དགུ་པ་ཐོབ་པའི་བར་དག་གིས་དེ་བཞིན་གཤེགས་པ་ལ་མཆོད་པ་དང་རིམ་གྲོ་བྱས་པ་བརྒྱའི་ཆར་ཡང་ཉེ་བར་མི་འགྲོ་ཞེས་སོགས་ཀྱིས་ས་གོང་མ་གོང་མའི་སྐབས་སུ་ལུས་ངག་གི་དགེ་སྦྱོར་ཡང་ཆེས་གོང་འཕེལ་དུ་འགྲོ་བར་གསུངས་ཤིང། བྱང་ས་ལས་ཀྱང་བྱང་ཆུབ་སེམས་དཔའ་དེ་ལ་དེ་བཞིན་གཤེགས་པའམ། དེ་བཞིན་གཤེགས་པའི་མཆོད་རྟེན་ལ་ན་བཟའ་དང། ཞལ་ཟས་དང། གཟིམ་ཆ་…

དེའི་མཐའ་སྐོར་ཁམས་ཐ་མ་ལས་གྲུབ་པའི་འཁོར་ཡུག་གི་ལྕགས་རིས་བསྐོར་བའི་ནང་དུ་གླིང་དང་གླིང་ཕྲན་རྣམས་ཀྱིས་རྩ་བ་གསེར་གྱི་ས་གཞི་ལ་ཐུག་པའི་རྩེ་མོ་བག་ཙམ་སྟེང་དུ་ཐོན་ཏེ། མཐའ་ཆུས་བསྐོར་བའི་བར་གྱི་སྐམ་ལ་གླིང་ཞེས་གྲགས་པ་ཡིན། ཚུལ་དེ་ལྟར་འཛམ་གླིང་བྱེ་བ་ཕྲག་བརྒྱ་པོ་གསེར་གཞི་གཅིག་གི་སྟེང་དུ་རྔའི་སྟེང་ན་རྔ་ཡབ་ཀྱིས་བསིལ་…

མར་པ་ལ་དངོས་པོ་ཅུང་ཟད་ཡོད་པ་ཕུལ་ནས་དེའི་སྟེང་དུ་ལུས་ངག་ཡིད་གསུམ་མཎྜལ་དུ་ཕུལ་ཏེ་མཎྜལ་ལ་དེ་ལས་ལྷག་པ་མེད་པས་དེ་འདྲ་ལ་ཡང་རིམ་གྱིས་བློ་སྦྱོང་དགོས། འདི་ལ་ཐོག་མར་མཎྜལ་བྱེད་ཚུལ་ཡང་ནང་དུ་བ་བྱུང་ལྔའམ། དེ་མ་བྱུང་ན་ས་གཙང་མའི་རྩྭ་དང་མེ་ཏོག་སོགས་ཀྱིས་འཚོ་བའི་འབྲིའི་ལྕི་བ་དང། ཆུ་སར་མ་ལྷུང་བ་དང། ཞོ་འོ་མ་མར་ལྔ་སྦྱར་…

འདིའི་མཇུག་ཏུ། གསོལ་འདེབས་ལན་གཉིས་ལས་དང་པོའི་ཚེ་རྩ་བའི་བླ་མ་ལས་བླ་མ་གཉིས་པ་ཆད་དེ་སྤྱི་བོར་ངོ་ཆེན་གྱི་ཚུལ་དུ་བཞུགས་པ་དང། གཉིས་པའི་ཚེ། བླ་མ་དེ་གཉིས་ལས་བདུད་རྩི་འབེབས་སྦྱང་བྱས་པས་བླ་མ་ལ་སྐྱོན་རྟོག་གི་བློ་དང། ཚེ་འདིར་ཤི་སྦར་འཐམ་པ་སོགས་ལམ་གྱི་གེགས་བྱེད་ཐམས་ཅད་སྦྱངས་རང་འདྲ་གཉིས་པ་ཞིག་ཆད་ནས་རང་ལ་ཐིམ་པས་རྒྱ…

