འདས་ཡེ་ཤེས་ཤིག་ཡིན་ན་ལེགས་ཏེ། །མཛུབ་མོ་འཛུག་ས་དེ་ཅི་ཞིག་ཡིན་ཨང་། །ཕྱི་དོན་རྒྱང་ཆད་དུ་དགག་པ་མིན་པས། །དོན་སྨྲ་སྡེ་གཉིས་རྣམས་དགྱེས་དགྱེས་མཛོད་ཅིག །རང་བཞིན་སྟོང་ན་ཡང་མཁྱེན་ཆ་འཐད་པས། །རྣམ་རིག་སྨྲ་བ་རྣམས་དགྱེས་དགྱེས་མཛོད་ཅིག །སྤྲོས་དང་བྲལན་ཡང་སྣང་ཚུལ་བཀྲ་བས། །ཤར་གསུམ་མཁན་པོ་ཀུན་དགྱེས་དགྱེས་མཛོད་ཅིག །ཡོད་ཀ…

དགྱེས་མཛོད་ཅིག །སྤྲོས་བྲལ་ཕུ་ཐག་དེ་འདི་ནས་ཆོད་པས། །བཀའ་གདམས་གསར་མ་རྣམས་ངང་ཐུང་མ་བྱེད། །མ་བཅོས་ལྷན་སྐྱེས་དེ་འདི་ལ་ཟེར་བས། །རྟོགས་ལྡན་རྒན་པོ་རྣམས་གདར་ཤ་ཆོད་མཛོད། །ཡང་དག་རིགས་ལམ་དེ་འདི་ལ་མཛའ་བས། །བླུན་སྒོམ་ཐོས་ཉུང་རྣམས་བཤད་ལ་མ་སྐྲག །འོན་ཀྱང་གནས་ལུགས་ལ་གོམས་པ་ཆུང་རྣམས། །ཟབ་མོའི་གནད་གསང་ཞིག་མ་རྟོགས་ཡིན་ས…

ཐང་ལ་སླེབས་སོ། །འཚོལ་དགོས་མི་འདུག་སྟེ་འཚལ་མཁན་རང་ཡིན། །ཞེན་པས་མི་བསླུ་ཏེ་ཞེན་མེད་རང་གྲོལ། །སྣང་བས་མི་འགོག་ཏེ་གང་ཤར་གཉུག་མ། །རྟག་ཆད་མཐའ་བྲལ་གྱི་ཡོ་ལང་བསྐྱང་ངོ་། །ཡེ་ཤེས་མ་མཐོང་ཡང་མིང་ཙམ་ཞིག་གིས། །རིག་པ་དྲིན་ཆེན་དེ་ཡུན་རིང་སྟོར་བ། །འབྲལ་མེད་ལྷན་ཅིག་ཏུ་བཞུགས་པར་སྣང་གི། །བརྒྱུད་གསུམ་བླ་མ་དེ་བཀའ་དྲིན་ཆེའ…

གསང་ཚིག་སྨྲས་སོ། །ཞེས་པ་རིག་པ་ངོ་ཤེས་ཀྱི་གླུ་སྒྲ་སྙན་གྱི་རོལ་མོ་ཞེས་བྱ་བ་འདིའང་། ཁྱབ་བདག་འཇམ་པའི་དབྱངས་ཀུན་མཁྱེན་རྡོ་རྗེ་གཟི་བརྗིད་ཀྱིས། ལྕང་སྐྱའི་ལྟ་མགུར་གྱི་ཚིག་རིས་དང་ཅི་ནས་མཚུངས་པའི་རྙིང་མའི་ལྟ་མགུར་ཞིག་བྲིས་ཞེས་པའི་བཀའ་ལུང་སྤྱི་བོར་མཆོད་དེ་ཐེག་པ་མཆོག་ལ་ལྷག་པར་མོས་པའི་མི་ཕམ་བློ་གྲོས་དྲི་མེད་ཅེས་…

༄༅། །མི་ཕམ་འཇམ་པའི་དབྱངས་ཀྱི་རྫོགས་ཆེན་ལྟ་བའི་ཉམས་མགུར་སྒྲ་སྙན་གྱི་རོལ་མོའི་འགྲེལ་བ་ཟབ་དོན་སྣང་བའི་སྤྲིན་ཕུང་བཞུགས་སོ། །

