བཅུ་པ་སྒྲུབ་པ་སྒོམ་ལམ་སྟོན་པར། དམུས་ལོང་དམིགས་བུ་མེད་པ་བྱེ་བ་ཁྲག་ཁྲིག་རྣམས། །ལམ་ཡང་མི་ཤེས་གྲོང་ཁྱེར་འཇུག་པར་ག་ལ་འགྱུར། །ཤེས་རབ་མེད་ན་མིག་མེད་ཕ་རོལ་ཕྱིན་ལྔ་འདི། །དམིགས་བུ་མེད་པས་བྱང་ཆུབ་རེག་པར་ནུས་མ་ཡིན། །གང་ཚེ་ཤེས་རབ་ཀྱིས་ནི་རབ་ཏུ་ཟིན་གྱུར་པ། །དེ་ཚེ་མིག་རྙེད་གྱུར་ཅིང་འདི་ཡི་མིང་ཐོབ་བོ། །དཔེར་ན་རི་མོ…

བཅུ་གཅིག་པ་རྣམ་དག་སྒོམ་ལམ་ལ་གཉིས་ལས། དང་པོ་སྤྱིར་བསྟན་པ་ནི། གཟུགས་ཀྱི་དག་པ་འབྲས་བུ་དག་པར་རིག་པར་བྱ། །གཉིས་པ་ཁྱད་པར་དུ་བརྟན་པ་ནི། འབྲས་བུ་གཟུགས་དག་ཐམས་ཅད་མཁྱེན་ཉིད་དག་པར་འགྱུར། །ཐམས་ཅད་མཁྱེན་ཉིད་འབྲས་བུ་དག་དང་གཟུགས་དག་པ། །ནམ་མཁའི་ཁམས་དང་མཚུངས་ཏེ་དབྱེར་མེད་བཅད་དུ་མེད། །སྐབས་གཉིས་པའོ།། །།

དེ་ལྟར་རྒྱུ་ལམ་ཤེས་བཤད་ཟིན་ནས་ལམ་གྱི་གོལ་ས་ཤེས་པའི་ཕྱིར་དུ་ལམ་ཤེས་རྣམ་པར་དག་བྱེད་ཀྱི་གཞི་ཤེས་སྟོན་པ་ལ་དེ་མཚོན་བྱེད་ཀྱི་ཆོས་དགུ་ལས་དང་པོ་ཤེས་པས་སྲིད་ལ་མི་གནས་པའི་གཞི་ཤེས་དང། གཉིས་པ་སྙིང་རྗེས་ཞི་ལ་མི་གནས་པའི་གཞི་ཤེས་གཉིས་སྟོན་པར། དཔའ་བོ་གར་སྤྱོད་ཤེས་རབ་ཕ་རོལ་ཕྱིན་པ་ཡིས། །ཁམས་གསུམ་ཡང་དག་འདས་ལ་རྣམ་པར་གྲ…

དགུ་པ་མཐོང་ལམ་སྟོན་པར། དེ་ལྟར་སྤྱོད་པའི་བྱང་ཆུབ་སེམས་དཔའ་མཁས་གསལ་བ། །ཆགས་པ་བཅད་ནས་གྲོལ་ལ་ཆགས་པ་མེད་པར་འགྲོ། །ཉི་མ་སྒྲ་གཅན་གཟའ་བྲལ་ལྷང་ངེར་འདུག་པ་དང། །མེ་བཏང་རྩྭ་དང་ཤིང་དང་ནགས་ཚལ་སྲེག་པ་བཞིན། །སྐབས་གསུམ་པའོ།། །།

༈ དེ་ལྟར་ཤེས་བྱ་མཁྱེན་གསུམ་གྱི་རྣམ་གཞག་བཤད་ཟིན་ནས། ཉམས་ལེན་སྦྱོར་བཞིའི་རྣམ་གཞག་བཤད་པ་ལ་བཞི་ལས། དང་པོ་དབང་དུ་བྱེད་པའི་རྒྱུ་རྣམ་རྫོགས་སྦྱོར་བ་མཚོན་བྱེད་ཀྱི་ཆོས་བཅུ་གཅིག་གི་དང་པོ་བསྒོམ་བྱ་རྣམ་པའི་རང་བཞིན་གཏན་ལ་འབེབས་པ་ལ། ཆོས་རྣམས་ཐམས་ཅད་རང་བཞིན་དག་ཅིང་ཡོངས་དག་པར། །བྱང་ཆུབ་སེམས་དཔའ་ཤེས་རབ་ཕ་རོལ་ཕྱིན་ལྟ་…

