འདབ་རྒྱས་ཀུན་མཁྱེན་གཟུགས་ཅན་ཉི་གཞོན་འབར་བའི་སྣང་བ་ཐོབ། །བསྟན་ལ་སྡང་རྣམས་ངོ་ཟུམ་གནག་པས་བདུད་ལ་བསྡིགས་བཞིན་བག་མེད་རྒྱུ་སྐར་མ་བདས་པར་ཡང་བྲོས། །དོན་གཉེར་རྣམ་དཔྱོད་གཤོག་ཡངས་དད་བརྩོན་དྲི་བཞོན་གྱིས་བསྐྱོད་ཐུབ་བསྟན་མཁའ་ལ་འཕུར་ལྡིང་གར་གྱིས་རོལ། །བཞི་པ་སྔ་མའི་ཚེས་བརྒྱད་ལ་བསྒྲུབ་བྱ་སོ་བརྒྱད་དང༌། ཕྱི་མའི་ཚེས་བཅ…

ལ་བཀའ་རམས་འཛིན་གྲྭའི་བགྲོ་གླེང་ལ་གཟིགས་ཀྱང་དབུ་ཕར་རྩོད་ལུགས་ལྟར་བྱས་སོང་ཞེས་ཧ་ཅང་ཐུགས་ཁེངས་པ་མ་བྱུང༌། དབྱར་ཆོས་ཆེན་མོར་བརྩི་བཞག་ཆག་མེད་དང༌། གླིང་བསྲེའི་དམ་བཅའ་ལ་གཟིགས་རྟོག་གནང༌། ཆར་འབེབས་མཁན་གྱི་རིགས་ངོ་ཚ་ཞིང༌། ཞིང་པ་རྣམས་ཨུ་ཐུག་པའི་ཐན་པ་བྱུང་སྟེ་དགོན་པའི་ལྷ་སྡེ་གོང་འོག་ཚང་མས་ཆར་འབེབས་ཞུས་པར། གསོ་སྦ…

གསུམ་ཕུལ་བ་མ་གསན་པར། འཕྲིན་ལས་ཉེར་བདུན་གྱི་སྐབས་ནས་འཕགས་སེང་གི་བཞེད་པ་མི་འདྲ་བ་སོགས་འབྱམས་ཀླས་པར་སྩལ་ཏེ། ད་ནི་མཚན་དུས་ལ་སླེབ་པས་བརྡ་བྱས་ཚར་བ་ཡིན་རྒྱུ་རེད་དགོངས་ནས་མཚམས་གནང་བས་བགྲོ་གླེང་གྲོལ་ཚེ་མཇུག་གཅོད་ཐལ་སྐད་ཀྱི་ཚོད་ལ་སླེབ་འདུག །ཉིན་གཉིས་པར་རྗེ་ཉིད་ཀྱི་བཀའ་ལྟར་སྨན་པ་དཔོན་སློབ་མཁས་དབང་བློ་བཟང་འཇིགས…

གླེང་གཙོ་ཆེ་བས་ཞལ་འདོན་མང་པོ་འདོན་ས་མེད། སྐུ་རིམ་དགོས་ན་ཡང་བགྲོ་གླེང་ལས་ལྷག་པ་མེད་ཅེས་གསུང་བ་ལོ་རེ་བཞིན་བསྐྱར་ནས་ཚོགས་གཏམ་གནང༌། སྔ་སོར་ཕོགས་ཆེན་ལ་ཕོགས་ཡིག་བཀླགས་ནས་རྟ་ཕོགས་གཏོང་བ་དཀའ་ཚེགས་ཆེ་ཞིང་དངོས་མི་གཙང་བར་དགོངས་ནས་ཇ་བག་རེའི་འགྱེད་ལོ་རེ་བཞིན་བཏང༌། ཆོས་གྲྭའི་གསུང་ཆོས་ལ་ལམ་རིམ་ཆུང་ངུའི་གསུང་བཤད་མང…

