གྱིས་མི་ཁྱབ་ལ། དེ་རྗེས་ཀུན་དགའ་གྲོལ་མཆོག་དང༌། རྗེ་བཙུན་ཏཱ་ར་ནཱ་ཐའི་སྐྱེ་བ་བཞེས་ཏེ་འཁོར་ལོ་གསུམ་གྱི་སྒོ་ནས་བསྟན་པའི་བྱ་བ་བསམ་ལས་འདས་པ་མཛད་ཚུལ་ཕྱི་ནང་གསང་བའི་རྣམ་པར་ཐར་པ་མང་དུ་བཞུགས་པ་བཞིན་ཡིན་ནོ། །ཁྱད་པར་སྐུ་འཕྲེང་འདི་ཉིད་ལ་འཇམ་མགོན་རྒྱལ་བ་གཉིས་པའི་རིང་ལུགས་དྲི་མ་མེད་པ་ཕྱོགས་མཐར་སྤེལ་བའི་ཕྱིར་དམ་ཆོས་…

གང་བཤད་པར་བྱ་བའི་ཆོས་སོ། །དེ་ལ་ཐོག་མར་སྒྲུབ་ཐབས་འདི་ཉིད་ཀྱི་མཚན་ལ་མ་ཎིའི་སྒྲུབ་ཐབས་ཟབ་མོ་ཞེས་བཏགས་པའི་དོན་འདི་ལེགས་པར་གོ་ན་གཞུང་དངོས་གཞིའི་བརྗོད་དོན་འགྲོ་ལུགས་ཀྱི་སྤྱིའི་ཁོག་ཤེས་པར་ནུས་ཏེ། སྤྱིར་བསྟན་བཅོས་སོ་སོ་ལ་མིང་འདོགས་ཚུལ། ཡུལ་དང༌། ཞུ་བ་པོ་དང༌། གཞུང་ཚད་སོགས་ཀྱི་སྒོ་ནས་འདོགས་ཚུལ་སྣ་ཚོགས་ཡོད་ཀྱང༌…

མངོན་པར་ཞེན་པ་རྣམས་ལ་རྣམ་པར་ཤེས་པའི་ཚོགས་བརྒྱད་ལ་སོགས་པ་ཆོས་ལ་བདག་མེད་པ་རྟོགས་པར་མཛད་ཅིང༌། ས་དང་ཕ་རོལ་ཏུ་ཕྱིན་པའི་སྤྱོད་པ་བསྟན་པར་མཛད་པ་དང༌། ཡང་འཁོར་ལོ་བསྒྱུར་བའི་གཟུགས་སུ་མངོན་པར་སྤྲུལ་ནས་ཟབ་མོ་ལ་ལྷག་པར་མོས་པ་རྣམས་ལ་འདོད་ཆགས་ཀྱི་སྤྱོད་པ་དེ་རྟོགས་པར་བྱ་བའི་ཕྱིར་འདོད་ཆགས་ཀྱི་ཆོས་སྟོན་པར་མཛད་པ་ཡིན་ནོ།…

རྗེ་ཐེག་པ་སྟེ། སྔགས་ཀྱི་ཚུལ་དང་ཕ་རོལ་ཏུ་ཕྱིན་པའི་ཚུལ་འབྲས་བུ་དང་རྒྱུའི་བདག་ཉིད་གཅིག་ཏུ་འདྲེས་པར་གྱུར་པའོ། །ཞེས་པའི་དགོངས་པ་དབང་མདོར་བསྟན་ལས། སྟོང་ཉིད་གཟུང་འཛིན་རྒྱུ་ཡིན་ཏེ། །འབྲས་བུ་སྙིང་རྗེས་མི་འགྱུར་འཛིན། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ཞེས་བྱ་བར་བཤད། །ཅེས་བླ་མེད་ལ་སྒོས་སུ་སྦྱར་བའི་ར…

