ན་མོ་གུ་རུ་མནྫུ་གྷོ་ཥཱ་ཡ། །གཙུག་ན་ཟླ་བ་རང་བྱུང་པད་དཀར་མིག །སྤྲིན་ལ་ཞོན་དང་མ་གཉིས་ཀརྟཱི་ཀ །མེ་ཟླུམ་ཆ་གཏེར་གཙུག་གི་ནོར་བུའི་ཁྲིར། །ཞབས་སེན་འགོད་མཛད་ཟས་གཙང་སྲས་ལ་འདུད། །མཚན་དཔེའི་དཔལ་འབར་ཟླ་ཞུན་ཕུང་པོའི་སྐུ། །ཨིནྡྲ་ནཱི་ལའི་ཟུར་ཕུད་ལྔས་མཛེས་པ། །ཅུང་ཟད་དྲན་པ་ཡིས་ཀྱང་རྨོངས་པའི་མུན། །ཕམ་མཛད་གསུང་གི་དབང་ཕྱུ…

རྒྱལ་བ་བདེ་གཤེགས་ལྷ་རྣམས་དང༌། །ཕྱོགས་དང་ནམ་མཁའ་གཟའ་རྒྱུ་སྐར། །དུས་དང་བསྐལ་པ་ཡན་ལག་བཅས། །མཐོ་རིས་སྡེ་ཚན་འདིར་བཤད་བྱ། །ཁ་སྦྱོར་བདུན་ལྡན་རིགས་བརྒྱའི་བདག །དྲུག་པ་རྡོ་རྗེ་འཆང་གི་མཚན། །རྒྱལ་བ་བདེ་གཤེགས་ཀུན་མཁྱེན་དང༌། །རྣམ་འདྲེན་དཔལ་སྟུག་རྐང་གཉིས་གཙོ། །གཉིས་མེད་གསུང་དང་བཅོམ་ལྡན་འདས། །སྟོབས་བཅུ་མངའ་བ་སངས་རྒ…

མཐོ་རིས་ས་བླ་སྐབས་གསུམ་གནས། །སུམ་རྩེན་དལ་འཛིན་ལྷ་ཡུལ་མིང༌། །ལེགས་བྲིས་འཆི་མེད་སྐབས་གསུམ་པ། །མཁར་ཉལ་ཚིགས་བཟང་ཚིག་མདའ་ཅན། །མེ་ཞལ་རྣམ་སད་ལྷ་སྤྱིའི་མིང༌། །གྲགས་པའི་མུ་ཁྱུད་སྤྲིན་ལ་ཞོན། །མཆོད་སྦྱིན་བརྒྱ་པ་མིག་སྟོང་ཅན། །ལྷ་དབང་གྲོང་འཇོམས་བརྒྱ་བྱིན་མིང༌། །པུ་ལོའི་སྲས་མོ་བདེ་སོགས་མ། །ལེགས་བརྗོད་བརྒྱ་བྱིན་བཙ…

ལྷ་ལམ་སྤྲིན་ལམ་རྒྱུ་སྐར་ལམ། །ཀུན་གསལ་ཆུ་མཐོང་ལྷའི་རྫིང་རིང༌། །གནམ་དགུང་ཀུན་ཁྱབ་ནམ་མཁའི་མིང༌། །ཆུ་འཛིན་སྒྲ་ལྡན་ཚ་ཟེར་འཇོམས། །ཆུ་ཁུར་མཁའ་གླང་སྤྲིན་གྱི་མིང༌། །འཇུག་པ་བརྒྱ་པ་གཞི་སྔོན་སྐྱེས། །ལུས་ཕྲ་བདེ་འཐུང་གློག་གི་མིང༌། །སྤྲིན་གྱི་སྒྲ་དང་དབྱར་སྐྱེས་རྔ། །སྒྲ་བརྒྱ་པ་རྣམས་འབྲུག་སྐད་མིང༌། །མེ་ཆར་གནམ་ལྕགས་ས…

བགྲང་བྱ་སླར་བྱུང་ཡང་དག་འགྲོ། །དུས་སྤྱིའི་མིང་ཡིན་ཉིན་མོ་ལ། །གདུགས་དང་མུན་གསལ་བདུད་འཇོམས་ཟེར། །བྱ་བྲལ་སྣང་མེད་མེལ་ཚེ་ཅན། །སྔོ་སངས་ཆགས་དུས་མཚན་མོའི་མིང༌། །དགའ་བཟང་རྒྱལ་སྟོང་རྫོགས་པ་ལྔ། །ཟླ་བའི་ཕྱོགས་རེར་ལན་གསུམ་འཁོར། །དཀར་ཕྱོགས་གང་ཕྱོགས་ཕྱོགས་སྔ་མ། །ཞི་དང་རྒྱས་ཕྱོགས་ཡར་ངོའི་མིང༌། །ནག་ཕྱོགས་དམར་ཕྱོགས་ཕ…

