དམན་པའི་མྱང་འདས་དོན་དུ་གཉེར་བའི་བསམ་པ་ཡོད་ན་དེའང་ཀུན་སློང་མ་དག་པ་ཡིན་པས། རླུང་འགྲོ་འོང་ལ་བརྟེན་ནས་ཀུན་སློང་མ་དག་པ་དེ་སྦྱང་བར་བྱའོ། །དེའི་ཚུལ་ནི་སྣ་བུག་ནས་རླུང་ཕྱིར་བཏང་བའི་ཚེ་ཀུན་སློང་གི་རྟོག་པ་ངན་པ་མཐའ་དག་དུ་བ་ནག་པོའི་རྣམ་པར་ཕྱིར་ཐོན་ནས་ནམ་མཁའི་དབྱིངས་སུ་ཡལ་སོང་སྙམ་དུ་བསམ་པ་དང། ནང་དུ་རྔུབ་པའི་ཚེ་བླ…

ནུས་པ་ཅིའང་མེད། དེ་ཐམས་ཅད་ཀྱི་དོན་བྱེད་ནུས་པ་རྫོགས་པའི་སངས་རྒྱས་ཉག་ཅིག་ཡིན་པས། བདག་གིས་འདི་དག་གི་ཕྱིར་དུ་སངས་རྒྱས་ཀྱི་གོ་འཕང་རིན་པོ་ཆེ་ཅི་ནས་ཀྱང་ཐོབ་པར་བྱ་སྙམ་དུ་བསམས་ལ་སྐྱབས་ཡུལ་གསལ་གདབ་པ་ནི། རང་གི་སྨིན་མཚམས་ཀྱི་ཐད་ཀྱི་མདུན་གྱི་ནམ་མཁར་སེང་གེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་མཐོ་ཞིང་ཡངས་པའ…

མཆོག་གསུམ་གྱི་ཡོན་ཏན་མཐོང་ནས་བློ་ལིངས་ཀྱིས་ཁེལ་བའི་དད་པ་ཤུགས་དྲག་པོ་སྐྱེས་པར་བསམས་ལ། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབ…

བབས། དཀོན་མཆོག་གསུམ་ལ་བརྟེན་པའི་སྡིག་སྒྲིབ་ཐམས་ཅད་སྦྱངས་ཏེ་གསུམ་གའི་བྱིན་རླབས་མ་ལུས་པ་ཐོབ་པའི་དམིགས་པ་བྱེད། དེ་རྗེས། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གང་མང་བརྗོད་ཅིང་དམིགས་པ་ནི། སྦྱིན་པ་ལས་བྱུང་བ་དང། ཚུལ་ཁྲིམས་ལས་བྱུང་བ་དང། བསྒོམས་པ་སོགས་ལས་བྱ…

བཏང་སྙོམས་ལ་གནས་པར་གྱུར་ཅིག་སྙམ་དུ་བཏང་སྙོམས་ཚད་མེད་དང། བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་སྙམ་དུ་བྱམས་པ་ཚད་མེད་དང། སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག་ཅེས་སྙིང་རྗེ་ཚད་མེད་དང། སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག་སྙམ་དུ་དགའ་བ་ཚད་མེད་བསྒོམས་ལ། དེ་རེ་རེའི་སྐབས་སུའང་དེ་ལྟ…

བསྟེན་པའི་ཕན་ཡོན། མ་བསྟེན་པའི་ཉེས་དམིགས། རྩ་བ་དད་པ་སྦྱངས་ཤིང་བཀའ་དྲིན་རྗེས་སུ་དྲན་ཏེ་བསམ་པས་བསྟེན་ཚུལ་གྱི་དམིགས་རྣམ་ལེགས་པར་བསྐྱངས་ལ། དེ་ནས་སྦྱོར་བས་བསྟེན་ཚུལ་བཀུར་སྟི་དང་རིམ་གྲོ་དང་རྙེད་པ་དབུལ་བ་སོགས་ཀྱི་ཚབ་ཏུ་ཚོགས་ཞིང་གསལ་བཏབ་ནས་ཕྱག་འཚལ་བ། སྐུ་ཁྲུས་གསོལ་བ། མཆོད་པ་འབུལ་བ་སོགས་བྱས་པ་ཡིན་པས་ཕྱི་མ་གསུ…

