དེ་ལྟར་དོན་དམ་པའི་སྐུ་ལ་[འགོག་བདེན་དོན་དམ་གྱི་]སྟོབས་བཅུ་དང་མི་འཇིགས་པ་བཞི་དང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དེ། བྲལ་བའི་ཡོན་ཏན་སུམ་ཅུ་རྩ་གཉིས་ཚང་བར་[རྒྱུད་བླ་མ་ལ་སོགས་པར་]གསུངས་པ་ནི་ཡོན་ཏན་གྱི་གཙོ་བོ་བསྡུས་པ་ཡིན་གྱི་རྒྱས་པར་ནི་[དྲི་མེད་འོད་ལ་སོགས་པར་]ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཞེས་པ་དང…

ཀུན་རྫོབ་གཟུགས་ཀྱི་སྐུ་ལ་རྣམ་པར་སྨིན་པའི་ཡོན་ཏན་མཚན་སུམ་ཅུ་རྩ་གཉིས་ཞེས་[རྒྱུད་བླ་མ་ལ་སོགས་པར་]གང་གསུངས་པ་དེ་ཡང་གཙོ་བོ་བསྡུས་པ་སྟེ་རྒྱས་པར་ནི་དཔེ་བྱད་བརྒྱད་ཅུ་དང༌། རི་མོའི་རྗེས་ཀྱི་མཚན་བརྒྱད་ཅུ་ལ་སོགས་པ་རྣམ་པ་དུ་མར་གསུངས་སོ། །དེ་ཡང་མདོ་སྡེའི་རྒྱན་དུ། ལོངས་སྤྱོད་རྫོགས་པ[འི་སྐུ་ནི་འཇིག་རྟེན་གྱི་]ཁམས་ཀུ…

གལ་ཏེ་སངས་རྒྱས་གཅིག་ཡིན་ནམ་མང་པོ་ཡིན་ཞེ་ན། གཅིག་ཀྱང་མ་ཡིན་ལ་མང་པོ་ཡང་མ་ཡིན་ནོ། །དེའི་དགོངས་པ་ཇི་ལྟར་བལྟ་ཞེ་ན། གཟུགས་སྐུ་གཅིག་མ་ཡིན་ཏེ། སྔོན་གྱི་ལུས་རྗེས་འབྲངས་པའི་སྐུ་ཐོབ་པ་ཤིན་ཏུ་མང་བའི་ཕྱིར་རོ། །ཆོས་སྐུ་མང་པོ་མ་ཡིན་ཏེ་འདུས་བྱས་ཀྱི་ལུས་མེད་ཅིང་ཆོས་དབྱིངས་རོ་གཅིག་པའི་ཕྱིར་རོ། །དེ་ཡང༌། དབུ་མ་ཆེན་པོ་མ…

དེ་བཞིན་དུ་[གཤིས་ཀྱི་]གནས་ལུགས་ལ་རྣམ་གཅོད་མེད་དགག་ཙམ་མ་གཏོགས་པ་ཡོངས་གཅོད་སྒྲུབ་པའི་ཆོས་དང་མ་ཡིན་དགག་ཏུ་གྲུབ་པ་ཅུང་ཟད་ཀྱང་མེད་དོ། །ཞེས་འདོད་པ་རྣམས་ཀྱང་ཤིན་ཏུ་འཁྲུལ་ཏེ། གནས་ལུགས་ཟབ་མོ་ལ་སྐྱོན་ཐམས་ཅད་རང་བཞིན་གྱིས་མེད་ཅིང་མ་གྲུབ་པས་རྣམ་གཅོད་དང་དགག་པ་དང་སྤངས་པ་རང་བཞིན་པ་ཚང་ཞིང༌། དེ་དག་གི་གཞི་ལ་ཆོས་ཉིད་ཀྱ…

གལ་ཏེ་མྱང་འདས་ཆེན་པོ་གནས་ལུགས་ལ་གྲུབ་ན་མྱང་འདས་བརྟག་པའི་རབ་བྱེད་ལ་སོགས་པར། མྱང་འདས་བདེན་པར་འདོད་པ་སུན་ཕྱུང་བ་མ་ཡིན་ནམ་ཞེ་ན། དེའི་དགོངས་པ་ལ་ཡང་ཤིན་ཏུ་མཁས་དགོས་ཏེ། རྩ་བ་ཤེས་རབ་ཏུ། གང་ཞིག་[གཉེན་པོས་སྤང་བྱ་]སྤོང་དང་འགགས་པ་ལས། །མྱ་ངན་འདའ་བར་འགྱུར་བར་འདོད[པ་ཀུན་རྫོབ་ཀྱི་མྱང་འདས་གཤིས་ལ་མ་གྲུབ་ཅིང༌། གཤིས་ཀྱ…