ས་འོག་གདེངས་ཅན་དམྱལ་བ་དང༌། །ཡི་དྭགས་ཆུ་དང་ཆུའི་སྲོག་ཆགས། །གཟིངས་དང་ཆུ་སྐྱེས་སོགས་དབྱེ་བ། །ཡན་ལག་དང་བཅས་འདིར་བཤད་བྱ། །བཅུ་འོག་རྐང་འོག་སྟོབས་ལྡན་གནས། །ཀླུ་ཡི་འཇིག་རྟེན་ས་འོག་མིང༌། །རབ་རིབ་སྨག་རུམ་མཁའི་པགས་པ། །ཤེ་མུན་ལྡོངས་བྱེད་མུན་པའི་མིང༌། །རི་གནས་གདེངས་ཅན་ཀ་དྲུའི་བུ། །ན་ག་ཀླུ་ཡི་མིང་དུ་བཤད། །རྐང་སྦས…

ས་གཞི་ཡུལ་དང་ས་འཛིན་གྲོང༌། །ནགས་ཚལ་སྨན་དང་རི་དྭགས་ཚོགས། །མི་རིགས་དབྱེ་བ་བྱེ་བྲག་གཞན། །འདིར་ནི་ཡན་ལག་དང་བཅས་བརྗོད། །ནོར་འཛིན་འཛིན་མ་གསེར་ལྡན་མ། །ཀུན་བཟོད་ནོར་གྱི་བློ་གྲོས་མ། །རྒྱ་མཚོའི་གོས་ཅན་ས་གཞིའི་མིང༌། །དབུས་འགྱུར་འཆང་དང་སའི་སྙིང་པོ། །འཕགས་པའི་ཡུལ་གནས་རྒྱ་གར་མིང༌། །ནེཾེཾ་པ་ལ་ནི་བལ་པོ་སྟེ། །མོངྒོ་…

ནགས་ཀླུང་དང་ནི་ཚང་ཚིང་ཅན། །འཐིབས་པོ་ཤིང་ལྡན་ནགས་ཚལ་མིང༌། །ལྗོན་ཤིང་ལྡུམ་ར་བཅོས་མའི་ནགས། །ཉེ་བའི་ཚལ་རྣམས་སྐྱེད་ཚལ་མིང༌། །ཁྱེའུ་ཁ་དང་སྟེང་དུ་འཐེན། །ཞ་ལུ་སྐྱེས་རྣམས་མྱུ་གུའི་མིང༌། །འདབ་ལྡན་རྐང་འཐུང་ཡལ་ག་ཅན། །རླན་སྐྱེས་ས་སྐྱེས་ཆུར་མི་ལྷུང༌། །རྩེ་མོ་ཅན་རྣམས་ལྗོན་ཤིང་མིང༌། །འབྲས་བུས་འཇིག་དང་ཨེ་རཎྜ༌། །ཆུ་ཤ…

འཕྲོག་བྱེད་གདོང་ལྔ་རལ་བ་ཅན། །སྡེར་ཆགས་རྒྱལ་པོ་སེངྒེའི་མིང༌། །ལུས་བཀྲ་དྲི་སྣོམ་ངར་སྐད་ཅན། །ནགས་ཀྱི་ཤྭ་ན་སྟག་གི་མིང༌། །གཅན་གཟན་གཏུམ་པོ་དོམ་ལ་སྟེ། །རི་དྭགས་ཟ་བ་དྲེད་ཀྱི་མིང༌། །མང་སྐྱེ་ས་འཇོམས་ངུར་སྒྲ་ཅན། །མཆུ་རིང་སྤུ་རིང་ཕག་པའི་མིང༌། །མཚའ་དང་ཀོ་པ་འཕར་བ་སྟེ། །ས་མྱོས་ཅེ་སྤྱང་ཝ་སྐྱེས་མིང༌། །གྲོང་སྤྲེའུ་ཁྲ…

གང་ཟག་ཤེད་བུ་མ་ནུའི་བུ། །རྐང་གཉིས་ཤེས་ལྡན་མི་སྤྱིའི་མིང༌། །སྐྱེ་རྒྱལ་ལྔ་སྐྱེས་བགྲོད་བྱེད་དང༌། །ཁུ་བའི་བདག་ཉིད་སྐྱེས་པའི་མིང༌། །སྐྱེ་དམན་སྟོབས་མེད་འཆིང་བྱེད་མ། །གཡོན་མ་བགྲོད་བྱ་བུད་མེད་མིང༌། །ཡན་ལག་མཆོག་མ་གླང་ཆེན་འགྲོས། །ལུས་ཕྲ་སྒེག་མོ་སྐེད་མེད་མ། །རི་དྭགས་མིག་ཅན་མཛེས་མའི་མིང༌། །མཆིས་འབྲང་ཆུང་མ་ཁྱིམ་…

བརླ་སྐྱེས་ཇོ་བོ་རྗེའུ་རིགས་ཏེ། །འཚོ་ཚིས་འཇུག་བྱེད་སོ་ནམ་མིང༌། །འབྲུ་སྐྱེས་ས་རྨོས་ཞིང་པ་སྟེ། །རྨོ་བྱེད་ས་འཇོམས་ཐོང་གཤོལ་མིང༌། །གཤོལ་མདའ་གཉའ་ཕུར་གཉའ་ཤིང་སྟེ། །འཇོར་དང་རྐོ་བྱེད་ཏོག་ཙེའི་མིང༌། །གཅོད་བྱེད་རྔ་བྱེད་ཟོར་བ་སྟེ། །བཙུགས་སྐྲུན་བསྐྱེད་གདབ་བཏབ་པའི་མིང༌། །འབྲུ་དཀར་པ་ཏ་ལ་འབྲས་སྟེ། །ཆུ་མ་རྩི་དཀར་ནས་…