༄༅། །རྗེ་ལྔ་པའི་ལུང་བསྟན་ལས་འཕྲོས་པའི་བརྡ་སྦྱོར་རང་ཁྲོལ་མ་ཞེས་བྱ་བ་བཞུགས་སོ། །རྗེ་དེ་བཞིན་གཤེགས་པའི་ལུང་བསྟན་ལ། །ཀར་དགོན་རྣམས་ཀྱི་ཨར་གཏད་བདེན་འཛིན་གྱི་ཆོས་སྐྱོང་མགོན་པོ་བསྒྲུབ་པས་རང་གཤེད་རང་ལ་འབབ་པའི་ལུང་བསྟན། ཀརྨ་ཡི་དགོན་པའི་ནང་ནས་ནི། །མགོན་པོ་ཞེས་པའི་སྲུང་སྐྱོབ་ཀྱིས། །ཕ་རྡོ་རྗེ་འཆང་ནས་བརྒྱུད་པ་ཡི།…

བདེ་ཆེན་གྱི་ཞིང་དེར་ཕྱིན་པར་ཤོག །སྦས་གནས་ཀྱི་སྒོ་མོ་འབྱེད་པར་ཤོག །སྒྲུབ་ཚུགས་དེ་ནམ་ཡང་ཟིན་པར་ཤོག །འདུས་བྱས་ཀྱི་ཕུང་པོ་དབྱིངས་སུ་ཡལ། །ཟག་མེད་ཀྱི་ཕུང་པོ་མངོན་དུ་འགྱུར། །ནམ་མཁའ་ལ་རི་མོ་བྲི་བར་ཤོག །ཧ་ཧ། བདུད་རྩི་དིལ་༼འཁྱིལ་༽གྱི་ཕོ་བྲང་ལ། །ཤར་ཤར་ཡིད་ལ་བྲིས་ནས་ཡོད། །ཅེས་སོ།། །།

༄༅། །དམག་འཁྲུགས་ཞི་བའི་གསོལ་འདེབས་བཞུགས་སོ། །ཆོས་རྒྱལ་རིགས་ལྡན་དུ་མའི་འགྲོ་བའི་མགོན། །འཇམ་དབྱངས་སྤྲུལ་པ་དྲག་པོའི་འཁོར་ལོ་ཅན། །གསོལ་བ་འདེབས་སོ་མཐའ་དམག་གནས་ནས་བསྐུལ། །མཐའ་དམག་དུས་འཁྲུགས་ཞི་བར་བྱིན་གྱི་རློབས། །ཞེས་རྒྱམ་རྡོ་ཏི་ཞབས་བསྐོར་བྱོན་སྐབས་གསུངས་སོ།། །།

༄༅། །རིགས་བདག་བླ་མ་རིན་པོ་ཆེ་དང་མི་འབྲལ་ཞིང་མཆོག་གི་བསྟན་པ་འཛིན་པའི་སྨོན་ལམ་རྫོགས་ལྡན་སྤྲིན་ཆེན་བཞུགས་སོ།།

༄༅། །ན་མོ་གུ་རུ་བཛྲ་དྷ་ར་ཡ། གདོད་ནས་ཆོས་ཀུན་མཐའ་བྲལ་དགོངས་ཀློང་ཟླུམ་པོར་རོ་གཅིག་བསྐྱིལ་ནའང་། སྣཚོགས་མ་འདྲེས་སྙིང་རྗེའི་རང་གདངས་བརྩེ་ཆེན་ཆུ་འཛིན་རབ་ཏུ་དཀྲིགས། །མཐའ་ཀླས་རྗེས་འགྲོ་ཐབས་མཁས་གང་འདུལ་ཐུགས་རྗེའི་གྲུ་ཆར་ཅིར་ཡང་འབེབས། །རྣམ་སྣང་རོལ་གར་ཡེ་ཤེས་སྐུ་ཅན་

འཇམ་མགོན་རྣམ་གཉིས་ཕྱག་བགྱིའོ། །མཐོང་བ་ཙམ་གྱིས་སྲིད་པའི་མུན་སེལ་འདོད་དགུའི་སྣང་བ་མཆོག་སྦྱིན་པའི། །གཤིས་ལུགས་དྲི་མེད་རིགས་ཁམས་ནོར་བུ་སྟོང་གསུམ་འབྱོར་བས་མཚོན་མིན་ཏེ། །ཡིད་དཔྱོད་མཚན་མའི་དྲི་ཡིས་མ་བསླད་རང་བཞིན་ལྷག་པར་སྐྱོང་བ་ཡི། །མཆོད་པ་འདིས་ཀྱང་ཚེ་

