དེ་ལྟར་སྟོང་ཉིད་རྟོགས་པ་གོང་ནས་གོང་དུ་ཁྱད་ཞུགས་པ་ཙམ་གྱིས་བདག་འཛིན་མགོ་གནོན་པའི་ནུས་པ་ཕུལ་དུ་བྱུང་བར་འགྱུར་བས་འཁོར་བའི་རྩ་བ་ལ་གནོད་བྱེད་སྟོབས་ལྡན་དུ་འགྱུར་བ་ཡིན་ཏེ། དེའི་ཕྱིར་བསྐྱེད་རིམ་འཁོར་བའི་རྩ་བ་ལ་གནོད་བྱེད་དུ་འགྱུར་བའི་གཙོ་བོའང་སྒོ་འདི་ནས་ཡིན་ནོ། །ཞེས་གསུངས་པའི་ཕྱིར། རྗེ་རྒྱལ་བ་གཉིས་པའི་ལེགས་བཤ…

དེ་ལྟར་མ་རྒྱུད་ཀུན་གྱི་གཙོ་བོར་གྱུར་པ་འཁོར་ལོ་བདེ་མཆོག་ཡིན་པར་གཟིགས་ཏེ། ཁྱུང་ལྷས་པ་དང་། བླ་མ་དམ་པ་བསོད་ནམས་རྒྱལ་མཚན་སོགས་ལས་ལཱུ་ནག་དྲིལ་གསུམ་གྱི་དབང་དང་། གོང་གསུམ་སྡེ་ཆེན་པ་ལས་ཇོ་ལུགས། ས་ལུགས་མར་དོ་ལུགས་ཀྱི་འཁོར་ལོ་སྡོམ་པའི་བཤད་དཀའ་ཡོངས་སུ་རྫོགས་པའི་རྒྱུན་བུ་སྟོན་ཐམས་ཅད་མཁྱེན་པ་ནས་ཉེ་བར་བརྒྱུད་པའི་མ…

གསུམ་པ་དེ་གཉིས་ངོ་བོ་གཅིག་ཏུ་སྦྱོར་བ་ཟུང་འཇུག་གི་རྣམ་གཞག་གསལ་བར་མཛད་ཚུལ་ནི། བདེ་སྟོང་དབྱེར་མེད་སྨྲ་བ་ན། །དེ་ཉིད་ཡ་གྱལ་གཅིག་གྱུར་པའི། །བདེན་གཉིས་དབྱེར་མེད་གཏམ་འདི་ཡང་། །ཁྱོད་ཀྱིས་འཇིག་རྟེན་གསུམ་དུ་བསྒྲགས། །ཞེས་བྱུང་། དེའང་སྔ་རབས་པ་ཕལ་མོ་ཆེ་རིམ་པ་ལྔ་པའི་ཟུང་འཇུག་གི་དོན་འཆད་པ་ན། བདེ་བ་ཆེན་པོ་དང་སྟོང་པ་…

གསུམ་པ་བསྟོད་པའི་དོན་བསྡུ་བ་ལ། གསང་སྔགས་འཇིག་རྟེན་སྤྱོད་པ་དང་། །ཞེས་པ་ནས། རྫོགས་པའི་སྲོལ་འདི་ཁྱོད་ཀྱིས་ཕྱེས། །ཞེས་པའི་བར་བྱུང་། དེའང་ཤོ་ལོ་ཀ་དང་པོ། གསང་སྔགས་འཇིག་རྟེན་སྤྱོད་པ་དང་། །ལྟ་བ་ཡིད་བྱེད་བཀག་ཙམ་དུ། །གྱུར་ཚེ་དབང་པོའི་ཏོག་གི་དྲུང་། །དམ་བཅས་བཞིན་དུ་ཁྱོད་ཀྱིས་གསོས། །ཞེས་བསྟན་པའི་སྙིང་པོ་ལོག་རྟོག…

འོ་ན་གསང་སྔགས་ལ་ཞུགས་ཀྱང་འདོད་ཡོན་ལ་ཅི་དགར་སྤྱད་མི་ཆོག་ན་ཐེག་པ་ཆེ་ཆུང་གི་གནང་བཀག་མི་འདྲ་བའི་ཁྱད་མེད་པར་འགྱུར་རོ་སྙམ་ན། གནང་བཀག་མི་འདྲ་བ་བདེན་མོད་ཀྱང་། ཐེག་དམན་སོགས་ལས་བཀག་པ་གནང་བའི་ཡུལ་ནི་དེ་དག་ལས་རྟོགས་པ་གོང་མར་གྱུར་པའི་སྔགས་པ་ལ་ཡིན་གྱི། ལམ་ཉམས་ལེན་སྐབས་དེ་དག་ལའང་མི་སླེབ་ཅིང་། ཚ་གྲང་བཀྲེས་སྐོམ་སོགས…

