འདིར་དོན་དམ་གྱི་རྒྱལ་སྲས་ལ་སོགས་པ་དགེ་འདུན་དཀོན་མཆོག་ཏུ་སྣང་བ་རྣམས་ཀྱང་སངས་རྒྱས་དངོས་ཡིན་ཞིང་དོན་དམ་གྱི་དཀོན་མཆོག་གསུམ་ག་ངོ་བོ་གཅིག་པ་ཉིད་དུ་རྟོགས་དགོས་སོ། །འདི་དག་ལ་དགོངས་ནས་ལྷག་པའི་བསམ་པ་བསྟན་པའི་ལེའུར། ཀུན་དགའ་བོ་[མཐར་ཐུག་དོན་དམ་གྱི་]དེ་བཞིན་གཤེགས་པ་ནི་བསྟན་དུ་མེད་པ་སྟེ། དེ་ནི་མིག་གིས་བལྟ་བར་མི་ན…

གཞན་ཡང༌། དེ་བཞིན་གཤེགས་པའི་སྙིང་པོའི་མདོ་ལ་སོགས་པའི་དོན་བསྡུས་ནས། རྒྱུད་བླ་མར་གསུངས་པ། སངས་རྒྱས་[ཀྱི་སྐུ་]པད་ངན་[གྱི་སྦུབས་ན་གནས་པ་དང་]སྦྲང་རྩི་སྦྲང་མ་[མང་པོའི་ཁོངས་]ལ[གནས་པ་དང་]། །སྦུན་[པ་]ལ་[འབྲས་བུའི་]སྙིང་པོ་[གནས་པ་དང་]མི་གཙང་[བའི་འདམ་གྱི་]ནང་ན་གསེར[གྱི་གོང་བུ་གནས་པ་དང་]། །ས་ལ་གཏེར་[གནས་པ་]དང་མྱ…

དབུ་མ་ཆེན་པོ་རྒྱུད་བླ་མའི་འགྲེལ་པར་ཡང༌། [རང་བཞིན་གྱིས་]ཡོངས་སུ་དག་པའི་རིགས་[གང་ཡིན་པ་]དེ་བཞིན་གཤེགས་པའི་ཁམས་[ཏེ་དབྱིངས་]འདི་ཉིད་ལ་དགོངས་ནས། ཇི་ལྟར་[གསེར་ཡོད་པའི་]རྡོ་ཡི་ཕྱེ་མ་ལ། །ས་ལེ་སྦྲམ་ནི་མི་མཐོང་བ། །ཡོངས་སུ་སྦྱངས་པས་དེ་མཐོང་བཞིན། །འཇིག་རྟེན་ལ་ནི་[དོན་དམ་གྱི་]དེ་བཞིན་གཤེགས[པ་བཞུགས་ཀྱང་གློ་བུར་དྲ…

རིགས་དེ་ཡང་རིགས་གསུམ་དང་ལྔ་ལ་སོགས་པའི་བདག་ཉིད་ནམ་ཡང་རྒྱུན་ཆད་མེད་པ་རང་བཞིན་ཆོས་ཉིད་ཀྱི་རྒྱུད་དུ་གསུངས་ཏེ། དཔལ་འདུས་པར། [དབྱེ་བསྡུ་མང་པོ་ཅན་རང་བཞིན་གྱི་]རིགས་ནི་[རྒྱུན་མ་ཆད་པ་དོན་དམ་གྱི་]རྒྱུད་ཅེས་བྱ་བར་བཤད། །རྒྱུད་[དེ་]ནི་ཐོག་མ[འི་སངས་རྒྱས་སམ་དང་པོའི་སངས་རྒྱས་]ཞེས་བརྗོད་དེ། །[འདུས་མ་བྱས་ཡིན་པས་]མི་འ…

དེ་བཞིན་དུ་རང་བཞིན་གྱི་རིགས་དེ་ཉིད་མཐར་ཐུག་གི་སྟོང་ཉིད་སྙིང་རྗེ་དབྱེར་མེད་ཀྱི་རྒྱུད་ཀྱང་ཡིན་ཞིང༌། དེ་ཉིད་ཆོས་ཐམས་ཅད་ཀྱི་གཞིར་རྟག་ཏུ་བཞུགས་པ་ནི་རྒྱུའི་རྒྱུད་དེ་རྡོ་རྗེའི་རིགས་ཞེས་གསུངས་སོ། །དེ་ཡང་དཔལ་ཀྱེའི་རྡོ་རྗེའི་རྒྱུད་ཀྱི་དང་པོར། རྡོ་རྗེ་རིགས་ཀྱི་ལེའུར་གསུངས་པ་ཇི་སྐད་དུ། ཧེ་ཡིག་གིས་ནི་[སྟོང་གཞི་ད…

