དཀར་པོ། མགོན་པོ་བར་ཆད་ཀུན་སེལ་གསུམ་གྱི་རྗེས་གནང་ཕུལ། ཀུན་གཟིགས་སྤྲུལ་བའི་སྐུ་རིན་པོ་ཆེ་ནས་ཀྱང་སྐུ་གསུང་ཐུགས་རྟེན། དངུལ་གྱི་མཎྜལ་སྣེ་འདོགས་ཅན། དངུལ་རྡོ་ཚད་ལྔ། གོས་དར་སྣམ་ཕྲུག་སོགས་དང་བཅས་ཞབས་པད་བརྟན་པ་དང། བསྟན་འགྲོར་སྨན་པའི་ཐུགས་བསྐྱེད་གང་དྲག་གནང་དགོས་ཚུལ་ནན་གྱིས་ཞུས་པར། ཐུགས་ཤིན་ཏུ་དགྱེས་ཉམས་དང་བཅས་…

མཆོག་ནས་ཆིབས་ཞལ་ལན་གསུམ་བསྒྱུར་བ་སོགས་ཐུགས་འཕྲེང་བའི་རྣམ་པ་ཆེར་མཛད། སླར་གདན་སར་བྱོན་ནས་ཚེས་ཉེར་ལྔའི་ཉིན་གསེར་ཁྲི་རྣམ་གསུམ་ཞལ་འཛོམ་སྟེ། རྒྱལ་བ་སེངྒེ་ང་རོའི་ལྷ་ཁང་ཆེན་མོ་གསར་བཞེངས་ཀྱི་སར་རྩིག་པའི་འགྲམ་ཐིག་དང་ཤིས་བརྗོད་རྒྱས་པར་གནང། ཁྲི་ཆེན་སྤྲུལ་བའི་སྐུ་འཇིགས་མེད་ནམ་མཁའ་ནས། འཇིགས་བྱེད་དཔའ་བོ་གཅིག་པའི་ད…

ཁྲོད་དུ་བཅད་རྒྱ་དམ་པར་མཛད་ཅིང། དབྱར་ཞལ་གྱིས་བཞེས། དགག་དབྱེའི་ཉིན་སྐུ་མཚམས་གྲོལ་ཞིང་དེའི་ཕྱི་ཉིན་ལྗོངས་རྒྱུ་མཛད། མི་ཏྲའི་དཀྱིལ་འཁོར་གསར་པ་བཞེངས་གྲུབ་པར་བཟོ་བོ་རྣམས་ཡོན་གྱིས་ཚིམ་པར་མཛད། ཚེས་ལྔའི་ཉིན་འཆར་ཅན་མཆོད་མཇལ་གནང། ཚོགས་ཆེན་མགོན་ཁང་དུ་ཕེབས་ནས་འཕྲིན་བཅོལ་དང་ཞིབ་གཟིགས་ངོས་རྒྱུད་པའི་མགོན་ཁང་གསར་པར་འ…

དང། དེ་ཉིད་བཞུགས་པའི་གཙུག་ལག་ཁང་སྟུག་པོ་བཀོད་པའི་ཕོ་བྲང་ས་ལ་འཕོས་པ་ལྟ་བུ་དེ་ཉིད་ཀྱིས་མཚོན་སྐུ་གསུང་ཐུགས་རྟེན་དང་ལྷ་ཁང་སོ་སོར་ཞིབ་མཇལ་ཞུས། གྲྭ་མང་ལ་དགའ་ལྡན་ལྷ་བརྒྱ་མའི་ཁྲིད། འཇམ་དབྱངས་དང་སྒྲོལ་མའི་རྗེས་གནང། མཚན་བརྗོད་གདུགས་དཀར། བླ་མཆོད། ཆོས་སྤྱོད་གསལ་བའི་སྒྲོན་མེ་སོགས་ཀྱི་ལུང། སྨན་པ་གྲྭ་ཚང་ལ་སྨན་ཆོག་…