ལེའུ་སོ་བཞི་པ་དང་སོ་ལྔ་པར་བསྟན་པ་སྲུང་བའི་དོན་དུ་ཡི་དམ་གཤིན་རྗེའི་གཤེད་ལ་བྱེད་ཅིང་། དེ་ལ་བརྟེན་ཏེ་སྙིང་རྗེའི་སྒོ་ནས་དྲག་ལས་བྱེད་ཚུལ་དང་། སུམ་ཅུ་པར་ལྕགས་མཁར་སྐབས་ཀྱི་ཕྱག་རྒྱའི་གནད་འགའ་ཞིག་ཀྱང་གསུངས་པ་དང་། གོང་དུ་ཆོས་རྒྱལ་གྱི་སྔགས་སོགས་ཀྱང་གསུངས་པ་ཐམས་ཅད་རི་བོ་དགེ་ལྡན་པའི་བཀའ་སྲོལ་འདིའི་ཡི་དམ་ཆོས་སྲུང…

དེས་ན་རྗེ་བླ་མའི་ཡོན་ཏན་རྗེས་སུ་དྲན་པ་རྣམས་ཀྱིས་ཀྱང་རྣམ་ཐར་གྱི་སྙིང་པོ་ངོས་ཟིན་པར་བྱས་ཏེ། ཐུབ་བསྟན་ཡང་སྙིང་གསལ་བར་མཛད་པའི་ཚུལ་འདིའི་སྒོ་ནས་རྗེ་བླ་མ་རྗེས་སུ་དྲན་པར་བྱའོ། །བསྟན་པ་གསོ་ཚུལ་ཡང་སྔོན་གྱི་དུས་བཟང་པོའི་སྐབས་ཆ་ཤས་རེ་ཙམ་ཉམས་ནའང་མཁས་གྲུབ་ཀྱི་སྐྱེས་བུ་སྐར་ཚོགས་བཞིན་དུ་བཀྲ་བས། ཕྱོགས་མཐའ་དག་ནས་ཕྱི…

གཉིས་པ་དེའི་རྗེས་སུ་སློབ་པའི་ཕྱིར་སྨོན་པས་མཚམས་སྦྱོར་བ་མཇུག་གི་དོན་དང་བཅས་པ་ནི། དེང་དུས་ཡབ་རྗེའི་ཞེས་པ་མན་ཆད་དེ། དེའང་། དེང་དུས་ཡབ་རྗེའི་སྲོལ་བཟང་ཡང་། །སྙིགས་མ་མུན་པའི་རྡུལ་གྱིས་ཁེབས། །ལྟར་སྣང་བཤེས་གཉེན་དུ་མ་ཡིས། །སྐྱེ་བོ་ཉམ་ངའི་གཡང་དུ་འཁྲིད། །ཀྱེ་ཧུད་དགེ་ལྡན་བསྟན་པ་འདི། །དཔལ་དང་འབྱོར་པས་རབ་རྒྱས་ཀྱང…

དེ་ལྟར་ན་བསྟན་པའི་འཕེལ་འགྲིབ་ནི་སྟོབས་འབྱོར་ཆེ་ཆུང་གིས་མི་འཇོག་ལ། དེར་མ་ཟད་ཕྱིའི་ཆ་ལུགས་ཙམ་དང་། ཕྱག་སྐོར་བ། གར་ཐིག །འབྲི་མཆོད་སོགས་ལུས་ཀྱི་དགེ་སྦྱོར་ཁོ་ནས་ཀྱང་བསྟན་པ་བཟུང་བར་མི་འགྱུར། ངག་གི་བཟླས་བརྗོད་ཀློག་འདོན་རྟ་དབྱངས་སོགས་ཁོ་ནས་ཀྱང་བསྟན་པ་འཛིན་མི་ནུས་པར། སངས་རྒྱས་ཀྱི་བསྟན་པ་ནི་གཙོ་བོར་སེམས་ཀྱི་སྟ…

