ཤིང་ཆོས་ཀྱི་ལམ་གནས་ཏེ། །འཇིག་རྟེན་མཐའ་དག་ཆོས་བཞིན་སྐྱོང་བར་ཤོག །དེ་ཡི་མཐུ་ལས་ནོར་འཛིན་ཡངས་པའི་ཁྱོན། །སྤྱི་དང་ཁྱད་པར་ཡུལ་ཕྱོགས་འདི་རྣམས་སུ། །སད་སེར་ཐན་པ་འབྱུང་འཁྲུག་ནད་ཡམས་སོགས། །ཞི་ཞིང་ཆོས་འབྱོར་དགའ་སྟོན་རྒྱས་པར་ཤོག །ནམ་ཞིག་འདི་སྣང་འགགས་ཚེ་མགོན་ཁྱོད་ཀྱི། །ཞིང་མཆོག་སྦྲང་རྩི་ཅན་དུ་པདྨོ་ལས། །རྫུས་ཏེ་སྐ…

བོ། །ཞེས་སོགས་དང་། འཇིག་རྟེན་བདེ་ཞིང་ལོ་ལེགས་ཞེས་སོགས་བཀྲ་ཤིས་ཀྱིས་མཐའ་བརྒྱན་པར་བྱའོ།། སྨྲས་པ། བསྐུལ་ཚིག་ནོར་རྒྱས་ཀྱིས་བཟུང་བ། །བརྩོན་པའི་རི་བོ་མནྡ་རས། །རྣམ་དཔྱོད་ཆུ་གཏེར་བསྲུབས་པ་ལས། །ལེགས་བཤད་གསར་པའི་ཟླ་བ་ཤར། །མདོ་སྔགས་ཉི་ཟླའི་རྣ་ཆ་དང་། །རིག་གནས་རྒྱུ་སྐར་དོ་ཤལ་ཅན། །སྔོ་བསང་བུ་མོའི་འགྲམ་པ་ལ། །གསར་བ…

བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་ཡུལ་ཁྲུས་བྱ་ཚུལ་ཀླུ་བསང་བཅས་བཞུགས་སོ།།

ཐུགས་བསྐྱེད་སྤྲིན་གྱི་གདེངས་ཀ་ལས། །བྱིན་རླབས་ཆར་གྱི་རྒྱུན་འབེབས་པས། །ཕན་བདེའི་ལོ་ཏོག་རྒྱས་མཛད་པ། །ཀླུ་ཡི་དབང་ཕྱུག་རྒྱལ་པོར་འདུད། །དེ་ཡང་ཀླུ་དང་ས་བདག་གི་ཉེར་འཚེ་ཞི་བའི་ཕྱིར་བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་ཡུལ་ཁྲུས་བྱ་བར་འདོད་པའི་གང་ཟག་གིས་ཐོག་མར་བདག་བསྐྱེད་དང། འདིའི་སྒོ་ནས་བུམ་ཆུ་སྒྲུབ་ཚ…

སྭཱཧཱ། མཛེ་གྲིབ་ཡུག་གྲིབ་དམེ་གྲིབ་རོ་གྲིབ་སོགས་གྲིབ་དང་མི་གཙང་བའི་གནོད་པ་ཐམས་ཅད་༝། མཛེ་དང་ཕོལ་མིག །དྲེག་གྲུམ། སྐྱ་རྦབ། གཞོག་སྐམ། ཞྭ་འཐེང་། ཤ་བཀྲ་སོགས་ཤ་རུས་པགས་པར་གནས་པའི་ནད་ཀྱི་རིགས་ཐམས་ཅད་༝། བྱེ་ཚན་དང་མཁའ་ལྡིང་གི་འཇིགས་པ་དྲག་སྔགས་མནན་གཏད་སོགས་ཀྱིས་གདུངས་པ་ཐམས་ཅད་༝། ཡུལ་ལྷ་རྣམས་ལ་གནོད་པའི་རྐྱེན་ལས་…