བཞིན་དུ་ཡོན་ཏན་གཞི་གྱུར་མའི་སྐབས་སུ་ཡང་བླ་མས་ངོ་ཆེན་བྱེད་པ་སྔར་ལྟར་ལ་བདུད་རྩི་འབེབས་སྦྱང་གི་ཚེ་སྐབས་ཐོབ་ཀྱི་རྟོགས་པ་དེ་དང་དེའི་གེགས་བྱེད་སྦྱངས་ནས་དེ་དང་དེའི་རྟོགས་པ་ཁྱད་པར་ཅན་སྐྱེས་པར་བསམ་ལ། དེ་ལྟར་ལམ་བཟང་ཞེས་པའི་ཤོ་ལོ་ཀ་གཅིག་པོ་འདིར་གཙོ་བོ་ཆོས་སྐྱོང་རྣམས་ལས་བདུད་རྩི་འབེབས་སྦྱང་བྱ། འདི་ཡན་ཆད་ལ་གསོལ་…

དེ་འདྲའི་སྐབས་སུ་ཡང་བློས་མ་བཏང་བར་མདོར་བསྡུས་ཏེ། རྗེས་ཡང་དགོན་དུ་མཛད་པ་ལྟར་བཤེས་གཉེན་ལ་མ་གུས་པ་ནས་བདག་གཉིས་སུ་མཚན་མར་འཛིན་པའི་བར་གྱི་ཕྱིན་ཅི་ལོག་གི་བློ་སྣ་མཐའ་དག་འགག་པ་དང། བཤེས་གཉེན་ལ་དད་པ་ནས་ཟུང་འཇུག་གི་བར་ལམ་གྱི་རྟོགས་པ་མཐའ་དག་སྐྱེ་བ་དང། འགལ་རྐྱེན་ཕྱི་ནང་གི་བར་དུ་གཅོད་པ་མཐའ་དག་ཞི་བར་བྱིན་གྱིས་བརླབ…

ཆོས་དྲུག་འདི་ནི། མངོན་རྟོགས་རྒྱན་ལས། སངས་རྒྱས་རྣམས་ལ་ལྷག་པར་བྱས། །དེ་ལ་དགེ་བའི་རྩ་བ་བསྐྲུན། །ཞེས་སོགས་ཀྱི་དགོངས་པ་ཡིན་ཞིང་འདི་ལམ་གྱི་ལུས་ཀྱང་ཡོངས་སུ་རྫོགས་པ་ཡིན། འོན་ཀྱང་འགའ་ཞིག་གིས་སྦྱོར་བ་ལ་དེ་འདྲའི་མང་པོ་ཞིག་བྱེད་དགོས་ན། དངོས་གཞི་ལ་སླེབ་དུས་ག་ལ་ཡོང་སྙམ་ན། སྦྱོར་བ་དེ་ལེགས་པར་གྲུབ་པ་ཞིག་བྱུང་ན་དེ་ལ…

ཡང་བསྐྱེལ་མི་དགོས། ཉམས་སུ་ལེན་ཡང་བདེ་བ་ཡིན། དེར་མ་ཟད་འཇིག་རྟེན་ན་ཐུད་ཚོན་པོ་ཡོང་བ་མར་གྱི་བཀའ་དྲིན་ཡིན་ཟེར་བ་ལྟར་གསང་སྔགས་ཟབ་པ་དེ་ཡང་འདིའི་བཀའ་དྲིན་ཡིན། འོ་ན། འཇམ་དཔལ་མཚན་བརྗོད་ལས། སྐད་ཅིག་གཅིག་གིས་རྫོགས་སངས་རྒྱས། །ཞེས་སྐད་ཅིག་མ་གཅིག་ལ་འཚང་རྒྱ་ནུས་པའི་ཆོས་བཤད་པ་ཅི་ཡིན་ཞེ་ན། སྐད་ཅིག་མ་གཅིག་ལ་འཚང་རྒྱ་ན…