དེ་ནི་དེ་བཞིན་གཤེགས་པའི་རྒྱུ། །ཨེ་ཝཾ་ཞེས་བྱའི་ཡི་གེ་གཉིས། །གང་ལ་འདི་གཉིས་མེད་པ་ནི། །དེ་ལ་དེ་ཁོ་ན་ཉིད་མེད། །ཅེས་དང༌། མཐའ་དཔྱོད་མྱུ་གུ་ལས། དེ་འདྲ་བའི་གཉིས་སུ་མེད་པའི་ཡེ་ཤེས་དེ་རྒྱུད་གང་ལས་བརྗོད་པ་དེ་ལ་ནི་དེ་ཉིད་མཆོག་ཡོད་ལ། དེ་མི་སྟོན་ན་མེད་པ་ཡིན་ཏེ། ཞེས་གསུངས། དེ་འདྲ་བའི་བདེ་སྟོང་དབྱེར་མེད་ཀྱི་ལམ་དེ་ཉ…

དབང་དུ་བྱས་ན་ཟབ་གསལ་གཉིས་སུ་མི་ཕྱེད་པ་དང༌། བླ་མེད་སྒོས་ཀྱི་དབང་དུ་བྱས་ན་བདེ་སྟོང་གཉིས་སུ་མེད་པ་ལ་འཇུག་པ་དེ་གང་གི་དབང་དུ་བྱས་ཀྱང། མ་ཎི་པདྨེ་ཞེས་པ་ལ་དེ་ཉིད་ཚང་བའི་ཚུལ་ལེགས་པར་ཤེས་པའི་སྒོ་ནས་སྒྲུབ་ཐབས་ཉམས་སུ་ལེན་པའི་ཚེ་རྣམ་པ་ཐམས་ཅད་དུ་དེ་གཉིས་ཡ་མ་བྲལ་བ་ལ་སློབ་པར་བྱེད་དགོས་པ་ཤེས་པའི་ཕྱིར་དུ་ཐོག་མ་ཉིད་ནས…

དོན་དང༌། གུ་རུ་ཞེས་པ་བླ་མའམ་གོང་མ་དང་ལྕི་བ་ལའང་འཇུག་སྟེ། སྐྱེས་རབས་ལས། ཡོན་ཏན་གྱི་ཚོགས་ཀྱིས་བླ་མར་གྱུར་པ་ཞེས་གོང་དུ་འཕགས་པ་ལ་བཤད་ཅིང༌། འཁྲི་ཤིང་ལས། ནོར་བུ་བཞིན་དུ་ཡོན་ཏན་ཉིད་ཀྱིས་བླ་མ་འཐོབ། །ཅེས་ཡོན་ཏན་གྱི་བཅུད་དང་ལྡན་པ་ལ་བཤད་པ་ལྟ་བུའོ། །ལོ་ཀེ་ཤྭ་ར་ཞེས་པའི། ལོ་ཀ་ནི་འཇིག་རྟེན་དང༌། ཨི་ཤྭ་ར་དབང་ཕྱུག་སྟ…

རླབས་འཇུག་པའི་སྒོ་གཅིག་པུར་གྱུར་པ་ཡིན་པ་ཤེས་པའི་ཕྱིར། བླ་མ་དང་འཇིག་རྟེན་དབང་ཕྱུག་ཅེས་གསུངས་པར་ཤེས་པར་བྱའོ། །གཉིས་པ་གཞུང་དོན་ལ། བསྒོམ་པའི་ཚུལ་དང༌། བསྒོམ་པའི་ཕན་ཡོན་གཉིས། དང་པོ་ལ། སྦྱོར་བ། དངོས་གཞི །རྗེས་ཀྱི་རིམ་པ་གསུམ། དང་པོ་ནི། རང་གཞན་འཁོར་བའི་རྒྱ་མཚོ་ལས། །བསྒྲལ་བར་འདོད་པའི་གང་ཟག་གིས། །ཁྱེད་ཤེས་ཁེལ་…