པ། བླ་མ་ཐུབ་པའི་དབང་པོའི་ཐུགས་ཀ་ནས་འོད་ཟེར་བླ་མའི་གྲངས་དང་མཉམ་པ་སྟེང་ཕྱོགས་སུ་འཕྲོས་པའི་སྣེ་མོར་སེང་ཁྲི་པད་ཟླའི་གདན་ལ་རྒྱལ་བ་རྡོ་རྗེ་འཆང་ལ་ཉམས་ལེན་བྱིན་རླབས་བརྒྱུད་པའི་བླ་མ་རྣམས་ཀྱིས་བསྐོར་ནས་བཞུགས་པ། གཡས་ཕྱོགས་སུ་འོད་ཟེར་འཕྲོས་པའི་སྣེ་མོར་པད་ཟླའི་གདན་ལ་རྗེ་བཙུན་བྱམས་པ་ལ་རྒྱ་ཆེན་སྤྱོད་བརྒྱུད་ཀྱི་བླ་…

བརྩེགས་པ་དང་། འདས་པ་རྣམས་ལ་པད་ཟླའི་གདན་བྱེད་ཅིང། ཚིགས་བཅད་གཅིག་གིས་འབྲེལ་ཐོགས་པ་ཡན་ཆད་གྲངས་བརྩིས་ཏེ་མ་ཆད་པ་ཤིན་ཏུ་གལ་ཆེའོ། །བླ་མ་རྣམས་ཀྱི་ཕྱི་རོལ་ཏུ། གཡས་སུ་གསང་འདུས། གཡོན་དུ་བདེ་མཆོག །མདུན་དུ་འཇིགས་བྱེད། རྒྱབ་ཏུ་དུས་འཁོར། མཚམས་རྣམས་སུ་རྒྱུད་སྡེ་བཞིའི་ཡི་དམ་གཞན་རྣམས་དང་དེའི་མཐའ་སྐོར་དུ་བསྐལ་བཟང་གི་ས…

རིགས་ལྔའི་ངོ་བོ་འབྲུ་ལྔ་བསྒོམ་པར་གསུངས་པ་དང་ཡང་མཚུངས་པས་སོ། །དེ་དག་རང་རང་གི་མདུན་ན་གདན་ཁྲི་ཕུན་སུམ་ཚོགས་པ་ལ་རང་རང་གིས་གསུངས་པའི་ལུང་གི་ཆོས་རྣམས་འོད་ཀྱི་རང་བཞིན་ཅན་གྱི་པོ་ཏིའི་རྣམ་པར་ཡོད་པ། དེ་དག་གི་ཕྱི་རོལ་ཏུ་གང་ལ་གང་འདུལ་གྱི་སྤྲུལ་པའི་བཀོད་པ་བསམ་གྱིས་མི་ཁྱབ་པ་ཕྱོགས་བཅུར་འཕྲོ་བ་རྒྱལ་པོ་ཆེན་པོའི་ཕོ་ཉ…

མཆོག་དམན་དུ་འཛིན་པའི་འདུ་ཤེས་ལྡོག་སྟེ་བླ་མ་གཅིག་པུའི་རྣམ་འཕྲུལ་དུ་མཐོང་ནས་དད་པ་དང། རང་ཉིད་སྲིད་ཞིའི་རྒུད་པ་ལས་སྐྱོབ་པའི་ཕྱིར་རྣམ་པ་མི་འདྲ་བ་སྣ་ཚོགས་པ་ཞིག་བཟུང་བ་ཡིན་པར་གོ་ནས་གུས་པ་ཇེ་ཆེར་འགྲོ་ལ། ལམ་དུས་སུ་འདི་ལྟར་བསྐྱངས་པའི་སྟོབས་ཀྱིས་འབྲས་བུའི་དུས་ན་རིགས་རེ་རེ་ལའང་རིགས་ཐམས་ཅད་ཚང་བའི་དམ་པ་རིགས་བརྒྱ་…

པའི་དབུས་སུ་སེང་ཁྲི་སོགས་སྔར་ལྟར་གསལ་བཏབ་ལ། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཞེས་སོགས་བརྗོད་པས་ཚོགས་ཞིང་རྣམས་ན་བཟའ་མེད་པར་ཁྲུས་ཁང་གི་ནང་དུ་ཁྲི་རྣམས་ལ་འཁོད་པར་བསམ། རང་གི་ཐུགས་ཀ་ནས་ལྷ་མོ་བུམ་པ་ཐོགས་པ་དཔག་ཏུ་མེད་པ་སྤྲོ་བའམ། ཡང་ན་རང་ལུས་ལྷ་གྲངས་མཉམ་པར་སྤྲུལ་ནས་ཐམས་ཅད་ཀྱིས་ལག་ཏུ་བུམ་པ་ཐོགས་ཏེ་རྫིང་བུ་རྣམ…