བར་སོང་བ་དང་སྤྲོས་པའི་རིགས་མ་བྱེད་ཅེས་གསུངས་པ་ལྟར་བྱུང་བས། ཉིན་མཚན་གཉིས་ཀར་བསྐོར་བ་དང་གནས་གཟིགས་སོགས་ཐུགས་བཞེད་ལྟར་དང། སྐུ་འབུམ་དུ་སྤྲོས་པ་བཀག་ཀྱང་མ་ཁེགས་པས་མཚན་མོ་ཞབས་སྐོར་མཛད། དེ་ནས་བཟུང་སྟེ་ཆིབས་བསུ་སྐྱེལ་སེར་སྦྲེང་སོགས་སྤྲོས་པ་བར་མ་ཆད་པས་ཐུགས་བཞེད་ལྟར་གྱི་ཕྱག་སྐོར་སོགས་མ་གྲུབ། མཇལ་དར་ཙམ་ཡང་བཞེས་…

ཅན་མ་དཀར་མོ། འཇིགས་བྱེད་ཡུམ་བཅས། ཀླུ་དབང་རྒྱལ་པོ། སྣ་ཚོགས་ཡུམ། ལོ་གྱོན་མ་གཙོ་འཁོར་གསུམ་པ། བདེ་མཆོག་དཀར་པོ། ཁྱུང་ཁྲ། དྲག་པོ་སུམ་སྒྲིལ། རྣམ་འཇོམས། སྨེ་བརྩེགས། རྡོར་སེམས་ཡུམ་བཅས། རྣམ་སྲས་སེར་ཆེན། དཔལ་མགོན་སོགས་ཀྱི་རྗེས་གནང། སྐུ་ཞབས་རིན་པོ་ཆེ་གཅིག་པུར་ཞལ་སྒྲུབ་དུས་ཀྱི་ཐུན་མོང་མ་ཡིན་པའི་རྗེས་གནང་དང། གཞན་…

འོང་བར་འདུལ་བ་རྒྱ་མཚོའི་སྙིང་པོ་སོགས་ཀྱི་ལུང་དང། དགོན་ལུང་ཁྲི་པ་ཨོའུ་ཤི་ཞབས་དྲུང་གི་སྤྲུལ་སྐུ་རབ་བྱུང་བསྒྲུབས་ནས་མིང་དཀོན་མཆོག་བསྟན་པ་རབ་རྒྱས་སུ་བཏགས་ཏེ་རྟེན་འབྲེལ་བསྒྲིགས། དེ་ནས་གྲོ་ཚང་དགོན་དུ་ཕེབས། གྲོ་ཚང་བླ་བྲང་ལ་རབ་གནས་དང། གྲོ་ཚང་སྤྲུལ་སྐུར་མགོན་པོ་བཀའ་བཅུ་གསུམ་གྱི་རྗེས་གནང། ཚོགས་མང་ལ་བཅུ་གཅིག་ཞ…

པའི་ཁུངས་དང། ཉེས་པའི་བུད་ཤིང་ལྷག་མེད་དུ་སྲེག་བྱེད་སྡེ་སྣོད་བཤད་སྒྲུབ་ཀྱི་བསྟན་པའི་མེ་རོ་གང་ནས་བསླངས་པའི་གཞིར་གྱུར་ཅིང། འཇམ་མགོན་ས་སྐྱ་པཎ་ཆེན་དང་འགྲོ་མགོན་ཆོས་རྒྱལ་འཕགས་པའི་བཀའ་དྲིན་ལས་མདོ་སྔགས་ཀྱི་འཆད་ཉན་དང། སྒྲུབ་རྒྱུད་འཛིན་པའི་དགེ་འདུན་ཡུལ་གྱི་ཐ་གྲུ་ཀུན་ཏུ་ཁྱབ་པ། ཀརྨ་རིམ་བྱོན་སོགས་རིས་མེད་མཁས་གྲུབ…

