གོང་མའི་གསུང་རྒྱུན་ལས་འབྱུང་སྟེ། དེའི་རྒྱུ་མཚན་ནི་འདིས་སེམས་མྱོས་པར་བྱེད་ཅིང་མང་དུ་བསྟེན་གྱིན་སྤྱོད་པ་ཇེ་རྩིང་དུ་སོང་སྟེ་འཕྱར་གཡེང་སོགས་བག་མེད་པའི་སྤྱོད་པ་སྣ་ཚོགས་ལ་འཇུག་པར་འགྱུར་བ་དང། ལྷག་པར་ཡང་འདི་ནི་ཐོག་མ་བདུད་རིགས་ཀྱི་བུད་མེད་ཅིག་གིས་སྨོན་ལམ་ལོག་པར་བཏབ་པའི་ཟླ་མཚན་གྱི་ས་བོན་ལས་བྱུང་བའི་རྫས་ངན་ཡིན…

པས་གལ་ཆེ་དུས་དེར་གནོད་ཚབས་ཤིན་ཏུ་ཆེ་བས་འགྱོད་ཀྱང་འཕྱིས་པ་ཡིན་ནོ། །མདོར་ན་ཡི་དམ་ཆོས་སྲུང་སོགས་མི་དགྱེས་ཤིང་དམ་པ་རྣམས་ཐུགས་ཁྲེལ་བ་དང། གློ་ནད་གྲིབ་དང་ཆམ་པ་གདོན་བགེགས་སོགས་ཀྱི་སྣ་འདྲེན། ཕྱི་མར་རྣམ་སྨིན་མི་བཟད་པ་སོགས་ཉེས་དམིགས་ཆེ་ལ། བཀྲེས་སྐོམ་ཚ་གྲང་གང་གི་ཉམས་ལའང་ཕན་རྒྱུ་མེད་པ་སྨྱོན་པའི་སྤྱོད་པ་ལྟ་བུ་འདི…

ལོང་དང། འགོ་བའི་ནད་རིམས། སད་སེར་ཐན་པ་སོགས་སྒོ་ཐམས་ཅད་ནས་མི་འདོད་པ་སྣ་དགུ་འབྱུང་ཚུལ་ཟླ་བ་སྙིང་པོ་སོགས་ཀྱི་མདོ་དང། རྒྱལ་པོ་བཀའ་འབུམ་སོགས་ཚད་ལྡན་དུ་མས་ལུང་བསྟན་འདུག་ཀྱང་། ལུང་ཁུངས་རྣམས་འདིར་མ་དྲངས་ཀྱང་ལྟ་འདོད་ན་དེ་དག་ཏུ་གསལ་བས། དོན་གྱི་སྙིང་པོ་ལོང་བས་གླང་རྔ་བཞིན་དུ་བསྟན་པའི་མཇུག་ཙམ་ཟིན་པའི་དུས་འདིར་དྲན…

བླ་མཆོད་ཀྱི་ཆོ་ག་འཇིགས་བྱེད་ཀྱི་རྣལ་འབྱོར་གཙོ་བོར་གྱུར་པའི་སྒོ་ནས་ཉམས་སུ་ལེན་ཚུལ་བཞུགས་སོ།། དེའང་བླ་མ་མཆོད་པའི་ཆོ་ག་རྡོ་རྗེ་འཇིགས་བྱེད་ཀྱི་རྣལ་འབྱོར་གཙོ་བོར་གྱུར་པའི་སྒོ་ནས་ཉམས་སུ་ལེན་པར་འདོད་པས་ཚོགས་ཞིང་གི་གཙོ་བོ་རྗེ་རིན་པོ་ཆེར་བྱེད་པ་སོགས་གཞུང་གི་དཀྱུས་ལྟར་བྱས་ན་ཤིན་ཏུ་འགྲེལ་ཆེ་སྟེ། སྤྱིར་འཇམ་དཔལ་…

མཇལ་བར་ལུང་བསྟན་པ། དོན་གྲུབ་རིན་ཆེན་རང་ཉིད་ཆུ་དཀར་རི་ཁྲོད་དུ་བཞུགས་པའི་ཚེ་མནལ་ལམ་དུ་རྡོ་རྗེ་འཇིགས་བྱེད་ཀྱིས་སང་ཕོད་ད་ཙམ་ངེད་ལུང་པ་འདིའི་མདར་འོང་རྒྱུ་ཡིན་པས་དེའི་བར་དུ་བདེ་བར་གྱིས་ཞེས་གསུངས་པའི་ཕྱི་ལོ་དུས་ཚོད་དེར་རྗེ་བླ་མ་སྐུ་འཁྲུངས་ཤིང། རྗེ་རང་གིས་མཁས་གྲུབ་ཐམས་ཅད་མཁྱེན་པ་ལ། ངེད་ཀྱི་རྗེས་འཇུག་རྣམས་ཡི…