༄༅། །ན་མོ་གུ་རུ་པདྨ་ཀ་ར་ཡེ། རིགས་ཀུན་ཁྱབ་བདག་རང་བྱུང་མཚོ་སྐྱེས་རྗེ། །པདྨ་འབྱུང་གནས་གྲགས་པའི་མགོན་དེ་དང་། །གཉིས་སུ་མ་དམིགས་དྲི་མེད་རིག་པའི་གཏེར། །འདྲེན་མཆོག་ལེགས་པའི་བློ་གྲོས་སྙིང་དབུས་རོལ། །རང་གནས་ཡེ་ཤེས་དགོངས་པའི་གསང་མཛོད་ལས། །རང་བྱུང་རྩོལ་བྲལ་སྙིང་པོ་

ལྟ་བའི་མགུར། །འདི་ཡི་ཚིག་དོན་ཅུང་ཟད་འགྲེལ་པ་ལ། །བླ་མ་ལྷག་པའི་ལྷ་ཡིས་གནང་བ་རྩོལ། །དེ་ལའང་རྗེ་བཙུན་འཇམ་པའི་རྡོ་རྗེ་ངུར་སྨྲིག་གར་གྱི་རྣམ་པར་རོལ་པ་འཇམ་པའི་དབྱངས་མི་ཕམ་རྣམ་པར་རྒྱལ་བའི་ཐུགས་ཡེ་ཤེས་ཀྱི་དགོངས་པའི་གསང་མཛོད་ལས་རང་བྱུང་རྡོ་རྗེའི་ཚིག་ཏུ་རང་ཤར་བ་རྫོགས་ཆེན་

གྱི་ལྟ་མགུར་ཟབ་མོ་འདི་ཡི་དོན་ཅུང་ཟད་འཆད་པར་བྱེད་པ་ལ། ཐོག་མཐའ་བར་དུ་དགེ་བ་གསུམ་ལས། དང་པོ་ལ། མཚན་བསྟན་པ། མཆོད་པར་བརྗོད་པ། དམ་བཅའ་བ་དང་གསུམ་ལས། དང་པོ་ནི། འོད་གསལ་རྫོགས་པ་ཆེན་པོའི་ཀ་དག་ཁྲེགས་ཆོད་ཀྱི་ལྟ་བའི་གནད་གསང་ཐུན་མོང་མ་ཡིན་པ་གབ་སྦས་མེད་པར་རྗེན་པར་སྟོན་པའི་

ཉམས་མགུར་ཟབ་མོ་སྐལ་ལྡན་གྱི་ཡིད་གསང་ལམ་དུ་འགུགས་བྱེད་གྲགས་སྟོང་སྐྱེ་བ་མེད་པའི་སྒྲ་སྙན་གྱི་རོལ་མོ་ཞེས་བྱ་བ་བཞུགས་སོ། །ཞེས་དཔེ་དོན་ཟུང་འབྲེལ་གྱི་སྒོ་ནས་མཚན་བཏགས་པའོ། །གཉིས་པ་ནི། སེམས་ཉིད་སྐྱེ་བ་མེད་པ་འོད་གསལ་ཆོས་ཀྱི་སྐུ་སྤྲོས་པའི་མཐའ་ཐམས་ཅད་དང་བྲལ་བའི་གནས་

ལུགས་དོན་གྱི་ཀུན་བཟང་ཇི་བཞིན་རྗེན་པ་རུ་ངོ་འཕྲོད་པར་བྱེད་པའི་མཚན་ལྡན་གྱི་བླ་མ་དམ་པ་བཀའ་དྲིན་འཁོར་མཐའ་མེད་པ་དེ་ཉིད་མི་ཕྱེད་སྙིང་གི་དབུས་སུ་འབྲལ་བ་མེད་པར་རྟག་པར་བཞུགས་ཤིག །ཅེས་གུས་པས་མཆོད་པར་བརྗོད་པའོ། །གསུམ་པའི། རིག་སྟོང་ཟུང་འཇུག་རང་བྱུང་རྫོགས་པ་ཆེན་པོའི་གནད་གསང་རྩོལ་བྲལ་ཆོས་ཉིད་ཀྱི་གནས་ཚུལ་དེ་གཞནནས་བ…

