ཤེས་རྣམ་གྲངས་སུ་བཤད་པའི་སྐབས་ཀྱི་དེར་བདག་མེད་མངོན་སུམ་དུ་རྟོགས་པ་ཞིག་དགོས་པའི་ཕྱིར། དེར་ཐལ། ཡུམ་བར་མ་ལས། ཇི་ཙམ་དུ་གཉིས་པ་དེ་ཙམ་དུ་དམིགས་པའོ། །མི་གཉིས་པ་ནི་མི་དམིགས་པའོ། །ཞེས་དང༌། འཇུག་པ་ལས། གསུམ་ལ་ཆགས་པས་སྟོང་སྟེ་འཇིག་རྟེན་འདས། །ཞེས་གསུངས་པའི་ཕྱིར་དང༌། བདེན་སྟོང་སྒྱུ་མ་ལྟ་བུ་མངོན་སུམ་དུ་རྟོགས་མ་ཐག་པ…

ཀུན་གཞི་ཡོད་པ་གང་ཞིག །ཀུན་གཞི་ཡོད་ན་དེ་དང་མཉམ་དུ་ཉུང་མཐའ་ལ་ཡང་ཡིད་ཤེས་གཅིག་ཡོད་པས་ཁྱབ་པའི་ཕྱིར། དཀའ་འགྲེལ་ལས། མཉམ་གཞག་གི་ཚེ་ཡང་ཡིད་ཤེས་ཀྱི་རྫས་རྒྱུན་ཆད་པའི་ལོག་པ་ནི་མེད་དེ། དགོངས་འགྲེལ་ལས། ཀུན་གཞི་དེ་ཉུང་ཡང་ཡིད་ཤེས་གཅིག་ཡིད་དང་ལྷན་ཅིག་འཇུག་པར་བསྟན་པའི་ཕྱིར། ཞེས་གསུངས་པའི་ཕྱིར། ཁོ་ན་རེ། དེའི་སྐབས་ཀྱི…

ཀྱི་ཚེ་ཉོན་ཡིད་མེད་ཀྱང་དེའི་རྒྱུན་གྱི་ཡིད་ཡོད་པས་འཇུག་ཤེས་ཀྱི་བདག་རྐྱེན་མེད་པའི་སྐྱོན་མི་འོང་ལ། ཡིད་དེ་ཟག་བཅས་ཡིན་པས་ཉོན་ཡིད་གནས་འགྱུར་གྱི་མཉམ་ཉིད་ཡེ་ཤེས་ཐོབ་པར་ཐལ་བའི་སྐྱོན་ཡང་མི་ཡོང་པའི་ཕྱིར། དེར་ཐལ། དེ་ཟག་བཅས་སུ་འཇོག་པའི་རྒྱུ་མཚན་སྤྱིར་ཉོན་ཡིད་དེ་ལ་ཉོན་མོངས་པའི་སྒྲིབ་པ་ཅན་དུ་འཇོག་བྱེད་རང་གྲོགས་ཉོ…

རྒྱས་པ་དང་དུས་མཉམ་དུ་སྤོང་བར་བཞེད་པའི་ཕྱིར། ཀུན་བཏུས་དར་ཊཱིཀ་ལས། མགོན་པོ་ཀླུ་སྒྲུབ་ཀྱི་བཞེད་པ་དང་མི་འདྲ་སྟེ། དེའི་བཞེད་པས་ས་བརྒྱད་པར་ཉོན་སྒྲིབ་ཟད་པར་བྱེད་པའི་ཕྱིར། ཞེས་གསུངས་པའི་ཕྱིར། ཁྱབ་སྟེ། དེ་ལྟར་འབྱུང་བ་རྟེན་གཞིའི་མདོའི་དབང་གིས་ཡིན་པའི་ཕྱིར་ཏེ། དགོངས་འགྲེལ་ལས། ས་བཅུ་གཅིག་པ་ལ་ནི་ཉོན་མོངས་པ་དང་ཤེ…

བོས་རྙེད། །ཚུལ་འདིར་འབད་པ་ལས་བྱུང་ལེགས་བྱས་ཀྱི། །ཆ་ཤས་ཡོངས་སུ་གང་བའི་བསིལ་ཟེར་ཅན། །རང་བཞིན་དག་པའི་དབྱིངས་ཀྱི་མཁར་འཕགས་ཏེ། །དོན་གཉིས་ཀུན་དའི་དགའ་ཚལ་འབྱེད་གྱུར་ཅིག །ཅེས་ཡིད་དང་ཀུན་གཞིའི་དཀའ་གནད་རྣམ་པར་བཤད་པ་མཁས་པའི་འཇུག་ངོགས་ཞེས་བྱ་བ་འདི་ནི་ཆོས་གྲྭ་ཆེན་པོ་དཔལ་ལྡན་བཀྲ་ཤིས་འཁྱིལ་གྱི་གྲྭ་ཚང་ཐོས་བསམ་གླིང་…