༼འདི་ནས་སྡེ་མ་གཅིག་ནོར་འདུག༽ ཊཱིཀ་ཆེན་དེ་ཉིད་སྣང་བ་ལས། ཆོས་ཐམས་ཅད་ཡང་དག་པར་བསྡུ་བ་ཞེས་པའི་བསྡུ་བྱའི་ཆོས་ནི་ཐེག་པ་གསུམ་དང༌། དཀོན་མཆོག་གསུམ་དང༌། ཕར་ཕྱིན་བཅུ། བསྡུ་བ་བཞི། གསུང་རབ་ཡན་ལག་དགུ །སྦྱངས་པའི་ཡོན་ཏན་བཅུ་གཉིས་ལ་སོགས་པ་རྣམས་ལ་གསུངས་པ་ཉིད་ཀྱིས་སྔགས་ཀྱི་ལམ་ལ་འཇུག་པའི་ཐོག་མར་ཐུན་མོང་གི་ལམ་ལ་ཐོས་བསམ་…

མཚོའི་ཕ་རོལ་ཏུ་བརྒལ་བའི་མི་གནས་པའི་མྱང་འདས་མངོན་པར་འདོད་ཅིང༌། ལྷ་དང་ཆོས་ལ་ཡིད་ཆེས་ཀྱི་དད་པ་རྙེད་པའི་ཚེ། གཟོད་དཀྱིལ་འཁོར་དུ་འཇུག་པར་གསུངས་པ་བཞིན་ནོ། །ཁ་ཅིག་མདོ་ལས། བྱང་ཆུབ་སེམས་དཔའ་འཁོར་བའི་སྤྱོད་ཡུལ་ལ་སྐྲག་ན་སྤྱོད་ཡུལ་མ་ལེགས་པར་ལྷུང་ངོ༌། །ཞེས་སོགས་ཀྱི་དོན་དུ་འཁྲུལ་ཏེ། ཐེག་ཆེན་གྱི་ལམ་ལ་སློབ་པའི་ཚེ་འཁ…

གནས་གཉིས་སོ། །ཞེས་བདེ་མཆོག་གི་ལེའུ་ཐ་མས་རྒྱུད་དོན་མཐའ་དག་དེ་ཉིད་བཅུ་བཞིར་སྡུད་པའི་ཚེ། གོས་དང་ཞེས་པ་དེ་ཉིད་བ་ས་ན་ཞེས་པའི་ངེས་ཚིག་གི་སྟེང་ནས་གནས་ལའང་འཇུག་པས། གནས་དེར་དཀྱིལ་འཁོར་དང་སྒྲུབ་པ་པོའི་གནས་གཉིས་སུ་བྱས་པ་ལྟར། འདིར་ཡང་འོག་ཏུ། རྟེན་ལ་བརྟེན་པ་བཞུགས་སོགས་དོན། །ཞེས་པ་དེ་ཉིད་ཀྱི་རྡོ་རྗེའི་ཚིག་གི་ནུས་…

བཞི་དག་ལ་འབད། །ཅེས་གསུངས་ཏེ། དངོས་ཟིན་སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་ཞེས་སོ་སོ་བ་ལྟར་གསུངས་ཀྱང༌། དོན་གྱི་འགྲོས་གཅིག་ཏུ་འགྲོ་སྟེ། དང་པོ་འཁོར་བའི་སྡུག་བསྔལ་གྱིས་འཇིགས་ནས་རྒྱུ་སྐྱབས་རྣམས་ལ་བློ་བཀལ་ཏེ་སྐྱབས་སུ་འགྲོ་བ་ཐེག་པ་ཐུན་མོང་བའི་དབང་དུ་བྱས་པའི་སྐྱབས་སུ་འགྲོ་ཚུལ་དང༌། དེ་རྗེས་སེམས་ཅན་ཐམས་…

