རྒྱལ་བ་དགྱེས་པའི་ལམ་ལ་ཡིད་རྟོན་པའི། །སྐལ་ལྡན་དེ་དག་དང་བའི་ཡིད་ཀྱིས་ཉོན། །ཞེས་སྟོན་པར་ཞལ་གྱིས་བཞེས་ཤིང་མཉན་པར་བསྐུལ་བྱུང་སྙམ་པ་བྱས་ལ་རྗེས་སུ་ཟློས་པའི་ཚུལ་གྱིས་རང་གིས་གདོན། འདི་འོག་མ་རྣམས་ཀྱི་སྐབས་སུའང་འདྲ། དེ་ནས་ཐོག་མར་སྲིད་པའི་འཆིང་བ་ཇི་ལྟར་གཅོད་ཞུས་པ་ལ། སྲིད་པ་འདིར་གཞན་ཞིག་གིས་དབང་མེད་དུ་བཅིང་བ་མིན…

བཟློག །ལས་འབྲས་མི་བསླུ་འཁོར་བའི་སྡུག་བསྔལ་རྣམས། །ཡང་ཡང་གོམས་པས་ཕྱི་མའི་སྣང་ཤས་བཟློག །དེ་ལྟར་གོམས་པས་འཁོར་བའི་ཕུན་ཚོགས་ལ། །ཡིད་སྨོན་སྐད་ཅིག་ཙམ་ཡང་མི་སྐྱེ་ཞིང། །ཉིན་མཚན་ཀུན་ཏུ་ཐར་པ་དོན་གཉེར་བློ། །བྱུང་ན་དེ་ཚེ་ངེས་འབྱུང་སྐྱེས་པ་ལགས། །ཞེས་གདོན། ངེས་འབྱུང་དེ་ཙམ་གཙོ་བོར་བསྒོམ་པས་ཆོག་གམ་ཞུས་པ་ལ། ངེས་འབྱུང་…

ཅེས་གདོན། དེ་གཉིས་ཀྱི་སྟེང་དུ་ལམ་གྱི་སྣོན་པ་གཞན་ཅི་འདྲ་དགོས་ཞུས་པ་ལ། གནས་ལུགས་རྟོགས་པའི་ཤེས་རབ་མི་ལྡན་ན། །ངེས་འབྱུང་བྱང་ཆུབ་སེམས་ལ་གོམས་བྱས་ཀྱང། །སྲིད་པའི་རྩ་བ་གཅོད་པར་མི་ནུས་པས། །དེ་ཕྱིར་རྟེན་འབྲེལ་རྟོགས་པའི་ཐབས་ལ་འབད། །ཅེས་ཡང་དག་པའི་ལྟ་བ་དགོས་པ་དང། ལྟ་བ་དེ་ཇི་ལྟར་སྐྱོང་ཞུས་པ་ལ། སྣང་སྟོང་གཉིས་ཉེ་རི…

བྱུང་སྙམ་པའི་དགའ་བ་དང། དེ་རྗེ་བླ་མའི་བཀའ་དྲིན་དུ་ཤེས་པའི་དད་པ་དང། སླན་ཆད་ཀྱང་ལམ་འདི་ལ་ཉམས་ལེན་སྙིང་པོར་བྱའོ་སྙམ་པའི་སྤྲོ་བ་རྣམས་ཕན་ཚུན་འགྲན་པ་བཞིན་དུ་འཕེལ་བ་ན་རྗེ་བླ་མས་ཀྱང། དེ་ལྟར་ལམ་གྱི་གཙོ་བོ་རྣམ་གསུམ་གྱི། །གནད་རྣམས་རང་གིས་ཇི་བཞིན་རྟོགས་པའི་ཚེ། །དབེན་པ་བསྟེན་ནས་བརྩོན་འགྲུས་སྟོབས་བསྐྱེད་དེ། །གཏན་ག…

ཅིག །ཅེས་སོགས་བསྔོ་བས་མཚམས་སྦྱར་བར་བྱའོ། །ཞེས་པ་འདི་ནི་ཨུ་ཅུ་མུ་ཆིན་ཤོག་ནས་དཔྱོད་ལྡན་རབ་འབྱམས་པ་དཀོན་མཆོག་སྐལ་ལྡན་གྱིས་བསྐུལ་བའི་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །། ༈ སྒྲིབ་བྲལ་བདེ་གཤེགས་ཐུགས་ཀྱི་མེ་ལོང་ངོས། །དྷཱིཿ ཧཱུཾ་ཡི་གེའི་རྣམ་རོལ་ཡེ་…