ཞེས་བྱུང། འདི་སྐབས་གསུམ་པའི་མཇུག་ཏུ་མཐོང་ལམ་ལ་སྦྱར་བ་ནི་སློབ་དཔོན་སེང་བཟང་གི་སྡུད་འགྲེལ་དང་མི་མཐུན་པས་དོར་བར་བྱའོ། །བུདྷ་ཤྲཱིའི་སྡུད་འགྲེལ་དང་མཐུན་ཡང་ཁས་བླངས་མི་རུང་སྟེ། རྣམ་རྫོགས་སྦྱོར་བ་མཚོན་བྱེད་ཀྱི་ཆོས་གཅིག་མ་ཚང་བའི་ཕྱིར། དེ་ཉིད་ཀྱི་སྡུད་འགྲེལ་དུ། རྟེན་དང་བཅས་པའི་སྦྱོར་བ་དང། །ཡོན་ཏན་སྐྱོན་ནི་མཚན…

བཞི་པ་སྦྱོར་བའི་སྐྱོན་བཤད་པ་ལ་བསལ་བྱའི་སྐྱོན་དང། སེལ་བྱེད་ཀྱི་གཉེན་པོ་གཉིས། དང་པོ་ལ་དྲིས་ལན་གཉིས་ལས་དྲི་བ་ནི། སྨྲ་བའི་ཟླ་བ་སངས་རྒྱས་ལ་ནི་རབ་འབྱོར་ཞུས། །ཡོན་ཏན་དགའ་བ་རྣམས་ཀྱི་བར་དུ་གཅོད་གང་ལགས། ། ལན་ནི། སྟོན་པས་བཀའ་སྩལ་བར་དུ་གཅོད་པར་འགྱུར་མང་སྟེ། །དེ་ལས་རེ་ཞིག་ཅུང་ཟད་ཙམ་ཞིག་ཡོངས་སུ་བརྗོད། ། དེ་ཡང་སྦྱ…

ཅིའི་ཕྱིར་སངས་རྒྱས་ཐམས་ཅད་ཀྱིས་དེ་ལ་དགོངས་པར་མཛད་ཅེ་ན། དེ་ཉིད་དཔེས་བསྒྲུབ་པ་ནི། མ་ཞིག་ན་བར་གྱུར་ལ་བུ་ནི་མང་ཡོད་པ། །དེ་ཀུན་ཡིད་མི་བདེ་ཞིང་དེ་ལ་རིམ་གྲོ་བྱེད། །དེ་བཞིན་ཕྱོགས་བཅུའི་འཇིག་རྟེན་ཁམས་ཀྱི་སངས་རྒྱས་ཀྱང་། །ཡུམ་གྱུར་ཤེས་རབ་དམ་པ་འདི་ལ་དགོངས་པ་མཛད། ། ལྔ་པ་སྦྱོར་བའི་མཚན་ཉིད་བཤད་པ་ལ་ཤེས་མཚན་ཞེ་དྲུག …

དེའི་འོག་ཏུ་ཁྱད་མཚན་སྟོན་པར། མཐོང་བ་དཔེ་གཞན་གྱིས་ནི་བསྙད་པར་ནུས་མ་ཡིན། །གང་གིས་དེ་ལྟར་མཐོང་བ་དེ་ཡིས་ཆོས་ཀུན་མཐོང། །རྒྱལ་པོ་བཏང་སྙོམས་འདུག་ཅིང་བློན་པོ་ཀུན་བྱེད་ལྟར། །སངས་རྒྱས་མཛད་དང་ཉན་ཐོས་ཆོས་རྣམས་ཇི་སྙེད་པ། །དེ་དག་ཐམས་ཅད་ཤེས་རབ་ཕ་རོལ་ཕྱིན་པ་བྱེད། །རྒྱལ་པོ་གྲོང་དུ་མི་འགྲོ་ཡུལ་འཁོར་མི་འགྲོ་བར། །རང་གི…

གང་ལ་བདེ་གཤེགས་བྱང་ཆུབ་སེམས་དཔའ་དད་བརྟན་ཡོད། །ཤེས་རབ་ཕ་རོལ་ཕྱིན་པ་མཆོག་ལ་བསམ་སྦྱོར་བ། །ཉན་ཐོས་རང་རྒྱལ་ས་གཉིས་ཤིན་ཏུ་འདས་བྱས་ནས། །ཟིལ་གྱིས་མི་ནོན་རྒྱལ་བའི་བྱང་ཆུབ་མྱུར་དུ་འཐོབ། །དཔེར་ན་རྒྱ་མཚོར་འཇུག་པའི་གྲུ་ནི་ཆག་གྱུར་ལ། །མི་གང་རོ་འམ་རྩྭ་འམ་ཤིང་ནི་མི་འཛིན་པ། །ཆུ་དབུས་འཇིག་པར་འགྱུར་ཏེ་ངོགས་སུ་ཕྱིན་མི་…

