དེ་ཉིད་རྒྱུར་གྱུར་པའི་ཀུན་འབྱུང་དང༌། ཞེས་ལྡོག་ཆ་ནས་འབྱེད་པར་གསུངས་པས། བྱེ་སྨྲས་འཇོག་མཚམས་འདི་ཁྱབ་ཆེ་བར་སྣང་ལ་མདོ་སྡེ་པས་ནི་ཧ་ཅང་ཁྱབ་ཆུང་སྟེ། མདོ་ལས། ཀུན་འབྱུང་བའི་བདེན་པ་གང་ཞེ་ན། གང་འདི་དགའ་བའི་འདོད་ཆགས་དང་ལྷན་ཅིག་པའི་སྲེད་པ་སྟེ། དེ་དང་དེ་ལ་མངོན་པར་དགའ་བ་ཅན་ཡིན་ནོ། །ཞེས་པའི་ལུང་ལ་བརྟེན་ནས་སྲེད་པ་ཁོ་…

འབྱིན་པའི་ཁྲིམས་ཀྱིས་ཟིན་པ་ལྟ་བུ་སྟེ། བདེ་ལམ་སོགས་ལས་ཤེས་པར་བྱའོ། ། ༼༥༽དེ་བཅུ་དྲུག་ལྟ་ལོག་བཅུ་དྲུག་སྤྱད་པ་ལྡོག་ཆེད་དུ་གྲུབ་མཐའ་བཞི་ཀ་ལ་གྲུབ་པའི་ཕྱིར་ཏེ། ༼༤ཟི༽ཁྱད་ཆོས་བཅུ་དྲུག་ལྟ་ལོག་བཅུ་དྲུག་གི་གཉེན་པོར་སྦྱོར་ཚུལ་ལ་མི་གཙང་བའི་རྫས་སོ་གཉིས་སོགས་སུ་ཕྱེ་སྟེ་དཔྱད་པའི་ཚུགས་ཐུབ་ཀྱི་བདག་གཅིག་པུ་བས་སྟོང་བར་ས…

ཞེས་པ་སྟེ། བཤེས་སྤྲིང་དུ། ས་ཆུ་མེ་རླུང་ཉི་ཟླ་བྲལ་ཐོབ་མཛོད། །ཅེས་ཟུར་ཟ་བ་ཡང་དེ་ཡིན་ལ། བརྟགས་པ་མཐའ་བཟུང་གི་དེ་ལུགས་འདིར་ཡོད་ཀྱང་སྡུག་ཀུན་གཉིས་སུ་ཕྱེ་བའི་སྡུག་བདེན་ཡིན་ལ། གྱ་ནོམ་པར་འཛིན་རྒྱུའི་བསམ་གཏན་གྱི་བདེ་བ་ཀུན་འབྱུང་ཡིན་པས་མི་འདྲའོ། །བྱེ་སྨྲས་ཐར་པ་ལྡོག་པ་འདོད་ཀྱང་མི་ལྡོག་པའི་ཐར་པ་མེད་པར་མི་འདོད་ལ།…

ཡུལ་ཡིད་དུ་འོང་བ་གཟུགས་དང༌། སྒྲ་དང༌། དྲི་དང༌། རོ་དང༌། རེག་བྱ་ཞེས་བྱ་བ་འདོད་པའི་ཡོན་ཏན་ལྔའི་བདག་ཉིད་གང་ཡིན་པ་དེ་ནི། དགེ་བའི་ལས་ཀྱིས་འཐོབ་ན་དེ་ཉིད་ཐར་པ་འདོད་པའི་སེམས་ཅན་རྣམས་ཀྱིས་མི་གཙང་བས་བསྡུས་པའི་ཁྱི་ལྟར་སྨད་པར་འགྱུར་རོ། །ཞེས་གསུངས་པའི་ཕྱིར། ༼༤ཡི༽བཞི་བརྒྱ་པ་འདིར་འཕེན་བྱེད་དགེ་བ་ཡང་བླང་བྱ་མ་ཡིན་པར་ག…