ཡང་དག་སྒྲུབ་པ་སྙིང་པོར་བྱེད་པ་ཡིས། །ཐོས་བསམ་སྒོམ་པའི་ཤེས་རབ་འཕེལ་གྱུར་ཅིག །མདོར་ན་བླང་དོར་ལྟ་བའི་མིག་གཅིག་པུ། །རྣམ་པར་འབྱེད་པའི་ཤེས་རབ་མཆོག་ཐོབ་ནས། །མ་ནོར་ཐེག་མཆོག་ལམ་བཟང་རིམ་བགྲོད་དེ། །རྣམ་ཀུན་མཁྱེན་པའི་གླིང་དུ་འཇུག་གྱུར་ཅིག །ཅེས་པ་འདི་ནི་དད་བརྩོན་ལྷག་བསམ་དགེ་བ་རབ་འབྱམས་པ་བློ་བཟང་རབ་བརྟན་གྱིས་བསྐུལ…

བླ་མའི་རྣལ་འབྱོར་དགའ་ལྡན་ལྷ་བརྒྱའི་ཁྲིད་ཀྱི་ཟིན་བྲིས་བཞུགས་སོ། །

རྒྱལ་བ་བྱམས་པ་མགོན་པོས། སངས་རྒྱས་རྣམས་ལ་ལྷག་པར་བྱས། །དེ་ལ་དགེ་བའི་རྩ་བ་བསྐྲུན། །དགེ་བའི་བཤེས་ཀྱི་མགོན་བཅས་པ། །འདི་མཉན་པ་ཡི་སྣོད་ཡིན་ནོ། །ཞེས་གསུངས་པ་ལྟར། རྒྱལ་བའི་གསུང་རབ་ཐམས་ཅད་ཀྱི་རབ་དང་ཕུལ་དུ་གྱུར་པ་བཅོམ་ལྡན་འདས་ཀྱི་དགོངས་པའི་གཏད་སོ་མཐར་ཐུག་ཕ་རོལ་ཏུ་ཕྱིན་པའི་དོན་ཟབ་མོ་འདི་ཉིད་ཐོས་བསམ་སྒོམ་གསུམ་གྱ…

སྔོན་རྗེ་ཤེས་རབ་སེང་གེའི་སློབ་མ་འདུལ་ནག་པ་དཔལ་ལྡན་བཟང་པོ་དང་འདུལ་འཛིན་བློ་གྲོས་སྦས་པ་གཉིས་ལ་འདུལ་དཀར་ནག་ཏུ་གྲགས་པའི་ནང་ཚན་འདུལ་ནག་པ་དེ་སྲད་ཀྱི་ལུང་པའི་ཕུར་བཞུགས་པའི་མདའ་ན་མི་ཚང་སྟོབས་ཆེ་ཞིག་ཡོད་པའི་བུ་རྒྱལ་འགོང་གིས་ཟིན་ཏེ་གང་གིས་ཀྱང་གླགས་མ་ཁེལ་བ་ན། ཕྱུགས་རྫི་དེས་ང་ཚོའི་ལུང་པའི་ཕུ་འདིར་རེས་འགའ་གཡག་ཆེ…

ཁྱབ་ཀྱི་ཕྱོགས་སུ་མི་སྡོད་པའི་དམ་བཅའ་གྱིས། གལ་ཏེ་མི་བྱེད་ན་ཐལ་བའི་རྡུལ་དུ་བརླག་གོ་ཞེས་གསུངས་པས། རྒྱལ་འགོང་དེས་ཁྱེད་བྱང་ཆུབ་སེམས་དཔའ་ཡིན་པས་རྒྱལ་འགོང་ལའང་ཐུགས་རྗེས་གཟིགས་དགོས། སྟོད་ཛ་ཏིའི་མེ་ཏོག་སྐྱེ་བའི་ས་ནས། ཤར་རྒྱ་མཚོའི་མཐའི་བར་དུ་དམིགས་བརྩེ་མས་མ་ཁྱབ་ས་མི་འདུག་པས་བདག་གང་དུ་འགྲོ་ཞེས་གསོལ་བ་བཏབ་པ་ན། …