མ་ལ་འདབ་བརྒྱད་ཟེར་བ་བཞིན་ནོ། །གཉིས་པ་བར་དུ་དགེ་བ་གཞུང་གི་དོན་ལ། སྔོན་འགྲོ་སེམས་ཀྱི་ཁང་བུ་བཤིགས་པའི་མན་ངག་གི་གཏན་ལ་ཕབས་ཚུལ། དངོས་གཞི་རང་བྱུང་གི་རིག་པ་སྒྲིབ་མེད་མངོན་སུམ་དུ་མཐོང་ཚུལ། དེ་ཡི་ལམ་གཞན་དང་མཐུན་པ་དང་མི་མཐུན་པའི་ཚུལ་བཤད་པ། དེ་ལྟར་མཐོང་བས་བློ་བདེ་བའི་ཉི་མ་ཁོང་ནས་འཆར་ཚུལ་དང་བཞིའོ། །དང་པོ་ལ། མདོ…

འོད་གསལ་རྫོགས་པ་ཆེན་པོ་ནི་འཁོར་བ་དང་མྱ་ངན་ལས་འདས་པ་ཐམས་ཅད་ཀྱི་གཞིར་གྱུར་ཅིང་ཡིན་ལུགས་ཚུལ་བཞིན་དུ་ཤེས་ན་ལམ་དང་འབྲས་བུའི་ཡོན་ཏན་ཐམས་ཅད་རྩོལ་མེད་དུ་འབྱུང་བས་དཔེ་ཡིད་བཞིན་ནོར་བུ་དང་འདྲ་བ་དེ་ཡེ་ནས་རང་དང་ལྷན་ཅིག་སྐྱེས་པའི་ཚུལ་དུ་སྐད་ཅིག་ཙམ་ཡང་འབྲལ་མེད་དུ་འགྲོགས་པའི་དོན་ལ་སྟོར་བྲལ་མེད་ཀྱང་གནས་སྐབས་འཁྲུལ་རྟ…

དོན། སྔར་མཇལ་མ་མྱོང་བ་དེ་ད་ལྟ་དཔལ་ལྡན་བླ་མའི་དྲིན་དང་རང་གི་དཔྱད་སྟོབས་ཀྱིས་མཇལ་ལ་ཁད་དུ་སྣང་ཞེས་གསུངས་སོ། །གཉིས་པ་རྒྱས་པར་བཤད་པ་ལ། དང་པོའི་སྐབས་སུ་ལ་ཟླ་གཙོ་བོར་བྱས་ཏེ་རང་སེམས་མཐའ་བྲལ་ཙམ་ལ་ཡིད་ཀྱིས་ཐག་བཅད་ཚུལ། རེས་འགའ་ཤན་འབྱེད་ཀྱི་རིག་པ་རྩལ་སྣ་ཚོགས་སུ་འཆར་བ་འདི་ཕན་གནོད་ཆེ་སྙམ་དུ་བསམ་ཚུལ། དེ་ལས་ཅུང་གོམ…

ཐོལ་བྱུང་གི་སེམས་དང་སེམས་བྱུང་འགྱུ་དྲན་གྱི་སྣ་ཚོགས་པ་དེ་ལ་གཅིག་ཅར་དུ་བཏབ་པས། དེའི་ཚེ་ན་བྱུང་ས་བྱུང་མཁན་གནས་ས་གནས་མཁན་དབྱིབས་དང་ཁ་དོག་སོགས་གང་ཡང་མ་རྙེད་ཅིང་དེ་ཡིན་འདི་ཡིན་གྱི་ངོས་བཟུང་དང་བྲལ་བ་ཙམ་ཞིག་འདུག་པ་དེ་ཡི་ངོ་བོ་རྒྱུན་དུ་མ་བརྗེད་པར་བསྐྱང་རྒྱུ་དེ་རྫོགས་ཆེན་ཀ་དག་གི་ལྟ་བ་ཡང་དག་པ་ཨེ་ཡིན་སྙམ་མོ་ཞེས…

འཛིན་དབང་གིས་རྟེན་འབྲེལ་སྣ་ཚོགས་སྣང་། །ཇི་སྲིད་གཟུང་འཛིན་དབྱིངས་སུ་མ་ནུབ་བར། །རྒྱུ་འབྲས་ལས་ཡོད་དེ་ཡིས་སྤྲུལ་པ་སྟེ། །སེམས་ཀྱི་ལས་ཡོད་སེམས་ཀྱིས་ལས་ཀུན་བྱེད། །སེམས་ལ་སྣང་ཞིང་སེམས་ཀྱིས་བརྟག་པས་ན། །འཁྲུལ་པའི་སེམས་འདུལ་སླད་དུ་འབད་པར་མཛོད། །ཅེས་གསུངས་པ་ལྟར། གཟུང་འཛིན་ཀུན་རྟོག་གི་འཇུག་པ་ཐམས་ཅད་དབྱིངས་སུ་མ་ན…