པོའི་རང་བཞིན་ཉིད་དུ་གསུངས་པ་གང་ལ་ཡོད་ཅེས་པ་ནས། རྣམ་པར་རྟོག་པ་ལོག་པ་ཙམ་ལས་འབྱུང་བའི་ཕྱིར་དང་སྐྱེས་མ་ཐག་ཏུ་འཇིག་པའི་ཕྱིར། བདེ་བ་སྡུག་བསྔལ་བ་ཉིད་དོ། །ཞེས་པ་ནས། སློབ་དཔོན་ཀླུ་སྒྲུབ་ཞབས་ཀྱི་ལམ་ལས་ནི། །ཞེས་པ་ནས། དེ་ནི་རྣམ་རྟོག་ལོག་པའི་ལམ་ངན་ཞུགས། །ཞེས་བཤད་དོ། །ཞེས་འཇུག་པ་ཡང་ཚུར་དྲང་ངོ༌། །མཛོད་འགྲེལ་ལས། དེ…

ཁྱབ་སྟེ། དེའི་རྒྱུ་མཚན་གྱིས་༼༤རི༽འཇིག་རྟེན་ན་ཆོས་སུ་གྲགས་པ་འཕེན་བྱེད་བསོད་ནམས་ཀྱི་ལས་སོགས་འཁོར་བའི་རྒྱུར་འགྲོ་བས། ༼༡ན༣༩༽ ༼༡༽ དེ་འདྲའི་ཆོས་སྤང་དགོས་པར་རྡོ་རྗེ་གཅོད་པར་བཤད་པའི་ཕྱིར་ཏེ། བརྒྱ་བའི་འགྲེལ་པར་མདོ་དྲངས་པ་ལས། གང་གི་ཕྱིར་ཆོས་ཀྱི་རྣམ་གྲངས་འདི་གཟིངས་དང་འདྲ་བར་ཀུན་ནས་ཤེས་པ་རྣམས་ཀྱིས་ནི་ཆོས་རྣམས་ཉ…

གྱི་བདེན་པ་གང་ཞེ་ན། སེམས་ཅན་སྐྱེ་བ་དང་སྐྱེ་བའི་གནས་ཀྱིས་ཀྱང་རིག་པར་བྱའོ། །ཞེས་གསུངས་པའི་ཕྱིར་ན་མ་ཁྱབ་༼༤སི༽བསོད་གྲགས་ཀྱིས་ལུང་འདི་དང་གོང་གི་རྣམ་འགྲེལ་གྱི་ལུང་ལ་བརྟེན་ནས། ཉན་ཐོས་སྒོམ་ལམ་པ་ཡང་འཁོར་བ་པ་ཡིན་པར་བཤད་དོ། །༼༡བ༣༩༽ ༼༧༽ རིན་ཆེན་འཕྲེང་བ་ལས། ཇི་སྲིད་ཕུང་པོར་འཛིན་ཡོད་པ། །དེ་སྲིད་དེ་ལ་ངར་འཛིན་ཡོད། …

ཐལ། སྡུག་བདེན་ཡིན་ན། སྡུག་བདེན་རགས་པ་ཡིན་དགོས་པའི་ཕྱིར་ན། ཐུན་མོང་གི་དབང་བྱས་ནས་མ་ཁྱབ། ༼༤ཨི༽ཐུན་མོང་སྨོས་པ་ཐལ་འགྱུར་བས་བདེན་འཛིན་གྱིས་ཐོག་མའི་མ་རིག་པ་བྱས་པའི་འཕངས་འབྲས་རྣམས་སྡུག་བདེན་དངོས་ཡིན་ཀྱང་སྡུག་བདེན་ཕྲ་མོར་ཡང་འདོད་པའི་ཕྱིར་ཡིན་ལ། དེ་བས་ལམ་བདེན་རགས་པ་ལམ་བདེན་དུ་མི་འདོད་ཀྱང་འདིར་ཐེག་དམན་གྱི་ལམ་…