དེ་བཞིན་དུ་གཞིའམ་རིགས་ཀྱི་ངོ་བོ་དེ་བཞིན་ཉིད་ཆོས་ཀྱི་སྐུ་གང་ཡིན་པ་དེ་ཉིད་ནམ་མཁའ་ལྟར་ཆོས་ཐམས་ཅད་ལ་ཡང་ཁྱབ་པར་གསུངས་ཏེ། ཇི་སྐད་དུ། མཁའ་འགྲོ་མ་རྡོ་རྗེ་གུར་ལས། ནམ་མཁའི་ཁམས་ནི་ཇི་སྙེད་དང༌། །འཇིག་རྟེན་ཁམས་ནི་སྟོང་ཕྲག་ན། །[རང་བཞིན་འགྱུར་མེད་ཀྱི་]བདེ་ཆེན་ཕུན་ཚོགས་ཕྱག་རྒྱ་ཆེ[གང་ཡིན་པ]། །[དོན་དམ་གྱི་]སངས་རྒྱས་ན…

ཡང་དེ་ཉིད་དུ། [དྲི་མ་གློ་བུར་བས་]མ་དག་[པའི་གནས་སྐབས་དང་ལ་ལས་]མ་དག་[ལ་ལས་]དག་པ[འི་གནས་སྐབས་]དང༌།།ཤིན་ཏུ་རྣམ་དག་[གི་གནས་སྐབས་དང་གསུམ་ལ་]གོ་རིམ་བཞིན། །སེམས་ཅན་[པ་དང་]བྱང་ཆུབ་སེམས་དཔའ་དང༌། །དེ་བཞིན་གཤེགས་པ་ཞེས་བརྗོད་དོ། །ཞེས་ཆོས་སྐུའི་གནས་སྐབས་གསུམ་གསུངས་ཤིང༌། དེའི་འགྲེལ་པར་ཡང༌། མ་དག་པའི་གནས་སྐབས་སུ་ནི་…

འབུམ་པ་རྒྱ་ཆེར་བཤད་པར་ཡང༌། སེམས་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཅན་ཡིན་ནོ། །ཞེས་གཞུང་[མཆོག་ཁྱད་འཕགས་རྣམས་]ལས་འབྱུང་བས། སེམས་ཅན་ཐམས་ཅད་ནི་དེ་བཞིན་ཉིད་ཀྱི་རང་བཞིན་ཅན་ཡིན་ནོ། །དེ་བཞིན་ཉིད་དེ་ལ་ཡང་གནས་སྐབས་གསུམ་ཡོད་དེ། མ་དག་པའི་གནས་སྐབས་དང༌། [དྲི་མ་ལ་ལས་]དག་པ་དང་[ལ་ལས་]མ་དག་པའི་གནས་སྐབས་དང་ཤིན་ཏུ་ཡོ…

[འོད་དཔག་ཏུ་མེད་པ་]དེ་བཞིན་དུ་རང་བཞིན་གྱིས་ཡོངས་སུ་དག་པའི་རིགས་དེ་བཞིན་གཤེགས་པའི་དབྱིངས་ཉིད་ལ་དགོངས་ནས། དཔལ་གསང་བ་འདུས་པར་ཡང༌། རྣམ་སྣང་[ནི་སྟོང་གཞི་དོན་དམ་གྱི་]ཞེ་སྡང་རིགས་མཆོག་དང༌། །[དོན་དམ་གཞན་སྟོང་གི་]ང་རྒྱལ་[ནི་]རིན་ཆེན་དབང་གི་རིགས[ཡིན་ལ]། །[དོན་དམ་གཞན་སྟོང་གི་]འདོད་ཆགས་[ནི་]ཆོས་ཆེན་པོ་[འོད་དཔག་…

མྱང་འདས་ཆེན་པོར་ཡང༌། [སྟོང་གཞི་དོན་དམ་གྱི་]གཞི་འབྲས་ངོ་བོ་དབྱེར་མེད་གསུངས་པ་ཡོད་དེ། ཇི་སྐད་དུ། མོའུ་འགལ་མྱ་ངན་ལས་འདས་པ་ཞེས་བྱ་བ་ནི་[སྟོང་གཞི་དོན་དམ་གྱི་]ཚིག་གི་ཐ་སྙད་དོ། །[སྟོང་གཞི་དོན་དམ་གྱི་]རྐང་པའི་རྗེས་སོ། །མཐར་ཕྱིན་པའི་གནས་[ཏེ་ཡང་དག་མཐའ་ལ་རྣམ་པར་གནས་]སོ། །འཇིགས་པ་མེད་པའོ། །[སྟོང་གཞི་དོན་དམ་གྱི་…

