དྲིས་དགའ་བདེས་ཚིམ་པར་བྱེད་ཅིང། ཞལ་དཀྱིལ་དང་གསུང་གདངས་བྱམས་བརྩེ་བྱང་སེམས་ཀྱིས་བརླན་ཅིང་འཇམ་པས་ཡིད་དུལ་བར་མཛད་པ་དང། མངོན་ཤེས་སོགས་ཀྱི་ཟུར་ཙམ་ཡང་མི་གསུངས་པར་མ་ཟད་ཆུང་དུས་ཅུང་ཟད་གསལ་བ་ཡང་བར་ཆད་ཡིན་ཞེས་དང་དུ་མི་ལེན་ཀྱང་བློ་རྩེ་གཏད་ན་གང་གསུང་འཁྲུལ་པ་མེད་པའི་བསླུ་མེད་ཀྱི་གདེང་ཀུན་གྱིས་མཐོང་རུང་དུ་ཡོད་པ་དང།…

གཡོ་བ་ཡང་མ་མཐོང་ངོ་། །ཞེས་གསུངས་པ་ལྟར་རོ། །གཞན་ཡང་བཙན་པོའི་ལུང་ལས་ཀྱི་དཔུང་དང་སྟོབས་འབྱོར་ལོངས་སྤྱོད་ཀྱི་ཡོ་ལང་གིས་ཆེན་པོར་བསྒྲགས་ཙམ་མ་ཡིན་པར་མཁས་བཙུན་བཟང་པོར་གྲུབ་པའི་དཔལ་གྱིས་ཞབས་མཐིལ་རྡུལ་གྱི་འཕྲེང་བ་སྐྱེ་རྒུའི་གཙུག་ན་མངོན་པར་མཐོ་བ་ནི་ཉི་མའི་དཀྱིལ་འཁོར་རྟ་ལྗང་བདུན་གྱི་ཤིང་རྟས་བཀུར་བ་ལྟ་བུ། འཆད་པའ…

གྱིས་བསིལ་བ་ལྟ་བུ། སྒྲ་དང་དོན་གྱི་རྒྱན་ཕུན་སུམ་ཚོགས་པས་ཇི་ལྟར་བརྒྱན་ཀྱང་རྣ་བར་སྙན་ཅིང་ཡིད་དུ་འཐད་པ། བསམ་ན་ངོ་མཚར་ཞིང། གདམས་དོན་བསླུ་བ་མེད་པ་དྲུག་ཅུའི་དབྱངས་ལྟ་བུ། ཆོས་སྲིད་ཀྱི་བྱ་བ་གང་ལ་ཞུགས་ཀྱང་དཀར་ནག་གི་ཐབས་ཚུལ་སྣ་ཚོགས་ལ་ལྟོས་པ་མེད་པར་ཐུགས་བསྐྱེད་དང་ཏིང་ངེ་འཛིན་གྱི་མཐུས་འདོད་དགུར་ལྷུན་གྲུབ་ཏུ་འབྱུ…

དེ་ལས་གཞན་སྙོམས་པར་འཇུག་པ་དག་གིས་བདག་གཞན་དུ་གནས་པར་མི་དྲན་ལགས་སོ། །ཞེས་སོགས་ཞུས་པར་གསུངས་པ་ལྟར། དམ་པའི་སྤྱོད་པ་འདི་འདྲ་བའི་རང་བཞིན་ནི་ངོ་མཚར་བའི་གནས་སུ་ཤེས་དགོས་ཏེ། སྔོན་གྱི་ལུང་རྟོགས་ཅུང་ཟད་ཀྱང་མ་ཉམས་ཤིང་ཕེབས་བཞུད་ཆོས་སྲིད་ཀྱི་མཛད་སྲོལ་ཡབ་རྗེ་རྡོ་རྗེ་འཆང་ལ་སྤྱན་ལྟོས་གནང་བས་སློབ་མ་རྣམས་ཀྱང་ངང་ཚུགས་བ…