བུ་མདོ་སྨད་ཙོང་ཁ་སྤྲུལ་བའི་ཞིང་ཞེས་ཡོངས་སུ་གྲགས་པའི་གནས་དེར་སྲིད་མཐའི་བར་དུ་ཐུབ་པའི་རིང་ལུགས་ཉམས་པ་མེད་པར་བཤད་པ་དང་སྒྲུབ་པའི་དགེ་འདུན་གྱི་སྡེ་རྣམས་རྒྱལ་བའི་དམ་ཆོས་མཐའ་དག་རྒྱལ་བའི་དགོངས་པ་བཞིན་དུ་འཛིན་ཞིང་སྐྱོང་བ་དང། འཇིག་རྟེན་མཐའ་དག་རྣམ་དཀར་དགེ་བཅུ་སྨིན་པའི་འབྲས་བཟང་ལ་སྤྱོད་ཅིང་སྙིགས་དུས་རྒུད་པའི་གྲ…

བྱས་པ་ཡི། །བསོད་ནམས་ཕུང་པོ་སྲིད་འདིར་ཇི་ལྟར་ཤོང། །འཇམ་དབྱངས་མི་རྗེའི་གཟུགས་ཅན་གནམ་གྱི་ལྷའི། །བཀའ་ཁྲིམས་གསེར་གྱི་གཉའ་ཤིང་ཆེས་ལྕི་བས། །སྙིགས་དུས་སྐྱེ་བོ་མི་བསྲུན་བརླང་སྤྱོད་ལས། །ལྡོག་པ་འདིས་ཀྱང་འཇམ་དཔལ་ཞིང་དུ་ངེས། །དེ་ནས་ཐང་རིང་དུ་ཕེབས། རྒྱལ་བ་བླ་མ་རིན་ཆེན་པས་རྒྱལ་དབང་ལྔ་པར་ཞུས་ཏེ་གདན་དྲངས་པ་སྟོན་པ་དག…

ཏེ། ཐུགས་རྗེ་ཆེན་པོ་རང་བྱོན་སོགས་ལ་ཞིབ་གཟིགས་དང་ཐུགས་ཉམས་སྤྲོ་བའི་རྣམ་པ་མཛད་ཅིང། དཀར་ཆག་ཀྱང་ཞུས་པ་ལྟར་གནང། དགུ་པའི་ཚེས་བརྒྱད་ཀྱི་དགུང་མོ་ལོ་ཀྱ་ཏུན་དུ་འབྱོར། རྗེ་ཉིད་གཅིག་པུར་བདེ་མཆོག་གི་མདུན་ནས་བཞུགས་ཏེ་མཚན་མོ་དེར་བདེ་མཆོག་བདག་མདུན་གྱི་ཆོ་ག་དང། ཚེས་བརྒྱད་ཀྱི་ཐོ་རངས་སྐྱ་རེངས་ཀྱི་དུས་ཚོད་ལ་བདག་འཇུག་བཞ…

སྒྲུབ་ཁང་གི་མདུན་ངོས་གཡས་གཡོན་ན་དབང་ཕྱུག་ཡབ་ཡུམ་གྱི་རྟགས་ཀྱི་རྣམ་པ་ཐད་སོར་གནས་པ་སོགས་བདེ་མཆོག་གི་གནས་ཀྱི་ཁྱད་ཆོས་ཚང་བ་ཞིག་འདུག་གསུངས། གདུང་མདུན་དེར་སྨོན་ཚིག་ཅིག་ཀྱང་བཀའ་རྩོམ་མཛད། མཆོད་རྟེན་དཀར་པོར་ཞག་གཅིག་བཞུགས། དགེ་འདུན་ལྔ་བཅུ་སྐོར་ལ་རྡོ་རྗེ་གཅོད་པའི་ལུང་སྕལ། མཆོད་རྟེན་འདི་སངས་རྒྱས་འོད་སྲུང་དུས་ཀྱི…