དེ་བཞིན་དུ་ལང་ཀར་གཤེགས་པར་ཡང༌། བློ་གྲོས་ཆེན་པོ་དེ་ལ་[འགྱུར་མེད་]ཡོངས་སུ་གྲུབ་པའི་རང་བཞིན་གང་ཞེ་ན་འདི་ལྟ་སྟེ། མཚན་མ་དང་མིང་དང་དངོས་པོའི་མཚན་ཉིད་[ཅན་]རྣམ་པར་རྟོག་པ་དང་བྲལ་བའི་[གཞིར་གྱུར་པ་]དེ་བཞིན་ཉིད་[འོད་གསལ་བ་རྣམ་ཤེས་ཀྱི་སྤྱོད་ཡུལ་མ་ཡིན་ཞིང་]འཕགས་པའི་ཡེ་ཤེས་[ཀྱིས་]རྟོགས་པ་ཐོབ་པས། འཕགས་པ་སོ་སོ་རང་གི…

དེ་ལྟར་ཆོས་ཐམས་ཅད་ཀྱི་གཞིར་གྱུར་པའི་ཆོས་ཀྱི་དབྱིངས་འདི་ཉིད་ཆོས་ཀྱི་སྐུར་ཡང་གསུངས་ཏེ། ཇི་སྐད་དུ། འགྲིབ་པ་མེད་པ་དང་འཕེལ་བ་མེད་པ་[ཆོས་]ཉིད་བསྟན་པའི་མདོ་ལས། ཤཱ་རིའི་བུ་དོན་དམ་པ་ནི་[སངས་རྒྱས་ཀྱི་བཀའ་ལ་]དད་པས་རྟོགས་པར་བྱ་བ་ཡིན་ནོ། །ཤཱ་རིའི་བུ་དོན་དམ་པ་ཞེས་བྱ་བ་འདི་ནི་སེམས་ཅན་གྱི་ཁམས་[ཏེ་དབྱིངས་]ཀྱི་ཚིག་བླ…

གལ་ཏེ་གཞན་དག་བདེ་གཤེགས་སྙིང་པོ་ངེས་དོན་དུ་འདོད་ཀྱང་དབུ་མ་པའི་ལུགས་ལ་མི་འདོད་དོ་ཞེ་ན། འཕགས་པ་ཀླུ་སྒྲུབ་ཞབས་ཀྱི་ཞལ་སྔ་ནས་ནི་བཞེད་དེ། ཇི་སྐད་དུ། ཆོས་ཀྱི་དབྱིངས་ལ་བསྟོད་པར། གང་ཞིག་ཀུན་ཏུ་མ་ཤེས་ན། །སྲིད་པ་གསུམ་དུ་རྣམ་འཁོར་བ། །སེམས་ཅན་ཀུན་ལ་ངེས་གནས་པ། །ཆོས་ཀྱི་དབྱིངས་[དོན་དམ་གཞན་སྟོང་]ལ་ཕྱག་འཚལ་འདུད། །གང་…

གལ་ཏེ་རྒྱུད་བླ་མར། སྤྲིན་དང་རྨི་ལམ་རྒྱུ་བཞིན་[འཁོར་ལོ་བར་པ་]དེ་དང་དེར། །ཤེས་བྱ་ཐམས་ཅད་རྣམ་ཀུན་སྟོང་པ་ཞེས། །གསུངས་ནས་ཡང་[འཁོར་ལོ་ཐ་མ་]འདིར་རྒྱལ་[བ་]རྣམས་སེམས་ཅན་ལ། །སངས་རྒྱས་སྙིང་པོ་ཡོད་ཅེས་ཅི་སྟེ་གསུང་[སྙམ་ན]། །སེམས་ཞུམ་སེམས་ཅན་དམན་ལ་བརྙས་པ་དང༌། །ཡང་དག་མི་འཛིན་ཡང་དག་ཆོས་ལ་སྐུར། །བདག་ཆགས་ལྷག་པའི་སྐྱོ…

དེའི་ཕྱིར་དེ་ལྟར་དོན་ལ་གནས་པའི་བདེ་གཤེགས་སྙིང་པོ་དེ་བཞིན་ཉིད་ཀྱི་དབྱིངས་གསལ་བར་བསྟན་པས། ཉེས་པ་ཆེན་པོ་ལྔ་སྤོང་ཞིང་ཡོན་ཏན་ཆེན་པོ་ལྔ་འཐོབ་པའི་དགོས་པ་ཡོད་པ་དེ་བཞིན་དུ། བདག་མེད་པས་འཇིགས་པ་སྤང་བའི་དགོས་པ་ཡང་ཡོད་དོ། །དེ་ལ་སྟོང་པ་ཉིད་དང་ཡང་དག་པའི་མཐའ་དང་མྱ་ངན་ལས་འདས་པ་དང་མ་སྐྱེས་པ་དང༌། མཚན་མ་མེད་པ་དང༌། བདག་…