དྲང་ངེས་རྣམ་འབྱེད་ཀྱི་དཀའ་འགྲེལ་རྩོམ་འཕྲོ་ལེགས་བཤད་སྙིང་པོའི་ཡང་སྙིང་ཞེས་བྱ་བ་བཞུགས་སོ། །

ན་མོ་གུ་རུ་མཉྫུ་གྷོ་ཥཱ་ཡ། ཚད་མའི་སྟོན་པ་ཟླ་བྲལ་ཤཱཀྱའི་ཏོག །ཟབ་རྒྱས་བསྟན་པའི་སྲོག་འཛིན་བྱམས་འཇམ་དབྱངས། །དེ་རྗེས་བསྟན་ལ་དྲང་ངེས་འབྱེད་པ་པོ། །ཤིང་རྟ་ཆེན་པོ་གཉིས་སོགས་གཙུག་ན་རྒྱལ། །རབ་འབྱམས་ཞིང་དུ་རྒྱལ་བསྟན་སྙིང་པོའི་དོན། །ཉི་ལྟར་གསལ་མཛད་འཇམ་དབྱངས་བླ་མ་དང། །དེ་ཉིད་དགྱེས་བཞད་འཇིགས་མེད་སྨྲ་བའི་དབང། །རྡོ་ར…

བློ་མིག་རབ་གསལ་ཞིང། །ཡང་དག་ལམ་བཟང་སྒྲུབ་པའི་མོས་བརྩོན་ཅན། །སྐལ་ལྡན་དེ་དག་དང་བས་འདིར་ཞུགས་ཤིག །དེའང་འཇམ་མགོན་རྒྱལ་བ་གཉིས་པའི་ཐུགས་ཀྱི་བཅུད། མདོ་དང་སྔགས་ཀྱི་གསུང་རབ་མཐའ་དག་གི་དེ་ཁོ་ན་ཉིད་གསལ་བར་བྱེད་པའི་བསྟན་བཅོས་ཆེན་པོ་ལེགས་པར་བཤད་པའི་སྙིང་པོའི་དོན་འགྲེལ་པ་ལ་གསུམ། བཤད་པ་ལ་འཇུག་པའི་ཡན་ལག །གཞུང་དངོས་ཀྱ…

ལ་བརྟེན་ནས་ལམ་བཟང་འདི་ཉིད་ཐུགས་སུ་ཆུད་པའི་ཡོངས་འཛིན་ཐུན་མོང་མ་ཡིན་པ་བླ་མ་ལྷག་པའི་ལྷ་ལ་བཀའ་དྲིན་དྲན་པས་མཆོད་པར་བརྗོད་པ་ཡིན་ཏེ། སྔགས་རིམ་ལས། དམར་སེར་སྐུ་ཡིས་ཡིད་འཕྲོག་གང་གི་གཙུག །མཐོན་མཐིང་རལ་བའི་ཟུར་ཕུད་ལྔས་མཛེས་པའི། །འཇམ་དབྱངས་དེ་ཡིས་ཚེ་རབས་ཀུན་ཏུ་བདག །དགྱེས་བཞིན་རྗེས་སུ་བཟུང་བའི་དྲིན་ལས་ནི། །ཞེས་དང…

བསྒྱུར་བ་ལྟར་བྱས་པ་ཡིན་ལ། དེའི་རྒྱུ་མཚན་ཚིག་གཏེར་འགྲེལ་པ་ལས། བྱིས་པའི་དུས་ན་ཐ་གུའི་སྐ་རགས་བཅིངས་པའོ། །ཞེས་གསུངས་ཀྱང། འདོད་འཇོ་འགྱུར་གསར་ལས། དཱ་མོ་ད་རཿསྟེ་མེ་ཏོག་ལྟོའོ། །ཞེས་དང། གྲགས་པ་དང། སྙིང་རྗེ་དང། རོལ་པ་དང། སེལ་བའི་དོན་གྱིས་མེ་ཏོག་གི་ཆུན་པོ་རྣམས་འདིའི་ལྟོ་བ་ལ་ལྡན་པའི་ཕྱིར། དེས་ཉེ་བར་མཚོན་པ། ཞེས་…