ཀྱང་ཚིག་ཚོགས་ལ་འཛེམ་ནས་མདོར་བསྡུས་ཙམ་དགེ་བའི་བཤེས་གཉེན་བསྟེན་པའི་སྐལ་ལྡན་རྣམས་ཀྱིས་ཡོན་ཏན་དང་བཀའ་དྲིན་དྲན་པའི་དད་གུས་སྦྱོང་བའི་ཕྱིར་དང། བློ་རབ་འབྲིང་ཐ་གསུམ་གྱི་དམིགས་རྐྱེན་དུ་འགྱུར་བའི་ཆེད་དང། གཙོ་ཆེར་མདོ་ལས། སྡིག་པས་གང་བའི་མི་མཇེད་ཀྱི་ཞིང་ནི་མི་གཙང་བའི་འདམ་རྫབ་ཀྱི་ཁུང་ལྟ་བུ་དང། དེར་གནས་པའི་ཕལ་པ་རྣམ…

གསེབ་ན་གསེར་བཞིན་དུ་དམ་པའི་སྐྱེ་བོ་མང་དུ་ཡོད་པར་ངེས་ཀྱང་བརྟག་དཔྱད་ཀྱི་བློ་མིག་མེད་པར་འོལ་ཚོད་ཀྱིས་ལག་ནོམ་བྱས་ཏེ་ཕ་རོལ་བོའི་ཡོན་ཏན་གྱི་ཞྭ་དཔེ་རང་སྐྱོན་གྱི་ལྷམ་ལ་བཀབ་ནས་མིག་ལྟོས་མི་བྱེད་པ་དག་དང། མི་དགེ་བའི་འདམ་རྫབ་ཀྱི་ནང་དུ་སྐྱེ་རྒ་ན་འཆིའི་འགྲེ་ལྡོག་བྱེད་བཞིན་དུ་གཞན་སྨོད་ཀྱི་འོ་དོད་དབྱངས་སུ་གྱེར་བ་དག་…

པས་ཡང་ཡང་ཞལ་གཟིགས་ཤིང་བྱིན་གྱིས་བརླབས་པའི་མཚན་མ་ཁྱད་པར་ཅན་ཐོབ་ཅིང་བླ་མ་དེ་གཉིས་ཐུབ་དབང་རྡོ་རྗེ་འཆང་དངོས་སུ་མཐོང་བ་དང། དཔལ་མགོན་ཞལ་བཞི་པ་དང། བཀའ་སྲུང་གནོད་སྦྱིན་དྲེགས་པ་ལྕམ་སྲིང་གིས་འཕྲིན་ལས་ཚུལ་བཞིན་དུ་བསྒྲུབ་པའི་རྟགས་མཚན་དུ་མ་མངོན་དུ་གྱུར་ཅིང། སྒྲ་དབྱངས་ལྷ་མོ་དང། རྡོ་རྗེ་དབྱངས་ཅན་མ་སོགས་ཐུགས་དམ་གྱི…

རང་བཞིན་འགྱུར་བ་ག་ལ་སྲིད། །འཆི་བདག་སྟག་གི་ཁ་ནང་འདྲར་གནས་ཀྱང། །ཚེ་འདིའི་བྱ་བ་སྙིང་པོར་བྱེད་བྱེད་ནས། །མི་དགེ་སྡིག་པའི་མུན་པར་འཁྱམས་པ་རྣམས། །དགྲ་བོ་རྣམས་ཀྱང་སྙིང་རྗེ་སྐྱེ་བའི་གནས། །འདོད་པའི་ཡོན་ཏན་སྡུག་བསྔལ་ཀུན་གྱི་གཞི། །མ་འཕངས་པར་ཡང་དམྱལ་བར་ལྟུང་བྱེད་པ། །དེ་སྤངས་ཡོན་ཏན་དམ་པའི་རྒྱན་བཟང་ལ། །སྣ་ཚོགས་འོད་…