འདུན་གྱི་༝། ཁྱད་པར་དུ་བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་ཐུགས་རྗེ་བདེན་པའི་སྟོབས་ཀྱིས་ཡུལ་ཕྱོགས་འདི་ཉིད་ལ་གནོད་ཅིང་འཚེ་བར་བྱེད་པའི་གདོན་བགེགས་ཐམས་ཅད་ཁྲུས་ཆུ་འདིས་ཚིམ་པར་བྱས་ཏེ། གནོད་པ་དང་གདུག་པའི་སེམས་ཞི་ཞིང་། ཕན་པ་དང་ཞི་བའི་སེམས་དང་ལྡན་པས་རང་རང་སོ་སོའི་གནས་སུ་སོངས་ཤིག །སུམ་བྷ་ནིའི་སྔགས་བརྗོད་ཅིང…

༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་དགེ་ལེགས་འཕེལ།། །། ༈ མཚན་ཙམ་དྲན་པའི་ག་བུར་གྱིས། །ཀླུ་གདོན་ཚ་བའི་གདུང་སེལ་བ། །ཀླུ་དབང་རྒྱལ་དང་སེང་གེའི་སྒྲར། །བཏུད་ནས་ཀླུ་བསང་ཆོ་ག་བྲ། །དེའང་ཐོག་མ་ཀླུ་སྨན་སྣ་ཚོགས། དུག་རིགས་མ་ཡིན་པའི་ཤིང་སྣ་དུ་མ། དཀར་གསུམ་མངར་གསུམ་སོགས་བསང་དང་གཏོར་མའི་རྫས་གཙང་ཞིང་གྱ་ནོམ་པ་ཤ…

གཤེགས་པ་རྣམས་ཀྱི་ཐུགས་རྗེ་དང་ཆོས་ཀྱི་དབྱིངས་ཀྱི་བདེན་པའི་སྟོབས་ཀྱིས་ཀླུ་རྣམས་མཆོད་སྤྲིན་རྒྱ་མཚོ་འདིས་ཚིམ་ཞིང་དགྱེས་ནས་ཤ་འཁོན་གནོད་པ་ཐམས་ཅད་ཞི་སྟེ་བྱམས་པའི་སེམས་ཀྱིས་ཆོས་དང་ལྡན་པའི་འཕྲིན་ལས་ཚུལ་བཞིན་དུ་སྒྲུབ་པར་གྱུར་ཅིག །བདག་གི་བསམ་པའི་སྟོབས་དང་ན། །ཞེས་པ་ནས། ཐོགས་པ་མེད་པར་འབྱུང་གྱུར་ཅིག །ལྷུན་པོ་རོལ་…

པ་ཅི་མཆིས་བསང་གིས་དག་གྱུར་ཅིག །དམེ་འཁོན་ཡུག་གྲིབ་དམར་དང་རོ་གྲིབ་ཀྱིས། །བསྐྱེད་པའི་དོན་སྣོད་ཡན་ལག་པགས་པའི་ནད། །གག་ལྷོག་མཛེ་དང་ཕོལ་མིག་དྲེག་གྲུམ་སོགས། །ཀླུ་ཡི་ནད་ཀུན་བསང་གིས་དག་གྱུར་ཅིག །སྔོན་ཆད་འཁྲུལ་བའི་ནོངས་པ་ཅི་མཆིས་པ། །བསང་མཆོད་དམ་པ་འདི་ཡིས་བྱང་གྱུར་ཏེ། །དེང་ནས་ཀོ་ལོང་ཕྲག་དོག་མ་མཛད་པར། །རྣལ་འབྱོར…

བོ། །ཞེས་ཀླུ་བསང་གཏོང་ཚུལ་མདོར་བསྡུས་འདི་ནི་དད་བརྩོན་ལྡན་པ་དཀོན་མཆོག་སྙན་གྲགས་ཀྱིས་བསྐུལ་ངོར༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའ་འོ།། །།