གསང་ཆེན་རྡོ་རྗེ་ཐེག་པ་ཟུང་དུ་འཇུག་པའི་ལམ་བཟང་ཁྱད་པར་ཅན་མངོན་དུ་བྱེད་ནུས་ཀྱི་གདུལ་བྱ་སྐལ་བ་མཆོག་ཏུ་འགྱུར་བའི་རྟེན་འབྲེལ་ཁྱད་པར་ཅན་ཡིན་པར་རྗེ་བཙུན་ཡེ་ཤེས་རྒྱལ་མཚན་དཔལ་བཟང་པོ་དང། སྐྱབས་མགོན་འཇིགས་མེད་དབང་པོ་སོགས་ཞལ་མཐུན་ནོ། །ཆོ་གའི་ཚིག་རིས་ཀྱང་དམིགས་བསལ་རེ་གཉིས་མ་གཏོགས་རང་སོར་བཞག་པ་ལེགས་ཏེ། རྒྱུད་བརྟག་…

དཔའ་དང་སེམས་མ། ཁྲོ་བོ་དང་ཁྲོ་མོ་སྟེ་རིགས་འདི་གསུམ་གའི་གནད་མ་ཚང་ན་དཀྱིལ་འཁོར་གྱི་འཁོར་ལོའི་བདག་པོར་མཐོང་བ་དང། དབང་བསྐུར་བ་སོགས་གནད་ཚང་བ་ཞིག་མི་འབྱུང་བས། ས་སྐྱ་པ་རྣམས་བླ་མ་ལ་གདན་གསུམ་ཚང་བ་ཞེས་ཟེར་བ་དང། བཀའ་གདམས་པ་རྣམས་ལྷ་བཞིར་བྱེད་པའི་རྒྱུ་མཚན་ཡང་དེ་ཡིན་ནོ།། དེས་ན་སྔ་མའི་ཚིག་མཚམས་ནས་འདི་ལྟར་བྱ་སྟེ། སྐ…

གར་གྱིས་གནོད་བྱེད་གདོན་བགེགས་འཇོམས། །འགལ་རྐྱེན་སེལ་ཞིང་མཐུན་རྐྱེན་ཀུན་སྩོལ་བའི། །བླ་མ་གཤིན་རྗེ་གཤེད་ལ་ཕྱག་འཚལ་ལོ། །སྐྱེ་འགྲོའི་སྲོག་འཕྲོག་ལས་ཉོན་རླུང་ཤུགས་བཅས། །ཕྱི་ནང་གསང་བའི་གཤིན་རྗེ་མ་ལུས་པ། །འཇོམས་མཛད་སྲིད་ཞིའི་འཇིགས་སྒྲོལ་དེད་དཔོན་མཆོག །བླ་མ་གཤིན་རྗེ་གཤེད་ལ་ཕྱག་འཚལ་ལོ། །ཉེས་ཀུན་བག་ཆགས་ཞེས་པ་མན་…

བླ་མ་རྣམས་ལ་ཕྱག་འཚལ་ལོ། །མཚན་ལྡན་བཤེས་གཉེན་དམ་པ་གུས་བསྟེན་ནས། །དལ་འབྱོར་རྙེད་དཀའ་ཚེ་ལ་ལོང་མེད་དང། །སྤྱི་དང་བྱེ་བྲག་འཁོར་བའི་སྡུག་བསྔལ་གྱིས། །གཏིང་ནས་ཡིད་འབྱུང་སྔོན་འགྲོའི་ཆོས་རྣམས་སྒྲུབ། །རྒྱུ་འབྲས་མན་ངག་བདུན་དང་མཉམ་བརྗེ་ཡིས། །ཐབས་མཆོག་ཀུན་རྫོབ་བྱང་ཆུབ་སེམས་བསྐྱེད་དང། །རྟེན་འབྲེལ་ཟབ་མོའི་དེ་ཉིད་རིག་…

གྱི་འདུན་མ་བདེ་བླག་འགྲུབ་པར་འགྱུར།། ཅེས་བློ་སྦྱོང་གི་དོན་ཚན་བདུན་ཐོ་ཙམ་དུ་བཀོད་པ་འདི་ནི་ཨུ་རད་དམ་ཆོས་དགའ་སྟོན་གླིང་གི་ཁྲི་པ་ཆོས་ཀྱི་སྤྱན་ལྡན་བློ་བཟང་ཆོས་འཕེལ་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྨྲས་པའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།དགེ་ལེགས་འཕེལ།།