ཞེས་གཞན་གྱིས་མཐོང་ན་བདེ་དགེ་ཐམས་ཅད་འབྱུང་བའི་གཟུགས་དང་ལྡན་པར་གསུངས་པ་ལེགས་ཏེ། རབ་འབྱོར་ཟླ་བས། ཤཾ་ཞེས་པ་ནི་མི་ཟད་པ་དགེ་བའི་དོན་ཅན་ནོ། །ཞེས་པ་ནས། ཤམྦྷུཿསྟེ་བདེ་འབྱུང་ངམ་དགེ་འབྱུང་ངོ་། །ཞེས་གསུངས་ལ། དེ་ལས་ཐར་པ་སོགས་འཐོབ་པ་དགེ་འབྱུང་གི་དོན་དང། གནས་སྐབས་སུ་དགའ་བ་སྐྱེད་པ་བདེ་འབྱུང་གི་དོན་ཡིན་ཅིང། དེ་དབང་ཕ…

པདྨོའི་མངལ་ལས་སྐྱེས་ཤིང་པདྨ་ལ་གནས་པ་གདོང་བཞི་པ་ཞིག་བྱུང་སྟེ། དེས་འཇིག་རྟེན་རྣམས་སྤྲུལ་པའོ་ཞེས་ཟེར་བ་ཚངས་པས་འདོད་པ་སྟེ། ཞེས་མེ་དཀྱིལ་གྱི་དབུས་སུ་གསེར་གྱི་སྒོ་ང་སྨིན་པ་ལས་བྱུང་བར་བཤད། དྲན་པའི་གཞུང་ལས། གསེར་གྱི་མདོག་ཅན་རབ་མཛེས་པའི། །སྒོ་ང་ཆུ་ལས་རང་བྱུང་སྟེ། །དེ་ལས་རང་ཉིད་ཚངས་པ་སྐྱེས། །རང་བྱུང་ཞེས་སུ་རྣ…

བྱེད་དེ་བཞིན་བརྒྱལ་བར་བྱེད། །འཆི་བྱེད་རྣམས་ནི་འདོད་དབང་གི །མདའ་ལྔ་རྣམས་སུ་རབ་ཏུ་གྲགས། །ཞེས་གསུངས། རབ་འབྱོར་ཟླ་བས། མདའ་ལྔ་ནི་སྨྱོ་བྱེད་དང། སྲེད་བྱེད་དང། རྨོངས་བྱེད་དང། སྐེམ་བྱེད་དང། འཆི་བྱེད་ཅེས་བྱ་བ་རྣམས་སོ། །ཞེས་གསུངས་པ་རྣམས་མིང་འདོགས་མི་འདྲ་འང། སྒྲོན་གསལ་གྱི་མཆན་ལས། འདོད་ཆགས་རྒྱས་ཤིང་མྱོས་པར་བྱེད་…

ཁྱབ་སྟེ། གསེར་གྱི་ཁ་དོག་ཅན་གྱི་པདྨ་སྒོ་ངའི་དབྱིབས་ལྟ་བུ་ཞིག་ལས་སྐྱེས་པས་དེ་ལྟར་བཤད་ཀྱི། སྒོ་ང་མཚན་ཉིད་པ་ལས་སྐྱེས་པ་མ་ཡིན་པའི་ཕྱིར། འདོད་མི་ནུས་ཏེ། རྫུས་སྐྱེས་ཡིན་པའི་ཕྱིར། དེར་ཐལ། ལྷ་དང་དམྱལ་བ་བར་དོ་བ་གསུམ་གང་རུང་ལ་རྫུས་སྐྱེས་ཀྱིས་ཁྱབ་པའི་ཕྱིར། མཛོད་ལས། དམྱལ་བ་རྣམས་དང་ལྷ་རྣམས་དང། །སྲིད་པ་བར་མ་རྫུས་ཏ…

དང། ཡང་ཚངས་པ་རང་ཉིད་ཀྱིས་འཇིག་རྟེན་ཐམས་ཅད་བྱས་པར་བཤད་པ་དང། ཁྱབ་འཇུག་གི་སྒྲ་དོན་བརྟན་གཡོ་ཀུན་ལ་ཁྱབ་ཅིང་འཇུག་པ་བཅུས་དོན་བྱེད་པ་ལ་བཤད་ནས། ཡང་ཁྱབ་འཇུག་སྐྲག་སྟེ་གཞན་དུ་བྲོས་ཚུལ་བཤད་པ་དང། ཚངས་པ་སྒོང་སྐྱེས། ཁྱབ་འཇུག་མངལ་སྐྱེས། དབང་ཕྱུག་བདག་ལས་སྐྱེས་པར་བཤད་པ་སོགས་འགལ་འདུ་སྣ་ཚོགས་བཤད་པ་དངོས་གནས་སུ་ཁས་བླངས་མི…