འཕགས་མཆོག་སེང་གེའི་སྒྲའི་མངོན་རྟོགས་བུམ་སྒྲུབ་དང་བཅས་པ་བཞུགས་སོ།།

སྤྱན་རས་གཟིགས་དབང་སེང་གེའི་སྒྲས། །ལག་ལྡན་གདུག་པའི་གདེངས་ཅན་ཚོགས། །བཅོམ་ནས་ལུས་ཅན་ཕན་བདེ་ཡི། །གངས་ཀྱི་རི་བོ་སྐྱོང་བར་མཛོད། །འཕགས་མཆོག་སེང་གེའི་སྒྲའི་སྒོ་ནས་བུམ་སྒྲུབ་བྱ་བར་འདོད་པས་རྟེན་དང་མཆོད་གཏོར་བཤམས། སྐྱབས་སེམས་སྔོན་དུ་བཏང་ལ། ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་ལ་གནས་པའི་སེ…

ངོས་སུ་དར་དམར་པོའི་སྐུད་པས་པུས་དཀྲིས་བྱས་པའི་སྣེ་གཉིས་གཡས་ངོས་ནས་འཕྱང་བ། སྐུ་ཤ་སྐེམ་པ། གཞོན་ནུ་དཀའ་ཐུབ་བའི་ཆ་ལུགས་ཅན། རྒྱལ་པོ་རོལ་པའི་སྟབས་ཀྱིས་བཞུགས་པ། ཐུགས་ཀར་ཟླ་གདན་ལ་ཧྲཱིཿ ཡིག་གིས་མཚན་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ས་བོན་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པ་ད…

བྱུང་བའི་རིན་པོ་ཆེའི་བུམ་པ་དཀར་པོ་ལྟོ་བ་ཆེ་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ་ལ་སོགས་པའི་མཚན་ཉིད་ཐམས་ཅད་དང་ལྡན་པར་གྱུར། ཨོཾ་ཏཔྟེ་ཏཔྟེ་མཧཱ་ཏཔྟེ་སྭཱཧཱ། ལྷའི་ཆུ་བོ་གངྒཱ་དང་བུམ་པའི་ཆུ་དབྱེར་མི་ཕྱེད་པར་གྱུར། བུམ་པའི་ནང་དུ་པདྨ་ལ་གནས་པའི་སེང་གེའི་སྟེང་དུ་ཟླ་བའི་དཀྱིལ་འཁོར། དེའི་སྟེང་དུ་ཧྲཱིཿ ཡིག་དཀར་པོ།…

རྒྱུན་བབས་པས་བུམ་པ་གང་བར་གྱུར་པར་བསམ་ལ་སྔགས་བཟླ་ཞིང་ཡིག་བརྒྱས་ལྷག་ཆད་བསྐང་། གཏོར་མ་བྱིན་གྱིས་བརླབས་ཏེ་མཚན་སྔགས་ལ་བ་ལིང་ཏ་བཏགས་པས་དབུལ། མཆོད་བསྟོད་མདོར་བསྡུས་བྱས་ཏེ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་འོད་དུ་ཞུ་ནས་བུམ་པའི་ཆུ་དང་དབྱེར་མི་ཕྱེད་པར་གྱུར། བཀྲུ་བྱབས་བྱེད་ན་སྔགས་དང་ལྷའི་…

ཡེ་ཤེས་ཁྱུང་ཁྲའི་སྒྲུབ་ཐབས་ལས་ཚོགས་དང་བཅས་པ་བྱིན་རླབས་དགའ་སྟོན་ཞེས་བྱ་བ་དང་། འཇམ་དཔལ་ནཱ་ག་རཀྴའི་བཀྲུ་བྱབས་སྲུང་བ་བཅས་བཞུགས་སོ།།