རབས་ཀུན་ཏུ་མི་འབྲལ་སྙིང་དབུས་རོ་གཅིག་བཞུགས། །ཡོངས་ལ་ཁྱབ་པ་ཉིད་ཀྱི་གསང་གསུམ་གཉུག་མའི་རིག་པ་ལྷུན་རྫོགས་ཆེ། །གར་ཡང་མ་བྱོན་ཆུ་ལ་བརླན་བཞིན་རང་དང་ལྷན་ཅིག་འབྲལ་མེད་ཀྱང་། །གློ་བུར་ཀུན་རྟོག་སྨག་གིས་སྒྲིབ་ལས་རང་ཞལ་མ་མཐོང་སྲིད་མཚོར་བྱིངས། །རྒྱུད་ལྔས་བསགས་ཀུན་དནས་བཟུང་སྟེ་སྟོང་ཆེན་ཀློང་བསྡོམ་དག་ཚངས་སྩོལ། །ཇི་སྙ…

ལ་འཕྱན་ཡང་སྙིང་པོའི་སྲོག་དེ་འདོར་བ་མེད། །ཆོས་སྒོ་དུ་མའི་ཐབས་མཁས་དང་བཅས་ཐུགས་རྗེའི་ཞགས་པ་རིང་བརྐྱངས་ཏེ། །དུག་མཚོར་བྱིང་བའི་ཉམས་ངའི་ལུས་ཅན་ཐར་པའི་སྐམ་སར་དབུགས་དབྱུང་མཛོད། །མཚན་མའི་ཚང་ཚིངས་འཕོ་འགྱུར་སྣང་ཀུན་ཡེ་ཤེས་མེ་ཡིས་ལྷག་མེད་བསྲེགས། །སྤྲོ་བསྡུའི་གར་རྒྱ་ཏིང་འཛིན་གཅིག་གི་མཐུ་ཡང་སྲིད་དུ་འཇུག་ལ་དབང་། །…

བསྔོན། །རིགས་བདག་བླ་མའི་གོ་འཕང་མངོན་བྱས་ཆོས་སྐུའི་རྒྱལ་སར་དབང་བསྒྱུར་ཤོག །དེ་མ་ཐོབ་ཀྱི་ཚེ་རབས་ཕྲེང་བར་གནས་ངན་ལེན་གྱི་འདམ་ལས་གྲོལ། །ཡིད་བཞིནནོར་འདྲའི་དལ་འབྱོར་རྟེན་ལ་མཚུངས་མེད་ཟུང་གིས་རྗེས་བཟུང་ནས། །གདམས་ཟབ་བདུད་རྩིས་ལུས་ཟུངས་ཡོངས་བརྟས་མཁྱེན་ནུས་བརྩེ་བའི་རྩལ་རྫོགས་ཏེ། །དད་དམ་གཙང་མས་མཆོག་གི་བསྟན་ལ་སྲི…

གདམས་ཟབ་བཅུད་བསྡུས་རིན་ཆེན་མཆོག་གྱུར་མཛོད་ལྔའི་ནོར། །འདི་ལ་འཁུ་ཞིང་ཕྱོགས་རིས་མིག་ཅན་ལོག་ལྟའི་ལུས་བསྒྲིང་གླང་ཆེན་ཚོགས། །སྡང་བས་མ་ཡིན་སྙིང་རྗེའི་ཤུགས་ཀྱིས་ཉམས་པ་སྒྲོལ་བའི་སྲུང་མར་བཅས། །ལུང་རིགས་རྡོ་རྗེས་ཕྱེ་མར་འཐག་ནས་ཡང་དག་བསྟན་ལ་འཛུད་བྱེད་ཤོག །བྱེ་བ་ཕྲག་བརྒྱའི་ཞིང་གིས་མཚོན་མིན་ནམ་མཁར་ཁྱབ་པའི་ཁམས་ཀུན་…

གཅིག་འབོད་ལགས་ན། །སྐྱེ་འཆི་བར་དོའི་གནས་སྐབས་ཀུན་ཏུ་བརྩེ་ཆེན་གཟིགས་པས་ཞལ་བསྟན་ཏེ། །མངོན་སུམ་བཞིན་དུ་སྒྲིབ་མེད་མཐོང་བའི་སྐལ་བཟང་དམ་པ་ཐོབ་གྱུར་ཅིག །སྐྱེ་རྒུ་མཐའ་དག་མཛོད་ལྔའི་བསྟན་ལ་གཅིག་ཏུ་གུས་པའི་འཆད་ཉན་གྱིས། །ནག་ཕྱོགས་ལོག་སྨྲ་གདུག་པའི་རྩུབ་འགྱུར་མིང་ཙམ་གྱུར་ཏེ་རྩདནས་ཞི། །རྣམ་པར་རྒྱལ་བའི་ཕྱོགས་མཐར་ཁྱབ…

པའི་མཐུ་ལྡན་ཤོག །ཁ་ཙམ་མ་ཡིན་སྙིང་ནས་སྨོན་པ་མཁྱེན་པའི་མེ་ལོང་དཔང་དུ་བཞུགས། །དེ་ཡི་སླད་དུ་ཡེ་ཤེས་གཟིགས་པས་དེང་འདིར་རྗེས་སུ་རབ་དགོངས་ཏེ། །བཟང་དགུའི་ལེགས་ཚོགས་རྟེན་འབྲེལ་དུས་སྨིན་དགེ་མཚན་བྱེ་བའི་མེ་ཏོག་བཅས། །བུམ་པ་བཟང་དང་དཔག་བསམ་ཤིང་བཞིན་རེ་བའི་འབྲས་རྣམས་ཐོགས་མེད་སྩོལ། །རྒྱལ་བས་ལུང་བསྟན་རྒྱལ་ཀུན་རྣམ་ཐར་…