གསུམ་གྱི་བདག་ཉིད་ཅན་དུ་བཞུགས་པས་གཟུང་འཛིན་ཐམས་ཅད་རིག་པའི་རང་རྩལ་ལས་མ་འདས་པ་དང་། ཁམས་གསུམ་བདེ་སྡུག་མཐོ་དམན་སྐྱེ་འཆི་འཕོ་འགྱུར་དུ་སྣང་བ་འདི་ཐམས་ཅད་ཀྱང་རིག་པའི་རྒྱ་མཚོ་ལྟ་བུ་ཙམ་ལས་ཤར་བའི་ཆུའི་རྦ་རླབས་ལྟ་བུ་ཡིན་པས་སྣང་སྲིད་འཁོར་འདས་ཐམས་ཅད་དོན་ལ་བཟང་ངན་མེད་པར་ཡེ་ནས་ལྷུན་མཉམ་ཁྱབ་བརྡལ་གྱི་ཀློང་ནས་ནམ་ཡང་གཡོ…

ཀྱང་མི་སྡོད་པར་གཡོ་བ་མི་དྲན་དགུ་དྲན་སེམས་འདིས་ཕན་གནོད་བྱེད་པ་འདིཁོ་ན་རང་ཆོས་ཉིད་ཟད་པའི་སར་མ་ཕྱིན་གྱི་བར་དུ་ཐུན་མོང་གི་ཆོས་སྤྱོད་དང་བསྐྱེད་རྫོགས་ཀྱི་བཟླས་བསྒོམས་སོགས་མཚན་བཅས་ཀྱི་སྤྱོད་པའི་བརྩིས་སུ་བྱས་པའི་སྒོ་ནས་བདག་འཁོར་བ་ལས་སྐྱོབ་པར་རེའོ་ཞེས་གསུངས་ཏེ། འདིནི་རྩོལ་མེད་རང་བཞག་གི་དགོངས་པས་ཡིད་མ་ཚིམ་པར་…

གདངས་ཤར་བས། །དགེ་སྡིག་རྒྱུ་འབྲས་འདས་པའི་བྱང་ཆུབ་སེམས། །མི་འགྱུར་ཆོས་ཉིད་ངང་དུ་བསྡོམ་པ་ཡིན། །ཅེས་དང་། རྒྱུ་འབྲས་བྱིས་པ་དྲངས་པའི་ཆོས་རྣམས་ཀུན། །མས་འཛེགས་སྐལ་དམན་ལམ་དུ་ཐག་བཅད་དེ། །རང་ངོའི་དགོངས་པ་ཆོས་ལས་འདས་པའི་དོན། །བྱར་མེད་ནམ་མཁའི་ཁམས་སུ་བཅིང་བར་བྱ། །བྱ་བས་བསླུས་ཏེ་འཁོར་བའི་འཁྲུལ་སྣང་ལྟོས། །རྩོལ་བས་བ…

རིས་མེད་པར་དོན་གྱི་སྙིང་པོ་ལ། །ལྟ་བ་དབང་དང་དཀྱིལ་འཁོར་བཟླས་བརྗོད་མེད། །ས་ལམ་དམ་ཚིག་སྦྱང་བགྲོད་མི་དམིགས་པས། །གཞི་བྲལ་ཡངས་པ་ཆེན་པོར་ཕྱལ་སངས་ཏེ། །ཆོས་ཉིད་བྱང་ཆུབ་སེམས་སུ་འུབ་ཆུབ་བོ། །ཞེས་དང་། རྡོ་རྗེ་གད་མོ་བཅུ་གཉིས་ལས། སྙིང་པོ་ལྟ་བ་རང་བྱུང་གི་ཡེ་ཤེས་ལ་ལྟོས་དང་། དགེ་སྡིག་དང་ལྟ་སྒོམ་ལས་འདས་པ་ངོ་མཚར་གཞི་མ…