སྦྱོར་བ་ལ་ཇི་ལྟར་བྱ་བ་དང། དངོས་གཞི་ལ་ཇི་ལྟར་བྱ་བ་དང། མཇུག་ཏུ་ཇི་ལྟར་བྱ་བའི་ཚུལ་གསུམ། དང་པོའང་བསྟན་པའི་འཇུག་སྒོ་སྐྱབས་འགྲོ་དང། ཐེག་པ་ཆེན་པོའི་ལམ་གྱི་གཞུང་ཤིང་སེམས་བསྐྱེད་གཉིས། དང་པོ་ནི་སྦྱོར་བའི་ཆོས་དྲུག་སྔོན་དུ་བཏང་སྟེ། རང་གི་མདུན་གྱི་ནམ་མཁར་པདྨའི་སྡོང་པོ་ཡངས་ཤིང་རྒྱ་ཆེ་བའི་སྟེང་དུ་སེང་གེས་བཏེག་པའི་…

རླབས་འཇུག་པའི་སྒོ་ཡིན་པས་ཚོགས་ཞིང་རྣམས་དེར་བསྡུའོ། །གཉིས་པ་དངོས་གཞི་ལ་དགའ་ལྡན་གྱི་གནས་གསལ་བཏབ་སྟེ་དགའ་ལྡན་ནས་རྗེ་བླ་མ་ཡབ་སྲས་གསུམ་སྤྱན་འདྲེན་པ། ཡན་ལག་བདུན་པ་མཎྜལ་དང་བཅས་པ་དབུལ་བ། རྣམ་ཐར་གསོལ་འདེབས་ཀྱི་སྒོ་ནས་ཡོན་ཏན་དྲན་ཏེ་གསོལ་བ་གདབ་པ། མཚན་སྔགས་བགྲངས་ནས་འདོད་བྱའི་དོན་ལ་སྨོན་ལམ་གདབ་པ་བཞི། དང་པོ་ལ་དགའ…

གྱི་བྱེ་མ་བརྡལ་བའི་ཁྲུས་ཀྱི་རྫིང་བུ་དུ་མས་བསྐོར་བའི་དབུས་ན་ཁྲི་ཆེན་པོའི་སྟེང་དུ་ཁྲི་ཆུང་ལ་རྒྱལ་བ་བྱམས་པ་མགོན་པོ་འཁོར་ལོས་བསྒྱུར་བའི་འདུག་སྟངས་སམ་བཟང་པོའི་བཞུགས་སྟངས་མཛད་པའི་ཐུགས་ཀ་གསེར་གྱི་རི་བོ་ཉི་མ་འབུམ་གྱིས་བྱུགས་པ་ལྟ་བུ། འཇིག་རྟེན་ཐམས་ཅད་འོད་ཀྱིས་འགེངས་ནུས་པ་དཔལ་གྱི་བེའུ་དང་བཀྲ་ཤིས་ཀྱི་རི་མོ་ཡོད…

དལ་བུར་གདངས་སྙན་པོས་བསྒྲགས་ན་དགའ་ལྡན་ནས་གསན་ཏེ་ལག་ངར་བསྐུམ་པ་ལས་བརྐྱང་པ་བཞིན་དུ་སྐད་ཅིག་དེ་ཉིད་ལ་ཕེབས་མི་ཕེབས་དོགས་པ་ཙམ་ཡང་ཅི་ལ་དགོས་ཏེ། ཚོགས་ལམ་ཆེན་པོ་ནས་ཆོས་རྒྱུན་གྱི་ཏིང་ངེ་འཛིན་ཐོབ་སྟེ། ཤའི་མིག་གིས་དཔག་ཚད་བརྒྱ་སོགས་མཐོང་ཞིང། ལྷའི་རྣ་བས་དེ་སྙེད་ཀྱི་སྒྲ་ཐོས་ན། རྗེ་བླ་མས་ཡེ་ཤེས་ཀྱིས་མ་གཟིགས་པ་ག་ལ་ས…

བཏབ་པའི་དབུས་མ་ལ་རྗེ་བླ་མ་དབུ་ཞྭ་གསེར་གྱི་མདོག་ཅན་རྩེ་མོ་ནམ་མཁའ་ལ་རེག་པའི་ཚོད་ཅིག་གསལ་འདེབས་དགོས། དེའི་རྒྱུ་མཚན་ཡང་བོད་འདིར་མཁས་གྲུབ་མང་པོ་ཞིག་བྱོན་ཀྱང་ལྟ་བ་རྗེ་ལས་མཐོ་བ་མེད་པའི་གནད་ཀྱིས་ཡིན་ཞིང། དེ་བཞིན་དུ་རྒྱལ་ཚབ་མཁས་གྲུབ་གཉིས་ཀྱང་སྐུའི་རྣམ་པ་གསལ་འདེབས་ལུགས་ལ་རྟེན་འབྲེལ་གྱི་གནད་ཤིན་ཏུ་ཆེ་བས། རྒྱལ་…