འཁྲིགས། །རྣམ་པར་དཀར་བའི་དད་དམ་པ་ལ་སློབ་མའི་འདུ་ཚོགས་གཏེར་བཞིན་བརྡོལ། །སྡེ་བཞིའི་ཕུན་ཚོགས་བརན་སྨིན་གྲོལ་གདམས་པའི་གྲུ་ཆར་མཛད་མེད་ཀྱིས། །བཤད་སྒྲུབ་སྙིང་པོས་ས་གསུམ་ཁྱབ་སྟེ་ཡེ་ཤེས་རྒུད་པ་ཞི་གྱུར་ཅིག །ཅེས་པའང་རིགས་བདག་འཇམ་མགོན་རྣམ་གཉིས་ཀྱི་ཞལ་སློབ། མཛད་པ་གང་ཙམ་བླ་མའི་བསྟན་པ་ལ་གཅིག་ཏུ་སྨོན་པའི་སྒྲུབ་བརྒྱུད…

༄༅། །གྲྭ་བཙུན་དབང་ཕྱུག་ལ་གདམས་པའི་སེམས་ཁྲིད་བཞུགས་སོ།།

༄༅། །བླ་མ་དམ་པ་ལ་ཕྱག་འཚལ་ལོ། །འོ་ཕ་བཟང་བུ། ཚེ་འདིར་སྣང་གི་བྱ་བཞག་གང་ལ་ཡང་སྙིང་པོ་མི་འདུག མི་རྣམས་ན་ལུགས་ལ་ལྟོས་དང་། ཤི་ལུགས་ལ་ལྟོས་དང་། འཆི་སྙམ་ཡིད་ལ་མེད་པར་འདུག་རྩིས་ཀྱི་བྱ་བས། རང་མགོ་སྐོར་ལུགས་ལ་ལྟོས་དང་། རང་ཡང་ནམ་ན་འོང་ཅི་ཤེས། འཆི་བ་ད་ལྟ་ཨེ་

སླེབ་ཅི་ཤེས། ན་བ་དང་འཆི་བའི་རྐྱེན་ཐོག་ཏུ་བབ་འོང་ན་མི་འཇིགས་པའི་གདེང་ཅི་ཡོད། དེས་ན་རང་གི་རྒྱུད་ལ་བརྟག་དཔྱད་ཡང་ཡང་མཛད་དགོས། ད་རེས་ལུས་རྟེན་ཕུན་སུམ་ཚོགས་པ་འདི་འདྲ་ཐོབ་ཅིང་། ཆོས་ཟབ་མོ་དང་འཕྲད་པའི་དུས་འདིར། བསམ་བློ་གཏོང་ལུགས་ནོར་མི་ཉན། བསམ་ཚད་

ཐམས་ཅད་ཆོས་དང་མཐུན་དགོས། བྱས་ཚད་སྤྱོད་ཚད་ཐམས་ཅདནོར་མི་ཉན། བྱས་ཚད་སྤྱོད་ཚད་ཐམས་ཅད་ཆོས་དང་མ་འགལ་བ་དགོས། ཆོས་དང་མཐུན་མི་མཐུན། སྡོམ་པ་དམ་ཚིག་དང་འགལ་ཨ་ཡོད་མི་ཡོད་རང་སེམས་དཔང་པོར་བཞག་སྟེ་ཁ་ནང་དུ་ལོག་ནས་རང་གིས་ཞུ་དག་བྱེད་དགོས། གཞན་གྱིས་ཟེར་ཚད་ཐམས་ཅད་ལ་ཆ་འཇོག་མེད། ཆོས་ཤིག་སྒྲུབན་ཡང་ལྟར་སྣང་གི་རྗེས་སུ་མ་འབྲང…

ཡིན། རྐྱེན་ཐམས་ཅད་མདང་དགོང་གི་རྨི་ལམ་དང་འདྲ། བསྟོད་སྨད་ཐམས་ཅད་བྲག་ཆ་དང་མཚུངས་པས་ཕན་གནོད་གང་ཡང་། མེད། འོན་ཀྱང་དེ་ལ་བདེན་པར་བཟུང་ན། རང་ལ་ཆག་སྒོ་ཆེ་སྟེ་འཁོར་བ་དང་ངན་སོང་དུ་འཕེན་འོང་། མ་ཟད་ཚེ་འདིར་ཡང་འདུག་མི་བདེ་སེམས་ཀྱང་མི་སྐྱིད། དགེ་སྦྱོར་མི་འཕེལ། མི་འདོད་པ་ཇེ་ཆེར་འོང་ངེས་བསླུ་བ་མེད། བདེན་པར་མ་བཟུང་ན་…