ཁྱད་པར་ཡབ་རྗེ་རྒྱལ་བ་གཉིས་པའི་ལུགས་བཟང་འདི་ལ་སློབ་པའི་ཕྱིར་བྱེ་བྲག་ཏུ་སྨོན་པས་མཚམས་སྦྱོར་བ་ནི། སྤྱིར་སངས་རྒྱས་ཐམས་ཅད་མཉམ་ཉིད་གསུམ་གྱི་སྒོ་ནས་དབྱེར་མ་མཆིས་ཀྱང་། སྡོམ་འབྱུང་དང་རིམ་ལྔར། འདི་ནི་རང་བྱུང་བཅོམ་ལྡན་འདས། །ལྷག་པའི་ལྷ་ནི་གཅིག་པུ་ཉིད། །ཅེས་པ་ལྟར། རང་ཅག་རྣམས་གང་ལ་ལས་འབྲེལ་ལྷག་པར་ཆེ་བའི་ལྷ་སྐལ་ནི…

མཇུག་གི་དོན་སྦྱར་བྱང་ནི། ཞེས་འཇམ་མགོན་རྒྱལ་བ་གཉིས་པ་ལ་བསྟན་པའི་སྙིང་པོ་གསལ་བར་མཛད་པའི་ཚུལ་ལས་བརྩམས་ཏེ་བསྟོད་པ་དོན་དང་ལྡན་པ་ཞེས་བྱ་བ་འདི་ནི་གཞུང་བརྒྱ་སྨྲ་བའི་དབང་ཕྱུག་ཨིལ་གོག་སན་ཨེར་ཏི་ནི་ཤེ་རེ་གེ་ཐུ་རྡོ་རམས་པ་ངག་དབང་ཡོན་ཏན་གྱིས་བསྐུལ་བའི་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བཤད་སྒྲུབ་བསྟན་པའི་འ…

སྨྲས་པ། གང་ཡང་ས་གསུམ་ཉིན་མོར་བྱེད་ལ་སྣང་བའི་གཏེར་དེ་ཀུན་ལས་རྒྱལ། །གཅན་གཟན་རི་དྭགས་ཕྲ་མོའི་སྡེར་བཅས་གདོང་ལྔ་འབར་བའི་ཟིལ་གྱིས་གནོན། །འདི་ན་རྒྱལ་བའི་དགོངས་པ་གསལ་བྱེད་ཕ་རོལ་རྒོལ་བའི་སྙེམས་ཕྲོགས་པ། །མཚུངས་མེད་རྒྱལ་བ་གཉིས་པར་ངེས་རྙེད་ཚད་མས་དྲངས་པའི་ཕྱག་བགྱིད་དོ། །དེ་སྲས་སློབ་མར་བཅས་པ་ཐམས་ཅད་དང་། །ཀུན་གཟིག…

ཅེས་འཇམ་མགོན་བླ་མ་ཙོང་ཁ་པ་ཆེན་པོ་ལ་བསྟན་པའི་སྙིང་པོ་གསལ་བར་མཛད་པའི་ཚུལ་ལས་བརྩམས་ཏེ་བསྟོད་པ་དོན་དང་ལྡན་པའི་རྒྱ་ཆེར་འགྲེལ་པ་བསྟན་པའི་དེ་ཉིད་སྣང་བ་ཞེས་བྱ་བ་འདི་ནི་འཇམ་མགོན་བླ་མའི་ལུགས་བཟང་ཤར་ཕྱོགས་རྒྱ་མཚོའི་མཐའི་བར་དུ་སྤེལ་བ་ལ་རླབས་པོ་ཆེའི་ཐུགས་བསྐྱེད་ཀྱི་མཐུ་གྲུབ་པ་ཁྲི་ཆེན་ནམ་མཁའ་བཟང་པོ་མཆོག་གི་སྤྲུལ་…

༄༅། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་མཆན་དང་བཅས་པ་བཞུགས་སོ། །

རྒྱ་གར་སྐད་དུ། ཨཱརྻ་པྲཛྙཱ་པཱ་ར་མི་ཏཱ་སཉྩ་ཡ་གཱ་ཐཱ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ཚིགས་སུ་བཅད་པ། འཕགས་པ་འཇམ་དཔལ་ལ་ཕྱག་འཚལ་ལོ། །དེ་ནས་ཡང་བཅོམ་ལྡན་འདས་ཀྱིས་འཁོར་བཞི་པོ་དེ་དག་ཡང་དག་པར་རབ་ཏུ་དགའ་བར་མཛད་པའི་ཕྱིར། ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་ཅིང། དེའི་ཚེ་ཚིགས་སུ་བཅད་པ་འདི་ད…