དགྱེས་པའི་གསུང་འཕྲོས་ཡང་ཡང་ཐོས། ཆོས་མཇུག་ལ་སློབ་གཉེར་ཡོང་མི་ཡོང་སྐྱོར་སྦྱངས་ལ་རག་ལས་པ་དང༌། ཆོས་ཐོག་གི་རྩོད་པ་གནད་དུ་འགྲོ་བ་ཆོས་མཚམས་ཀྱི་སྐྱོར་སྦྱངས་ལ་རག་ལས་པས་འདུ་ཚོགས་དང་ལོང་གཏམ་སྤངས་ནས་དཔྱད་པ་དང་སྦྲགས་ཏེ་འཛིན་སྐྱོར་རྩལ་དུ་འདོན་དགོས་པ་དང༌། དུས་རྒྱུན་དྲན་ཤེས་བསྟེན་ནས་རང་རྒྱུད་བརྟག །མི་མང་གི་ཁ་ལ་མི་ར…

མཐའ་རྩ་བ་དང། གྲུབ་མཐའ་རིན་ཆེན་འཕྲེང་བ་རེས་མོས་ཀྱི་ཚུལ་དུ་གཏོང་བའི་སྲོལ་ཡོད་པ་ལྟར་རྫོགས་པར་གནང། ཆོས་ཐོག་ཕལ་ཆེར་ལ་འདུ་ཁང་ཡང་རྩེར་ཁྲི་པ་བླ་བྲང་དུ་བཞུགས་ནས་གྲྭ་ཚང་སོ་སོའི་བསྒྲིག་ལམ་ལ་བྱ་ར་རྒྱུན་དུ་གནང་ཞིང། བླ་མ་རྣམས་ཁྲི་པ་བླ་བྲང་དུ་བཞུགས་པ་དེ་གྲྭ་ཚང་རྟིང་བསྐུལ་ལ་གནད་ཆེ་བ་ཞིག་ཡིན་འདུག་ཀྱང། ཕྱིས་སུ་བླ་མ་ཚ…

ངང་ལས་སྐད་ཅིག་ཀྱང་མི་འདའ་བ་ནི་ཀུན་ལ་མཐུན་གྲུབ་ཡིན་ནོ། །དེས་ན་རྣམ་ཐར་འདི་འདྲ་ལ་ཁ་མིག་ཡར་བལྟ་བྱས་ཏེ་ལོངས་སྤྱོད་གསོག་བསྲུང་དང། གཉེན་གྲོགས་ཀྱི་ངོ་འཛིན་སྤངས་ཏེ་ཡིད་བཞིན་གྱི་ནོར་བུ་ལས་ཀྱང་ལྷག་པའི་རྟེན་བཟང་དོན་ལྡན་དུ་བྱ་དགོས་ཏེ། ཞལ་ནས། གཉིད་དང་ལོང་གཏམ་ལ་དགའ་བ་དང། ཟས་གོས་ཞིམ་བཟང་ལ་སྲེད་པ་འདི་རྣམ་གཡེང་དང་འདུ…

དུ་འོས་པ་ཙམ་གྱི་བློ་རིག་སྙིང་སྟོབས་འཛོམ་པ་རྣམས་ནས། ༸སྐྱབས་མགོན་མཆོག་མ་བཞུགས་ཀྱང་ཕ་ཤུལ་བུས་ཟིན་ངེས་ཀྱི་ཐུགས་སྲས་དང། རྒྱལ་ཚབ་གཉིས་པ་གདན་སར་བཞུགས་པ་འདི་འདྲ་ཡབ་རྗེ་དེ་ཉིད་ཀྱི་བཀའ་དྲིན་ཡིན་ཞེས་འདུན་པ་ཆིག་དྲིལ་གྱིས་སྐུ་དོན་ཐམས་ཅད་ཀྱི་ཕུགས་རྗེ་འདི་ལ་གཏད་པ་ཞིག་ཡོད་དོ། །ཡབ་རྗེ་བླ་མའི་མཆོག་སྤྲུལ་མྱུར་ཕེབས་ཀྱི…