བྱང་ཆུབ་སེམས་དཔའ་དང་པོའི་ལས་ཀྱི་སར་གནས་གང། །ལྷག་པའི་བསམ་པས་སངས་རྒྱས་བྱང་ཆུབ་མཆོག་ཞུགས་པ། །སློབ་མ་བཟང་པོ་བླ་མ་གུས་ལྡན་དེ་དག་གིས། །བླ་མ་མཁས་པ་རྣམས་ལ་རྟག་ཏུ་བརྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང། །དེ་དག་ཤེས་རབ་ཕ་རོལ་ཕྱིན་པ་རྗེས་སུ་སྟོན། །སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡ…

ནམ་མཁའི་ཁམས་ནི་ཤར་གྱི་ཕྱོགས་དང་ལྷོ་ཕྱོགས་དང། །དེ་བཞིན་ནུབ་ཀྱི་ཕྱོགས་དང་བྱང་ཕྱོགས་ཕ་མཐའ་ཡས། །སྟེང་དང་འོག་དང་ཕྱོགས་བཅུ་ཇི་སྙེད་རྣམས་ནའང་ཡོད། །ཐ་དད་གྱུར་པ་མེད་ཅིང་བྱེ་བྲག་གྱུར་པ་མེད། །འདས་པའི་དེ་བཞིན་ཉིད་གང་མ་བྱོན་དེ་བཞིན་ཉིད། །ད་ལྟར་དེ་བཞིན་ཉིད་གང་དགྲ་བཅོམ་དེ་བཞིན་ཉིད། །ཆོས་ཀུན་དེ་བཞིན་ཉིད་གང་རྒྱལ་བའི…

ཕྱིར་མི་ལྡོག་པ་སྤྱིའི་མཚན་ཉིད་ཞུ་བ་ནི། འཇིག་རྟེན་མགོན་ལ་གནས་བརྟན་རབ་འབྱོར་ཡོངས་ཞུས་པ། །ཡོན་ཏན་རྒྱ་མཚོ་ཉོན་མོངས་མ་མཆིས་རྟགས་བསྟན་གསོལ། །མཐུ་ཆེ་བ་དག་ཇི་ལྟར་སླར་ལྡོག་མི་འགྱུར་བ། །དེ་ལྟར་ཡོན་ཏན་ཕྱོགས་ཙམ་རྒྱལ་བས་ལུང་བསྟན་གསོལ། ། སྦྱོར་ལམ་གྱི་ཕྱིར་མི་ལྡོག་གི་མཚན་ཉིད་སྟོན་པར། ཐ་དད་འདུ་ཤེས་བྲལ་ཞིང་རིགས་པ་ལྡ…

དེའི་འོག་ཏུ་སྒོམ་ལམ་གྱི་ཕྱིར་མི་ལྡོག་པའི་མཚན་ཉིད་སྟོན་དགོས་ཀྱང། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེ་བའི་ཕྱིར་སྒོམ་པའི་ལམ་གྱི་ཟབ་པའི་ཁྱད་པར། སྒོམ་པའི་ལམ་ནི་ཟབ་པ་སྟེ་ཞེས་སོགས་དང་མཐུན་པར་འདིར་ཡང། གཟུགས་དང་ཚོར་དང་འདུ་ཤེས་སེམས་པ་རྣམ་ཤེས་རྣམས། །ཟབ་སྟེ་རང་བཞིན་མཚན་མ་མེད་ཅིང་རབ་ཞི་བ། །དཔེར་ན་མདའ་ཡིས་…

ཁོ་ན་རེ། ཀུན་རྫོབ་ཏུ་ཡང་རྟོགས་པ་གོང་དུ་འཕེལ་བའི་བྱང་ཆུབ་པ་མི་རིགས་ཏེ། སྔ་ཕྱིར་བྱུང་བའི་སེམས་ཅན་རེ་རེས་ཀྱང་ནུས་པ་མེད་པའི་ཕྱིར་མིན་ལ། སེམས་ཅན་རྣམས་ནི་རྣམ་པར་ཤེས་པའི་རྒྱུན་རེ་རེ་བ་ཞེས་གསུངས་པའི་ཕྱིར་ཅིག་ཅར་འབྱུང་བས་མང་པོས་ཀྱང་མིན་ཞིང། སྔ་ཕྱིར་འབྱུང་བ་མང་པོས་ཀྱང་མིན་ཏེ་དེ་དག་ནང་ཕན་ཚུན་འབྲེལ་བ་མེད་པའི་ཕྱ…