ཏེ་འདི་སྐུ་ཚབ་ཡིན་ཟེར་མཁན་ཡང་འདུག་གསུངས་ཏེ་དཔྱད་གཞི་ཅན་དུ་སྣང། འབུམ་གླིང་གི་བྱམས་ཆེན་ས་གནོན་མཉམ་གཞག །བཟང་པོའི་བཞུགས་སྟངས་ཅན་ལ་མཇལ། འདི་སྟོད་སྨད་གང་ཡང་མ་འཛོལ་བའི་ཐིག་ལྡན་ཤིན་ཏུ་བྱོན་ལེགས་པ་ཡ་མཚན་པ་ཞིག་སྣང། རྒྱ་བཟའ་ཀོང་ཇོ་བོད་དུ་ཕེབས་ལམ་ནས་བྲག་ལ་བྱམས་པ་ཁྲུ་བརྒྱད་ཅུ་པ་བཞེངས་ཞེས་པ་གཞན་ན་སྟོན་རྒྱུ་མེད་ལ།…

དཔའི་ཆ་ལུགས་ཅན་ཁྲུ་གང་ལྷག་ཙམ་བཟོ་ལེགས་ཁྱད་མཚར་ཅན་ཕུལ་བས་དགྱེས་ཚོར་ཆེ་བར་མཛད། དེ་ལྟར་མདོ་སྨད་བསིལ་ལྡན་གྱི་ལྗོངས་འདི་གང་གི་གཟི་བྱིན་གྱི་སྒོ་ནས་དབུས་འགྱུར་གཉིས་པར་བསྔགས་པར་འོས་པའི་སྔོན་གྱི་གནས་ཆེན་རྣམས་དང། བྱིན་རླབས་ཀྱི་གཟི་འོད་ཕྱོགས་བརྒྱར་འཕྲོ་བའི་རྟེན་འགངས་ཅན་རྣམས་ལ་མཆོད་འབུལ་དང། བསྟན་པ་ཕྱོགས་མཐར་རྒྱ…

ཡང་ལྷུན་གྱིས་གྲུབ་པར་མཛད། །གདན་སར་ཕེབས་ལམ་ནས་སྟག་ལུང་དགོན་དུ་བཅུ་གཅིག་ཞལ་གྱི་རྗེས་གནང་སྩལ། ཆོས་གྲྭ་གསར་ཚུགས་ལ་བརྩི་བཞག་གནང་སྐབས་འཇའ་ཚོན་སོགས་ཤར་བས་རྟེན་འབྲེལ་ལེགས། བསྒྲུབ་བྱ་དྲུག་དགེ་བསྙེན་ལ་བཀོད་ཅིང་ལམ་ཁྲིད་གསེར་གྱི་ཡང་ཞུན་གྱི་ལུང་གནང། ཨ་འབིའི་སྒར་པ་དང། ཨ་མཚོའི་སྒར་པར་འཇིགས་བྱེད་ཀྱི་དབང་གནང་ཞིང་བསྒ…

རྟའི་ལོ་གསར་གྱི་ཚེས་ལ་སྨད་ཕྱོགས་ནས་འོངས་པའི་གྲྭ་རྒྱུན་སྦྱིན་བདག་རྣམས་ཀྱིས་གསེར་ཟངས་ཀྱི་སྐུ་བརྙན་དུ་མས་ཐོག་དྲངས་དངོས་འབུལ་གཟབ་ནས་ཞུས་ཤིང། སོ་སོར་བསྙེན་རྫོགས་དང་དབང་རྗེས་གནང་སོགས་འདོད་ཆོས་ཀྱིས་ཚིམ་པར་མཛད། དོན་གཉེར་བ་ཉིས་བརྒྱ་སྐོར་ལ་དགའ་ལྡན་ལྷ་བརྒྱ་མའི་ཁྲིད། དཔའ་གཅིག་གི་དབང། འཇམ་དབྱངས་དཀར་པོའི་རྗེས་གནང…