ལེགས་པར་བཤད་པ་ཤིང་གི་བསྟན་བཅོས་ལུགས་གཉིས་ཡལ་འདབ་བརྒྱ་ལྡན་ཞེས་བྱ་བ་བཞུགས་སོ།།

ཨོཾ་བདེ་ལེགས་སུ་གྱུར་ཅིག །རིན་ཆེན་སེམས་ཀྱི་རྩ་བ་བརྟན། །རླབས་ཆེན་ཚོགས་གཉིས་ཡལ་ག་རྒྱས། །སྐུ་གསུམ་འབྲས་བཟང་སྙེ་མས་དུད། །སངས་རྒྱས་ལྗོན་པ་དེ་ལ་འདུད། །སྣང་བ་དཔེ་རུ་ཤར་བ་ཡི། །རྣལ་འབྱོར་དེ་ལ་གདམས་ངག་མང། །ནགས་ཀླུང་སྟུག་པོའི་དོ་ར་རུ། །ཤིང་ལོའི་ཕུང་པོ་ཟད་པ་མེད། ༈ །དཔག་བསམ་ཤིང་ལ་བརྟེན་བྱས་ན། །དགོས་འདོད་ཐམས་ཅད་ཆ…

འགྱུར། །སྐྱེ་རྒ་ན་དང་འཆི་བ་ཡི། །ཟློས་གར་སྐད་ཅིག་སྐད་ཅིག་བསྒྱུར། །རིང་དུ་འབྲེལ་བའི་ཤིང་ལོ་དེ། །ལན་གཅིག་བྲུལ་བ་སླར་མི་འབྱོར། །མཛའ་བ་ཡུན་རིང་འཁོད་འཁོད་ནས། །ནམ་ཞིག་གཏན་དུ་འབྲལ་བར་འགྱུར། ༈ །སྡོང་པོ་གཤགས་གཏུབ་དྲས་པ་ཡིས། །ཤིང་མཁན་མྱུར་དུ་ངལ་བར་འགྱུར། །བསྐལ་པར་དེ་འདྲའི་ལས་བསྒྲུབ་ཀྱང། །དམྱལ་སྲུང་རྣམས་ནི་ངལ་བ…

སྲིད་པའི་འཁོར་ལོ་འདིར། །དོན་ལྡན་སྙིང་པོ་འགའ་མ་མཆིས། །ཆུ་ཤིང་རློན་པའི་སྡོང་པོ་ལ། །རྩེ་རྟིང་ཀུན་ན་སྙིང་པོ་མེད། །ལྗོན་ཤིང་ལོ་བརྒྱར་སྐྱེས་པ་ཡང། །ནམ་ཞིག་ཚེ་ན་འགྱེལ་བར་འགྱུར། །སྲིད་པའི་རྩེ་མོར་ཕྱིན་ནས་ན། །སླར་ཡང་མི་བཟད་ངན་འགྲོར་འགྲོ། ༈ །བུར་ཤིང་ཁུ་བས་རབ་བགོས་ན། །ཏིག་ཏའི་ཁ་བ་སེལ་བར་ནུས། །ལམ་གྱི་བདེན་པ་རབ་ག…

ན། །འབྲས་དུས་ཡོན་ཏན་ཐམས་ཅད་སྐྱེ། །རྩ་བ་རླན་དང་མ་བྲལ་ན། །རྩེ་མོར་ལོ་འབྲས་སྨིན་པར་འགྱུར། ༈ །སྡོང་པོ་རླུང་གིས་ཆེར་བསྐྱོད་ན། །འབྲས་བུ་ས་ལ་འབྲུལ་བ་ལྟར། །བྱིང་རྒོད་གཡེང་བས་རབ་གཡོས་པས། །ཏིང་འཛིན་དམིགས་པ་སྟོར་བར་བྱེད། །བསམ་གཏན་རྣམ་པར་དག་པ་ལས། །མངོན་ཤེས་ལ་སོགས་ཡོན་ཏན་འབྱུང། །སྡོང་བུ་ཉམས་པ་མེད་གྱུར་ན། །མེ་ཏོག…