ན་འོ་ན་ཇ་འཐུང་བ་ཨེ་ཁོམ། དེ་ལ་ཡང་ཇ་ཉོས། ཆུ་བླང་། སྦུད་པ་གཏོང་དགོས་མོད། དཀའ་ལས་ཆེན་པོ་དེ་འདྲ་ལ་ཁོམ་ནས། མཎྜལ་རེ་འབུལ་བ་ལ་མི་ཁོམ་པ་འདྲ་བ་འདི་རང་ཚོ་བསོད་ནམས་དམན་པའི་རྟགས་ཡིན་པས། དེའི་དབང་དུ་མ་བཏང་བར་གོམས་སོང་ན། ཇི་སྐད་དུ། གོམས་ན་སླ་བ་མ་ཡིན་པའི། །དངོས་དེ་གང་ཡང་ཡོད་མ་ཡིན། །ཞེས་པ་ལྟར་སྐབས་ཤིག་ནས་དཀའ་ཚེགས་མེ…

སྤྱད་ལ་བཟོད་པ་སོགས་ཀྱི་ཡོན་ཏན་དང་ལྡན་པ་ཞིག་བཙལ་དགོས་ལ། གལ་ཏེ་དེ་འདྲ་མ་བྱུང་ཡང་ཚེ་འདི་ཕྱི་གཉིས་ཀྱི་ནང་ནས་ཕྱི་མ་གཙོ་ཆེ་ཟེར་བ་ཞིག་ངེས་པར་གལ་ཆེ་སྟེ། ཆོས་མི་དགོས་དགུ་དགོས་ཀྱིས་མཚན་མོ་ཞུས་ནས་ཉིན་པར་མ་ཞུས་ཁུལ་བྱས་སྡོད་དགོས་པ་དེ་འདྲར་མ་སོང་བ་དགོས། གཉིས་པ་བསྟེན་པའི་ཕན་ཡོན་ནི། རྒྱ་བོད་ཀྱི་པཎ་གྲུབ་ཇི་སྙེད་ཅིག་…

བགྲོས་ནས་ཇོ་བོ་མ་བཞུགས་ན་རྒྱལ་ཚབ་སུ་ལ་བྱེད། ཅེས་པས། སྒོམ་པ་རིན་ཆེན་བླ་མས། ཀ་བ་ཤཱཀྱ་རྒྱལ་མཚན་ཨ་མཆོད་ཡིན། འབྲོམ་གཡོག་པོ་ཡིན། ནག་ཚོ་ཚུལ་ཁྲིམས་རྒྱལ་བ་དྲུང་ཡིག་ཡིན་པས། ང་རང་འོས་སྙམ། ཁུ་སྟོན་གྱིས་ཤེས་བྱ་ཐམས་ཅད་སྲང་ལ་གཞལ་ཐུབ་པས་ཨ་བུ་ཁུ་སྟོན་ཡིན་སྙམ་པས། ཀ་བ་ཤཱཀྱ་རྒྱལ་མཚན་གྱིས་ངས་བསམ་ན་ཁྱོད་ཚོ་ཡོན་ཏན་ཅན་ཚོ་ལ…

བླངས་ནས་ཕུལ་བ་ལགས་ཞུས་པས་ཐུགས་ཤིན་ཏུ་མཉེས་ཤིང། བྱ་ཡུལ་བས་ཀྱང་བླ་མའི་ཞབས་ཕྱི་གང་འགྱུར་ཞུས། འོན་ཀྱང་ཚོགས་ཆོས་ཀྱི་སྐལ་བ་མ་ཆད་པ་དགོས་ཞུས་པས་གནང་སྟེ་ཞབས་ཕྱི་ཁོ་ན་ཞུས། དེ་ཡང་བསྙེན་རྫོགས་བྱས་ན་རུང་ཆུ་འདེབས་པ་སོགས་བླ་མའི་ཞབས་ཕྱི་བསྒྲུབ་པ་ལ་གནོད་དོགས་ནས་དགེ་ཚུལ་ཙམ་བསྒྲུབས་ཏེ་བཞུགས་སྐབས་དགེ་བཤེས་འགའ་ཞིག་གིས་ཁ…