ཤེས་སྒྲིབ་ཀྱི་ཕྱོགས་ཀྱིས་བསྡུས་པའི་དབང་གིས་འཁོར་བར་འཁོར་བའོ། །ཞེས་གསུངས་པའི་ཕྱིར། ༼༤ཁུ༽གོང་དུ་རྒྱུད་བླ་མར། གཙང་བདག་བདེ་དང་ཞེས་པ་ནས། འདིའི་བར་གྱི་ལུང་དྲངས་པ་ཐམས་ཅད་ཀྱི་གནད་བསྡུས་ན། དགྲ་བཅོམ་གཉིས་དང་དག་ས་པ་ལ་ཡང་ཡིད་ཀྱི་རང་བཞིན་གྱི་ལུས་ལེན་པའི་སྐྱེ་བ་དང༌། དེའི་རྒྱུ་ཀུན་འབྱུང་ཕྲ་མོ་ཡོད་པས། འཁོར་བ་ཕྲ་མོའ…

རྒྱུ་མཚན་ཡང་རྗེ་ཡབ་སྲས་ཀྱིས། འཕགས་པས་འཕེན་བྱེད་ལས་གསར་གསོག་མེད་པའི་སྐྱོན་སྤོང་དུ་འབྲས་བུ་ཆེ་བར་འཕེན་བྱེད་ཀྱི་ལས་དེ། དེར་སྐྱེ་བའི་རྒྱུར་བསྒྱུར་བར་གསུངས་ཀྱི། འཕེན་བྱེད་དུ་བསྒྱུར་བར་མ་གསུངས་པའི་ཕྱིར། ཞེས་འདོད་ཀྱང། དེ་འདྲའི་འཕེན་བྱེད་ལས་ཤིག་མེད་ན། ཕ་རོལ་པོ་དེས་འཕེན་བྱེད་ལས་དེ་འཕགས་པས་གསར་དུ་བསག་དགོས་པས།…

ལས་གསུངས་པའི་ཕྱིར། བརྣབ་སེམས་ལ་སོགས་པ་ཁོ་ན་ཡིད་ཀྱི་ལས་ཡིན་ནོ་ཞེས་ཟེར་རོ། །ཞེས་གསུངས་པའི་ཕྱིར། ལས་ལམ་གྱི་སྒྲ་དོན་ཡང་འདི་ཁོ་ནར་མ་ངེས་ཏེ། ལས་གྲུབ་པ་ལས། ཇི་ལྟར་ན་སེམས་པ་ལས་ཀྱི་ལམ་ཡིན་ཞེ་ན། དེ་ནི་ལས་ཀྱང་ཡིན་ལ་བདེ་འགྲོ་དང་ངན་འགྲོ་གཉིས་ཀྱི་ལམ་ཡང་ཡིན་པས་ན་ལས་ཀྱི་ལམ་མོ། །ཡང་ན་ལུས་གཡོ་བ་ལས་ཀྱི་ལམ་སྟེ། སེམས་པ་…

འདིའི་ཐད་ལྟ་ཞོག་མཚན་ཉིད་ཀྱི་དོན་མན་ཆད་འགྱུར་མི་སྣང་ངོ༌། །དག་པའི་སྐུ་གསུམ་ཐོབ་ཅེས་པའི་ཐད་ཀྱི་དབྱིག་འགྲེལ་ལས། དག་པའི་སྐུ་གསུམ་ཐོབ་ཕྱིར་དང༌། །ཞེས་བྱ་བའི་དོན་ཏེ། དག་པ་སྨོས་པ་ནི་འདི་ལྟར་སྐུ་གསུམ་པོ་དེའི་དང་པོ་ས་དང་པོ་ཉིད་དུ་ཐོབ་པར་འགྱུར་ལ། བཅུ་པ་ལ་ནི་ཤིན་ཏུ་རྣམ་པར་དག་པར་འགྱུར་རོ། །ཞེས་སོགས་གསུངས་ཏེ། སློབ…