སྐོར་དུ་འདུ་བས། སྐྱབས་འགྲོ་རྒྱ་ཆུང་ངུ་མ་ཡིན་པར་མཉམ་མེད་ཇོ་བོ་ཆེན་པོ་དང༌། རྒྱལ་ཚབ་དར་མ་རིན་ཆེན་སོགས་ཀྱིས་གསུངས་སོ། །གཉིས་པ་དངོས་གཞི་ལ། ལྷའི་རྣལ་འབྱོར་ཇི་ལྟར་བསྒོམ་པ་དང༌། བཟླས་པ་ཇི་ལྟར་བྱ་བའི་ཚུལ་གཉིས། དང་པོ་ལ་སྒོམ་ཚུལ་དངོས་དང༌། དེ་ཉིད་རྒྱུད་སྡེའི་ཁུངས་དང་སྦྲགས་པ་གཉིས། དང་པོ་ལའང་འཕགས་པ་ཐུགས་རྗེ་ཆེན་པོ…

འབྱོར་ཙམ་གྱིས་མི་ཆོག་པར་མར་སྦྱང་གཞི་དང་རྣམ་པ་མཐུན་པ། ཡར་འབྲས་བུ་དང་རྣམ་པ་མཐུན་པ། རྫོགས་རིམ་ཟབ་མོའི་སྨིན་བྱེད་དུ་གྱུར་པའི་སྒོ་ནས་ཐུན་མོང་མ་ཡིན་པའི་ལག་རྗེས་རེ་འཇོག་རྒྱུ་ཡོད་པ་ངེས་པར་དགོས་སོ། །དེས་ན་འདི་ལའང་འོག་ཏུ། རྫོགས་རིམ་ཟབ་མོའང་བླ་མ་ཡི། །མན་ངག་བཞིན་དུ་སྒོམ་ལ་བརྩོན། །ཞེས་འབྱུང་བས། ཐོག་མའི་མངོན་རྟོག…

དག་པའི་ཆོས་ཉིད་བདེ་བར་གཤེགས་པའི་སྙིང་པོ་རྟག་བརྟན་ཐེར་ཟུག་དེ་ཉིད་སྟོང་གཞིར་བྱས་ཏེ། དེ་མ་དག་པའི་རྣམ་ཤེས་ཉོན་མོངས་པ་དང་མི་དགེ་བའི་ཆོས་རྣམས་ཀྱིས་སྟོང་པས་གཞན་སྟོང་གི་འཇོག་ཚུལ་སོར་མོའི་འཕྲེང་བའི་མདོ་ཁུངས་སུ་བྱས་ཏེ་བཤད་པ་རྣམས་ལ་སྒྲ་འགྲོས་ཤིན་ཏུ་མཐུན་པས། སྟོང་ཚུལ་དེ་ཉིད་ཀྱི་དབང་དུ་བྱས་པ་ཡིན་ནོ་སྙམ་ན། དེ་ནི་…

ནས་སྣང་བ་ངེས་པར་སྡུད་པའི་བཤད་པ་མེད་ཀྱང་སྔགས་ཀྱི་ཐེག་པ་འདིར་ནི་དེ་ངེས་པར་དགོས་ཏེ། མཆོག་གི་སྣང་ཞེན་སྐྱེ་བ་ལ་ཐ་མལ་གྱི་སྣང་ཞེན་སྡུད་པ་ངེས་པར་དགོས་པའི་ཕྱིར་ཏེ། ཡིད་ཤེས་གཅིག་གི་ངོ་ན་དེ་གཉིས་འདུ་བར་མི་རུང་བའི་ཕྱིར་རོ། །ཞེས་གསུངས་པ་བཞིན་ནོ། །དེ་ལྟར་ན་བསྒོམ་བྱའི་ཡུལ་གྱི་སྟོང་པ་ལ་དགག་བྱ་ཕྲ་མོ་རགས་པས་བཀག་ཙམ་གྱ…