ཕྱག་འཚལ་བ་ནི། སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱི་རྩ་བ་སྟེ། །བླ་མ་རྣམས་ལ་ཕྱག་འཚལ་ལོ། །ཕུན་ཚོགས་དགེ་ལེགས་བྱེ་བས་བསྐྲུན་པའི་སྐུ། །མཐའ་ཡས་འགྲོ་བའི་རེ་བ་སྐོང་བའི་གསུང། །མ་ལུས་ཤེས་བྱ་ཇི་བཞིན་གཟིགས་པའི་ཐུགས། །ཤཱཀྱའི་གཙོ་བོ་དེ་ལ་ཕྱག་འཚལ་ལོ། །བྱམས་པ་ཐོགས་མེད་དབྱིག་…

ལེགས་སོ། །ཕྱག་འཚལ་ཚུལ་ནི་ལུས་ཐམས་ཅད་ས་ལ་ཕབ་པའི་བརྐྱང་ཕྱག་ཏུ་གྲགས་པའམ། ཡང་ན་ཡན་ལག་ལྔའི་ཕྱག་བྱ་སྟེ། དེའང་རྐང་པ་གཉིས་གཤིབ། ཐལ་མོ་རབ་སྤྱི་བོར། འབྲིང་མགྲིན་པར། ཐ་མ་སྙིང་གར་སྦྱར། དེའང་བཅར་བཅར་པོར་སྦྱར་བ་མུ་སྟེགས་ཀྱི་ལུགས་ཡིན་པ་དང། སངས་རྒྱས་མི་བཞུགས་པའི་ཞིང་དུ་སྐྱེ་བར་འགྱུར་བས་དེ་ལྟ་བུ་མ་ཡིན་པར་མཛུབ་རྩེ་རྣ…

རྣམ་པར་ཤར་བ་ལ་ཟེར་ཞིང་། མདོ་ལུགས་ཀྱི་ཀུན་ཏུ་བཟང་པོའི་མཆོད་པ་འབུལ་ཚུལ་ནི་པདྨ་འདབ་མ་སྟོང་དང་ལྡན་པའི་ལྟེ་བར་རང་ཉིད་ཀུན་ཏུ་བཟང་པོ། འདབ་མ་སྟོང་ལ་ཀུན་ཏུ་བཟང་པོ་སྟོང། དེ་ཐམས་ཅད་ཀྱི་ལག་པ་ཐལ་མོ་སྦྱར་བའི་བར་དུ་ནོར་བུ་རིན་པོ་ཆེ་རེ་རེ། དེ་དག་ལས་མཆོད་པའི་སྤྲིན་ཕུང་བསམ་གྱིས་མི་ཁྱབ་པ་འཕྲོས་པས་སངས་རྒྱས་ཀྱི་ཞིང་རབ་འ…

ཤིག་མྱུར་བ་མྱུར་བར་མ་བཙལ་བའི་ཐབས་རང་མི་འདུག་སྙམ་དུ་བསམ། གཉེན་པོ་ཀུན་ཏུ་སྤྱོད་པའི་སྟོབས་བསླབ་བཏུས་ལས་མང་དུ་གསུངས་པས། ཐུན་མཚམས་སོགས་ཅི་རིགས་པར་དེ་ཐམས་ཅད་ལག་ལེན་དུ་ཐེབས་པ་དགོས་ཀྱང། དངོས་གཞིའི་སྐབས་འདིར་ལྟུང་བཤགས་སོགས་གང་བྱེད་པ་དེའི་ཚེ་རྣམ་སྨིན་ལ་འཇིགས་པ་དང། འོན་ཀྱང་གཉེན་པོ་དེས་དེ་སེལ་ནུས་པར་ཡིད་ཆེས་པ་ས…