བོས་ཏེ་ཁང་པའི་ཕུགས་སུ་བཞག་ནས་ཁ་ནས་ཚེ་འདིའི་དོན་ཡང་ཁྱོད་ཤེས། ཕྱི་མ་ཡང་ཁྱོད་ཤེས། ཁྱོད་མིན་རེ་ས་སྐྱབས་གནས་མེད་དོ་བྱས་ཀྱང། སེམས་ལ་འདིས་བརྐུས་མི་ཡོང་ངམ་སྙམ། འོན་ཀྱང་མོ་རང་སྡོད་ཐབས་མ་བྱུང་བས་བུ་མོ་གླེན་མ་ཞིག་ཡོད་པ་བལྟར་བཅུག་པས་མོས་བལྟ་མ་འདོད་པར། སྒོ་ཐེམ་ལ་བསྡད་དེ་ཨ་མ་བོས་ནས། ང་ཚོས་ཇོ་བོ་མི་རྐུ་བར་འདུག །ཙོ…

པ་བྱེད་དགོས་ལ། བླ་མ་དང་དམ་ཚིག་གཙང་བ་ཞིག་བྱུང་ན། སློབ་དཔོན་ཡེ་ཤེས་ཞབས་ཀྱིས་མན་ངག་ལྟར་ཕྱོགས་བཅུའི་སངས་རྒྱས་རྣམས་ལ་མཆོད་པ་མ་ཕུལ་ཡང་བླ་མ་མཆོད་པའི་ཚེ་སངས་རྒྱས་ཐམས་ཅད་དེའི་སྐུ་ལུས་ལ་ཞུགས་ནས་མཆོད་པ་ལེན་པ་ནི། ང་ནི་དེའི་ལུས་ཞུགས་ནས། །སྒྲུབ་པོ་མཆོད་པ་ལེན་པར་བྱེད། །ཅེས་གསུངས་པ་ལྟ་བུ་ཡིན་པས། བླ་མ་དང་དམ་ཚིག་མ་ཉམ…

གི་སློབ་དཔོན་དེའི་རྣམ་པ་བཟུང་ནས་ཀློག་བསླབ། དེ་ནས་རབ་བྱུང་སྒྲུབ་མཁན་དེའི་རྣམ་པ་བཟུང་ནས་རབ་ཏུ་བྱུང་སྟེ་སྟོན་པའི་སྐུར་བཟོས་པར་འདུག་སྙམ་དུ་བསམ་དགོས་ལ། དེར་མ་ཟད་བསླབ་བཏུས་ལས་གསུངས་པ་ལྟར་དགོས། གཞན་དང་ཁ་འཐབ་པ་ན་མི་གཞན་གྱིས་ཁྱེད་སྟོན་པའི་ན་བཟའ་གྱོན་མཁན་ཞིག་གིས་དེ་འདྲ་མ་གསུང་ཟེར་བྱུང་ན་དེ་ཡང་བླ་མའི་སྤྲུལ་པར་…

པོས་བསྐུར་བྱུང་ཟེར་བས་སེམས་ལ་ད་ང་དགའ་མོ་ཡོད་པ་འདྲ་མི་དབང་གིས་ཡང་མཁྱེན་ཡོད་པ་རེད་སྙམ་པ་བྱུང། ཕྱི་ཉིན་བཀའ་ཆོས་ལ་ཕྱིན་པས་བླ་མའི་གསུངས་ནས། འདི་ན་གླེན་པ་ལ་ལ་བླ་མའི་ཐུགས་རྗེས་མར་རྡོག་རེ་ཡོང་ན་ཡང་བླ་མའི་ཐུགས་རྗེ་ཡིན་པ་མི་ཤེས་པ་གསུང་སྟེ་བཀའ་བཀྱོན་པས་འདི་ཡིན་གསུང་ཨེ་ཡོང་སྙམ་དུ་ངོ་ཚ་ཞིང་སྐྲག་ནས་ས་ལ་ཐིམ་འགྲོ་བ…