རྣམ་པའི་སྦྱོར་བ་ཡིས། །གཉིས་པོ་འདུས་པ་གང་ཡིན་པ། །ཤེས་རབ་ཐབས་ཞེས་བྱ་བར་གྲགས། །ཞེས་གསུངས། འོད་གསལ་དེ་ཉིད་ཀྱི་མཇུག་ཐོགས་སུ་ལོངས་སྐུའི་ལམ་འཁྱེར་བསྒོམ་པའི་ཚུལ་གཞི་ལ་འཆི་བ་འོད་གསལ་འགགས་ཏེ། ལུགས་ལྡོག་གི་ཉེར་ཐོབ་གྲུབ་མ་ཐག་སྲང་མདའི་མཐོ་དམན་བཞིན་འོད་གསལ་གྱི་རླུང་སེམས་ཙམ་ལས་བར་དོའི་ལུས་འགྲུབ་པ་ལྟར། དཔེ་དོན་གྱི་…

སོགས་ལས་ཡི་གེ་ཙམ་བསྒོམ་པར་གསུངས་པའི་དགོས་པ། བརྟག་གཉིས་ལས། ཡི་གེ་ལས་བྱུང་གོང་བུ་ལ། །ཧཱུཾ་ཕཊ་རྣམ་པའང་འདོད་མི་བྱ། །ཞེས་སོགས་ཀྱང་ཡིན་མོད། གཙོ་བོར་གྱུར་པ་ནི་ཞལ་ལུང་ལས། རིམ་པ་དང་པོ་པ་རྣམས་ལ། །ཡི་གེའི་གཟུགས་སུ་རབ་སྣང་བ། །གཞོམ་དུ་མེད་པ་རང་ལྷ་ཡི། །ས་བོན་འོད་ཟེར་ལྔ་འཕྲོ་བ། །ཞེས་པས་གསལ་བར་བསྟན་ཏེ། ཤིན་ཏུ་ཕྲ་བའ…

གནས་སྐབས་སུ་བར་དོ་བ་སྐྱེ་གནས་སུ་འཇུག་འདོད་པ་དང་འདྲ་བར། རྒྱུ་རྡོ་རྗེ་འཛིན་པ་ཧྲཱིཿ ཡིག་གི་རྣམ་པར་ནམ་མཁའ་ལ་གནས་པ་དེས་ཀྱང་བདག་སྒྱུ་མའི་ལུས་འདི་ཙམ་ལ་གནས་ནའང་ཐ་མལ་བ་རྣམས་ཀྱིས་མཐོང་བར་མི་ནུས་པས། དེ་དག་གི་དོན་དུ་རགས་པའི་སྤྲུལ་སྐུ་བཟུང་བར་བྱའོ་སྙམ་དུ། ཕ་མའི་ཁུ་ཁྲག་དང་ཆོས་མཐུན་པའི་ཟླ་དཀྱིལ་དེ་ཉིད་ལ་འཇུག་པ་ཡིན…

དམར་མདངས་ཆགས་པ་བྱས་ན་རུང་བར་གསུངས་སོ། །དེ་ལྟར་ན་ཟླ་བའི་ཁ་དོག་དཀར་བ་མེ་ལོང་ཡེ་ཤེས། དམར་མདངས་ཆགས་པ་མཉམ་ཉིད་ཡེ་ཤེས། ས་བོན་སོར་རྟོག་ཡེ་ཤེས། དེ་ལས་འོད་འཕྲོས། དོན་གཉིས་བྱས། ཚུར་འདུས་ཏེ་ཟླ་བ་དང་ས་བོན་གཅིག་ཏུ་འདྲེས་པ་བྱ་གྲུབ་ཡེ་ཤེས། དེ་ལས་ལྷའི་སྐུ་རྫོགས་པ་ཆོས་དབྱིངས་ཡེ་ཤེས་ལས་བྱང་ཆུབ་པ་སྟེ། དམིགས་པ་སྐྱོང་ཚུ…