རིས་དང་གནད་ཡིག་འགོད་ཚུལ་སོགས་ཞིབ་ཁྲིད་བྱེད་བཅུག་ཅིང། ཕྱག་ལེན་ལ་དག་ཐེར་ཞིབ་ཐིག་དང་བཅས་ལྕགས་མཁར་ཆེན་མོ་ཚུགས་པའི་དབུར་བཞུགས་ནས་བསྟན་འགྲོའི་སྤྱི་རིམ་ཁུར་དུ་བཞེས། དགུང་ལོ་སོ་གཉིས་པ་ཆུ་གླང་ལ་ལྷ་མོའི་ཚེས་གཏོར་རི་ཁྲོད་ནས་སྔར་རྒྱུན་ལྟར་བཏང་ཞིང། རྗེ་ཉིད་ནས་དགོན་པར་ལོ་གསར་གྱི་དགའ་སྟོན་དང་བཞུགས་གྲལ་ཚོགས་དབུར་ཕེ…

གིས། ཀུན་མཁྱེན་སྐུ་འཕྲེང་གཉིས་པ་དེ་ཉིད་མ་བཞུགས་པས་ཕྱོགས་འདིར་མི་མེད་བསམས་ཀྱང་ཆོས་སྲིད་གཉིས་འཛོམ་གྱི་བླ་མ་འདི་འདྲ་བཞུགས་པ་ངོ་མཚར་ཆེ་ཞེས་གསེར་ཁྲི་རྣམ་པ་དང། ཁྲི་གདན་ཟུར་བགྲངས་པ་ཐོས་ཏེ་ས་པཎ་གྱིས། མོས་པའི་ཚེ་ན་མིག་ཙུམ་བྱེད། །ཅེས་པ་ལྟར་བླུན་དད་ཡིན་རུང་མཛད་པ་དེ་ནི་གདུལ་བྱ་རྗེས་འཛིན་གྱི་ཐབས་མཁས་སོ། །བཅོ་ལྔའ…

འགྲེལ་པ་སོགས་ཆག་མེད། གཏོང་སྒོ་དང་བྱ་བའི་ཁུར་གང་ཡོད་མ་ཉམས་པར་བྱས་ན་བསྡུ་བ་བཞིའི་ལག་ལེན་ཡང་དེ་ཡིན་གསུངས་པ་ལྟར་བསྒྲུབས་པས་བྱ་བ་ལམ་འགྲོ་བསམ་པ་ལྟར་བྱུང། ཕྲན་ཆུང་ངུའི་དུས་ཡབ་རྗེ་རྡོ་རྗེ་འཆང་གི་མདུན་དུ་ཕོར་པ་ལག་ནས་ལྷུང་བའི་རྟེན་འབྲེལ་གྱིས་འཚོ་ཆས་ཤིན་ཏུ་བཀྲེན་ཀྱང། འདི་དུས་ཉིན་གཅིག་ལྷུང་བཟེད་བཅུད་དང་ལྡན་པ་ཕྱ…

དགེ་རི་ཁྲོད་པ་མཁས་ཤིང་གྲུབ་པའི་དབང་ཕྱུག་བསྟན་པ་འཛིན་པའི་སྐྱེས་ཆེན་དེ་ཉིད་ཀྱིས་རྒྱུད་སྡེའི་དགོངས་པ་དང་མཐུན་པར་གཟུངས་གཞུག་ཕྱག་བཞེས་རྣམ་པར་དག་པས་ཕུལ། རྗེ་ཐུའུ་བཀྭན་རིན་པོ་ཆེ་གདན་དྲངས་ཏེ་གསུམ་པའི་ཚེས་བཞི་ནས་རྡོ་རྗེ་འཆང་དེ་ཉིད་དང། རྗེ་ཉིད་ཀྱིས་གཙོ་མཛད། ཁྲི་གདན་ཟུར་དང། གྲྭ་པ་བསྙེན་སོང་བརྒྱ་ལྷག་གིས་ཉིན་གསུ…