འཆང་ཆེན་པོས་གསུངས་སོ། །བཤགས་པའི་སྐབས་འདིར་སྔར་བྱས་ཀྱི་ཉེས་པ་ལ་ཉེས་པར་མཐོང་བའི་རྣམ་པར་སུན་འབྱིན་པ་དང། ཕྱིན་ཆད་སྡོམ་པ་སླར་ལྡོག་པའི་སྟོབས་གཉིས་པོ་འདི་གལ་ཆེ་བའི་དབང་གིས་བཤགས་པ་ཕལ་ཆེར་གྱིས་ཀུན་ཏུ་མཐོང་སྡོམ་དྲིས་པ་ཡིན་པས་དོན་འདི་གོ་བའང་གནད་ཤིན་ཏུ་ཆེའོ། །ཁ་ཅིག་འཁོར་བ་ཐོག་མ་མེད་པ་ནས་སྡིག་པ་བསགས་པ་ལ་མཐའ་མེད་…

ལ་དགོངས་ནས་དབུས་མཐའ་རྣམ་འབྱེད་དུ་དམ་པ་བཅུ་གཉིས་ཀྱི་ནང་ནས་རྗེས་སུ་ཡི་རང་ལ་ཚེགས་མེད་པ་དམ་པ་ཞེས་གསུངས་སོ། །དེས་ན་རང་ཅག་བྱང་ཆུབ་སྒྲུབ་པར་ཁས་འཆེ་བ་རྣམས་ཀྱིས་གཞན་གྱི་དགེ་བ་ལ་ཕྲག་དོག་མེད་པར་རྗེས་སུ་ཡི་རང་བསྒོམ་དགོས་ཏེ། དཔེར་ན་མུ་གེའི་ཚེ་ཕ་གཅིག་གིས་བུ་མང་ཞིག་གསོ་དགོས་པ་ལ། དེའི་ནང་ནས་གཅིག་གིས་རང་སྟོབས་ཀྱིས་འ…

བུ་དམན་པའི་རྒྱུར་མི་འགྱུར་བར་མཁའ་མཉམ་སེམས་ཅན་ཐམས་ཅད་ཀྱི་དོན་དུ་བླ་མེད་བྱང་ཆུབ་ཁོ་ནའི་རྒྱུར་བསྔོ་བའི་འདུན་པ་དྲག་པོ་དང་བཅས། ཕྱག་འཚལ་བ་དང་ཞེས་སོགས་བྱ། དེའང་ཡན་ལག་བདུན་པོ་འདིའི་ནང་ནས་ཕྱག་འཚལ་བ་ང་རྒྱལ་གྱི་གཉེན་པོ། མཆོད་པ་སེར་སྣའི། བཤགས་པ་དུག་གསུམ་གྱི། རྗེས་སུ་ཡི་རང་ཕྲག་དོག་གི །ཆོས་འཁོར་བསྐོར་བར་བསྐུལ་བ་ཆ…

བཞག་སྟེ་སྲིན་ལག་གིས་ཤར་ལྷོ་ནས་ནུབ་བྱང་གི་བར་དང། དེ་ནས་སྲིན་ལག་དབུས་སུ་བཞག་སྟེ་མཐེ་བོས་ནུབ་བྱང་ནས་ཤར་ལྷོའི་བར་བསྐོར། མཎྜལ་གྱི་དབུས་སྟོང་པར་བཞག་ན་སངས་རྒྱས་མི་བཞུགས་པའི་ཞིང་དུ་སྐྱེ་བར་གསུངས་པས། དེ་མ་ཐག་དབུས་སུ་ཚོམ་བུ་གཅིག་བཞག །དེ་ནས་ཨོཾ་བཛྲ་བྷུ་མི་ཞེས་སོགས་ཀྱི་སྐབས་སུ་ཚིག་རིས་བཞིན་གསེར་དཀྱིལ་ལྕགས་རི་དང…

ལ་ངའི་བུ་འདི་བརྩེ་བས་རྗེས་སུ་ཟུངས་ཤིག་ཅེས་ངོ་ཆེན་བྱེད་པར་བསམ་ཞིང། འདྲེན་པ་མཉམ་མེད་སྟོན་པ་བཅོམ་ལྡན་འདས། །རྒྱལ་ཚབ་དམ་པ་རྗེ་བཙུན་མ་ཕམ་མགོན། །རྒྱལ་བས་ལུང་བསྟན་འཕགས་པ་ཐོགས་མེད་ཞབས། །སངས་རྒྱས་བྱང་སེམས་གསུམ་ལ་གསོལ་བ་འདེབས། །སངས་རྒྱས་བྱང་སེམས་གསུམ་ལ་གསོལ་བ་འདེབས། །ཞེས་རྐང་པ་ཕྱི་མ་ལན་གཉིས་སུ་བརྗོད་པས་དང་པོའི…