ཅིག་ན་རེ། བསམ་གཏན་བཞི་པར་བྱུང་བ་ཡིན་ཏེ། འཇིག་པ་མེ་དང་ཆུ་དང་ནི། །རླུང་གིས་རྣམ་པ་གསུམ་དུ་འགྱུར། །ཞེས་བྱ་བའི་ཚུལ་གྱིས་གོ་རིམ་བཞིན་དུ་དང་པོ་ལ་སོགས་པ་བསམ་གཏན་གསུམ་ནི་འཇིག་པས་དེ་ཉིད་ནི་ཡུན་རིང་པོར་གནས་པའི་ཕྱིར་བདག་པོ་ཉིད་དུ་མངོན་པར་རློམ་པའི་ཕྱིར་རོ། །ཞེས་ཟེར་རོ། །གཞན་དག་ནི་གཞན་དུ་འཆད་དེ་འོད་གསལ་གྱི་ལྷའི་ར…

སྦྱར་བ་ཡིན་པས། སྒྲ་དེ་འདོད་ལྷ་ལ་སྦྱར་བའི་ཚེ་རྒྱུ་མཚན་སྔར་བཤད་པ་ལྟར་ཡིན་ལ། འདོད་པའམ་འདོད་ཆགས་ལ་སྦྱར་བའི་ཚེ་དེ་ལ་ལུས་མེད་ཀྱང་སེམས་ཅན་རྣམས་ཀྱི་སྙིང་ལ་གནས་ཏེ་སྲིད་པའི་ཀུན་སྦྱོར་སྣ་ཚོགས་རྩོམ་པས། ཡིད་ལ་ཉལ་དང་ལུས་མེད་དུ་བཤད་པའི་ཕྱིར། དཔེར་ན་སྤྱོད་འཇུག་ལས། གནོད་པའི་ཚོགས་རབ་འཕེལ་བའི་རྒྱུ་གཅིག་པུ། །བདག་གི་སྙི…

པའི་སྐྱབས་སུ་གྱུར་ཚུལ་གྱི་སྒོ་ནས་བསྟན་པ་ཡིན་ལ། འདིར་ལྷ་ཆེན་པོ་དེ་དག་གིས་ལམ་ལྟར་སྣང་བསྟན་པ་རྣམས་བཅོམ་ལྡན་འདས་ཀྱིས་གསུང་གི་འོད་ཟེར་གྱིས་རྨེག་མེད་དུ་བཅོམ་སྟེ་སྨྲ་བ་ཟླ་མེད་པར་གྱུར་པ་དེའི་སྒོ་ནས་བསྟོད་པ་ཡིན་པའི་ཕྱིར། དེར་ཐལ། སྔ་མ་ནི། འདྲེན་པ་མཉམ་མེད་སྟོན་པ་བཅོམ་ལྡན་འདས། །ཞེས་པ་ལྟར་བརྩེ་བ་ཆེན་པོ་སོགས་རྒྱ་…

ཡིད་བསྒྱུར་ཏེ་སྟོན་པའི་བསྟན་པ་ལས་རྒྱབ་ཀྱིས་ཕྱོགས་པར་བྱེད་པའི་འགལ་ཟླ་ཡིན་པས་འདིར་དངོས་སུ་སྨོས་པ་ཡིན་པའི་ཕྱིར། གོང་གི་རྟགས་གྲུབ་སྟེ། བདག་ཅག་གི་སྟོན་པས་གཞན་སྡེའི་སྟོན་པ་སོགས་སྨྲ་བ་ངན་པ་ཐམས་ཅད་ཟིལ་གྱིས་མནན་ནས་སྨྲ་བ་ཟླ་མེད་པར་གྱུར་པ་དང། རང་ཉིད་ཀྱི་བསྟན་པ་ལ་གཞན་གྱིས་ཀླན་ཀའི་སྐབས་མེད་པས་སྨྲ་བ་བླ་ན་མེད་པར་འ…

འཇུག་རྣམས་ཀྱི་ཉམས་ལེན་དུའང་གོ་དགོས་ཏེ། རང་གི་སྟོན་པ་ཚད་མའི་སྐྱེས་བུར་མཐོང་ན་དེའི་བསྟན་པ་ཁོ་ནར་འཇུག་པ་ལས། གཞན་འཇིག་རྟེན་པའི་ལྷ་ཆེན་པོ་དག་གི་རྗེས་སུའང་འབྲང་མི་རིགས་ན། ར་རྫི་སྐར་རྒྱལ་གྱི་ཆོས་ལུགས་ལྟ་བུ་མི་མ་ཡིན་ཕྲ་མོ་རེས་བསྟན་པ་དང། ཉམས་མྱོང་བན་བུན་གྱི་སྣང་བ་ལ་བརྟེན་པའི་མན་ངག་ཟབ་མོར་གྲགས་པ་རྣམས་ལ་འཇུག་མ…