འབྱུང་ལྔའི་དུག་ལྔ་དག་པའི་ཁ་དོག་ལྔ། །རླུང་ལྔ་རིགས་ལྔར་འཆར་བའི་ཡི་གེ་ལྔ། །འགྲོ་ལྔ་སྐུ་ལྔར་བསྒྱུར་བའི་ཡེ་ཤེས་ལྔ། །ལྔ་ཕྲག་ལྔ་ལྡན་ལྔ་བདོའི་མགོན་དེར་འདུད། །ཐབས་ཤེས་གཤོག་ཡངས་རྡོ་རྗེའི་ཟློས་གར་གྱིས། །གདོན་གསུམ་མཐར་བྱེད་དཔའ་བོ་ག་རུ་ཊ། །བསྙེན་ཅིང་སྒྲུབ་དང་ལས་སྦྱོར་མདོར་བསྡུས་བཅས། །དམ་པའི་མན་ངག་ཇི་བཞིན་འདིར་འག…

ལོའི་གོ་འཕང་ལ་བཀོད། ཚུར་འདུས་ཡོངས་སུ་གྱུར་པ་ལས་རང་ཉིད་ཡེ་ཤེས་ཀྱི་ཁྱུང་ཁྲ་བོ་མགྲིན་པ་ནས་པུས་མོའི་བར་མིའི་རྣམ་པ་ལ་རྐང་པ་བྱའི་སྡེར་མོ་ཅན། ཞབས་གཉིས་ཙོག་པུའི་འདུག་སྟངས་ཀྱིས་བཞུགས་པ། བརླ་མན་ཆད་སའི་རང་བཞིན་སེར་པོ་གསེར་བཙོ་མ་ལྟ་བུ། ལྟོ་བ་ཆུའི་རང་བཞིན་གངས་རི་ལྟར་དཀར་བ། སྟོད་མེའི་རང་བཞིན་དམར་པོ། མགོ་བོ་རླུང་ག…

རྡོ་རྗེ། ལྷོར་རིན་པོ་ཆེའི་རིགས་ཀྱི་ཁྱུང་སེར་པོ་གཡས་རིན་པོ་ཆེ། ནུབ་ཏུ་པདྨའི་རིགས་ཀྱི་ཁྱུང་དམར་པོ་གཡས་པདྨ། བྱང་དུ་ལས་ཀྱི་རིགས་ཀྱི་ཁྱུང་ལྗང་གུ་གཡས་རལ་གྲི་འཛིན་ཅིང། གཡོན་ཐམས་ཅད་རང་རང་གི་སྐུ་མདོག་དང་མཚུངས་པའི་གདུག་པའི་སྦྲུལ་དུ་མ་བཟུང་ནས་ཁྱུར་མིད་བྱེད་པ། ཐུགས་ཀར་པདྨ་འདབ་མ་བཞི་པའི་དབུས་སུ་ཨོཾ་དཀར་པོ། ཤར་དུ…

ཡན་ལག་ལྔ་ཡིས་བཏུད་དེ་ཕྱག་འཚལ་ལོ། །ཡེ་ཤེས་ཁྱུང་ལྔའི་མཆུ་སྡེར་འཇིགས་རུང་དང་། །ཡི་གེ་ལྔ་ཡི་འོད་ཟེར་སྤྲོ་བསྡུ་ཡིས། །འབྱུང་བ་ལྔ་ལས་གྱུར་པའི་དུག་རྣམས་དང་། །ཀླུ་རིགས་ལྔ་ཡི་དུག་རྣམས་ཞི་བར་མཛོད། །ཅེས་བསྟོད། དེ་ནས་བཟླས་པ་བྱ་བ་ནི། མགྲིན་པའི་ཁྱུང་ལྔ་ལས་རང་འདྲ་ཁ་བ་བུ་ཡུག་འཚུབ་པ་ལྟ་བུ་དཔག་ཏུ་མེད་པ་དང། སྙིང་གའི་ཡི…