ཞེས་ཡང་ཡང་གསུངས་པ་ཐོས། ཐུའུ་བཀྭན་རྡོ་རྗེ་འཆང་ནས་གུང་ཐང་བླ་བྲང་དུ་ཉིད་ཀྱི་ཞབས་བརྟན་ལ། རྟ་མགྲིན་གྱི་སྦྱིན་སྲེག་གནང་བས་སྔར་སྐུ་འཁྲུགས་ཀྱི་ཉམས་ཤིག་རྒྱུན་དུ་ཡོད་ཀྱང་དེ་ནས་བཟུང་སྟེ་སངས་དྭངས་སུ་སོང། བརྩི་བཞག་གི་རྒྱུགས་མ་འཕྲོད་པ་རྣམས་ལ་བརྒྱ་ཕྱག །ཚོགས་ཆུ། རྡོ་བཅལ་བསྒྲིགས་པ་སོགས་ཀྱི་ཆད་ལས་མཛད་པ་འདི་འདྲ་ཡང་བསྟ…

དགའ་བདེས་ཚིམ་ནས་གཞན་སྐྱིད་ཉལ་བྱས་ཀྱང་སྡིག་པའི་ཕུང་པོར་གྱུར་པ་ལ་ཕར་སེམས་ཀྱི་གཏིང་ནས་སྙིང་རྗེ་འཆོར་བ་དེ་འདྲ་དགོས། གོས་རྫི་བོའི་གོས་དང། ཟས་བྲན་གཡོག་གི་ཟས་ཙམ་བསྟེན་རྒྱུ་བྱུང་ན་དེ་ཙམ་གྱིས་ཆོག་ཤེས་བྱས་ནས་ཆོས་ལ་བརྩོན་དགོས། ཁ་ཕྱིར་བལྟས་ཀྱི་ཡེངས་མ་ལམ་ལ་མི་ཚེ་ཟད། རང་གི་བྱ་བ་རང་གིས་ངོས་མི་ཟིན་པར་གང་ཡག་ཡག་ཅིག་བ…

བསམ་བློ་ཞིག་གཏོང་དགོས་རྒྱུ་རེད་མོད། བསམ་བློ་དེ་ལྟར་གཏོང་མཁན་གྱི་ཆེད་དུ་ཀུན་མཁྱེན་བླ་མས། བསྟན་པ་སྤྱི་ལ་ཕན་ངེས་དང། རང་རང་གི་འདི་ཕྱིའི་དོན་ལ་ཕན་ངེས་ཀྱི་སྒྲིག་ལམ་ཞིབ་མོ་འདི་འདྲ་ཚུགས་པ་ཁྱེད་ཚོས་ཧ་གོ་བར་ཨེ་འདུག་གསུངས། གླིང་བསྲེའི་སྐབས་པོ་ཏི་ལྔའི་བརྒྱུད་པའི་ཆོས་འབྱུང་རྣམ་ཐར་དོགས་གཅོད་ཀྱིས་བརྒྱན་པའི་གསུང་བཤ…

སྔ་ཕྱིར་བསྒྲུབ་བྱ་སུམ་ཅུ་མ་ལོང་ཙམ་རབ་བྱུང་བསྙེན་རྫོགས་ལ་བཀོད། རིགས་གྲྭའི་ཉིན་དང་པོར་ཁ་དར་ཉིན་བདེ་མ་རེའི་འགྱེད་དང། དོང་ཚེ་བཅུ་གཉིས་ཀྱི་དོད་དུ་ཞོ་གང་འཕར་ནས་གནང་བ་སོགས་འགྱེད་ཁྱོན་བསྡོམས་ལ་དངུལ་སྲང་སྟོང་དང་དྲུག་བརྒྱ་སུམ་ཅུ་ལྷག་དང་གུང་ཐང་བླ་བྲང་དུ་ཀུན་དགའ་ར་བ། མཆོད་ཁྲི་རྐོས་མ་གསེར་ཚོན་གྱིས་སྤྲས་པ་ཆ་མཚུངས…