སྡུག་བསྔལ་དང༌། །ཞེས་སོགས། སྐབས་བཞི་པ་ལྟར་བཤད་ཀྱང༌། འདིར་ནི་ཡུལ་ཅན་མངོན་རྟོགས་སྐྱེ་རིམ་ཡིན་པའི་ཕྱིར་ཏེ། སྡུག་བསྔལ་ནི་ནད་ལྟར་སྡུག་བསྔལ་བར་ཤེས་དགོས་པས་དང་པོར་བསྟན། ཕྱི་ཚུལ་དག་གིས་མིན་ཞེས་གསུངས་པས། ཀུན་འབྱུང་ནི་ནད་ཀྱི་རྒྱུ་ལྟར་དེའི་རྒྱུ་སྤང་བྱར་དེ་རྗེས་སུ་རྟོགས་པས་གཉིས་པར་བསྟན། ༼༣༽རྒྱུད་བླ་མ་ལས། ནད་ནི་ཤ…

རང་བཞིན་དུ་དོན་ལ་མི་གནས་པ་དེ་ལ་ལྟོས་པའི་བདེན་པ་དོན་དུ་གནས་པ་ཙམ་ལ་བྱ་སྟེ། དབུ་མའི་མཐའ་དཔྱོད་སེམས་བསྐྱེད་ལྔ་པ་དང༌། མཐའ་ཆོད་པར་ཤེས་འདོད་ན་རིགས་པ་དྲུག་ཅུ་པའི་འགྲེལ་པར་ལྟའོ། ། ༼༦༽རང་རྒྱུ་ཀུན་འབྱུང་བདེན་པ་ལས་སྐྱེས་པའི་ཆ་ནས་བཞག་པའི་ཟག་བཅས་ཀྱི་དངོས་པོ་དེ་སྡུག་བསྔལ་བདེན་པའི་མཚན་ཉིད་ཆ་བཞག་སྨོས་པས་འདི་འདྲའི་གང…

དཀོན་མཆོག་བཤད་པ་དེ་འཆད་པར་རྩ་འགྲེལ་འདི་བྱུང༌། ༼༤ནུ༽མདོའི་དོན་གཟུགས་ལ་རྣམ་མཁྱེན་གྱིས་བདེན་པར་མི་ཞེན་པ་དེ་ལ་མི་སྦྱོར་བའི་དོན་དུ་འདོད་པ་སྐབས་དོན་གཙོ་བོ་མིན་ཏེ། འདིའི་དོན་བསྡུས་ན་འགྲེལ་པར་བཤད་པའི་ཚེ་རྣམ་མཁྱེན་ལ་གཟུགས་ཀྱིས་ཚུར་མི་སྦྱོར་བར་གསུངས་པ་གང་ཞིག །ཚུར་ཞེན་པ་ཡོད་མེད་ཀྱི་ཐ་སྙད་མེད་པའི་ཕྱིར། དེས་ན་འད…

པ་བཞིན། རྟེན་ལ་གནོད་པས་དེ་ལ་གནོད་པར་འཇོག་ཅེས་ལན་འདེབས་ཚུལ་མཛོད་རྩ་འགྲེལ་ན་མང་ཡང་མ་བྲིས་པས་དེར་ལྟོས། དབུ་མ་སྙིང་པོར་ཡང༌། སྟོན་པའི་རྣམ་པར་མི་རྟོག་བློ། །སྐུ་ལ་བརྟེན་པ་མ་ཡིན་ཏེ། །ལུས་ཅན་ཡིན་ཕྱིར་བ་རྫི་ཡི། །ལུས་ལ་ཇི་ལྟ་བ་བཞིན་ཟེར། །ཞེས་ཕྱོགས་སྔ་བཀོད་ནས་ལན་དངོས་མི་གསལ་ཡང༌། དེ་དག་གིས་བཀོད་པའི་རྒྱུ་མཚན་ལྟར་…

