་སྒྲུབ་སོགས་འཕགས་བོད་དུ་སྐྱེ་བའི་ཕྲེང་བ་མང་དུ་བཞེས་ཏེ། བ…

བཞི་པ་ཅུང་ཟད་ན་ལ་ཞོན་པའི་མིང་ཅན་རྣལ་འབྱོར་དབང་པོ་སྐྱེས་བུའི་མཆོག་གཅིག་པོ་འདིས་རལ་གྲི་ལ་སོགས་པའི་དངོས་གྲུབ་ཆེན་པོ་བརྒྱད་ཐོབ་པར་འགྱུར་རོ། །འཛམ་བུའི་གླིང་དུ་མ་བྱུང་ཞིང་འབྱུང་བར་མི་འགྱུར་རོ། དེའི་སློབ་མ་རྣལ་འབྱོར་དྲུག་གིས་ལུས་ཀྱི་དངོས་པོ་སྤངས་པའི་ཕྱག་རྒྱ་ཆེན་པོ་ཐོབ་པར་འགྱུར་རོ། །ཞེས་ཡུལ་དང༌། ནག་པོའི་སྐད…