དེ་བཞིན་དུ་སྲིད་མེད་སྲིད་པ་དང༌། སྲིད་གསུམ་གཅིག་པ་ལ་སོགས་པ་འགལ་འདུས་སྐྱོན་མེད་མང་དུ་གསུངས་པ་རྣམས་ཀྱི་དགོངས་པ་ཡང༌། མྱང་འདས་ཆེན་པོར། [གཤིས་ཀྱི་]དེ་བཞིན་གཤེགས་པའི་སྐུ་ནི་[འདུས་བྱས་ཀྱི་]སྐུ་མ་ཡིན་པའི་[ཆོས་]སྐུ་མི་སྐྱེ་མི་འགོག་པ[འི་འགོག་བདེན་]ཞེས་དང༌། [ཀུན་རྫོབ་ཀྱི་]སེམས་དང་བྲལ་བ་[དོན་དམ་གྱི་]སེམས་དང་བྲལ་…

དེ་ལྟར་མཐོང་ན་ཡང་དགོངས་པ་ཆེན་པོའི་དོན་མཐོང་བ་ཡིན་ཞིང༌། བརྩེ་དང་སྙན་པར་སྨྲ་བ་དང༌། །[བློ་]བརྟན་པ་ཉིད་དང་[སྦྱིན་པ་ལ་]ལག་བརྐྱང་ཉིད། །དགོངས་པ་ཟབ་མོ་ངེས་འགྲེལ་པ། ། འདི་དག་བློ་ལྡན་རྣམས་ཀྱི་རྟགས། །ཞེས་བྱང་ཆུབ་སེམས་དཔའི་རྟགས་ལྔ་[རྒྱལ་བ་བྱམས་པས་]གསུངས་པ་ལས་ཀྱང་འདི་ལྔ་པ་དང་མཐུན་པ་ཡིན་ནོ། །

དེ་ལྟར་བདེན་པ་གཉིས་ཀྱིས་བསྡུས་པའི་སྐུ་གསུམ་ནི། གསེར་འོད་དམ་པའི་མདོར་ཡང༌། རིགས་ཀྱི་བུ་སངས་རྒྱས་ཐམས་ཅད་ཀྱི་སྤྲུལ་པའི་སྐུ་ནི་སངས་རྒྱས་ཐམས་ཅད་དང་སྤྱོད་པ་མཐུན་པའོ། །ལོངས་སྤྱོད་རྫོགས་པའི་སྐུ་ནི་སངས་རྒྱས་ཐམས་ཅད་དང་དགོངས་པ་མཐུན་པའོ། །ཆོས་ཀྱི་སྐུ་ནི་སངས་རྒྱས་ཐམས་ཅད་དང་སྐུ་མཐུན་པའོ། །ཞེས་དང༌། རིགས་ཀྱི་བུ་སྤྲུ…

བྱང་ཆུབ་སེམས་དཔའི་ས་ལས་རྣམ་གྲངས་གཞན་ཡང་སངས་རྒྱས་ཀྱི་ཆོས་མ་འདྲེས་པ་བརྒྱ་བཞི་བཅུ་དང༌། དེ་བཞིན་གཤེགས་པའི་ཉོན་མོངས་པ་མེད་པ་དང༌། སྨོན་ནས་མཁྱེན་པ་དང༌། སོ་སོ་ཡང་དག་པར་རིག་པ་གང་ཡིན་པ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅེས་བྱའོ། །དེ་ལ་སངས་རྒྱས་ཀྱི་ཆོས་བརྒྱ་བཞི་བཅུ་ནི་འདི་དག་ཡིན་ཏེ། སྐྱེས་བུ་ཆེན་པོའི…

དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱའི་མདོར་ཡང༌། འཇམ་དཔལ་འདི་ལྟ་སྟེ། [རྟག་པ་མཐའ་བཟུང་]དཔེར་[བྱས་ནས་དོན་རླབས་པོ་ཆེ་སེམས་ཅན་གྱི་བློ་ལས་འདས་པ་བསྟན་]ན་མཚོ་དཔག་ཚད་འབུམ་ཕྲག་ལྔ་པ་བྱ་རོག་གིས་བཏུང་ཏུ་རུང་བར་མུ་དང་ཁ་ད་ཆོད་དུ་གྱུར་པ། པད་མའི་འདབ་མས་གཡོགས་པ་ཞིག་ཡོད་[པའི་དབང་དུ་བྱས་]ལ། དེ་ལ་སྐྱེས་བུ་ལ་ལ་ཞིག་ག…