དུ་གསེར་སྲང་དོ་དང་ཞོ་བཞི་སོགས་གནང་སྟེ་ཐམས་ཅད་ལེགས་པར་གྲུབ་ནས་དགུ་པའི་ཉེར་གཉིས་ཀྱི་ཉིན་རབ་གནས་མཛད། ཞལ་ངོ་བསྐོ་བཞག་གི་སྐབས་དུས་འཁོར་དཔོན་སློབ་རྡོ་རམས་པ་ངག་དབང་དོན་གྲུབ། སྨན་པ་དཔོན་སློབ་རྡོ་རམས་པ་བློ་བཟང་འཇིགས་མེད། བླ་མ་དབུ་མཛད་པ་རྡོ་རམས་པ་དཀོན་མཆོག་ལྷུན་གྲུབ། དུས་འཁོར་རྡོར་འཛིན་རྡོ་རམས་པ་འཇམ་དབྱངས་གྲག…

བརྟེན་ནས་རུང་མཐུན་སྦྱར་འོས་པ་རྣམས་ཀྱང་གྲོས་བསྡུར་ནས་ཞུས་པར། བཀའ་ལས། ཁྱེད་རྣམས་ཀྱིས་གང་གསུངས་ཐམས་ཅད་དོན་དང་མཐུན་པ་ཤ་སྟག་ཏུ་སྣང། དགེ་འདུན་ཁྲིམས་གཙང་བ་ནི་སྐྱེ་རྒུའི་འཕྲལ་ཕུགས་ཀྱི་ཕན་བདེའི་གཞི་རྩ་གཅིག་པུ་ཡིན་མོད། ཁྲིམས་གཙང་བའི་གཞི་རྩ་ཐུགས་མཐུན་པ་ལ་རག་ལས། ཐུགས་མཐུན་ཞེས་པ་དེ་ལྟ་བ་བདེན་བཞིའི་བླང་དོར་ལས་མི་…

སོང་བ་རྨིས་པས་ད་ནི་སྐྱོན་མི་འདུག་གསུངས། མི་དང་མི་མིན་སྒྱུ་མ་མཁན་པོ་འགས། །བསམ་ངན་སྦྱོར་རྩུབ་སྣ་ཚོགས་སྔགས་རྫས་ཀྱིས། །རྟེན་འབྱུང་སྤྲོས་བྲལ་གཟིགས་པའི་ཡེ་ཤེས་མིག །དག་པའི་ཡུལ་དུ་འཁྲུལ་སྣང་ཇི་ལྟར་བསྐྲུན། །དད་དང་དམ་ཚིག་གཙང་མའི་རྫིང་བུ་རུ། །ལྷ་དང་བླ་མའི་བྱིན་རླབས་ཟླ་སྣང་གཟུགས། །ཇི་དགར་འཆང་བའི་འདོད་པ་འཇོ་བ་ནི…

དང། རབ་བྱུང་གིས་ནག་ཆང་རྐུས་གསུམ་དང་མཚོན་ཆ་ཐོགས་པ་ཕར་ཞོག་གོས་དམུ་ལུགས་མ་དང་ཞྭ་ཕོ་ཐོད་དང། ཚི་ལེན་དཀར་པོ་གྱོན་པ། ཤོ་འཕེན་པ་སོགས་བྱས་མི་ཆོག་ཚུལ་སྐྱ་སེར་སོ་སོར་ནན་ཅན་གནང་བ་ལྟར་ཞལ་ངོ་སོགས་ཀྱིས་ཉིན་པར་ཡང་གླིང་བསྐོར་ཞིང། ཚོགས་འདུས་ཚོང་རྭ་དང། མཐའ་བ་གོང་འགབ་སོགས་བསྐོར་ནས་དག་ཐེར་མཛད། བཟའ་བཏུང་ངག་འཁྱལ་འགྲོ་འདུག…