༈ རྣམ་མཁྱེན་ཐོབ་བྱེད་ཀྱི་ཐབས་ལམ་ཤེས་བཤད་པ་ལ། ལམ་ཤེས་མཚོན་བྱེད་ཀྱི་ཆོས་བཅུ་གཅིག་ལས། དང་པོ་ལམ་ཤེས་ཀྱི་རྟེན་གེགས་ང་རྒྱལ་མངོན་གྱུར་པ་དང་བྲལ་བ་སོགས་ལམ་ཤེས་ཀྱི་ཡན་ལག་སྟོན་པར། གང་ཞིག་གཟུགས་ལ་མི་གནས་ཚོར་ལ་མི་གནས་ཤིང། །གང་ཞིག་འདུ་ཤེས་མི་གནས་སེམས་པར་མི་གནས་ལ། །རྣམ་ཤེས་གང་མི་གནས་པ་ཆོས་ཉིད་གནས་པ་སྟེ། །འདི་ནི་ཤེ…

ལྔ་པ་སྒོམ་ལམ་གྱི་བྱེད་པ་ནི། ཤེས་རབ་ཕ་རོལ་ཕྱིན་པ་གང་ལ་མགོན་སྤྱོད་པ། །འདི་ནི་གང་ཞིག་གུས་བྱས་འཛིན་དང་ཆུབ་བྱེད་པ། །དེ་ལ་དུག་དང་མཚོན་དང་མེ་དང་ཆུས་མི་ཚུགས། །བདུད་དང་བདུད་ཀྱི་ཕྱོགས་ཀྱིས་གླགས་ཀྱང་རྙེད་མི་འགྱུར། །དྲུག་པ་མོས་པ་སྒོམ་ལམ་ལ་གསུམ་ལས་དང་པོ་རང་དོན་མོས་པ་སྒོམ་ལམ་སྟོན་པར། ལ་ལས་བདེ་གཤེགས་ཡོངས་སུ་མྱ་ངན་…

གཞན་དོན་མོས་པ་སྒོམ་ལམ་སྟོན་པར། རྒྱལ་བས་བརྒྱ་བྱིན་དྲི་བ་ཡོངས་དྲིས་ལན་གསོལ་བ། །གལ་ཏེ་གང་གཱའི་བྱེ་སྙེད་སངས་རྒྱས་ཞིང་གྱུར་ལ། །དེ་ཀུན་རྒྱལ་བའི་རིང་བསྲེལ་བྱུར་བུར་གཏམས་གྱུར་ཀྱང། །བདག་ནི་ཤེས་རབ་ཕ་རོལ་ཕྱིན་པ་འདི་ཉིད་ཡིན། །ཅི་སླད་ཅེ་ན་སྐུ་གདུང་མི་གུས་བདག་མ་ལགས། །འོན་ཀྱང་ཤེས་རབ་ཡོངས་སུ་བསྒོས་པས་མཆོད་པར་བགྱིད།…

མོས་པ་འདི་གསུམ་གྱི་བཅོས་མའི་ཉེས་པ་སྤང་བ་ནི་གོམས་པ་ཡིན་པར་ཤེས་ནས་ཤེར་ཕྱིན་བཅོས་མ་སྤང་བའི་ཕྱིར་རྗེས་འགྲོའི་སྒོ་ནས་ཤེར་ཕྱིན་བཅོས་མའི་མཚན་ཉིད་སྟོན་པར། བྱང་ཆུབ་སེམས་དཔའ་གལ་ཏེ་རབ་ཏུ་མི་ཤེས་བཞིན། །གཟུགས་དང་འདུ་ཤེས་ཚོར་དང་སེམས་པ་རྣམ་པར་ཤེས། །མི་རྟག་ཡོངས་སུ་སྟོན་པ་བཅོས་ལ་སྤྱོད་པ་སྟེ། །མཁས་པ་ནམ་ཡང་ཆོས་རྣམས་འཇ…

སྟོང་ཕྲག་བརྒྱ་པ་ལ་སོགས་པ་ལྟར། རྒྱུན་དུའང་བསྔོ་བ་བརྒྱད་པར་གསུངས་ཀྱང་དོན་ལ་འགལ་བ་མེད་པས། འདིར་དེ་ལས་གོ་རིམ་བཟློག་སྟེ་བརྒྱད་པ་རྗེས་སུ་ཡི་རང་སྒོམ་ལམ་སྟོན་པར། ཉན་ཐོས་ཚོགས་རྣམས་ཇི་སྙེད་སྦྱིན་དང་ཚུལ་ཁྲིམས་དང་། །སྒོམ་དང་རབ་ཏུ་ལྡན་པའི་བསོད་ནམས་ཚོགས་བསྐྱེད་པའང། །བྱང་ཆུབ་སེམས་དཔའ་རྗེས་སུ་ཡི་རང་སེམས་གཅིག་ལ། །ཉན…