རྣམ་པར་ཐར་པ་ལས་རྣམ་ཐར་གྱི་དོན་བསྡུ་བའི་སརྒ་སྟེ་བཅུ་གཅིག་པའོ།། །།ཇི་ལྟ་ཇི་སྙེད་ཆོས་ཀུན་ཉམས་འགྱུར་བརྒྱས། །དབྱངས་སུ་ལེན་མཁས་ཀུན་འདུས་བླ་མ་ལྷ། །རི་མོ་གསུམ་པའི་འོ་མཚོར་རྟག་བཞུགས་ནས། །ལེགས་བཤད་ཆོས་ཀྱི་དབྱངས་སྙན་སྒྲོགས་པར་མཛོད། །དེ་ནས་བཞི་པའི་བཅུ་བདུན་གྱི་ཉིན་ཡི་ངོག་མཁན་ཆེན་སྤྲུལ་བའི་སྐུ་དོན་ཡོད་རྒྱ་མཚོ་སོ…

བརྟན་དགོས་ཚུལ་སྩལ་བར་ལན་བཟང་པོ་འདྲ་བ་ཕུལ། སྐུ་ཞབས་རིན་པོ་ཆེར་ཡང་མཎྜལ་དང་ཚེ་དཔག་མེད་ཀྱི་སྐུ་ཕུལ་ནས་གསུང་འཕྲོས་འགའ་ཞིག་མཛད་པ་དགོས་པ་ཅན་དུ་སྣང། སྔར་སྐུ་བསྙུན་མ་བཞེས་པའི་གོང་ཞིག་ཏུ་སྡེ་ཁྲི་རིན་པོ་ཆེར། ཚེ་དཔག་མེད་ཀྱི་བྲིས་སྐུ་ཤིན་ཏུ་ཆེ་བ་གཅིག་དང། ལམ་རིམ་ཆེན་མོའི་གླེགས་བམ་བཅས་གནང་ནས་ལམ་རིམ་འདི་རྗེའི་གསུང་…

དོགས་པ་ཙམ་ཡང་མ་ཤར་འདུག །ལོ་འདིའི་ཨ་མཆོག་ལ་ཕེབས་རྒྱུའི་གླེང་མོའི་སྐབས་ཕྲན་གྱིས་ཆབ་ཚན་ལ་ཕེབས་པ་དང་སྦྲགས་ན་ཞུས་པར། ཆབ་ཚན་ལ་ཨེ་འགྲོ་མི་ཤེས་གསུངས། གྲོ་ཚང་ལ་ཕེབས་རྒྱུ་བྱས་ཡོད་མོད་ཞུས་པར། འགྲོ་རྒྱུ་ཁས་བླངས་པ་ཡིན་ཏེ་འགྲོ་ཨེ་ཐུབ་མི་ཤེས་གསུངས་ཀྱང་དོགས་པ་ཙམ་ཡང་མ་ཤར། ཨ་མཆོག་ན་བཞུགས་སྐབས་ཐུགས་ནང་གཙང་བ་འགའ་ཞིག་གི…

དུ་ཡོང་ན་ཆོག་ཅེས་གསུང་བསྐུར་གནང་ཡང་ཕྱོགས་གཞན་ནས་སློབ་མ་སྦྱིན་བདག་གལ་ཆེན་མང་པོ་ཡོད་པ་རྣམས་ཆུད་དགོས་པའི་རྐྱེན་དུ་འགྱུར་ཤས་ཆེ་སྙམ་ནས་ག་ལེ་བྱས་ནས་ཡོང་ཆོག་ཅེས་ཞུས། དེའི་ཕྱི་ཉིན་ཡང་སྐུ་མདུན་དུ་ཡོང་ཆོག་གསུངས་ཀྱང་ཕྱོགས་གཞན་གྱི་འགྲུལ་བ་མང་འདུག་པས་ངེད་རང་ལ་བྲེལ་བ་མེད་ཞུས་པར། འོ་ན་བཅུ་གཉིས་སམ་བཅུ་གསུམ་གྱི་ཉིན་…