དེ་ལྟར་དེ་བཞིན་གཤེགས་པ་ལ་རྟོག་པ་དང་རྩོལ་བ་མི་མངའ་བཞིན་དུ་གཞན་ལ་ཕན་པ་སྣ་ཚོགས་རྒྱུན་མི་འཆད་པར་ཕྱོགས་དུས་རབ་འབྱམས་ཀུན་ཏུ་ལྷུན་གྱིས་གྲུབ་པར་འཇུག་པའི་འཕྲིན་ལས་མངའ་སྟེ། དེ་ཡང་རྒྱུད་བླ་མར། གདུལ་བྱའི་ཁམས་[གང་ཞིག་]དང་[དེ་]འདུལ་བའི་ཐབས་[མང་པོ་གང་དག་]དང་ནི། །གདུལ་བྱའི་ཁམས་ཀྱིས་གདུལ་བའི་བྱ་བ་[མང་པོ་]དང༌། །དེ་ཡི…

འདི་ན་འཇིག་རྟེན་ཕྱོགས་ཕྱོགས་[སུ་]རྒྱལ་བའི་ལེགས་བཤད་པས། །དགེ་བ་[བསགས་ནས་]འཕེལ་བའི་འཇིག་རྟེན་[རྣམས་ནི་རྣམ་པར་གྲོལ་ནས་]རྣམ་དག་མཆོག་ཏུ་འགྲོ། །དགེ་བ་མ་བསགས་[པ་རྣམས་ནི་]དགེ་བ་འཕེལ་བའི་མཆོག་ཏུ་འགྲོ། །དེ་ལྟར་མ་སྨིན་[པ་རྣམས་ནི་]སྨིན་པ་[དང་སྨིན་པ་རྣམས་ནི་གྲོལ་བར་]རྟག་[ཏུ་]འགྲོའང་[འཇིག་རྟེན་མཐའ་ཡས་པའི་ཕྱིར་སེམ…

རྒྱུད་བླ་མར་ཡང༌། ཇི་ལྟར་བཻཌཱུར་[ཡ་]དག་པ་ཡི། །རང་བཞིན་[དུ་]ས་སྟེང་འདིར་འགྱུར་ཏེ། །གང་ཕྱིར་ལྷ་ཡི་དབང་པོ་དེར།།ལྷ་ཡི་བུ་མོའི་ཚོགས་དང་བཅས། །རྣམ་པར་རྒྱལ་བའི་ཁང་བཟང་དང༌། །ལྷ་གནས་དེ་ལས་གཞན་དག་དང༌། དེ་ཡི་གཞལ་ཡས་[ཁང་]སྣ་ཚོགས་དང༌། །ལྷ་རྫས་རྣམས་མང་[གི་གཟུགས་བརྙན་ཤར་བ་]དེ་མཐོང་ངོ༌། །དེ་ནས་སྐྱེས་པ་བུད་མེད་ཚོགས། །…

དེ་ལྟར་ཆེས་ཤིན་ཏུ་ངོ་མཚར་རྨད་དུ་གྱུར་པའི་སྐུ་དང་ཡེ་ཤེས་དང་ཡོན་ཏན་དང་འཕྲིན་ལས་ཕུན་སུམ་ཚོགས་ཤིང་བསམ་གྱིས་མི་ཁྱབ་པའི་བདག་ཉིད་སངས་རྒྱས་ཀྱི་ཞིང་ཁམས་ལ་ཡང་བདེན་གཉིས་རྣམ་དབྱེ་ཤེས་དགོས་ལ། དོན་དམ་པའི་སངས་རྒྱས་ནི་རང་བཞིན་ལྷན་སྐྱེས་ཀྱི་བདེ་བ་ཆེན་པོ་ཝཾ་ཡིག་ཡིན་པས་དེའི་ཞིང་ཁམས་ཨེ་ཡིག་ཆོས་འབྱུང་རྣམ་པ་ཐམས་ཅད་པའི་སྟ…

གལ་ཏེ་གཞི་འབྲས་ངོ་བོ་དབྱེར་མེད་ཡིན་ན་ལམ་གྱིས་ཅི་ཞིག་བྱ་ཞེ་ན། འདིར་གཞི་འབྲས་ངོ་བོ་དབྱེར་མེད་ཅེས་པ་ཡང༌། དོན་དམ་ཆོས་སྐུའི་དབང་དུ་བྱས་ཀྱི། ཀུན་རྫོབ་གཟུགས་སྐུ་ཡི་[དབང་དུ་བྱས་པ་]ནི་མ་ཡིན་ལ། ལམ་མི་དགོས་པ་ཡང་མ་ཡིན་ཏེ། མཉམ་བཞག་རྣམ་པར་མི་རྟོག་པའི་ཤེས་རབ་གང་ཡིན་པ་ཡེ་ཤེས་ཀྱི་ཚོགས་ཀྱིས་ཆོས་སྐུ་གདོད་ནས་བཞུགས་པའི་…