ཡིན་ཞེས་པ་ལ་དེ་གཉིས་མི་མཚུངས། འཇིགས་བྱེད་ཀྱི་དེ་ཚུལ་བསྟན་ཡིན་ཟེར་ན། འོ་ན་ཁྱོད་ཀྱི་བླ་མ་རྣམས་ལ་ཚུལ་སྟོན་རྒྱུ་མི་སྲིད་པ་ཨེ་ཡིན་ཁྱོད་ཀྱི་བླ་མའི་མཛད་པ་སྐྱོན་གྱི་རྣམ་པར་སྣང་ཚད་དངོས་གནས་པ་ཡིན་དགོས་ན། ཁྱོད་ཀྱི་བླ་མའི་ནང་ན་སངས་རྒྱས་མིན་པ་གཅིག་ཀྱང་མེད་དགོས་ན་མེད་རང་ཟེར་བ་རྣམ་རྟོག་ཡང་ཟ་ཞིང་སངས་རྒྱས་ཐམས་ཅད་ཀྱི…

ཀྱི་བདག་རྐྱེན་མིག་དབང་གིས་བྱེད་པ་ལྟར། བླ་མ་ཡང་རྣམ་ཀུན་མཁྱེན་པའི་ཡེ་ཤེས་ཀྱི་བདག་རྐྱེན་ལས་བྱུང་བ་ཡིན་པས་བདག་རྐྱེན་གྱི་སྒོ་ནས་སངས་རྒྱས་སུ་འགྲུབ། བྱིན་རླབས་ཀྱི་སྒོ་ནས་སངས་རྒྱས་སུ་འགྲུབ་ཚུལ་ནི། བརྒྱད་སྟོང་པ་ལས། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལས་བརྩམས་ཏེ་བྱང…

གསུང་འབྱོན་པ་བྱུང་ན་ཁམ་ཆེ་བར་བརྩི་མོད། དེ་བས་འཚང་རྒྱ་རུང་གི་ཁམས་རང་བཞིན་གནས་རིགས་ཡོད་པ་ཞིག་གིས་ཆོས་བསྟན་ན་སངས་རྒྱས་སུ་ངེས་པར་འཛིན་འོས་སོ། །དེ་ལྟར་དད་པ་སྦྱངས་པ་ལ་འབད་པས་རྩ་བ་ཚུགས་པ་ཞིག་བྱུང་ན། རྨོག་ལྕོག་པའི་ཞལ་ནས། སྤྱན་རས་གཟིགས་དཀར་ན་དཀར། ཀྱཻ་རྡོ་རྗེ་རང་སྔོ་ན་སྔོ། རྗེ་བཙུན་མ་རང་དམར་ན་དམར། ང་བླ་མའི་སྣ…

ཁྲིམས་ཀྱི་འབྲས་བུ་དང། གཞན་གྱིས་གནོད་འཚེ་མེད་པར་ལོངས་སྤྱོད་པ་བཟོད་པའི་འབྲས་བུ་དང། ཆ་ཚང་བར་ལོངས་སྤྱོད་པ་བརྩོན་འགྲུས་ཀྱི་འབྲས་བུ་དང། འཇིགས་སྐྲག་སོགས་ཀྱི་དབང་གིས་སེམས་ཡེར་ཡེར་པོ་མ་ཡིན་པར་རྣལ་དུ་གནས་ནས་ལོངས་སྤྱོད་པ་བསམ་གཏན་གྱི་འབྲས་བུ་དང་། ཟས་ཀྱི་ལེགས་ཉེས་འབྱེད་པ་ཤེས་རབ་ཀྱི་འབྲས་བུར་འདོད་དགོས་ན། དེ་དག་ལ་…