རྒྱལ་ངན་ཆབ་འབངས་གཟིར་བ་དེར། །ནམ་ཞིག་གཡོག་ཀྱང་འཁོར་མི་འགྱུར། །སྲན་ཕུང་དབྱུག་པས་གཏོར་ན་ཡང། །དབྱུག་པའི་ངོས་ལ་འབྱར་མི་སྲིད། །བློན་དང་འབངས་ཀྱིས་མ་བཀུར་ན། །རྒྱལ་པོ་ཆེན་པོ་ཇི་ལྟར་གནས། །གདུང་མ་ཀ་བས་མ་བཏེག་ན། །རྒྱལ་པོའི་ཕོ་བྲང་གང་ལས་འབྱུང། །རྗེ་དཔོན་བཟང་པོའི་བཀའ་དྲིན་གྱིས། །གཡོག་འཁོར་མངའ་ཐང་དར་བར་འགྱུར། །ལྗོ…

ལ་སྙོམས། །རྒྱལ་པོའི་བཀའ་ཁྲིམས་ཀུན་ལ་སྙོམས། །གཙོ་བོ་བཟང་ཡང་འཁོར་ངན་ན། །དེ་ཡི་དྲུང་དུ་བསྙེན་པར་དཀའ། །གདུག་པའི་སྦྲུལ་གྱིས་དཀྲིས་པ་ཡི། །ཙནྡན་ལྗོན་པ་སུ་ཡིས་བསྟེན། ༈ །ཕྱི་ནང་སྨིན་དང་མ་སྨིན་པའ། །ཨ་མྲའི་འབྲས་བུ་རིགས་བཞིར་གསུངས། །མི་ཡང་སེམས་དང་སྤྱོད་པ་གཉིས། །དག་དང་མ་དག་དབྱེ་བ་མང། ༈ །མཁས་པ་ཡོན་ཏན་ཀུན་ལྡན་དེ། …

རྒུད་ན་ཡང། །བཟང་པོའི་རང་བཞིན་ག་ལ་འདོར། །ཤུག་པའི་ལོ་མ་མེར་བཅུག་ན། །ལྷག་པར་དྲི་བཟང་རྒྱས་པ་བཞིན། །དམ་པ་རྣམས་ལ་གནོད་བྱས་པས། །ཕྱིར་ཞིང་དེ་ཡི་ཆེ་བ་འདོན། །དམ་པ་དབེན་པར་གནས་ན་ཡང། །གྲགས་སྙན་ལྷ་ཡིས་སྒྲོག་པར་བྱེད། །ལྷོ་ཡི་རི་ལས་སྐྱེས་པ་ཡི། །ཙནྡན་དྲི་བསུང་རླུང་གིས་འགྱེད། །འཁྱོག་པའི་ཤིང་དེ་བསྲང་ན་ཡང། །རླན་དང་འཕྲ…

གཉིས་ཀ་སྲེག་པར་བྱེད། །ཕུན་སུམ་ཚོགས་པའི་ལྗོན་པ་ཡང། །ཆུ་དང་འགྲོགས་ན་རྩ་བ་འབྱིན། །ཡ་རབས་ཡོན་ཏན་ལྡན་པ་ཡང། །གྲོགས་པོ་ངན་པས་ཉམས་པར་བྱེད། །འབྲས་ལྡན་ཤིང་གཉིས་སྦྱར་བ་ལས། །འབྲས་བུ་ཕུང་གསུམ་འབྱུང་བ་ལྟར། །བློ་དང་ལྡན་པ་གཉིས་འགྲོགས་ན། །སྔོན་མེད་ལེགས་པའི་བློ་གྲོས་སྐྱེ། །ལྗོན་པའི་གྲིབ་བསིལ་བསྟེན་པ་ཡི། །གླང་པོས་ཤིང་…

བཞིན། །རང་གཞན་གང་ལའང་མི་ཕན་པའ། །ལོངས་སྤྱོད་ཆེ་དེ་ལྦ་བ་ཡིན། །ལོངས་སྤྱོད་སྤེལ་བར་འདོད་པ་ཡིས། །ཆ་ཤས་གཏོང་བ་མན་ངག་སྟེ། །ལྗོན་ཤིང་ཡལ་ག་རྒྱས་འདོད་ན། །རྩེ་མོ་འབྲེག་པ་ཐབས་སུ་བཟང། །དམན་པས་བསགས་ཀྱང་མི་འགྲུབ་ལ། །བསོད་ནམས་ལྡན་པས་བཏང་ཡང་འབྱོར། །བརླན་སར་བཅད་ཀྱང་སྐྱེ་བའི་ཤིང། །སྐམ་སར་བཙུགས་ཀྱང་ག་ལ་སྐྱེ། །ལམ་ཁའི་ཤི…