གསེར་འོད་དམ་པའི་མདོར་ཡང༌། རིགས་ཀྱི་བུ་དཔེར་ན་གང་ལ་ལ་ཞིག་གསེར་འདོད་དེ། གནས་ཀུན་ཏུ་བཙལ་བ་ལས་གསེར་གྱི་སྦྲམ་བུ་[རྡོ་དང་འདྲེས་པ་]རྙེད་ནས་སྦྲམ་བུ་དེ་ཞིབ་ཏུ་བཏགས་ཏེ་སྙིང་པོ་བཞུ་ཞིང་སྦྱངས་ནས་རྣམ་པར་བྱང་བར་གྱུར་པ་དང༌། གསེར་དེ་གདུ་བུ་ལ་སོགས་པ་རྒྱན་རྣམ་པ་སྣ་ཚོགས་ཡིད་བཞིན་དུ་བསྒྱུར་ཏེ་སྤྱད་ཀྱང་གསེར་གྱི་རང་བཞིན་…

དྲི་མ་ཟད་པས་ཆོས་སྐུ་འཐོབ་པ་ལ་ཡང་ངེས་པར་དབུགས་འགག་དགོས་པར་ནི་གསང་སྔགས་ཟབ་མོ་རྣམས་ལས་གསུངས་ཏེ། ཡེ་ཤེས་ལེའུར། [ལམ་བདེན་ཟབ་མོ་བསྒོམས་པས་]སྲོག་དང་ཐུར་སེལ་འགགས་པར་གྱུར་ན་རི་བོང་འཛིན་པ་[ཧཾ་ཡིག་ཞུ་ནས་]བསྐྱོད་པ[ར་བྱེད་པའི་]ཉི་མ[ཤེས་རབ་མ]འི་གཟུགས་སུ་རབ་ཏུ་[གསལ་བར་]འགྱུར། །རྡོ་རྗེ་[བདེ་བ་ཆེན་པོ་]པད་མ[སྟོང་གཟུག…

དེ་ལྟར་དབུགས་རྣམས་འགགས་པས་གློ་བུར་དྲི་མ་རྣམས་འགགས་ཀྱང་དོན་དམ་བདེ་གཤེགས་སྙིང་པོ་འགག་པ་མ་ཡིན་ཏེ། མཐར་ཐུག་གི་གནས་གྱུར་ཐོབ་པའི་ཕྱིར་རོ། །[མཐར་ཐུག་གི་གནས་གྱུར་]དེ་ནི་ངོ་བོ་མི་འགྱུར་ལ་གློ་བུར་དྲི་མ་མི་སྣང་བར་གྱུར་ཅིང༌། དེ་བཞིན་ཉིད་འབའ་ཞིག་སྣང་བར་གྱུར་པ་ལ་གསུངས་ཏེ། མདོ་སྡེའི་རྒྱན་རྩ་འགྲེལ་དུ། དོན་མེད་པ་དང་…

དེ་བཞིན་དུ་ལྗོན་ཤིང་རྙིངས་པ་དང༌། མར་མེ་ཟད་པ་དང༌། ལྕགས་གྲངས་པ་དང༌། ཟླ་བའི་དཀྱིལ་འཁོར་ལ་སོགས་པ་དཔེར་མཛད་ནས། གློ་བུར་དྲི་མ་ཟད་ཀྱང་བདེ་གཤེགས་སྙིང་པོ་མི་ཟད་པར་གསུངས་པ་རྣམས་ལ་ཡང༌། སྐད་ཅིག་ལས་འདས་མ་འདས་མི་མཚུངས་པའི་ཕྱིར། དེའི་ཆ་ནས་དཔེར་མི་སྦྱོར་ཡང༌། མཚུངས་པའི་ཆོས་གཞན་ཡོད་པའི་ཆ་དེ་དཔེར་སྦྱོར་བ་ཡིན་ནོ། །དེ་ཡ…

དེ་དག་ལས་ཀྱང་ནམ་མཁའི་དཔེ་ནི་སྐད་ཅིག་ལས་འདས་པ་དང་ཆ་མེད་ཀུན་འགྲོ་ཀུན་ཁྱབ་ལ་སོགས་པས་ཁྱད་པར་དུ་འཕགས་ཏེ། རྔ་བོ་ཆེའི་མདོར། ནམ་མཁའ་ལ་བརྟེན་པའི་ཁང་བའམ་རི་གང་དང་གང་ཡིན་པ་ཞིག་ཀྱང་ནམ་མཁའ་ནི་མི་འཇིག་པ་ལྟར། མྱ་ངན་ལས་འདས་པའི་དབྱིངས་ཀྱིས་འགྲོ་བ་ཐམས་ཅད་ལ་ཁྱབ་པ་ཡང་དེ་དང་འདྲའོ། །ཞེས་དང༌། སྔར་དྲངས་པ། ཇི་ལྟར་བུམ་པ་ཞིག་…