ཐབས་མཁས་སྦྱོར་བ་བཤད་པ་ལ་མཁས་བྱའི་ཡུལ་ནི། བྱང་ཆུབ་སེམས་དཔའ་རྒྱལ་བའི་ཤེས་རབ་སྤྱོད་བྱེད་ལ། །ཕུང་པོ་འདི་དག་གདོད་ནས་སྟོང་ཞིང་སྐྱེ་མེད་ཤེས། །མཉམ་པར་མ་བཞག་སེམས་ཅན་ཁམས་ལ་སྙིང་རྗེ་འཇུག །བར་སྐབས་དེར་ཡང་སངས་རྒྱས་ཆོས་ལས་ཡོངས་མི་ཉམས། ། ཐབས་མཁས་དངོས་ལ་བཅུ་ཡོད་པས། བར་ཆད་ཀྱི་ཆོས་ལས་འདས་པའི་ཐབས་མཁས་སྦྱོར་བ་ནི། དཔེར་…

དབང་དུ་བྱ་བའི་འབྲས་བུ་རྩེ་སྦྱོར་མཚོན་བྱེད་ཀྱི་ཆོས་བརྒྱད་ལས། དང་པོ་རྨི་ལམ་ན་ཡང་འཁོར་བ་ལ་ཡིད་འབྱུང་ཞིང་ཆོས་རྣམས་རྨི་ལམ་ལྟ་བུར་ལྟ་བ་དང་བདེན་ཚིག་གིས་འགྲོ་བའི་ཉེར་འཚེ་ཞི་བ་སོགས་རྟགས་བཅུ་གཉིས་ཀྱིས་མཚོན་པའི་དྲོད་རྩེ་སྦྱོར་སྟོན་པར། དགྲ་བཅོམ་ས་དང་རྐྱེན་གྱི་སངས་རྒྱས་ཡེ་ཤེས་དང། །ཁམས་གསུམ་དག་ན་རྨི་ལམ་ན་ཡང་མི་འད…

ལུང་བསྟན་ཐོབ་པར་རློམ་ན་བདུད་ལས་འཇུག་ཚུལ་ནི། ཅི་སྟེ་དེ་ནི་བདེན་པའི་བྱིན་རླབས་སྣ་ཚོགས་དག །འབྱོར་པས་བདག་ལུང་བསྟན་སྙམ་རློམ་སེམས་འབྱུང་བ་འམ། །གལ་ཏེ་བྱང་ཆུབ་སེམས་དཔའ་གཞན་གྱི་ལུང་བསྟན་རློམ། །རློམ་སེམས་གནས་པ་དེ་ནི་བློ་ཆུང་ཤེས་པར་བྱ། །མིང་གི་གཞི་ལས་བདུད་ནི་ཉེ་བར་འོང་གྱུར་ནས། །འདི་སྐད་སྨྲས་ཏེ་འདི་ནི་ཁྱོད་དང་ཕ…

ཉེས་པ་དེ་ལྟ་བུ་མི་འབྱུང་བའང་བཤེས་གཉེན་བསྟེན་པ་ལ་རག་ལས་པས། དེ་ལྟ་བས་ན་བྱང་ཆུབ་དམ་པ་ཚོལ་བ་ཡི། །བསམ་པ་དྲག་ལྡན་མཁས་པས་ང་རྒྱལ་ངེས་བཅོམ་སྟེ། །ནད་པའི་ཚོགས་ཀྱིས་གསོ་ཕྱིར་སྨན་པ་བསྟེན་པ་ལྟར། །གཡེལ་བ་མེད་པར་དགེ་བའི་བཤེས་གཉེན་བསྟེན་པར་བྱ། །སངས་རྒྱས་བྱང་ཆུབ་མཆོག་ཞུགས་བྱང་ཆུབ་སེམས་དཔའ་དག །ཕ་རོལ་ཕྱིན་དང་བཅས་ཏེ་དགེ…

དེས་མི་མཐུན་ཕྱོགས་ཟིལ་གྱིས་གནོན་ཚུལ་ནི། ཉི་མ་སྤྲིན་དང་བྲལ་བའི་འོད་ཟེར་དྲ་བ་ཅན། །མུན་ནག་ཐིབས་པོའི་མུན་པ་ཐམས་ཅད་འཇོམས་འཆར་བ། །སྲིན་བུ་མེ་ཁྱེར་སྲོག་ཆགས་འབྱུང་པོ་ཐམས་ཅད་དང། །སྐར་མའི་ཚོགས་དང་ཟླ་བའི་འོད་ཀུན་ཟིལ་གྱིས་གནོན། །དེ་བཞིན་བྱང་ཆུབ་སེམས་དཔའ་ཤེས་རབ་ཕ་རོལ་ཕྱིན། །མཆོག་སྤྱོད་སྟོང་པ་དང་ནི་མཚན་མ་མེད་སྤྱོ…