ནས་ཡང༌། །འཇུག་ཞེས་དང༌། ཞུ་བ་ལས། བཙུན་པ་སངས་རྒྱས་ལས་ཀྱི་ཁ་སྐོང་གི་གྲངས་སུ་བསྐང་སྟེ་བགྱིད་པར་རུང་ངམ་ཨུ་བ་ལི་མ་ཡིན་ནོ། །ཞེས་གསུངས་པ་རྣམས་ཀྱི་དོན་མ་གྲུབ་པར་ཐལ། ༼༤ཕུ༽མདོ་འདི་དག་གི་དོན་བསྡུས་ཏེ། མདོ་རྩ་བར། རྒྱལ་བ་ནི་མི་མཐུན་པ་བྱེད་པ་ཉིད་མ་ཡིན་ནོ། །ཁ་སྐོང་བ་ཉིད་མ་ཡིན་ནོ། །ཞེས་གསུངས་པའི་ཐད་ཀྱི་རྒྱ་ཆེར་འགྲེལ…

འདིར་ཕྱི་མའི་རྣམ་པ་ཅན་ཡིན་པའི་ཕྱིར། གསེར་འཕྲེང་ལས། དེས་ན་དང་པོས་ཆོས་ཉིད་རང་གི་ངོ་བོ་དང༌། ཕྱི་མས་དེ་གནས་པ་རྟོགས་པའོ། །ཞེས་གསུངས་པའི་ཕྱིར། ༼༣༽ཡང་དེ་ཉིད་ལས། དེ་ལྟར་རྟོགས་པ་གང་ཡིན་དེ། །སོ་སོ་རང་ཤེས་མཐོང་བ་ཉིད། ། ༼༤ཙུ༽ལུང་འདིའི་དོན་དར་ཊཱིཀ་ལས། ཇི་ལྟ་བ་དང་ཇི་སྙེད་པ་འཕགས་པ་རྣམས་ཀྱིས་མངོན་སུམ་དུ་རྟོགས་པ་གང་…

ཕྱིར། ཞེས་པའི་སྦྱོར་བ་དེ། རྒྱུད་བླ་མ་ལས། བསླུ་བའི་ཆོས་ཅན་ཕྱིར། །ཞེས་དང༌། ཆོས་རྣམ་གཉིས་ཞེས་གསུངས་པའི་དོན་སྦྱོར་རྣམ་དག་ཟེར་ན། ༼༤ཚུ༽འདིའི་འཁྲུལ་གཞི་ནི་ཐོགས་འགྲེལ་ལས། ལམ་ནི་འདུས་བྱས་ཀྱི་མཚན་ཉིད་དུ་གཏོགས་ལ། འདུ་བྱས་ཀྱི་མཚན་ཉིད་དུ་གཏོགས་པ་གང་ཡིན་པ་དེ་ནི། རྫུན་པ་བསླུ་བའི་ཆོས་ཅན། གང་རྫུན་པ་བསླུ་བའི་ཆོས་ཅན་ད…

རྒྱས་སུ་མི་འགྲུབ་ཟེར་ན་ཡང་མིན་ཏེ། སངས་རྒྱས་སུ་འཇོག་པ་སྐུའི་སྒོ་ནས་མ་ཡིན་པར་ནང་གི་སྤངས་རྟོགས་ཀྱི་སྒོ་ནས་བཞག་པས་སྤངས་རྟོགས་ཁོ་ན་ལ་ཀུན་རྫོབ་དང་དོན་དམ་པའི་སངས་རྒྱས་ཀྱི་དོན་གཉིས་གཉིས་བཤད་པའི་སྔ་མའི་དོན་དམ་གྱི་དོན་ཚང་ལ་གཟུགས་སྐུ་དང་སྐུ་གཟུགས་གཉིས་ལ་དེ་མ་ཚང་བས་རྒྱུ་མཚན་མཚུངས་པའི་ཕྱིར་དང༌། དོན་དམ་པའི་འཇོག་ཚ…