མཛད་ནས། རྗེ་རང་ཉིད་ལྷ་ལྡན་སྨོན་ལམ་འཛུགས་པ་དང། རིམ་ལྔ་གསལ་སྒྲོན་རྩོམ་པ་སྟེ་མཛད་ཆེན་གཞན་གཉིས་ཀྱི་སྟ་གོན་ལ་འོལ་ཁར་གཤེགས་པའི་ཤུལ་དུ་ལོགས་རིས་ཕལ་ཆེར་གྲུབ་ནས། དབུས་ལ་གང་འབྲི་མ་ཤེས་པ་དང་བུ་ཆེན་རྣམས་བཀའ་བགྲོས་ཐོག་ནས་བསྟན་པའི་བདག་པོ་ཡིན་པས་ཐུབ་དབང་གི་སྐུ་འབྲི་བར་མཛད། རྗེས་སླར་གཟིགས་ཏེ་ཁྱེད་ཅག་ལ་ཆོས་སྟོན་པའི་…

ཡོལ་བའི་ཕྱི་འཇུག་གི་རིགས་དང་མོས་པ་དྲི་བའི་སྐབས་སུ། ཁྱོད་སུ་ཡིན་ཅི་ལ་དགའ་ཞེས་ཁྱོད་ཚེ་འདིའི་བདེ་བ་ཙམ་དོན་དུ་གཉེར་བའི་གང་ཟག་ཡིན་ནམ། ངན་འགྲོའི་སྡུག་བསྔལ་གྱིས་འཇིགས་ནས་ལྷ་ལུས་མི་ལུས་ཙམ་འདོད་མཁན་ཞིག་ཡིན་ནམ། འཁོར་བ་མཐའ་དག་ལ་ཞེན་པ་ལོག་ནས་རང་ཉིད་ཐར་པ་ཙམ་འདོད་མཁན་ཞིག་ཡིན་ནམ། མཁའ་ཁྱབ་ཀྱི་སེམས་ཅན་ཐམས་ཅད་སྒྲོལ་བ…

ཕུལ་ཏེ་ཁས་ལེན་ཤོར་བ་ན་པཎ་ཆེན་རིན་པོ་ཆེའི་ཕྱག་མཛོད་དེ་ན་མ་ཁང་བར་འདུག་ཟེར་བའི་དཔེ་ལྟ་བུ་ཡོད་མོད། རྗེ་བླ་མའི་གསུང་རབ་རྣམས་ལ་མདོ་སྔགས་གང་གི་ཐད་ནས་སུ་འདྲ་ཞིག་གིས་དཔྱད་ཀྱང་མི་འཐད་པའི་ཆ་ཕྲ་མོ་ཙམ་ཡང་མེད་པས་རྒྱལ་བའི་སྲས་པོ་ཐམས་ཅད་ཀྱི་ཐུགས་འཕྲོག་པར་འགྱུར་རོ། །གྲགས་པའི་དཔལ་གྱིས་ཞེས་པ་འདིའི་གྲགས་པ་ནི། སྙན་པའི་བ…

རྒྱ་མཚོ་ལྟ་བུའི་དབུས་སུ་ལེགས་བཤད་ཀྱི་ང་རོ་སྒྲོགས་པ་ལ་བག་ཚ་བ་མེད་པའི་གཟི་བརྗིད་སྐྱེའོ། །འདིའི་གནད་ཀྱིས་ཡི་དམ་རྡོ་རྗེ་འཇིགས་བྱེད་ལ་དྲི་ཆབ་འབུལ་བའི་ཚེ་གཞན་དང་མི་མཐུན་པར་སྔར་བླང་བ་ཡིན་ཏེ། དེ་ནི་ཐུགས་ཀྱི་མཆོད་པ་ཡིན་པས་ཐུགས་ཀྱི་བྱིན་རླབས་དང་པོར་འཇུག་པའི་རྟེན་འབྲེལ་ཡིན་ནོ། །མཆོད་པ་དཀྱུས་ན་གསལ་ཞིང། བཤགས་པ་ས…