གལ་ཏེ་བདེ་གཤེགས་སྙིང་པོ་དོན་ལ་མེད་ན་ལང་ཀར་གཤེགས་པ་ཉིད་ལས། དེ་བཞིན་གཤེགས་པའི་སྙིང་པོ་སངས་རྒྱས་ཀྱི་ས་ལ་ནང་དུ་སྙོམས་པར་ཞུགས་པ་ལ་གནས་ཤིང་སངས་རྒྱས་ཀྱི་བློས་ནམ་མཁའ་དང༌། ནང་ནས་[དོན་དམ་གྱི་]སྒྲ་ཐོས་པ། ལང་ཀའི་བདག་པོ་ལེགས་སོ་ལེགས་སོ། །ཡང་ལང་ཀའི་བདག་པོ་ཁྱོད་ནི་ལེགས་སོ། །ཇི་ལྟར་ཁྱོད་སློབ་པ་དེ་ལྟར་རྣལ་འབྱོར་ཅན་ར…

གལ་ཏེ་བདག་གི་དབྱིངས་དང་བདག་ཆེན་པོ་དང་དག་པའི་བདག་ལ་སོགས་པ་རང་གཏན་ནས་མི་སྲིད་དེ། བདག་གང་ཡང་མི་སྲིད་པའི་ཕྱིར་རོ་ཞེ་ན། དེ་ལྟ་ན་ནི་དེ་བཞིན་ཉིད་བདག་དག་པའི་བདག་ཀྱང་མི་སྲིད་པར་འགྱུར་ཞིང༌། དེ་བཞིན་དུ། རྡོ་རྗེ་ལས་སྐྱེས་རྡོ་རྗེའི་བདག་དང༌། །གཅིག་པུ་སྲ་མཁྲེགས་རྡོ་རྗེའི་བདག་དང༌། ཤེས་དང་ཤེས་བྱའི་བདག་པོ་མཆོག་དང༌། མ…

སྔར་བདག་མེད་གསུངས་པ་དང་འགལ་བར་སྣང་ཡང་སྐྱོན་མེད་པར་གསུངས་ཏེ། མྱང་འདས་ཆེན་པོར། རིགས་ཀྱི་བུ་གཞན་ཡང་སྔོན་ཝཱ་རཱ་ཎ་སཱིར་ཆོས་ཀྱི་འཁོར་ལོ་བསྐོར་བ་ན་[ཀུན་རྫོབ་གློ་བུར་དྲི་མ་ལ་དགོངས་ནས་]མི་རྟག་པ་དང་སྡུག་བསྔལ་བ་དང་སྟོང་པ་དང་བདག་མེད་པ་བསྟན་ཏོ། །ད་རྩྭ་མཆོག་གི་གྲོང་ཁྱེར་འདིར་ཆོས་ཀྱི་འཁོར་ལོ་བསྐོར་བ་ན་[དོན་དམ་བདེ་…

དེ་བཞིན་དུ་ཕྱག་རྒྱ་ཆེན་པོ་ཐིག་ལེའི་རྒྱུད་དུ་ཡང༌། [ཆོས་ཉིད་ཡོངས་གྲུབ་ཀྱི་]བདག་ནི་དངོས་པོ་ཐམས་ཅད་ལ། །ཁྱབ་པར་དེ་ནི་ཡོད་པ་སྟེ། །[ཆོས་ཉིད་ཡོངས་གྲུབ་ཀྱི་]བདག་ནི་མེད་ན་འགྲོ་བ་ཀུན[ལ་སྲོག་ཆེན་པོ་མེད་པར་འགྱུར་བས]། །ཇི་ལྟར་རྩ་བཅད་ཤིང་བཞིན་ནོ། །ཞེས་དང༌། དཔལ་རྡོ་རྗེ་ཕྲེང་བ་མངོན་པར་བརྗོད་པ་རྒྱུད་ཐམས་ཅད་ཀྱི་སྙིང་པ…

དེ་བཞིན་དུ། ཡུམ་ཆེན་མོ་ལས་ཀྱང༌། སྐྱེ་བ་མེད་པའི་དབྱིངས་དང༌། ཆོས་ཀྱི་དབྱིངས་དང༌། བསམ་གྱིས་མི་ཁྱབ་པའི་དབྱིངས་དང༌། བདག་གི་དབྱིངས་དང༌། ཤེས་རབ་ཀྱི་ཕ་རོལ་ཏུ་ཕྱིན་པའི་དབྱིངས་རྣམས་ཐ་དད་མེད་པར་གསུངས་ཤིང༌། བདག་རྣམ་པར་དག་པ་དང་སེམས་ཅན་རྣམ་པར་དག་པ་ནས་མཐོང་བ་པོའི་བར་དུ་རྣམ་པར་དག་པར་གསུངས་པ་ཡང༌། རྣམ་པར་དག་པའི་བདག་ད…