དུ་ཞབས་བརྟན་གྱི་གྲས་སུ་བསྡད་ཡོད་པར། བར་སྐབས་ཤིག་སྨན་པ་ནས་བརྡ་བྱས་ཏེ་སོང་བར་དེ་གློ་བུར་དུ་ཕྱག་རྩ་ཐམས་ཅད་མེད་སོང། ཁྱེད་རང་སྐུ་མདུན་དུ་ཅིག་སོང་ན་ཟེར་བར་གློ་བུར་དུ་སྙིང་སྟོར་བ་ལྟ་བུའི་འཇིགས་སྐྲག་དང་བཅས་ཏེ་མཇལ་བས་ཞུ་བ་ཡང་ཐལ་ཐོལ་བས་མ་འབྱོར་ཀྱང་དགྱེས་པའི་གསུང་གནང། སྤྱོད་ལམ་གང་བདེ་མཛད་ནས་མི་བདེ་བ་ཅི་ཡང་མི་མ…

པས། སྐུའི་ཡན་ལག་རྣམས་ཞལ་བཞུགས་དུས་དང་འདྲ་བར་གང་བཀོལ་ལས་སུ་རུང་ཞིང་བྱེད་སླ་བ་བྱུང་བ་ཐུགས་རྗེས་གཟིགས་པ་མ་དོར་བའི་རྟགས་སུ་སྣང། དེ་ནས་བླ་གོས་སྣམ་སྦྱར་རིགས་ལྔའི་དབུ་རྒྱན་བཅས་བསྒྲོན་ཏེ་གཟིམས་མདོར་སྤྱན་དྲངས་ནས་བཞུགས་སུ་བཅུག །བཅུ་གསུམ་གྱི་སྐྱ་རེངས་ཤར་བ་ན་ཀུན་གཟིགས་མཆོག་སྤྲུལ་རིན་པོ་ཆེར་ཐུགས་དམ་གསལ་འདེབས་སྙན…

རྒྱུད་གཞུང་། འཇམ་དཔལ་མཚན་བརྗོད། བདེ་ལམ་དང་སྦྱོར་བའི་ཆོས་དྲུག །སྨན་མཆོག་རིང་ཐུང། སྨོན་ལམ་ལྔ་སོགས་གང་མོས་བཞིན་སྐོར་ཚན་སྐོར་ཚན་བྱས་འཚོགས་ཏེ་ཉིན་མཚན་བར་མ་ཆད་དུ་གསུངས། ཐམས་ཅད་ཀྱིས་མཆོད་པའི་རྣམ་གྲངས་བློར་མི་ཤོང་བ་ལྟ་བུ་ཕུལ་བས། མར་མེའི་འོད་ཀྱིས་ཕྱི་ནང་དེར་ཉིན་མཚན་ངོ་མི་ཤེས་པ་ལྟ་བུ་བྱུང། དེའི་ཚེ་འཁོར་དུ་ཉེ་…

འབུལ་ལག་ལེན་ཚད་དང་ལྡན་པ་གནང་བས་དེའི་ཚེ་ཞུགས་ཁང་གི་དུ་བ་ནམ་མཁའི་དབྱིངས་སུ་འདྲེས་ནས་ཀུན་ཏུ་ཁྱབ་པ་ནི་སྤྲུལ་བའི་བཀོད་པ་ཕྱོགས་བཅུར་འཕྲོ་བ་ལྟ་བུ། ཉེ་འཁོར་གྱི་ས་འཛིན་སོ་སོའི་རྩེ་མོར་སྤྲིན་དཀར་ཕོན་པོ་དུམ་བུ་དུམ་བུར་གནས་པ་ནི། ཚངས་པ་དང་བརྒྱ་བྱིན་འཁོར་བཅས་འོད་ཀྱི་ཕུང་པོས་བསྐོར་ནས་མཆོད་པ་ལྟ་བུ། ཆར་སྤྲིན་འཁྲིགས་…