ཚྭ་ཉན་པོ་འཇམ་དབྱངས་སུ་གྲགས་པ་སྡེ་རྒན་རིན་པོ་ཆེ་བློ་བཟང་དོན་གྲུབ་པས་སྐུ་ལ་རྒྱུན་བཅར་མཛད་པ་ཞིག་འཇིགས་བྱེད་ཀྱི་ཐུགས་ཀར་ཡེ་ཤེས་སེམས་དཔའི་ཚུལ་དུ་བཞུགས་པར་མཛད། ལྗགས་བཀོད་གང་དགོས་འཕྲལ་དང་འཕྲལ་ལ་གནང་བ་བླ་མ་དབུ་མཛད་པ་དཀོན་མཆོག་དབང་ཕྱུག་གིས་ཁུར་ལེན་རུང་བ་བྱས་པས་སྐུ་བརྙན་རྣམས་ཀྱི་བཟོ་རགས་རིམ་གྲུབ་པ་ནས་བཟུང་སྟེ…

ལས་པས་ལེགས་ཚོགས་ཀུན་གྱི་རྩ་བ་སྡོམ་ཁྲིམས་ལེགས་པར་བཟུང་དགོས་པ་དང། དེའི་ཆེད་དུ་སྒྲིག་ལམ་ཞིབ་དགོས་ཚུལ། ཐོས་བསམ་སྒོམ་གསུམ་ཡ་མ་བྲལ་བའི་ངོས་ནས་སློབ་གཉེར་ཧུར་ཐག་གལ་ཆེ་ཚུལ་སོགས་བསླབ་བྱ་ནན་ཏན་དུ་མཛད། རྗེ་འདི་ཉིད་ནས་དབང་གང་དང་གང་གནང་ན་བདག་མདུན་འཇུག་པ་ཐ་དད་དང་ཐ་མི་དད་ཀྱི་སྒྲུབ་ལུགས། རང་ཉིད་འཇུག་ཅིང་དབང་བླངས་པ། …

རྒྱལ་ཟ་མ་ཏོག །རྩ་བཤད་སྦྱོར་བའི་ལྡེ་མིག་གིས་བཀྲོལ་ནས། །ཟུང་འཇུག་ནོར་བུའི་བང་མཛོད་མཁའ་ཁྱབ་ཏུ། །ས་མུ་ཏྲ་ལས་མེ་གྷ་བཞིན། །ས་གསུམ་འགྲོ་ལ་འགྲེམ་པ་པོ། །ས་ར་ཧ་དང་ཀླུ་སྒྲུབ་ལྟར། །ས་ཡི་དབང་ཕྱུག་ཉིད་དུ་ངེས། །དེ་དག་གི་སེང་བར་དུ་ཡང་བསྙེན་རྫོགས་གྱ་དགུ། རབ་བྱུང་དགེ་ཚུལ་བཅུ་དགུ་སོགས་ལ་བསླབ་པ་སྩལ་ཏེ་ཐར་པའི་ས་བོན་བསྐྲ…

ཆེན་མེ་རྒན་མཁན་རིན་པོ་ཆེ་ནས་ཞབས་བརྟན་གྱི་གསོལ་འདེབས་ནན་གྱིས་ཞུས་པར། ཞལ་ནས་ངེད་ཅག་གྲྭ་དཔོན་སློབ་མཐའ་དག་ཁ་ཙམ་ཚིག་ཙམ་མ་ཡིན་པར་དད་པ་དམ་ཚིག་ཤིན་ཏུ་གཙང་བའི་བདེན་སྟོབས་དང། དཀོན་མཆོག་གི་བྱིན་མཐུས་མྱུར་དུ་བདེ་འགྲོ་གསུངས་པ་ལྟར། དེ་ནུབ་ནས་སྐུ་ཁམས་ལ་དྭངས་བསྐྱེད་བྱུང། སྔ་སོར་ཀུན་གཟིགས་མཆོག་སྤྲུལ་རིན་པོ་ཆེ་དབུས་ཕ…