བདེ་ཡངས་སུ་བཞུགས། གཞན་བྱེ་མའི་ཆ་ཕྲ་རྡུལ་ཙམ་ཡང་ཆུད་མ་ཟོས་པར་དོ་དམ་བྱས་པ་དད་ལྡན་གྱི་རྟེན་དུ་བཀྲམ་པ་ལས་ཅོ་ནེ་དགོན་ཆེན་ཏིང་འཛིན་དར་རྒྱས་གླིང། དགའ་ལྡན་རབ་རྒྱས་གླིང། དགའ་ལྡན་ཆོས་འཁོར་གླིང། དགའ་ལྡན་དར་རྒྱས་གླིང། ཁྱ་དགེ་ལེགས་བཤད་གླིང། དགའ་ལྡན་བསམ་འགྲུབ་གླིང་སོགས་སུ་ཡང་གདུང་རྟེན་དུ་མ་བཞེངས་པ་དད་ལྡན་རྣམས་ཀྱི་…

པར་འཇའ་འོད་དང་རིང་བསྲེལ་ཙམ་ལ་རེ་བས་དམ་པའི་སྐྱེས་བུར་འུད་ཀྱིས་བསྟོད་པ་དེ་ལྟ་བུ་མིན་པར་གདུལ་བྱ་རྣམས་ལ་མཐུན་སྣང་དུ་གྲུབ་པ་ཙམ་སྒྲོ་མ་བཏགས་པར་བརྗོད་པ་ཡིན་ནོ། །གཞན་ཡང་གདན་ས་ཆེན་པོ་འདི་ཉིད་དང། སྐུ་འབུམ་བྱམས་པ་གླིང་སོགས་ཆོས་སྡེ་ཆེ་ཕྲ་རྣམས་དང། བདེ་མོ་ཐང་དགའ་ལྡན་ཆོས་འཁོར་གླིང། མཛོད་དགེ་དགོན་གསར་དགའ་ལྡན་རབ་རྒྱ…

འདའ། །ཆོས་ཀྱང་ནུབ་པར་མི་འགྱུར་ཏེ། །ཞེས་གསུངས་པ་ལྟར་ལགས་མོད། སྣང་ཚོད་ཀྱི་མཛད་པ་དེ་དག་ཀྱང་དེ་བཞིན་གཤེགས་པ་འགྲོ་བ་ཐམས་ཅད་ལས་འདས་པས་བྱང་ཆུབ་སེམས་དཔའ་མཐའ་ཡས་ཤུགས་འཆང་ལ། ཁྱོད་ཀྱི་ཚེ་གཅིག་པོ་འདིས་སེམས་ཅན་ཐམས་ཅད་ཡོངས་སུ་སྨིན་པར་བྱ་ནུས་སམ་ཞེས་གསུངས་པར། བཅོམ་ལྡན་འདས་ཀྱི་བཀའ་བཞིན་དུ་བསྐལ་པ་གྲངས་མེད་པར་མེ་མུར་ག…

ནོར་བུའི་བང་མཛོད་ཀྱིས། །སྐལ་ལྡན་གདུལ་བྱའི་རེ་འབྲས་ལྷུན་གྱིས་གྲུབ། །གང་ལ་གང་འཚམ་ཐབས་མཁས་མཛད་བཟང་གིས། །མཐོ་རིས་ཐར་པའི་ལམ་སྲོལ་ཡངས་པོར་ཕྱེ། །ཁྱོད་ནི་འཕགས་ཡུལ་མཁས་པའི་གྲྭར་ཞུགས་ན། །རྒྱན་དྲུག་མཆོག་གཉིས་ལྟ་བུའི་གྲགས་པ་འཛིན། །གལ་ཏེ་ཡུལ་དབུས་ནོར་འཛིན་ལྟེ་བར་འཁོད། །མཁས་དང་གྲུབ་རིགས་བྱེ་བས་གཙུག་གིས་མཆོད། །མདོ…